ပလက္ဝျမဳိ႕တြင္ ကုိဗစ္လူနာအသစ္(၃)ဦးထပ္မံေတြ႔ရွိျပီး စုစုေပါင္း (၈)ဦးအထိရွိလာ

0

#Unicode

နှင်းနှင်း – ချင်းပြည်နယ်တောင်ပိုင်း၊ ပလက်ဝမြို့တွင်ကွာရန်တင်းဝင်နေသူ(၃)ဦးထံတွင် ကိုဗစ်ပိုးထပ်မံတွေ့ရှိ သောကြောင့် စုစုပေါင်းကိုဗစ်လူနာ(၈)ဦးထိရှိသွားပြီဖြစ်ကြောင်း ပလက်ဝမြို့နယ်၊ကျန်းမာရေးဦးစီး ဌာနမှ ဒေါက်တာ စိုးသက်ဝင်းကပြောသည်။

“သူတို့က ရခိုင်ပြည်နယ်ဖက်ကပြန်လာတယ်ဆိုတော့ ကွာရန်တင်းထားလိုက်တာ (၃) ရက်မြောက်နေ့ မှာ ညွှန်ကြားတဲ့အတိုင်းစစ်လိုက်တာမနေ့က (၂၉) ရက်နေ့မှာတွေ့တာပါ။ ပလက်ဝမှာကစုစုပေါင်း (၈) ယောက်ရှိသွားပြီ၊နိုဝင်ဘာ (၁၉) ရက်နေ့ကတွေ့တဲ့ကိုဗစ်လူနာ (၄) ယောက်ကတော့ဒီနေ့ဆေးရုံကနေ ဆင်းခွင့်ပြုလိုက်ပြီခုဆေးရုံမှာ (၄) ယောက်ပဲကျန်တာပေါ့ ” ဟု ဒေါက်တာ စိုးသက်ဝင်းကပြောသည်။

အဆိုပါပိုးတွေ့လူနာအသစ် (၃) ဦးမှာ ရခိုင်ပြည်နယ်၊ ကျောက်တော်မြို့နယ်၊ ဓနိတောင်ကျေးရွာတွင် နေထိုင်သူများဖြစ်ပြီး နိုဝင်ဘာ (၂၆) ရက်နေ့တွင်လည်း ကျောက်တော်ဖက်မှ ဝင်လာသောသူ တစ်ဦးထံတွင်လည်း ကိုဗစ်ပိုးထပ်မံတွေ့ရှိခဲ့သည်ဟုသိရသည်။

ပလက်ဝမြို့တွင် ပိုးတွေ့လူနာများနှင့်ကွာရန်တင်းဝင်သူများသည် မိမိနေရပ်ကိုပြန်လာသူများဖြစ်ကြပြီး အများစုမှာရခိုင်ပြည်နယ်၊ ကျောက် တော်၊ စစ်တွေမြို့နှင့် ရန်ကုန်မြို့မှပြန်လာသူများ ဖြစ်ကြသည်ဟု သိရသည်။

ပလက်ဝမြို့နယ်ပြည်သူ့ဆေးရုံ၏ နိုက်တင်ဂေးလ်ခန်းမအဆောင်တွင်ကုသမှုခံယူနေကြသောကိုဗစ်အ တည်ပြုလူနာ (၄) ဦးသည် ကျန်းမာရေးကောင်းမွန်သောကြောင့်ယနေ့မနက်ပိုင်းအချိန်တွင်ဆေးရုံမှ ဆင်းခွင့်ပြုလိုက်ပြီဖြစ်ကြောင်း ပလက်ဝမြို့နယ်၊ကျန်းမာရေးဦးစီးဌာနမှဒေါက်တာစိုးသက်ဝင်းထံ တွင်သိရှိရသည်။

ပလက်ဝမြို့တွင် ကိုဗစ်ပိုးတွေ့ရှိမှုတိုးများလာသောကြောင့် ကွာရန်တင်းစင်တာများနှင့်ကွာရန်တင်း ဝင်နေသူများအတွက်နေထိုင်၊ စားသောက်ရေးအပိုင်းတွင်အခက်အခဲရှိလာနိုင်သည့်အပြင်ပြည်သူများအနေဖြင့်ကျန်းမာရေးဌာနမှထုတ်ပြန်ချက်များကိုလိုက်နာရန်နှင့်မည်သည့်ဒေသမှပြန်လာသည်ဖြစ် စေကျန်းမာရေးဌာနကိုသတင်းပေးပို့ကြရန်လိုအပ်သည်ဟု ဆက်ပြောသည်။

လက်ရှိပလက်ဝမြို့ပြည်သူ့ဆေးရုံတွင်ကိုဗစ်ပိုးတွေ့လူနာ (၄) ဦးသည် ဆေးကုသမှုခံယူနေပြီး ကွာရန်တင်းဝင်နေသူ (၃၇) ဦးရှိသည်ဟု သိရသည်။

တပ်မတော်နှင့် ရက္ခိုင့်တပ်တော် (AA) တိုက်ပွဲကြောင့် စစ်ဘေးရှောင်ပြည်သူအမြောက်အများ ခိုလုံကြရသည့် ပလက်ဝ မြို့ပေါ်တွင် ယခုကဲ့သို့ ကိုဗစ်-၁၉ ပိုးတွေ့လူနာတိုးလာနေသည့်အတွက် ကိုဗစ်ကာကွယ်ရေးအသုံးအဆောင် လိုအပ်ချ က်မြင့်မားနေသောစစ်ဘေးရှောင်ပြည်သူများအတွင်း ကိုဗစ်ပိုးကူးစက်လာမည်ကို စိုးရိမ်နေကြရကြောင်း သိရသည်။

#Zawgyi

ခ်င္းျပည္နယ္ေတာင္ပုိင္း၊ ပလက္ဝျမဳိ႕တြင္ကြာရန္တင္းဝင္ေနသူ (၃) ဦးထံတြင္ ကုိဗစ္ပုိးထပ္မံေတြ႔ရွိ ေသာေၾကာင့္ စုစုေပါင္းကိုဗစ္လူနာ (၈) ဦးထိရွိသြားျပီျဖစ္ေၾကာင္း ပလက္ဝျမဳိ႕နယ္၊က်န္းမာေရးဦးစီး ဌာနမွ ေဒါက္တာ စုိးသက္ဝင္းကေျပာသည္။

“သူတုိ႔က ရခုိင္ျပည္နယ္ဖက္ကျပန္လာတယ္ဆုိေတာ့ ကြာရန္တင္းထားလုိက္တာ (၃) ရက္ေျမာက္ေန႔ မွာ ညႊန္ၾကားတဲ့အတုိင္းစစ္လုိက္တာမေန႔က (၂၉) ရက္ေန႔မွာေတြ႔တာပါ။ ပလက္ဝမွာကစုစုေပါင္း (၈) ေယာက္ရွိသြားျပီ၊ႏုိဝင္ဘာ(၁၉)ရက္ေန႔ကေတြ႔တဲ့ကုိဗစ္လူနာ (၄)ေယာက္ကေတာ့ဒီေန႔ေဆးရုံကေန ဆင္းခြင့္ျပဳလုိက္ျပီခုေဆးရုံမွာ (၄)ေယာက္ပဲက်န္တာေပါ့ ” ဟု ေဒါက္တာ စုိးသက္ဝင္းကေျပာသည္။

အဆုိပါပုိးေတြ႔လူနာအသစ္ (၃) ဦးမွာ ရခုိင္ျပည္နယ္၊ ေက်ာက္ေတာ္ျမဳိ႕နယ္၊ ဓနိေတာင္ေက်းရြာတြင္ ေနထုိင္သူမ်ားျဖစ္ၿပီး ႏုိဝင္ဘာ (၂၆) ရက္ေန႔တြင္လည္း ေက်ာက္ေတာ္ဖက္မွ ဝင္လာေသာသူ တစ္ဦးထံတြင္လည္း ကိုဗစ္ပုိးထပ္မံေတြ႔ရွိခဲ့သည္ဟုသိရသည္။

ပလက္ဝျမဳိ႕တြင္ ပုိးေတြ႔လူနာမ်ားႏွင့္ကြာရန္တင္းဝင္သူမ်ားသည္ မိမိေနရပ္ကုိျပန္လာသူမ်ားျဖစ္ၾကျပီး အမ်ားစုမွာရခုိင္ျပည္နယ္၊ ေက်ာက္ ေတာ္၊ စစ္ေတြျမဳိ႕ႏွင့္ ရန္ကုန္ျမဳိ႕မွျပန္လာသူမ်ား ျဖစ္ၾကသည္ဟု သိရသည္။

ပလက္ဝျမဳိ႕နယ္ျပည္သူ႔ေဆးရုံ၏ ႏုိက္တင္ေဂးလ္ခန္းမအေဆာင္တြင္ကုသမႈခံယူေနၾကေသာကုိဗစ္အ တည္ျပဳလူနာ (၄) ဦးသည္ က်န္းမာေရးေကာင္းမြန္ေသာေၾကာင့္ယေန႔မနက္ပုိင္းအခ်ိန္တြင္ေဆးရုံမွ ဆင္းခြင့္ျပဳလုိက္ျပီျဖစ္ေၾကာင္း ပလက္ဝျမဳိ႕နယ္၊က်န္းမာေရးဦးစီးဌာနမွေဒါက္တာစုိးသက္ဝင္းထံ တြင္သိရွိရသည္။   

ပလက္ဝျမဳိ႕တြင္ ကုိဗစ္ပုိးေတြ႔ရွိမႈတုိးမ်ားလာေသာေၾကာင့္ ကြာရန္တင္းစင္တာမ်ားႏွင့္ကြာရန္တင္း ဝင္ေနသူမ်ားအတြက္ေနထုိင္၊စားေသာက္ေရးအပုိင္းတြင္အခက္အခဲရွိလာႏုိင္သည့္အျပင္ျပည္သူမ်ားအေနျဖင့္က်န္းမာေရးဌာနမွထုတ္ျပန္ခ်က္မ်ားကုိလုိက္နာရန္ႏွင့္မည္သည့္ေဒသမွျပန္လာသည္ျဖစ္ ေစက်န္းမာေရးဌာနကိုသတင္းေပးပို႔ၾကရန္လုိအပ္သည္ဟု ဆက္ေျပာသည္။

လက္ရွိပလက္ဝျမဳိ႕ျပည္သူ႔ေဆးရုံတြင္ကုိဗစ္ပုိးေတြ႔လူနာ (၄) ဦးသည္ ေဆးကုသမႈခံယူေနျပီး ကြာရန္တင္းဝင္ေနသူ (၃၇) ဦးရွိသည္ဟု သိရသည္။ 

တပ္မေတာ္ႏွင့္ ရကၡိဳင့္တပ္ေတာ္ (AA) တိုက္ပြဲေၾကာင့္ စစ္ေဘးေရွာင္ျပည္သူအေျမာက္အမ်ား ခိုလံုၾကရသည့္  ပလက္၀ ၿမိဳ႕ေပၚတြင္ ယခုကဲ့သို႔ ကိုဗစ္-၁၉ ပိုးေတြ႕လူနာတိုးလာေနသည့္အတြက္ ကိုဗစ္ကာကြယ္ေရးအသံုးအေဆာင္ လိုအပ္ခ် က္ျမင့္မားေနေသာစစ္ေဘးေရွာင္ျပည္သူမ်ားအတြင္း ကိုဗစ္ပိုးကူးစက္လာမည္ကို စိုးရိမ္ေနၾကရေၾကာင္း သိရသည္။

Share.

About Author

Leave A Reply