(003PT) ချင်းပြည်နယ် ဖလမ်းမြို့နယ် စီဇာမွာလ်ကျေးရွာက အသက် ၁၀၀ ကျော်အရွယ်ရှိပြီဖြစ်သော အဖွားအိုသည် စစ်ကောင်စီတပ်ဖွဲ့၏ လက်နက်ကြီးပစ်ခတ်မှုကြောင့် ယနေ့မနက်ပိုင်းက သေဆုံးခဲ့သည်ဟု သိရသည်။ ဖလမ်းမြို့ပေါ်အခြေစိုက် စစ်ကောင်စီတပ် ခလရ ၂၆၈ တပ်ကုန်းမှ ယနေ့မနက်ပိုင်း ၂ နာရီ၀န်းကျင်ခန့်က တိုက်ပွဲဖြစ်ပွားခြင်းမရှိပဲ လက်နက်ကြီးပစ်ခတ်မှုကြောင့် ဖလမ်းမြို့အနီးရှိ စီဇာမွာလ်ကျေးရွာအတွင်း ကျရောက်ပေါက်ကွဲခဲ့ခြင်းဖြစ်သည်ဟု ဒေသခံတစ်ဦးကပြောသည်။ “ဒီမနက် ၂ နာရီဝန်းကျင်မှာ သူတို့လက်နက်ကြီးကျပြီးတော့ အဖွားအိုတစ်ယောက် သေသွားတယ်ပေါ့နော်။ ပြီးတော့ သူ့သူမီးတစ်ယောက်ကလည်း ဒဏ်ရာရတယ်၊ အခု ဖလမ်းပြည်သူ့ဆေးရုံမှာ” ဟု ဒေသခံတစ်ဦးက ပြောသည်။ လက်နက်ကြီးထိခိုက်မှုကြောင့် သေဆုံးသူမှာ အသက် ၁၀၅ နှစ်အရွယ်ရှိ Pi Ram Tlung ဖြစ်ပြီး သူမီးဖြစ်သူ အသက် ၆၄ အရွယ်ရှိ Pi Zo Htwe မှာလည်း ထိခိုက်ဒဏ်ရာရရှိတာကြောင့် ဖလမ်းမြို့ ပြည်သူ့ဆေးရုံတွင် အရေးပေါ် ဆေးကုသမှုခံယူနေကြောင်း သိရသည်။ စီဇာမွာလ် ကျေးရွာသည် ဖလမ်းမြို့အောက်ဘက် ၂ မိုင်ခန့်အကွာတွင်တည်ရှိပြီး ဖလမ်း-ကလေး လမ်းမကြီးအနီးရှိ ရွာတစ်ရွာဖြစ်သည်။ Photo crd- Rihli Voice
Author: Editor
(003/006 PT-SV) ချင်းပြည်နယ်၊ မတူပီမြို့နယ်၊ လိုင်လင်းပီမြို့ကို ချင်းကာကွယ်ရေးပူးပေါင်းတပ်ဖွဲ့များက ယနေ့ နို၀င်ဘာလ ၂၄ ရက်နေ့ မနက်ပိုင်းတွင် သိမ်းပိုက်လိုက်ပြီဟု CNF/CNA ပြောရေးဆိုခွင့်ရှိသူ ဆလိုင်းထက်နီကပြောသည်။ “ကျနော်တို့ ဒီနေ့မှပဲ အပြီးသိမ်းနိုင်ခဲ့တာဖြစ်တယ်။ သိမ်းတဲ့အချိန်မှာ တချို့အများစုက ထွက်ပြေးသွားတယ်။ ဘယ်ဘက်ကိုဆုတ်ပြေးသလဲဆိုတာ မသိရသေးဘူး။ အခုက နယ်မြေရှင်းလင်းရေး အမြန်ဆုံးလုပ်နေတယ်။ မြို့သိမ်းတာက အပြီးသိမ်းလိုက်ပြီ၊ လိုင်လဲန်းပီမြို့ကို ကျနော်တို့ အပြီးထိန်းချုပ်ထားတဲ့အောက်မှာ ရှိနေပြီ” ဟု ဆလိုင်းထက်နီကပြောသည်။ အင်အား ၃၀ ကျော်ရှိသော လိုင်လင်းပီမြို့က စစ်ကောင်စီအထိုင်စခန်းကို နိုဝင်ဘာလ ၂၀ ရက်နေ့ကစတင်ကာ ချင်းကာ ကွယ်ရေးပူးပေါင်းတပ်ဖွဲ့များကစတင်တိုက်ခိုက်ရာမှာ စစ်ကောင်စီတပ်က လေကြောင်းကနေအကြိမ်ကြိမ်ဗုံးကြဲ တိုက်ခိုက်ခဲ့ခြင်းကြောင့် ၄ ရက်မြောက် ယနေ့မနက်ပိုင်းမှ အပြီးသတ် သိမ်းပိုက်နိုင်ခဲ့ခြင်းဖြစ်သည်ဟု ဆလိုင်းထက်နီက ပြောသည်။ “ဒီစခန်းကို အပြီးသိမ်းနိုင်ဖို့ဆိုပြီးတော့ လုပ်တဲ့နေရာမှာ လေကြောင်းတိုက်ခိုက်မှုက ကျွန်တော်တို့ကို ဟန့်တားနိုင်တယ်။ အဲ့ဒါကြောင့် ကျွန်တော်တို့က ၄ ရက်မြောက်မှပဲ ကျွန်တော်တို့ အဲ့ဒီလိုဝင်သိမ်းနိုင်တာဖြစ်တယ်ပေါ့။ မြို့သိမ်းတိုက်ပွဲလုပ်တဲ့နေရာမှာ လေကြောင်းတိုက်ခိုက်မှု အများဆုံးကတော့ ထန်တလန်ပြီးရင်တော့ ဒီ လိုင်လင်းပီတိုက်ပွဲဖြစ်လိမ့်မယ်” ဟု ဆလိုင်းထက်နီကပြောသည်။ လိုင်လင်းပီမြို့စစ်ကောင်စီတပ်စခန်းသိမ်းတိုက်ပွဲတွင် စစ်ကောင်စီဘက်က သေဆုံးမှုအခြေအနေ အတိကျမသိရကြောင်း၊ အများစုမှာ ထွက်ပြေးသွားကြသည်ဟု ၎င်းကဆက်ပြောသည်။ ထို့အပြင် စစ်ကောင်စီထံ မှ လက်နက်ခဲယမ်းများလည်း သိမ်းဆည်းရမိသည်ဟု ဆိုသည်။ အဆိုပါတိုက်ပွဲတွင် စစ်ကောင်စီဖက်က ဗိုလ်မှူးအဆင့်အရာရှိတစ်ဦးလည်း သေဆုံးကြောင်း သတင်းများထွက်ပေါ်သော် လည်း အတည်ပြု၍မရသေးပေ။ လိုင်လင်းပီမြို့သည် ချင်းပြည်နယ်တွင် ချင်းကာကွယ်ရေးပူးပေါင်းတပ်ဖွဲ့များက ဒုတိယမြောက်သိမ်းပိုက်နိုင်သည့်မြို့ဖြစ်ပြီး ပြည်သူ့အုပ်ချုပ်ရေးလုပ်ငန်း များအကောင်အထည်ဖော်သွားမည်ဟု…
(006SV) အိန္ဒိယ-မြန်မာနယ်စပ် ချင်းပြည်နယ် ဖလမ်းမြို့နယ် ရိခေါဒါရ်မြို့က စစ်ကောင်စီတပ်စခန်းနှစ်ခုစလုံးကို ချင်းကာကွယ် ရေးပူးပေါင်းတပ်ဖွဲ့တို့က သိမ်းပိုက်ခဲ့ပြီး ရိခေါဒါရ်မြို့တစ်မြို့လုံးကို ထိန်းချုပ်ထားတယ်လိုက်ပြီဖြစ်ပါတယ်။ စီးပွားရေး နဲ့ စစ်ရေးအရ မဟာဗျူဟာကျတဲ့ ရိခေါဒါရ်မြို့ကို ချင်းအမျိုးသားတပ်ဦး CNF/CNA ဦးဆောင်တဲ့ ချင်းကာကွယ်ရေးပူး ပေါင်းတပ်က နို၀င်ဘာလ ၁၃ ရက်နေ့မှာ အပြီးသိမ်းပိုက်ခဲ့တာဖြစ်ပါတယ်။ ခုအခါမှာတော့ ရိခေါဒါရ်မြို့မှာ ချင်း ကာကွယ်ရေးတပ်ဖွဲ့တွေက ပြည်သူ့အုပ်ချုပ်ရေးစတင်အကောင်အထည်ဖော်ဆောင်တော့မယ်လို့လည်းသိရပါတယ်။ ဒီကိစ္စနဲ့ပတ်သက်ပြီး ချင်းအမျိုးသားတပ်မတော် CNF/CNA ပြောရေးဆိုခွင့်ရှိသူဆလိုင်းထက်နီကို ခိုနူမ်းသုန်သတင်း ဌာနက ဆက်သွယ်မေးမြန်းထားပါတယ်။ မေး။ ။ ရိခေါဒါရ်မြို့မှာ ဘယ်လိုကြောင့် မြို့သိမ်းတိုက်ပွဲကို စတင်ခဲ့တာလဲဆိုတာ အရင်ရှင်းပြလို့ရမလား။ ဖြေ။ ။ ရိခေါဒါရ်မြို့က အမှတ်(၂) အိန္ဒိယ- မြန်မာ ကုန်သွယ်ရေးလမ်းကြောင်းပေါ်မှာရှိတယ်၊ အဲ့ကုန်သွယ်ရေးလမ်း ကြောင်းကိုထိန်းတဲ့မြို့ဖြစ်တယ်။ ဒီနေ့ကျွန်တော်တို့ တော်လှန်ရေးက စစ်ကောင်စီအမြစ်ပြုတ်တိုက်ဖို့ဆိုရင် အဲ့ဒီစစ်ရေးနဲ့ စစ်ရေးအပြင် သူ့ကို အထောက်အပံ့ပြုနေတဲ့ကုန်သွယ်၊စီးပွားရေး၊သံရေးတမံရေးတို့ကအစ အဲ့ဒီလိုမျိုးအကုန်လုံး လုပ်ရမှာ ဖြစ်တယ်။ အဲ့ဒါက ကျွန်တော်တို့ရဲ့ ဦးတည်ချက်ပါ စစ်ကောင်စီဖြုတ်ချရေး ဖြစ်တယ်။ ပထမဦးဆုံး စစ်ကောင်စီလုပ်ငန်း ယန္တရားမလည်ပတ်နိုင်အောင် ဘက်ပေါင်းစုံကနေ ကျွန်တော်တို့ လုပ်တာဖြစ်တယ်။အဲ့ဒီမှာ အဲ့ဒီမြို့ကအဓိက ကျတဲ့မြို့မှာ ပါတယ်။ အဲ့လိုပါတဲ့အတွက် ရိခေါဒါရ်မြို့ကို အဓိကကျွန်တော်တို့ရွေးပြီးတော့ ဝင်သိမ်းလိုက်တာဖြစ်တယ်။ နောက်တစ်ခု ပြည်သူလူထု တောင်းဆိုချက်ရှိတယ် အခွန်စီးကြပ်ကောက်ခံမူ၊ မူးယစ်ဆေးဝါးရောင်းမူတွေဘာတွေက အဲ့ဒီမှာ သတင်းရထားတာတွေရှိတယ် အဲ့လိုမျိုးအတွက် ရိခေါဒါရ်မြို့ကို ဝင်သိမ်းတာဖြစ်ပါတယ်။ မေး။ ။ ခုလက်ရှိမှာကော် ချင်းတော်လှန်ရေးတပ်တွေ ထိန်းချုပ်ထားတဲ့ ရိခေါဒါရ်မြို့မှာ ပြည်သူ့အုပ်ချုပ်ရေးတွေ စတင်နေ ပြီလား။…
(006SV) ချင်းကာကွယ်ရေးပူးပေါင်းတပ်များ ထိန်းချုပ်ထားသည့် ချင်းပြည်နယ်မြောက်ပိုင်းက ရိခေါဒါရ်မြို့ ပြည်သူ့အုပ်ချုပ်ရေးကို ချင်းအမျိုးသားတပ်ဦး CNF/CN A နှင့် CDF – Hualngoram တို့ ပူးတွဲ၍ စတင်ဖော်ဆောင်နေသည်ဟု ချင်းအမျိုးသားတပ်ဦး CNF/ CN A က သတင်းထုတ်ပြန်သည်။ “ပထမဆုံး ရိခေါ်ဒါရ် ကနေ တဖက်ကို စစ်ဘေးရွောင်တဲ့ ပြည်သူလူထုတွေကို လုံလုံခြုံခြုံနဲ့ ပြန်ဝင်နိုင်အောင် လုပ်ပြီးတော့ သူတို့က အားလုံးနီးပါးပြန်ဝင်နိုင်ကြပါပြီ။ ကျွန်တော်တို့က သူတို့ရဲ့လုံခြုံရေး၊ နယ်မြေရွင်းလင်းရေးဖက်မှာ ပြည်သူလူထုအတွက် မိုင်းရှင်းလင်းရေး လုပ်ပြီး ပြည်သူ့အုပ်ချုပ်ရေးကို ကျွန်တော်တို့အနေနဲ့ ဆက်ပြီး တည်တည်ငြိမ်ငြိမ်နဲ့ ဖြစ်လာအောင်ဆိုပြီးတော့ ဒေသခံအဖွဲ့အစည်းတွေနဲ့ ဆွေးနွေးမှုတွေ ပြုလုပ်နေပြီ။ မကြာခင်မွာ ကျွန်တော်တို့ တည်တည်ငြိမ်ငြိမ် နဲ့ ဖြစ်ဖို့ လည်ပတ်ဖို့ လုပ်သွားမှာဖြစ်ပါတယ်” ဟု ချင်းအမျိုးသားတပ်ဦး CNF/CN A မှ ပြောရေးဆိုခွင့်ရှိသူ ဆလိုင်းထက်နီက ပြောသည်။ အမှတ် – ၂ အိန္ဒိယ- မြန်မာနယ်စပ်ကုန်သွယ်မှု အဆင်ပြေစေရေး၊ လူထုလုံခြုံရေးနှင့် ဒေသတည်ငြိမ်းရေးတို့ကို ရှေ့ရှု့လျက် ဒေသခံများကိုယ်တိုင် ဖော်ဆောင်မည့် ရိခေါဒါရ်မြို့ ပြည်သူ့အုပ်ချုပ်ရေးကို CNF/CN A နှင့် CDF – Hualngoram က ပူးတွဲ၍ ဆက်လက်အကောင်အထည်ဖော် ဆောင်ရွက်သွားမည်ဖြစ်ကြောင်း၊ မြို့ကို ထိန်ချုပ်ထားနိုင်ပြီး ၁၀ ရက်အကြာ နိုဝင်ဘာလ ၂၂ က သတင်းထုတ်ပြန်သည်။ ပြီးခဲ့သည် နိုဝင်ဘာလ ၁၃ ရက်က အိန္ဒိယ – မြန်မာနယ်စပ်…
(003PT) ချင်းပြည်နယ် မတူပီမြို့နယ် လိုင်လင်းပီမြို့တွင် စစ်ကောင်စီတပ်၏ လေကြောင်းတိုက်ခိုက်မှုကြောင့် အရပ်သားပြည်သူ ၄ ဦး သေဆုံးပြီး ၃ ဦး ထိခိုက်ဒဏ်ရာရရှိကာ ပြည်သူအယောက် ၇၀၀၀ ကျော်တို့မှာ မြို့ကိုစွန့်ခွာထွက်ပြေးတိမ်းရှောင်နေကြရသည်ဟု ဒေသခံများထံမှ သိရသည်။ နိုဝင်ဘာလ ၁၉ ရက်နေ့ မနက် ၉ နာရီအချိန်ကစပြီး ယနေ့ နိုင်ဝင်ဘာလ ၂၁ ရက်နေ့အထိ စစ်ကောင်စီက တိုက်လေယာဥ် ဖြင့် ဆက်တိုက် ဗုံးကြဲတိုက်ခိုက်မှုများ လုပ်ဆောင်နေသည်ဟု လိုင်လင်းပီမြို့ ဒေသခံတစ်ဦးက ပြောသည်။ “သေတာက အခုဆို လေးယောက်ရှိပြီ ပြည်သူပဲ။ အခု ဒဏ်ရာရက သုံးယောက်ရှိတယ်။ သူတို့ကစစ်တော့ရှောင်တယ် ဒါပေမဲ့ အဖိုးတို့အဘွားတို့ ရှိတဲ့နေရာမှာနေတာလေး၊ သူတို့က သေးပေါက်ချင်လို့လား၊ အိမ်သာတက်ချင်လို့လား အဲ့ဒီမှာ အပြင်ထွက်ပြီးတော့ အဲ့ဒီမှာ စစ်ကောင်စီက လေယာဥ်ကနေ ပစ်လိုက်တာ” ဟု ဒေသခံတစ်ဦးက ပြောသည်။ လိုင်လင်းပီမြို့က အင်အား ၃၀ ကျော်ခန့်ရှိသော စစ်ကောင်စီအထိုင်စခန်းကို နိုဝင်ဘာလ ၁၉ ရက်နေ့ကစပြီး ချင်းကာကွယ် ရေးပူးပေါင်းတပ်ဖွဲ့က ဒရုန်း (Drone) ဖြင့် ဗုံးကြဲတိုက်ခိုက်ခဲ့ရာ စစ်ကောင်စီဘက်ကလည်း ပြန်လည်တိုက်ခိုက်ကာ တိုက် လေယာဥ်ဖြင့် လေကြောင်းပစ်ကူမှုများ ပြုလုပ်ခဲ့သည်။ ဗုံးကြဲတိုက်ခိုက်မှုကြောင့် သေဆုံးသူ ပြည်သူ နှစ်ဦးမှာ အသက် ၅၀ ကျော် အရွယ်ရှိ အမျိုးသား ဦး Mecha နှင့် ဦး ငူခါး တို့ ဖြစ်ကြပြီး ကျန် ၂ ဦး၏…
(003MG) စစ်ကိုင်းတိုင်း၊ ကလေးမြို့မြောက်ပိုင်း ဒိုးဝိုင်းချောင်းကျေးရွာဖက်တွင် ယနေ့မနက် (၅) နာရီကစပြီး စစ်ကောင်စီတပ်က လက်နက်ကြီး၊လက်နက်ငယ်များဖြင့် ပစ်ခတ်နေသောကြောင့် ပြည်သူများ ထွက်ပြေးတိမ်းရှောင်နေရသည်ဟု သိရသည်။ ဒိုးဝိုင်းချောင်းရွာ ဒေသခံတစ်ဦးက “ရပ်ကွက်မှာနေတဲ့သူတွေက ဒီမနက်ပိုင်းပဲ မွန်းလိုင်ဖက်၊ မြို့ထဲ အမျိုးတွေစီ ထပ်ပြောင်း ရွေ့ရတယ်၊ အသိအိမ်ရှေ့မှာလည်း ဗုံးတလုံးကျတယ်။ မနက်ကတည်းက ဗုံးသံတွေ၊ လက်နက်ကြီးပစ်သံတွေ ကြားရတာ” ဟု ပြောသည်။ ယနေ့မနက်ပိုင်းက ဒိုး၀◌ိုင်းချောင်းကျေးရွာအနီးတွင် စစ်ကောင်စီတပ် နှင့် ပြည်သူ့ကာကွယ်ရေးပူးပေါင်းတပ်ဖွဲ့တို့ ပစ်ခတ်မှု ဖြစ်ပွားပြီးနောက် စစ်ကောင်စီတပ်က လက်နက်ကြီးများနှင့် ပစ်ကူကာ လူနေရပ်ကွက်ထဲကျရောက်ပေါက်ကွဲခဲ့ခြင်း ဖြစ်သည်။ စစ်ကောင်စီတပ်၏ လက်နက်ကြီးရမ်းသမ်းပစ်ခတ်မှုကြောင့် ဒိုးဝိုင်းချောင်းအပြင် ညောင်တော၊ ဟံသာ၊ ဌက်ပျောတော၊ ပျဉ်းခုံကြီး၊ ပြည်တော်သာကျေးရွာနှင့် လက်ပံချောင်းကျေးရွာတို့မှ ပြည်သူများလည်း ထွက်ပြေးတိမ်းရှောင်နေကြရသည်ဟု သိရသည်။ ၎င်းအပြင် စစ်ကောင်စီတပ်ဖွဲ့သည် လတ်တလော ကလေးမြို့တွင်း ရပ်ကွက်အချို့တို့တွင် တအိမ်တက်ဆင်းဖြင့် နေအိမ်ထဲ ဝင်ရောက်စစ်ဆေးခြင်း၊ မင်္သကာသူများဟု ယူဆသည့်ပြည်သူများကိုလည်း ဓာတ်ပုံမှတ်တမ်းများ၊ အိမ်ထောင်စု အချက် အလက်များ ကောက်ယူခြင်းများ ပြုလုပ်နေသည်ဟု ကလေးမြို့ခံများထံမှ သိရသည်။ ကလေးမြို့တွင်း နှစ်ဖက်တိုက်ပွဲများ မရှိသော်လည်း စစ်ကောင်စီတပ်ဖက်မှ မြို့တွင်း ကလေးမြို့ လမ်းစုံ၊ စစ်ကောင်စီ တပ်စွဲထားသည့် တာဟန်းနှင့် ဝယ်စလီဆေးရုံလမ်းထောင့်ဂိတ်တို့တွင် နေ့တိုင်းနီးပါး စစ်ဆေးမှုများရှိနေသည်ဟု သိရသည်။
(003PT) ချင်းပြည်နယ် ဖလမ်းမြို့နှင့် ကလေးမြို့ ကြားဆက်သွယ်သော ကားလမ်းမကြီးအား ပြည်သူများအနေဖြင့် အသုံးပြုသွားလာခြင်းမပြုလုပ်ရန် ယနေ့ နိုဝင်ဘာလ ၂၂ ရက်နေ့ တွင် CNO/CNDF က အသိပေး ထုတ်ပြန်လိုက်သည်။ ကလေး-ဖလမ်းကားမပေါ်တွင်တည်ရှိသော ထင်းရှုးစခန်းတွင် တပ်စွဲထားသည့် စစ်ကောင်စီတပ်ဖွဲ့များသည် ယနေ့မနက် ပိုင်းတွင် စခန်းကိုစွန့်ခွာထွက်ပြေးကြသောကြောင့် ခရီးသွားပြည်သူများကို လူသားဒိုင်းအဖြစ် အသုံးပြုလာနိုင်သည့်အတွက် ယခုကဲ့သို့အသိပေးထုတ်ပြန်လိုက်ခြင်းဖြစ်သည်ဟု CNO/CNDF ကဆိုသည်။ “သူတို့ ပြေးထားတယ်ဆိုတော့ ပြည်သူကို ဒိုင်းကာအဖြစ်သုံးပြီးတော့ သူတို့လွတ်လမ်းကို သူတို့ရှာနိုင်တဲ့အခါကျတော့လေ၊ အဲ့ဒီ တောင်ကြောတစ်လျှောက်မှာလမ်းသွားလမ်းလာတွေ၊ တောင်ယာသွားတဲ့သူတွေ ရှောင်ထားတာ အကောင်းဆုံး ဖြစ်မယ်လို့ ကျွန်တော်ထင်တယ်” ဟု CNO/CNDF ၏ ကာကွယ်ရေး အတွင်းရေးမှူး ကို Moses က ပြောသည်။ CNDF တပ်ဖွဲ့များအနေဖြင့် ယင်း ထင်းရှုးစခန်းတွင် တပ်စွဲထားသည့် စစ်ကောင်စီတပ်စခန်းကို သိမ်းပိုက်ရန် စီစဥ်နေ ချိန်တွင် စစ်ကောင်စီတပ်ဖွဲ့များက စခန်းကိုစွန့်ခွာထွက်ပြေးခဲ့ကြခြင်းဖြစ်သည်ဟု CNO/CNDF ကာကွယ်ရေး အတွင်းရေးမှုးက ပြောသည်။ “ကျွန်တော်တို့ ဒီမနက် ချဥ်းကပ်သွားတော့ သူတို့ အကုန်လုံးစွန့်ခွာသွားကြတာ။ သူတို့စခန်းမှာ ဘာကိုဘာမှ မထားခဲ့ဘူး ဒီတိုင်း ရိက္ခာ ဆန်တော့နည်းနည်းထားခဲ့တာတော့ရှိတယ်။ သူတို့ တောကိုရှောင်တာဆိုတော့ ကျွန်တော်တို့က မရရ အောင်လိုက်မှာ။ သူတို့ ဖလမ်းမြို့ကို မဝင်သေးသရွေ့တော့ ကျွန်တော်တို့ တိုက်ပွဲကတော့ ထပ်ပြီးတော့ ပြင်းထန်နိုင် ချေရှိတယ်။” ဟု ကို Moses က ပြောသည်။ လွန်ခဲ့သည့် သုံးရက်နေ့က ယင်းထင်းရှုးစခန်းကို သိမ်းပိုက်ရန်…
(002MG) စစ်ကိုင်းတိုင်း၊ ကလေးမြို့တွင် ဓာတ်ဆီ ၁ လီတာ ကျပ်တစ်သောင်းအထိ စျေးမြင့်တက်သွားပြီး ဝယ်ယူရန်ပင် မရှိတော့သည်အထိ ဓာတ်ဆီပြတ်လပ်မှုများ ကြုံနေရသည်ဟု သိရသည်။ ကလေးမြို့ခံတစ်ဦးက ”နေ့လယ်က ဓာတ်ဆီသွားဖြည့်တာ ဘူတာစျေးနားက ဓာတ်ဆီဆိုင်နှစ်ဆိုင်လုံး ဆီပြတ်ပြီး ဆိုင် ပိတ်ထားတယ်။ မီးပွိုင့်နားမှာ ရေသန့်ဗူးနဲ့ ရောင်းတာ ၁ဗူးကို ကိုးထောင်ငါးရာတဲ့၊ စျေးကြီးရင်လည်း မရှိတော့ ဖြည့်ခဲ့ လိုက်တယ်။တချို့နေရာတွေမှာဆိုရင် တစ်သောင်းထိတက်တယ်” ဟု ပြောသည်။ ကလေးမြို့နှင့် ပြည်မဘက်သို့ဆက်သွယ်ရာတွင် အဓိအားထားနေရသော မဟာမြိုင်ကားလမ်းပိုင်းသွားလာရန် ခက်ခဲနေ ခြင်းကြောင့် ကလေးမြို့သို့ စက်သုံးဆီအပါဝင် လူသုံးကုန်ပစ္စည်းများအဝင်နည်းကာ ပစ္စည်များပြတ်လုနီးပါးအထိ ဖြစ်လာ သည်ဟု ကုန်စုံဆိုင်များထံမှသိရသည်။ ထို့အပြင် စက်သုံးဆီပြတ်လပ်မှုကြောင့် မြတ်မေတ္တာမွန် စက်သုံးဆီဆိုင်အပါအဝင် အခြား စက်သုံးဆီဆိုင်များလည်း ပိတ်ထားရပြီး ဖွင့်သည့်ဆိုင်အချို့တွင်လည်း ဂါလံဖြင့်ဖြည့်ပေးခြင်းများမဟုတ်ပဲ ဆိုင်ကယ်တစီးလျှင် တစ်သောင်းဖိုးစီ အကန့်အသတ်ဖြင့် ရောင်းချပေးနေသည်ဟု သိရသည်။ ကလေးမြို့တွင် စက်သုံးဆီအပါဝင် ကုန်စျေးနှုန်းများအဆမတန်စျေးမြင့်တက်ခြင်းကြောင့် အခြေခံလူတန်း စားများ၊ ကုန်စိမ်းရောင်းသူများ၊ စစ်ဘေးရှောင်နေကြရသည့် ပြည်သူများမှာ သွားလာရေးအခက်အခဲ နှင့် စားဝတ်နေရေး အခက်အခဲများ ပိုမိုကြုံလာကြရသည်ဟု သိရသည်။ လက်ရှိ ကလေးမြို့တွင် ပြေးဆွဲနေသောလေကြောင်းလိုင်းခရီးစဉ်များကိုလည်း နိုဝင်ဘာလ ၂၁ ရက်နေ့မှ ၂၃ ရက်နေ့အထိ ခေတ္တရပ်နားထားသည်ဟု လေယာဉ်လက်မှတ်အရောင်းဌာနများထံမှသိရသည်။
(006SV) ချင်းပြည်နယ်တောင်ပိုင်း၊ ပလက်ဝမြို့နယ်၊ မီးဇာရွာကို စစ်ကောင်စီလေကြောင်းက ဗုံးကြဲတိုက်ခိုက်မှုတွင် အရပ်သားပြည်သူ ထိခိုက်ဒဏ်ရာရရှိမှု ပိုတိုးလားပြီး ဒဏ်ရာပြင်ထန်းသူများကို ကုသရန် ဆေးဝါးလုံလောက်မှုမရှိကြောင်း ဒေသခံများက ပြောသည်။ ယမန်နေ့ နိုဝင်ဘာလ ၂၀ ရက် ညနေ ၄ နာရီခန့်က ပလက်ဝမြို့နယ်၊ ကုလားတန်မြစ်ဖျားဒေသဖြစ်သည့် ထရွန်အိုင်ရွာအထက်ပိုင်း ၆ မိုင်က မီးဇာရွာကို စစ်ကောင်စီက လေကြောင်းက ဗုံးကြဲတိုက်ခိုက်ခဲ့ပြီး အရပ်သားပြည်သူ ၉ ဦးအထိ ထိခိုက်ဒဏ်ရာများ ရရှိ ထားကာ သက်ကြီးပိုင်း ပြည်သူ ၂ ဦးမှာ ဒဏ်ရာများ ပြင်းထန်သည်ဟု မီးဇာရွာနှင့် နီးစပ်သော ဒေသခံတစ်ဦးက ပြောသည်။ “မနေ့က ၇ ယောက်ပြောတာ ဒီမနက်ကတော့ ၉ ယောက်ဖြစ်တယ်။ အသက်ကြီးပိုင်း ၂ ယောက်ကတော့ ဒဏ်ရာ ပြင်းထန်တယ်။ မီးဇာဆေးရုံးမှာ ကုသတာ ရှိတော့ ဆေးဝါးက မလုံလောက်ဘူး။ မနက်ပိုင်း လေယာဉ်ပျံတွေ လာမယ်ဆိုလို့၊ ပြည်သူတွေက ဗုံးကြဲမှာကို စိုးလို့ အိမ်ထဲက အိမ်ပြင် မထွက်ရဲဘူး” ဟု ဒေသခံတစ်ဦးက ပြောသည်။ ဘင်္ဂလားဒေ့ရှ် – အိန္ဒိယ – မြန်မာ သုံးနိုင်ငံနယ်စပ်အနီးမှာ တည်ရှိသည့် ပလက်ဝမြို့နယ်၊ တရွန်အိုင်ရွာအနီးက စစ်ကောင်စီ စခန်းကို ရခိုင်တပ်တော် (AA) က ထိုးစစ်ဆင်တိုက်ခိုက်နေမှု တစ်ပတ်နီးပါး ရှိလာချိန်တွင် တိုက်ပွဲဖြစ်ပွားခြင်း မရှိသည့် တရွန်အိုင်ရွာအထက် ၆ မိုင်ခန့်က မီးဇာရွာမှ ဒေသခံများနှင့်စစ်ဘေးရှောင်များကို လေကြောင်းမှ ဦးတည်တိုက်ခိုက်ခြင်း…
ချင်းပြည်နယ် တီးတိန်မြို့နယ် ကနေဒီတောင်ပေါ်မှာ တပ်စွဲထားသော စစ်ကောင်စီတပ်စခန်းကို PDF-Zoland တပ်ဖွဲ့က ယနေ့မနက်ပိုင်းမှာ တိုက်ခိုက်သိမ်းပိုက်ခဲ့သည်ဟု သိရသည်။ အင်အား ၃၀ ၀န်းကျင်ခန့်ရှိသော စစ်ကောင်စီတပ်စခန်းကို ယနေ့မနက်ပိုင်း ၄ နာရီခန့်ကစ၍ PDF-Zoland တပ်ဖွဲ့က ၀◌င်ရောက်တိုက်ခိုက်ရာမှာ မနက်ပိုင်း ၇ နာရီခန့်မှာ စခန်းကိုသိမ်းပိုက်နိုင်ခဲ့သည်ဟု PDF-Zoland တာ၀◌န်ရှိသူတစ်ဦး ကပြောသည်။ “မနက် ၄ နာရီမှာ စတိုက်တာ ၇ နာရီလောက်မှာ စခန်းသိမ်းနိုင်ခဲ့တယ်” ဟု PDF-Zoland တာ၀န်ရှိသူက ပြောသည်။ စခန်းသိမ်းတိုက်ပွဲတွင် စစ်ကောင်စီဘက်က အနည်းဆုံး ၂ ဦးသေဆုံးပြီး တစ်ဦးကို အရှင်ဖမ်းမိကာ အများစုကတော့ ထွက်ပြေးသွားကြသည်ဟု သိရသည်။ ကနေဒီတောင် စစ်ကောင်စီစခန်းသိမ်းတိုက်ပွဲတွင် စစ်ကောင်စီတပ်ဖွဲ့ထံမှ ၄၀/၆၀ မမ အပါအ၀င် လက်နက်ခဲယမ်းများ သိမ်းဆည်းရမိသည်ဟု သိရသည်။ အဆိုပါစစ်ဆင်ရေးသည် ပူးပေါင်းစစ်ဆင်ရေးမဟုတ်ဘဲ PDF-Zoland တပ်ဖွဲ့၏ စစ်ဆင်ရေးတစ်ခုဖြစ်သည်ဟု သိရသည်။ အိန္ဒိယ-မြန်မာအမှတ် ၂ နယ်စပ်ကုန်သွယ်ရေး ကလေး-တီးတိန်ကားလမ်ကြီးနဘေးတွင်တည်ရှိသော ကနေဒီတောင်သည် ချင်းပြည်နယ်တွင် ဒုတိယအမြင့်ဆုံးတောင်ဖြစ်ပြီး ၎င်းတောင်ပေါ်မှ ကလေးမြို့ နှင့် ဖလမ်းမြို့ကို လှမ်းမြင်နိင်သည့် စစ်ရေးအတွက် အချက်အချာနေရာတစ်ခုဖြစ်သည်။