(005MK) အိန္ဒိယနိုင်ငံ မဏိပူရ်ပြည်နယ်အစိုးရက မြန်မာနှင့်ထိစပ်နေသော နယ်စပ်တစ်လျှောက် ကီလိုမီတာ ၇၀ ကို ခြံစည်းရိုးခတ်ရန် စီစဉ်နေသည်ဟု သိရသည်။ မဏိပူရ်ပြည်နယ်၀န်ကြီးချုပ် N Biren Singh သည် အိန္ဒိယ-မြန်မာနယ်စပ် ကီလိုမီတာ ၇၀ ခြံစည်းရိုးခတ်ရန် အစီအစဉ်ကို နယ်စပ်လမ်းများအဖွဲ့ Border Roads Organization (BRO)၊ ပြည်နယ်၏ အခြားအကြီးတန်းအရာရှိများနှင့် စက်တင် ဘာလ ၂၄ ရက် တနင်္ဂနွေနေ့က တွေ့ဆုံစဉ် ဆွေးနွေးခဲ့ကြသည်ဟု The Hindustan Times သတင်းဌာနက ဖော်ပြသည်။ ယင်းတွေ့ဆုံမှုသည် နယ်စပ်တစ်ဖက်စီတွင်နေထိုင်ကြသော ပြည်သူများအား တစ်ဖက်နိုင်ငံအတွင်း ၁၆ ကီလိုမီတာအထိ သွားလာခွင့်ပြုသည့် (Free Movement Regime) လွတ်လပ်စွာလှုပ်ရှားသွားလာခွင့်ကို ‘အမြဲတမ်းပိတ်ထားရန်’ ဗဟို အစိုးရကိုတိုက်တွန်းပြီး နောက် တစ်ရက်တွင် အဆိုပါ အစည်းအဝေးကို ကျင်းပခဲ့ခြင်းဖြစ်သည်။ အိန္ဒိယ-မြန်မာ နယ်စပ်တလျှောက် ခြံစည်းရိုးခတ်ရန်စီစဉ်ခြင်းသည် နယ်စပ်ဖြတ်ကျော် တရားမဝင် ၀င်ရောက်လာမှုနှင့် မူးယစ် ဆေးဝါး မှောင်ခိုကူးမှုအား တားဆီးထိန်းချုပ်နိုင်ရန်ဖြစ်သည်ဟု မဏိပူရ်ပြည်နယ် ၀န်ကြီးချုပ်က ပြောကြားခဲ့သည်။ “BRO က တာဝန်ရှိသူတွေနဲ့ တွေ့ဆုံပြီး အင်ဒို-မြန်မာ နယ်စပ်တလျှောက် နောက်ထပ် ကီလိုမီတာ ၇၀ ခြံစည်းရိုး ကာရံဖို့ အစီအစဉ်ကို ညှိနှိုင်းဆွေးနွေးခဲ့ပါတယ်။ အတွင်းရေးမှူးချုပ်၊ DGP နဲ့ ပြည်ထဲရေးဌာနက တာဝန်ရှိသူတွေလည်း ပါဝင်ခဲ့ပါ တယ်။ တစ်ဖက်နိုင်ငံမှ တရားမဝင် မှောင်ခိုကူးသန်းမှုများနှင့် မူးယစ်ဆေးဝါး မှောင်ခိုဝင်ရောက်မှု တိုးလာခြင်းကြောင့် ကျွန်ုပ်တို့၏ နယ်နိမိတ်များကို…
Author: Editor
(006SV) စစ်ကောင်စီတပ် အများအပြား အထိနာသည့် ဗာရ်စခန်းသိမ်းတိုက်ပွဲ ဆင်နွှဲထားသည့် CNDF တပ်မဟာများထဲမှ တပ်မဟာ ၁ ၏ ရဲဘော်များကို မောင်းပြန်တပ်ဆင်ပေးနိုင်ရန်အတွက် CNO/ CNDF မှ သိန်း ၅၀၀၀ ကမ်ပိန်းကို ယနေ့ စတင်ပြုလုပ်သည်ဟု ယင်းအဖွဲ့မှ ပြောရေးဆိုခွင့်ရှိသူက ပြောသည်။ “တပ်မဟာ ၁ က ချင်းပြည်နဲ့ စစ်ကိုင်းကြားမှာ ရှိတဲ့ နယ်စပ်ဖြစ်နေတဲ့အတွက် စစ်ရေးစစ်ရာအရမှာ တကယ့် အရေးပါတဲ့ နေရာဖြစ်လို့ပါ။ အဲဒါကြောင့် ကျနော်တို့က ရဲဘော်တွေက လက်နက်အင်အားနည်းနေတော့ စစ်ရေးအတွက် အဓိက ကျတဲ့ နေရာဖြစ်တာရော၊ ရဲဘော်တွေရဲ့ အဝတ်အစားနဲ့ စားဝတ်နေရေးအတွက်ပါ ဒီကမ်ပိန်းကို လုပ်လိုက်ရတာ ဖြစ်ပါတယ်။ ချင်းတို့ရဲ့ တူမီး၊ မောင်းပြန်နဲ့ ပြီး ကမ်းပိန်မှာ စွမ်းအားရှိသ၍ ပါဝင်ပေးကြပါဦးလို့ မေတ္တာရပ်ခံချင်ပါတယ်” ဟု CNO/CNDF မှ ပြောရေးဆိုခွင့်ရှိသူ ဆလိုင်းကျုံငိုင်း က ပြောသည်။ အဆိုပါ “ချင်းတို့ရဲ့ တူမီး၊ မောင်းပြန်နဲ့ အပြီ” ရန်ပုံငွေကမ်ပိန်းကို ယနေ့ စက်တင်ဘာလ ၂၅ ရက်မှ နိုဝင်ဘာလ ၁၀ ရက်အထိ ပထမဆုံးအကြိမ်အဖြစ် ပြုလုပ်မှာဖြစ်ပြီး တပ်မဟာ ၁ မှ ရဲဘော်များကို ကာကွယ်ရေးပစ္စည်းများ တပ်ဆင်ပေးနိုင်ရန် သိန်း ငါးထောင်ရရှိရန် မျှော်မှန်းထားခြင်းဖြစ်သည်။ CNDF တပ်မဟာ ၁ သည် ချင်းပြည်နယ်၊ ဖလမ်းမြို့နယ်အရှေ့ပိုင်းတွင် တည်ရှိပြီး ယင်းတပ်မဟာနယ်မြေအတွင်းရှိ စစ်ကောင်စီ ဗာရ်စခန်းကို ပြီးခဲ့တဲ့ ဧပြီ…
(003PT၊ 006SV) ချင်းပြည်ကောင်စီ ဖွဲ့စည်းထူထောင်ရာတွင် ချင်းတော်လှန်ရေးအင်အားစုများအားလုံး ပါဝင်နိုင်ရေးအတွက် မတက်ရောက်ခဲ့သည့် အဖွဲဝင်များ ပါဝင်လာစေရန် WCCCC ကော်မတီအောက်တွင် ညှိနှိုင်းရေးအဖွဲ့ ဖွဲ့စည်း၍ ဆောင်ရွက်နေသည်ဟု ညှိနှိုင်းရေးအဖွဲ့ ခေါင်းဆောင် Dr. Ngai Tam Mawng က ပြောသည်။ “အဓိကက CJDC မှာ ပါဝင်တဲ့ အဖွဲ့ဝင်တွေကို အခြေပြုပါတယ်။ နောက်ပိုင်းမှာ ဆက်လက်ပြီးတော့ ညှိနှိုင်းသွားဖို့ ရှိပါတယ်။ အခု အစကနေ စပြီးတော့မှ ညှိနှိုင်းရေးအဖွဲ့ကို ဖွဲ့စည်းပြီးတော့ ပါဝင်ပြီးသား အဖွဲ့ဝင်အတွင်းမှာပဲ ဖြစ်ဖြစ်၊ အားလုံးကို ပါဝင်နိုင်အောင် အထဲမှာလည်း ယုံကြည်မှုလည်း တည်ဆောက်ရေးနဲ့ လုပ်ဆောင်သွားမှာဆိုတော့ ညှိနှိုင်းရေးအဖွဲ့လည်း ဖွဲ့ထားတယ်” ဟု Dr. Ngai Tam Mawng က ပြောသည်။ အိန္ဒိယ- မြန်မာနယ်စပ်တစ်နေရာတွင် ပြုလုပ်သည့် ချင်းပြည်ကောင်စီဖွဲ့စည်းရေး မျက်နှာစုံညီ အစည်းအဝေး ကို ချင်းအမျိုးသား တပ်ဦး (CNF)၊ ချင်းလွှတ်တော်ကိုယ်စားလှယ်များ၊ မြို့နယ်နှင့် ဒေသအခြေပြုအဖွဲ့အစည်း (၁၆)ဖွဲ့မှ ကိုယ်စားလှယ်များ တက်ရောက်ခဲ့ကြသော်လည်း ချင်းကာကွယ်ရေးတပ်ဖွဲ့ (၂)ခုက တက်ရောက်ခဲ့ခြင်း မရှိဟု ညှိနှိုင်းရေးအဖွဲ့ ခေါင်းဆောင် က ပြောသည်။ စက်တင်ဘာလ ၇ ရက်မှ ၉ရက်အထိ ကျင်းပပြုလုပ်သည့် ယင်းအစည်းအဝေးပွဲကို ဖလမ်းမြို့နယ်ထဲက ချင်းအမျိုးသားအဖွဲ့ချုပ် (CNO/ CNDF) နှင့် တီးတိန်းမြို့နယ်ထဲက ဇိုမီးဖက်ဒရယ်ယူနီယံ (ZFU) အဖွဲ့တို့က မတက်ရောက်ခဲ့ခြင်းဖြစ်သည်။ CNO/ CNDF မှ မူဝါဒရေးရာ ပြောရေးဆိုခွင့်ရှိသူ…
(003PT) အိန္ဒိယ-မြန်မာနယ်စပ်ကုန်သွယ်ရေးလမ်းကြောင်း ချင်းပြည်နယ် တီးတိန်နှင့် ရိခေါဒါရ်မြို့ကြားကားလမ်း ပြုပြင်မှု မပြီးသေးသော်လည်း ကားများပြန်လည်သွားလာ၍ရပြီဖြစ်ကြောင်း CDF-Hualngoram လက်အောက် Public Work Department (PWD) အဖွဲ့ဝင်တစ်ဦးကပြောသည်။ “အခုတော့ ပြင်တော့ပြင်နေဆဲပဲ၊ သို့သော် ခရီးအသွားလာတော့ ရတယ်။ ဒါပေမဲ့ လမ်းပြုပြင်နေတုန်းတော့ လမ်းခန တားတာမျိုးတော့ရှိလိမ့်မယ်” ဟု PWD အဖွဲ့ဝင်တစ်ဦးက ပြောသည်။ တီးတိန်-ရိခေါဒါရ်ကြား ကားလမ်းသည် မိုးများပြီးပျက်စီးမှုကြောင့် ကားများသွားလာရန်ခက်ခဲနေသည့် အတွက် ပြီးခဲ့သည့် စက်တင်ဘာလ ၂၂ ကစပြီး ခေတ္တ ကားလမ်းပိတ်ထားပြီး PWD အဖွဲ့မှ ဦးစီးကာ ပြုပြင်မှု လုပ်ဆော င်ခဲ့ခြင်း ဖြစ်သည်။ အိန္ဒိယ-မြန်မာအမှတ် ၂ နယ်စပ်ကုန်သွယ်ရေး တီးတိန်-ရိခေါ်ဒါရ်ကြားလမ်းသည် ယခင် စစ်အာဏာမသိမ်းခင်ထက် ပိုမိုပျက်စီးမှုကြုံတွေ့နေရတာဖြစ်ပြီး လက်ရှိမှာ လမ်းဦးစီးဌာနအပါဝင် ပြင်ထိန်းသူမရှိတာကြေင့် ကားလမ်းများ ပိုမိုပျက်စီးမှုနှင့်ရင်ဆိုင် ကြုံတွေ့နေရသည့်အတွက် CDF-Hualngoram တပ်ဖွဲ့လက်အောက် PWD နှင့် ကုန်သွယ်ရေး အဖွဲ့တို့ပူးပေါင်းကာ ကိုယ်ထူကိုယ်ထဖြင့် ပြုပြင်နေကြခြင်းဖြစ်ကြောင်း သိရသည်။ ကုန်တင်ကားအသွားလာပိုများသည့် အဆိုပါလမ်းကြောင်းသည် အမြဲတမ်းပြင်ထိန်း ပြုပြင်မှုလိုအပ်နေသည့်အပြင် ယခုမိုးတွင်းကာလမှာ ကုန်တင်ကားအပါဝင် ကားအများစုသည် ကားဘီးတွင် ချိန်းကြိုးပတ်ကာ သွားလာနေသည့်အတွက် ကားလမ်းအုံပပျောက်ရုံမက ၁ ပေခွဲ့ခန့် ရွှံ့နွံထူထပ်နေသည်ဟု ဆိုသည်။ ပြီးခဲ့သည့် စက်တင်ဘာလ ၂၁ ရက်နေ့ကလည်း ကားလမ်းပျက်စီးမှုကြောင့် ကုန်တင်းကားအပါဝင် လိုင်းပြေးဆွဲသည့် ကားများ စုစုပေါင်း အစီး ၄၀ ကျော် ပိတ်ဆို့ကာ ခရီးသွားသူများမှာ ယင်းနီးတစ်ဝိုက်ရှိ ကျေးရွာများတွင်…
(006SV+PT) ချင်းတော်လှန်ရေးအတွက် ကြီးမားသည့် အပြောင်းအလဲဖြစ်လာမည့် ချင်းပြည်အစိုးရ ဖွဲ့စည်းပေါ်ပေါက်လာရေးအတွက် ချင်းအမျိုးသားကောင်စီ သို့မဟုတ် ချင်းပြည်ကောင်စီ ဖွဲ့စည်းနိုင်ရန် ချင်းအင်အားစုတွေ ကြိုးစားနေမှုသည် ၂ နှစ်ကျော်ရှိလာပြီးဖြစ်သည်။ နွေဦးတော်လှန်ရေးကာလ မြန်မာနိုင်ငံမှာ ပထမဆုံးပြည်နယ်အစိုးရ ဖွဲ့စည်းနိုင်ဖို့ ချင်းအင်အားစုများ ကြိုးစားခဲ့သော်လည်း ကရင်နီပြည်နယ်အစိုးရ ဖွဲ့စည်း ပြီး လပိုင်းအတော်ကြာမြှင့်သည်အထိ ကောင်စီဖွဲ့စည်းနိုင်ရေးအဆင့်တွင်သာ တန့်နေခဲ့သည်။ ပြီးခဲ့သည့် စက်တင်ဘာလ ဒုတိယပတ်မှာ ချင်းပြည်ကောင်စီဖွဲ့စည်းနိုင်ရေးအတွက် ချင်းအမျိုးသားတပ်ဦး CNF၊ ချင်းလွှတ်တော် ကိုယ်စားလှယ်များ၊ CJDC မှ အဖွဲ့ ၁၆ ဖွဲ့ဖြင့် ဦးဆောင်ဆွေးနွေးပွဲ ပြုလုပ်နေသော်လည်း CNO/ CNDF နှင့် ZFU တို့က ပါဝင် တက်ရောက်ခြင်းမရှိခဲ့ပေ။ ချင်းလဲန်းကောင်စီဖွဲ့စည်းနိုင်ရေး အစည်းအေ၀◌းမှာ တက်ရောက်ခြင်း မရှိသည့် CNO/CNDF ၏ သဘောထားကို CNO/CNDF မှ မူဝါဒရေးရာ ပြောရေးဆိုခွင့်ရှိသူ ဆလိုင်းပီတာထန်းအား ဆက်သွယ်မေးမြန်းထားသည်။ မေး – ချင်းတော်လှန်ရေး အင်အားစုတွေက ချင်းပြည်ကောင်စီ သို့မဟုတ် ချင်းအမျိုးသားကောင်စီ ဖွဲ့စည်းနိုင်ဖို့ ဘယ်လိုကြိုးစားဆောင်ရွက်ခဲ့တယ်ဆိုတာ ရှင်းပြပေးစေလိုပါတယ်။ ဖြေ – မြို့နယ်အလိုက် အဖွဲ့အစည်းတွေ ခေါ်မလား၊ မျိုးနွယ်စုအလိုက် အဖွဲ့အစည်းတွေ ခေါ်မလား၊ စတင်ဖွဲ့စည်းဖို့ တာစူနေ ကတည်းက CSO အဖွဲ့တွေရယ်၊ MP (လွှတ်တော်ကိုယ်စားလှယ်) အစုအဖွဲ့တွေရယ်၊ နိုင်ငံရေး ပါတီတွေရယ် စုဖွဲ့ပြီး ကြား ကာလချင်းအမျိုးသားအတိုင်ပင်ခံ ကောင်စီ ဆိုပြီးတော့မှ ဖွဲ့ခဲ့ကြတယ်။ တစ်နည်းပြောရရင် ချင်းလဲန်းကောင်စီပဲလေ။ အဓိက ကောင်စီဖွဲ့တယ်ဆိုတာက…
(005MK) မီဇိုရမ်ပြည်နယ် ကျန်ဖိုင်းခရိုင် Hruaikawn ကျေးရွာအနီးတွင် မူးယစ်ရဲတပ်ဖွဲ့မှ မြန်မာနိုင်ငံသားတစ်ဦးထံ အလေးချိန် ၄ ကီလိုရှိသော Crystal Meth ဟုခေါ်သော စိတ်ကြွမူးယစ်ဆေးတစ်မျိုးကို ယမန်နေ့စက်တင်ဘာလ ၂၁ ရက်ညက ဖမ်းဆီးရမိခဲ့သည်ဟု သိရသည်။ Crystal Meth နှင့်အတူ အဖမ်းခံရသူမှာ ချင်းပြည်နယ် ဖလမ်းမြို့နယ် Bualte ရွာသား အသက် ၃၃ နှစ်အရွယ် Lalrinzauva ဖြစ်ပြီး သူသည် Zokhawthar ကျေးရွာ Bethel စစ်ဘေးရှောင်စခန်းတွင် နေထိုင်သူဖြစ်သည်ဟု မီဇိုရမ်က Bengvarna သတင်းဌာနက ဖော်ပြသည်။ ယခုဖမ်းဆီးရမိသော Crystal Meth သည် မြန်မာနိုင်ငံမှ ၀င်ရောက်လာခြင်းဖြစ်ပြီး မီဇိုရမ်ပြည်နယ်တွင် ရောင်းချရန်မဟုတ်ပဲ အိန္ဒိယပြည်မဘက်သို့ ရောင်းချရန် နယ်စပ်မှ အိုင်ဇောလ်ဘက်သို့ သယ်လာစဉ်မှာ ကျန်ဖိုင်းခရိုင်မှာ ဖမ်းဆီးရမိခဲ့ခြင်းဖြစ်သည်ဟု သိရသည်။ ယခုရက်ပိုင်းအတွင်း မီဇိုရမ်ပြည်နယ်တွင် အိန္ဒိယ-မြန်မာနယ်စပ်မှတဆင့် မူးယစ်ဆေး၀ါး ဘိန်းဖြူနှင့် စိတ်ကြွဆေးပြား ၀င်ရောက်မှု မြင့်တက်နေပြီး မီဇိုရမ်ပြည်နယ်အာဏာပိုင်များကလည်း နေ့တိုင်းလိုလို ဖမ်းဆီးမှုရှိနေသည်။
(003PT၊ 006SV) ခုခံတော်လှန်စစ်အားကောင်းသည့် ချင်းပြည်နယ်တွင် တော်လှန်ရေးအင်အားစုများက ချင်းပြည်ကောင်စီ (Chinland Council) ဖွဲ့စည်းထူထောင်နိုင်ရေးအတွက် ပြင်ဆင်လျက်ရှိပြီး ယင်းအတွက် ဖြစ်မြောက်ရေး ကော်မတီတစ်ရပ်ကို မကြာသေးခင်က ဖွဲ့စည်းခဲ့ကြသည်ဟု သိရသည်။ ချင်းပြည်ကောင်စီဖွဲ့စည်းနိုင်ရေးနှင့်ပတ်သက်၍ ယခုလ ၇ ရက်မှ ၉ ရက်နေ့အထိ အိန္ဒိယ-မြန်မာ နယ်စပ်တနေရာတွင် ချင်းအမျိုးသားတပ်ဦး CNF၊ ချင်းလွှတ်တော်ကိုယ်စားလှယ်များ၊ မြို့နယ်နှင့်ဒေသအခြေပြု အဖွဲ့အစည်းများမှ ကိုယ်စားလှယ် စုစုပေါင်း (၁၀၈) ဦးတိုသည့် (Pre-Plenary Meeting for Chinland Council) မျက်နှာစုံညီအစည်းအေ၀◌းကို အောင်မြင်စွာကျင်းပခဲ့ကြသည်ဟု Working Committee for Chinland Council Conference (WCCCC) က ယနေ့ စက်တင်ဘာလ ၂၂ ရက်နေ့တွင် ထုတ်ပြန်သည်။ ယင်းမျက်နှာစုံညီအစည်းအေ၀◌းတွင် တော်လှန်ရေးကာလ ချင်းပြည်ဖွဲ့စည်းပုံ အခြေခံဥပဒေ (Chinland Constitution) ပေါ်ပေါ်လာရေး၊ ချင်းပြည်ကောင်စီ (Chinland Council) ဖွဲ့စည်းနိုင်ရေးနှင့် ချင်းပြည်၏ ဥပဒေ ပြုရေး၊ အုပ်ချုပ်ရေး၊ တရားစီးရင်ရေး မဏ္ဍိုင် (၃) ရပ်ကို ဖွဲ့စည်းထူ ထောင်နိုင်ရေးအတွက် ညီလာခံတစ်ရပ် ခေါ်ယူကျင်းပပြီး ဖော်ဆောင်ရန် တက်ရောက်သူ ကိုယ်စားလှယ်များက သဘောတူခဲ့ကြသည်ဟု သိရသည်။ အဆိုပါညီလာခံခေါ်ယူကျင်းပနိုင်ရေးအတွက် ညီလာခံဖြစ်မြောက်ရေးကော်မတီ Working Committee for Chinland Council Conference (WCCCC) ကို ဖွဲ့စည်းခဲ့ကြခြင်းဖြစ်သည်။ မျက်နှာ စုံညီအစည်းအေ၀◌း၏ တာ၀◌န်ပေးအပ်မှုအရ WCCCC အနေဖြင့် တော်လှန်ရေးကာလ အတွင်း ချင်းပြည်ဖွဲ့စည်းပုံအခြေခံဥပဒေ…
(006SV) မကွေးတိုင်း၊ ဂန့်ဂေါမြို့နယ်၊ ကန့်သက်ရွာအနီး အထိုင်ချ တပ်စွဲနေသည့် စစ်ကောင်စီနှင့် ပျူစောထီးပူးပေါင်း စခန်းကုန်းကို ပြည်သူကာကွယ်ရေးတပ် (PDF) နှင့် ချင်းကာကွယ်ရေးတပ် (CDF) များ ပူးပေါင်းတိုက်ခိုက်ခဲ့သည်ဟု ယောအမျိုးသား တော်လှန်ရေးတပ်ဖွဲ့ – ထီလင်း (ဂန့်ဂေါခရိုင်တပ်ရင်း – ၁၈) က ထုတ်ပြန်သည်။ စက်တင်ဘာလ ၁၈ ရက် နံနက် ၄ နာရီခွဲခန့်တွင် စစ်ကောင်စီ၏ ပူးပေါင်းစခန်းကုန်းကို တော်လှန်ရေးပူးပေါင်းတပ်များက တိုက်ခိုက်ရာ မိနစ် (၂၀) ခန့်ကြာ တိုက်ပွဲဖြစ်ပွားခဲ့ပြီး ပျူအပါအဝင် စစ်ကောင်စီတပ်သား (၃) ဦး သေဆုံးခဲ့သည်။ ကျန်စစ်ကောင်စီတပ်ဖွဲ့ဝင်များက စခန်းကို စွန့်ခွာထွက်ပြေးသွားကြပြီး ဒေသကာကွယ်ရေးပူးပေါင်းတပ်မှ အထိအခိုက်မရှိ ပြန်လည်ဆုတ်ခွာနိုင်ခဲ့သည်ဟု ဂန့်ဂေါခရိုင်တပ်ရင်း ၁၈ က ထုတ်ပြန်သည်။ တိုက်ပွဲမှ ကာဘိုင် (၉) လက်၊ Greener (၆) လက်၊ ကာဘိုင်ကျည်ဘောက် (၁၈) ခု၊ MA ကျည်ဘောက် (၇) ခု၊ ကာဘိုင်ကျည် (၉၀၀)၊ Greener ကျည် ၂၀၀၊ MA ကျည် ၁၅၀ နှင့် အီနာဂါဗုံးသီး (၅) လုံး သိမ်းဆည်းရမိသည်ဟု ဒေသကာကွယ်ရေးတပ်ဖွဲ့က ထုတ်ပြန်သည်။ ယင်းစခန်းကုန်းတိုက်ပွဲကို ဂန့်ဂေါခရိုင် အမှတ် (၇၊ ၁၈၊ ၁၉ )တပ်ရင်းများ၊ CDF မင်းတပ် တပ်ရင်း (၂)၊ ပုံတောင်ဂဠုန်နှင့် ပုံညာမုန်တိုင်း ပကဖပူးပေါင်းတပ်ဖွဲ့တို့မှ တိုက်ခိုက်ခဲ့ခြင်းဖြစ်သည်။
(003PT) ချင်းပြည်နယ်မြောက်ဖျားပိုင်းမှာအခြေစိုက်တဲ့ ချင်းကာကွယ်ရေးတပ်ဖွဲ့-တွန်းဇံ (CDF-Tonzang) ကို ဩဂုတ်လ ၃၁ ရက်နှင့် စက်တင်ဘာလ ၁၀ ရက်နေ့မှာ Zomi Revolutionary Army (Eastern Command) တပ်ဖွဲ့က တိုက်ခိုက် ခဲ့ရာမှာ CDF-Tonzang ဘက်က ရဲဘော် ၂ ဦးကျဆုံးပြီး လက်နက်ခဲယမ်းတွေလည်း အမြောက်အများဆုံးရှုံးမှု ဖြစ်ပွားခဲ့ပါတယ်။ Zomi Revolutionary Army (Eastern Command) တပ်ဖွဲ့ဟာ ယခင်ကလည်း တီးတိန်၊ တွန်းဇံမြို့နယ်တွေမှာ အခြေစိုက်တပ်စွဲထားတဲ့ ချင်းကာကွယ်ရေးတပ်ဖွဲ့တွေရဲ့ စခန်းကို ဖျက်ဆီးသိမ်းပိုက်တာတွေ လုပ်ခဲ့သလို ချင်းအမျိုးသားတပ်မတော် CNA၊ CDF တပ်ဖွဲ့တွေနဲ့လည်း ထိတွေတိုက်ပွဲတွေ ဖြစ်ပွားလေ့ရှိပါတယ်။ ဒီလိုအခြေအနေတွေကြောင့် Zomi Revolutionary Army (Eastern Command) ဟာ စစ်ကောင်စီတပ်ဖွဲ့နဲ့ ပူးပေါင်းပြီး နယ်ခြားစောင့်တပ်သဖွယ် ဆောင်ရွက်နေပြီဆိုတဲ့ စွပ်စွဲပြောဆိုချက်တွေလည်း ထွက်ပေါ်လာခဲ့ပါတယ်။ ZRA EC အနေနဲ့ ဘာကြောင့် ချင်းတော်လှန်ရေးတပ်ဖွဲ့ကို တိုက်ခိုက်နေရတာဘာလဲ၊ စစ်ကောင်စီနဲ့တကယ်ပဲ ပူးပေါင်းနေပြီလား၊ သူတို့တပ်ဖွဲ့ရဲ့ ရပ်တည်ချက်ဘာပါလဲ၊ Zomi Revolutionary Army (Eastern Command) ယာယီပြောရေးဆိုခွင့်ရှိသူ Sr. JK ကို ခိုနူမ်းသုန်သတင်းဌာနက ဆက်သွယ်မေးမြန်းထားပါတယ်။ မေး။ ။ ဆရာတို့ ZRA (Eastern Command) ကိုဘယ်ခုနှစ်တုန်းက ဘယ်လို ဖွဲ့စည်းတည်ထောင်ထားပါသလဲခင်ဗျာ။ သမိုင်းကြောင်းကို အတိုချုပ် ရှင်းပြပေးနိုင်မလားခင်ဗျာ။ ဖြေ။ ။ သမိုင်းကြောင်းကတော့ ဆရာတို့လည်း သိထားတဲ့အတိုင်းပဲ Pu Zo…
(005MK) မီဇိုရမ်ပြည်နယ်သို့ စစ်ဘေးတိမ်းရှောင်လာသော အသက် ၁၄ နှစ်အရွယ် ချင်းလူငယ်တစ်ဦးသည် ဦးနှောက်အကျိတ် (Brain Tumors) ရောဂါကြောင့် သေဆုံးခဲ့ပြီး အလောင်းသယ်ယူရေးကိစ္စတွင် မီဇိုးလူငယ်များအသင်း (Young Mizo Asso ciation) က ကူညီဆောင်ရွက်ပေးခဲ့သည်ဟု သိရသည်။ ချင်းပြည်နယ် ထန်တလန်မြို့နယ် Hripi ကျေးရွာနေ Pu Thang Hung ၏သား အသက် ၁၄ နှစ်အရွယ် Van Dawt Lian Sang သည် ဦးနှောက်အကျိတ်ရောဂါကြောင့် အာသံပြည်နယ် Shillong မြို့တွင် ဆေးကုသမှုခံယူကာ မျှော်လင့်ချက်မရှိတော့သည့်အတွက် မီဇိုရမ်ပြည်နယ်ဘက်သို့ ပြန်လာသည့်အချိန် စက်တင်ဘာလ ၂၀ ရက် Silchar မြို့ပြင်အရောက်တွင် ကွယ်လွန်ခဲ့သည်ဟု မီဇိုရမ်သတင်းစာတွင် ဖော်ပြသည်။ Van Dawt Lian Sang ၏ ရုပ်အလောင်းသည် ယနေ့ညနေပိုင်း ၅ နာရီခွဲခန့်တွင် အိုင်ဇောလ်မြိုသို့ရောက်ရှိလာပြီး Central Young Mizo Association (CYMA) ရုံးချုပ်က ရုပ်အလောင်းကိုလက်ခံခဲ့သည်။ CYMA အနေဖြင့် Van Dawt Lian Sang ၏ ရုပ်အလောင်းကို Siaha ခရိုင် Sangau ကျေးရွာဘက်သို့ ဆက်လက်ပို့ဆောင်မည့် ယာဉ်တစ်စီး စီစဉ်ပေးကာ အလှူငွေ ရူပီး တစ်သောင်းလည်း ပေးအပ်ခဲ့သည်ဟု သတင်းစာကဆိုသည်။ ထို့နောက် ယနေ့ည ၆ နာရီခန့်တွင် CYMA ရုံးချုပ်ခန်းမမှတဆင့် Sangau ဘက်သို့ ထွက်ခွါခဲ့ကြသည်ဟု သိရသည်။