နိုင်ငံတကာမြန်မာ့သတင်း-BNI ကို စတင်တည်ထောင်ခဲ့စဉ်က ပါဝင်ခဲ့သူတစ်ဦးဖြစ်သည့် ပူးသွီဒင်း (Pu Tuidim) ကို အာဏာသိမ်းစစ်ကောင်စီ၏ တပ်ဖွဲ့ဝင်များက ဖမ်းဆီးကာ ၂၀၂၂ ခုနှစ်၊ ဇန်နဝါရီလ ၈ ရက်နေ့က သတ်ဖြတ်ခဲ့သည်ဟု ၎င်း၏မူလအဖွဲ့အစည်းဖြစ်သည့် ခိုနူမ်သုန် (Khonumthung) သတင်းဌာနက ထုတ်ပြန်ခဲ့သည်။ ဇန်နဝါရီလ ၆ ရက်နှင့် ၇ ရက်နေ့များက ချင်းပြည်နယ်၊ မတူပီမြို့နယ် ကီလုန်းနှင့် လုံလှောကျေးရွာအကြား မတူပီ-ဟား ခါးကားလမ်းပေါ်တွင် ခရီးသွားလာနေသည့် အရပ်သားပြည်သူ ၁၁ ဦးကို စစ်ကောင်စီတပ်ဖွဲ့က ဖမ်းဆီးခဲ့ကာ ရှေ့တန်းစစ်မြေပြင်သို့ လူသားဒိုင်းအဖြစ် ခေါ်ဆောင်သွားခဲ့ပြီးနောက် သတ်ဖြတ်ခဲ့ရာတွင် ပူးသွီဒင်းလည်း ပါဝင်ခဲ့သည်။ ပူးသွီဒင်းသည် နိုင်ငံတကာမြန်မာ့သတင်း (BNI) ကို ၂၀၀၃ ခုနှစ်၊ စတင်တည်ထောင်ခဲ့စဉ်က နိရိဉ္ဇရာ၊ မဇ္ဈိမ၊ ကုလားတန်သတင်းဌာနများနှင့်အတူ ချင်းသတင်းဌာနဖြစ်သည့် ခိုနူမ်သုန်ကိုယ်စား ပါဝင်ခဲ့သူတစ်ဦးဖြစ်သည့်အတွက် ၎င်းသေဆုံးသွားခဲ့ခြင်းမှာ BNI အတွက် ကြီးမားသော ဆုံးရှုံးမှုတစ်ရပ်ဖြစ်သည်။ သူသည် ခိုနူမ်သုန်သတင်းဌာန တည်ထောင်သူထဲပါဝင်သကဲ့သို့ အယ်ဒီတာချုပ်အဖြစ်လည်း နှစ်ပေါင်းများစွာ တာဝန်ထမ်းဆောင်ခဲ့သည့်အပြင် ချင်းပြည်နယ်ရှိ သတင်းမီဒီယာများအတွက် ရှေ့ဆောင်လမ်းပြခဲ့သည့် ဝါရင့်တိုင်းရင်းသား သတင်းသမားတစ်ဦးလည်းဖြစ်သည်။ ပူးသွီဒင်း သေဆုံးသွားခြင်းသည် မြန်မာနိုင်ငံရှိ တိုင်းရင်းသားမီဒီယာများအတွက်သာမက တစ်နိုင်ငံလုံး၏ မီဒီယာအသိုင်းအဝိုင်းအတွက်ပါ များစွာသော ဆုံးရှုံးမှုဖြစ်သည်ဟု နိုင်ငံတကာမြန်မာ့သတင်း (BNI) က မှတ်ယူသည့်အပြင် ကျန်ရစ်သူ မိသားစုဆွေမျိုးသားချင်းများ၊ လုပ်ဖော်ကိုင်ဖက်များနှင့်ထပ်တူ ဝမ်းနည်းကြေကွဲရပါကြောင်း ထုတ်ပြန်အပ်ပါသည်။ အလားတူ ၂၀၂၁ ခုနှစ်၊ ဒီဇင်ဘာလ ၁၀ ရက်နေ့က ရန်ကုန်မြို့ရှိ အသံတိတ်သပိတ် လှုပ်ရှားမှုကို…
Author: Editor
ချင်းပြည်နယ်၊ ဟားခါးမြို့ ဈေးသစ်ရပ်ကွက်တွင် ရှိသော CNLD လွတ်တော်ကိုယ်စားလှယ် ဦးရှန်မန်းနေအိမ်ကို ယမန်နေ့ ဇန္နဝါရီလ ၁၁ ရက်နေ့ မွန်းလွဲ ၂ နာရီတွင် စစ်ကောင်စီတပ်ဖွဲ့ဝင်တွေက လာရောက်ချိတ်ပိတ်သွားသည်ဟု သိရသည်။ “မနေ့က ချိတ်ပိတ်ထားတာ ရဲတွေနဲ့ စစ္သားတွေက။ အိမ်ရှင်တွေကို အိမ်ထဲက ပစ္စည်းတွေကို ထုတ်ခိုင်း တာရှိတယ်။ ထုတ်ခိုင်းတဲ့အချိန်က နည်းနည်းလေးပေးတာ အကုန်လုံးသူတို့ထုတ်ချင်တဲ့ဟာတောင်မှ အကုန် မထုတ်နိုင်ဘူးဖြစ်နေတယ်။ အဓိကေတာ့ ဒီကို ကျွန်တော်တို့ ချိတ်ပိတ်တော့မယ် ခင်ဗျားတို့ ယူချင်တဲ့ဟာ ပစ္စည်းကိုယူပါဆိုတဲ့သဘောအနေနဲ့ပေါ့” ဟု ဟားခါးမြို့ခံတစ်ဦးက ပြောသည်။ ၎၏ နေအိမ် ချိတ်ပိတ်ခံရခြင်းသည် ဦးရှန်မန်းမှာ ရွေးကောက်ခံပြည်နယ်လွတ်တော် ကိုယ်စလှယ်တစ်ဦးဖြစ်သည့်အပြင် သားဖြစ်သူမှာလည်း ဟားခါးမြို့ ပြည်သူ့ဆေးရုံအုပ်ဖြစ်ပြီး လက်ရှိ CDM လှုပ်ရှားမှုတွင် ပါဝင်ခြင်းတို့ကြောင့် ဖြစ်နိုင်သည်ဟု သိရသည်။ ဦးရှန်မန်းမှာ ချင်းအမျိုးသားဒီမိုကရေစီအဖွဲ့ချုပ် (CNLD) ပါတီမွ ၂၀၂၀ ရွေးကောက်ပွဲတွင် ချင်းပြည်နယ်အတွင်း တစ်ဦးတည်းသော အနိုင်ရရွေးကောက်ခံပြည်နယ် လွတ်တော်ကိုယ်စားလှယ်တစ်ဦးဖြစ်သည်။ ချင်းပြည်နယ်တွင် စစ်ကောင်စီမှ နိုင်ငံပိုင်အဖြစ် ချိတ်ပိတ်သိမ်းယူသည့် လူနေအိမ် ၄ အိမ်ရှိနေပြီဖြစ်ပြီး ဒီဇင်ဘာလ ၂၆ ရက်နေ့က ဆမီးမြို့က NLD လွတ်တော်ကိုယ်စာလှယ် ဆလိုင်းမျိုးထိုက်နေအိမ်၊ အောက်တိုဘာလ ၃၀ ရက်နေ့က ဟားခါးမြို့ ချင်းအမျိုးသားတပ်ဦး CNF ဒုက္ကဌလည်းဖြစ် အမျိုးသားညီညွှတ်ရေးအစိုးရ NUG ဖယ်ဒရယ်ပြည်စုရေးရာဝန်ကြီး ဒေါက်တာ လျန်မှုန်းဆာခေါင်း နေအိမ်အပါအဝင် ကျောဘုတ်ရပ်ကွက်မှ သိက္ခာတော်ရဆရာတော် ဦးဗန်ကျဲမ်နေတို့ကိုလည်း ချိတ်ပိတ်ခဲ့ပြီးဖြစ်သည်။
မြန်မာနိုင်ငံမှာ စစ်အာဏာသိမ်းမှုဖြစ်ပွားပြီးနောက် ဖေဖော်ဝါရီလ ၁ ရက်ကနေ ဒီဇင်ဘာလ ၃၁ ရက်နေ့အထိ ၁၁ လတာ ကာလအတွင်းမှာ အာဏာသိမ်းစစ်ကောင်စီတပ်ဖွဲ့ရဲ့ သတ်ဖြတ်မှုကြောင့် ချင်းလူမျိုး ၁၆၃ ဦး သေဆုံးခဲ့ရပြီလို့ ချင်းရေးရာအဖွဲ့ချုပ် (ICA) က ဇန်နဝါရီလ ၆ ရက်နေ့က ကြေညာချက်တစ်စောင်ထုတ်ပြန်လိုက်ပါတယ်။ စစ်ကောင်စီတပ်ဖွဲ့အနေနဲ့ ငြိမ်းချမ်းစွာဆန္ဒဖော်ထုတ်နေကြတဲ့ ပြည်သူတွေကို အကြမ်းဖက်တိုက်ခိုက်တာ၊ မတရားဖမ်းဆီး ညှင်းပန်းနှိပ်စက်တာ၊ မီးရှို့သတ်ဖြတ်တာ၊ လက်နက်ကြီးအပါအဝင် လေကြောင်းကနေ တိုက်ခိုက်မှုတွေကြောင့် ချင်းလူမျိူးအရပ်သားပြည်သူအများစုဟာ သေဆုံးကြရတာလို့ ချင်းရေးရာအဖွဲ့ချုပ် ICA ရဲ့ ပြန်ကြားရေးတာဝန်ခံကေ ပြာပါတယ်။ “စစ်အာဏာသိမ်းပြီး ၁၁ လအတွင်း စစ်ကောင်စီကြောင့် သေဆုံးရတဲ့ ချင်းတိုင်းရင်းသားဦးရေ ၁၆၀ ကျော်ရှိတယ်ဆိုပြီး ကျမတို့ထုတ်ပြန်ထားပါတယ်ကျမတို့ရရှိထားတဲ့စာရင်းအပေ့ါနော် တကယ့်မြေပြင်မှာဒီထက်မကများနိုင်သေးတယ်၊ သေဆုံးသူတွေထဲမှာ ဆန္ဒပြလို့ သပိတ်တွေမှောက်လို့ စစ်ကောင်စီဘက်ကနေ အကြမ်းဖြိုခွင်းလို့သေဆုံးတာရှိမယ်၊ စစ်ကောင်စီဘက်ကနေ ကျေးရွာတွေ လူနေရပ်ကွက်တွေထဲဝင်ရောက်ပြီး ရမ်းသန်းပစ်ခတ်လို့နေအိမ်အတွင်းမှာပဲ သေဆုံးတာရှိမယ်၊ စစ်ဘေးရှောင်ရင်းနဲ့ အင်အားပြတ်လပ်ပြီး ဆေးဝါးမလုံလောက်လို့သေဆုံးတာ ပြီးတော့မှ စစ်ကောင်စီ ဘက်ကနေ လူတွေကြင်လည်ကျက်စားတဲ့နေရာတွေမှာ မိုင်းထောင်ထားလို့ မိုင်းနင်းမိပြီးသေဆုံးတာတွေရှိပါတယ်၊ ဖမ်းဆီးနှိပ်စက်ပြီးမှသေဆုံးတာလည်းရှိမယ်၊ မီးရသတ်ဖြတ်ပြီးမှသေဆုံးတာလည်းရှိတယ် တစ်ချို့ဆိုရင်အလောင်း တောင်ပြန်မရဘူး အလောင်းဖျောက်တယ် သက်သေဖျောက်တဲ့ပုံစံတွေလည်းရှိပါတယ်” အဲဒီသေဆုံးသူတွေထဲမှာ အမျိုးသမီး ၁၇ ဦးအပါအဝင် အရပ်သားပြည်သူ ၈၇ ဦး နဲ့ ချင်းတော်လှန်ရေးတပ်ဖွဲ့ဝင် ၇၆ ဦးပါ ဝင်ပြီး အဲဒီထဲမှာ စစ်ကောင်စီရဲ့မီးရမှုကြောင့်သေဆုံးသူ ၇ ဦးနဲ့ အလောင်းပြန်မရတဲ့ အရပ်သား ၈ ဦးတို့ပါဝင်တ ယ်လို့လည်း ICA ရဲ့ထုတ်ပြန်ချက်မှာဖော်ပြထားပါတယ်။ စစ်ကောင်စီတပ်ဟာ…
ချင်းပြည်နယ် မတူပီမြို့နယ်တွင် စစ်ကောင်စီတပ်ဖွဲ့မှ ဖမ်းဆီးခေါ်ဆောင်သွားသည့် အရပ်သားပြည်သူ ၁၁ ဦးအနက် ရုပ်အလောင်း ၁၀ လောင်းတွေ့ရှိထားပြီဟု CDF-Matupi ပြန်ကြားရေးတာဝန်ခံကိုနွေဦးလင်းကပြောသည်။ “ညနေ ၅ နာရီထိလောက်က ၅ လောင်းပဲတွေ့သေးတယ်ပေါ့နော် အခု ၅ လောင်းထပ်တွေ့တယ်ဆိုတော့ စုစုပေါင်း ၁၀ လောင်းတွေ့ရှိထားပါပြီ” ဟု ကိုနွေဦးလင်းကပြောသည်။ မတူပီ-ဟားခါးလမ်းပေါ်က ကီလှုန်းနှင့် လုံလှော ကျေးရွာအကြားတွင် ဇန်နဝါရီလ ၆ ရက် နေ့နှင့် ၇ ရက်နေ့က ခရီး သွားအရပ်သားပြည်သူ ၁၁ ဦးကို အာဏာသိမ်းစစ်ကောင်စီတပ်ဖွဲ့ကဖမ်းဆီးကာ ရှေ့တန်း စစ် မြေပြင်တွင် ခေါ်ဆောင်ပြီး လူသားဒိုင်းအဖြစ်အသုံးပြုပြီးနောက်သတ်ဖြတ်ခဲ့ခြင်းဖြစ်သည်။ စစ်ကောင်စီက သတ်ဖြတ်ထားသည့် အဆိုပါပြည်သူ ၁၀ ဦးထဲမှာ အသက် ၁၃ နှစ်အရွယ်ကလေးငယ်တစ်ဦးလည်းပါဝင် သည်ဟု သိရသည်။
ချင်းပြည်နယ်၊ ကန်ပက်လက်မြို့တွင် ယနေ့ဇန်နဝါရီလ ၈ ရက်နေ့က အ.ထ.က စာသင်ကျောင်း၌ တပ်စွဲ ထားသော စစ်ကောင်စီတပ်ဖွဲ့ဝင် အချင်းချင်းစကားများပြီး အပြန်အလှန်ပစ်ခတ်ကြရာတွင် တပ်ရင်းမှူး ဗိုလ်ကြီးအပါအဝင် တပ်သား ၄ ဦး သေဆုံးသွားကြောင်း သိရသည်။ “အတွင်းသတင်းအနေနဲ့ ကြားရတာတော့ တပ်တပ်ကြီးတပ်တစ်ဦးကနေပြီးမှ တပ်သား တစ် ယောက်နဲ့ ဆေးဗိုလ်ကြီးတယောက်နဲ့ တပ်ရင်းမှုးကို သူတို့စကားများရင်းနဲ့ ပစ်သတ်တာလို့ သိရတယ်” ဟု CDF-Kanpetlet ပြန်ကြားရေးတာဝန်ခံတစ်ဦးက ပြောသည်။ ကန်ပက်လက်မြို့တွင် စစ်ကောင်စီတပ်ဖွဲ့ဝင်များက စာသင်ကျောင်း၊ စီးပွားရေးဘဏ်၊ မြို့နယ်အုပ်ချုပ် ရေးရုံး၊ မြို့နယ် NLD ရုံးတို့တွင် တပ်စွဲထားသည်ဟု သိရပြီး စစ်အင်အားလည်း တိုးချဲ့ထားသည်ဟု သိရသည်။
ချင်းပြည်နယ်တောင်ပိုင်း၊ မတူပီမြို့နယ်တွင် ဇန်နဝါရီလ ၆ ရက် (ယမန်နေ့) မနက် ၉ နာရီကစတင်ပြီး CDF ညီနောင်တပ်ပေါင်းစုနှင့် စစ်ကောင်စီတို့အကြား တိုက်ပွဲဖြစ်ပွားနေခဲ့ကာ လက်ရှိတွင်လည်း နှစ်ဖက်စစ်ရေးတင်းမာနေသည့်အပြင် စစ်ကောင်စီတပ်က ခရီးသွားပြည်သူ ၇ ဦးကိုဖမ်းဆီးထားသည်ဟု CDF-Matupi ပြန်ကြားရေးတာဝန်ခံတစ်ဦးက ပြောသည်။ “မနေ့က တနေကုန်နီးပါး ညထိပေါ့ တောက်လျှောက်ပစ်တယ်။ ဒီမနက်လည်း နှစ်ဖက်တင်း မာနေ တုန်းရှိသေးတယ်။ တခြားထိခိုက် ဒဏ်ရာရတဲ့ဟာတွေတော့ အတည်မပြုနိုင်သေးဘူး။ ကျွန်တော်တို့ CDF တပ်ဖွဲ့ဝင်တွေတော့ ထိခိုက်ဒဏ်ရာရတာမရှိဘူး။ စကစဖက်က ဘယ်လိုရှိလဲဆိုတာ အတည်မပြု နုုိင်သေးဘူး။ အခုအချိန်ထိ တို်က်ပွဲကြားထဲမှာပဲရှိနေသေးတယ်ဆိုတော့” ဟု CDF-Matupi ပြန်ကြားရေးတာဝန်ခံက ပြောသည်။ ယမန်နေ့က မတူပီ-ဟားခါးလမ်းမ ဝဲဘက်ရှိသော ကီလှုန်းနှင့် လုံလှောရွာကြားကို အင်အား ၁၅၀ ကျော်ဖြင့် စစ်ကြောင်းနှစ်ကြောင်းထိုးလာသော စစ်ကောင်စီတပ်နှင့် CDF-Matupi/ CDF- Zotung/ CDF-Lautu ညီနောင်တပ်ပေါင်းစုတို့အကြား တိုက်ပွဲဖြစ်ပွားခဲ့ခြင်းဖြစ်သည်။ ၎င်းအပြင် စစ်ကောင်စီတပ်က ကီလှုန်းမှ လုံလှောရွာကို ခရီးသွားနေသော ပြည်သူ ၇ ဦးကိုလည်း ဖမ်းဆီးထားသည့်အပြင် လူသားဒိုင်းကာအဖြစ် တိုက်ပွဲအတွင်း အသုံးပြုနေသည်ဟု CDF-Matupi သတင်းထုတ်ပြန်ချက်အရ သိရသည်။ ကီးလှုန်နှင့် လုံလှောကျေးရွာသည် မတူပီမြို့နှင့် မိုင် ၂၀ ခန့်ကွာဝေးသည်ဟုသိရပြီး မတူပီမြို့နယ်တွင် ဇန်နဝါရီလကစပြီး CDF-Matupi နှင့် စစ်ကောင်စီတပ်တို့အကြား တိုက်ပွဲဆက်လက်ဖြစ်ပွားနေခြင်းဖြစ်သည်။
ချင်းပြည်နယ်၊ မတူပီမြို့နယ်တွင် ယမန်နေ့ (ဇန်နဝါရီလ ၄ ရက်) က မတူပီ-ဟားခါးလမ်းမပေါ်ရှိ ဖနိုင်နှင့် ငလိုင်ရွာကြားတွင် CDF-Matupi ပြည်သူ့ကာကွယ်ရေးတပ်ဖွဲ့နှင့် စစ်ကောင်စီတပ်တို့ တိုက်ပွဲ ဖြစ်ပွားခဲ့ကာ စစ်ကောင်စီတပ်အရာရှိ ၁ ဦး အပါ အဝင် ၃ ဦးသေဆုံးခဲ့သည်အပြင် ဒဏ်ရာရရှိသူတွေလည်းရှိသည်ဟု သိရသည်။ “မနေ့က မနက်ခြောက်နာရီနဲ့ ခုနှစ်နာရီကြားမှာ ကျွန်တော်တို့ တိုက်ပွဲဖြစ်တယ်။ အရာရှိတစ်ဦး အပါအဝင် ၃ ဦး ကျတယ်။ ညနေ သုံးနာရီနဲ့ ငါးနာရီကြားမှာ ဖြစ်တဲ့တိုက်ပွဲမှာတော့ ကျွန်တော်တို့ သတင်းအချက်အလက်ကတော့ အတည်မပြုနိုင်ဘူး ။ သူတို့ဖက်ကတော့ ထိခို်က်ဒဏ်ရာရှိပေမယ့်။ လောလောဆယ် ဒီနေ့တော့ တိုက်ပွဲ မရှိသေးဘူးပေါ့။ ဒါပေမယ့် နှစ်ဖက်စ လုံးကတော့ အဆင့်သင့် အနေအထားတော့ ရှိကြတယ်” ဟု CDF-Matupi ပြန်ကြားရေးတာဝန်ခံတစ်ဦးက ပြောသည်။ မတူပီ-ဟားခါးလမ်းမပေါ်ရှိ ဖနိုင်-ငလိုင်ကျေးရွာအကြားတွင် အင်အားအလုံးအရင်းနှင့် စစ်ကြောင်းထွက်လာ သော စစ်ကောင်စီတပ်နှင့် CDF-Matupi တို့ တိုက်ပွဲဖြစ်ပွားခြင်းခဲ့ခြင်းဖြစ်ပြီး စစ်ကောင်စီတပ်ဘက်က အထိနာသော ကြောင့် ပြန်လည်ဆုတ်ခွာခဲ့သည်ဟု ၎င်းကပြောသည်။ ပြီးခဲ့သည့်ဇန်နဝါရီလ ၃ ရက်နေ့ကလည်း မတူပီ-ပလက်ဝလမ်းမပေါ်ရှိ ထယ်ဘွေးကျေးရွာတွင်အခြေစိုက်သော စစ်ကောင်စီတပ်စခန်းကို CDF-Matupi က ဝင်ရောက်တိုက်ခိုက်ခဲ့ရာ စစ်ကောင်စီဘက်မှ ၅ ဦးသေဆုံးပြီး ၁၀ ခန့်ဒဏ်ရာရရှိခဲ့သည်။ အလားတူ အဆိုပါနေ့ညနေပိုင်း ၅ နာရီခန့်ကလည်း မတူပီ-ဟားခါးလမ်း ဖနိုင် နှင့် ငလိုင်ရွာကြားတွင် တိုက်ပွဲထပ်မံဖြစ်ပွား ကာ စစ်ကောင်စီတပ်သား ၂ ဦးကို အရှင်ဖမ်းမိထားသည်ဟု…
ချင်းပြည်နယ် ထန်တလန်မြို့မှာ ဇန်နဝါရီလ ၃ ရက်နဲ့ ၄ ရက်နေ့တွေမှာ စစ်ကောင်စီတပ်ကလူနေအိမ်တွေထပ်မံမီးရှိုတာ ကြောင့် ၂ ရက်အတွင်းမှာ အိမ်ခြေ တစ်ရာကျော်ထပ်မံလောင်ကျွမ်းခဲ့ရတယ်လို့သိရပါတယ်။ မီးလောင်မှုအကြိမ်ကြိိမ်ဖြစ်ပွားခဲ့တဲ့ ထန်တလန်မြို့မှာ ဇန်နဝါရီလ ၃ ရက်နေ့က CDF-Thantlang တပ်ဖွဲ့တွေခြေကုတ်ယူ ထားတဲ့ဘက်ကို စစ်ကောင်စီတပ်ဖွွဲ့က ထိုးစစ်ဆင်လာပြီး ပစ်ခတ်မှုတချိူ့ ရှိခဲ့ပြီးနောက် မွန်းလွဲပိုင်း ၂ နာရီဝန်းကျင် လောက်မှာ စစ်ကောင်စီဘက်က လူနေအိမ်တွေကို ထပ်မံမီးရခဲ့တာဖြစ်တယ်လို့ CDF-Thantlang ပြောရေးဆိုခွင့်ရှိ သူကပြောပါတယ်။ “ဇန်နဝါရီလ ၃ ရက်နေ့ညနေ ၁ နာရီခွဲဝန်းကျင်လောက်ကနေ ဟတ်စကီးဆင်းလာတယ် အဲဒီကြားကာလ ဟတ်စကီး မဆင်းခင်လေးမှာ ၁ နာရီ ၁၅ မိနစ်ဝန်းကျင်လောက်ကနေ ရဲစခန်းဘက်ကနေ တာဝန်ကျတဲ့ စစ်ခွေးတွေက ဆင်းလာပြီးမှ ကျနော်တို့ CDF နေတဲ့ဘက်ကို ထိုးစစ်ဆင်တာပေါ့နော်၊ အဲဒီအတောအတွင်းမှာပဲ ဟတ်စကီးက ၁ နာရီခွဲ ဝန်းကျင်လော က်မှာဆင်းလာတာပေါ့နော်၊ အဲဒီနောက်ပိုင်း ၂ နာရီခွဲဝန်းကျင်လောက်ကနေ မီးကစလောက်တာပေါ့ ရှို့မီးကြောင့်ဖြစ်တ ယ်၊ ဇုံမှုန် နဲ့ ကျောင်းရပ်ကွက်ကိုဆင်းလာတဲ့အချိန်မှာ တခါတည်းမီးရှို့တာပေါ့နော” ယမန်နေ့ ဇန်နဝါရီလ ၄ ရက်နေ့မှာလည်း ထန်တလန်မြို့ပေါ်ကို ရဟတ်ယာဉ်တစ်စင်း ဆင်းသက်ပြီးနောက် ညနေပိုင်း ၃ နာရီခွဲလောက်မှာ စစ်ကောင်စီတပ်က လူနေအိမ်တွေကို ထပ်မံမီးရှို့ခဲ့ကြပြီး ဇန်နဝါရီ ၃ ရက်နဲ့ ၄ ရက်နေ့ နှစ်ရက်တာ အတွင်းလောင်မှုကြောင့် ထန်လတန်မြိ့ပေါ်မှာ လူနေအိမ်ခြေ ၁၃၀ ကျော်ထပ်မံလောင်ကျွမ်းပြာကြ ခဲ့ရတယ်လို့ CDF-Thantlang ပြောရေးဆိုခွင့်ရှိသူကဆက်ပြောပါတယ်။ ချင်းပြည်နယ်…
ချင်းပြည်နယ်၊ မတူပီမြို့နှင့် ၃၈ မိုင်ကွာဝေးသော မတူပီ- ပလက်ဝ လမ်းမပေါ်က ထယ်ဘွေး တပ်စခန်းတွင် ယနေ့မနက် ၉ နာရီကျော်ကနေစတင်ပြီး CDF-Matupi နှင့် စစ်ကောင်စီတပ်ဖွဲ့တို့ တိုက်ပွဲထပ်မံဖြစ်ပွားနေသည်ဟု CDF-Matupi ပြန်ကြားရေးတာဝန်ခံတစ်ဦးကပြောသည်။ “ အခုလောလောဆယ် ၉း၄၂ မှာ ထိတွေ့မှုရှိနေတယ်။ သူတို့ဖက်ကနေလည်း လက်နက်ကြီးနဲ့ ပစ်နေ တဲ့ဟာရှိတယ်။ကျွန်တော်တို့လည်း သူတို့ကို ပြန်ပြီးတော့မှ တိုက်ခိုက်နေတဲ့ အနေအထားဖြစ်ပြီး နှစ်ဖက်တင်းမာမှုတွေရှိနေတယ်။ မတူပီ-ပလက်ဝလမ်းပေါ်က ထယ်ဘွေးတပ်စခန်းမှာပဲ။” ဟု CDF-Matupi ပြန်ကြားရေး တာဝန်ခံတစ်ဦးကပြောသည်။ ဇန်နဝါရီလ ၃ ရက်၊ (ယမန်နေ့) ခုနှစ်နာရီခွဲကလည်း မတူပီ- ပလက်ဝလမ်းမပေါ် ထယ်ဘွေးတပ်စခန်းကို CDF-Matupi တပ်ဖွဲ့တို့က ဝင်ရောက်ပစ်ခတ်ရာ စစ်ကောင်စီတပ်သား ၅ ဦး သေဆုံးခဲ့ပြီး အနည်းဆုံး ၁၀ ဦးခန့် ဒဏ်ရာရရှိခဲ့သည်။ ယမန်နေ့က မတူပီ-ပလက်ဝလမ်းနှင့် မတူပီ-ဟားခါးလမ်း ၂ နေရာတို့တွင် CDF-Matupi နှင့် စစ် ကောင်စီတပ်တို့အကြား တိုက်ပွဲပြင်းထန်းခဲ့ပြီး CDF-Matupi တပ်ဖွဲ့ရဲဘော် တစ်ဦး မိုင်းဒဏ်ရာရရှိသော်လည်း မစိုးရိမ်ရကြောင်းသိရသည်။ ထို့အပြင် ယမန်နေ့ညနေ ၅ နာရီခွဲအချိန်တွင်လည်း မတူပီ- ဟာခါးလမ်းမပေါ်က ဖနိုင်ရွာ နှင့် ငလိုက်ရွာကြား အင်အားအလုံးအရင်းနှင့် ချီတက်လာသော စစ်ကောင်စီတပ်ဖွဲ့နှင့် ထပ်မံ တိုက်ပွဲ ဖြစ်ပွားခဲ့ရာ CDF-Matupi က စစ်ကောင်စီတပ်သား နှစ်ဦးကို လက်ရဖမ်းဆီးမိကြောင်းလည်းသိ ရသည်။
ခိုနူမ်းသုန်သတင်း၊ ၄ ဇန်နဝါရီ ၂၀၂၂ ချင်းပြည်နယ်၊ ကန်ပက်လက်မြို့မှ နေရပ်စွန့်ခွါကြသည့် ပြည်သူများအား နေရပ်သို့ပြန်လာကြရန်နှင့် နှစ်ပတ်အတွင်း မိမိနေအိမ်သို့ပြန်လည်နေထိုင်ခြင်းမရှိသည့် အိမ်များကို ချိပ်ပိတ်မည်ဟု စစ်ကောင်စီက လိုက်လံခြိမ်းခြောက်နေကြောင်း ကန်ပက်လက်ဒေသခံများထံမှ သိရသည်။ “အဲလိုပြောတာက သုံးလေးရက်တော့ရှိပြီ။ မပြန်လာရင်တော့ ချိတ်ပိတ်မယ်ပေါ့။ ပြန်လာကြပါလို့ပြေတာ ဒီလဆယ့်လေးရက်နေ့အတွင်း ပြန်မနေလို့ရှိရင် ချိတ်ပိတ်မယ်လို့ပြောတာ” ဟု ကန်ပက်လက်မြို့ဒေသခံတစ်ဦးက ပြောသည်။ လူဦးရေ ငါးထောင်ကျော်ရှိသည့် ကန်ပက်လက်မြို့တွင် စစ်ကောင်စီတပ်နှင့် CDF- Kanpetlet တပ်ကြားတွင် တိုက်ပွဲ ဖြစ်ပွားမှုများ ပြင်ထန်လာခဲ့ပြီးနောက် မြို့ပေါ်နေ ပြည်သူအားလုံးနီးပါးမြို့ကို စွန်ခွာကာ မကွေးတိုင်း ဆောမြို့နှင့် ကျေးရွာ၊ စိုက်ခင်းခြံ တို့တွင် ထွက်ပြေး စစ်ဘေးခိုလှုံခဲ့ကြခြင်းဖြစ်သည်။ ယခုရက်ပိုင်းတွင် မြို့ပေါ်သို့ပြန်လာသည့် ပြည်သူအချို့ရှိနေသော်လည်း စစ်ကောင်စီဘက်က လက်နက်ကြီးများဖြင့် ပစ်ခတ်မှုများရှိနေသည့်အတွက် ပြည်သူများကလည်း ကြောက်ရွံ့စိုး ရိမ်မှုများနေသည်ဟုသိရသည်။ “သူတို့ကတော့ လာပြန်နေကြပါသာပြောတာ၊ ဘယ်နှယ့်နေတဲ့သူတွေရဲ့အိမ်ကိုပေါ်တင်ကြီးပစ်တာ၊ သူသူကို ယ်ကိုယ်ဆိုလည်းကြောက်တာပေါ့။ အိမ်မှာနေပါတယ်ဆိုမှ ရှိမှန်းသိတာတောင်ပစ်တာကြီးကိုး ဘယ်သူနေရဲမလဲ အခုကြတော့ ပြန်လာနေပါဆိုတော့ စဉ်းစားရခက်တာပေါ့” ဟု ကန်ပက်လက်ဒေသခံကပြောသည်။ ကန်ပက်လက်မြို့တွင် စစ်ကောင်စီတပ်နှင့် ဒေသခံပြည်သူ့ကာကွယ်ရေးတပ်ဖွဲ့ (CDF- Kanpetlet) တို့အကြား ဖြစ်ပွားသည့်တိုက်ပွဲတွင် စစ်ကောင်စီဘက်မှ လက်နက်ကြီးပစ်ခတ်မှုကြောင့် ဘုရားကျောင်းအပါအဝင် လူနေအိမ်များ လက်နက်ကြီးကျည်ထိမှန်ခြင်း၊ မိုင်းနင်းမိခြင်းနှင့် လူမနေထိုင်သည့်နေအိမ်များကိုလည်း ဖောက်ထွင်းကာ ပစ္စည်းများကိုခိုးယူခြင်းတို့ရှိနေသည်ဟု သိရသည်။