Chin League for Democracy (CLD) ခေါ် ချင်းဒီမိုကရေစီအဖွဲ့ ချုပ်က ၎င်းတို့ ပါတီရုံးခွဲများကို ချင်းပြည်နယ် မြို့ နယ် များတွင် ဆက်လက်ဖွင့်လှစ်ရန် အစီအစဉ် ရှိကြောင်း သိရသည်။
Author: Editor
အိန္ဒိယနိုင်ငံအရှေ့မြောက်ဘက် မီဇိုရမ်ပြည်နယ်အစိုးရက မြန်မာနိုင်ငံဘက်မှ ဆန်များကို ၀ယ်ယူ ရန် စီစဉ်နေ သည်ဟု သိရသည်။ ချင်းပြည်နယ် နှင့် နယ်နိမိတ်ချင်းထိစပ်နေသော မီဇိုရမ်ပြည်နယ်၏ ပြည်တွင်းလိုအပ်ချက် စားသုံး ကုန်များကို အိန္ဒိယ ပြည်မဘက်မှ မီးရထားဖြင့် အဓိကသယ်ယူလေ့ရှိပြီး လာမည့် အောက်တိုဘာ လ ၁ ရက်နေ့မှ ၂၀၁၅ ခုနှစ် မတ်လ အထိ Lumding နှင့် Badalpur အကြား ရထားလမ်း တိုးချဲ့ပြုပြင်မည်ဖြစ်သောကြောင့် ဒေသ တွင်း စားသုံး ကုန်တင်သွင်းရန် အခက်အခဲများ ရင်ဆိုင်ရ ဖွယ်ရှိနေသည်။ အိန္ဒိယပြည်မ နှင့် မီဇိုရမ်အကြားဆက်သွယ်ပေးသော ရထားလမ်းတိုးချဲ့ပြုပြင်သည့် စပ်ကြား ကာလ တွင် မြန်မာနိုင်ငံဘက်မှ ဆန်ကို ၀ယ်ယူရန် ပြည်နယ်အစိုးရက စီစဉ်နေခြင်းဖြစ်သည်။ ယင်းအတွက် အိန္ဒိယဗဟိုအစိုးရလက်အောက်ရှိ Metals and Minerals Trading Corporation of India Ltd က အပြည်ပြည်ဆိုင်ရာ တင်ဒါကို စက်တင်ဘာလ ၈ ရက်နေ့က ခေါ် ယူထားပြီဖြစ်ကြောင်း မီဇိုရမ်နေ့စဉ်ထုတ် Vanglaini သတင်းစားတွင်ဖော်ပြထားသည်။ အစကနဦးတွင် မြန်မာ့ဆန်ကို တစ်လလျင် quintal တစ်သိန်း အစမ်းဝယ်ယူမည်ဖြစ်ပြီး အဆင်ပြေ လာပါက လစဉ် quintal တစ်သိန်းနှုန်းဖြင့် ၅ လဆက်တိုက်ဝယ်ယူ သွားမည်ဟု သိရသည်။ မြန်မာ့ဆန်ကို အိန္ဒိယ-မြန်မာနယ်စပ် အမှတ် (၂) နယ်စပ်ကုန်သွယ်ရေးစခန်း ရိဒ်-ဇိုခွါထာရ် လမ်းကြောင်းမှ တဆင့် သယ် ယူမည်ဖြစ်ပြီး…
ချင်းပြည်နယ် တောင်ပိုင်း မတူပီမြို့ပေါ်နှင့် ကျေးလက်ဒေသ တချို့ရှိ အစိုးရ ကျောင်း များတွင် စက်တင်ဘာလ မှစတင်ကာ မတူဘာသာ စကား သင်ရိုးညွှန်းတမ်း စာအုပ် များ စတင် ဖြန့် ဝေနေပြီဖြစ် သည်။
ချင်းပြည်နယ်အတွင်း တာဝန်ထမ်းဆောင်လျှက်ရှိသော အစိုးရ၀န်ထမ်းများအနေဖြင့် လဒ်ပေး လဒ်ယူမှုများ ပြုလုပ်ပါက အမြန်ဆုံး အရေးယူမှုပြုလုပ်တော့မည်ဖြစ်ကြောင်း ပြည်နယ် လွှတ်တော် အစည်းအဝေးတွင် ပြည်နယ် ၀န်ကြီးချုပ် ဦးဟုန်းငိုင်းက ပြောကြားခဲ့သည်။ ချင်းပြည်နယ်၏ မြို့တော် ဟားခါးတွင် စက်တင်ဘာလ ၅ ရက်နေ့က ၈ ရက်နေ့အထိ ကျင်းပခဲ့သော ပထမ အကြိမ် ချင်းပြည်နယ် လွှတ်တော် န၀မမြောက် ပုံမှန်အစည်းအဝေးတွင် ချင်းပြည်နယ် အတွင်းရှိ အစိုးရဌာန ဆိုင်ရာ ၀န်ထမ်း များသည် ဒေသခံပြည်သူများ အပေါ် မချေမငံဆက်ဆံမှု၊ လူတန်းစားခွဲခြားဆက်ဆံမှုများ ဆက်လက်ဖြစ်ပေါ်နေသည့် အပေါ် ပြည်နယ်အစိုးရအနေဖြင့် ၀န်ထမ်းများအား အရေးယူခြင်း၊ သင်တန်းများ ပို့ချခြင်း အစီအစဉ် ရှိမရှိ ထန်တလန်မဲဆန္ဒနယ်မှ လွှတ်တော်အမတ် ဦးလာလ်မောင် ကျူံး၏ မေးမြန်းချက် အပေါ် ၀န်ကြီးချူပ်က ယခုကဲ့သို့ ပြန် လည်ဖြေကြားခဲ့ခြင်းဖြစ်သည်ဟု ယမန်နေ့ ထုတ် The Hakha Post သတင်းစာ တွင် ဖေါ်ပြ ထားသည်။ နိုင်ငံတော် သမ္မတမှ (Third Wave) အစီအစဉ် အရေးတကြီး ဖေါ်ဆောင်နေစဉ် ၀န်ထမ်း များ အနေဖြင့် မိမိတို့  ကျရာ တာဝန်အသီးသီးတွင် ၀န်ထမ်းစည်းကမ်းချက်နှင့်အညီ လဒ်ပေးလဒ်ယူ မှု ပြုလုပ်ခြင်း၊ ခွဲခြားဆက်ဆံမှု များ မပြုလုပ်ကြရန်၊ သက်ဆိုင်ရာ ၀န်ကြီးဌာန တာဝန်ရှိသူများက လည်း လက်အောက်ခံ ၀န်ထမ်းများကို စနစ်တကျ ကြီးကြပ်ရန် ဦးဟုန်းငိုင်းကပြောကြားခဲ့သည်ဟု သိရသည်။ ထို…
၂၀၁၄ ခုနှစ် သြဂုတ်လ နောက်ဆုံးပတ်က ချင်းပြည်နယ်တောင်ပိုင်း ပလက်ဝမြို့  နယ်တွင် ခလရ (၃၄၄) တပ်ရင်းမှူး အဖွဲ့ မှ ဒေသခံပြည်သူများအား ဖမ်းဆီး ချုပ်နှောင်ခြင်း၊ ရိုက်နှက်ခြင်း၊ သေနတ် ပစ်ဖောက် ကာခြိမ်းခြောက်ခဲ့သည့်ကိစ္စကို အရေးယူဆောင်ရွက်ပေး ရန် ပြည်နယ်ဝန်ကြီးချုပ် ထံ ဒေသခံများက တိုင်ကြား ထားသည်ဟုသိရသည်။
စစ်ကိုင်းတိုင်း ကလေးမြို့ ရှိ ချင်းလူမျိုးအများစု နေထိုင်ရာနေရာများတွင် Laimi Thi Hlut Bu (LTHB) ခေါ် Chin Blood Donation Group က ဦးဆောင်ပြီး သွေးလှူမှု စတင်အကောင် အထည်ဖော်နေကြောင်း သိရ သည်။
ချင်းအမျိုးသားတပ်မတော်(CNA) ကို လက်ခံသည်ဟူသော စွပ်စွဲချက်ဖြင့် ရခိုင်ပြည် နယ် ၊ မောင်းတောမြို့နယ် ရသေ့ တောင်အခြေစိုက် ခမရ ၃၄၄ မှ တပ်ရင်းမှူးနှင့် အဖွဲ့သည် ပလက်ဝမြို့ နယ် အိန္ဒိယ – မြန်မာနယ်စပ်ရှိ ကုန်ပြင်ရွာသား U KyawKyaw, U Maungsein နှင့် ကာကီရွာ သား U Sane Aung တို့အား ပြီးခဲ့တဲ့ သြဂုတ်လ ၂၉ ရက်နေ့က ယာ ထဲတွင် ဖမ်းဆီးနှိပ်စက်ပြီး ယနေ့ထိ ချုပ်နှောင်ထားသည်ဟု သိရသည်။
အိန္ဒိယ-မြန်မာနယ်စပ် မီဇိုရမ်ပြည်နယ်တွင် နယ်ခြားစောင့်တပ်ဖွဲ့(BSF) နှင့် မီဇိုရမ်ပြည်နယ် ထောက် လှမ်း ရေး ပူးပေါင်းတပ်ဖွဲ့က မြန်မာနိုင်ငံမှ ၀င်ရောက်လာသော လက်နက် ၅ လက် နှင့် ကျည်ဆံ ၅ ထောင်ကျော်ကို ယမန်နေ့ က ဖမ်းဆီးရမိသည်။ ကြိုတင်သတင်းရရှိထားချက်အရ အဆိုပါပူးပေါင်းတပ်ဖွဲ့သည် အိုင်ဇောလ်ခရိုင် Lengpui ရွာအနီးတွင် maxi-cab ကားအမျိူးစား MZ-01 J-0274 ရှာဖွေစစ်ဆေးရာတွင် ကားထဲတွင်လိုက်ပါလာသူ Chakma လူမျိူး ၅ ဦး နှင့်အတူ AK-47 အမျိူးစားသေနတ် ၅ လက် နှင့် ကျည်ဆံ ၄၀၀၀၊ M-16 ကျည်ဆံ ၁၁၀၀၊ လက်ကိုင်ဖုန်း ၁၀ လုံး နှင့် ရူပီးငွေ ၆ သောင်းကျော်ကို ဖမ်းဆီးရမိခဲ့ ခြင်းဖြစ်သည်။ မီဇိုရမ်ထောက်လှမ်းအရာရှိတစ်ဦး၏ပြောဆိုချက်အရ အဆိုပါလက်နက်များသည် မြန်မာနိုင်ငံမှတဆင့် မီဇိုရမ်ပြည် နယ်ကို ဖြတ်ကျော်ပြီး ဘင်္ဂလားဒေရှ့်နိုင်ငံဘက်သို့ တင်ပို့ရောင်းချရန်ဖြစ်သည်ဟု သိရ သည်။
အဆင့်မြင့်ပညာကဏ္ဍ အမျိုးသားအဆင့် အင်္ဂလိပ်ဘာသာစကား စွမ်းရည်ပြိုင်ပွဲတွင် ချင်းအမျိူးသား ငွန်လျန်ဆန်းက ကျပန်း စကားပြော ပြိုင်ပွဲ ဘွဲ့လွန်အဆင့်ပြိုင်ပွဲ၌ ပထမဆုရရှိခဲ့သည်။
စစ်ကိုင်းတိုင်းဒေသကြီး ကလေးမြို့နယ်အတွင်းရှိ ဆိုင်ကယ်အစီးပေါင်း ၂၀ နီးပါးခန့် ခိုးယူခဲ့သော အသက် (၂၄) နှစ်၊ ကားဝပ်ရှော့ လုပ်သား ဂရုဏာလမ်းသွယ်၊ ကျောက္ကာလမ်း မုံရွာမြို့နေ တေဇာလင်း (ခေါ်) အငယ်လေး ဆိုသူကို ကလေးမြို့ ရဲတပ်ဖွဲ့မှ သြဂုတ်လ ၂၅ ရက်နေ့ က ဖမ်းမိခဲ့သည်ဟု သိရသည်။ ၂၀၁၂ ခုနှစ်မှ ယခုနှစ်အထိ ကလေးမြို့နယ်တွင် ဆိုင်ကယ်အစီးပေါင်း ၁၉ စီးကို ခိုးယူခဲ့သည်ဟု အငယ်လေးက ရဲစခန်း တွင် ထွက်ဆိုထားပြီး ယင်းအထဲမှ HONDA CLICK နှင့် HIBOBO CZI 125 ဆိုင် ကယ်အမျိူးစား ၂ စီးမှာ ကလေးမြို့ ရဲတပ်ဖွဲ့မှ ပြန်လည်ရရှိထားပြီဟုသိရသည်။ “ ခိုးတဲ့ ဆိုင်ကယ်အမျိူးအစား၊ ခိုးတဲ့နေရပ်လိပ်စာ၊ ခိုးတဲ့နေ့ရက်တွေပါ ရဲစခန်းမှာ ထွက်ဆိုထား တယ်၊ ဒါကြောင့် ဆိုင် ကယ်ပျောက်ဆုံးတဲ့သူတွေအနေနဲ့ ကိုယ့်ဆိုင်ကယ်ပါမပါ သွားရောက် ကြည့်ရှူ သင့်တယ်၊ ကျနော်လည်း သွားကြည့် တော့ သူထွက်ဆိုတဲ့စာရင်းထဲမှာ ပျောက်သွားတဲ့ ကျနော့ဆိုင်ကယ်တော့ ပါမလာဘူး’’ ဟု ကလေးဒေသခံ ကပြောသည်။ တေဇာလင်း(ခေါ်) အငယ်လေးကို ကလေးမြို့ရဲစခန်းမှ ရာဇ၀တ်မှုပုဒ်မ ၃၇၉/ ၅၄ ဖြင့် အမှုဖွင့် အရေးယူထားသည်ဟု သိရသည်။ ကလေးမြို့နယ်တွင် ယနေ့ချိန်ထိ ဆိုင်ကယ်ပျောက်ဆုံးမှုများ မကြာခဏ ဖြစ်ပွားလျက်ရှိ သည် ဟု ဒေသခံ များကပြောသည်။