Author: Editor

(005MK) မီဇိုရမ်ပြည်နယ်အတွင်း ဝင်ရောက်ခိုလုံနေကြသော မြန်မာ၊ ဘဂ်လားရှေဒ့်နှင့် မဏိပူရ်ပြည်နယ်က စစ်ဘေးရှောင်များ လိုက်နာရမည့် အချက် ၈ ချက်ကို ဗဟိုမီဇိုးလူငယ်အသင်း (CYMA) က ယနေ့ထုတ်ပြန်လိုက်သည်။ မြန်မာ၊ ဘဂ်လားဒေရှ့်နိုင်ငံနှင့် မဏိပူရ်ပြည်နယ်တို့မှ မိမိအသက်လုံခြုံရေးအတွက် မီဇိုရမ်ပြည်နယ်သို့ ခိုလုံလာကြသော စစ်ဘေးရှောင်များအနေဖြင့် မီဇိုရမ်ပြည်နယ်၌နေထိုင်စဉ်ကာလအတွင်း ပြည်နယ်၏တည်ဆဲဥပဒေနှင့် စည်းမျဉ်း စည်း ကမ်းများကို လိုက်နာရမည်ဖြစ်ပြီး အစိုးရနှင့် ရပ်ရွာပြည်သူများမနှစ်သက်သောပုံစံဖြင့် နေထိုင်ခြင်းမပြုကြရန် CYMA က ပြောသည်။ စစ်ဘေးရှောင်များသည် ဒေသန္တရဥပဒေနှင့် မလျှော်ညီသော ကူးသန်းရောင်းဝယ်ခြင်း၊ မူးယစ်ဆေးဝါးများသုံးစွဲခြင်းနှင့် ရောင်းဝယ်ဖောက်ကားခြင်းများမပြုရန်၊ ဒေသန္တရအစိုးရ၊ ဒေသခံပြည်သူများနှင့်လိုက်‌လျောညီထွေစွာနေထိုင်မှုပြုရန်၊ အစိုးရနှင့် CYMA ၏ အသိမှတ်ပြုခွင့်ပြုချက်ရရှိမှသာ စစ်ဘေးရှောင်များအနေဖြင့် မြေကွက်နှင့် အိုးအိမ်ပိုင်ဆိုင်ခွင့်ရှိသည်ဟု ဖော်ပြထားသည်။ ထို့အပြင် အိမ်၊ ဆိုင်ခန်းငှားရမ်းသည့်နေရာမှာလည်း ကာလပေါက်စေျးထက်ပိုသော စေ◌ျးနှုန်းများဖြင့်ငှါးရမ်းခြင်း မပြုရန်၊ မြန်မာ နှင့် ဘဂ်လာဒေရှ့်နိုင်ငံမှ ခိုလုံလာကြသော စစ်ဘေးရှောင်များသည် အိန္ဒိယနိုင်ငံသားများမဟုတ်ကြသည့် အတွက် အိန္ဒိယနိုင်ငံသားများသာ ပိုင်ဆိုင်ခွင့်ရှိသော Voter ID, Aadhaar Card, Birth Certificate, Tribal Certificate, Residential Certificate, Driving License နှင့် Vehicle Registration စသည့်စာရွက်စာတမ်း သက်သေအထောက်အထားများရရှိရန် ကြိုးပမ်းဆောင်ရွက်မှုမပြုကြရန် တောင်းဆိုထားသည်။ စစ်ဘေးရှောင်များအနေဖြင့် တရားမဝင်ကုန်သွယ်မှုနှင့် မူးယစ်ဆေးဝါးတိုက်ဖျက်ရေးပိုင်းတွင် အစိုးရနှင့် ရပ်ရွာအဖွဲ့ အစည်းများအား အစွမ်းကုန်ပူးပေါင်းဆောင်ရွက်ကြရန်၊ စစ်ဘေးရှောင်များသည် မိမိသဘောဆန္ဒအလျှောက် ရွှေ့ပြောင်းနေထိုင်ခြင်းမပြုရန်လည်း CYMA ကတောင်းဆိုထားသည်။ မီဇိုရမ်ပြည်နယ် ရပ်ကွက်၊ ကျေးရွာအသီးသီးရှိ Sub-YMA…

(006SV) ချင်းပြည်နယ်၊ မင်းတပ်မြို့နယ်၊ တိုက်နယ် ၁၃ ထဲက အောက်ချိုင့်ကျေးရွာကို စစ်ကောင်စီက ဖျက်အားပြင်း ပေါင် ၅၀၀ ဗုံး အပါအဝင် လေကြောင်းတိုက်ခိုက်မှု ပြင်းပြင်းထန်ထန်ပြုလုပ်ပြီး ၂ ပတ်အကြာတွင် ယမန်နေ့က ဂျက်ဖိုက်တာ ၂ စီးဖြင့် ထပ်မံတိုက်ခိုက်ခဲ့ကြောင်း သတင်းရရှိသည်။ ဧပြီလ ၁၇ ရက် ညပိုင်း ၉ နာရီခန့်တွင် တိုက်နယ် ၁၃၊ အောက်ချိုင့်ကျေးရွာအနီးဝန်းကျင်ကို တိုက်ပွဲဖြစ်ပွားခြင်း မရှိဘဲ ဂျက်ဖိုက်တာ ၂ စီးဖြင့် ဗုံးကြဲတိုက်ခိုက်မှု ၄ ကြိမ် ပြုလုပ်သွားခဲ့ကြောင်း မင်းတပ်မြို့ဒေသခံက ပြောသည်။ “ဘယ်လိုကြောင့် တိုက်ခိုက်သလဲတော့ အတိအကျမသိဘူး။ အဲဒီမှာ တိုက်ပွဲလည်း မရှိဘူး။ တိုက်ခိုက်သွားတာက ရွာအနားဝန်းကျင်ကိုပါ။ ရွာထဲကို မကျဘူး” ဟု မင်းတပ်ဒေသခံက ပြောသည်။ ယင်းကြောင့် အရပ်သားပြည်သူများနှင့် အရပ်သားနေအိမ်များ ထိခိုက်ပျက်စီးမှုမရှိကြောင်း သိရသည်။ အောက်ချိုင့်ကျေးရွာသည် ပြီးခဲ့သည့် ဧပြီလ ၂ ရက် မွန်းလွဲ ၃ နာရီခန့်ကလည်း စစ်ကောင်စီက တိုက်လေယာဉ် ၃ စီးဖြင့် ဖျက်အားပြင်း ပေါင် ၅၀၀ ဗုံးများအပါအဝင် ဗုံးကြဲတိုက်ခိုက်မှု ၁၀ ကြိမ်ခန့်ပြုလုပ်ခဲ့ပြီး စက်သေနတ်များဖြင့်ပါ ပစ်ခတ်တိုက်ခိုက်ခဲ့သည်။ ယင်းတိုက်ခိုက်မှုကြောင့် အရပ်သားပြည်သူ ၅ ဦး ထိခိုက်ဒဏ်ရာများရရှိခဲ့ပြီး တစ်ဦးမှာ ခြေတစ်ဖက် ဆုံးရှုံးခဲ့ရကြောင်း၊ စာသင်ကျောင်းအပါအဝင် နေအိမ် ၁၀ လုံး ပျက်စီးခဲ့ပြီး ယင်းတိုက်ခိုက်မှုကြောင့် ရွာပတ်ဝန်းကျင်မှာ တောမီးများ ၂ ရက်ကျော်ကြာ…

(002MG) စစ်ကိုင်းတိုင်း၊ ကလေးမြို့မြောက်ပိုင်း ပျဉ်းခုံကြီးရွာက ခရစ်ယာန် ဘုရားကျောင်း (၅) ကျောင်းအပါအဝင် လူနေအိမ်ရာချီကို စစ်ကောင်စီတပ်ဖွဲ့က မီးရှို့ဖျက်စီးခဲ့သည်ဟု သိရသည်။ ကလေးမြို့မြောက်ပိုင်းဒေသ တာဟန်း-လက်ပံချောင်း ကားလမ်းမပေါ်တွင်တည်ရှိသော ပျဉ်းခုံကြီးရွာကို ဧပြီလ ၁၂ ရက်နှင့် ၁၃ ရက်နေ့မှာ စစ်ကောင်စီတပ်ဖွဲ့က မီးတင်ရှို့ခဲ့ခြင်းဖြစ်ပြီး မီးလောင်ပျက်စီးသည့် အိမ်ခြေအရေအတွက် အတိအကျ မသိရသော်လည်း တရွာလုံးနီးပါး မီးလောင်ပျက်စီးခဲ့သည်ဟု ဒေသခံများထံမှ သိရသည်။ စစ်ကောင်စီတပ်၏ မီးရှို့မှုကြောင့် ပျက်စီးသွားသော ဘုရားကျောင်းများမှာ East Baptist Church၊ West Baptist Church၊ Wesleyan Church၊ Believer Church နှင့် Church Of the Rock ဘုရားကျောင်းတို့ဖြစ်သည်။ စစ်ကောင်စီတပ်ဖွဲ့သည့် ကလေးမြို့မြောက်ပိုင်းဒေသကို ဧပြီလဆန်းပိုင်းက စစ်ကြောင်းထိုးဝင်ရောက်ပြီး ပြည်သူ့ကာကွယ်ရေးတပ်ဖွဲ့များနှင့် ထိတွေ့တိုက်ပွဲများ အပြင်းအထန် ဖြစ်ပွားခဲ့သည်။ ယခုတွင်လည်း စစ်ကောင်စီတပ်ဖွဲ့သည် ဆည်ကြီးကျေးရွာအဝင်တွင် တပ်စွဲနေဆဲဖြစ်ပြီး တာဟန်း-လက်ပံချောင်း ကားလမ်းပေါ်က ကျေးရွာများသည် ရွာလုံးကျွတ် စစ်ဘေးရှောင်နေကြရဆဲဖြစ်သည်။ ကလေးမြို့မှ ၇ မိုင်ခန့်ကွာဝေးသော ပျဉ်းခုံကြီးရွာတွင် အိမ်ခြေ ၅၀၀ ဝန်းကျင်ခန့်ရှိပြီး ချင်းလူမျိုးများနေထိုင်သည့် ကျေးရွာဖြစ်သည်။ ပြီးခဲ့သည့်မတ်လ ၁၉ ရက်နေ့တုန်းကလည်း ကလေးမြို့ တာဟန်းရပ်ကွက်အနီး ပျဉ်းခုံလေးကျေးရွာကို စစ်ကောင်စီက မီးရှို့ခဲ့ပြီး လူနေအိမ်ခြေ ၂၀၀ ကျော် ပျက်စီးခဲ့ပြီးဖြစ်သည်။

(005MK) မီဇိုရမ်ပြည်နယ်တောင်ပိုင်း လောင်တလိုင်ခရိုင်ကိုဖြတ်၍ မြန်မာနိုင်ငံဘက်သို့ လောင်စာဆီနှင့် အခြေခံစားသောက်ကုန်များ သယ်ယူခွင့်ကို ယနေ့ ဧပြီလ ၁၆ ရက်နေ့ကစ၍ အကန့်သတ်မရှိ ပိတ်ပင်လိုက်ကြောင်း Central Young Lai Asso ciation (CYLA) က ကြေညာချက်ထုတ်ပြန်သည်။ ယခုရက်ပိုင်းအတွင်း လောင်တလိုင်ခရိုင်ကိုဖြတ်၍ မြန်မာနိုင်ငံ ရခိုင်ပြည်နယ်ဘက်သို့ ဓာတ်ဆီ၊ ဒီဇယ်ဆီနှင့် အမျိုးမျိုးသော အခြေခံစားသောက်ကုန်များ အလုံးအရင်းဖြင့် တင်သွင်းလေ့ရှိကြသည်ဟု လောင်တလိုင်ခရိုင်အခြေစိုက် ဗဟိုလိုင်း လူငယ်များအသင်း (CYLA) Kumpuan ကော်မတီက ဆိုသည်။ ယင်းကိစ္စကို CYLA Kumpuan ကော်မတီက စနစ်တကျ စုံစမ်းလေ့လာကြည့်ရာမှာ မိမိတို့ဒေသတွင် ယခုလက်ရှိ မြန်မာ၊ မဏိပူရ်နှင့် ဘဂ်လားဒေရှ့်နိုင်ငံတို့မှ စစ်ဘေးရှောင်အမြောက်အများ ခိုလုံနေမှုကြောင့် နေ့စဉ်သုံးအခြေခံစားသောက်ကုန်များ လိုအပ်ချက်မြင့်မားနေသည့်အချိန်မှာ မိမိတို့ဒေသမှ ယခုကဲ့သို့ အခြေခံစားသောက်ကုန်များ အလုံးအရင်းဖြင့် သယ်ယူပို့ဆောင်နေမှုသည် ဒေသခံပြည်သူများအတွက် အခက်အခဲဖြစ်လာစေသည်ဟု ဆိုသည်။ ထို့အပြင် ယခင်ဖြစ်စဉ်များအရ ပြန်ကြည့်ပါက မြန်မာဘက်သို့ကုန်ပစ္စည်းများ သယ်ယူပို့ဆောင်ပေးသော ကားပိုင်ရှင်နှင့် ကားသမားများအတွက် လုံခြုံရေးဆိုင်ရာ စိုးရိမ်ဖွယ်များရှိသည်ကို တွေ့ရှိရသည်ဟု CYLA က ပြောသည်။ ထို့ကြောင့် ယနေ့ ဧပြီလ ၁၆ ရက်ကစ၍ နောက်ထပ် အသိပေးထုတ်ပြန်ချက် မရှိမခြင်း လောင်တလိုင်ခရိုင်ပြင်ပမှဖြစ်စေ၊ ခရိုင်အတွင်းမှဖြစ်‌စေ လောင်တလိုင်ခရိုင်ကိုဖြတ်၍ မြန်မာနိုင်ငံဘက်သို့ ကုန်ပစ္စည်းများ သယ်ယူပို့ဆောင်မှုကို ရပ်တန့်ကြရန် CYLA က တောင်းဆိုထားခြင်းဖြစ်သည်။ ရခိုင်ပြည်နယ်တွင် စစ်ကောင်စီတပ်ဖွဲ့နှင့် အာရက္ခတပ်တော် AA တို့အကြား တိုက်ပွဲကြောင့် ချင်းပြည်နယ် ပလက်၀မြို့နယ်နှင့်…

(002MG) ချင်းပြည်နယ် ပလက်၀မြို့နယ်တွင် အာရက္ခတပ်တော် (AA) က ၎င်းတို့၏ ထောက်ခံစာပါမှသာ ဒေသခံပြည်သူများကို ဝင်/ထွက်သွားလာခွင့်ပြုသည်ဟု သိရသည်။ ပလက်၀မြို့နယ်အတွင်းရှိ ပြည်သူများအနေဖြင့် ပလက်၀မြို့မှ အခြားဒေသများသို့ ခရီးသွားလိုလျှင်သော်လည်းကောင်း၊ အခြားဒေသများမှ ပလက်၀မြို့ပေါ်သို့ ဝင်ရောက်လိုလျှင်သော်လည်းကောင်း အာရက္ခတပ်တော် (AA) ၏ ထောက်ခံစာပါမှသာ ဝင်/ထွက်သွားလာခွင့်ပြုသည်ဟု ပလက်၀ဒေသခံများထံမှ သိရသည်။ “သူတို့က ပလက်ဝမှာ အထွက်လဲ ထောက်ခံစာယူရတယ်၊ ဘယ်သူပဲဖြစ်ဖြစ် အဝင်လဲ ထောက်ခံစာပါမှ လက်ခံတယ်။ ပလက်ဝ မြို့ထဲမှာ AA ဂိတ်တွေ၊ တံတားဂိတ်တွေမှာ ဆမီးကနေဖြစ်ဖြစ် ကျောက်တော်ကနေဖြစ်ဖြစ် ထောက်ခံစာပါမှ လက်ခံတယ်။ ဒါမှမဟုတ်ရင် ဝင်လို့မရဘူး၊ ဆမီးကနေ ပလက်ဝကိုသွားမယ်ဆိုရင်တော့ ဆမီးမြို့က AA အုပ်ချုပ်ရေး အပိုင်းရဲ့ ထောက်ခံစာယူရတယ်၊ မပါရင်တော့ ပြန်ခေါက်ခိုင်းတယ်” ဟု လုံခြုံရေးအရ အမည်မဖော်လိုသူ ပလက်ဝ ဒေသခံတစ်ဦးကပြောသည်။ အာရက္ခတပ်တော် (AA) သည် ၁၀၂၇ စစ်ဆင်ရေးနှင့်အတူ ချင်းပြည်နယ် ပလက်၀မြို့နယ်ကို ၂၀၂၃ ခုနှစ် နို၀င်ဘာ ၁၃ ရက်နေ့က စတင်ထိုးစစ်ဆင်တိုက်ခိုက်ခဲ့ပြီးနောက် ၂၀၂၄ ခုနှစ် ဇန်နဝါရီ ၁၄ ရက်နေ့တွင် ပလက်၀မြို့နယ်တစ်ခုလုံး သိမ်းပိုက်နိုင်ခဲ့သည်။ ထို့ကဲ့သို့ ပလက်၀မြို့ကို သိမ်းပိုက်ထိန်းချုပ်ပြီးနောက်ပိုင်းတွင် အာရက္ခတပ်တော် (AA) က ပလက်၀မြို့နယ်တွင် အုပ်ချုပ်ရေးလုပ်ငန်းစဉ်များအကောင်အထည်ဖော်ဆောင်လာခဲ့ခြင်းဖြစ်သည်။ ပလက်၀မြို့ပေါ်တွင် နေထိုင်ကြသော ဒေသခံပြည်သူများအနေဖြင့် ကျေးလက်ဒေသနှင့် နယ်စပ်ဘက်ကို ခရီးသွားလိုပါက မြို့ပေါ်ရှိ AA မှခန့်အပ်ထားသော အုပ်ချုပ်ရေးမှူးများထံသို့ ကျပ်ငွေ ၁၀၀၀ ဖြင့်…

(004SS) ချင်းပြည်နယ် ဟားခါးမြို့ ရှိ စစ်ကောင်စီတပ်ဖွဲ့၏ ရုန်းတောင် ဗျူဟာတပ်ကုန်းကို ချင်းကာကွယ်ရေးပူးပေါင်းတပ်ဖွဲ့က ဒရုန်းဖြင့် ဗုံးကြဲတိုက်ခိုက်ခဲ့ကြသည်ဟု သိရသည်။ ယမန်နေ့ ဧပြီလ ၁၅ ရက် ညနေပိုင်းအချိန်တွင် ချင်းကာကွယ်ရေးပူးပေါင်းတပ်ဖွဲ့များဖြစ်သည့် CDF-Hakha, CDF-Thantlang, CDF -Zophei နှင့် CDF-Lautu တို့မှ ဒရုန်းဖြင့် ဗုံး ၃ လုံးကြဲချခဲ့သည်ဟု CDF-Hakha ကထုတ်ပြန်သည်။ ထိုသို့ ဗုံးကြဲခံရမှုကြောင့် တပ်ကုန်းအတွင်းရှိ စစ်ကောင်စီတပ်ဖွဲ့ဝင်များ ‌ထိခိုက်မှုနှင့် သေဆုံးမှုများရှိကြောင်း သိရသော်လည်း အတည်ပြုနိုင်ခြင်းမရှိသေးကြောင်း၊ နောက်ထပ်အချက်အလက်များအား ထပ်မံထုတ်ပြန်သွားမည်ဟု CDF-Hakha က ဆိုသည်။ အဆိုပါ‌ဗုံးကြဲတိုက်ခိုက်မှုနှင့် ပါတ်သက်၍ အသေးစိတ်သိရှိနိုင်ရန် CDF-Hakha တာဝန်ရှိသူထံ တယ်လီဖုန်းဖြင့် ဆက်သွယ်ခဲ့သော်လည်း ဆက်သွယ်၍မရသေးပေ။ CDF-Hakha တပ်ဖွဲ့အနေဖြင့် ဟားခါးတစ်မြို့လုံး သိမ်းပိုက်နိုင်ရေးအတွက် ရုန်းတောင်စစ်ဆင်ရေးဖော်ဆောင်ကာ စစ်ကောင်စီတပ်ဖွဲ့များတပ်စွဲထားသော နေရာများကို တိုက်ခိုက်နေခြင်းဖြစ်သည်။ ဧပြီလ ၁၂ ရက်နေ့ကလည်း စစ်ကောင်စီလက်အောက်ခံ ဝန်ကြီးများလိုက်ပါလာသည့် ယာဉ်တန်းကို CDF-Hakha က ကြားဖြတ်တိုက်ခိုက်ခဲ့ပြီးနောက် ဟားခါးမြို့ပေါ်ရှိ ဝန်ကြီးများသည် ၎င်းတို့အိမ်ယာတွင်ပင် မလုံခြုံတော့‌ဘဲ ရုန်းတောင်ဗျူဟာတပ်ကုန်းသို့ ရွှေ့ပြောင်းခိုလုံနေကြရကြောင်း အမည်မဖော်လိုသူ သတင်းအရင်းအမြစ်ထံမှ သိရသည်။ “ဧပြီ ၁၂ ရက်နေ့က CDF က ဝန်ကြီးကားတွေကို ပစ်ခတ်ခဲ့တယ်၊ ဒါဏ်ရာရရှိတဲ့သူတွေလဲ ရှိခဲ့တယ်၊ အခုတော့ သူတို့ ပြန်သက်သာလာပြီလို့ကြားတယ်။ ပြီးတော့ အခြေအနေမကောင်းတော့ဘူးပေါ့၊ လုံခြုံရေးအရ ဝန်ကြီးတွေကို ရုန်းတောင်တပ်ကုန်းမှာ ခေါ်ထားတယ်လို့ သတင်းရတယ်” ဟု ၎င်းသတင်းအရင်းအမြစ်က ဆိုသည်။ ဖြစ်စဉ်မှာ…

(006SV) အာဏာရှင်စနစ်မှန်သမျှကို အပြတ်ချေမှုန်းပြီး ဖက်ဒရယ် ဒီမိုကရေစီစနစ် တည်ဆောက်ရေးအတွက် နိုင်ငံရေးဘုံရည်မှန်းချက်တူနေသရွေ့ NUG အစိုးရနှင့် လက်တွဲ၍ အဆုံးတိုင် တိုက်ပွဲဝင်သွားမည်ဖြစ်ကြောင်း အောက်ချင်းငှက် သစ္စာကို တိုင်တည်၍ အဓိဌာန်ပြုကြောင်း ချင်းအမျိုးသားတပ်ဦး (CNF) က ပြောသည်။ ယနေ့ ဧပြီလ ၁၆ ရက်တွင် အမျိုးသားညီညွတ်ရေးအစိုးရ NUG ၏ ၃ နှစ်ပြည့် အခမ်းအနားကို ပေးပို့သော ဂုဏ်ပြုသဝဏ်လွှာမှာ ချင်းအမျိုးသားတပ်ဦး CNF ကထိုကဲ့သို့ ကတိပြုခဲ့ခြင်းဖြစ်သည်။ ပင်လုံစာချုပ်၊ ပင်လုံကတိကဝတ်၊ ပင်လုံစိတ်ဓါတ်နှင့် အညီ နိုင်ငံရေးအရ တန်းတူမှု ရှိပြီး ကိုယ်ပိုင်ပြဌာန်းခွင့် အာမခံချက်ရှိသော ဖက်ဒရယ် ဒီမိုကရေစီပြည်ထောင်စုနိုင်ငံတော် တည်ဆောက်ရေးအတွက် NUG အစိုးရနှင့် နိုင်ငံရေးဘုံရည်မှန်းချက် တူနေသရွေ့ တလှေထဲ ခရီးဖြင့် ရှေ့ဆက်တော်လှန်တိုက်ပွဲဝင်သွားမည်ဟု CNF က ထုတ်ပြန်သည်။ ၂၀၂၁ ခုနှစ် မေလ ၂၉ ရက်က CNF နှင့် NUG အစိုးရတို့ကြား အချက် ၈ ချက်ပါ နှစ်ဖက်သဘော တူညီချက်အတိုင်း ဆက်လက်ရပ်တည်သွားမည်ဖြစ်ပြီး စစ်အာဏာရှင်နှင့် အာဏာရှင်စနစ်မှန်သမျှ အပြတ်ချေမှုန်းမည်ဟု CNF က ပြောသည်။ ယနေ့သည် စစ်အာဏာသိမ်းပြီးနောက် တိုင်းရင်းသား လက်နက်ကိုင် အင်အားစုများအပါအဝင် နွေဦးတော်လှန်ရေး အင်အားစု အသီးသီးမှ စစ်ကောင်စီကို ဖြုတ်ချကာ ဖက်ဒရယ်ဒီမိုကရေစီ ပြည်ထောင်စု တည်ထောင်ရေးအတွက် အမျိုးသားညီညွတ်ရေးအစိုးရ (NUG) ကို ဖွဲ့စည်ခဲ့သည်မှာ ၃ နှစ်ပြည့်ပြီးဖြစ်သည်။ ၂၀၂၁ ခုနှစ်…

(006SV) ချင်းအမျိုးသားအဖွဲ့ချုပ် CNO/CNDF အနေဖြင့် တော်လှန်ရေး ၃ နှစ်တာကာလအတွင်း တိုက်ပွဲပေါင်း ၁၇၀ ကျော် ပါဝင်ဆင်နွှဲခဲ့ရာတွင် စစ်ကောင်စီဘက်မှ အရာရှိများအပါအဝင် တပ်ဖွဲ့ဝင် ၇၀၀ ထက်မနည်းကို သုတ်သင်ရှင်းလင်း နိုင်ခဲ့သည်ဟု CNO/CNDF ပြောရေးဆိုခွင့်ရှိသူ ဆလိုင်းကျုံးငိုင်က ပြောသည်။ “စစ်ကောင်စီဖက်အသေအကြေကတော့ ၃ နှစ်အတွင်းမှာ အတိအကျကြီး ပြောလို့တော့ မရပေမယ့် ခန့်မှန်းခြေက ၇၀၀ နဲ့ ၁၀၀၀ ကြားတော့ သေကြပါလိမ့်မယ်”ဟု ဆလိုင်းကျုံးငိုင်က ပြောသည်။ နွေဦးတော်လှန်ရေး ၃ နှစ်ကာလအတွင်း စခန်းသိမ်းတိုက်ပွဲ ၉ ကြိမ် အပါအဝင် ၁၇၀ ကျော်သော တိုက်ပွဲများအတွင်း ကျဆုံးရဲဘော် အပါအဝင် အမျိုးသားတာဝန်ကို ထမ်းဆောင်ရင်း ကျဆုံးသူ CNDF ရဲဘော် ၄၈ ဦးရှိခဲ့ပြီး မသန်စွမ်းဖြစ်ခဲ့ရသူ ရဲဘော် ၄၂ ဦးထိ ရှိခဲ့သည်ဟုသိရသည်။ တိုင်းပြည်နှင့် အမျိုးသားလွတ်မြောက်ရေးအတွက် လက်နက်ကိုင်တော်လှန်ခဲ့ရာမှ မျက်စီကွယ်သွားသော ရဲဘော်များ ကို မျက်မမြင်ကျောင်း ထားပေးခြင်း၊ ရဲဘော်များကို ခြေတု လက်တုများ တပ်ဆင်ပေးခြင်းနှင့် လိုအပ်သော ဆေးဝါး ကုသမှုများကို ပြုလုပ်ပေးနေကြောင်း CNO/CNDF ပြောရေးဆိုခွင့်ရှိသူ ဆလိုင်းကျုံးငိုင်က ပြောသည်။ “မျက်မမြင်တဲ့ ရဲဘော်တွေကို မျက်မမြင်ကျောင်းထားပေးပြီး အသက်မွေးဝမ်းကျောင်းနိုင်တဲ့အထိ ကျောင်းထားပေး တာမျိုးတွေ ရှိတယ်။ နောက်ပြီးတော့ ခြေတု၊လက်တု တပ်ဆင်ပေးတာမျိုးတွေ လုပ်နေပါတယ်။ ခြေလက်အင်္ဂါ မစုံတဲ့ သူတွေကိုတော့ သူတို့ တာဝန်ထမ်းဆောင်ချင်ရင် သူတို့နဲ့ သင့်တော်တဲ့ ဌာနမှာ ပြန်လည်…

ချင်းပြည်နယ် ထန်တလန်မြို့နယ် တစ်နေရာတွင် Network for Chin Community Development (NCCD)၏ ဦးဆောင်မှုဖြင့် အခြေခံလူထုဖွံ့ဖြိုးရးသင်တန်းကို ဧပြီလ ၈ ရက်မှ ၁၁ ရက်နေ့အထိ ကျင်းပပြုလုပ်ခဲ့ကြကြောင်း သိရသည်။ အဆိုပါသင်တန်းတွင် လူထုအခြေပြုဖွံ့ဖြိုးရေးအကြောင်း၊ နိုင်ငံရေး၊လူမူရေး၊ စီးပွားရေး၊ သဘာဝပတ်ဝန်းကျင်အရေး၊ ဖက်ဒရယ်၊ ကွန်ဖက်ဒရယ်၊ ဒီမိုကရေစီ ၊လူ့အခွင့်အရေး၊ မဟာဗျူဟာရေးဆွဲခြင်း၊ FPIC အကြောင်းနှင့် NCCD ၏ ဖွံ့ ဖြိုးရေးမူ ၃ ချက်တို့ကို သင်ကြားပို့ချကာ သင်တန်းဆင်း အောင်လက်မှတ်ကိုလည်း ပေးအပ်ခဲ့ကြသည်ဟု သိရသည်။ ထို့နောက် ထန်တလန်မြို့နယ်၊ Tihbual ကျေးရွာမှာ ၃ ရွာစုပေါင်းပြီ ကွန်ယက်စီမံကိန်းကိုလည်းစတင်အကောင် အထည်ဖော်ဆောင်ရွက်နိုင်ကြကြောင်းသိရသည်။ NCCD သည် ချင်းပြည်နယ်အတွင်း ဒေသဖွံ့ဖြိုးရေးလုပ်ငန်းများ၊ ချင်းမြေယာမူဝါဒဥပဒေများအပြင် ကျေးလက်ဒေသမှ ချင်းပြည်သူများအတွက် အခြေခံလိုအပ်ချက်များ ကူညီပံ့ပိုးခြင်း၊ စစ်ဘေးရှောင်များအား ကူညီထောက်ပံ့ခြင်းနှင့် တပိုင်တနိုင်စီးပွားရေးလုပ်ငန်းများ လည်ပတ်နိုင်ရန် ပံ့ပိုးကူညီပေးနေသည့် အဖွဲ့ဖြစ်သည်။

(004SS) မလေးရှားနိုင်ငံတွင် ချင်းလူမျိုး အသက် ၈ နှစ်အရွယ် ပီတာဗျက်ထာကျုံးကို လည်ပင်းညစ်သတ်ဖြတ်သွားသူကို ဧပြီလ ၁၅ ရက်ည ၁၁ နာရီခွဲဝန်းကျင်တွင် မလေးရှားရဲတပ်ဖွဲ့မှ ဖမ်းဆီးရမိကြောင်း သိရသည်။ “သတင်းအရ သူ့ရွာလူကြီးတွေက ဆုံးသွားတဲ့ကလေးရဲ့မိသားစုကို အရင်တောင်းပန်ဖို့သွားကြတယ်၊ ဒါနဲ့ ကလေးမိသားစုဘက်က လူသတ်သမားကိုသာ အရင်ထုတ်ပေးဖို့ တောင်းဆိုကြတယ်၊ မထုတ်ပေးရင် လက်မခံဘူးလို့ ငြင်းဆိုမှ ဒီလူကိုမိတာတဲ့” ဟု နီးစပ်သူတစ်ဦးက ၎င်း၏လူမှုကွန်ရက်စာမျက်နှာတွင် ဖော်ပြသည်။ ဖြစ်စဉ်မှာ ဧပြီလ ၁၄ ရက်နေ့လည် ၃ နာရီဝန်းကျင်တွင် ကွာလာလမ်ပူမြို့၊ ပူဒူးရပ်ကွက်ရှိ တိုက်ခန်းတစ်ထပ်တည်းတွင် အတူနေထိုင်သော ဟရန်တလိန်းထန်က ပီတာဗျက်ထာကျုံးအား လည်ပင်းညစ် သတ်ဖြတ်ကာ ထွက်ပြေးခဲ့ခြင်းဖြစ်ပြီး မလေးရှားရဲတပ်ဖွဲ့တွေမှ လိုက်လံရှာဖွေနေခဲ့ခြင်းဖြစ်သည်။ ဟရန်တလိန်းထန်သည် ထွက်ပြေးရာမှ သူငယ်ချင်းဖြစ်သူ၏ နေအိမ်သို့ ရောက်ရှိလာပြီးနောက် ရဲတပ်ဖွဲ့ထံအကြောင်းကြားကာ အဖမ်းခံရခြင်းဖြစ်သည်ဟု သိရသည်။ ပီတာဗျက်ထာကျုံးကို သတ်ဖြတ်သွားသူ အသက် ၂၁ နှစ်အရွယ် ဟရန်တလိန်းထန်သည် ချင်းပြည်နယ်၊ ဟားခါးမြို့၊ မီအေဒေသ Hmaikhah ရွာကနေ မလေးရှားနိုင်ငံမှာ နေထိုင်သူဖြစ်ကြောင်း သိရသည်။ လက်ရှိတွင် ၎င်းကို ကွာလာလမ်ပူရဲစခန်းတွင် ထိန်းသိမ်းထားဆဲဟု သိရသည်။