(004SS)
National University of Zoland – NUZ သည် “အသက်မွေးဝမ်းကျောင်းနှင့် အထက်တန်းလွန်ပညာရေးဆိုင်ရာ ဒီပလိုမာဘွဲ့” Diploma in Vocational and Post-secondary Education သင်တန်းသစ်ကို ဖွင့်လှစ်သွားမှာဖြစ်ပြီးလျှောက်လွှာများကို အောက်တိုဘာလ ၃ ရက်နေ့အထိ လက်ခံသွားမည်ဖြစ်ကြောင်း သိရသည်။
ယခုဖွင့်လှစ်မည့် ဒီပလိုမာသင်တန်းသည် ပညာရေးလမ်းကြောင်း အဆက်ပြတ်ခဲ့သည့် လူငယ်များအတွက် ပြန်လည်စတင် နိုင်မည့် အခွင့်အလမ်းတစ်ခုအဖြစ် ဖန်တီးထားခြင်းဖြစ်သည်။
သင်တန်းကို NUZ ၏ စီမံခန့်ခွဲမှုအောက်တွင် ဆောင်ရွက်သွားမည်ဖြစ်ပြီး၊ ကျောင်းသားများအနေဖြင့် မိမိတို့၏ ဝါသနာနှင့် အနာဂတ်ရည်မှန်းချက်များအပေါ် မူတည်၍ ရွေးချယ်နိုင်ရန် GED Track နှင့် Vocational Track ဟူ၍ သင်ကြားမှု ပုံစံနှစ်မျိုး ခွဲခြားထားသည်။
GED Track ကို ရွေးချယ်သည့် ကျောင်းသားများသည် အခြေခံဘာသာရပ်များဖြစ်သည့် အင်္ဂလိပ်စာ၊ ဒီဂျစ်တယ်ကျွမ်းကျင် မှုနှင့် နိုင်ငံသားပညာရေးတို့ကို သင်ယူရမည့်အပြင်၊ GED ဘာသာရပ်များဖြစ်သော ဘာသာစကားအနုပညာမှတစ်ဆင့် ဆင်ခြင်တုံတရားဆန်းစစ်ခြင်း၊ သင်္ချာ၊ လူမှုရေးသိပ္ပံနှင့် သိပ္ပံဘာသာရပ်များကိုလည်း လေ့လာကြရမည်ဖြစ်သည်။
ထို့ပြင် Programming Graphic Design၊ Video Editing၊ A+ and Networking၊ Web Design and Programming ကဲ့သို့သော သက်မွေးပညာ ရွေးချယ်စရာဘာသာရပ်များထဲမှ အနည်းဆုံး နှစ်ဘာသာကို ရွေးချယ်သင်ယူရမည်ဟု ဖော်ပြထားသည်။
GED Track သို့ တက်ရောက်လိုသူများသည် စနစ်သစ် Grade-12 သို့မဟုတ် စနစ်ဟောင်း Grade-10 အောင်မြင်ပြီးသူများ ဖြစ်ရမည်ဖြစ်ပြီး၊ အသက် ၁၆ နှစ်နှင့်အထက် ရှိရမည်ဖြစ်သည်။
Vocational Track တွင်မူ ကျောင်းသားများသည် အခြေခံဘာသာရပ်သုံးခုကို သင်ယူရမည့်အပြင်၊ Graphic Design၊ Video Editing၊ A+ and Networking၊ Web Design and Programming စသည့် သက်မွေးဘာသာရပ်များကို အထူးပြုသင်ယူရမည်ဖြစ်သည်။ Vocational Track သို့ တက်ရောက်လိုသူများသည် အနည်းဆုံး Grade-8 အောင်မြင်ပြီးသူများ ဖြစ်ရမည်ဖြစ်ပြီး၊ အသက် ၁၆ နှစ်နှင့်အထက် ရှိရမည်ဖြစ်သည်။
ယခုသင်တန်းသည် တစ်နှစ်ကြာမြင့်မည့် သင်တန်းဖြစ်ပြီး၊ အွန်လိုင်းနှင့် လက်တွေ့သင်ကြားမှုစနစ်ဖြင့် ပေါင်းစပ်သင်ကြား ပေးသွားမည်ဖြစ်ကာ သင်တန်းကို ပြီးမြောက်အောင် တက်ရောက်ပြီး သတ်မှတ်ထားသော တာဝန်များကို အောင်မြင်စွာ ဆောင်ရွက်နိုင်သူများကို completion certificate ပေးအပ်သွားမည်ဟု သိရသည်။
သင်တန်းကြေးအနေဖြင့် တစ်နှစ်လျှင် ကျပ် ၃ သိန်း သတ်မှတ်ထားပြီး၊ ကျောင်းသားများ အဆင်ပြေစေရန်အတွက် တစ်ကြိမ်လျှင် ကျပ် ၅ သောင်းနှုန်းဖြင့် ၆ ကြိမ် အရစ်ကျပေးသွင်းနိုင်ရန် စီစဉ်ထားကြောင်း သိရသည်။
ထို့ပြင် ကျောင်းဆောင်တွင် နေထိုင်လိုပြီး စားသောက်ရေးအစီအစဉ်ကို အသုံးပြုလိုသူများအတွက် လစဉ်ကြေး ကျပ် ၂၂၀,၀၀၀ သတ်မှတ်ထားကြောင်း NUZ မှ ထုတ်ပြန်ထားသော အစီအစဉ်လမ်းညွှန်အရ သိရသည်။
စိတ်ပါဝင်စားသူများအနေဖြင့် အောက်ပါ Registration Link သို့ လျှောက်ထားနိုင်ပြီး၊ လျှောက်လွှာပိတ်ရက်မှာ ၂၀၂၄ ခုနှစ်၊ အောက်တိုဘာလ ၃ ရက်နေ့ ဖြစ်သည်။
အသေးစိတ်အချက်အလက်များအတွက် nuz.edu.mm တွင် ဝင်ရောက်ကြည့်ရှုနိုင်ပါသည်။
Registration Link: https://forms.gle/rQ6ZYKpxFrBPrQoh8
