• Home
  • Featured
  • English
  • Headline
Facebook Twitter Instagram
Khonumthung Media Group
Khonumthung Ad
  • Home
  • Featured
  • English
  • Headline
Khonumthung Media Group
You are at:Home»Headline»စစ်ကောင်စီသတင်းပေးဟုဆိုသော ဦးအာခိုင်အား ထိန်းသိမ်းထားစဉ် သေဆုံးမှုနှင့်ပတ်သက်၍ CDF-Paletwa ရှင်းလင်း

စစ်ကောင်စီသတင်းပေးဟုဆိုသော ဦးအာခိုင်အား ထိန်းသိမ်းထားစဉ် သေဆုံးမှုနှင့်ပတ်သက်၍ CDF-Paletwa ရှင်းလင်း

0
By Editor on September 9, 2022 Headline

ချင်းပြည်နယ်တောင်ပိုင်း ပလက်ဝမြို့နယ် ဝါဒိန်အုပ်စု၊ ဝါဒိန်ကျေးရွာနေ အသက် ၆၅ နှစ်အရွယ် ဦးအာခိုင်သည် CDF-Paletwa ၏ လှုပ်ရှားမှုများအား စစ်ကောင်စီထံ သတင်းပေးပို့လေ့ရှိသောကြောင့် ဖမ်းဆီးထိန်းသိမ်းစဉ် သေဆုံးခဲ့မှုနှင့်ပတ်သက်၍ CDF-Paletwa က အသိပေးရှင်လင်းချက်ကို ယနေ့ စက်တင်ဘာလ ၈ ရက်တွင် ထုတ်ပြန်လာသည်။

ဦးအာခိုင်သည် CDF-Paletwa တပ်ဖွဲ့၏ လှုပ်ရှားမှုများအား စစ်ကောင်စီထံ သတင်းပေးပို့နေသည်ကို မကြာခဏသိရှိရပြီး ၎င်းကို ဒလန်အဖြစ်သတ်မှတ်၍ ၂၀၂၁ ခုနှစ် ဇွန်လတွင် ပထမအကြိမ်၊ ၂၀၂၂ ခုနှစ် ဇန်နဝါရီလတွင် ဒုတိယအကြိမ်စသည်ဖြင့် အကြိမ်ကြိမ် သတိပေးထားသည့်ကြားမှ ဇူလိုင်လ ၃ ရက်နေ့က စစ်ကောင်စီထံ သတင်ပေးမှုများ ဆက်လက်တွေ့ရှိရသည့်အတွက် ဇူလိုင်လ ၁၃ ရက်နေ့တွင် ဖမ်းဆီးထိန်းသိမ်းခဲ့သည်ဟု CDF-Paletwa ၏ ရှင်းလင်းချက်တွင်ဖော်ပြသည်။

CDF-Paletwa ပြောရေးဆိုခွင့်ရှိသူက “ကျနော်တို့ CDF ထိန်းချုပ်နယ်မြေအတွင်းမှာ အစည်းအဝေးလုပ်တဲ့အခါမှာ သူတို့ရွာကနေ တက်ရောက်လာတဲ့သူတွေရဲ့စာရင်းတွေကို ဘယ်လိုဘယ်လိုအစည်းအဝေးခေါ်တယ်ဆိုတဲ့ဟာတွေကို သူကစစ်ကောင်စီကို အမြဲတမ်းသတင်းပေးတယ် အဲဒါကို ကျနော်တို့ခိုင်ခိုင်လုံလုံသတင်းရရှိလို့ သူ့ကိုလည်း အကြိမ်ကြိမ် သတိပေးတာမျိုးတွေရှိတယ် ကျနော်တို့လှုပ်ရှားမှုလို့ပြောတဲ့နေရာမှာ ကျနော်တို့ပြည်သူလူထုကိုအစည်းအဝေးခေါ်ပြီး မှ စည်းရုံးရေးဆင်းတဲ့ဟာလိုမျိုး ပြည်သူလူထုတွေဆီဟောပြောပွဲသွားလုပ်တဲ့အချိန်ခါလိုမျိုးမှာ သူ့အနေနဲ့ ရက်စွဲတွေသတ်မှတ်ပြီးတော့မှ သက်ဆိုင်ရာစစ်ကောင်စီတွေဆီမှာအမြဲအကြောင်းကြားတယ်ဆိုတာ ကျနော်တို့က တိတိကျကျရထားတာဖြစ်တယ် အဲဒါကြောင့်ပါပဲ” ဟု ပြောသည်။

၎င်းကို ကျန်းမာရေးစောင့်ရှောက်မှုအပြည့်ဖြင့် ထိန်းသိမ်းထားသော်လည်း ဇူလိုင်လ ၁၆ ရက်ညသန်းခေါင်ယံတွင် ထွက်ပြေးကာ နောက်တနေ့ဇူလိုင်လ ၁၇ ရက်နေ့တွင် ပြန်လည်ဖမ်းဆီးထိန်းသိမ်းခဲ့သည်ဟု ဆိုသည်။

ယင်းကဲ့သို့ထိန်းသိမ်းထားစဉ်ကာလတွင် ၎င်း၏ကျန်းမာရေး အမောဆို့ရောဂါအခံကြောင့် ဇူလိုင်လ ၁၉ ရက်နေ့ နံနက်ပိုင်း ၅ နာရီခွဲခန့်က သေဆုံးသွားခဲ့သည် CDF-Paletwa က ထုတ်ပြန်သည်။

“ကျနော်တို့ကောင်းကောင်းမွန်မွန်နဲ့စခန်းမှာထိန်းသိမ်းထားတယ် အဒီချိန်မှာပဲ ကျနော်တို့ဆီကို စစ်ကြောင်းထိုးလာတဲ့ အချိန်ဖြစ်တယ် ကျနော်တို့တပ်ဖက်ကနေ တဘက်မှာစစ်ကောင်စီရဲ့ စစ်ကြောင်းထိုးတဲ့ဟာကို ခွဲပြီးမှကာကွယ်နေရတဲ့ အခြေအနေလည်းဖြစ်တယ် စခန်းတွင်းမှာလည်း လုံခြုံရေးကာကွယ်နေရတဲ့အချိန်မှာ သူကအခွင့်ကောင်းယူပြီး ထွက်ပြေးသွားတာဖြစ်တယ် ကျနော်တို့ရဲဘော်တွေက ပြန်ဖမ်းဆီးတယ် ဖမ်းဆီးတဲ့ ချိန်မှာလည်း ရိုက်နက်တာတွေ လည်းမရှိပါဘူး ကြိုးတွေပါတွေတော့တုပ်ပြီးမှ သူ့ကိုတော့ဆွဲခေါ်တာမျိုးတော့ရှိတာပေါ့ ညတွင်းချင်းမနားရဘဲ ကျနော်တို့စခန်းကိုပြန်ခေါက်ရတာပေါ့ ကျနော်တို့ရှိတဲ့စခန်းကလည်းတောနက်ကြီးကိုး တော်တော် လေးလည်း ခရီးကဝေးတဲ့အခြေအနေဖြစ်တော့ သူပင်ပန်းတာလည်းပါမှာပါ သူ့ကျန်းမာရေးအခံလည်းရှိထားတော့ စခန်းရောက်တော့ ကျနော်တို့ဆေးတွေဘာတွေကုပေးပါသေးတယ် လိုအပ်တဲ့ဆေးဝါးကုသမှုတွေပေးပါသေးတယ် ဒါပေမယ့် ဆုံးသွားတာပေါ့နော်” ဟု CDF-Paletwa ပြောရေးဆိုခွင့်ရှိသူက ပြောသည်။

ဦးအာခိုင်သေဆုံးမှုအပေါ် မိသားစုဝင်များနှင့် ဆက်လက်ပူးပေါင်းညှိနှိုင်းဆောင်ရွက်မှုများ ပြုလုပ်သွားမည်ဟု CDF-Paletwa ၏ ထုတ်ပြန်ချက်တွင် ဖော်ပြထားသည်။

Share. Facebook Twitter Pinterest LinkedIn Tumblr Email
Editor
  • Website

Related Posts

ကလေးမြို့ အကျဥ်းထောင်ထဲက နိုင်ငံရေး အကျဥ်းသားများ ဆေးကုသခွင့်မရသည့်အပြင် လူ့အခွင့်ရေး ချိုးဖောက်မှုခံနေကြရ

မင်းတပ်မှာ စစ်ကောင်စီ လက်နက်ကြီးပစ်ခတ်မှုကြောင့် ကလေးငယ် ၂ ဦး ထိခိုက်

ပြည်သူအားလုံး တော်လှန်ရေးမှာ မိမိတတ်နိုင်သည့်ဖက်မှ ပူပေါင်းပါ၀င်ရန် CDF-Hakha Central Council ဖိတ်ခေါ်

Leave A Reply Cancel Reply


The reCAPTCHA verification period has expired. Please reload the page.

  • Featured Article
September 28, 2023

ခန္ဓာချို့ယွင်းပေမယ့် စိတ်ဓာတ်ခိုင်မာတဲ့ အောက်ချင်းသားများ

September 26, 2023

စစ်အာဏာရှင်ကိုကျောခိုင်းပြီး အမျိုးသားလွတ်မြောက်ရေးအတွက် တော်လှန်တိုက်ပွဲ ၀င်နေသူ (သို့) ဓမ္မဘက်ကို ရပ်တည်သော စစ်သည်ကောင်း

September 26, 2023

“အစုအဖွဲ့တစ်ခုရဲ့ ကြိုးကိုင်မှု အောက်မှာ ကျနော်တို့ရဲ့ အဖွဲ့အစည်းတစ်ခုလုံး၊ မျိုးနွယ်စုတစ်ခုလုံးကို ထိုးအပ်လိုက်မယ့် အနေအထားမျိုး ရောက်သွားလိမ့်မယ်လို့ ယူဆတဲ့အတွက်ကြောင့် မပါဝင်ရခြင်းဖြစ်ပါတယ်’’ ဆလိုင်းပီတာထန်း

September 21, 2023

“ကျွန်တော်တို့က စစ်ကောင်စီနဲ့ ဘယ်သောအခါမှ နိုင်ငံရေးအရပဲဖြစ်ဖြစ် စစ်ရေးအရပဲဖြစ်ဖြစ် ပူးပေါင်းထားတာ မရှိပါဘူး”

Ads
Leaderboard Ad
Archives
–
Leaderboard Ad
Copyright © 2015 Khonumthung News Group. Design & Developed by ExL.

Type above and press Enter to search. Press Esc to cancel.