#Unicode
ချင်းပြည်နယ် တီးတိန်မြို့တွင် တပ်မတော် စစ်အာဏာသိမ်းယူမှုအား ဆန့်ကျင်ကန့်ကွက်ဆန္ဒဖော်ထုတ်သည့် ကိစ္စနှင့်ပတ်သက်၍ တီးတိန်မြ်ို့မှ လူငယ်ခေါင်းဆောင် ၆ ဦးကို ယနေ့နံနက်ပိုင်းက အထွေထွေအုပ်ချူပ်ရေးဦးစီးဌာန (ထွေအုပ်)ရုံးက ခေါ်ယူသတိပေးခဲ့သည်ဟု သိရသည်။
တီးတိန်မြို့မှ လူငယ်ခေါင်းဆောင်တစ်ဦးက “ ကျွန်တော်တို့ Volunteer ၆ ယောက် ခေါ်တယ်၊ သူတို့ပြောတာကတော့ တီးတိန်မြို့ကို အရင်ကအတိုင်းပဲ ငြိမ်းငြိမ်းချမ်းချမ်း ဖြစ်စေချင်တဲ့ပုံစံမျိုးနဲ့ လမ်းပေါ်ထွက်ပြီး ဆန္ဒပြတာကို သိပ်ပြီးတော့မှ မလုပ်ဖို့၊ စီးတန်းလှည့်လည်မယ်ဆိုရင် ဘယ်လိုမျိုးဥပဒေတွေရှိ တယ်၊ ဘယ်လိုမျိုး အဆင့််ဆင့်လုပ်ဖို့ လိုသလဲဆိုတာကို ရှင်းပြတာဖြစ်တယ်” ဟုပြောသည်။
ယနေ့ခေါ်ယူသတိပေးခံရသူများမှာ Tedim Youth Fellowship (TYF) ဥက္ကဌ Thawng Sian Tung၊ TYF အတွင်းရေးမှူး CS Mung No၊ TYF လက်ထောက်အတွင်းရေးမှူး Shia Shian တို့အပါအဝင် လူငယ် ၆ ဦးတို့ဖြစ်ကြပြီး ဆန္ဒဖော်ထုတ်မည်ဆိုပါက ငြိမ်းစုစည်းအရ စီတန်းလှည့်လည် ခွင့်ပြုချက်ရယူရန်အတွက် ရုံးကိုအရင်တင်ပြရန်၊ ခွင့်ပြုချက်မယူပဲ စီတန်းလှည့်လည်မည်ဆိုပါက မည်သည့်ဥပဒေများနှင့် ဆက်နွယ်နိုင်ကြောင်းကို ထွေအုပ်ဘက်က အဓိက ပြောဆိုခဲ့သည်ဟု သိရသည်။
တပ်မတော်စစ်အာဏာသိမ်းမှု ဆန့်ကျင်ကန့်ကွက်ဆန္ဒပြမှု မြန်မာတစ်ဝန်းလုံးတွင် အရှိန်အဟုန်မြင့်တက်လာသည်နှင့်အမျှ ချင်းပြည်နယ်မြို့နယ်တိုင်းတွင်လည်း ဆန္ဒဖော်ထုတ်မှုပြင်းထန်လျက်ရှိသည်။ တီးတိန်မြ်ို့တွင် စစ်အာဏာသိမ်းဆန့်ကျင် ဆန္ဒဖော်ထုတ်မှုကို ဖေဖော်ဝါရီလ ၈ ရက်နေ့ကစတင်ပြီး ထောင်နှင့်ချီသောဒေသခံများအပါအဝင် အစိုးရဝန်ထမ်းအေြ မာက်အများကလည်း ပူးပေါင်းပါဝင်ခဲ့ကြသည်။
ယနေ့တွင်လည်း တီးတိန်မြို့တွင် စစ်တပ်အာဏာသိမ်းမှုကို ဆန့်ကျင်ကန့်ကွက်သည့်အနေဖြင့် လူထုအင်အား ၂၀၀၀ ကျော်ခန့်က စီတန်းလှည့်လည်ကာ ဌာနဆိုင်ရာရုံးဝန်းရှေ့များတွင် ဝန်ထမ်းများ CDM လှုပ်ရှားမှုတွင် ပါဝင်ရန်အတွက် ဆန္ဒပြမှုများပြုလုပ်ခဲ့ကြကြောင်းသိရသည်။
#Zawgyi
ခ်င္းျပည္နယ္ တီးတိန္ၿမိဳ႕တြင္ တပ္မေတာ္ စစ္အာဏာသိမ္းယူမႈအား ဆန္႔က်င္ကန္႔ကြက္ဆႏၵေဖာ္ထုတ္သည့္ ကိစၥႏွင့္ပတ္သက္၍ တီးတိန္ၿမ္ိဳ႕မွ လူငယ္ေခါင္းေဆာင္ ၆ ဦးကို ယေန႔နံနက္ပိုင္းက အေထြေထြအုပ္ခ်ဴပ္ေရးဦးစီးဌာန (ေထြအုပ္)ရံုးက ေခၚယူသတိေပးခဲ့သည္ဟု သိရသည္။
တီးတိန္ျမဳိ႕မွ လူငယ္ေခါင္းေဆာင္တစ္ဦးက “ ကြ်န္ေတာ္တုိ႔ Volunteer ၆ ေယာက္ ေခၚတယ္၊ သူတုိ႔ေျပာတာကေတာ့ တီးတိန္ျမဳိ႕ကုိ အရင္ကအတုိင္းပဲ ျငိမ္းျငိမ္းခ်မ္းခ်မ္း ျဖစ္ေစခ်င္တဲ့ပုံစံမ်ဳိးနဲ႔ လမ္းေပၚထြက္ျပီး ဆႏၵျပတာကုိ သိပ္ျပီးေတာ့မွ မလုပ္ဖုိ႔၊ စီးတန္းလွည့္လည္မယ္ဆုိရင္ ဘယ္လုိမ်ဳိးဥပေဒေတြရွိ တယ္၊ ဘယ္လုိမ်ဳိး အဆင့္္ဆင့္လုပ္ဖို႔ လုိသလဲဆုိတာကို ရွင္းျပတာျဖစ္တယ္” ဟုေျပာသည္။
ယေန႔ေခၚယူသတိေပးခံရသူမ်ားမွာ Tedim Youth Fellowship (TYF) ဥကၠဌ Thawng Sian Tung၊ TYF အတြင္းေရးမွဴး CS Mung No၊ TYF လက္ေထာက္အတြင္းေရးမႉး Shia Shian တို႔အပါအ၀င္ လူငယ္ ၆ ဦးတို႔ျဖစ္ၾကၿပီး ဆႏၵေဖာ္ထုတ္မည္ဆုိပါက ျငိမ္းစုစည္းအရ စီတန္းလွည့္လည္ ခြင့္ျပဳခ်က္ရယူရန္အတြက္ ရုံးကုိအရင္တင္ျပရန္၊ ခြင့္ျပဳခ်က္မယူပဲ စီတန္းလွည့္လည္မည္ဆုိပါက မည္သည့္ဥပေဒမ်ားႏွင့္ ဆက္ႏြယ္နုိင္ေၾကာင္းကုိ ေထြအုပ္ဘက္က အဓိက ေျပာဆိုခဲ့သည္ဟု သိရသည္။
တပ္မေတာ္စစ္အာဏာသိမ္းမႈ ဆန္႔က်င္ကန္႔ကြက္ဆႏၵျပမႈ ျမန္မာတစ္၀န္းလံုးတြင္ အရွိန္အဟုန္ျမင့္တက္လာသည္ႏွင့္အမွ် ခ်င္းျပည္နယ္ၿမိဳ႕နယ္တိုင္းတြင္လည္း ဆႏၵေဖာ္ထုတ္မႈျပင္းထန္လ်က္ရွိသည္။ တီးတိန္ၿမ္ိဳ႕တြင္ စစ္အာဏာသိမ္းဆန္႔က်င္ ဆႏၵေဖာ္ထုတ္မႈကို ေဖေဖာ္ဝါရီလ ၈ ရက္ေန႔ကစတင္ၿပီး ေထာင္ႏွင့္ခ်ီေသာေဒသခံမ်ားအပါအ၀င္ အစိုးရ၀န္ထမ္းအေျ မာက္အမ်ားကလည္း ပူးေပါင္းပါ၀င္ခဲ့ၾကသည္။
ယေန႔တြင္လည္း တီးတိန္ျမဳိ႕တြင္ စစ္တပ္အာဏာသိမ္းမႈကို ဆန္႔က်င္ကန္႔ကြက္သည့္အေနျဖင့္ လူထုအင္အား ၂၀၀၀ ေက်ာ္ခန္႔က စီတန္းလွည့္လည္ကာ ဌာနဆုိင္ရာရုံးဝန္းေရွ႕မ်ားတြင္ ဝန္ထမ္းမ်ား CDM လႈပ္ရွားမႈတြင္ ပါဝင္ရန္အတြက္ ဆႏၵျပမႈမ်ားျပဳလုပ္ခဲ့ၾကေၾကာင္းသိရသည္။
