• Home
  • Featured
  • English
  • Headline
Facebook Twitter Instagram
Khonumthung Media Group
Khonumthung Ad
  • Home
  • Featured
  • English
  • Headline
Khonumthung Media Group
You are at:Home»Headline»တိုက်ပွဲဖြစ်လာမည် စိုးရိမ်မှုကြောင့် ကန်ပက်လက်ဒေသခံ ထောင်ချီ ထွက်ပြေးတိမ်းရှောင်နေ

တိုက်ပွဲဖြစ်လာမည် စိုးရိမ်မှုကြောင့် ကန်ပက်လက်ဒေသခံ ထောင်ချီ ထွက်ပြေးတိမ်းရှောင်နေ

0
By Editor on October 8, 2021 Headline

အာဏာသိမ်းစစ်ကောင်စီက စက်တင်ဘာလ ၂၅ ရက်နေ့တွင် ၂ ပတ်အတွင်း ချင်းပြည်နယ်အားလုံးကို စစ်ရေးအပြတ်ချေမူန်းမည်ဟု အမိန့်ပေးထားခြင်းကြောင့် တိုက်ပွဲဖြစ်ပွားမည်ကို စိုးရိမ်ပြီး ကန်ပက်လက်ဒေသခံ ထောင်ချီဘေးလွတ်ရာကို ထပ်မံထွက်ပြေးတိမ်းရှောင်နေသူ များပြားလာသည်ဟု ကန်ပက်လက်မြို့ခံတစ်ဦးထံမှ သိရသည်။

“ကြောက်လို့ လာမယ်၊ ပစ်ခတ်မယ် မသေချာဘူး အချိန်အရွေးဖြစ်နိုင်လို့ဆိုပြီး ထွက်ပြေးကြတယ်။ အခုကပိုများတာ ထွက်ပြေးတဲ့သူက တဖြည်းဖြည်းပိုများလာတယ်၊ မြို့ထဲက လူတွေရှိပေမယ့် တော်တော်နည်းတယ် ၁ထောင်ကျော်လောက်ပဲ ကျန်မယ်၊ တပတ်လောက်ရှိပြီး ထပ်ပြေးတဲ့သူကလည်း များလာတာ နေတဲ့သူထက်” ဟု ကန်ပက်လက်ဒေသခံတစ်ဦးက ပြောသည်။

ကန်ပက်လက်မြို့နယ်တွင် CDF-Kanpetlet နှင့် စစ်ကောင်စီတို့အကြား ပြီးခဲ့သော စက်တင်ဘာလထဲ ၂ ကြိမ် ပစ်ခတ်မှုတွေရှိပြီး နေအိမ်ပျက်စီးမှုများရှိလာသောကြောင့် ဒေသခံပြည်သူများ ကန်ပက်လက်မြို့နှင့် ၁၂ မိုင်ဝေးသော မကွေးတိုင်း၊ ဆောမြို့တွင် အိမ်းငှားနေထိုင်သူနှင့် ကျေးရွာ၊ တောင်ယာတို့တွင် စစ်ဘေးတိမ်းရှောင်နေကြခြင်းဖြစ်သည်။

ကန်ပက်လက်မြို့တွင် လူဦးရေ ၁ သောင်းခွဲ ၂ သောင်းဝန်းကျင်ရှိသည်ဟု သိရပြီး လက်ရှိ မြို့တွင်းနေထိုင်သူမှာ လူဦးရေ ၁ ထောင်ကျော်သာ ကျန်ရှိနေပြီး ပြည်သူများအနေဖြင့် စိတ်လုံခြုံမှုနှင့် ပတ်ဝန်းကျင်လုံခြုံမှုမရှိသည့် အခြေအနေဖြင့် နေထိုင်နေကြရကြောင်းကိုလည်း လက်ရှိ ကန်ပက်လက်မြို့တွင်း နေထိုင်သူတစ်ဦးကလည်း ယခုလိုပြောဆိုသည်။

“လူတွေက သူသူကိုကို မနေရဲတာတော့အမှန်ပါ့ ဘယ်တော့လဲဆိုပြီး စိတ်ကမလုံခြုံတော့ဘူး၊ အခုရက်ပိုင်း တိုက်ပွဲတွေတော့မရှိဘူး၊ အခုက အဆင်ပြေတယ်ဆိုတာထက် အောင့်အီးပြီးတော့နေကြရတယ် လုံခြုံမှုမရှိတာတော့အမှန်ပဲ ညနေ ၆ နာရီနောက်ပိုင်းဆို ဘယ်သူမှ ရဲရဲတင်းတင်းနဲ့ လှမ်းမလျှောက်ရဲကြဘူး၊ အခုရက်ပိုင်းလည်း အရင်က ဖောက်ပြီးသားအိမ်တွေကိုလည်း လူမရှိတော့ ထပ်ဖောက်တယ်၊ လူရှိရင်တော့ သက်သာတာပေါ့ မနေရင်တော့ သေချာပေါက် ဖောက်တယ်။” ဟု လက်ရှိ ကန်ပက်လက်မြို့တွင်းနေထိုင်သူတစ်ဦးက ပြောသည်။

လက်ရှိ ကန်ပက်လက်မြို့ပေါ်တွင် ဆန်၊ ဆား၊ ငပိ၊ စားသုံးဆီများကိုလည်း ဝယ်ယူမည်ဆိုပါက ထွေအုပ်ရုံး၏ ထောက်ခံချက်ယူရသည့်အပြင် ဆန်တွေကိုလည်း ပြည်ဆင့်ဖြင့် အကန့်အသတ် ဝယ်ယူစားသုံးနေရသောကြောင့် ယခုလို ကြန့်ကြာလာမည်ဖြစ်ပါက စားနပ်ရိက္ခာများ ပြတ်တောက်လာမည်ကိုလည်း ပြည်သူများ စိုးရိမ်မှုတွေရှိနေကြောင်း သိရသည်။

အာဏာသိမ်းစစ်ကောင်စီမှ စက်တင်ဘာလ ၂၃ ရက်နေ့ညနေ ၆ နာရီခန့်ကစပြီး ချင်းပြည်နယ်အတွင်း မြို့နယ် (၉) မြို့နယ်တွင် ဆက်သွယ်ရေး အင်တာနက်လိုင်းများကို ဖြတ်တောက်ခဲ့ပြီး ယနေ့အထိ အင်တာနက်လိုင်းများ အသုံးပြု၍ မရရှိသေးခြင်းဖြစ်သည်။

Share. Facebook Twitter Pinterest LinkedIn Tumblr Email
Editor
  • Website

Related Posts

မိုခါဆိုင်ကလုန်းမုန်တိုင်းဘေးဒဏ်သင့် ချင်းပြည်သူများ ကူညီထောက်ပံမှုများလိုအပ်နေ

မိုခါမုန်တိုင်းဘေးဒဏ်သင့် ချင်းပြည်သူများအတွက် KIO က ကျပ်သိန်း ၂၀၀၀ လှူဒါန်း

ချင်းပြည်နယ်တွင် ကျောင်းပေါင်း ၃၀၀ ကျော်ဖွင့်လှစ်ပြီး ကျောင်းတက်သူဦးရေ ၃၅၀၀၀ ကျော်ရှိ

Leave A Reply Cancel Reply

  • Featured Article
June 6, 2023

“စစ်ရေးအခြေနေကတော့ ပိုပြီးတော့ ဖြည့်ပြီးတော့ လုပ်လာမယ့်အနေအထားမှာရှိပါတယ်”

May 24, 2023

“စကစအနေနဲ့ ကူညီကယ်ဆယ်‌ရေး ပြန်လည်တည်ဆောက်ရေးဆိုတဲ့ ခေါင်းစဉ်နဲ့ ဝင်လာပြီး တပ်အင်အား ဖြည့်လာနိုင်တယ်”

April 27, 2023

ပထမဆုံး လွတ်မြောက်ဒေသဖြစ်လာမည့် ချင်းပြည်

April 14, 2023

အိပ်စက်သွားတဲ့နှလုံးသားတွေကို အချစ်စွမ်းအားနဲ့ နိုးထစေခဲ့သူ (သို့) ချင်းတောင်တန်းရဲ့ ဂီတကြယ်တစ်ပွင့်နှင့် တွေ့ဆုံခြင်း – အပိုင်း (၂)

Ads
Leaderboard Ad
Archives
–
Leaderboard Ad
Copyright © 2015 Khonumthung News Group. Design & Developed by ExL.

Type above and press Enter to search. Press Esc to cancel.