#Unicode
By လားနွန် – မလေးရှားနိုင်ငံတွင် သေဆုံးသည့် အသက် (၂၁) နှစ်အရွယ် မိုင်ရွှေလှေတီာလ်၏ ရုပ်အလောင်းအား ဇာတိမြို့ ချင်းပြည်နယ် ထန်တလန်မြို့သို့ဝင်ခွင့်မပြုဘဲ မြို့အပြင်လမ်းဘေးတွင် မြေမြုပ်ခိုင်းခဲ့သည့် ထန်တလန်မြို့မှ သက်ဆိုင်ရာတာဝန်ရှိ သူများကို ထိထိရောက်ရောက်အရေးယူရန် ချင်းကျောင်းသား/လူငယ်အဖွဲ့အစည်းအပေါင်း (၁၃) ဖွဲ့က တောင်းဆို လိုက်သည်။
အဆိုပါကိစ္စနှင့်ပတ်သက်၍ ချင်းပြည်နယ်အစိုးရအဖွဲ့အနေဖြင့် ထန်တလန်မြို့ခံ (ရပ်မိရပ်ဖ၊ လူငယ်) အဖွဲ့အစည်းများ ပါဝင်သော လွတ်လပ်သည့်စုံစမ်းစစ်ဆေးမှုအဖွဲ့(Independent Inquiry) တရပ်ကိုဖွဲ့စည်းကာ မိုင်ရွှေလှေတီာလ်ရုပ်ကလပ် အား ထန်တလန်မြို့တွင်းသို့ ဝင်ခွင့်မပြုခြင်းနှင့် ဂုဏ်သိက္ခာရှိစွာအသုဘချခြင်းမရှိအောင် တားဆီးပိတ်ပင်သည့် တာဝန်ရှိသူများကို အများပြည်သူ သိရှိနိုင်ရေးချပြပေးပါရန်နှင် ထိရောက်စွာအရေးယူဆောင်ရွက်မှုများလုပ်ဆောင်ပေးရန် ချင်းကျောင်းသား/လူငယ် အဖွဲ့အစည်း (၁၃) ဖွဲ့က အောက်တိုဘာလ (၇) ရက်နေ့က ပူးတွဲကြေညာချက်တစ်ဆောင်ထုတ် ပြန်ခဲ့ခြင်းဖြစ်သည်။
ဗဟိုချင်းလူငယ်များအဖွဲ့အစည်း၏ ဥက္ကဌ Salai An No Bik က “ရုပ်ကလာပ်ကို သံတမန်ရေးအရ မလေးရှာကနေ၊ ရန်ကုန်ထိ၊ ရန်ကုန်ကနေ ထန်တလန်မြို့အထိတောင်မှသယ်လာနိုင်ပြီး ဘာဖြစ်လို့ ကိုဗစ်ကော်မတီက ထန်တလန်မြို့ ထဲကို ဘာလို့ဝင်ခွင့်မပြုတာလဲ ဒါကို ကျနော်တို့ကန့်ကွက်ရှုချတယ်၊ ကျနော်သိရသလောက်ကတော့ အဲဒီထန်တလန် ကိုဗစ်ကော်မတီက ဗမာတွေကြီးပဲ အဲမှာက သူတို့က ချင်းဓလေ့ထုံးတမ်းစဉ်လာကိုနားမလည်ဘဲနဲ့ ကိုဗစ်ကိုအကြောင်း ပြပြီးမှ အဲလိုလုပ်တာတော့ ကျနော်တို့ လုံးဝလက်မခံနိုင်ဘူး၊ နောက်တစ်ခါဆိုရင်တော့ ကျနော်တို့ခွင့်လွတ်မှှာမဟုတ်ဘူး၊ ကျနော်တို့ တောင်းဆိုထားတဲ့အတိုင်းလုပ်စေချင်တယ် အဲဒါမလုပ်ပေးဘူးဆိုရင် ကျနော်တို့ မြို့နယ် (၉) မြို့က လူငယ်တွေ ဆန္ဒဖော်ထုတ်တာလုပ်နိုင်တယ်” ဟု ခိုနူမ်းသုန်ကိုပြောသည်။
မိုင်ရွှေလှေတီာလ် အသက် (၂၁) နှစ်သည် စက်တင်ဘာလ (၂၉) ရက်နေ့ ည (၈) နာရီခန့်အချိန် မလေးရှားနိုင်ငံရှိ (၈) ထပ်တိုက်ပေါ်မှပြုတ်ကျသေဆုံးခဲ့ပြီး ထန်တလန်မြို့တွင် မြေမြုပ်သဂြိုလ်ရန် မလေးရှားနိုင်ငံမှ ရန်ကုန်လေဆိပ်၊ မန္တလေး၊ ဟားခါး အဆင့်ဆင့်သယ်ဆောင်လာပြီးနောက် ထန်တလန်မြို့နယ် ကိုဗစ်-၁၉ ကာကွယ်၊ ထိ်န်းချူပ်၊ ကုသရေးကော်မတီ က ထန်တလန်မြို့အတွင်း ဝင်ခွင့်မပြုဘဲ ဟားခါးသွားသည့် လမ်းမဘေးတွင်မြေမြုပ်သဂြိုလ် ခိုင်းခဲ့ခြင်းဖြစ်သည်။
အဆိုပါဖြစ်ရပ်နှင့်ပတ်သက်၍ ချင်းမီဒီယာများမှရေးသားဖော်ပြပြီး ဆိုရှယ်မီဒီယာပေါ်တွင် ကန့်ကွက်ဝေဖန်မှုများ မြင့် တက်လာပြီးနောက် သက်ဆိုင်ရာအာဏာပိုင်များက ပြန်လည်ခွင့်ပြုသဖြင့် မိုင်ရွှေလှေတီာလ်၏ ရုပ်အလောင်းကို ပြန်လည်တူးဖော်ကာ ထန်တလန်မြို့သချိူင်းတွင် အောက်တိုဘာလ ၆ ရက်နေ့ညက ပြန်လည်သဂြိုလ်ခဲ့ကြသည်။
ချင်းလူမျိူးများသည် မိမိတို့ ချင်းလူမျိူးများ၏ ယဉ်ကျေးမှု ဓလေ့ထုံးတမ်းစဉ်လာအရ ရုပ်ကလာပ်ကို ဂုဏ်တော်တင်ကာ Conglaizawnh ပွဲတော် ပြုလုပ်ပေးသည့်အခြေအနေတိုင်တောင် ဝမ်းနည်းပူဆွေးသောကဖြစ်မှုကို မျှဝေခံစားပေးသည့် လူမျိူးဖြစ်ပြီး ယခုကဲ့သို့ မိုင်ရွှေလှေတီာလ်ရုပ်ကလာပ်အား ချင်းရိုးရာယဉ်ကျေးမှုနှင့်ဆန့်ကျင်ပြီး အသုဘချခိုင်သည့် လုပ်ရပ်သည် မိမိတို့ချင်းလူမျိူးများ၏ ရိုးရာယဉ်ကျေးမှု၊ ဓလေ့ထုံးတမ်းများ မထီမဲ့မြင်ပြုပြီး လေးစားမှုမရှိသည့် လုပ်ဆောင် ချက်ဖြစ်သည်ဟု ချင်းကျောင်းသား/လူငယ်များ၏ ကြေညာချက်တွင်ဖော်ပြထားသည်။
ထို့အပြင် ထန်တလန်မြို့နယ် ကိုဗစ်-၁၉ ကာကွယ်၊ထိန်းချူပ်၊ကုသရေးကော်မတီကို ထန်တလန်မြို့ပေါ်ရှိ အရပ်ဖက်အဖွဲ့ အစည်းများ၊ မြို့မိမြိုဖများနှင့် လူငယ်အဖွဲ့အစည်းများပါဝင်သည့် အများပြည်သူကိုယ်စားပြုနိုင်သော ကော်မတီအဖြစ် ပြန်လည်ပြင်ဆင်ဖွဲ့စည်းပေးဖို့ ၎င်းတို့ကြေညာချက်တွင်ဆက်လက်ဖော်ပြထားသည်။
ချင်းလူငယ်တစ်ချိူ့ကလည်း လူမှုကွန်ယက် Facebook စာမျက်နှာပေါ်ကတဆင့် ဆန္ဒဖော်ထုတ်ခဲ့ကြပြီး သုသာန်မြေအဖြစ် မသတ်မှတ်ထားသည့်နေရာတွင် သဂြိုလ်မြုပ်နှံခိုင်းသည့် တာဝန်ရှိသူများအား ထိရောက်စွာ အရေးယူ ပေးရန်၊ ထန်တလန် COVID-19 Main Committee ကို ပြန်လည်ဖွဲ့စည်းပေးရန်၊ မြို့ခံပြည်သူလူထု ဆန္ဒကို လေးစားပေး ရန်နှင့် ချင်းဓလေ့ထုံးတမ်း အစဉ်အလာအရ သဂြိုလ်ခြင်းကိုလေးစားရန်ဆိုသည့် စာသားများပါဓာတ်ပုံများဖြင့် ဆန္ဒဖော်ထု တ်ခဲ့ကြသည်။
မိုင်ရွှေလှေတီာလ်ဖြစ်စဉ်နှင့်ပတ်သက်၍ တောင်းဆိုခဲ့ကြသည့် အဖွဲ့အစည်းများမှာ Thantlang Youth Association ၊ Thantlang Sianghleirun ChungKhar ၊ Central Chin Youth Organization ၊ Chin Literature and Culture Committee (Universities-Yangon) ၊ Zomi Siamsin Kipawlna-Myanmar ၊ Chin Student Union,kalay ၊ Falam Phunsang Tlawngta Pawlkom,Myanmar ၊ Lairawn Zirsang Pawlkom,kalay ၊ Zo khangno Kipawlna (Tonzang) ၊ Zo Youth Organization (Tonzang) ၊ Mindat University Student’s Union ၊ Hakha University Student’s Organization ၊ Falam Mino Pawlkom တို့ဖြစ်ကြသည်။
#Zawgyi
By လားႏြန္ – မေလးရွားႏိုင္ငံတြင္ ေသဆံုးသည့္ အသက္ (၂၁) ႏွစ္အရြယ္ မိုင္ေရႊေလွတီာလ္၏ ရုပ္အေလာင္းအား ဇာတိၿမိဳ႕ ခ်င္းျပည္နယ္ ထန္တလန္ၿမိဳ႕သို႔၀င္ခြင့္မျပဳဘဲ ၿမိဳ႕အျပင္လမ္းေဘးတြင္ ေျမျမဳပ္ခိုင္းခဲ့သည့္ ထန္တလန္ၿမိဳ႕မွ သက္ဆိုင္ရာတာ၀န္ရွိ သူမ်ားကို ထိထိေရာက္ေရာက္အေရးယူရန္ ခ်င္းေက်ာင္းသား/လူငယ္အဖြဲ႔အစည္းအေပါင္း (၁၃) ဖြဲ႔က ေတာင္းဆို လိုက္သည္။
အဆိုပါကိစၥႏွင့္ပတ္သက္၍ ခ်င္းျပည္နယ္အစိုးရအဖြဲ႔အေနျဖင့္ ထန္တလန္ၿမိဳ႕ခံ (ရပ္မိရပ္ဖ၊ လူငယ္) အဖြဲ႔အစည္းမ်ား ပါ၀င္ေသာ လြတ္လပ္သည့္စံုစမ္းစစ္ေဆးမႈအဖြဲ႔(Independent Inquiry) တရပ္ကိုဖြဲ႔စည္းကာ မိုင္ေရႊေလွတီာလ္ရုပ္ကလပ္ အား ထန္တလန္ၿမိဳ႕တြင္းသို႔ ၀င္ခြင့္မျပဳျခင္းႏွင့္ ဂုဏ္သိကၡာရွိစြာအသုဘခ်ျခင္းမရွိေအာင္ တားဆီးပိတ္ပင္သည့္ တာ၀န္ရွိသူမ်ားကို အမ်ားျပည္သူ သိရွိႏုိင္ေရးခ်ျပေပးပါရန္ႏွင္ ထိေရာက္စြာအေရးယူေဆာင္ရြက္မႈမ်ားလုပ္ေဆာင္ေပးရန္ ခ်င္းေက်ာင္းသား/လူငယ္ အဖြဲ႔အစည္း (၁၃) ဖြဲ႔က ေအာက္တိုဘာလ (၇) ရက္ေန႔က ပူးတြဲေၾကညာခ်က္တစ္ေဆာင္ထုတ္ ျပန္ခဲ့ျခင္းျဖစ္သည္။
ဗဟိုခ်င္းလူငယ္မ်ားအဖြဲ႔အစည္း၏ ဥကၠဌ Salai An No Bik က “ရုပ္ကလာပ္ကို သံတမန္ေရးအရ မေလးရွာကေန၊ ရန္ကုန္ထိ၊ ရန္ကုန္ကေန ထန္တလန္ၿမိဳ႕အထိေတာင္မွသယ္လာႏုိင္ၿပီး ဘာျဖစ္လို႔ ကိုဗစ္ေကာ္မတီက ထန္တလန္ၿမိဳ႕ ထဲကို ဘာလို႔၀င္ခြင့္မျပဳတာလဲ ဒါကို က်ေနာ္တို႔ကန္႔ကြက္ရႈခ်တယ္၊ က်ေနာ္သိရသေလာက္ကေတာ့ အဲဒီထန္တလန္ ကိုဗစ္ေကာ္မတီက ဗမာေတြႀကီးပဲ အဲမွာက သူတို႔က ခ်င္းဓေလ့ထံုးတမ္းစဥ္လာကိုနားမလည္ဘဲနဲ႔ ကိုဗစ္ကိုအေၾကာင္း ျပၿပီးမွ အဲလိုလုပ္တာေတာ့ က်ေနာ္တို႔ လံုး၀လက္မခံႏိုင္ဘူး၊ ေနာက္တစ္ခါဆိုရင္ေတာ့ က်ေနာ္တို႔ခြင့္လြတ္မွွာမဟုတ္ဘူး၊ က်ေနာ္တို႔ ေတာင္းဆိုထားတဲ့အတိုင္းလုပ္ေစခ်င္တယ္ အဲဒါမလုပ္ေပးဘူးဆိုရင္ က်ေနာ္တို႔ ၿမိဳ႕နယ္ (၉) ၿမိဳ႕က လူငယ္ေတြ ဆႏၵေဖာ္ထုတ္တာလုပ္ႏိုင္တယ္” ဟု ခိုႏူမ္းသုန္ကိုေျပာသည္။
မိုင္ေရႊေလွတီာလ္ အသက္ (၂၁) ႏွစ္သည္ စက္တင္ဘာလ (၂၉) ရက္ေန႔ ည (၈) နာရီခန္႔အခ်ိန္ မေလးရွားႏိုင္ငံရွိ (၈) ထပ္တိုက္ေပၚမွျပဳတ္က်ေသဆံုးခဲ့ၿပီး ထန္တလန္ၿမိဳ႕တြင္ ေျမျမဳပ္သၿဂိဳလ္ရန္ မေလးရွားႏိုင္ငံမွ ရန္ကုန္ေလဆိပ္၊ မႏၲေလး၊ ဟားခါး အဆင့္ဆင့္သယ္ေဆာင္လာၿပီးေနာက္ ထန္တလန္ၿမိဳ႕နယ္ ကိုဗစ္-၁၉ ကာကြယ္၊ ထိ္န္းခ်ဴပ္၊ ကုသေရးေကာ္မတီ က ထန္တလန္ၿမိဳ႕အတြင္း ၀င္ခြင့္မျပဳဘဲ ဟားခါးသြားသည့္ လမ္းမေဘးတြင္ေျမျမဳပ္သၿဂိဳလ္ ခိုင္းခဲ့ျခင္းျဖစ္သည္။
အဆိုပါျဖစ္ရပ္ႏွင့္ပတ္သက္၍ ခ်င္းမီဒီယာမ်ားမွေရးသားေဖာ္ျပၿပီး ဆိုရွယ္မီဒီယာေပၚတြင္ ကန္႔ကြက္ေ၀ဖန္မႈမ်ား ျမင့္ တက္လာၿပီးေနာက္ သက္ဆိုင္ရာအာဏာပိုင္မ်ားက ျပန္လည္ခြင့္ျပဳသျဖင့္ မိုင္ေရႊေလွတီာလ္၏ ရုပ္အေလာင္းကို ျပန္လည္တူးေဖာ္ကာ ထန္တလန္ၿမိဳ႕သခ်ဴိင္းတြင္ ေအာက္တိုဘာလ ၆ ရက္ေန႔ညက ျပန္လည္သၿဂိဳလ္ခဲ့ၾကသည္။
ခ်င္းလူမ်ဴိးမ်ားသည္ မိမိတို႔ ခ်င္းလူမ်ဴိးမ်ား၏ ယဥ္ေက်းမႈ ဓေလ့ထံုးတမ္းစဥ္လာအရ ရုပ္ကလာပ္ကို ဂုဏ္ေတာ္တင္ကာ Conglaizawnh ပြဲေတာ္ ျပဳလုပ္ေပးသည့္အေျခအေနတိုင္ေတာင္ ၀မ္းနည္းပူေဆြးေသာကျဖစ္မႈကို မွ်ေ၀ခံစားေပးသည့္ လူမ်ဴိးျဖစ္ၿပီး ယခုကဲ့သုိ႔ မိုင္ေရႊေလွတီာလ္ရုပ္ကလာပ္အား ခ်င္းရိုးရာယဥ္ေက်းမႈႏွင့္ဆန္႔က်င္ၿပီး အသုဘခ်ခိုင္သည့္ လုပ္ရပ္သည္ မိမိတို႔ခ်င္းလူမ်ဴိးမ်ား၏ ရိုးရာယဥ္ေက်းမႈ၊ ဓေလ့ထံုးတမ္းမ်ား မထီမဲ့ျမင္ျပဳၿပီး ေလးစားမႈမရွိသည့္ လုပ္ေဆာင္ ခ်က္ျဖစ္သည္ဟု ခ်င္းေက်ာင္းသား/လူငယ္မ်ား၏ ေၾကညာခ်က္တြင္ေဖာ္ျပထားသည္။
ထို႔အျပင္ ထန္တလန္ၿမိဳ႕နယ္ ကိုဗစ္-၁၉ ကာကြယ္၊ထိန္းခ်ဴပ္၊ကုသေရးေကာ္မတီကို ထန္တလန္ၿမိဳ႕ေပၚရွိ အရပ္ဖက္အဖြဲ႔ အစည္းမ်ား၊ ၿမိဳ႕မိၿမိဳဖမ်ားႏွင့္ လူငယ္အဖြဲ႔အစည္းမ်ားပါ၀င္သည့္ အမ်ားျပည္သူကိုယ္စားျပဳႏုိင္ေသာ ေကာ္မတီအျဖစ္ ျပန္လည္ျပင္ဆင္ဖြဲ႔စည္းေပးဖို႔ ၎တို႔ေၾကညာခ်က္တြင္ဆက္လက္ေဖာ္ျပထားသည္။
ခ်င္းလူငယ္တစ္ခ်ဴိ႕ကလည္း လူမႈကြန္ယက္ Facebook စာမ်က္ႏွာေပၚကတဆင့္ ဆႏၵေဖာ္ထုတ္ခဲ့ၾကၿပီး သုသာန္ေျမအျဖစ္ မသတ္မွတ္ထားသည့္ေနရာတြင္ သၿဂိဳလ္ျမဳပ္ႏွံခိုင္းသည့္ တာ၀န္ရွိသူမ်ားအား ထိေရာက္စြာ အေရးယူ ေပးရန္၊ ထန္တလန္ COVID-19 Main Committee ကို ျပန္လည္ဖြဲ႕စည္းေပးရန္၊ ၿမိဳ႕ခံျပည္သူလူထု ဆႏၵကို ေလးစားေပး ရန္ႏွင့္ ခ်င္းဓေလ့ထံုးတမ္း အစဥ္အလာအရ သၿဂိဳလ္ျခင္းကိုေလးစားရန္ဆိုသည့္ စာသားမ်ားပါဓာတ္ပံုမ်ားျဖင့္ ဆႏၵေဖာ္ထု တ္ခဲ့ၾကသည္။
မိုင္ေရႊေလွတီာလ္ျဖစ္စဥ္ႏွင့္ပတ္သက္၍ ေတာင္းဆိုခဲ့ၾကသည့္ အဖြဲ႔အစည္းမ်ားမွာ Thantlang Youth Association ၊ Thantlang Sianghleirun ChungKhar ၊ Central Chin Youth Organization ၊ Chin Literature and Culture Committee (Universities-Yangon) ၊ Zomi Siamsin Kipawlna-Myanmar ၊ Chin Student Union,kalay ၊ Falam Phunsang Tlawngta Pawlkom,Myanmar ၊ Lairawn Zirsang Pawlkom,kalay ၊ Zo khangno Kipawlna (Tonzang) ၊ Zo Youth Organization (Tonzang) ၊ Mindat University Student’s Union ၊ Hakha University Student’s Organization ၊ Falam Mino Pawlkom တို႔ျဖစ္ၾကသည္။
