(006SV)
နေပြည်တော်တွင် ယနေ့ပြုလုပ်သော ကာ/လုံအစည်းအဝေးတွင် အာဏာသိမ်းစစ်ခေါင်းဆောင် မင်းအောင်လှိုင်က သူ့ကိုယ်သူ ယာယီသမ္မဟု စတင်သုံးစွဲပြီး စစ်ကောင်စီသက်တမ်းကို နောက်ထပ် ၆ လ ထပ်မံတိုးလိုက်ကြောင်း သိရသည်။
ယနေ့ ဇူလိုင်လ ၃၁ ရက်တွင် ကာလုံအစည်းအဝေးကို နေပြည်တော်တွင် တပ်မတော် ကာကွယ်ရေးဦးစီးချုပ်နှင့် ဝန်ကြီးချုပ်ရာထူးများ ရယူထားသည့် စစ်ခေါင်းဆောင်သည် ယာယီသမ္မတအဖြစ် စတင်သုံးစွဲ၍ အာဏာသိမ်းထိပ်တန်းခေါင်းဆောင် ၇ ဦးနှင့်တူ ကျင်းပပြုလုပ်ခဲ့သည်။
၂၀၂၁ ခုနှစ် ဖေဖော်ဝါရီလ ၁ ရက်မှစတင်၍ အာဏာသိမ်းခဲ့သော စစ်ကောင်စီသည် ၎င်း၏သက်တမ်းကို ၆ လတစ်ကြိမ်တိုးလာခဲ့ရာ ယနေ့ ၆ ကြိမ်မြောက် သက်တမ်းတိုးမှုသည် ၂၀၂၅ ခုနှစ် ဇန်နဝါရီလ ၃၁ ရက်အထိ အသက်ဝင်မည်ဖြစ်သည်။
ကာလုံအစည်းဝေးကို သမ္မတဦးမြင့်ဆွေက ကျန်းမာရေးကြောင့် လွှဲပြောင်းပေးပြီးနောက် စစ်ခေါင်းဆောင်က ယာယီသမ္မတအဖြစ် ပထမဆုံးအကြိမ် တာဝန်ယူ၍ ဦးဆောင်ကျင်းပခြင်းဖြစ်သည်။
ယနေ့ ကာလုံအစည်းအဝေးတွင် ဗိုလ်ချုပ်မှူးကြီး မင်းအောင်လှိုင်က တပ်မတော် ကာကွယ်ရေးစစ်ဦးစီးချုပ်အနေဖြင့် နိုင်ငံ၏ လက်ရှိအခြေအနေ ဖတ်ကြားတင်ပြကာ သူကိုယ်တိုင်က ယာယီသမ္မတအဖြစ် အတည်ပြုခဲ့ခြင်းဖြစ်သည်။
၂၀၁၅ ခုနှစ်က စစ်တပ်က ဒု-သမ္မတအဖြစ် တင်မြောက်ခဲ့သော ဦးမြင့်ဆွေ (၇၃ နှစ်) သည် အာရုံကြောနှေးကွေးတုံ့ဆိုင်းသောရောဂါကို ဆိုးဝါးစွာ ခံစားနေရကြောင်း စစ်ကောင်စီက ဇူလိုင်လ ၁၈ ရက်က အကျယ်တဝင့် သတင်းထုတ်ပြန်ခဲ့သည်။
ထို့နောက် စစ်ခေါင်းဆောင်သည် ယာယီသမ္မတရာထူးကို ဇူလိုင်လ ၂၂ ရက်နေ့မှာ လွှဲပြောင်းရယူခဲ့သည်။
