(005MK)
အိန္ဒိယ-မြန်မာနယ်စပ်တစ်လျှောက် ခြံစည်းရိုးခတ်မည့်စီမံကိန်းနှင့်ပတ်သက်၍ မီဇိုရမ် နှင့် ချင်းပြည်နယ် နယ်စပ်မှာ အိန္ဒိယဗဟိုအစိုးရတာဝန်ရှိသူများက မြေပြင်ကွင်းဆင်းတိုင်းတာမှုများ ဆောင်ရွက်နေသည်ဟု သိရသည်။
အိန္ဒိယဗဟိုအစိုးရဘက်က နယ်စပ်လမ်းအဖွဲ့အစည်း ( Border Road Organization – BRO ) အရာရှိများနှင့် အာသံ ရိုင်ဖယ်ခေါင်းဆောင်တချို့သည် မီဇိုရမ်ပြည်နယ်နှင့် ချင်းပြည်နယ် နယ်စပ် တီအိုချောင်းအနီးအနားကို ဇန်နဝါရီလ ၂၈ ရက်နေ့ကစ၍ ကွင်းဆင်း လေ့လာမှုများပြုလုပ်ခဲ့ကြသည်။
ယခုကွင်းဆင်းစစ်ဆေးသည့်နေရာသည် မီဇိုရမ်ပြည်နယ်၊ Hnahthial ခရိုင်ထဲမှ တစ်ခုတည်းသော နယ်စပ်ဝင်/ထွက် ပေါက် Thingsai ကျေးရွာ နှင့် အနီးတဝိုက်ကို ကွင်းဆင်လေ့လာခြင်းဖြစ်သည်။
မြေပြင်ကွင်းဆင်းလေ့လာမှုကို ၅ ရက်ပြုလုပ်မည်ဖြစ်ပြီး BRO နှင့် အာသံရိုင်ဖယ်က တာဝန်ရှိသူများက ဦးဆောင်ကြ သည်ဟု သိရသည်။
ယခုကဲ့သို့ မြေပြင်ကွင်းဆင်းတိုင်းတာမှုများစတင်ဆောင်ရွက်နေပြီဖြစ်သော်လည်း မီဇိုရမ်ပြည်နယ်က အင်အားကြီး အရပ်ဖက်အဖွဲ့ အစည်းများဖြစ်သည့် CYMA၊ MZP နှင့် ZORO အဖွဲ့တို့က နယ်စပ်ခြံစည်းရိုးခတ်မည့်အစီစဉ်ကို ဆန့်ကျင်ကန်ကွက်ထားကြသည်။
