မာဂရက် – ချင်းပြည်နယ်မြောက်ပိုင်း တွန်းဇံမြို့နယ် ကျီခါးမြို့တွင် ပြီးခဲ့သည့် မေလ ၁၁ ရက်နေ့ကစပြီး ယနေ့ ချိန်ထိ ကိုဗစ်ကူးစက်ခံရသူ ၂၅ ဦးအထိရှိခဲ့ပြီး ၇ ဦးမှာ ကျီခါးတိုက်နယ်ဆေးရုံတွင် ဆေးကုသမှုခံယူ နေဆဲ ဟု ယင်းဆေးရုံမှအထက်တန်းသူနာပြု ဆရာမ ကပြောသည်။
“၁၁ ရက်နေ့ကနေစပြီးတော့မှ ဒီနေ့အထိဆိုရင် ၂၅ ယောက်ရှိတယ်၊ ကျမတို့ သံသယရှိပြီးတော့ OPD(ပြင်ပလူနာဌာန) လာပြတဲ့သူတွေထဲက စစ်ပြီးတွေ့တာ၊ အခုဆေးကုသမှုခံယူနေတာက ဆေးရုံ မှာရှိတာ ၇ ဦးပဲရှိတယ်၊ ကျန်တဲ့သူတွေကပြန်ကောင်းသွားပြီ” ဟု အထက်တန်းသူနာပြု ဆရာမ ကပြောသည်။
အဆိုပါ ကိုဗစ်ပိုးတွေ့လူနာများသည် Test Kit ဖြင့် စစ်ဆေးရာတွင် ပိုးတွေ့ရှိခဲ့ခြင်းဖြစ်ပြီး အသက် ၄၀ ကျော်အထက်များနှင့် သွေးတိုးရောဂါ၊ ဆီးချိုးေ ရာဂါနှင့် အခြားရောဂါအခံရှိသူများတွင် ရောဂါလ က္ခာများပိုမို ပြင်းထန်းစွာခံစားကြရကြောင်းလည်းသိ ရသည်။
ကျီခါးတိုက်နယ်ဆေးရုံတွင် ယခုလက်ရှိ ဆရာဝန်တစ်ယောက်မှမရှိဘဲ ကျန်းမာရေးဝန်ထမ်း ၃ ဦးခန့်သာရှိပြီး ၎င်းတို့က ကိုဗစ်ပိုးတွေ့လူနာများအား ကြပ်မတ်ကုသပေးလျှက်ရှိသည်ဟု သိရသည်။
“ကုသရေးပိုင်းက ဆရာဝန်မရှိတော့ ကျမကပဲ အသိဆရာဝန်တွေ၊ သမားတော်တွေ ဆက်သွယ်ပြီး သူတို့အကြံညဏ်ယူပြီးတော့ ကုပေးရတယ်၊ လူနာတွေအတွက်ကျတော့ ဒီဇယ်၊ဓာတ်ဆီ၊ မီးစက်က သူတို့ဟာသူတို့စီစဉ်နေရတယ်၊ အောက်ဆီဂျင်ကလည်း ကျမတို့မှာရှိတဲ့ ၆ လုံးနဲ့လည်ပတ်နေရတယ်၊ ကျမတို့ ၂၄ နာရီလုပ်ပေးချင်ပေမယ့် အောက်ဆီဂျင်စက်ကလည်း မနိုင်ဘူး မီးစက်ကလည်းမနိုင်တော့ အနည်းဆုံး တစ်နာရီ ၂ နာရီကတော့ နားရတာပေါ့’’ ဟု ကျီခါးတိုက်နယ်ဆေးရုံက ဆရာမကပြောသည်။
ယခုလက်ရှိတွင် ပိုးတွေ့လူနာ ၆ ဦးကို အောက်ဆီဂျင်ပေးနေရသည်ဟု သိရသည်။
ကိုဗစ်ပိုးတွေ့လူနာများကို မြန်ဆန်စွာ စစ်ဆေးပြီး ကုသမှုလုပ်နိုင်ရန်အတွက် အထက်ကိုတင်ပြထားပြီး နေပြည်တော်မှ ကိုဗစ် Tesk Kit အခု ၅၀ဝ၊ ဆေးဝါး ပစ္စည်းများကိုလည်း ပို့ဆောင်လာမည်ဟု သိရသည်။
ကျီးခါးမြို့သည် အိန္ဒိယ-မြန်မာနယ်စပ်တွင်တည်ရှိသည့်မြို့ဖြစ်ပြီး ယခုကဲ့သို့ ကိုဗစ် ၁၉ ရောဂါကူးစက် မှုများရခြင်းမှာ တဖက် အိန္ဒိယနိုင်ငံ မဏိပူရ်ပြည်နယ်ဘက်နှင့် ဝင်ထွက်သွားလာမှုရှိရာကတဆင့် ပျံ့နှံ့ လာခြင်းဖြစ်နိုင်ကြောင်း ယုံကြည်နေကြသည်။
