ဒီပုတ်ထဲက ပြည်နယ်အစိုးရ

0

By Lian Tuang – လက်ရှိချင်းပြည်နယ်တွင် ဖြစ်ပျက်နေသော ကိစ္စရပ်များနဲ့ပတ်သက်ပြီး မိမိသဘောထားအမြင်အနည်းကျဉ်းကိုပြောပြချင်ပါသည်။အထူးသဖြင့် အခုတလော ဟိုးလေးတကျော် ဖြစ်နေတဲ့ ဟားခါးမြို့သစ်မြေနေရာ ရှင်းလင်းရေးကိစ္စပါ။

ဒီကိစ္စအကြောင်းကို ရေးနေပြောနေကြသော Social Media စာမျက်နာတိုင်းတွင် ဘိုးဘွားပိုင်မြေ၊ ရိုးရာဓလေ့ထုံးတမ်းဥပဒေ၊ မြေသိမ်းဥပဒေ၊ စည်ပင် ဥပဒေ စသည်ဖြင့် စုံနေအောင်ကြားနေရပါသည်။

အခြားတစ်ဘက်တွင်လည်း မြန်မာနိင်ငံတစ်ဝန်းလုံးတွင် ပြည်သူနဲ့ သက်ဆိုင်ရာ အာဏာပိုင်အစိုးရများကြား သဘောထားမတိုက်ဆိုင်မူများ ဖြစ်ပွားသည့်အခါတိုင်းတွင် ဥပဒေလမ်းကြောင်း အရ အစိုးရသည်သာ မှန်ကန်ပြီး ပြည်သူများသာ အမြဲတမ်း မှားနေရသည့်သဘောတရားလည်းရှိနေပါသည်။

အမြဲတမ်း မှန်ကန်နေသော အစိုးရအဆက်ဆက် စီမံအုပ်ချုပ်သူများကြောင့် ပြည်သူလူထုတစ်ရပ်လုံးသည် လက်ရှိအချိန်တွင် ပြည်တွင်းရော ပြည်ပမကျန် မျက်နာငယ်နေရတာ အားလုံးအသိပင် ဖြစ်ပါသည်။

ကာယ အားအင်သည်သာ ပဓာန ဖြစ်ခဲ့သော ကြေးခေတ် သံခေတ် များတွင် ပြသာနာ တိုင်းကို အင်အား ကြီးသူကသာ အနိုင်ပိုင်းခဲ့သလိုပဲ ယခုကိစ္စတွင်လည်း အင်အားကြီးမားသူဘက်မှ အနိုင်ပိုင်းပြီး အမှန်တရားဘက်တော်သား သရဖူ ဆောင်းမည့် အခြေနေ ဖြစ်နေပါသည်။

တစ်ခြားသော ပြည်နယ်/ တိုင်း များနဲ့မတူပဲ လူမျိုးရောနော် နေထိုင်မူ နည်းပါးလွန်းနေသော ချင်းပြည်နယ်တွင်လည်း ပြသာနာတိုင်းကို ယခုကဲ့သို့ အင်းအားသုံးဖြေရှင်းနေသည်မှာ ယနေ့ ခေတ်နဲ့ မညီသည့် အပြင် မိသားစု စိတ်ဓါတ် ခေါင်းပါးတဲ့ လက္ခဏာ တစ်ရပ်သာ ဖြစ်သည်ဟုလည်း ခံစားမိပါမည်။

ကာယဗလ တောင့်တင်းမူကိုအားကိုးပြီး မိမိ ဆွေမျိုးသားချင်းများ အပေါ် အနိုင်ကျင့် ဗိုလ်ကျနေသော အရက်သမားအတွက် မည်သို့မျှ သိက္ခာ မရှိ နိင်သကဲ့သို့ အင်အားသာလွန်မူနဲ့ ဥပဒေအားနည်းချက်ကို အသုံးချပြီး မိမိဆွေမျိုးသားချင်းများ အပေါ် အနိုင်ယူနေသော အာဏာသမားများ အတွက်လည်း မည်သည့်ဂုဏ်ကျက်သရေမှ မရှိနိင်ပါ။

ပြသာနာဖြစ်တိုင်းသာ ယခု ကဲ့သို့ အင်းအားသုံး အဖြေရှာကြကြေး ဆိုပါက ဘာဒီမိုကရေစီလည်း မလိုပါ။ ရွှေးကောက်ပွဲလည်းမလိုပါ၊ ပညာတတ်စရာလည်းမလိုပါ၊ စဉ်းစားညဏ်လည်းမလိုတေ့ာပါ။ အင်အားကြီးအောင်သာ နည်းမျိုးစုံနဲ့ တည်ဆောက်ရုံပေါ့။

တကယ်တေ့ာ အစိုးရနှင့် ပြည်သူဆိုတာ အင်အားပြိုင်ဘက်မဟုတ်ပါ။ အနိုင်အရူံး မပြိုင်သင့်ပါ။ အစိုးရဘက်မှ မျက်နာပျက် သိက္ခာကျရမည့် ကိစ္စမျိုးမဖြစ်သင့်သလို ပြည်သူလူထု၏ နစ်နာဆုံးရူံးမူမျိုးလည်း မဖြစ်သင့်ပါ။ ဦးဆောင်သူလူကြီးလုပ်သူက လိမ်မာပါးနပ်ရမှာ။

အရေးအကြောင်းရှိလာပါက နှစ်ဦးနှစ်ဘက် အကျိုးဖြစ်ထွန်းစေမည့် ဖြေရှင်းနည်းများကို နှလုံးရည်ပြည့်ဝသော ညဏ်ပညာ အခြေခံဖြင့် ရှာဖွေ အကောင်အထည်ဖော်ပေးစေလိုပါသည်။

မိမိသည် ဒီကိစ္စအပေါ် အမှား အမှန် ဝေဖန် သုံးသပ်လိုခြင်း မဟုတ်ပဲ ပြသနာ ဖြေရှင်းသည့် နည်းလမ်းများကို စိတ်ဝင်စားသည့် ပြည်သူတစ်ယောက်သာဖြစ်ပါသည်။

အာဏာရှင်အဆက်ဆက်ကို ရင်ဆိုင်ဖြတ်သန်းခဲ့ဖူး သူတစ်ယောက်အနေဖြင့် လက်ရှိအစိုးရသည်လည်း ဒီပုတ်ထဲကဒီပဲ ပါဟူသော မှတ်ချက်မျိုး ကင်ပွန်းတပ်တာမျိုး မဖြစ်စေချင်တာတေ့ာ အဓိကပေါ့။————။

Share.

About Author

Leave A Reply

*

code