ချင်းလူငယ် (၆) ဦးကို ပြစ်ဒဏ်ပြန်လည်လျှော့ပေါ့ပေးရန် မတူပီမြို့တွင် ဆန္ဒဖော်ထုတ်

0

(၇၁) နှစ်မြောက်ချင်းအမျိူးသားနေ့ပွဲတော်ညဖျော်ဖြေရေးအစီစဉ်တွင် ပြည်သူတစ်ချိူ့နှင့် ရဲတပ်ဖွဲ့ဝင်များအကြား ရုန်းရင်းဆန်ခတ်ဖြစ်ပွားမှုကြောင့် ချင်းလူငယ် (၆) ဦး ထောင်ဒဏ် (၄နှစ်) ခွဲစီအမိန့်ချမှတ်မှုကို ပြန်လည် စဉ်းစားကာ ပြစ်ဒဏ်လျှော့ပေါ့ပေးရန် မတူပီမြို့တွင်ယနေ့နံနက်ပိုင်းက ပြည်သူ ၁၀၀ ကျော်ဆန္ဒဖော်ထုတ်ခဲ့ကြသည်။

မတူပီမြို့ ဗိုလ်တိုက်ချွန်းအားကစားကွင်းတွင် ယခုနှစ် ဖေဖော်ဝါရီလ ၂၀ ရက်နေ့က ကျင်းပပြုလုပ်သော (၇၁) နှစ်မြောက် ချင်းအမျိူးသားနေ့ပွဲတော်ညပိုင်းဖျော်ဖြေရေးအစီစဉ်ပွဲပြီးခါနီးတွင် ပြည်သူတစ်ချိူ့နှင့် ရဲတပ်ဖွဲ့အကြား ရုန်းရင်းဆန်ခတ်ဖြစ်ပွားခဲ့ကြသည်။

ယင်းရုန်းရင်းဆန်ခတ်မှုနှင့်ပတ်သက်ဆက်နွယ်သည်ဟုဆိုကာ မတူပီမြို့မှ ချင်းလူငယ် (၆) ဦးကို နောက်တနေ့တွင် ၎င်းတို့နေအိမ်သို့ ရဲတပ်ဖွဲ့ကသွားရောက်ဖမ်းဆီးခဲ့ကြပြီး ရဲစခန်းတွင် (၈) လချူပ်နှောင်အမှုရင်ဆိုင်စေပြီးနောက် အောက်တိုဘာလ (၁၀) နေ့က ထောင်ဒဏ်(၄နှစ်)ခွဲစီအမိန့်ချမှတ်ခဲ့ကြခြင်းဖြစ်သည်။

ယနေ့ဆန္ဒဖော်ထုတ်မှုကို ဦးဆောင်သည့် ချင်းလူငယ်အဖွဲ့အစည်း(မတူပီ)မှ အတွင်းရေးမှူးဆလိုင်းထန်အုပ်ကတော့ ထောင်ဒဏ်ချမှတ်ခံရသည့် (၆) ဦးထဲမှ (၂) ဦးသည် အဆိုပါအခင်းဖြစ်ပွားသည့်ညတွင် ပါဝင်ပတ်သက်ခြင်းမရှိကြောင်း ညဖျော်ဖြေပွဲကို သွားရောက်ခြင်းမရှိဘဲ မိမိတို့နေအိမ်မှာသာ နေထိုင်ခဲ့ကြသည်ဟု ဆိုသည်။

“ အဲဒီခြောက်ယောက်ထဲမှာ ပွဲထဲကိုလုံးဝမသွားတဲ့ကလေးတစ်ယောက်ရှိတယ်၊ ပြီးတော့ တစ်ယောက်ကတော့ ပြသာနမဖြစ်ခင် ကိုယ့်အိမ်ကိုပြန်သွားတဲ့သူတစ်ယောက်ပါတယ်၊ ဘယ်လိုဖြစ်ဖြစ် သူတို့အားလုံးအပေါ်မှာ  ဒီလိုပြစ်ဒဏ်တွေချမှတ်တဲ့ကိစ္စကို အတတ်နိုင်ဆုံးလျှော့ချပေးဖို့ ပြန်လည်စီစစ်ပေးဖို့တောင်းဆိုတာဖြစ်တယ်’’ ဟု ဆလိုင်းထန်အုပ်ကပြောသည်။

အင်အား (၁၀၀) ကျော်ပါဝင်သည့် မတူပီမြို့ဒေသခံပြည်သူများသည် ယနေ့နံနက် (၉နာရီခွဲ)ကစတင်၍ ရှစ်လမ်းဆုံမှ ဗိုလ်ချူပ်လမ်းမအတိုင်း စတင်ချီတက်ကာ စန်ဘောင်လမ်းဆုံအထိ ထိုမှတဆင့် အခင်းဖြစ်ပွားရာနေရာ ဗိုလ်တိုက်ချွန်းအားကစားကွင်းအထိ စီတန်းလှည့်လည်ချီတက်ခဲ့ကြပြီး နံနက်ပိုင်း (၁၁ နာရီခွဲ) တွင် အောင်မြင်စွာအဆုံးသတ်ခဲ့ကြသည်ဟုသိရသည်။

Share.

About Author

Leave A Reply

*

code