မီဇုိရမ္တြင္ Lockdown ေျဖေလ်ာ့၊ Covid-19 ပိုးေတြ႔လူနာ (၃၈) ဦးသာက်န္ရွိ

0

#Zawgyi

By ရစ္ခ်က္ – ခ်င္းျပည္နယ္ႏွင့္နယ္နိမိတ္ခ်င္းထိစပ္ၿပီး ျမန္မာႏိုင္ငံသားအမ်ားအျပား ေနထိုင္အလုပ္လုပ္ကိုင္ေနၾကသည့္ မီဇိုရမ္ ျပည္နယ္တြင္ ဇူလိုင္လ (၁) ရက္ေန႕ကစ၍ တစ္ျပည္နယ္လံုး Lockdown ခ်ထားမႈ ေျဖေလ်ာ့လိုက္ၿပီျဖစ္သည္။ 

Covid-19 ေၾကာင့္ မီဇိုရမ္တြင္ Lockdown ရက္ေပါင္း (၁၀၁) ရက္ ခ်ထားခဲ့ၿပီျဖစ္ၿပီး ဇူလိုင္လ (၁) ရက္ေန႕ကစ၍ အစိုးရက ယခုလိုေျဖေလ်ာ့လိုက္ၿပီဟု ေဒသထုတ္သတင္းစာ The Aizawl Post တြင္ ေဖာ္ျပသည္။ 

မီဇိုရမ္တြင္ ဇူလိုင္လ (၁) ရက္ေန႕ကစ၍ ဇူလိုင္လ (၃၁) ရက္ေန႕အထိ ေစ်းဆိုင္မ်ား ပံုမွန္ျပန္လည္ဖြင့္လွစ္ခြင့္ျပဳျခင္း၊ ဘစ္ကားမ်ားေျပးစြဲျခင္း၊ ျပည္နယ္အတြင္းခရီးသြားလာခြင့္မ်ားရွိမွာျဖစ္ၿပီး နယ္စပ္ဂိတ္မ်ားမွာ နဂိုအတိုင္း ဆက္လက္ပိ တ္ထားမည့္အျပင္ စာသင္ေက်ာင္းႏွင့္ ဘုရားေက်ာင္း၌ ၀တ္ျပဳကိုယ္းကြယ္ခြင့္ကိုလည္း ဆက္ပိတ္ထားမည္ ျဖစ္သည္။ 

မီဇိုရမ္ျပည္နယ္တြင္ ဇြန္လ (၁) ရက္ေန႔က Covid-19 ေရာဂါပိုးစတင္ေတြ႕ရွိခဲ့ၿပီး ဇူလိုင္လ (၁) ရက္ေန႕အထိ Covid-19 ေရာဂါပိုးကူးစက္ခံထားရသူ (၁၆၀) ဦးရွိသည့္အနက္ သက္သာေပ်ာက္ကင္းသူ (၁၂၂) ဦးရွိေနၿပီျဖစ္ေၾကာင္း သိရသည္။ 

လက္ရွိတြင္ Covid-19 ေရာဂါပိုးကူးစက္ခံထားရၿပီး ေဆးကုသမႈခံယူေနသူ (၃၈) ဦးရွိၿပီး Covid-19 ေရာဂါပိုးေၾကာင့္ ေသဆံုးသူမရွိေသးေၾကာင္း သိရသည္။

#Unicode

By ရစ်ချက် – ချင်းပြည်နယ်နှင့်နယ်နိမိတ်ချင်းထိစပ်ပြီး မြန်မာနိုင်ငံသားအများအပြား နေထိုင်အလုပ်လုပ်ကိုင်နေကြသည့် မီဇိုရမ် ပြည်နယ်တွင် ဇူလိုင်လ (၁) ရက်နေ့ကစ၍ တစ်ပြည်နယ်လုံး Lockdown ချထားမှု ဖြေလျော့လိုက်ပြီဖြစ်သည်။ 

Covid-19 ကြောင့် မီဇိုရမ်တွင် Lockdown ရက်ပေါင်း (၁၀၁) ရက် ချထားခဲ့ပြီဖြစ်ပြီး ဇူလိုင်လ (၁) ရက်နေ့ကစ၍ အစိုးရက ယခုလိုဖြေလျော့လိုက်ပြီဟု ဒေသထုတ်သတင်းစာ The Aizawl Post တွင် ဖော်ပြသည်။ 

မီဇိုရမ်တွင် ဇူလိုင်လ (၁) ရက်နေ့ကစ၍ ဇူလိုင်လ (၃၁) ရက်နေ့အထိ ဈေးဆိုင်များ ပုံမှန်ပြန်လည်ဖွင့်လှစ်ခွင့်ပြုခြင်း၊ ဘစ်ကားများပြေးစွဲခြင်း၊ ပြည်နယ်အတွင်းခရီးသွားလာခွင့်များရှိမှာဖြစ်ပြီး နယ်စပ်ဂိတ်များမှာ နဂိုအတိုင်း ဆက်လက်ပိ တ်ထားမည့်အပြင် စာသင်ကျောင်းနှင့် ဘုရားကျောင်း၌ ဝတ်ပြုကိုယ်းကွယ်ခွင့်ကိုလည်း ဆက်ပိတ်ထားမည် ဖြစ်သည်။ 

မီဇိုရမ်ပြည်နယ်တွင် ဇွန်လ (၁) ရက်နေ့က Covid-19 ရောဂါပိုးစတင်တွေ့ရှိခဲ့ပြီး ဇူလိုင်လ (၁) ရက်နေ့အထိ Covid-19 ရောဂါပိုးကူးစက်ခံထားရသူ (၁၆၀) ဦးရှိသည့်အနက် သက်သာပျောက်ကင်းသူ (၁၂၂) ဦးရှိနေပြီဖြစ်ကြောင်း သိရသည်။ 

လက်ရှိတွင် Covid-19 ရောဂါပိုးကူးစက်ခံထားရပြီး ဆေးကုသမှုခံယူနေသူ (၃၈) ဦးရှိပြီး Covid-19 ရောဂါပိုးကြောင့် သေဆုံးသူမရှိသေးကြောင်း သိရသည်။

Share.

About Author

Leave A Reply