AA ဖမ္းဆီးသည့္ ခ်င္းလူငယ္ ၄ ဦးအနက္ ၃ ဦးျပန္လြတ္လာ

0

#Unicode

By နှင်းနှင်း – ရက္ခိုင့်တပ်တော် (AA) မှ ဖမ်းဆီးထားသည့် ချင်းလူငယ် (၄) ဦးအနက် (၃) ဦးသည် သြဂုတ်လ ၂၅ နေ့က ပြန်လည်လွတ်မြောက်လာကြပြီဟု Chin IDPs Support Committee (CISC) အဖွဲ့မှ အတွင်းရေးမှူး ကိုကျော်အောင်ကပြောသည်။

“သူတို့နဲ့ကျွန်တော်စကားပြောပြီးပြီ သြဂုတ်လ ၂၅ ရက်နေ့မနက်ပိုင်းကနေ လွတ်လာတယ် ညနေပိုင်းကို ပလက်ဝမှာရောက်တယ်’’ ဟု ကိုကျော်အောင်ကပြောသည်။

ရခိုင်ပြည်နယ်၊ ကျောက်တော်မြို့မှတဆင့် ချင်းပြည်နယ် ပလက်ဝမြို့နယ်သို့ နေရပ်ပြန်သွားကြသည့် ချင်းလူငယ် (၄) ဦးကို ရက္ခိုင့်တပ်တော် (AA) က ငသရိုင်းကျေးရွာတွင် ဇူလိုင်လ (၂၉) ရက်နေ့က ဖမ်းဆီးခဲ့ခြင်းဖြစ်သည်။

အဆိုပါလူငယ် (၄) ဦးထဲမှ ကိုခင်မောင်ထွန်း၊ ကိုဘင်ဂျမင်၊ ကိုအောင်ထွန်းကိုတို့ (၃) ဦး ပြန်လွတ်ပေးလိုက်သော်လည်း ပလက်ဝမြို့နယ် အရပ်ဘက်အဖွဲ့အစည်းများတွင် ပါဝင်လှုပ်ရှားနေသည့် ကိုအောင်စိုးကိုမူ ဆက်လက်ထိန်းသိမ်းထားဆဲဖြစ်သည်။

ကိုကျော်အောင်က “ကိုအောင်စိုးကိုတစ်ယောက်တည်းကိုပဲ ဘာလို့မလွှတ်ပေးသလဲဆိုတာတော့ မပြောတတ်ဘူး၊ အရင်ကတော့ သူတို့သူငယ်ချင်း ၄ ယောက်ဆိုတော့ ခံသာသေးတယ် အခုတော့ သူ့သူငယ်ချင်းတွေက လွတ်တယ် သူပဲကျန်တယ်ဆိုတော့ သူ့အတွက် ကျနော်တို့စိုးရိမ်မိတယ်’’ ဟု ပြောသည်။

ရက္ခိုင့်တပ်တော်အနေဖြင့် အဆိုပါလူငယ် ၄ ဦးကို မည်သည့်ကိစ္စကြောင့် ဖမ်းဆီးထိန်းသိမ်းရသည်ကိုမူ မသိရသေးကြောင်း၊ ဖမ်းဆီးထိန်းသိမ်းစဉ်တွင် ခြိမ်းခြောက်ရိုက်နှက်ခြင်းမျိူး မပြုလုပ်ခဲ့ကြောင်း ဦးကျော်အောင်က ဆက်ပြောသည်။

Photo – Khumi Media Group

#Zawgyi

By နွင္းနွင္း – ရကၡိုင့္တပ္ေတာ္ (AA) မွ ဖမ္းဆီးထားသည့္ ခ်င္းလူငယ္ (၄) ဦးအနက္ (၃) ဦးသည္ ျသဂုတ္လ ၂၅ ေန့က ျပန္လည္လြတ္ေျမာက္လာျကျပီဟု Chin IDPs Support Committee (CISC) အဖြဲ့မွ အတြင္းေရးမႉး ကိုေက်ာ္ေအာင္ကေျပာသည္။

“သူတို့နဲ့ကြ်န္ေတာ္စကားေျပာျပီးျပီ ျသဂုတ္လ ၂၅ ရက္ေန့မနက္ပိုင္းကေန လြတ္လာတယ္ ညေနပိုင္းကို ပလက္ဝမွာေရာက္တယ္’’ ဟု ကိုေက်ာ္ေအာင္ကေျပာသည္။

ရခိုင္ျပည္နယ္၊ ေက်ာက္ေတာ္ျမို့မွတဆင့္ ခ်င္းျပည္နယ္ ပလက္ဝျမို့နယ္သို့ ေနရပ္ျပန္သြားျကသည့္ ခ်င္းလူငယ္ (၄) ဦးကို ရကၡိုင့္တပ္ေတာ္ (AA) က ငသရိုင္းေက်းရြာတြင္ ဇူလိုင္လ (၂၉) ရက္ေန့က ဖမ္းဆီးခဲ့ျခင္းျဖစ္သည္။

အဆိုပါလူငယ္ (၄) ဦးထဲမွ ကိုခင္ေမာင္ထြန္း၊ ကိုဘင္ဂ်မင္၊ ကိုေအာင္ထြန္းကိုတို့ (၃) ဦး ျပန္လြတ္ေပးလိုက္ေသာ္လည္း ပလက္ဝျမို့နယ္ အရပ္ဘက္အဖြဲ့အစည္းမ်ားတြင္ ပါဝင္လႈပ္ရွားေနသည့္ ကိုေအာင္စိုးကိုမူ ဆက္လက္ထိန္းသိမ္းထားဆဲျဖစ္သည္။

ကိုေက်ာ္ေအာင္က “ကိုေအာင္စိုးကိုတစ္ေယာက္တည္းကိုပဲ ဘာလို့မလွြတ္ေပးသလဲဆိုတာေတာ့ မေျပာတတ္ဘူး၊ အရင္ကေတာ့ သူတို့သူငယ္ခ်င္း ၄ ေယာက္ဆိုေတာ့ ခံသာေသးတယ္ အခုေတာ့ သူ့သူငယ္ခ်င္းေတြက လြတ္တယ္ သူပဲက်န္တယ္ဆိုေတာ့ သူ့အတြက္ က်ေနာ္တို့စိုးရိမ္မိတယ္’’ ဟု ေျပာသည္။

ရကၡိုင့္တပ္ေတာ္အေနျဖင့္ အဆိုပါလူငယ္ ၄ ဦးကို မည္သည့္ကိစၥေျကာင့္ ဖမ္းဆီးထိန္းသိမ္းရသည္ကိုမူ မသိရေသးေျကာင္း၊ ဖမ္းဆီးထိန္းသိမ္းစဉ္တြင္ ျခိမ္းေျခာက္ရိုက္နွက္ျခင္းမ်ိူး မျပုလုပ္ခဲ့ေျကာင္း ဦးေက်ာ္ေအာင္က ဆက္ေျပာသည္။

Photo – Khumi Media Group

Share.

About Author

Leave A Reply