နယ္ေျမလံုျခံဳေရးအရ စက္သံုးဆီသယ္ယူ၍မရေသာေၾကာင့္ ပလက္၀ၿမိဳ႕အေမွာင္က်ေနဆဲ

0

#Unicode

By နှင်းနှင်း – နယ်မြေလုံခြုံရေးအခြေအနေကြောင့် ဆမီးမြို့တွင်သောင်တင်နေသော ဒီဇယ်ဆီများ သယ်ယူ၍မ ရသေးသည့်အတွက် ပလက်ဝမြို့တွင် လျှပ်စစ်ဓာတ်အားမဖြန့်ဖြူးပေးနိုင်သေးကြောင်း ပလက်ဝမြို့နယ်အထွေထွေအုပ်ချူပ်ရေးမှူး ဦးအောင်လောဟာကပြောသည်။

“ မီးက ခုထိမပေးနိုင်သေးဘူး၊ ဆီသယ်လို့မရလို့ဘူး၊ လမ်းပန်းဆက်သွယ်ရေးရော လုံခြုံရေးအရရော သွားလို့လာလို့ မလွတ်လပ်တာလည်းပါတယ် ” ဟု ဦးအောင်လောဟာကပြောသည်။

ပလက်ဝမြို့နယ်သည် မဟာဓာတ်အားလိုင်းမရောက်ရှိနိုင်သေးသည့်အတွက် မြို့နယ်လျှပ်စစ် ဓာတ်အားဖြန့်ဖြူးရေး ဦးစီးဌာနမှ ဒီဇယ်ဆီအသုံးသော မီးစက်ဖြင့် ယခင်က တစ်ရက်လျှင် (၄) နာရီ လျှပ်စစ်ဓာတ်အားဖြန့်ဖြူးလေ့ရှိသော်လည်း ဒီဇယ်ဆီပြတ်လတ်သွားသည့်အတွက် အောက်တိုဘာလ ၁ ရက်နေ့စ၍ ဓာတ်အားဖြန့်ဝေမှုပြတ်တောက်သွားခဲ့ခြင်းဖြစ် သည်။

ပလက်ဝမြို့လျှပ်စစ်ဓာတ်အား ဖြန့်ဖြူးရာတွင် အသုံးပြုရန် ဒီဇယ်ပေပါ (၁၂၀) လုံးသည် ဆမီးမြို့တွင် သောင်တင်နေပြီး နယ်မြေလုံခြုံရေးအခြေအနေကြောင့် ယခုချိန်ထိ သယ်ယူရန်အခက်အခဲရှိနေကြခြင်းဖြစ်သည်။

ယခုကဲ့သို့ ပလက်ဝမြို့တွင် လျှပ်စစ်ဓာတ်အားမရရှိကြတော့သည့်အတွက် မြိုခံပြည်သူများလည်း အခက်ကြုံနေကြရ သည်ဟု ပလက်ဝမြို့ဒေသခံ ဆရာမအောင်မဖြူကပြောသည်။

“ မီးမရတာ ( ၇) ညရှိပြီ ဆိုလာမီးရှိတဲ့သူတွေက အဆင်ပြေတယ်၊ ဆိုလာမရှိတဲ့သူတွေက အဆင်မပြေဘူး မီးက အခက်အခဲဖြစ်နေတယ်၊ ပြီးတော့ လျှပ်စစ်ကိုအသုံးပြုပြီး လုပ်ရတဲ့အလုပ်တွေလည်း အကုန်ထိခိုက်ကုန်တယ်” ဟု ဆရာမအောင်မဖြူကပြောသည်။

ပလက်ဝမြို့နယ်သည် မြန်မာ့တပ်မတော် နှင့် ရက္ခိုင့်တပ်တော် (AA ) တို့ စစ်ဖြစ်ပွားရာဒေသဖြစ်ပြီး နယ်မြေတည် ငြိမ်မှုမရှိသောကြောင့် စက်သုံးဆီများ သယ်ယူရန်် အခက်အခဲဖြစ်နေသည့်အတွက် ပလက်ဝမြို့နယ်တွင် လျှပ်စစ်မီး ပြတ်တောက်မှုမကြခဏဖြစ်ပွားလေ့ရှိသည်။

#Zawgyi

By ႏွင္းႏွင္း – နယ္ေျမလံုျခံဳေရးအေျခအေနေၾကာင့္ ဆမီးၿမိဳ႕တြင္ေသာင္တင္ေနေသာ ဒီဇယ္ဆီမ်ား သယ္ယူ၍မ ရေသးသည့္အတြက္ ပလက္၀ၿမိဳ႕တြင္ လွ်ပ္စစ္ဓာတ္အားမျဖန္႔ျဖဴးေပးႏုိင္ေသးေၾကာင္း ပလက္၀ၿမိဳ႕နယ္အေထြေထြအုပ္ခ်ဴပ္ေရးမွဴး ဦးေအာင္ေလာဟာကေျပာသည္။ 

“မီးက ခုထိမေပးႏုိင္ေသးဘူး၊ ဆီသယ္လုိ႔မရလုိ႔ဘူး၊ လမ္းပန္းဆက္သြယ္ေရးေရာ လုံျခဳံေရးအရေရာ သြားလုိ႔လာလုိ႔ မလြတ္လပ္တာလည္းပါတယ္ ” ဟု ဦးေအာင္ေလာဟာကေျပာသည္။ 

ပလက္၀ၿမိဳ႕နယ္သည္ မဟာဓာတ္အားလိုင္းမေရာက္ရွိႏုိင္ေသးသည့္အတြက္ ၿမိဳ႕နယ္လွ်ပ္စစ္ ဓာတ္အားျဖန္႔ျဖဴးေရး ဦးစီးဌာနမွ ဒီဇယ္ဆီအသံုးေသာ မီးစက္ျဖင့္ ယခင္က တစ္ရက္လွ်င္ (၄) နာရီ လွ်ပ္စစ္ဓာတ္အားျဖန္႔ျဖဴးေလ့ရွိေသာ္လည္း ဒီဇယ္ဆီျပတ္လတ္သြားသည့္အတြက္ ေအာက္တိုဘာလ ၁ ရက္ေန႔စ၍ ဓာတ္အားျဖန္႔ေ၀မႈျပတ္ေတာက္သြားခဲ့ျခင္းျဖစ္ သည္။ 

ပလက္ဝျမဳိ႕လွ်ပ္စစ္ဓာတ္အား ျဖန္႔ျဖဴးရာတြင္ အသုံးျပဳရန္ ဒီဇယ္ေပပါ (၁၂၀) လုံးသည္ ဆမီးျမဳိ႕တြင္ ေသာင္တင္ေနျပီး နယ္ေျမလံုျခံဳေရးအေျခအေနေၾကာင့္ ယခုခ်ိန္ထိ သယ္ယူရန္အခက္အခဲရွိေနၾကျခင္းျဖစ္သည္။  

ယခုကဲ့သို႔ ပလက္၀ၿမိဳ႕တြင္ လွ်ပ္စစ္ဓာတ္အားမရရွိၾကေတာ့သည့္အတြက္ ၿမိဳခံျပည္သူမ်ားလည္း အခက္ႀကံဳေနၾကရ သည္ဟု ပလက္၀ၿမိဳ႕ေဒသခံ ဆရာမေအာင္မျဖဴကေျပာသည္။  

“ မီးမရတာ ( ၇) ညရွိျပီ ဆုိလာမီးရွိတဲ့သူေတြက အဆင္ေျပတယ္၊ ဆုိလာမရွိတဲ့သူေတြက အဆင္မေျပဘူး မီးက အခက္အခဲျဖစ္ေနတယ္၊ ၿပီးေတာ့ လွ်ပ္စစ္ကိုအသံုးျပဳၿပီး လုပ္ရတဲ့အလုပ္ေတြလည္း အကုန္ထိခိုက္ကုန္တယ္” ဟု ဆရာမေအာင္မျဖဴကေျပာသည္။ 

ပလက္ဝျမဳိ႕နယ္သည္  ျမန္မာ့တပ္မေတာ္ ႏွင့္ ရကၡဳိင့္တပ္ေတာ္ (AA ) တုိ႔  စစ္ျဖစ္ပြားရာေဒသျဖစ္ျပီး နယ္ေျမတည္ ျငိမ္မႈမရွိေသာေၾကာင့္ စက္သုံးဆီမ်ား သယ္ယူရန္္ အခက္အခဲျဖစ္ေနသည့္အတြက္ ပလက္ဝျမဳိ႕နယ္တြင္ လွ်ပ္စစ္မီး ျပတ္ေတာက္မႈမၾကခဏျဖစ္ပြားေလ့ရွိသည္။

Share.

About Author

Leave A Reply