စစ္ေဘးေရွာင္ မသန္စြမ္းအမ်ဴိးသမီးအား မုဒိမ္းျပဳက်င့္သူကို ထိေရာက္စြာအေရးယူရန္ အရပ္ဖက္ (၁၂) ဖြဲ႔ေတာင္းဆို

0

#Unicode

By လားနွန် – ချင်းပြည်နယ် ပလက်ဝမြို့နယ် ဆမီးမြို့စစ်ဘေးရှောင်စခန်းတွင် ခိုလုံနေသည့် အသက် (၂၃) နှစ်ရွယ် စစ်ဘေးရှောင် မသန်စွမ်းအမျိူးသမီးအား မုဒိမ်းပြုကျင့်သူကို တရားဥပဒေလမ်းကြောင်းအတိုင်း ထိထိရောက်ရောက် အရေးယူပေးရန် အရပ်ဖက်လူမှုအဖွဲ့အစည်း (၁၂) ဖွဲ့က ပလက်ဝမြို့နယ် တရားသူကြီးနှင့် ရှေ့နေများထံ တောင်းဆိုလိုက်သည်။

ဆမီးမြို့ရှိ စစ်ဘေးရှောင်စခန်းတွင် ပြီးခဲ့သည့် နိုဝင်ဘာလ ၁၇ ရက်နေ့က အောက်သဲမဝကျေးရွာသူ မသန်စွမ်း အမျိုးသမီး(အမြင်အာရုံအားနည်း)ကို စစ်ဘေးရှောင်စခန်းတွင် အတူနေထိုင်သူ အသက် (၄၀) ခန့်ရှိသည့် ရခိုင်အမျိုးသားတစ်ဦးက မုဒိမ်းပြုကျင့်ခဲ့ခြင်းဖြစ်ပြီး ဓလေ့ထုံးတမ်းအစဉ်အလာအရ ကျေအေးခွင့်မပြုဘဲ တရားဥပဒေအတိုင်း ဆောင်ရွက်ပေးရန်တောင်းဆိုရခြင်းဖြစ်သည်ဟု ဆမီးချင်းအမျိူးသမီးအဖွဲ့မှ ဒေါ်ပွီးပွီးကပြောသည်။

“ကျမတို့က တရားမျှတမှုကိုဖြစ်စေချင်တယ် ဒီအမျိုးသမီးကျတော့ သာမာန်အမျိုးသမီးမဟုတ်ဘူး ချို့ယွင်း အမြင်အာရုံအားနည်းတဲ့ အမျိုးသမီးတစ်ယောက်ဖြစ်တယ်၊ တရားမျှတမှု ရရှိချင်လို့ အဖွဲ့အစည်းတွေအားလုံးသဘောတူပြီး ဒီသဘော တူစာအိတ်ကိုပို့ရခြင်းဖြစ်တယ်၊ တရားခံကို တကယ်ပဲ ကျမတို့က အရေးယူစေချင်ပါတယ် လျော့လျော့ ပေ့ါပေ့ါဖြစ်သွားမှာ ကိုမလိုချင်ဘူး ကျမတို့အမျိုးသမီးဖက်ကနေဆိုရင်တော့ ကျမတို့ အမျိုးသမီးတွေအဖွဲ့နဲ့ဆိုတာထက် ကံယာကံရှင်ရဲ့ သဘောထားကိုပဲ ကျမတို့အလေးပေးတယ် ကံယာကံရှင်ကပြောတာက သူလိုချင်တာက ဒီအမျိုးသားကို ထောင်ချစေ ချင်တယ် သူနဲ့ ထိုက်သင့်တဲ့အပြစ်ကိုရစေချင်တယ် ဆိုတော့ ကျမတို့အမျိုးသမီးအဖွဲ့အနေနဲ့ သူ့ဆန္ဒကို ဦးစားပေးတယ် ကျမတို့ကိုယ်တိုင်ကလည်း အဲလိုဖြစ်စေချင်တယ်” ဟု ဆမီးချင်းအမျိုးသမီးအဖွဲ့မှ ဒေါ်ပွီးပွီးကပြောသည်။

အဆိုပါမသန်စွမ်းအမျိူးသမီးသည် မိဘများမရှိတော့သည့်အတွက် အဖေဘက်မှတောစပ်သော ဦးလေးမိသားစုနှင့်အတူ ဆမီးမြို့စစ်ဘေးရှောင်စခန်းတွင် ခိုလုံနေသူဖြစ်သည်ဟု သိရသည်။ ယင်းအမှုဖြစ်စဉ်နှင့်ပတ်သက်၍ ဦးလေးတော်စပ်သူမှ ကျပ်ငွေငါးသိန်းဖြင့် တောင်းပန်လျှင် အမှုကျေအေးနိုင်သည်ဟုပြောဆိုမှုရှိခဲ့သည့်အတွက် အမှုကျေအေးခွင့်မပြုဘဲ တရားဥပဒေအတိုင်းပြစ်ဒဏ်ချမှတ်ရန်တောင်းဆိုရခြင်းဖြစ်သည်ဟု ဒေါ်ပွီးပွီးကပြောသည်။

“ ဦးလေးတော်စပ်သူ၏ ငါးသိန်းကျပ်တိတိဖြင့် တောင်းပန်အလျှော်အစားလုပ်လျင် အမှုကို ပိတ်ကျေအေးနိုင်သည်ဆိုသည့် အချက်သည် အမျိူးသမီးနှင့် မိန်းကလေးများ တရားမျှတမှုကို လက်လှမ်းမှီရန်အတွက် အဟန့်အတားတစ်ခုဖြစ်ပါသည်။ (ဗဟုတရားမျှှတမှုစနစ်) ခေါင်းစဉ်ဖြင့် ချင်းဓလေ့ထုံးတမ်းကို အသုုံးပြုခြင်းသည်လည်း ချင်းအမျိူးသမီးနှင့် မိန်းကလေးများအတွက် တရားမျှတမှုကို ဆုံးရှုံးရသည့်အကြောင်းရင်းများဖြစ်တတ်သည်ကိုလည်း သတိချပ်စေလိုသည်’’ ဟု အရပ်ဖက်အဖွဲ့အစည်း (၁၂) ၏ အိပ်ဖွင့်ပေးစာတွင်ဖော်ပြထားသည်။

ယခုအိပ်ဖွင့်ပေးစာပေးပို့သည့် အရပ်ဖက်အဖွဲ့အစည်းများမှာ ဧဒင်မသန်စွမ်းကလေးများပြုစုရာရိပ်မွန်-ဟားခါး၊ ဟားခါးတာရ် အမျိုးသမီးအဖွဲ့၊ မသူ အမျိုးသမီးအဖွဲ့အစည်း၊ ရီဇွာအမျိုးသမီးအဖွဲ့၊ ဆပ်သားအမျိုးသမီးအဖွဲ့၊ ဟားခါးချင်း အမျိုးသမီးအဖွဲ့အစည်း၊ ဒါရ်ဒီမ်ပါရ်အဖွဲ့၊ ဌာနေတိုင်းရင်းသူကွန်ယက်၊ ချင်းမိသားစုအဖွဲ့၊ Shine Di ၊ BOOM Women ၊ ရသေ့တောင်လူငယ်ကွန်ယက်စသည်တို့ဖြစ်သည်။

မသန်စွမ်းအမျိူးသမီးအား မုဒိမ်းပြုကျင့်သူအမျိုးသားကိုလည်း ဆမီးရဲတပ်ဖွဲ့မှ ဖမ်းဆီးပြီး တရားစွဲဆိုရန် ပလက်ဝမြို့သို့ ခေါ်ဆောင်သွားပြီဟုသိရသည်။

#Zawgyi

ခ်င္းျပည္နယ္ ပလက္ဝၿမိဳ႕နယ္ ဆမီးၿမိဳ႕စစ္ေဘးေရွာင္စခန္းတြင္ ခိုလံုေနသည့္ အသက္ (၂၃) ႏွစ္ရြယ္ စစ္ေဘးေရွာင္ မသန္စြမ္းအမ်ဴိးသမီးအား မုဒိမ္းျပဳက်င့္သူကို တရားဥပေဒလမ္းေၾကာင္းအတိုင္း ထိထိေရာက္ေရာက္ အေရးယူေပးရန္ အရပ္ဖက္လူမႈအဖြဲ႔အစည္း (၁၂) ဖြဲ႔က ပလက္၀ၿမိဳ႕နယ္ တရားသူႀကီးႏွင့္ ေရွ႕ေနမ်ားထံ ေတာင္းဆိုလိုက္သည္။ 

ဆမီးၿမိဳ႕ရွိ စစ္ေဘးေရွာင္စခန္းတြင္ ၿပီးခဲ့သည့္ ႏို၀င္ဘာလ ၁၇ ရက္ေန႔က ေအာက္သဲမ၀ေက်းရြာသူ မသန္စြမ္း အမ်ိဳးသမီး(အျမင္အာရံုအားနည္း)ကို စစ္ေဘးေရွာင္စခန္းတြင္ အတူေနထိုင္သူ အသက္ (၄၀) ခန္႔ရွိသည့္ ရခိုင္အမ်ိဳးသားတစ္ဦးက မုဒိမ္းျပဳက်င့္ခဲ့ျခင္းျဖစ္ၿပီး ဓေလ့ထံုးတမ္းအစဥ္အလာအရ ေက်ေအးခြင့္မျပဳဘဲ တရားဥပေဒ အတိုင္းေဆာင္ရြက္ေပးရန္ေတာင္းဆိုရျခင္းျဖစ္သည္ဟု ဆမီးခ်င္းအမ်ဴိးသမီးအဖြဲ႔မွ ေဒၚပြီးပြီးကေျပာသည္။ 

“က်မတို႔က တရားမွ်တမႈကိုျဖစ္ေစခ်င္တယ္ ဒီအမ်ိဳးသမီးက်ေတာ့ သာမာန္အမ်ိဳးသမီးမဟုတ္ဘူး ခ်ိဳ႕ယြင္း အျမင္အာရံု အားနည္းတဲ့အမ်ိဳးသမီးတစ္ေယာက္ျဖစ္တယ္၊ တရားမွ်တမႈ ရရွိခ်င္လို႔ အဖြဲ႕အစည္းေတြအားလံုးသေဘာတူၿပီး ဒီသေဘာ တူစာအိတ္ကိုပို႔ရျခင္းျဖစ္တယ္၊ တရားခံကို တကယ္ပဲ က်မတို႔က အေရးယူေစခ်င္ပါတယ္ ေလ်ာ့ေလ်ာ့ ေပ့ါေပ့ါျဖစ္သြားမွာ ကိုမလိုခ်င္ဘူး က်မတို႔အမ်ိဳးသမီးဖက္ကေနဆိုရင္ေတာ့ က်မတို႔ အမ်ိဳးသမီးေတြအဖြဲ႔နဲ႔ဆိုတာထက္ ကံယာကံရွင္ရဲ႕ သေဘာထားကိုပဲ က်မတို႔အေလးေပးတယ္ ကံယာကံရွင္ကေျပာတာက သူလိုခ်င္တာက ဒီအမ်ိဳးသားကို ေထာင္ခ်ေစ ခ်င္တယ္ သူနဲ႔ ထိုက္သင့္တဲ့အျပစ္ကိုရေစခ်င္တယ္ ဆိုေတာ့ က်မတို႔အမ်ိဳးသမီးအဖြဲ႕အေနနဲ႔ သူ႔ဆႏၵကို ဦးစားေပးတယ္ က်မတို႔ကိုယ္တိုင္ကလည္း အဲလိုျဖစ္ေစခ်င္တယ္”  ဟု ဆမီးခ်င္းအမ်ိဳးသမီးအဖြဲ႕မွ ေဒၚပြီးပြီးကေျပာသည္။

အဆိုပါမသန္စြမ္းအမ်ဴိးသမီးသည္ မိဘမ်ားမရွိေတာ့သည့္အတြက္ အေဖဘက္မွေတာစပ္ေသာ ဦးေလးမိသားစုႏွင့္အတူ ဆမီးၿမိဳ႕စစ္ေဘးေရွာင္စခန္းတြင္ ခိုလံုေနသူျဖစ္သည္ဟု သိရသည္။ ယင္းအမႈျဖစ္စဥ္ႏွင့္ပတ္သက္၍ ဦးေလးေတာ္စပ္သူမွ က်ပ္ေငြငါးသိန္းျဖင့္ ေတာင္းပန္လွ်င္ အမႈေက်ေအးႏိုင္သည္ဟုေျပာဆိုမႈရွိခဲ့သည့္အတြက္ အမႈေက်ေအးခြင့္မျပဳဘဲ တရားဥပေဒအတိုင္းျပစ္ဒဏ္ခ်မွတ္ရန္ေတာင္းဆိုရျခင္းျဖစ္သည္ဟု ေဒၚပြီးပြီးကေျပာသည္။ 

“ ဦးေလးေတာ္စပ္သူ၏ ငါးသိန္းက်ပ္တိတိျဖင့္ ေတာင္းပန္အေလွ်ာ္အစားလုပ္လ်င္ အမႈကို ပိတ္ေက်ေအးႏိုင္သည္ဆိုသည့္ အခ်က္သည္ အမ်ဴိးသမီးႏွင့္ မိန္းကေလးမ်ား တရားမွ်တမႈကို လက္လွမ္းမွီရန္အတြက္ အဟန္႔အတားတစ္ခုျဖစ္ပါသည္။ (ဗဟုတရားမွွ်တမႈစနစ္) ေခါင္းစဥ္ျဖင့္ ခ်င္းဓေလ့ထံုးတမ္းကို အသံုုးျပဳျခင္းသည္လည္း ခ်င္းအမ်ဴိးသမီးႏွင့္ မိန္းကေလးမ်ားအတြက္ တရားမွ်တမႈကို ဆံုးရံႈးရသည့္အေၾကာင္းရင္းမ်ားျဖစ္တတ္သည္ကိုလည္း သတိခ်ပ္ေစလိုသည္’’ ဟု အရပ္ဖက္အဖြဲ႔အစည္း (၁၂) ၏ အိပ္ဖြင့္ေပးစာတြင္ေဖာ္ျပထားသည္။ 

ယခုအိပ္ဖြင့္ေပးစာေပးပို႔သည့္ အရပ္ဖက္အဖြဲ႔အစည္းမ်ားမွာ ဧဒင္မသန္စြမ္းကေလးမ်ားျပဳစုရာရိပ္မြန္-ဟားခါး၊ ဟားခါးတာရ္ အမ်ိဳးသမီးအဖြဲ႔၊ မသူ အမ်ိဳးသမီးအဖြဲ႔အစည္း၊ ရီဇြာအမ်ဳိးသမီးအဖြဲ႔၊ ဆပ္သားအမ်ိဳးသမီးအဖြဲ႕၊ ဟားခါးခ်င္း အမ်ိဳးသမီးအဖြဲ႔အစည္း၊ ဒါရ္ဒီမ္ပါရ္အဖြဲ႕၊ ဌာေနတိုင္းရင္းသူကြန္ယက္၊ ခ်င္းမိသားစုအဖြဲ႕၊ Shine Di ၊ BOOM Women ၊ ရေသ့ေတာင္လူငယ္ကြန္ယက္စသည္တို႔ျဖစ္သည္။ 

မသန္စြမ္းအမ်ဴိးသမီးအား မုဒိမ္းျပဳက်င့္သူအမ်ိဳးသားကိုလည္း ဆမီးရဲတပ္ဖြဲ႔မွ ဖမ္းဆီးၿပီး တရားစြဲဆိုရန္ ပလက္၀ၿမိဳ႕သို႔ ေခၚေဆာင္သြားၿပီဟုသိရသည္။

Share.

About Author

Leave A Reply