(006SV) ချင်းပြည်နယ်၊ ပလက်ဝမြို့နယ်တွင် ဒေသခံပြည်သူများကို အတင်းအဓမ္မ စစ်သားစုဆောင်းမှု မပြုလုပ်ကြောင်း အာရက္ခတပ်တော် (AA/ULA) ၏ ပြောရေးဆိုခွင့်ရှိသူ ဦးခိုင်သုခက ပြောသည်။ “ကျနော်တို့ ULA/ AA အနေနဲ့ အတင်းအဓမ္မ စစ်သားစုဆောင်းစရာ မလိုတဲ့အဖွဲ့အစည်းဖြစ်ပါတယ်။ ကျနော်တို့မှာ စစ်သားတွေက ဒီအပတ်စဉ်မှာ လူပြည့်လို့ နောက်အပတ်စဉ်မှ လာဆိုပြီး လုပ်နေရတဲ့ အနေအထားဖြစ်ပါတယ်။ ဒါကြောင့် အတင်းအဓမ္မ စစ်သားစုဆောင်းစရာ မလိုပါ။ ကျနော်တို့အဖွဲ့အစည်း မူဝါဒက ဘယ်သူကိုမှ သူတို့ရဲ့ ဆန္ဒမပါပဲ ဒီနေ့အထိ အတင်းအကြပ် စစ်သားစုဆောင်းမှု မရှိပါ။ ဒီပုံစံမျိုး အတင်းအဓ္မမ လူသစ်စုဆောင်းတယ်လို့ စွပ်စွဲတာက လုံးဝလက်ခံနိုင် စရာမရှိဆိုတာကို ဖြေကြားလိုပါတယ်” ဟု ဦးခိုင်သုခက ပြောသည်။ ယနေ့ ဇွန်လ ၈ ရက်တွင် အွန်လိုင်းက ကျင်းပသည့် ULA/ AA ၏ နဝမအကြိမ်မြောက် သတင်းစာရှင်းလင်းပွဲတွင် အာရက္ခတပ်တော် (AA/ULA) ၏ ပြောရေးဆိုခွင့်ရှိသူက ဖြေကြားခဲ့ခြင်းဖြစ်သည်။ ဧပြီလ ၁၉ ရက်က ပလက်ဝမြို့နယ်၊ မီးဇာရွာမှာ ပြုလုပ်သော အစည်းအဝေးတွင် အသက် ၁၈ နှစ်မှ ၄၀ နှစ်အတွင်း AA/ULA ထံတွင် စစ်မှုထမ်းရမည်ဟု AA တာဝန်ရှိသူများက ပြောဆိုခဲ့ရာ မေလဆန်းပိုင်းမှာ ဒေသခံ ၄၀ ခန့် အိန္ဒိယဘက်သို့ ထွက်ပြေးလာကြကြောင်း ဒေသခံများက ပြောသည်။ ၎င်းတို့သည် မီဇိုရမ်ပြည်နယ် လောင်တလိုင်ခရိုင်မှာ နေထိုင်းကြကြောင်း၊ လက်ရှိတွင် ပလက်ဝမှ ထပ်မံထွက်ပြေးလာသူများရှိကြောင်း…
Author: Editor
(006SV) ချင်းပြည်နယ်အတွင်း နိုင်ငံရေးပူးပေါင်းဆောင်ရွက်ရန် ချင်းတော်လှန်ရေးအင်အားစု (၄) ဖွဲ့ကို အဖွဲ့ဝင်သစ်များအဖြစ် လက်ခံ အတည်ပြုလိုက်ကြောင်း ချင်းလဲန်းကောင်စီက ထုတ်ပြန်သည်။ ဇွန်လ ၅ ရက်မှ ၆ ရက်အထိ ချင်းလုံမြို့တွင် တတိယအကြိမ်မြောက် ချင်းပြည်ကောင်စီ အစည်းအဝေးကို ကျင်းပခဲ့ပြီး Zanniatram People’s Organization၊ Kanpetlet Council၊ Thado Council နှင့် Mindat Council (ယာယီ) စသည့် ၄ ဖွဲ့ကို ကောင်စီအဖွဲ့ဝင်သစ်များအဖြစ် အတည်ပြုလိုက်ခြင်းဖြစ်ကြောင်း ချင်းလဲန်းကောင်စီက ဇွန်လ ၉ ရက် ရက်စွဲဖြင့် ထုတ်ပြန်သည်။ ချင်းပြည်ကောင်စီအပါအဝင် မဏ္ဍိုင် ၃ ရပ်ဖြစ်သည့် အစိုးရ၊ လွှတ်တော် နှင့် တရားလွှတ်တော်ချုပ်တို့၏ လုပ်ငန်းအစီရင်ခံစာများအပေါ် အကြံပြုခြင်း၊ စစ်ရေးနှင့် နိုင်ငံရေး သုံးသပ်ခြင်းများနှင့်အတူ ရှေ့လုပ်ငန်းစဉ်များ ချမှတ်ခဲ့ကြောင်း သိရသည်။ အာဏာရှင်စနစ်မှန်သမျှ အမြစ်ပြတ်ချုပ်ငြိမ်းပြီး ကိုယ်ပိုင်ပြဌာန်းခွင့် အာမခံချက် ရှိသည့် ချင်းပြည်ကို မဏ္ဍိုင် (၃) ရပ်ဖြင့် ဆက်လက်ဖော်ဆောင်သွားမည်ဟု ဆိုသည်။ ကောင်စီအစည်းအဝေးကို ချင်းလွှတ်တော်ကိုယ်စားလှယ်များ၊ ချင်းအမျိုးသားတပ်ဦးမှ ကိုယ်စားလှယ်များ၊ မြို့နယ်နှင့် ဒေသအုပ်ချုပ်ရေးအဖွဲ့ အသီးသီးမှ ကိုယ်စားလှယ်များ စုစုပေါင်း ၉၉ ဦး တက်ရောက်ခဲ့ကြောင်း သိရသည်။ ကောင်စီနှင့် မဏ္ဍိုင် (၃) ရပ်၏ လုပ်ငန်းယန္တယားများ ဟန်ချက်ညီညီ လည်ပတ်နိုင်ရေး ပံ့ပိုးကူညီခဲ့သော ပြည်တွင်း/ပြည်ပ ချင်းပြည်သူများ၊ အရပ်ဖက် အဖွဲ့အစည်းများကို ကျေးဇူးတင်ရှိကြောင်း ချင်းလဲန်းကောင်စီက ထုတ်ပြန်သည်။ တွန်းဇံမြို့နယ်က စစ်ကောင်စီစခန်းသိမ်းတိုက်ပွဲနှင့်…
ချင်းပြည်နယ် တီးတိန်မြို့မှ ရိခေါဒါရ်မြို့ ကိုဆက်သွယ်သော အိန္ဒိယ-မြန်မာ အမှတ် ၂ နယ်စပ်ကုန်သွယ်ရေးလမ်း ကြောင်းပေါ်က မဏိပူရမြစ်ကူးတံတားကို စစ်ကောင်စီတပ်ဖွဲ့က ယနေ့နံနက်ပိုင်းတွင် ဖောက်ခွဲဖျက်ဆီးလိုက်သည်ဟု သိရသည်။ တီးတိန်မြို့အခြေစိုက် စစ်ကောင်စီတပ်ဖွဲ့များသည် ယနေ့ဇွန်လ ၈ ရက်မနက်ပိုင်းတွင် တီးတိန်မြို့အောက်ဘက်တွင်တည်ရှိသော လမ်ဇန်ကျေးရွာကို စီးနင်းဝင်ရောက်ခဲ့ပြီးနောက် အိန္ဒိယ-မြန်မာ အမှတ် ၂ နယ်စပ်ကုန်သွယ်ရေးတွင် အဓိကအားထားရသော မဏိပူရမြစ်ကူး (မံဆောင်း) တံတားကို ဖောက်ခွဲဖျက်ဆီးခဲ့ခြင်းဖြစ်သည်ဟု သိရသည်။ စစ်ကောင်စီ၏ ဖောက်ခွဲဖျက်ဆီးမှုကြောင့် မံဆောင်းတံတားသည် အသုံးပြု၍ မရတော့ဘဲ ကျိုးပြတ်သွားခဲ့သည်ဟု သိရသည်။ မံဆောင်းတံတားသည် တီးတိန်မြို့နှင့် လိုင်တွီးရွာအကြားတွင် ဖြတ်သန်းစီးဆင်းနေသော မဏိပူရမြစ်ပေါ်တွင် တည်ဆောက်ထားသော တံတားဖြစ်ပြီး အိန္ဒိယ-မြန်မာ အမှတ် ၂ နယ်စပ်ကုန်သွယ်ရေးတွင် အဓိကအသုံးပြုနေရ သည့်တံတားဖြစ်သည်။
(002MG) ချင်းပြည်နယ် ဟားခါးမြို့ မြို့သစ်ရပ်ကွက်အတွင်း ဈေးဆိုင်များပိတ်ထားရန်နှင့် လူ ၅ ဦးထက်ပိုမစုရအမိန့် ထုတ်ပြန်မှုကို ချင်းရိုးရာအတိုင်း လာရောက်တောင်းပန်မှသာ ပြန်လည်ရုပ်သိမ်းပေးမည်ဟု စစ်ကောင်စီကပြောဆိုထားကြောင်း သိရသည်။ ပြီးခဲ့သည့်ဧပြီလ ၁၂ ရက်နေ့က ဟားခါးမြို့ပေါ်တွင် စစ်ကောင်စီခန့်ဝန်ကြီးများ စီးနင်းလိုက်ပါလာသော ယာဉ်တန်းကို CDF-Hakha တပ်ဖွဲ့မှ ဒရုန်းဖြင့် ဗုံးကြဲတိုက်ခိုက်ရာမှာ ဈေးဆိုင်နှင့် ဘုရားကျောင်းများကို အကာအကွယ်ယူခဲ့သည်ဟုဆိုပြီး မြို့သစ်ရပ်ကွက်က ဈေးဆိုင်းများပိတ်ထားရန်နှင့် လူ ၅ ဦးထက်ပိုမစုရအမိန့်ကို ဧပြီလ ၂၂ ရက်နေ့ မှာ စစ်ကောင်စီက ထုတ်ပြန်ခဲ့ခြင်းဖြစ်သည်။ “ဆိုင်တွေ၊ ဘုရားကျောင်း အစုအဝေးမလုပ်ရဆိုတဲ့ကိစ္စတွေကို အနောက်မြောက်ပိုင်းတိုင်းက ထုတ်ထားတာဆိုတော့ လွယ်လွယ်လေးနဲ့မရဘူး၊ ချင်းရိုးရာအတိုင်းတောင်းပန်ပါ ဒါမှ ပြဌာန်းထားတဲ့အရာကို ပြန်ပြီးတော့ ရုပ်သိမ်းပေးမယ်လို့ ပြောတယ်၊ ဒါပေမယ့် လက်နက်ကိုင် ၂ ဖက်ကြားမှာ လုပ်ရမယ့်ဟာဆိုတော့ မဖြစ်နိုင်ဘူး အဲဒါကြောင့် ဒီအတိုင်းပဲ ငြိမ်နေတယ်၊ အခုက ဒီလ (ဇွန်လ) ထဲရှိပြီဆိုတော့ သူတို့ထပ်တိုးမလား ဘယ်လိုလုပ်မလဲ စောင့်ကြည့်နေတုန်းပါ” ဟု မြို့သစ်ရပ်ကွက်နေပြည်သူတဦးက ပြောသည်။ ဟားခါးမြို့မိမြို့ဖနှင့် ခရစ်ယာန်ဘာသာရေးခေါင်းဆောင်များအနေဖြင့် ချင်းရိုးရာ ဓလေ့ထုံးတမ်းစဉ်လာအတိုင်း တိရိစ္ဆာန်တကောင်၏ သွေးသွန်ခြင်းဖြင့် လာရောက်တောင်းပန်မှသာ ယင်းအမိန့်အား ပြန်ရုပ်သိမ်းမည်ဟု စစ်ကောင်စီက ပြောဆိုခဲ့ခြင်းဖြစ်သည်။ သို့သော်လည်း စစ်ကောင်စီကို ချင်းရိုးရာအတိုင်း သွားရောက်တောင်းပန်ခြင်းမရှိကြကြောင်း သိရသည်။ ဧပြီလ ၂၂ ရ က်မှ ဇွန်လ ၂၀ ရက်နေ့အထိ အကျုံးဝင်သော စစ်ကောင်စီ၏ အမိန့်ထုတ်ပြန်ချက်ကြောင့် မြို့သစ်ရပ်ကွက်အတွင်းရှိ ပြည်သူများသည် နှစ်လနီးပါးခန့် ဆိုင်ခန်းများပိတ်ထားရသည့်အပြင်…
(006SV) အာဏာသိမ်းစစ်ကောင်စီက လာမည့်နှစ်တွင် ရွေးကောက်ပွဲကျင်းပဖြစ်ပါက ချင်းပြည်နယ်မှာ မြို့နယ်များကို ပေါင်းစည်းပြီး မဲဆန္ဒနယ်ကြီးတစ်ခုအဖြစ် သတ်မှတ်ကျင်းပနိုင်ကြောင်း အမျိုးသားညီညွတ်ရေးအစိုးရNUG စီမံကိန်း၊ ဘဏ္ဍာရေးနှင့် ရင်းနှီးမြှုပ်နှံမှုဝန်ကြီး ဦးတင်ထွန်းနိုင်က ပြောသည်။ “ယခင်ကာလ ရွေးကောက်ပွဲတုန်းက မြို့နယ်တစ်ခုမှာ မဲဆန္ဒနယ်တစ်ခုအနေနဲ့ သတ်မှတ်ခဲ့ကြသော်လည်းပဲ အခုဆိုရင် မြို့နယ် ငါးခုကို နမူနာအနေနဲ့ ချင်းပြည်နယ်မှာဆိုရင် ထန်တလန်၊ ဟားခါး၊ မင်းတပ်၊ မတူပီ၊ ပလက်ဝ စတဲ့မြို့နယ်တွေကို မြို့နယ်ကြီး တစ်ခု၊ မဲဆန္ဒနယ်ကြီးတစ်ခုအနေနဲ့ ပေါင်းစည်းမယ်၊ ပေါင်းစည်းပြီးတော့ အဲဒီမြို့နယ်ကြီး တခွင်တပြင်လုံးကို လိုက်ပြီးတော့ ရွေးကောက်ပွဲလုပ်မှာ မဟုတ်ပါဘူး။ သူတို့ ရွေးကောက်ပွဲလုပ်လို့ ရတဲ့ နေရာလေး ကွက်ကွက်ကိုပဲ လုပ်ပြီးတော့ အဲဒီ လုပ်လိုက်တဲ့ ရွေးကောက်ပွဲသည် ဒီမဲဆန္ဒနယ်ကြီးတစ်ခုလုံးကို ကိုယ်စားပြုပါတယ်ဆိုပြီးတော့ ကိုယ်စားလှယ်အများအပြားကို လိမ်ပြီးတော့ ရွေးကောက်ခံရပါပြီးဆိုပြီးတော့ ကြေညာမှာပဲ ဖြစ်ပါတယ်” ဟု ဦးတင်ထွန်းနိုင်က ပြောသည်။ ဇွန်လ ၃ ရက်က အွန်းလိုင်းမှ တဆင့်ကျင်းပပြုလုပ်သော “တိုင်းပြည်စီးပွားရေး ပျက်ကပ်မှသည် စစ်အာဏာရှင်စနစ်ကျ ဆုံးခန်းဆီးသို့” သတင်းစာရှင်းလင်းပွဲတွင် ဝန်ကြီး ဦးတင်ထွန်းနိုင်က ထိုကဲ့သို့ပြောကြားခဲ့ခြင်းဖြစ်သည်။ မြို့နယ်များကို မြို့နယ်ကြီးတစ်ခုအဖြစ် ပေါင်းစည်းသတ်မှတ်ပြီး ယင်းအောက်တွင် ကိုယ်စားလှယ်အများအပြား ရွေးချယ်စေ မည်ဖြစ်ကာ မဲရုံထောင်၍ရသော မြို့နယ်တွင်သာ မဲရုံထောင်၍ မဲပေးစေရန် လုပ်ဆောင်လာဖွယ်ရှိသည်ဟု ၎င်းကဆိုသည်။ လာမည့် ၂၀၂၅ ခုနှစ် နှစ်လယ်ပိုင်းတွင် ကျင်းပနိုင်ချေရှိသော ရွေးကောက်ပွဲကို နောက်ဆုံးထွက်ပေါက်အဖြစ် စစ်ကောင်စီ ပြင်ဆင်နေမှုနှင့် ပတ်သက်၍ NUG အပါအဝင် မဟာမိတ်အင်အားစုများက မျက်ခြေမပြတ်…
(002MG) မြန်မာတစ်နိုင်ငံလုံးတွင် ဇွန်လ ၃ ရက်နေ့ကစ၍ စစ်ကောင်စီက အခြေခံပညာကျောင်းများ ဖွင့်လှစ်ခဲ့ပြီး ခုခံတော်လှန်စစ် ပြင်းထန်နေသော ချင်းပြည်နယ်တွင် အခြေခံပညာကျောင်း ၃၈ ကျောင်းသာ ဖွင့်လှစ်နိုင်သည်ဟု ချင်းပြည်နယ် ပညာရေးဌာနထံမှ သိရသည်။ အခြေခံပညာကျောင်းများကို ဟားခါး၊ ဖလမ်း၊ မင်းတပ်၊ မတူပီ နှင့် တီးတိန်မြို့နယ်တို့တွင် ဖွင့်လှစ်နိုင်ပြီး တက်ရောက်သူ ကျောင်းသူ/ကျောင်သားလည်း အနည်းငယ်သာရှိသည်ဟုသိရသည်။ ပလက်၀၊ တွန်းဇံ၊ ထန်တလန် နှင့် ကန်ပက်လက်မြို့နယ်တို့တွင် ကျောင်းဖွင့်လှစ်နိုင်ခြင်းမရှိကြောင်းသိရသည်။ ချင်းပြည်နယ် ပညာရေမူးက “ဟားခါး (၆) ကျောင်း၊ ဖလမ်း (၁၀) ကျောင်း၊ မင်းတပ် (၄) ကျောင်း၊ မတူပီ (၁၅) ကျောင်း၊ တီးတိန်မှာ တိုက်ပွဲမဖြစ်ခင်ကတည်းက (၂၇) ကျောင်းအပ်ပြီးသား၊ အခု လောလောဆယ်တက်နိုင်တာ ခိုင်ကမ်းနဲ့ (၃) ကျောင်းပဲ။ ဒီနှစ်က နည်းတာပေါ့” ဟု ပြောသည်။ တီးတိန်မြို့နယ်တွင် တိုက်ပွဲမဖြစ်ပွားခင်က ကျောင်းပေါင်း ၂၇ ကျောင်းဖွင့်လှစ်နိုင်မည်ဟု စာရင်းပေးထားသော်လည်း တိုက်ပွဲဖြစ်ပွားလာသည့်နောက်ပိုင်းတွင် ခိုင်ကမ်းမြို့အပါအဝင် ၃ ကျောင်းသာဖွင့်လှစ်နိုင်သည်ဟုသိရသည်။ ဟားခါးမြို့တွင် အခြေခံစာသင်ကျောင်း (၆) ကျောင်းဖွင့်လှစ်နိုင်ခဲ့သော်လည်း အထက်တန်း ကျောင်း တက်ရောက်သည့် ကျောင်းသူ၊ကျောင်းသာများ ယခင်နှစ်ထက် ပိုမိုနည်းပါးလာသည်ဟု ကျောင်းသားမိဘတဦးက ပြောသည်။ “ကျောင်းတွေက ဖွင့်ပေမယ့် တနှစ်ထက် တနှစ် နည်းလာတယ်၊ ကျောင်းအပ်တဲ့သူနည်းတော့ အ.ထ.က (၁) မှာပဲ အကုန်လုံးပေါင်း ပြီး တက်ရ တယ်။ အခုက အများစုက ပြန်မလာရဲကြဘူး…
(006SV) ချင်းပြည်နယ်၊ မတူပီမြို့နှင့် မင်းတပ်မြို့ပေါ်များတွင် စခန်းသိမ်းတိုက်ပွဲဖြစ်တော့မည့် သတင်းများကြောင့် မြို့ပေါ်ဒေသခံများ အိုးအိမ်စွန့်ခွာ စစ်ဘေးရှောင်မှု ရာချီ၍ တိုးမြှင့်လာကြောင်း စစ်ဘေးရှောင်ကူညီနေသူများက ပြောသည်။ မတူပီမြို့ပေါ်တွင် စခန်းသိမ်းတိုက်ပွဲများ သတင်းကြောင့် မြို့ပေါ်နေပြည်သူများသည် လွန်ခဲ့သည့် တစ်ပတ်ခန့်က စတင်၍ စစ်ဘေးရှောင်လာကြခြင်းဖြစ်ပြီး လက်ရှိမှာ စစ်ဘေးရှောင်သူများ တဟုန်ထိုး များပြားလာကြောင်း မတူပီမြို့နယ်၊ စစ်ဘေး ရှောင်တာဝန်ခံတစ်ဦးက ပြောသည်။ “လူဘယ်လောက်စစ်ဘေးရှောင်ကြလဲဆိုတာ အတိအကျ မသိသေးတာ၊ မြို့ပေါ်က လူတွေက အများကြီး ဆိုတော့လေ၊ တစ်နေ့ပြီး တစ်နေ့ လာနေကြတာ၊ အားလုံးနဲ့က အချိတ်အဆက်မရသေးဘူး။ ဆက်သွယ်ရေး အဆင်မပြေတာရော၊ ဆိုင်ကယ်အခက်အခဲ တွေနဲ့ပါ။ ဒေတာတွေ ဒီရက်ပိုင်း ကောက်ခိုင်းနေတာလည်း လုံးဝကို အဆင်မပြေသေးဘူး” ဟု မတူပီမြို့နယ်၊ IDP တာဝန်ခံက ပြောသည်။ မတူပီမြို့ပေါ်က ပြည်သူများသည် အာဏာသိမ်းမှု ၃ နှစ်တာအတွင်း စစ်ဘေးရှောင်သူများရှိပြီး လက်ရှိမှာလည်း စစ်ဘေးရှောင် သူများ နည်းလမ်းပေါင်းစုံနှင့် နယ်မြေဒေသအစုံသို့ စစ်ဘေးရှောင်ထွက်နေသောကြောင့် အိုးအိန်စွန့်ခွာ စစ်ရှောင်သူအရေအတွက်ကို အတိအကျ စာရင်းမကောက်နိုင်သေးကြောင်း သိရသည်။ အိန္ဒိယဘက်သို့ စစ်ရှောင်ကြသူများ ရှိသကဲ့သို့ မကွေးတိုင်း၊ ဂန့်ဂေါ၊ ဆောဘက်သို့လည်း စစ်ရှောင်ကြသူများ ရှိကြောင်း၊ ရန်ကုန်၊ မန္တလေးဘက်သို့လည်း စစ်ရှောင်ကြပြီး တချို့ဒေသခံများက မတူပီမြို့နယ်ထဲက ကျေးရွာများဘက်သို့ စစ်ဘေးရှောင်ကြကြောင်း သိရသည်။ မကွေးတိုင်း၊ ဆောမြို့နယ်အတွင်း မတူပီမြို့နယ်ထဲက စစ်ဘေးရှောင် ၅၀ ကျော်ရောက်ရှိနေကြောင်း ဆောမြို့နယ် စစ်ဘေးရှောင် ကူညီသူတစ်ဦးက ပြောသည်။ အလားတူ မင်းတပ်မြို့ပေါ်က…
(004SS) ချင်းပြည်နယ် ဖလမ်းမြို့တွင် မြို့သိမ်းတိုက်ပွဲ ပြင်းထန်လာမည်ကို စိုးရိမ်ကြသောကြောင့် ဒေသခံပြည်သူများ ဘဏ်တွင် ငွေထုတ်ယူမှုများလာပြီး လိုသလောက်ထုတ်ယူ၍မရဘဲ ဘဏ်က အကန့်အသတ်ဖြင့်သာ ငွေထုတ်ပေးနေသည်ဟု သိရသည်။ လွန်ခဲ့သော တစ်ပါတ်ခန့်မှစ၍ ဖလမ်းမြို့ပေါ်က ကမ္ဘောဇဘဏ်နှင့် မြန်မာ့စီးပွားရေးဘဏ်တွင် နေ့စဉ်နှင့်အမျှ ငွေထုတ်ယူသူများလာပြီး တစ်ခါထုတ် ကျပ် ၁၀ သိန်းသာ ထုတ်ပေးနေကြောင်း ဒေသခံတစ်ဦးကပြောသည်။ “အစက ၃ ရက်လောက်တော့ လိုသလောက်ထုတ်ပေးတယ်။ နောက်တော့ တစ်ခါထုတ် ၁၀ သိန်းရတယ်၊ ဒါပေမဲ့ တစ်ပါတ်ကြိုတင်စာအုပ်ထပ်ရတယ် ပြီးမှ ထုတ်ပေးတာ အဲဒီ ၁၀ သိန်းထုတ်ပေးဖို့ ၂ ပတ်စောင့်ရတယ်” ဟု ဒေသခံ အမျိုးသမီးတစ်ဦးက ပြောသည်။ ပြီးခဲ့သည့် မေလကုန်ပိုင်းက ချင်းပြည်နယ်မြောက်ပိုင်း တွန်းဇံနှင့် ကျီခါးမြို့တို့ကို ချင်းကာကွယ်ရေးတပ်ဖွဲ့များက သိမ်းပိုက်ခဲ့ပြီးနောက် တီးတိန်မြို့တွင်လည်း မြို့သိမ်းတိုက်ပွဲများ ဆက်လက်ဖြစ်ပွားလာခဲ့သည်။ ထိုကဲ့သို့အခြေအနေကြောင့် ဖလမ်းမြို့တွင်လည်း မြို့သိမ်းစစ်ဆင်ရေးများ ပြင်းထန်လာမည်ကို စိုးရိမ်နေကြသောကြောင့် ဘဏ်အပ်ငွေများကို ထုတ်ယူကာ အခြားဒေသများသို့ ကြိုတင်ပြောင်းရွှေ့သူများလာသည်ဟု သိရသည်။ “အမျိုးတွေဆို အကုန်လုံးထုတ်ကြပြီ၊ မြို့သိမ်းတိုက်ပွဲလုပ်မယ်ဆိုလို့ ထုတ်ကြတာ၊ ပြီးတော့ တီးတိန်၊ တွန်းဇံလို မီးလောင်သွားမှာစိုးလို့ ဘဏ်ကနေ ထုတ်ခိုင်းတာလို့ပြောတယ်။ အခုလဲ တချို့က ပစ္စည်းဟိုသယ်ဒီသယ် လုပ်နေကြတာ။ ဘယ်လိုလုပ်ရမလဲမသိဘူး” ဟု ဖလမ်းမြို့ကအိမ်ရှင်မတစ်ဦးက ပြောသည်။ လက်ရှိ ဖလမ်းမြို့တွင် ဒေသခံများအချို့မှာ စစ်ဘေးရှောင်ရန် ပြင်ဆင်နေကြသူများရှိသလို ရွာဘက်သို့ စစ်ဘေးရှောင်သူများလည်းရှိကာ အချို့မှာ ဘာလုပ်ရမည်မှန်းမသိဘဲ ကျန်ရစ်နေသူများလည်းရှိကြောင်း သိရသည်။ ဖလမ်းမြို့လူမှုရေးအသင်းကတော့ မေလ ၃၁…
ရေး – မာဂရက် မသန်စွမ်းသူတွေဟာ သာမာန်အခြေအနေမှာဆိုရင် အစိုးရတရပ်၊ အဖွဲ့အစည်းတွေနဲ့ ခိုင်မာအားကောင်းတဲ့ မူဝါဒတွေရဲ့ အကူအညီတွေကနေ ဘဝကို ရှေ့ဆက်ရပ်တည်ကြရသူတွေရှိသလို လူမသိသူမသိ ကိုယ့်နည်းကိုယ့်ဟန်နဲ့ ကိုယ့်ခြေထောက်ပေါ်ရပ်ပြီး ဘဝကို ရုန်းကန်သူတွေလည်းရှိပါတယ်။ မြန်မာနိုင်ငံမှာ စစ်တပ်က အာဏာသိမ်းပြီးနောက်ပိုင်းမှာတော့ မသန်စွမ်းတွေအပေါ် တိကျခိုင်မာတဲ့ အကူအညီပေးရေးအစီအစဉ် မရှိသလောက် နည်းပါးလာခဲ့ပါတယ်။ ၂၀၁၉ ခုနှစ်စာရင်းအရ မြန်မာနိုင်ငံ၏ ၅.၉ သန်းသောလူဦးရေ၏ ၁၃ ရာခိုင်နှုန်းသည် မသန်စွမ်းသူများဖြစ်ကြပြီး အများစုဟာ အမြင်အာရုံမသန်စွမ်းသူ၊ အကြားအာရုံမသန်စွမ်းသူ၊ ကိုယ်အဂ်ါမသန်စွမ်းသူနဲ့ ဉာဏ်ရည်မသန်စွမ်းသူတွေ ဖြစ်ကြပါတယ်။ “အဲ့ဒီထဲမှာ ချင်းပြည်နယ်က မသန်စွမ်းလူဦးရေ ၂၁ ရာခိုင်နှုန်းနဲ့ အများဆုံးဖြစ်နေတာပါ” အဲ့ဒီမသန်စွမ်းသူစာရင်းထဲမှာ လက်ရှိ အာဏာသိမ်းကာလအတွင်း တိုက်ပွဲတွေကြောင့် ထိခိုက်ပြီး မသန်စွမ်းဖြစ်သွားသူအရေအတွက် မပါဝင်သေးပါဘူး။ လက်ရှိမှာ ချင်းပြည်နယ်ဟာ တော်လှန်ရေးအားကောင်းတဲ့အတွက် နေရာအနှံ့ တိုက်ပွဲတွေ ဆင်နွှဲဖြစ်ပွားနေတာကြောင့် မသန်စွမ်းသူတွေအတွက် ဘဝရပ်တည်ရုန်းကန်ဖို့ ပိုမိုခက်ခဲလာတဲ့အခြေအနေနဲ့ ရင်ဆိုင်ကြုံတွေ့လာကြရတာပါ။ ချင်းပြည်နယ် တီးတိန်မြို့ပေါ်က အသက် (၂၄) နှစ်အရွယ် (ထန်ရှန်းမုန်) က မွေးရာပါ မသန်စွမ်းသူတစ်ဦးဖြစ်တဲ့အပြင် လက်ရှိမှာတော့ မိဘနှစ်ပါးစလုံး သေဆုံးသွားပြီးတော့ ထောက်ပံ့ကြည့်ရှုပေးတဲ့ မိသားစုဝင် တစ်ယောက်မှမရှိဘဲ ဘဝကို ခက်ခဲစွာနေထိုင်ရပ်တည်နေသူဖြစ်ပါတယ်။ “ကျွန်တော်ခြေထောက် နှစ်ဖက်စလုံးက မွေးကတည်းက ကြိုက်သလို သုံးလို့မရဘူး၊ သွားရေးလာရေးက အဆင်မပြေဘူး တော်တော်လေး ခက်ခဲတယ်။ အခုက မိဘနှစ်ပါးစလုံးလဲ သေဆုံးသွားပြီ၊ ကျွန်တော်တယောက်ထဲပဲ နေတယ်၊ ပြောရမယ်ဆိုရင် ဝင်ငွေ လုံးဝမရှိဘူး။ စားဖို့သောက်ဖို့က အမှန်တိုင်းပြောရမယ်ဆိုရင် ခက်ခဲတာပေါ့ အဓိက…
(006SV) ချင်းပြည်နယ်၊ မင်းတပ်မြို့နယ်ထဲက ကျေးရွာတစ်ရွာကို စစ်ကောင်စီက လေကြောင်းတိုက်ခိုက်မှု ထပ်မံပြုလုပ်ခဲ့ရာ ပြည်သူ ၁ ဦးသေဆုံးပြီး ၃ ဦးထိခိုက်ဒဏ်ရာများ ရရှိခဲ့ကြောင်း မင်းတပ်မြို့နယ်၊ ပြည်သူ့အုပ်ချုပ်ရေးအဖွဲ့မှ ဆလိုင်းယောမာန်က ပြောသည်။ ဇွန်လ ၄ ရက် ည ၁၂ နာရီခန့်က မင်းတပ်မြို့နယ်၊ တိုက်နယ် အမှတ် -၁ ရှိ ကျေးရွာတစ်ရွာကို စစ်ကောင်စီက လေကြောင်းမှ ဗုံးကြဲတိုက်ခိုက်ခြင်းနှင့် စက်သေနတ်များဖြင့် ပစ်ခတ်ခြင်းတို့ ပြုလုပ်ခဲ့ကြောင်း ကိုယောမာန်က ပြောသည်။ “လေယာဉ်နဲ့ ဗုံးကြဲသွားတယ်။ စက်သေနတ်နဲ့ ပစ်တာရော တောက်လျှောက်လုပ်သွားတယ်လို့ သိရတယ်။ လက်ရှိက လူနေ အိမ်တော်တော်များများ ပျက်စီးတယ်။ သေဆုံးသူ ၁ ဦးရှိတယ်။ အမျိုးသားတစ်ယောက်သေဆုံးတယ်။ အမျိုးသမီးတစ်ယောက် လက်ကျိုးတာလား၊ လက်ပြတ်တာလား မသိဘူး။ အဲလိုဒဏ်ရာရတယ်” ဟု ကိုယောမာန်က ပြောသည်။ သေဆုံးသွာသူမှာ သက်ကြီးပိုင်းအမျိုးသားဖြစ်ပြီး ထိခိုက်ဒဏ်ရာရရှိသူ ၃ ဦးမှာ ဒဏ်ရာများပြင်းထန်ကြောင်း သိရသည်။ ကျေးရွာကို ဦးတည်၍ လေကြောင်းဗုံးကြဲတိုက်ခိုက်မှုတွင် လူနေအိမ် ၃ လုံးပျက်စီးသွားကြောင်း CDF- မင်းတပ်၊ သတင်းပြန်ကြားရေးနှင့် မှတ်တမ်းဌာနက ထုတ်ပြန်ထားသည်။ တိုက်နယ် – ၁ ထဲက ကျေးရွာတစ်ရွာကို စစ်ကောင်စီက မီနစ် ၂၀ ခန့်အတွင်း ဂျက်ဖိုက်တာ ၂ စီးဖြင့် လေကြောင်းတိုက်ခိုက်မှု ၄ ကြိမ် ပြုလုပ်ခဲ့ကြောင်း မင်းတပ်မြို့ခံ ကိုဟာကလေးထံမှ သိရသည်။ စစ်ကောင်စီ၏ အပြင်းအထန် လေကြောင်းတိုက်ခိုက်မှုကြောင့် ယင်းကျေးရွာမှ…