Author: Editor

(05MK) Hualngoram Peoples Organization (HPO) ကျန်းမာရေးဌာနက CDF-Hualngoram ထိန်းချုပ်နယ်မြေတွင် အခမဲ့ ကျန်းမာရေးကုသမှုများကို ဩဂုတ်လ ၃ ရက်မှ ၅ ရက်နေ့အထိ ဆောင်ရွက်ခဲ့ကြသည်ဟု သိရသည်။ CDF-Hualngoram ထိန်းချုပ်နယ်မြေအတွင်းရှိ Zimte, Zimpui, Tuidil ကျေးရွာက ကိုယ်ဝန်ဆောင်မိခင်များ၊ ကလေး ငယ်များ၊ သက်ကြီးရွယ်အို လူနာ စုစုပေါင်း အယောက် (၁၇၀) ကျော်ကို အခမဲ့ ဆေးဝါးကုသမှုများနှင့် အခြေခံဆေးဝါး ထောက်ပံ့မှုများ ဆောင်ရွက်ခဲ့သည်ဟု HPO က ထုတ်ပြန်သည်။ HPO/CDF-Hualngoram သည် ၎င်းတို့စိုးမိုးဒေသအတွင်းရှိ လူမျိုးနွယ်စုအားလုံးအတွက် ပြည်သူ့အုပ်ချုပ်ရေး၊ တရား ဥပဒေစိုးမိုးရေး၊ လုံခြုံရေး၊ ကျန်းမာရေး၊ ပညာရေး၊ ပြည်သူ့ဝန်ဆောင်မှုလုပ်ငန်းများ အဆက်မပြတ်ဆောင်ရွက်နေသော တော်လှန်ရေးအဖွဲ့အစည်းဖြစ်ပါသည်။ ထို့ကြောင့် Hualngoram အတွင်း နေထိုင်ကြသော ပြည်သူများအနေဖြင့် တော်လှန်ရေးအသိရှိစွာ စစ်အာဏာရှင် အမြစ်ပြတ်ကျဆုံးရေးအတွက် အဘက်ဘက်မှ အတူတကွ ဆက်လက်တိုက်ပွဲဝင်ကြရန် CDF-Hualngoram က ဖိတ်ခေါ်တိုက်တွန်းထားသည်။

(06SV) စစ်အာဏာသိမ်းမှုဖြစ်ပွားသည့်နောက်ပိုင်း ချင်းပြည်နယ်တွင် ငှက်ဖျားရောဂါ ဖြစ်ပွားမှုနှုန်းမှာ သိသိသာသာ မြင့်တက်လာနေပြီး ယမန်နှစ်ကထက် နှစ်ဆနီးပါး မြင့်တက်လာနေပြီဟု ချင်းပြည်နယ်မှ အရပ်ဖက်ကျန်းမာရေးအဖွဲ့အစည်းများက ပြောဆိုသည်။  ငှက်ဖျားရောဂါများ အဓိက အများဆုံးဖြစ်ပွားနေသော မြို့နယ်များသည် ပလက်ဝ၊ ထန်တလန်၊ ဟားခါး၊ ကန်ပက်လက်၊ မတူပီ နှင့် မင်းတပ်မြို့နယ်တို့ ဖြစ်ပြီး ယမန်နှစ်က ငှက်ဖျားမဖြစ်ပွားခဲ့သော ဖလမ်းမြို့နယ်တွင် ယခုနှစ်မှာ ငှက်ဖျားရောဂါများ ဖြစ်ပွား နေကာ တီးတိန်နှင့် တွန်းဇံမြို့နယ်တို့မှာလည်း ငှက်ဖျားဖြစ်နေသော လူနာများကို တွေ့နေရသည်ဟု ၂၀၂၁ ခုနှစ်မှစ၍ ချင်း ပြည်နယ်အတွင်း ကျန်းမာ‌ရေးစောင့်ရှောက်မှုပေးနေသည့် အဖွဲ့အစည်းကြီးတခုမှ အတွင်းရေးမှူးတစ်ဦးက ပြောသည်။ “ချင်းပြည်နယ်မှာ ငှက်ဖျားက တော်တော်လေးကို စိုးရိမ်ရတဲ့အဆင့်အထိကို မြင့်တက်လာနေတယ်။ ဒီတစ်နှစ်၊ ၂ နှစ်အတွင်းမှာ အာဏာသိမ်းပြီးတဲ့ နောက်ပိုင်းမှာ အစကတော့ ပလက်ဝတို့၊ ကန်ပက်လက်တို့၊ မင်းတပ်တို့၊ ထန်တလန်တို့ ဒီနေရာတွေကနေ ငှက်ဖျားရောဂါဖြစ်တဲ့ အစီရင်ခံစာတွေ ခပ်စိတ်စိတ်ရတယ်။ အဲဒါရပြီးတော့ ဒီနှစ်ထဲမှာဆိုရင် မနှစ်ကထက်ကို နှစ်ဆလောက် ပိုများလာတယ်။ ငှက်ဖျားကြောင့် ဦးနှောက်ကို ငှက်ဖျားပိုးရောက်ပြီးတော့ ဆေးရုံတင်ရတဲ့ သူတွေထဲမှာ အသက် ၃ နှစ်အရွယ် ကလေးတွေပါ ပါလာတယ်။ ကိုယ်ဝန်ဆောင်တွေပါ ပါလာတယ်” ဟု သူက ပြောသည်။ ချင်းပြည်နယ်တွင် ငှက်ဖျားဆေးဝါးနှင့် ငှက်ဖျားကာကွယ်ရေးလုပ်ငန်းများကို ထိရောက်လျင်မြန်စွာ စတင်ဆောင်ရွက်သင့်နေပြီဖြစ်သော်လည်း စစ်ကောင်စီသည် လက်နက်တစ်ခုကဲ့သို့ အသုံးချ၍ ငှက်ဖျားဆေးဝါးနှင့် ဆေးစိမ်ခြင်ထောင်များ ပြည်သူလူထုထံ မရောက်ရှိနိုင်ရေးအတွက် ဒေသတွင်းရှိ အဖွဲ့အစည်းများအား နည်းမျိုးစုံဖြင့် ကန့်သတ်ဖိအားပေး၍…

(06SV) ချင်းပြည်နယ်၊ ထန်တလန်မြို့ပေါ်က ခလရ ၂၆၉ တပ်ရင်းဌာနချုပ်စခန်းတစ်ခုကို CNA ဦးဆောင်သည့် ချင်းပူးပေါင်းတပ်က ဝင်ရောက်စီးနင်း တိုက်ခိုက်ရာမှာ စစ်ကောင်စီတပ်သား ၂ ဦးကို အရှင်ဖမ်းမိသည့်အပြင် သေဆုံးမှုလည်းများနိုင်ပြီး ချင်းပူးပေါင်းတပ်ဖွဲ့ဖက်မှ ၃ ဦး ကျဆုံးခဲ့သည်ဟု ချင်းအမျိုးသားတပ်ဦး CNF/CNA ထံမှ သိရသည်။ ယနေ့ ဩဂုတ်လ ၁၄ ရက် နံနက် ငါးနာရီခန့်တွင် ထန်တလန်မြို့အခြေစိုက် စစ်ကောင်စီ ခလရ ၂၆၉ တပ်ရင်းဌာနချုပ်ကို ချင်းအမျိုးသားတပ်ဦး CNF/ CNA ၊ CDF-Thantlang၊ CDF – Zophei ပူးပေါင်းတပ်ဖွဲ့က ဝင်ရောက်စီးနင်းခဲ့ပြီး လုံခြုံရေးစခန်းကုန်းတစ်ခုကို သိမ်းပိုက်နိုင်ခဲ့သည်ဟု ချင်းအမျိုးသားတပ်ဦး CNF/CNA မှ ပြောရေးဆိုခွင့်ရှိသူ ဆလိုင်းထက်နီက ပြောသည်။ “၂၆၉ တပ်ရင်းဌာနချုပ်ကို ကျနော်တို့ ပူးပေါင်းတပ်ဖွဲ့ကနေ ဝင်စီးတယ်။ အဲဒီနေရာမှာ သူတို့ရဲ့ တပ်ရင်းဌာနချုပ် လုံခြုံရေး စခန်းကုန်းတစ်ခုကို ဝင်သိမ်းတယ်။ ဝင်သိမ်းတဲ့ နေရာမှာ ကျနော်တို့ ဘက်က သေဆုံးမှုနဲ့ ထိခိုက်ဒဏ်ရာရရှိမှု တချို့ ရှိတယ်။ သူတို့ တပ်ရင်းဌာနချုပ်ကို ဂျက်ဖိုက်တာက လာတော့ကျနော်တို့က ယာယီပြန်ဆုတ်ထားတာပေါ့နော်” ဟု ဆလိုင်းထက်နီက ပြောသည်။ တိုက်ပွဲတွင် ချင်းကာကွယ်ရေးပူးပေါင်းတပ်က ၃ ဦးကျဆုံးမှုအပြင် ထိခိုက်ဒဏ်ရာရရှိမှု တချို့ ရှိခဲ့ပြီး စစ်ကောင်စီဘက်က တပ်သား ၂ ဦးကို အရှင်းဖမ်းဆီးရမိခဲ့ကာ နံနက်ခင်းအချိန်ဖြစ်သောကြောင့် သေဆုံးမှုကို အတည်ပြု၍ မရသေးကြောင်း သူကပြောသည်။ အထိနာသော စစ်ကောင်စီသည် ထန်တလန်မြို့နှင့်…

(04SS) ကလေးမြို့သို့ ဆေးခန်းပြသရန် ကျွန်းချောင်းကျေးရွာမှ လာရောက်သော သားအမိနှစ်ဦးကို စစ်ကောင်စီတပ်ဖွဲ့ က မြို့လှနှင့် စက္ကန့်ကျေးရွာကြားတွင် ဩဂုတ်လ ၁၂ ရက်နေ့က သတ်ဖြတ်ကာ အလောင်းကို မီးရှို့ခဲ့ကြသည်ဟု သိရသည်။ သတ်ဖြတ်မီးရှို့ခံရသူ ၂ ဦးမှာ အသက် (၅၀)အရွယ် မိခင်ဖြစ်သူ ဒေါ်ဟွေးအီယာန်နှင့် သားဖြစ်သူ အသက် (၃၀) အရွယ် ကိုစမူအဲလ်တို့ဖြစ်ကြပြီး ၎င်းတို့သည် ဩဂုတ်လ ၁၂ ရက်နေ့ ညနေပိုင်းမှာ စက္ကန့်ကျေးရွာ အဝင် ကျောက်ခွဲစက် အနီးတွင် စစ်ကောင်စီတပ်ဖွဲ့က ဖမ်းဆီးကာသတ်ဖြတ်ခဲ့ခြင်းဖြစ်သည်ဟု ဒေသခံတစ်ဦး ကပြောသည်။ “သူတို့က အခြေအနေကို မသိလိုက်ဘဲ ကလေးမြို့ဘက်ကို ဆေးခန်းပြဖို့ သွားတာပေါ့နော် အဲမှာ စစ်သား‌ တွေနဲ့တွေ့ပြီး အကြောင်းမရှိ သတ်ဖြတ်ကြပြီး မီးရှို့ကြတာ၊ သူတို့သားအမိဆိုတာ သေချာ ပြောနိုင်တာက စစ်သားတွေက မီးရှုဖို့ ပြင်ဆင်နေတုန်း တွေ့တဲ့သူရှိတယ်” ဟု ၎င်း ကပြောသည်။ ၎င်းတို့သားအမိထံမှ ဆေးခန်းပြရန် ပါလာသည့် မြန်မာကျပ်ငွေ ၆ သိန်းကိုလည်း စစ်ကောင်စီတပ်ဖွဲ့များမှ လုယူခဲ့ပြီး ၎င်းတို့ ဆိုင်ကယ်ကိုလည်း မီးရှို့ဖျက်ဆီးထားကြောင်း သိရသည်။ ကလေးမြို့ အနောက်တောင်ဖက် မြို့လှနှင့် စက္ကန့်ကျေးရွာကြားတွင် ဩဂုတ်လ ၁၀ ရက်နေ့ကစ၍ ၁၂ ရက်နေ့အထိ စစ်ကောင်စီတပ်ဖွဲ့နှင့် ပြည်သူ့ကာကွယ်ရေးပူးပေါင်းတပ်ဖွဲ့တို့ တိုက်ပွဲဖြစ်ပွားခဲ့ကြပြီး စစ်ကောင်စီတပ်သား ၁၀ ဦး သေဆုံးခဲ့သည်ဟု CNDF-UCR က ထုတ်ပြန်သည်။ ထိုတိုက်ပွဲအတွင်း စစ်ကောင်စီတပ်ဖွဲ့က မြို့လှနှင့် စက္ကန့်ရွာသား ၁၅…

(04SS) ကလေးမြို့ ဘူတာလမ်းခွဲအနီး Joy စားသောက်ဆိုင်ရှေ့ ဗိုလ်ချုပ်လမ်းမဘေး အမှိုက်ပုံးဘေးတွင် ယနေ့မနက်ပိုင်းက ဗုံးပေါက်ကွဲမှုဖြစ်ပွားပြီး အရပ်သားတစ်ဦး ထိခိုက်ဒါဏ်ရာရရှိကာ အသက်သေဆုံးသွားကြောင်း ဒေသခံများထံမှ သိရသည်။ ယနေ့ ဩဂုတ်လ ၁၄ ရက်နေ့ မနက်ပိုင်း ၈ နာရီဝန်းကျင်ခန့်တွင် Joy စားသောက်ဆိုင်ရှေ့ အမှိုက်များရှင်းလင်းနေစဉ် အသက် ၃၉ နှစ်အရွယ် ချင်းအမျိုးသား လွန်းလမ်းထန်သည် ဗုံးပေါက်ကွဲမှုကြောင့် ခြေထောက်နှစ်ဖက် ပြတ်ထွက်သွားပြီးနောက် ဆေးရုံသို့ ပို့ဆောင်ခဲ့ကြသော်လည်း သေဆုံးခဲ့သည်ဟု ဒေသခံတစ်ဦးက ပြောသည်။ “သူက ဆိုင်ရှေ့မှာ သန့်ရှင်းရေးလုပ်နေတာ ပြီးတော့ပြီးသွားပြီ သန့်သန့်လေးဖြစ်အောင်ဆိုပြီး အမိုက်ပုံးဘေးကို ထပ်ရှင်းတယ် အဲမှာ ဗုံးရှိမှန်း မသိဘူး ရှင်းရင်းနဲ့ ဗုံးပေါက်ကွဲသွားတာ” ဟု ဒေသခံက ပြောသည်။ အခင်းဖြစ်ပွားပြီးနောက် ဒဏ်ရာရလူနာကို ဆေးရုံသို့ ချက်ချင်း ပို့ဆောင်ပေးကြသော်လည်း ဆေးရုံအရောက်တွင် အသက်သေဆုံးခဲ့ကြောင်း သိရသည်။ ဗုံးပေါက်ကွဲမှုဖြစ်ပွားပြီးနောက် စစ်ကောင်စီတပ်ဖွဲ့နှင့် ရဲတပ်ဖွဲ့များ အင်အားအများအပြားဖြင့် ရောက်ရှိလာပြီး ဗုံးပေါက်ကွဲသည့်နေရာအား ရှင်းလင်းကြကြောင်း ဒေသခံများထံမှ သိရသည်။ ယခုကဲ့သို့ အရပ်သားပြည်သူများ သွားလာနေသည့် နေရာအနီးတွင် ဗုံးပေါက်ကွဲမှုကြောင့် ဒေသခံများ စိုးရိမ်ထိတ်လန့်နေကြရပြီး ထိုသို့ ဗုံးထောင်ထားသူမှာ မည်သူမည်ဝါဖြစ်သည်ကိုမူ မသိရှိကြောင်း ဒေသခံများကပြောသည်။ ကလေးမြို့တွင် ယခုရက်ပိုင်းအတွင် လမ်းသွားလမ်းလာများသည့် လမ်းဘေးတွင် ဗုံးပေါက်ကွဲမှု ခတ်စိတ်စိတ် ဖြစ်ပွားနေပြီး ဩဂုတ်လ ၈ ရက်နေ့ကလည်း တာဟန်း-လက်ပံချောင်း ကားလမ်းနဘေးတွင် ဗုံးပေါက်ကွဲမှုကြောင့် ချင်းအမျိုးသားတစ်ဦးသေဆုံးခဲ့ပြီးဖြစ်သည်။

ချင်းပြည်နယ် ထန်တလန်မြို့နယ် Khuafo ကျေးရွာကို စစ်ကောင်စီက လေကြောင်းဖြင့် ယနေ့မနက်ပိုင်းက ဗုံးကြဲတိုက်ခိုက်မှုကြောင့် ဘုရားကျောင်းတစ်ကျောင်းအပါအဝင် အနည်းဆုံး လူနေအိမ် ၄ လုံး ထိခိုက်ပျက်စီးခဲ့သည်ဟု သိရသည်။ ထန်တလန်မြို့တွင် ယနေ့မနက်ပိုင်း ၅ နာရီခန့်က စစ်ကောင်စီတပ်နှင့် ချင်းကာကွယ်ရေးတပ်ဖွဲ့များ တိုက်ပွဲဖြစ်ပွားကာ စစ်ကောင်စီတပ်ဖွဲ့၏ စခန်းတစ်ခု သိမ်းပိုက်ခံရပြီး စစ်ကောင်စီတပ်သား ၂ ဦးလည်း အရှင်ဖမ်းဆီးရမိကြောင်း ဒေသတွင်း သတင်းရင်းမြစ်ထံမှ သိရသည်။ တိုက်ပွဲဖြစ်ပွားသည့်အပြီးတွင် စစ်ကောင်စီတပ်ဖွဲ့က ချင်းကာကွယ်ရေးတပ်ဖွဲ့များရှိမည်ဟု ယူဆသောနေရာများကို တိုက် လေယာဉ်ဖြင့် ဗုံးကြဲတိုက်ခိုက်ခဲ့ခြင်းဖြစ်သည်။ ယနေ့ Khuafo ကျေးရွာ ဗုံးကြဲတိုက်ခိုက်ခံရမှုနှင့်ပတ်သက်၍ လူထိခိုက်မှုရှိ/မရှိနှင့် အသေးစိတ်ဖြစ်စဉ်ကို ဆက်လက်စုံစမ်းနေဆဲဖြစ်သည်။ ပြီးခဲ့သည့် မတ်လ ၃၀ ရက်နေ့ကလည်း Khuafo ကျေးရွာကို စစ်ကောင်စီက တိုက်လေယာဉ်ဖြင့် ဗုံးကြဲတိုက်ခိုက်မှုကြောင့် အရပ်သားပြည်သူ ၈ ဦး သေဆုံးခဲ့ပြီးဖြစ်သည်။ အလားတူ ဩဂုတ်လ ၁၃ ရက် ညကလည်း ဟားခါးမြို့နယ် Loklung ကျေးရွာတွင် စစ်ကောင်စီတပ်ဖွဲ့၏ လက်နက်ကြီးကျည် ကျရောက်ပေါက်ကွဲမှုကြောင့် အနည်းဆုံး နေအိမ် ၃ လုံးခန့် ထိခိုက်ပျက်စီးခဲ့သည်ဟု သိရသည်။ Photo – Thawngthar leh Kan Lairam

ချင်းပြည်နယ် ဖလမ်းမြို့တွင် ယနေ့မနက်ပိုင်း ၁ နာရီခန့်က စစ်ကောင်စီတပ်ဖွဲ့နှင့် ချင်းအမျိုးသားတပ်မတော် CNA ပူးပေါင်းတပ်ဖွဲ့တို့ တိုက်ပွဲဖြစ်ပွားကာ စစ်ကောင်စီတပ်ဖွဲ့၀င် ၆ ဦးသေဆုံးပြီး လက်နက်ခဲယမ်း အမြောက်အများကိုလည်း ချင်းကာကွယ်ရေးဖက်က သိမ်းဆည်းရမိသည်ဟု သိရသည်။ ယနေ့ ဩဂုတ်လ ၁၂ ရက် မနက်ပိုင်း ၁ နာရီမှ ၂ နာရီခွဲအထိ ဖလမ်းမြို့ပေါ်ရှိ စစ်ကောင်စီ ခလရ (၂၆၈) တပ်ရင်းကို ချင်းအမျိုးသားတပ်မတော် (CNA/ CNF) နှင့် CDF-KKG ပူးပေါင်းတပ်ဖွဲ့တို့က အလစ်ငိုက် ၀င်ရောက်တိုက်ခိုက်ခဲ့ ခြင်းဖြစ်သည်။ အဆိုပါတိုက်ပွဲတွင် စစ်ကောင်စီတပ်ဖွဲ့၀င် ၆ ဦးသေဆုံးခဲ့ပြီး စစ်ကောင်စီတပ်ဖွဲ့ထံမှ MA3 ၄ လက်၊ ၆၀-မမ ၃လက်၊ စက်သေနတ် ၂ လက်၊ RPG လောင်ချာ ၂ ခုနှင့် ပွိုင့်-၅ စက်သေနတ်ကျည်ဆံများကို သိမ်းဆည်းရမိခဲ့သည်ဟု သိရသည်။ ထိုတိုက်ပွဲအတွင်း CDF-KKG တပ်ဖွဲ့မှ ရဲဘော်တစ်ဦး ကျဆုံးခဲ့သည်ဟု သိရသည်။ ယခုကဲ့သို့ ဖလမ်းမြို့က စစ်ကောင်စီတပ်ရင်း တိုက်ခိုက်ခံရမှုကြောင့် စစ်ကောင်စီတပ်ဖွဲ့သည် လေကြောင်းအပါအ၀င် လက်နက်ကြီးများဖြင့် ရမ်းသမ်းပစ်ခတ်ကာ ဖလမ်းမြို့နယ် ရမ်ထလိုနှင့် ဆွန်တလာကျေးရွာက အရပ်သား ၁၀ ဦး ထိခိုက်ဒဏ်ရာရရှိခဲ့သည်။

(06SV) ချင်းပြည်နယ်၊ ဖလမ်းမြို့ပေါ်ရှိ စစ်ကောင်စီ ခလရ (၂၆၈) တပ်ရင်းကို ချင်းမဟာမိတ်အဖွဲ့က တိုက်ခိုက်ခဲ့ပြီးနောက် စစ်ကောင်စီက လေကြောင်းနှင့် လက်နက်ကြီးတို့ဖြင့် ကျေးရွာများကို ရမ်းသမ်းပစ်ခတ်ရာမှာ အမျိုးသမီးနှင့် ကလေးငယ်အပါအဝင် အရပ်သားပြည်သူ ၁၀ ဦး ထိခိုက်ဒဏ်ရာ ရရှိခဲ့ကြောင်း သိရသည်။  ယနေ့ ဩဂုတ်လ ၁၂ ရက် မနက်ပိုင်း ၁ နာရီမှ ၂ နာရီခွဲအထိ ဖလမ်းမြို့ပေါ်ရှိ စစ်ကောင်စီ ခလရ (၂၆၈) တပ်ရင်းကို ချင်းအမျိုးသားတပ်မတော် (CNA/ CNF) ဦးဆောင်သည့် ချင်းမဟာမိတ်အဖွဲ့က သွားရောက်တိုက်ခိုက်ခဲ့ခြင်းဖြစ်သည်ဟု ချင်းအမျိုးသား ကာကွယ်ရေးတပ် (CNDF) မှ ပြောရေးဆိုခွင့်ရှိသူက ပြောသည်။ “ဒီမနက် ၁ နာရီ ကနေ ၂နာရီခွဲ လောက်အထိ ဖြစ်တယ်။ CNA/CNF က သွားပစ်တာပါ၊၊ ကျနော်တို့ကိုလည်း အကြောင်းတစ်စုံတစ်ရာမကြားတော့ ကျနော်တို့ဘက်ကလည်း ဘာမှမသိရသေးဘူး။ KKG တစ်ယောက် ကျသွားတယ်လို့ ကြားပါတယ်” ဟု CNDF မှ ပြောရေးဆိုခွင့်ရှိသူ ဆလိုင်းကျုံငိုင်းက ပြောသည်။ ထို့နောက် မနက်ပိုင်းမှ နေ့လယ် ၁၂ နာရီအထိ စစ်ကောင်စီသည် ခလရ (၂၆၈) တပ်ရင်းထဲမှ ၁၂၀ မမ၊ ၈၀ မမ၊ ၄၀ မမ လက်နက်ကြီးများဖြင့် ကျေးရွာများဘက်သို့ အများအပြား ရမ်းသမ်းပစ်ခတ်ခဲ့ရာ ဆွန်တလာကျေးရွာအတွင်း ကျရောက်ပြီး ကလေးငယ်တစ်ဦးအပါအဝင် (၃) ဦး ထိခိုက်ဒဏ်ရာရရှိခဲ့သည်ဟု သိရသည်။ ဒဏ်ရာရရှိသူ (၃)…

(03PT) မတူပီမြို့နယ်၊ ရေဇွာမြို့အနီး ‌စာလ်ထောင်ကျေးရွာဒေသခံ ဦးငန်ငန်ကို CDF-Zotung တပ်ဖွဲ့က အပြင်းအထန် ရိုက်နှက်ခဲ့မှုကြောင့် အရေးပေါ် ဆေးရုံတင်ထားရသည်ဟုသိရသည်။ ဖြစ်စဉ်မှာ စာလ်ထောင်ရွာသား ဦးငန်ငန်သည် CDF-Zotung တပ်ဖွဲ့နှင့် ငွေကြေး၊ ပုဂ္ဂိုလ်ရေးကိစ္စ အငြင်းပွားမှုဖြစ်ပွားရာမှာ ဇူလိုင်လ ၃၁ ရက်နေ့က စစ်ဆေးမေးမြန်းရန် ခေါ်ဆောင်ပြီးနောက် ရိုက်နှက်ခံရခြင်းဖြစ်သည်ဟု ယင်းဖြစ်စဉ်ကို သိရှိသူဒေသခံတစ်ဉီးက ပြေသည်။ “သူတို့က ငွေကောက်ခံမှုပိုင်းမှာ အငြင်းပွားဖြစ်တယ်နဲ့တူတယ်။ အရင်ကလည်း အခြားအငြိုးတွေလည်းရှိ မယ်ထင်ပါ တယ်။ ဒါနဲ့ သူ့ကို CDF-Zotung တပ်သားတွေက သူတို့စခန်းကို လာဖို့ခေါ်တာ။ အဲ့ဒါနဲ့ သူသားနဲ့ အတူ လိုက်သွားတာ။ သူ့သားက အရင်ပြန်လာပြီးနောက် အကြာကြီးမှပဲ သူပြန်လာတာ။ အဲ့မှာ ဒဏ်ရာအပြင်းထန်ပဲ ရိုက်နှက်ထားတာ” ဟု ယင်းဒေသခံက ပြောသည်။ ယခုဖြစ်စဉ်နှင့်ပတ်သက်၍ CDF-Zotung ဘက်က တစုံတရာ ထုတ်ပြန်ခြင်းမရှိသေးသလို ခိုနူမ်းသုန်အနေဖြင့်လည်း CDF-Zotung ဘက်ကို ဆက်သွယ်ရန် ကြိုးစားသော်လည်း မရရှိနိုင်သေးပေ။ ဦးငန်ငန်မှာ ရိုက်နှက်ခံထားရမှုကြောင့် ဒဏ်ရာအပြင်းအထန် ရရှိသည့်အတွက် အရေးပေါ်ဆေးရုံတင်ခဲ့ရပြီး ယခုအချိန်မှာ အနည်းငယ် သက်လာသည်ဟုလည်း သိရသည်။

(03PT) အိန္ဒိယ-မြန်မာနယ်စပ် တမူးမြို့ က နေအိမ်တစ်ခုကို စစ်ကောင်စီလက်ကိုင်တုတ် ပျူစောထီးအဖွဲ့က အကြမ်းဖက် ဝင်ရောက်စီးနင်းရာမှာ အိမ်ရှင်အမျိုးသားကို သေနတ်ဖြင့် ပစ်သတ်ခဲ့ကြောင်း ဒေသခံများထံမှ သိရသည်။ စစ်ကိုင်းတိုင်း၊ တမူးမြို့တွင် သြဂုတ်လ ၈ ရက်နေ့ ည ၇ နာရီခန့်အချိန်တွင် ပျူစောထီးအဖွဲ့၀င် လူ ၆ ဦးတို့က လက်နက်များဖြင့် တမူးမြို့ စနတ်ကုန်း (၄) ရက်ကွက်ရှိ နေအိမ်တစ်ခုကို ဝင်ရောက်ပြီး ငွေသားနှင့် ဆိုင်ကယ်အပါဝင် ပစ္စည်များ အကြမ်းဖက်လုယူပြီးနောက် အိမ်ရှင် ဦးပိန်းကမ်းအား သေနတ်ဖြင့် ပစ်သတ်ခဲ့ခြင်းဖြစ်ကြောင်း မျက်မြင်သက်သေ ဒေသခံ တစ်ဦးက ပြောသည်။ “ညနေ ၇ နာရီမှာ ပျူစောထီး အမည်ခံတွေက သူတို့အိမ်ကိုဝင်ပြီးတော့ ပိုက်ဆံတောင်းတယ်ပေါ့။ ပိုက်ဆံတောင်းတော့ ပိုက်ဆံရှိသမျှ သူတို့ကိုပေးတယ်။ ဓားတွေနဲ့ သေနတ်တွေနဲ့ချိန်ပြီးတော့ လုပ်တဲ့အခါမှာ သူ့ရဲ့မိန်းမက သူ့ရဲ့ ဆိုင်ကယ်သော့လည်း အားလုံးပေးထားတယ်။ ပေးထားတော့ အဲ့ဒီမှာ သူတို့ အားလုံးရှိသမျှယူသွားပြီး‌တော့ အဲ့ဒီအမျိုးသားကို ဘာမှမပြောမဆိုပဲ သူ့ရဲ့ မိန်းမနဲ့ ကလေးရှေ့မှာ သေနတ်နဲ့နှစ်ချက်ပစ်ပြီးတော့ ထွက်သွားတာ” ဟု အခင်းဖြစ်စဥ် မျက်မြင်သက်သေ ဒေသခံက ပြောသည်။ အသတ်ခံရသူ ဦးပိန်းကမ်းတို့မိသားစုမှာ ချင်းပြည်နယ်၊ ထန်တလန်မြို့နယ် Lungding ကျေးရွာမှ တမူမြို့တွင် ပြောင်းရွေ့နေ ထိုင်သူဖြစ်ကြပြီး ပရိဘောဂလုပ်ငန်းဖြင့် အသက်မွေး၀မ်းကျောင်းပြုနေသူဖြစ်ကြောင်း သိရသည်။ ပျူစောထီးဆိုသည့်အဖွဲ့သည် စစ်ကောင်စီတပ်ဖွဲ့က အကြမ်းဖက်လုပ်ငန်းများလုပ်ကိုင်ရန် တော်လှန်ရေးကို ပုံဖျက်ရန်အ တွက် မွေးထုတ်ထားသည့် အဖွဲ့အစည်းဖြစ်ပြီး စစ်ကောင်စီ၏ အလိုကျ…