(006SV) ချင်းပြည်နယ်တောင်ပိုင်း၊ ပလက်ဝမြို့တွင် တိုက်ပွဲများ အပြင်းအထန်ဖြစ်ပွားနေမှုကြောင့် မြို့ပေါ်ရှိ စစ်ကောင်စီဝန်ထမ်းများနှင့် ဒေသခံပြည်သူများ အားလုံးနီးပါးသည် နေ့ရပ်စွန့်ခွာ စစ်ဘေးရှောင်နေရကြောင်း ဒေသခံနှင့် ပလက်ဝခရိုင်အုပ်ချုပ်သောကောင်စီ တာဝန်ရှိသူများက ပြောသည်။ “မြို့ပေါ်မှာလည်း ဖုန်းလိုင်းက ဖြတ်တောက်ထားတဲ့ အနေအထား ရှိတော့ ဘယ်လောက်ကျန်သေးလဲတော့ မသိသေးဘူး။ အများအားဖြင့် ဝန်ထမ်းတွေရော၊ ပြည်သူတွေရော မြို့ပေါ်ကနေ စွန့်သွားရတာ သေချာတယ်။ မြို့ပေါ်မှာလည်း မသွားနိုင်တဲ့ သက်ကြီးရွယ်အိုတွေ၊ ကျန်းမာရေး မကောင်းတဲ့ လူတွေ ကျန်သေးတယ်။ သွားလာလို့ ခက်ခဲတဲ့ လူတွေက ကျန်ဦးမယ် ထင်ပါတယ်” ပလက်ဝခရိုင်အုပ်ချုပ်သောကောင်စီ ဥက္ကဌ ဆလိုင်းမျိုးထိုက်က ပြောသည်။ ပလက်ဝမြို့ပေါ်က ဒေသခံပြည်သူ ၆ ထောင်ခန့်သည် မြို့ပေါ်နှင့် မြို့အနီးတွင် စစ်ကောင်စီနှင့် ရက္ခိင်တပ်တော် AA တို့၏ တိုက်ပွဲများကြောင့် ဘေးလွတ်ရာသို့ ထွက်ပြေးတိမ်းရှောင်နေရသည်ဟု ပလက်ဝစစ်ရေးအခြေအနေကို သိရှိသည့် ဒေသခံနှင့် ပလက်ဝကောင်စီတို့မှ သိရသည်။ ပလက်ဝမြို့ပေါ်က ရဲစခန်းကိုလည်း ရက္ခိုင်တပ်တော် AA က သိမ်းပိုက်ထိန်းချုပ်ထားပြီး နေရာယူထားကြောင်း၊ စစ်ကောင်စီ၏ ရဲတပ်ဖွဲ့ဝင်များသည် ကုလားတန်မြစ်တစ်ဘက်ကမ်းရှိ ခလရ – ၂၈၉ တပ်ရင်းသို့ ထွက်ပြေး၍ ပူးပေါင်းနေကြသည်ဟု သိရသည်။ ပလက်ဝမြို့ တိုက်ပွဲများကြောင့် ဒေသခံ နှစ်ဦး သေဆုံးပြီး၊ ခြောက်ဦး ထိခိုက်ဒဏ်ရာများ ရရှိထားကြောင်း၊ မြို့ပေါ်နေအိမ်တချို့ မီးလောင်ခံထားရကြောင်း ဒေသခံနှင့် ပလက်ဝခရိုင်အုပ်ချုပ်သောကောင်စီမှ တာဝန်ရှိသူများက ပြောသော်လည်း လက်ရှိ အချိန်အထိ ပလက်ဝမြို့တွင် ဆက်သွယ်ရေးလိုင်းများ ပြတ်တောက်နေ၍ သီးခြားအတည်မပြုနိုင်သေးပေ။ “လူတွေက…
Author: Editor
စစ်ကိုင်းတိုင်း၊ တမူးခရိုင် ခမ်းပတ်မြို့အနီး ကလေး-တမူး ကားလမ်းမပေါ်က ကနန် (Kanan) ကျေးရွာကို စစ်ကောင်စီတပ်ဖွဲ့ က တိုက်လေယာဉ်ဖြင့် ဗုံးကြဲတိုက်ခိုက်မှုကြောင့် အရပ်သား ၁၇ ဦး သေဆုံးခဲ့သည်ဟု ဒေသခံများထံမှ သိရသည်။ ဇန်နဝါရီလ ၇ ရက်နေ့ မနက်ပိုင်း ၁၀ နာရီ၀န်းကျင်ခန့်တွင် ကနန်ကျေးရွာထဲက စာသင်ကျောင်းနှင့် နှစ်ခြင်းဘုရားကျောင်း အနီးနား၀န်းကျင်ကို စစ်ကောင်စီတပ်က မြေပြင်တိုက်ပွဲ ဖြစ်ပွားခြင်းမရှိဘဲ ဗုံး ၂ ကြိမ် ကြဲချခဲ့ခြင်းဖြစ်ပြီး အသက် ၁၈ နှစ်အောက်ကလေးငယ် ၆ ဦးနှင့် လူကြီး ၁၁ ဦး သေဆုံးခဲ့ခြင်းဖြစ်သည်။ ကနန်ကျေးရွာက ဒေသခံတစ်ဦးက “စာသင်ကျောင်းမှာ လာချတယ်။ အဆောက်အဦးလည်း ပျက်စီးကုန်တယ်၊ ဘောလုံးကန်နေတဲ့ကလေးတွေ (၂) ယောက် ပွဲချင်းဆုံးတယ်၊ ဒုတိယလာချတဲ့အလုံးက တော်တော်လေးထိခိုက်တယ်၊ ဘုရားကျောင်းတက်နေတဲ့ ပြည်သူတွေလည်း တော်တော်ထိတယ်၊ ဆုံးသွားတာက ၁၅ ယောက်ရှိနေပြီ ကလေးတွေများတယ်” ဟု ပြောသည်။ အဆိုပါ လေကြောင်းတိုက်ခိုက်မူကြောင့် ဒေသခံပြည်သူ အယောက် ၃၀ ခန့်မှာလည်း ထိခိုက်ဒဏ်ရာရရှိခဲ့ကြသည်ဟု သိရသည်။ ကနန်ကျေးရွာက ဒေသခံ နောက်တစ်ဦးက “ဗုံးလာကြဲတဲ့အချိန်က ဘုရားကျောင်းတက်နေတဲ့အချိန်လေ ပထမခေါက်လာကြဲတော့ ဘုရားကျောင်းကနေ ထွက်ပြေးကြတာလေ အဲလိုထွက်ပြေးတဲ့အခါကျတော့ ဒုတိယခေါက် ဗုံးနဲ့ ထိသွားကြတာ ဒီနေ့ဆုံးသွားတာ အားလုံးပေါင်း ၁၇ ယောက်၊ ညနေပိုင်းကပဲ သဂြိုလ်လို့ပြီးသွားတာ တရွာလုံး တော်တော်လေး၀မ်းနည်းနေကြတယ် ၀မ်းနည်းကြေကွဲနေကြတာပဲ” ဟု ပြောသည်။ ကနန်ကျေးရွာသည် ပြည်သူ့ကာကွယ်ရေးပူးပေါင်းတပ်ဖွဲ့များ သိမ်းပိုက်ထားသည့် ခမ်းပတ်မြို့နှင့်ကပ်လျက်ရှိသည့်…
(005MK) အိန္ဒိယဗဟိုအစိုးရက အိန္ဒိယ-မြန်မာနှစ်နိုင်ငံကြား လွတ်လပ်စွာဖြတ်သန်းသွားလာခွင့် Free Movement Regime (FMR) ကို ဖျက်သိမ်းကာ နယ်စပ်ခြံစည်းရိုးခတ်မည့်အစီစဉ်ကို မီဇိုရမ်ပြည်နယ်က အရပ်ဘက်အဖွဲ့အစည်းတစ်ခုဖြစ်သည့် Z၀RO က ကန့်ကွက်ပြီး ပြန်လည်သုံးသပ်ရန်တောင်းဆိုလိုက်သည်။ မီဇိုရမ်ပြည်နယ်အခြေစိုက် Zo Reunification Organization (ZoRO) က ယမန့်နေ့က ကြေညာချက်တစ်စောင်ထုတ် ပြန်ကာ အိန္ဒိယဗဟိုအစိုးရ၏ ထိုအစီစဉ်သည် နှစ်နိုင်ငံကြားရှိ ဇိုး (ချင်း) မျိုးနွယ်စုများအား ကန့်သတ်ပိုင်းခြားစေမည့် အတွက် ၎င်းတို့အနေဖြင့် မလိုလားကြောင်း ယင်းကိစ္စကိုပြန်လည်သုံးသပ်ရန် တောင်းဆိုသည်ဟုဖော်ပြသည်။ “နယ်စပ်ခြံစည်းရိုးခတ်လိုက်ပြီဆိုရင် အပြန်အလှန်သွားလာဖို့အတွက် ပါစ်စပို့၊ ဗီဇာတွေလိုလာမယ် ဒါကြောင့် ဇိုး(ချင်း) မျိုးနွယ်များအကြား ကူးလူးဆက်ဆံရေးဖြတ်တောက်ဖို့လုပ်ဆောင်တဲ့အစီအမံကို ပြန်သုံးသပ်ပေးဖို့ အိန္ဒိယဗဟိုအစိုးရက အလေးအနက်တောင်းဆိုပါတယ်” ဟု ZoRO ကဆိုသည်။ အိန္ဒိယ-မြန်မာနှစ်နိုင်ငံကြား လွတ်လပ်စွာသွားလာခွင့် Free Movement Regime အစီအစဉ်ကို ၁၉၇၀ ခုနှစ်များအတွင်း ပြဌာန်းခဲ့ခြင်းဖြစ်ပြီး ယင်းဥပဒေအရ အိန္ဒိယ-မြန်မာ နယ်စပ်တလျှောက်ရှိ ဒေသခံများအနေဖြင့် တဘက်တချက်စီ၏ နိုင်ငံအတွင်းကို ပြည်ဝင်ခွင့်ဗီဇာမလိုဘဲ ၁၆ ကီလိုမီတာအထိ အတားအဆီးမရှိ ဝင်ရောက်သွားလာခွင့် ပြုထားခြင်းဖြစ်သည်။ မြန်မာနိုင်ငံနှင့် ထိစပ်နေသော မီဇိုရမ်အပါအ၀◌င် အိန္ဒိယနိုင်ငံ၊ အရှေ့မြောက်ဒေသ ပြည်နယ် ၄ ခုက ဒေသခံများအနေ ဖြင့် Free Movement Regime ဟုခေါ်သော နှစ်ပေါင်း ၄၀ ကျော် အတားအဆီးမရှိ နယ်စပ်ကို ဖြတ်သန်း သွားလာခွင့်ရှိခဲ့ သည့် အစဉ်အလာကို ဖျက်ပြီး နယ်စပ်တလျှောက် ခြံစည်းရိုး ခတ်မည်ဟု…
(006SV) ချင်းပြည်နယ်၊ ပလက်ဝမြို့နယ်အတွင်းက စစ်ကောင်စီ၏ တပ်ရင်း (၈) ခုနှင့် ဗျူဟာကုန်းကြီး (၂) ခုကို ယခုနှစ် နှစ်ဆန်းတစ်ရက်နေ့မှ စတင်၍ တပြိုက်နက် တိုက်ခိုက်နေကြောင်း ရက္ခိုင်တပ်တော် (AA) က သတင်းထုတ်ပြန် ထားသည်။ ပလက်ဝမြို့နယ်အတွင်းက စစ်ကောင်စီ၏ တပ်ရင်းစခန်းများဖြစ်သည့် ခလရ- ၂၃၃၊ ခမရ- ၃၇၄၊ ခမရ- ၃၇၆၊ ခမရ- ၃၀၈၊ ခမရ- ၂၁၁၊ ခမရ- ၂၁၇၊ ခလရ- ၂၈၉ နှင့် ခမရ- ၂၂၀ တို့ကို ဇန်ဝါရီလ ၁ ရက်နေ့မှ စတင်၍ ထိုးစစ်ဆင် တိုက် ခိုက်လျက်ရှိသည်ဟု ညီနောင်မဟာမိတ် (၃) ဖွဲ (MNDAA + TNLA + AA) ကလည်း ယမန်နေ့ ညက ထုတ်ပြန်သည်။ ထို့အပြင် “ပလက်ဝ (၂၈၉) ဗျူဟာကုန်း” နှင့် “မီးဝဗျူဟာကုန်း” များကိုလည်း ဇန်နဝါရီလ ၁ ရက်နေ့မှ စတင်၍ ထိုးစစ်ဆင် တိုက်ခိုက်လျက်ရှိသည်ဟု ရက္ခိုင်တပ်တော်က ဆိုသည်။ ပလက်ဝမြို့နယ်အတွင်းက “ချင်းလက်ဝစခန်းကုန်း” ကိုလည်း ဇန်နဝါရီလ ၃ ရက်က အပြီးသတ် သိမ်းပိုက်ရယူနိုင်ခဲ့ပြီး လက်နက်ကြီးများအပါအဝင် လက်နက်ခဲယမ်းများနှင့် စစ်အသုံးအဆောင်ပစ္စည်းအမြောက်အမြားကို သိမ်းဆည်းရမိခဲ့သည်ဟု သိရသည်။ “ချင်းလက်ဝစခန်းကုန်း” ကို သိမ်းပိုက်ရရှိနိုင်ရန် ၃ ရက်ခန့်သာ တိုက်ခိုက်ခဲ့ရသည်ဟု ရက္ခိုင်တပ်တော် AA က ထုတ်ပြန်သည်။ ဇန်နဝါရီလ ၂…
(005MK) မီဇိုရမ်ပြည်နယ် ၀န်ကြီးချုပ် နှင့် အိန္ဒိယပြည်ပရေးရာ၀န်ကြီးတို့သည် ယမန်နေ့ညနေပိုင်းက နယူးဒေလီမြို့တွင် တွေ့ဆုံပြီး မြန်မာစစ်ဘေးရှောင်နှင့် မြန်မာ့နိုင်ငံရေးများကို ဆွေးနွေးခဲ့ကြသည်ဟု သိရသည်။ မီဇိုရမ်ပြည်နယ် ၀န်ကြီးချုပ် ပူးလာလ်ဒိုအောမ်မာသည် ဇန်န၀◌ါရီလ ၃ ရက်နေ့က အိန္ဒိယပြည်ပရေးရာ၀န်ကြီး Dr. S. Jaishankar ကို နယူးဒေလီမြို့ရှိ သူ၏ ရုံးခန်းတွင် သွားရောက်တွေ့ဆုံခဲ့သည်ဟု မီဇိုရမ်၀န်ကြီးချုပ်က သူ၏ လူမှုကွန်ယက်စာမျက်နှာတွင် ထုတ်ပြန်သည်။ ပူးလာလ်ဒိုအောမ်မာနှင့် Dr. S Jaishankar တို့သည် Indian Civil Service တွင် အပတ်စဉ်တူ (batchmate) များဖြစ်ကြပြီး အလွန်ရင်းနှီးခင်မင်ကြသည်ဟု ဆိုသည်။ “မီဇိုရမ်ပြည်နယ်ထဲကို ၀င်ရောက်ခိုလုံလာကြတဲ့ မြန်မာနိုင်ငံက စစ်ဘေးရှောင်အရေးအပါအ၀င် မြန်မာ့နိုင်ငံရေး အခြေအနေများကို ရင်းရင်းနှီးနှီးဆွေးနွေးခဲ့ကြပါတယ်’’ ဟု မီဇိုရမ်ပြည်နယ်၀န်ကြီးချုပ်ပြောသည်။ သို့သော်လည်း စစ်ဘေးရှောင်အရေးနှင့်သက်၍ မည်ကဲ့သို့ဆွေးနွေးခဲ့ကြသည်ကိုမူ ဖော်ပြခြင်းမရှိခဲ့ပေ။ ယခုလက်ရှိအသုံးပြုနေသော အိန္ဒိယ-မြန်မာနယ်စပ်မျဉ်းသည် ဗြိတိသျှအစိုးရက အတင်းအဓမ္မပိုင်းခြားသတ်မှတ်ခဲ့ခြင်း ဖြစ်ပြီး မိမိတို့ ဇိုး (ချင်း) မျိုးနွယ်စုများအား ကွဲပြားခြားနားစေခဲ့သည့်အတွက် ယခု နယ်စပ်မျဉ်းပိုင်ခြင်းသတ်မှတ်မှုကို လက်မခံနိုင်ကြောင်း မီဇိုရမ်ပြည်နယ်၀န်ကြီးချုပ်က အိန္ဒိယ ပြည်ပရေးရာ၀န်ကြီးထံ ပြောဆိုခဲ့သည်။ အိန္ဒိယဗဟိုအစိုးရအနေဖြင့် မြန်မာနိုင်ငံနှင့် ထိစပ်နေသောနယ်စပ်တလျှောက်ကို ခြံစည်းရုံးခတ်မည်ဆိုပါက ဇိုး (ချင်း) မျိုးနွယ်စုများ တကွဲတပြားပိုင်းခြားခဲ့သည့် ဗြိတိသျှအစိုးရ၏ နယ်နိမိတ်သတ်မှတ်ချက်ကို လက်ခံသည့်သဘော သက်ရောက်နိုင်သည့်အတွက် ၎င်းတို့အနေဖြင့် လက်ခံနိုင်မည်မဟုတ်ကြောင်း မီဇိုရမ်ပြည်နယ်၀န်ကြီးချုပ်က ပြောဆိုခဲ့သည်။ ယခုလက်ရှိ မီဇိုရမ်ပြည်နယ်တွင် မြန်မာနိုင်ငံက စစ်ဘေးရှောင် ၃ သောင်းကျော်ခန့် ခိုလုံလျှက်ရှိကြသည်။
(006SV) ချင်းမျိုးနွယ်စုများအားလုံး စုံလင်စွာပါဝင်၍ နိုင်ငံရေး ဘုံသဘောတူညီချက် အရင်တည်ဆောက်ပြီးမှ ဖွဲ့စည်းပုံအခြေခံဥပဒေကို အတူတကွရေးဆွဲကာ ကောင်စီဖွဲ့သင့်သည်ဟု ချင်းညီနောင်က ပြောဆိုလိုက်သည်။ ဇန်နဝါရီလ ၃ ရက်က ချင်းညီနောင်အဖွဲ့သည် လက်ရှိဖြစ်ပေါ်နေသော ချင်းပြည်နိုင်ငံရေး အခင်းအကျင်းအပေါ် သဘောထားထုတ်ပြန်ချက်များ ထုတ်ပြန်ကာ ထိုကဲ့သို့ ပြောဆိုလိုက်ခြင်းဖြစ်သည်။ မိမိတို့ တော်လှန်နေသော စစ်အာဏာရှင်တို့၏ စိတ်ဓါတ်၊ လုပ်နည်း လုပ်ဟန်ကဲ့သို့ အာဏာရှင်ဆန်ဆန် အုပ်ချုပ်မင်းမူရန် ကြိုးပမ်းသည့် မည်သည့်အဖွဲ့အစည်းကိုမဆို ဆန့်ကျင်တော်လှန်သွားမည်ဟုလည်း ချင်းညီနောင်က အသိပေးထုတ်ပြန်သည်။ ထို့အပြင် ချင်းအမျိုးသားတပ်ဦး (CNF) နှင့် ချင်းလွှတ်တော်ကိုယ်စားလှယ်တချို့သည် ချင်းတစ်မျိုးသားလုံး၏ အကျိုး စီးပွားနှင့် အရပ်သားအုပ်ချုပ်မှု စံနှုန်းများကို လျစ်လျူရှုပြီး အာဏာရှင်ဆန်သော ချင်းပြည်အစိုးရသစ်တစ်ခုကို အလျင်စလို တည်ထောင်နေသည်ဟု ချင်းညီနောင်အဖွဲ့က ထုတ်ပြန်သည်။ ချင်းညီနောင်သည် သက်ဆိုင်ရာမြို့နယ်နှင့် ထိန်းချုပ်နယ်မြေများတွင် ကာကွယ်ရေး၊ အုပ်ချုပ်ရေး၊ တရားဥပဒေစိုးမိုးရေး၊ ကျန်းမာရေး၊ ပညာရေးနှင့် လူသားချင်း စာနာထောက်ထားခြင်းဆိုင်ရာ အကူအညီထောက်ပံ့မှု စသော ကိစ္စရပ်များကို ဆက်လက်ဆောင်ရွက်သွားမည်ဟု သိရသည်။ ချင်းညီနောင်အဖွဲ့ကို ဇိုမီးဖက်ဒရယ်အစည်းအရုံး (ZFU/PDF Zoland)၊ ချင်းအမျိုးသားအဖွဲ့ချုပ် (CNO/CNDF) နှင့် ချင်းအမျိုးသားကောင်စီ (မင်းတပ်)(CDF-Mindat) တို့က ၂၀၂၃ ဒီဇင်ဘာလ ၃၀ ရက်က တရားဝင် ဖွဲ့စည်းခဲ့ကြသည်။
(006SV) ချင်းပြည်နယ်၊ မင်းတပ်မြို့နယ်အတွင်းက စစ်ကောင်စီလက်အောက်ခံ ရုံး၊ဌာနနှင့် တပ်ဖွဲ့များမှ ဝန်ထမ်းများအနေဖြင့် ရက်ပေါင်း ၃၀ အတွင်း အလင်းဝင်ရောက်ရန် မင်းတပ်မြို့နယ်၊ ပြည်သူ့အုပ်ချုပ်ရေးအဖွဲ့မှ ကြေညာလိုက်သည်။ စစ်ကောင်စီလက်အောက်ခံ ရုံး၊ ဌာနနှင့် တပ်ဖွဲ့များတွင် တာဝန်ထမ်းဆောင်နေသည့် Non – CDM ဝန်ထမ်းများအနေဖြင့် လက်ရှိဆောင်ရွက်နေမှုများကို ရပ်တန့်၍ ၂၀၂၄ ဇန်နဝါရီလ ၁ ရက်မှ ၃၁ ရက်အတွင်း အလင်းဝင်ရောက်ကြရန် ဇန်နဝါရီလ ၁ ရက်နေ့တွင် စာဖြင့် ထုတ်ပြန်လာခြင်းဖြစ်သည်။ အလင်းဝင်ရောက်ခြင်းမရှိသည့် Non- CDM ဝန်ထမ်းများကို တည်ဆဲဥပဒေနှင့်အညီ ထိရောက်စွာ အရေးယူအပြစ်ပေးသွားမည်ဖြစ်ကြောင်း မင်းတပ် (ပအဖ) က အသိပေးထုတ်ပြန်သည်။ CDF- မင်းတပ်သည် ချင်းညီနောင်အဖွဲ့ဝင်များနှင့် ပူးပေါင်း၍ စခန်းသိမ်းတိုက်ပွဲများ ပူးပေါင်းဆင်နွှဲသွားရန် အစီအစဉ် ရှိသည်ဟု မင်းတပ်မြို့နယ်ပြည်သူ့အုပ်ချုပ်ရေးအဖွဲ့မှ ကိုယောမာန်က ခေါ်နုသုန်းသတင်းဌာကို ယနေ့ အင်တာဗျူးတွင် ဖြေဆိုထားသည်။ ၂၀၂၄ ခုနှစ် ဇန်နဝါရီလ ၁ ရက် မင်းတပ်မြို့၊ အရှေ့ပြင်ရပ်ကွက်အနီးက နှစ်သစ်၏ ပထမဆုံးတိုက်ပွဲတွင် စစ်ကောင်စီမှ ဗိုလ်မှူးတစ်ဦးကို စနိုက်ဘာဖြင့် ထိမှန်အောင် ပစ်ချနိုင်ခဲ့သည်ဟု CDF မင်းတပ်က ယနေ့မှာ သတင်းထုတ်ပြန်သည်။ တိုက်ပွဲနှင့်လက်ရှိစစ်ရေးအခြေအနေဖြင့် ပတ်သက်၍ မေးမြန်းရန် CDF- မင်းတပ်သို့ ဆက်သွယ်ခဲ့သော်လည်း ဆက်သွယ်၍ မရခဲ့ပါ။ ထိုတိုက်ပွဲအပြီးတွင် စစ်ကောင်စီမှ အရပ်သားနေအိမ် ၂ လုံးကို မီးရှို့ဖျက်စီးခဲ့ပြီး တိုက်နယ် ၄ ဖက်သို့လည်း လက်နက်ကြီးများ ရမ်းသမ်းပစ်ခတ်ခဲ့ရာ ပြည်သူ့…
(005MK) စစ်ကိုင်းတိုင်း ကလေးမြို့မြောက်ပိုင်း လက်ပံချောင်းကျေးရွာတွင် ယနေ့မနက်ပိုင်းက စစ်ကောင်စီတပ်၏ လက်နက်ကြီးပစ်ခတ်မှုကြောင့် အသက် ၉ နှစ်အရွယ် ကလေးငယ်တစ်ဦး သေဆုံးခဲ့သည်ဟု သိရသည်။ ယနေ့မနက်ပိုင်း ၉ နာရီ၀န်းကျင်ခန့်က လက်ပံချောင်းကျေးရွာထဲသို့ လက်နက်ကြီးကျည် ၂ ကြိမ်ကျရောက် ပေါက် ကွဲကာ အရပ်သားပြည်သူ ၇ ဦးထိခိုက်ဒဏ်ရာရရှိပြီး အသက် ၉ နှစ်အရွယ် Joseph Malsawmhlua သည် ပြင်းထန် ဒဏ်ရာကြောင့် မွန်းလွဲပိုင်း ၁၂ နာရီခွဲခန့်တွင် သေဆုံးခဲ့သည်ဟု ဒေသတွင်းသတင်း Zofa Journal တွင် ဖော်ပြသည်။ Joseph Malsawmhlua သည် ၀မ်းကွဲညီအကိုများနှင့်အတူ ဖခင်ဖြစ်သူ၏ ၀က်ခြံဆောက်လုပ်မှုကို ၀◌ိုင်း၀န်း ကူညီနေသည့်အချိန်တွင် ၎င်းတို့အနီးနားသို့ လက်နက်ကြီးကျည် ကျရောက်ပေါက်ကွဲလာသည့်အတွက် ပြင်းထန်ဒဏ်ရာရရှိကာ သေဆုံးခဲ့ခြင်းဖြစ်သည်ဟုသိရသည်။ ဒဏ်ရာရရှိသူများကို နီးစပ်ဆေးရုံများသို့ ကုသမှုခံယူလျှက်ရှိကြောင်း သိရသည်။ ကလေးမြို့နှင့် ၁၀ မိုင်ခန့်အကွာတွင်တည်ရှိသော လက်ပံချောင်းကျေးရွာသည် ချင်းလူမျိုးများနေထိုင်သည့် ရွာကြီးတစ်ရွာဖြစ်ပြီး ယခင်ကလည်း စစ်ကောင်စီတပ်၏ လက်နက်ကြီးကျည် ကျရောက်ပေါက်ကွဲမှုကြောင့် အရပ်သားသေဆုံးမှု မကြာခဏ ဖြစ်ပွားလေ့ရှိသည်။
(006SV) ချင်းပြည်နယ်တွင် ခွင့်ယူထားသော ရဲဘော်၊ ရဲမေများ မိခင်တပ်ရင်းများသို့ ပြန်လည်ရောက်ရှိရန် ဆင့်ခေါ်ပြီး တစ်ပတ်အကြာတွင် ထက်ဝက်ခန့်သည် တော်လှန်ရေးတာဝန် ပြန်ထမ်းဆောင်ရန် ဆက်သွယ်သတင်းပို့ထားသည်ဟု CDF – မတူပီမှ ပြောရေးဆိုခွင့်ရှိသူ ဆလိုင်းနိုင်ဂျွန်းက ပြောသည်။ “တော်တော်များများကတော့ အကုန်လုံး ပြန်စုံကြပါတယ်။ အဲဒီအထဲကမှ မလာနိုင်တဲ့လူကို ပြန်အတည်ပြုရမှာပေါ့။ အခုက ရပ်ဝေးမှာရှိတဲ့ ၂ ရက်ခရီး၊ ၃ ရက်ခရီး ဖြစ်မယ့်ဟာတွေနဲ့ လာမယ့်ဟာတွေရှိလို့ အဲဒါတွေကို စောင့်မယ်။ ရက်ကန့်သတ်ချက်က အဝေးဆုံးမှာရှိတဲ့လူကို ရက်နဲ့ တွက်ချက်ထားတာရှိတယ်။ တစ်ဝက်လောက်တော့ ပြန်ပြီးရောက်မယ်။ ကျန်တဲ့တစ်ဝက်ကတော့ သူတို့ ရွေ့ချယ်မှုမှာ မူတည်မှာပါ” ဟု သူက ပြောသည်။ CDF – မတူပီ၏ တပ်ရင်းများသို့ ၂၀၂၃ ဒီဇင်ဘာလ ၃၁ ရက် နောက်ဆုံးထား၍ ပြန်ရောက်ရှိရန် ဆင့်ခေါ်ထားသော်လည်း ရပ်ဝေးသို့ ရောက်နေသည့် ရဲဘော်များအတွက် တစ်ပတ်ဝန်းကျင် ထပ်မံ ရက်တိုးပေးထားသည်ဟု သိရသည်။ တချို့ရဲဘော်များသည် မိခင်တပ်ရင်းများသို့ ပြန်လာရန် လမ်းခရီးစရိတ်များ မရှိဘဲဖြစ်နေ၍ ငွေကြေးအခက်အခဲများလည်း ကြုံတွေ့နေရသည်ဟု CDF – မတူပီ တာဝန်ရှိသူက ပြောသည်။ သတ်မှတ်ရက်အတွင်း မိခင်တပ်ရင်းများသို့ မလာရောက်နိုင်ပါက ရဲဘော်၊ ရဲမေများ၏ အမည်စာရင်းမှ ပယ်ဖျက်သွားတော့မည်ဖြစ်ပြီး တော်လှန်ရေးကာလနှင့် တော်လှန်ရေးအလွန်ကာလများတွင် ရဲဘော်၊ ရဲမေ၏ ရသင့်ရထိုက်သော အခွင့်အရေးများ လုံးဝ ခံစားရရှိတော့မည်မဟုတ်ကြောင်း ဒီဇင်ဘာလ ၂၇ ရက်စွဲဖြင့် CDF မတူပီတပ်ရင်း ၁ လင်းယုန်တပ်ရင်း၏…
(005MK) ချင်းပြည်နယ်တောင်ပိုင်း ပလက်၀မြို့နယ်တွင် ရက္ခိုင့်တပ်တော် AA ၏ စခန်းသိမ်းတိုက်ခိုက်မှုကြောင့် အိန္ဒိယနိုင်ငံ မီဇိုရမ်ပြည်နယ်သို့ ထွက်ပြေးသွားသော စစ်ကောင်စီတပ်သား ၁၅၁ ဦးကို ဇန်န၀◌ါရီလ ၂ ရက်နေ့က မြန်မာ့လေ ကြောင်းလိုင်းဖြင့် မြန်မာနိုင်ငံသို့ ခေါ်ဆောင်သွားကြပြီဟု သိရသည်။ မီဇိုရမ်ပြည်နယ် အိုင်ဇောလ်မြို့ Lengpui လေဆိပ်ကတဆင့် မြန်မာလေကြောင်းလိုင်းဖြင့် နှစ်သုတ်ခွဲ၍ သယ်ဆောင်သွားခြင်းဖြစ်ပြီး ပထမအသုတ်တွင် တပ်သား ၈၄ ဉီးနှင့် ဒုတိယသုတ်တွင် ၆၇ ဉီးကို ခေါ်ထုတ်သွားပြီဖြစ်သည်ဟု ဒေသတွင်းသတင်းမီဒီယာတွင် ဖော်ပြသည်။ ချင်းပြည်နယ် ပလက်၀မြို့နယ် အိန္ဒိယ- မြန်မာနယ်စပ်အနီးရှိ ပွိုင့် ၃၇၇ စစ်ဆင်ရေး အခြေကုပ်စခန်းကုန်းကို ရက္ခိုင့်တပ်တော် AA က ဒီဇင်ဘာလ ၂၇ ရက်နေ့က တိုက်ခိုက်သိမ်းပိုက်ခဲ့ရာတွင် စစ်ကောင်စီတပ်သား ၁၅၁ ဦးသည် ဒီဇင်ဘာလ ၂၉ ရက်နေ့မှာ မီဇိုရမ်ပြည်နယ် လောင်တလိုင်ခရိုင် Tuisentlang ကျေးရွာက အာသံရိုင်ဖယ်တပ်ဖွဲ့ထံသို့ ထွက်ပြေးခိုလုံခဲ့ကြခြင်းဖြစ်သည်။ ၎င်းတို့ထဲတွင် ဒဏ်ရာရရှိသူ ၉ ဦးရှိကာ ၄ ဦးမှာ ဒဏ်ရာပြင်းထန်သည်ဟု သိရသည်။ ပြီးခဲ့သည့် နို၀င်ဘာလအတွင်းကလည်း ချင်းပြည်နယ်က စခန်းသိမ်းတိုက်ပွဲကြောင့် စစ်ကောင်စီတပ်သားအယောက် ၁၀၀ ခန့်မှာ စခန်းကိုစွန့်ခွါပြီး မီဇိုရမ်ပြည်နယ်ဘက်သို့ ထွက်ပြေးခဲ့ပြီးဖြစ်သည်။ ထိုကဲ့သို့ ထွက်ပြေးလာသူအားလုံးကို အိန္ဒိယဗဟိုအစိုးရက ရဟတ်ယာဉ်ဖြင့်ခေါ်ထုတ်ကာ စစ်ကောင်စီထံ ပြန်လည်လွှဲအပ်ခဲ့သည်။