(06SV) ချင်းပြည်နယ်၊ တောင်ပိုင်းကို စစ်မျက်နှာနှစ်ခုဖွင့် စစ်ကြောင်းထိုးနေသည့် စစ်ကောင်စီတပ်နှင့် ချင်းပူးပေါင်းတပ်များ ၁၀ ရက်ကျော်ကြာ တိုက်ပွဲများ ပြင်းထန်နေဆဲဖြစ်ရာ စစ်ကောင်စီက ၅၀ ခန့် သေဆုံးပြီး ထိခိုက်ဒဏ်ရာ များပြားသည်ဟု ချင်းကာကွယ်ရေးတပ် – ကန်ပက်လက်မှ တပ်မဟာမှူး ထွန်းလိန်းထန်းက ပြောသည်။ “စကစဘက်ကတော့ စစ်ကြောင်းနှစ်ခုလုံးမှာဆိုရင် သေဆုံးမှုက ၅၀ ဝန်းကျင်ရှိပြီ။ ဒဏ်ရာရတာက တော်တော်လေးများမယ်။ မိုင်းပေါက်ကွဲ အခြေအနေကလည်း ၂၀ ထက် မနည်း ရှိလာပြီ။ အဲဒါရဲ့ ထိခိုက်သေဆုံးမှုကို မတွက်ထားဘူး။ တိုက်ပွဲတွင်း လက်နက်ချင်း အပြန်အလှန်ပစ်ခတ်တာကိုပဲ ရေတွက်တဲ့အတွက်ကြောင့် မိုင်းပေါက်ကွဲမှုက ဟာကို မရေတွက်တဲ့အတွက်ကြောင့် ၅၀ တော့ ကျော်ပြီးလို့ ခန်းမှန်းရတယ်” ဟု သူက ပြောသည်။ ချင်းပူးပေါင်းတပ်က ချင်းကာကွယ်ရေးတပ် – ကန်ပက်လက်မှ ရဲဘော် ၂ ဦး ကျဆုံးပြီး ရဲဘော် ၉ ဦး ထိခိုက်ဒဏ်ရာရရှိကာ၊ ချင်းအမျိုးသားတပ် (CNA) မှ ရဲဘော်တစ်ဦး၊ ပြည်သူ့ကာကွယ်ရေးတပ်ဖွဲ့ မင်းဘူးခရိုင် တပ်ရင်း ၆ မှ ရဲဘော်တစ်ဦးက ထိခိုက်ဒဏ်ရာရရှိခဲသည်ဟု သိရသည်။ ကန်ပက်လက်မြို့နယ်၊ ကျင်ဒွေးမြို့ကို ရိက္ခာပို့ရန် အင်အား ၃၀၀ ကျော်၊ စစ်ကား ၂၀ ကျော် စစ်ကောင်စီတပ်နှင့် ချင်းပူးပေါင်းတပ်တွေကြား ဇူလိုင်လ ၁၄ ရက်မှ ယနေ့ထိ တိုက်ပွဲများ ပြင်းထန်နေဆဲဖြစ်သည်။ စစ်ကြောင်းသည် ကျင်ဒွေးသို့ရောက်ရှိရန် ၁၀ မိုင်ခန့် ၊ ၃…
Author: Editor
(06SV) ချင်းပြည်နယ်၊ ကန်ပက်လက်မြို့နယ်၊ ကျင်ဒွေးသို့ ရိက္ခာပို့ရန် ထိုးစစ်ဆင်နေသော အင်အား ၃၀၀ ကျော် စစ်ကောင်စီစစ်ကြောင်းနှင့် ယာဉ်တန်းသည် မဆာတွီကျေးရွာတွင် နှစ်ရက်နေသွားစဉ် ကျေးရွာပြည်သူပိုင်ပစ္စည်းများကို ဖျက်ဆီးခြင်းနှင့် ယူဆောင်ခြင်းတို့ ပြုလုပ်သွားကြောင်း ချင်းကာကွယ်ရေးတပ်ဖွဲ့ – ကန်ပက်လက်ထံမှ သိရသည်။ “ဘာသာရေးနဲ့ ကျောင်းအဆောက်အဦးအတွင်းက ပရိဘောဂတွေ စာရေးကိရိယာတွေ၊ မီးစက်၊ ဘက်ထရီ၊ ဆိုလာတွေ ယူသွားကြတာပါ။ ပြည်သူနေအိမ်အတွင်းက သေတ္တာ၊ စတီခုံတွေလည်း ယူသွားကြတယ်၊၊ ကျောင်းပိုင်ပစ္စည်းလည်း အကုန်ပျောက်ကုန်တယ်။ အိမ်မွေးတိရစ္ဆာန်တွေ သတ်ဖြတ်စားသောက်မှုကတော့ အရေတွက် မသိရသေးဘူး” ဟု ချင်းကာကွယ်ရေးတပ်ဖွဲ့ – ကန်ပက်လက်မှ တာဝန်ရှိသူ တစ်ဦးက ပြောသည်။ စစ်ကောင်စီတပ်သည် မဆာတွီကျေးရွာမှ ဘာသာရေးအဆောက်အအုံများ စာသင်ကျောင်းများနှင့် နေအိမ်များကို ဖျက်စီးမှုများ ပြုလုပ်သွားပြီး အရပ်သားပြည်သူပိုင် ပစ္စည်းများကိုလည်း ယူဆောင်သွားကြသည်ဟု သိရသည်။ ဒေသခံပြည်သူများ၏ အိမ်မွေးတိရစ္ဆာန်များကို သတ်ဖြတ်စားသောက်မှု၊ ပိုင်ဆိုင်မှုများကို ယူဆောင်သွားမှုများနှင့်ပတ်သက်၍ စစ်ရှောင်ပြေးနေရသော ရွာသားများ ပြန်လာမှသာ အသေးစိတ် သိရှိနိုင်မည်ဟု သိရသည်။ ၎င်းစစ်ကြောင်းသည် စစ်ကားအစီး ၂၀ ကျော်၊ အင်အား ၃၀၀ ကျော်ဖြင့် ကျင်ဒွေးမြို့သို့ ရိက္ခာပို့ရန် ဇူလိုင်လ ၁၆ ရက်မှ စတင် ထိုးစစ်ဆင်နေခြင်းဖြစ်သည်။ ဇူလိုင် ၂၁ ရက်က မဆာတွီကျေးရွာနှင့် မောချောင်းကျေးရွာကြား ၎င်းစစ်ကောင်စီစစ်ကြောင်းနှင့် ချင်းပူးပေါင်းတပ်တွေ တိုက်ပွဲဖြစ်ပွားပြီး စစ်ကောင်စီမှ ထိခိုက်သေဆုံးမှုများရှိသည်ဟု CDF- ကန်ပက်လက်ထုတ်ပြန်ထားသည်။ ယမန်နေ့ ဇူလိုင် ၂၄ ရက်က မောချောင်းနှင့် လှိုင်ဒုတ်ကျေးရွာသစ်အနီးမှာ…
(05MK) မဏိပူရ်ပြည်နယ်တွင်း လူမျိုးရေးအဓိကရုဏ်းကြောင့် ဒုက္ခခံစားနေကြရသော ချင်း-ကူကီးအနွယ်၀င် လူနည်းစုတောင်တန်းများနှင့်အတူ ထပ်တူခံစားပြီး ၎င်းတို့နှင့်အတူ ရပ်တည်ကြောင်း မီဇိုရမ်ပြည်တစ်ပြည်နယ်လုံးတွင် ယနေ့ ဆန္ဒဖော်ထုတ်ပြသခဲ့ကြသည်။ အဆိုပါ ချီတက်ဆန္ဒဖော်ထုတ်မှုကို မီဇိုရမ်ပြည်နယ်က အင်အားကြီးသောအရပ်ဖက်လူမှုအဖွဲ့အစည်းများဖြစ်သည့် Central Young Mizo Asso ciation (CYMA), Mizo Upa Pawl (MUP), Mizo Hmeichhia Insuihkhawm Pawl (MHIP), Mizo Zirlai Pawl (MZP), Mizo Student Union (MSU) စသည့် ၅ ဖွဲ့ဖြင့်စုဖွဲ့ထားသော NGO Co-ordination Committee က ဦးဆောင်စီစဉ်ခြင်းဖြစ်ပြီး အိုင်ဇောလ်မြို့အပြင် မီဇိုရမ်ပြည်တ၀န်းလုံးက မြို့ကြီးများတွင်လည်း သိန်းနှင့်ချီသော မီဇိုးပြည်သူများက ဆန္ဒဖော်ထုတ်ခဲ့ကြခြင်းဖြစ်သည်။ ယနေ့ဆန္ဒဖော်ထုတ်မှုကို အဓိကဦးဆောင်သော Central Young Mizo Asso ciation (CYMA) ဉက္ကဌ R.Lalngheta က “မဏိပူရ်ပြည်နယ်က မိမိတို့ညီအကိုတွေရဲ့ ဒုက္ခခံစားမှုဟာ အလွန်တုန်လှုပ်ချောက်ချားဖွယ်ကောင်းပြီး မီဇိုးပြည်သူအားလုံးရဲ့ စိတ်နှလုံးလည်း နာကျင်ရခံစားရတယ်၊ မဏိပူရ်အစိုးရဟာ မိမိတို့ညီအကိုတွေရဲ့ လုံခြုံရေးကို မကာကွယ်နိုင်ဘူး၊ သူတို့ရဲ့ အိုးအိမ်တွေ၊ ဘုရားကျောင်းတွေ မီးရှို့ဖျက်ဆီးခံရသလို သတ်ဖြတ်ခံရမှုတွေ၊ အမျိုးသမီးတွေအ၀တ်ဗလာ ကိုယ်လုံးတီးနဲ့ ဖမ်းဆီးခေါ်ဆောင် မုဒိမ်းကျင့်သတ်ဖြတ်မှုအထိ ကြုံရတဲ့အပေါ်မှာ မိမိတို့အနေနဲ့ ဘယ်လိုမှ နားလည်လက်ခံလို့မရဘူး” ဟု ပြောဆိုသည်။ “မဏိပူရ်မှာ ဖြစ်ပျက်နေတဲ့ဖြစ်စဉ်တွေဟာ မီဇိုးပြည်သူတွေက ဒီတိုင်းလက်ပိုက်ကြည့်မနေနိုင်ဘူး၊ ဒီပြသာနာကို အိန္ဒိယအစိုးရအနေနဲ့ အမြန်ဆုံးကိုင်တွယ်ဖြေရှင်းဖို့ အလေးအနက်တောင်းဆိုပါတယ်” ဟု R.Lalngheta…
(03PT) အိန္ဒိယ-မြန်မာ နယ်စပ် တီအိုချောင်းထဲက သဲနှင့် ကျောက်များကို စက်ဖြင့်ထုတ်ယူမှုကို တားမြစ်ထားကြောင်း HPO/CDF-Hualngoram က ဇူလိုင် ၂၀ ရက်နေ့က ထုတ်ပြန်ခဲ့သည်။ တီအိုချောင်းသည် အိန္ဒိယ-မြန်မာ နှစ်နိုင်ငံကိုခြားထားသည့် ချောင်းကြီးတစ်ခုဖြစ်ပြီး ယခင်နှစ်ပေါင်းများစွာ ကပင် ယင်းချောင်းထဲက သဲ၊ ကျောက်များ ထုတ်ယူခဲ့ရာမှ ယခုအချိန်တွင် စက်ကြီးများဖြင့် ထုတ်ယူမှုပိုများ လာသည့်နောက် ချောင်းကမ်းပါးပြိုကျမှုများ ဖြစ်ပေါ်လျက်ရှိခြင်းကြောင့် ယခုလို တားဖြစ်ထားရခြင်း ဖြစ်ကြောင်း Hualngoram Peoples Organization/ CDF-Hualngoram တာဝန်ရှိသူ ကပြောသည်။ “အဓိကတော့ စက်ကြီးတွေနဲ့ မယူဖို့ပေါ့နော်။ စက်ကြီးတွေနဲ့ ယူတဲ့အခါကျတော့ အလွန်အကျွံဖြစ်တာပေါ့နော်။ လူအားနှင့် လူတစ်ဦးတစ်ယောက်အနေနဲ့ယူတာတော့ ခွင့်ပြုတယ်။ စက်ကြီးတွေနဲ့ အသကုန်ယူနေတဲ့ အခါကျတော့ သဲနှင့် ကျောက်တွေက နဂိုမူလအတိုင်းမရှိနေတော့ဘူး။ ဒီချောင်းက အရင်လိုမဟုတ်တော့ပဲ မြေတွေကျွံလာတယ် ကမ်းပါးတွေပြိုလာတယ်။ ချောင်းကမ်းပါးနှင့် အိမ်တွေနဲ့ တော်တော်လေး ကပ်လာတဲ့ အနေထားရှိတယ်။ နှစ်ဖက်စလုံးမှာရှိတဲ့ ပြည်သူတွေအတွက် ဆိုးကျိုးဖြစ်လာတယ် ” ဟု HPO/CDF-Hualngoram တာဝန်ရှိသူ တစ်ဦးက ပြောသည်။ ယခုလို တီအိုချောင်းကမ်းပါး ရေးတိုက်စားမှုဘေးအန္ဒရယ်ကို ကြိုတင်ကွာကွယ်နိုင်ရေးအတွက် စက်ကြီးဖြင့် သဲကျောက်ထုတ်ယူခြင်းမပြုလုပ်ရန် အိန္ဒိယဖက်ချမ်း က ချောင်းအနီးတစ်ဝိုက်ရှိ ကျေးရွာ ၁၀ ခုမှ ဒေသအဖွဲ့စည်း Vanhnuailiana Group YMA နှင့် မြန်မာဖက်ချမ်းက HPO/CDF-Hualngoram တို့မှ အစည်းဝေးဆုံးဖြတ်ချက်အရ ပူးတွဲသဘောထူ ထုတ်ပြန်ထားခြင်းဖြစ်ကြောင်း သိရသည်။ တီအိုချောင်းထဲက သဲတစ်ကျင်းကို အိန္ဒိယငွေ ရူပီး…
(06SV) ချင်းပြည်နယ်၊ ကန်ပက်လက်မြို့နယ် ကျင်ဒွေးသို့ ရိက္ခာပို့ရန် စစ်ကြောင်းထိုးနေသော စစ်ကောင်စီတပ်နှင့် ချင်း ပူးပေါင်းတပ်တွေကြား လှိုင်ဒုတ်ကျေးရွာသစ်အနီးတွင် ယနေ့ တိုက်ပွဲပြင်းထန်ရာ စစ်ကောင်စီဘက်မှ (၇) ဦး သေဆုံးပြီး ချင်းပူးပေါင်းတပ်မှ ၄ ဦး ထိခိုက်ဒဏ်ရာရရှိကြောင်း ချင်းကာကွယ်ရေးတပ် – ကန်ပက်လက်က ထုတ်ပြန်သည်။ “ဒီနေ့ တိုက်ပွဲက ကျင်ဒွေးဘက်ကို လာတဲ့ ယာဉ်တန်းနဲ့ ထိတွေ့မှုဖြစ်တာက၊ ဖြစ်တဲ့နေရာက မောချောင်းနဲ့ လှိုင်ဒုတ်ကြားမှာ ဖြစ်ခဲ့တာပါ။ သူတို့ဘက်က ထိခိုက်သေဆုံးတာလည်း များတယ်။ ထိခိုက်ဒဏ်ရာရတာလည်း များတာပေါ့နော်။ ကျနော်တို့ ဘက်ကလည်း ဒီနေ့မှာ ထိခိုက်ဒဏ်ရာရတာတွေရှိတယ်” ဟု ချင်းကာကွယ်ရေးတပ် – ကန်ပက်လက်မှ စစ်ရေးတာဝန်ရှိသူတစ်ဦးက ပြောသည်။ ယနေ့ ဇူလိုင် ၂၄ ရက် နံနက် ၈ နာရီခွဲမှ ၉ နာရီအထိ ကျင်ဒွေးမြို့သို့ ရိက္ခာပို့ရန် စစ်ကြောင်းထိုးနေသော အင်အား ၃၀၀ ကျော် စစ်ကောင်စီတပ်ကို မောချောင်းရွာ နှင့် လှိုင်ဒုတ်ကျေးရွာသစ်အကြား တိုက်ခိုက်ခဲ့ရာ စစ်ကောင်စီမှ (၇) ဦး သေဆုံးပြီ ထိခိုက်ဒဏ်ရာရရှိမှု များပြားသည်ဟု သိရသည်။ ချင်းကာကွယ်ရေးပူးပေါင်းတပ်ဖွဲ့များမှ မင်းဘူးခရိုင်တပ်ရင်း (၆)မှ ရဲဘော် (၁)ဦး၊ CDF – ကန်ပက်လက်မှ ရဲဘော် (၃) ဦး၊ စုစုပေါင်း ရဲဘော် (၄) ဦး မစိုးရိမ်ရ ဒဏ်ရာများ ရရှိထားသည်ဟု CDF- ကန်ပက်လက်မှ တာဝန်ရှိသူက ပြောသည်။ ထို့အပြင် ယနေ့…
(06SV) ချင်းပြည်နယ်၏ လက်ရှိ မိုးတွင်းကာလတွင် မြွေအရမ်းပေါနေပြီး တော်လှန်ရေးရဲဘော်တချို့ မြွေကိုက်ခံရပြီး မြွေဆိပ်ဖြေဆေး မရှိဘဲ တခြားဆေးဝါးများနှင့် ကုသနေရ၍ မြွေဆိပ်ဖြေဆေးများ လိုအပ်နေသည်ဟု ချင်းအမျိုးသားအဖွဲ့ချုပ်/ ချင်းအမျိုးသား ကာကွယ် ရေးတပ်ဖွဲ့ (CNO/CNDF) က ပြောသည်။ “မြွေဆိပ်ဖြေဆေးက ရှိကို မရှိတာဗျ။ ရှိတဲ့ ဆေးတွေနဲ့ပဲ ကုသတဲ့ပုံံစံမျိုးဖြစ်ပါတယ်။ အခုရာသီကလေ၊ မြွေအရမ်း ပေါ်တဲ့ ရာသီဆိုတော့ ဟိုတစ်ပတ်ကပဲ ကျနော်တို့ ရဲဘော်တစ်ယောက် မြွေပေါက်ခံရတယ်။ ဆေးမှီလိုက်လို့ အသက်အန္တရာယ်တော့ မစိုးရိမ်ရတော့ဘူးပေါ့နော်။ အဲဒါကြောင့် မြွေအရမ်းပေါ့တဲ့အတွက်ကြောင့် မြွေဆိပ်ဖြေဆေး ကို အလှူခံရခြင်းဖြစ်တယ်”ဟု ချင်းအမျိုးသားအဖွဲ့ချုပ်/ ချင်းအမျိုးသား ကာကွယ်ရေးတပ်ဖွဲ့ (CNO/CNDF) မှ ပြောရေးဆိုခွင့်ရှိသူ ဆလိုင်းကျုံးငိုင်းက ပြောသည်။ ဇူလိုင်လ ၁၇ ရက်က ချင်းအမျိုးသားကာကွယ်ရေးတပ်ဖွဲ့မှ ရဲဘော် တစ်ဦးသည် စခန်းမှ အင်တာနက်လိုင်းမိသော နေရာတစ်ခုသို့ သွားရောက်၍ ဆက်သွယ်ပြောဆိုနေစဉ် မြွေစိမ်းမြီးခြောက်မှ ကိုက်သွားခြင်းဖြစ်ပြီး မြွေဆိပ်ဖြေဆေးမရှိဘဲ တခြားဆေးဝါးများဖြင့်သာ ကုသခဲ့ရသည်ဟု သိရသည်။ ၎င်းရဲဘော်မှာ လက်ရှိတွင် သက်သာနေပြီးဖြစ်သော်လည်း ချင်ပြည်နယ်၏ လက်ရှိ မိုးရာသီမှာ အပူချိန် မြှင့်တက် နေသောကြောင့် တခြားလများထက် မြေပိုမို ထွက်တတ်၍ ရဲဘော်များ မြေကိုက်ခံရနိုင်သော အန္တရာယ် မြှင့်မားနေ သည်ဟု CNDF မှ တာဝန်ရှိသူက ရှင်းပြသည်။ “ကျနော်တို့ကို တတ်နိုင်သလောက် လှူပေးကြပါလို့၊ မလိုအပ်ပဲ ရဲဘော်တွေ အသက်ဆုံးရှုံးခြင်းမှ ကင်းလွတ်အောင်ပေါ့နော်။ မြွေဆိပ်ဖြေဆေးတွေ ကူညီကြပါလို့ ဒီကနေ တောင်းဆိုပါတယ်” ဟု…
(06SV) ချင်းပြည်နယ်၊ ကန်ပက်လက်မြို့နယ်သို့ စစ်မျက်နှာနှစ်ခုဖွင့်၍ အင်အား ၄၀၀ ကျော်နှင့် ထိုးစစ်ဆင်နေသော စစ်ကောင်စီကို အပြင်းအထန် ခုခံကာကွယ်နေရချိန်မှာ ဘတ်ဂျတ်လိုငွေများ ကြုံနေရသောကြောင့် ပြည်သူများ၏ ပံ့ပိုးမှု၊ ငွေကြေးထည့်ဝင်မှု များစွာလိုအပ်နေကြောင်း CDF – ကန်ပက်လက်က ထုတ်ပြန်သည်။ သာလွန်အင်အားဖြင့် ထိုးစစ်ဆင်နေသော စစ်တပ်နှင့် တိုက်ပွဲ ပိုပြင်းထန်မှုနှင့်တူ စစ်အသုံးစရိတ် ပိုမိုမြင့်တက်လာပြီး တိုက်ပွဲအတွင်း ခဲယမ်း၊ ကျည်၊ ရိက္ခာ တို့ကို အလျင်မီထောက်ပို့နိုင်ရန် ကြိုးပမ်းနေရသည်ဟု CDF ကန်ပက်လက်မှ တာဝန်ရှိသူက ပြောသည်။ CDF – ကန်ပက်လက်သည် နွေဦးတော်လှန်ရေးတွင် အစောဆုံး လက်နက်ကိုင်စွဲ တော်လှန်သည် တပ်ဖွဲများအနက်မှ တစ်ဖွဲ့ဖြစ်သော်လည်း လက်ရှိအချိန်ထိ တူမီးနှင့် ခါးချိုးကိုသာ အားပြု၍ တိုက်ပွဲဝင်နေရဆဲ ဖြစ်သည်ဟု သိရသည်။ တဖက်မှာ ပြည်သူနှင့် ရဲဘော်များ၏ ဘေးအန္တရာယ် လျော့ချနိုင်ရေး လူသားစာနာထောက်ထားမှု အကူအညီများ နှင့် ဆေး၀◌ါးကုသရေးများကို ဆောင်ရွက်ပေးနေရသည်ဟု ယနေ့ဇူလိုင်လ ၂၁ ရက်မှာ ထုတ်ပြန်လာခြင်း ဖြစ်သည်။ ထိုသို့ဆောင်ရွက်ရာတွင် အင်တာနက် မရှိခြင်း၊ ဆက်သွယ်ရေး အားနည်းခြင်း၊ နည်းပညာ အလှမ်းဝေးခြင်း တို့ကြောင့် ကန်ပက်လက် တော်လှန်ရေးအခြေအနေမှာ လူထုထံ ပျံ့နှံ့မှု အားနည်းခြင်းနှင့်အတူ ဘတ်ဂျတ်လိုငွေ ပြခြင်း ကြုံတွေ့နေသည်ဟု သိရသည်။ စစ်ကောင်စီသည် ကျင်ဒွေးသို့ ရိက္ခာပို့ရန် အင်အား ၃၀၀ ကျော်ရှိ စစ်ကြောင်းနှင့် ကန်ပက်လက်မြို့ပေါ်သို့ တပ်ချိန်းရန် အင်အား ၁၂၀ ကျော်ဖြင့် စစ်ကြောင်းထိုးလာခြင်းကြောင့်…
(05MK) မဏိပူရ်ပြည်နယ်တွင်း လူမျိုးရေးအဓိကရုဏ်းကြောင့် ဒုက္ခအ၀၀ ခံစားနေကြရသော သွေးချင်းညီအကို ချင်း-ကူကီးအနွယ်၀◌င် လူနည်းစုတောင်တန်းများနှင့်အတူ ထပ်တူခံစားပြီး ၎င်းတို့နှင့်အတူရပ်တည်ကြောင်းပြသသည့်အနေဖြင့် လာမည်ဇူလိုင် ၂၅ ရက်နေ့၌ မီဇိုရမ်တပြည်နယ်လုံးတွင် ချီတက်ဆန္ဒဖော်ထုတ်ကြမည်ဟု သိရသည်။ မီဇိုရမ်ပြည်နယ်က အင်အားကြီးသောအရပ်ဖက်လူမှုအဖွဲ့အစည်းများဖြစ်သည့် Central Young Mizo Asso ciation (CYMA), Mizo Upa Pawl (MUP), Mizo Hmeichhia Insuihkhawm Pawl (MHIP), Mizo Zirlai Pawl (MZP), Mizo Student Union (MSU) စသည့် ၅ ဖွဲ့ဖြင့်စုဖွဲ့ထားသော NGO Co-ordination Committee က မဏိပူရ်အရေးနှင့်ပတ်သက်၍ ဇူလိုင် ၂၀ ရက်နေ့က တွေ့ဆုံခဲ့ကြသည်။ ယင်းတွေ့ဆုံမှုတွင် မဏိပူရ်ပြည်နယ်တွင် ဖြစ်ပွားနေသော လူမျိုးရေးအဓိကရုဏ်းကြောင့် ဒုက္ခအ၀၀ ခံစားနေကြရသော မိမိတို့သွေးချင်း ညီအကို (Zohnahthlak ချင်း-လူရှိုင်း-ကူကီးအနွယ်၀◌င်များ) များနှင့်အတူ ထပ်တူခံစားကာ ၎င်းတို့နှင့်အတူရပ်တည်ကြောင်း မီဇိုရမ်တပြည်နယ်လုံးတွင် ဆန္ဒဖော်ထုတ်ရန် ဆုံးဖြတ်ခဲ့ကြခြင်းဖြစ်ပြီး အဆိုပါနေ့တွင် မီဇိုရမ်ပြည်သူတရပ်လုံးအနေဖြင့် ပူးပေါင်းပါ၀◌င်ကြရန်လည်း NGO Co-ordination Committee က တောင်းဆိုထားသည်။ ဆန္ဒဖော်ထုတ်မည့်နေ့တွင် မီဇိုရမ်ပြည်နယ်အတွင်းရှိ အိမ်တိုင်းအိမ်တိုင်းတွင် ၀မ်းနည်းခြင်းပြသသည့်အနေဖြင့် စောင်အနက်များ ဖြန့်ကျက်ချိပ်ထားကြရန်နှင့် ယင်းနေ့ တွင် အစိုးရ၀◌န်ထမ်း၊ ကျောင်းသား ကျောင်းသူ၊ စီးပွား ရေး လုပ်ငန်းရှင်များ၊ မော်တော်၊ ဆိုင်ကယ် ယာဉ်လိုင်း ဖြင့် အသက်မွေး၀◌မ်းကျောင်းပြုသူများအားလုံး မိမိတို့လုပ်ငန်းကို ထားခဲ့ပြီး အားလုံးပါ၀◌င်ကြရန် NGO…
(06SV) ချင်းပြည်နယ်၊ ကန်ပက်လက်မြို့သို့ စစ်ကြောင်းထိုးလာသော စစ်ကောင်စီတပ်နှင့် ချင်းပူးပေါင်းတပ်တို့ ကန်ပက်လက် မြို့အောက်ဘက်၊ မြတ်နိုးသူအကွေ့အနီးမှာ ထိတွေ့တိုက်ပွဲဖြစ်ပွားခဲ့ရာ စစ်ကောင်စီမှ ၅ ဦး သေဆုံးပြီး ချင်းပူးပေါင်း တပ်က ၄ ဦး ထိခိုက်ဒဏ်ရာ ရရှိခဲ့ကြောင်း သိရသည်။ ကန်ပက်လက်မြို့နယ်သို့ စစ်ကြောင်း (၂) ကြောင်းထိုးနေရာမှ ဆောမြို့နယ်ဘက်မှ ကန်ပက်လက်မြို့သို့ အင်အား ၁၇၀ ခန့်ဖြင့် စစ်ကြောင်းထိုးလာသော စစ်ကောင်စီတပ်နှင့် ချင်းကာကွယ်ရေး ပူပေါင်းတပ် (CDF) တို့ ဇူလိုင်လ ၁၉ ရက် ညနေပိုင်း ၆ နာရီခန့်က ထိတွေ့တိုက်ပွဲဖြစ်ပွားခဲ့သည်ဟု ချင်းကာကွယ်ရေးတပ် – ကန်ပက်လက်မှ တာဝန်ရှိသူတစ်ဦးက ပြောသည်။ ထိုတိုက်ပွဲတွင် စစ်ကောင်စီမှ ၅ ဦး သေဆုံး၊ ထိခိုက်ဒဏ်ရာ ရရှိသူများ ရှိပြီး ချင်းကာကွယ်ရေးတပ် – ကန်ပက်လက်မှ ရဲဘော် ၄ ဦး ထိခိုက်ဒဏ်ရာရရှိကာ တချို့ရဲဘော်များမှာ ဒဏ်ရာ ပြင်းထန်သည်ဟု သိရသည်။ “ကျမတို့ ကန်ပက်လက်က နယ်မြေကျဉ်းတယ် လူဦးရေနည်းတယ်ဆိုပေမဲ့ အားလုံးစုစုစည်းစည်းနဲ့ စစ်ကောင်စီကို အမြစ်ဖြတ်ချေမှုန်းနေတာ တော်လှန်ရေးအစကတည်းကနေ ခုထိပါပဲ။ ကျမတို့ဘက်က လက်နက် ငွေကြေး အားနည်းပေမဲ့ ဒီလို စစ်မျက်နှာ ၂ နေရာနဲ့ တပြိုက်နက် ထိုးစစ်ဆင်တာကို ခုထိလည်း ထိန်းထားနိုင်တယ်၊၊ ဆက်ပြီး တော့လည်း တိုက်နေမှာဆိုတော့ ရဲဘော်တွေ အားတက်အောင် အဓိက ကျည်နဲ့ ခဲယမ်း ရိက္ခာပိုင်း ထောက်ပို့ ပေးကြ ဖို့ပဲ…
(06SV) ချင်းပြည်နယ်၊ ကန်ပက်လက်မြို့နယ်ကို စစ်ကြောင်းထိုးနေသည့် စစ်ကောင်စီယာဉ်တန်း၊ စစ်ကြောင်း များကို တိုက်ခိုက် ချေမှုန်းနိုင်ရေး လက်နက်၊ ခဲယမ်းနှင့် ရိက္ခာများ အရေးပေါ်လိုအပ်နေ၍ အမြန်ဆုံး ထောက်ပို့ကူညီရန် ပြည်တွင်း ပြည်ပ ပြည်သူများကို ချင်းကာကွယ်ရေးတပ်-ကန်ပက်လက်က တိုက်တွန်း နှိုးဆော်ထားသည်။ စစ်ကောင်စီသည် စစ်ကြောင်း ၂ ကြောင်းခွဲထားပြီး ဇူလိုင်လ ၁၆ ရက်မှစတင်ကာ မကွေးတိုင်း၊ လောင်းရှည်မှ ကန်ပက်လက်မြို့နယ်၊ ကျင်ဒွေးမြို့သို့ အင်အား ၃၀၀ ခန့်၊ သံချုပ်ကာကား (၂)စီး၊ JCV ကားတစ်စီး နှင့် စစ်ကား ၂၀ ကျော်ဖြင့် စစ်ကြောင်းထိုးနေသည်။ နောက်စစ်ကြောင်းတစ်ခုမှာ ဇူလိုင် ၁၉ ရက်မှစတင်၍ မကွေးတိုင်း၊ ဆောမြို့မှ ကန်ပက်လက်မြို့သို့ အင်အား ၁၇၀ ခန့်ဖြင့် စစ်ကြောင်းထိုးနေပြီး ဆော – ကန်ပက်လက်သည် ၁၂ မိုင်သာ ကွားဝေ၍ အချိန်မရွေး တိုက်ပွဲ ပြင်ထန်းနိုင် ကြောင်း CDF – ကန်ပက်လက်က စစ်ရေးတာဝန်ရှိသူများက ပြောသည်။ “ပြည်တွင်းပြည်ပ အလှူရှင်များနဲ့ နိုင်ငံတကာရောက် ချင်းပြည်သူများကရော ကျမတို့ ရဲဘော်တွေ ပေးဆပ်တာနဲ့ ထိုက်တန်အောင် ပံ့ပိုးပေးကြဖို့ မေတ္တာရပ်ခံချင်ပါတယ်။ အခုက ရဲဘော်တွေ နည်းတူ စစ်ရှောင်ပြည်သူတွေလည်း ဖျားနာတာတွေနဲ့ ဒုက္ခရောက်နေကြတယ်” CDF – ကန်ပက်လက်မှ တာဝန်ရှိသူ တစ်ဦးက ပြောသည်။ ဇူလိုင် ၁၄ ရက်မှ ၁၉ ရက်အထိ လောင်းရှည်- ကျင်ဒွေးသို့ စစ်ကြောင်းထိုးလာသော…