အိန္ဒိယနိုင်ငံ မဏိပူရ်ပြည်နယ် အင်ဖားမြို့တွင် ကျောင်းပိတ်ရက်အိမ်ပြန်လာသော ချင်းကျောင်းသား ၇ ဦးကို အင်ဖားမြို့ရဲတပ်ဖွဲ့က ဖမ်းဆီးထိန်းသိမ်းထားသည်ဟု သိရသည်။ အိန္ဒိယနိုင်ငံ ဘန်ဂလောရ် (Bangalore) မြိုသို့ ကျောင်းတက်ရောက်သူ မိန်းကလေး ၃ ဦးအပါဝင် မြန်မာနိုင်ငံ သား ၇ ဦးတို့မှာ ကျောင်းပိတ်ရက်အတွင်း မြန်မာနိုင်ငံအပြန်ခရီး မဏိပူရ်ပြည်နယ် အင်ဖားမြို့ Tulihal လေဆိပ်မှာ ဧပြီ ၁၁ ရက်နေ့က ဖမ်းဆီးခံရခြင်းဖြစ်ကြောင်း ဟိန္ဒူစတန်တိုင်းမ်သင်းစာကဖော်ပြသည်။ အဖမ်းခံရသူများမှာ Suan Khan Khai, Niang Lun Kim, Thang Lam Cin, Kam Sian Khai, Cing Nuam Vung, Cing Nun Eng နှင့် Cing Suan Sang တို့ဖြစ်ကြပြီး ၎င်းတို့သည် စစ်ကိုင်းတိုင်း ကလေးမြို့၊ ချင်းပြည်နယ် လွန်မွလ်ကျေးရွာနှင့် သွေးမွေးရွာ ဇာတိများဖြစ်ကြသည်ဟု သိရသည်။ ထိုသို့ဖမ်းဆီးခံရမှုကြောင့် မိသားစုဝင်များမှ မဏိပူရ်ပြည်နယ်ရှိ အရပ်ဖက်လူမှုကူညီရေးအဖွဲ့ ZYA ကို ဆက်သွယ်ကာ အကူညီတောင်းဆိုမှုကြောင့် ZYA အဖွဲ့ ခေါင်းဆောင်များက ရဲအရာရှိများထံသွားရောက် ညှိနှိုင်းကြည့်ခဲ့သော်လည်း မအောင်မြင်ခဲ့ကြောင်း ဆိုသည်။ “ရောက်တဲ့အချိန်မှာ ရဲအရာရှိတွေနဲ့စကားပြောပြီး ညှိနိုင်းကြည့်တော့ ဌာနဆိုင်ရာ အစိုးရလူကြီးတွေစီမှာ ရောက်သွားပြီးဆိုတော့ ဘာမှညှိနှိုင်းလို့မရတော့ဘူး ဆိုပြီး ရဲတွေကပြန်ပြောတယ်။ အဲ့လိုဖြစ်တဲ့အခါကြတော့ သူတို့အတွက် အစားစာတွေ၊ ညဝတ်အစောင်တွေ၊ ခြင်ထောင်တွေ၊ သွားတိုက်တံ နဲ့ သွားတိုက်ဆေး စတဲ့ လိုအပ်မယ့်ဟာတွေကို စီစဉ်ပေးလိုက်တယ်”…
Author: Editor
ချင်းပြည်နယ် ဟားခါးမြို့က စစ်ကောင်စီလက်အောက်ခံ ရှေးဟောင်းသုသေသနနှင့် အမျိုးသားပြတိုက်ဦးစီးဌာန ပြည်နယ်ဦးစီးမှူး ဒေါ်ငိုင်ဟောက်နြောင် (Ngai Hau Niang) ကို ဧပြီလ ၁၂ ရက်နေ့က အမည်မသိလူတစ်စုက ဖမ်းဆီးခေါ်ဆောင်သွားကြောင်း သိရသည်။ ဧပြီလ ၁၂ ရက် နေ့ခင်းပိုင်းအချိန်တွင် သေနတ်ကိုင်ဆောင်သူ အမည်မသိလူတချို့က ဒေါ်ငိုင်ဟောက်နြောင်အိမ်သို့ လာရောက်ပြီး မေးမြန်းစရာရှိသည်ဟုဆိုကာ ဖမ်းဆီးခေါ်ဆောင်းသွားသည်ဟု ဒေသခံတစ်ဦးကပြောသည်။ “သူက အရင်ကလည်း ပြည်နယ်အစိုးရရုံးမှာ စစ်ကောင်စီကျင်းပတဲ့ ချင်းအမျိုးသားနေ့မှာပါဝင်ခဲ့တဲ့ ဗီဒီယိုဖိုင်တွေရှိလို့ လူငယ်တွေရဲ့သတိပေးခြင်း ခံရပြီးသား၊ အခုက ပြည်သူ့ကာကွယ်ရေးတပ်ဖွဲ့တွေလို့ ထင်ရတဲ့ အရပ်သားဝတ်စုံနဲ့ လူငယ် တစ်ချို့က သူ့အိမ်ကို သွားပြီး မေးစရာရှိတယ်လို့ ပြောပြီးတော့ ခေါ်သွားကြတာ အခုထိ ပြန်မလွတ်လာသေးဘူး” ဟု သူကပြောသည်။ ဖမ်းဆီးခံရသူ ဒေါ်ငိုင်ဟောက်နြောင်သည် ဟားခါးမြို့ ယဉ်ကျေးမှုရုံးဝန်းရှိ ဝန်ထမ်းအိမ်ယာတွင် မိသားစုလိုက် နေထိုင်ကာ စစ်ကောင်စီအာဏာသိမ်းပြီးနောက်တွင်လည်း CDM ပြုလုပ်ခြင်းမရှိဘဲ လက်အောက်ခံဝန်ထမ်းတစ်ချို့နှင့်အတူ ရုံးလုပ်ငန်းများကို ဆက်လက်လုပ်ကိုင်နေသူဟုသိရသည်။ ၎င်းအား ဖမ်းဆီးသွားပြီးနောက် နေအိမ်တွင် စစ်ကောင်စီတပ်သားများ အဖွဲ့လိုက်ရောက်ရှိလာပြီး သားဖြစ်သူထံ အကျိူးအကြောင်းမေးမြန်းပြီးနောက် ပြန်လှညှ့်ထွက်သွားကြသည်ဟု သိရသည်။ ယခုလက်ရှိဟားခါးမြို့တွင် စစ်ကောင်စီလက်အောက်ခံ ရုံးဝန်ထမ်း အကြီးအကဲတချိူ့မှာ ၎င်းတို့နေအိမ်တွင်ပင် မနေရဲြကတော့ဘဲ ပုန်းရှောင်နေကြသူများလည်းရှိနေပြီး အချို့မှာ အလုပ်မှ နုတ်ထွက်ကြသူများရှိသည်ဟု သိရသည်။ ၂၀၂၁ ခုနှစ် ဖေဖော်ဝါရီလ ၁ ရက်နေ့ စစ်အာဏာသိမ်းမှုဖြစ်ပွားသည့်နောက်ပိုင်း အသစ်ဝင်လာသော စစ်ကောင်စီဝန် ထမ်းများနှင့် တစ်ခြားနယ်မှ ဟားခါးမြို့နယ်တွင်ပြောင်းရွှေ့လာသောဝန်ထမ်းများအားလုံး ၂၀၂၃ ခုနှစ် မေလမကုန်မီ ပြည်သူပိုင်အိမ်ယာမှဆင်းကာ တစ်ခြားနယ်မှပြောင်းရွှေ့လာသူများသည်…
ချင်းပြည်နယ်၊ ထန်တလန်မြို့နယ်တွင် ချင်းလူထုဖွံ့ဖြိုးရေးကွန်ယက် Network for Chin Community Development (NCCD) က ချင်းပြည်သူများအတွက် အခြေခံလူထုဖွံ့ဖြိုးရေး ရက်တိုသင်တန်းကို မတ်လ (၂၈) မှ ဧပြီလ (၁) ရက်နေ့ထိ အောင်မြင်စွာ ကျင်းပနိုင်ခဲ့သည်ဟု သိရသည်။ အဆိုပါသင်တန်းတွင် သင်တန်းသူ/သင်တန်းသား အယောက် (၃၀) ဦး ပါဝင်နိုင်ခဲ့ပြီး သင်တန်းတွင် အခြေခံဖွံ့ဖြိုးရေးအကြောင်း၊ လူ့အခွင့်အရေး၊ ချင်းနိုင်ငံရေးသမိုင်း၊ ပြည်သူများသိသင့်သိထိုက်သော မီဒီယာအကြောင်း၊ လက်ရှိမြန်မာရေးအခြေနေ၊ မြန်မာတောင်သူလယ်သမားအကြောင်း၊ Need Assessment၊ စီမံကိန်းကြီး ကြပ်ကွပ်ကဲခြင်းနှင့် မဟာဗျူဟာရေးဆွဲခြင်းစသည်များကို သင်ကြားပို့ချနိုင်ခဲ့ကြသည်ဟု NCCD ကထုတ်ပြန်သည်။ ထို့ပြင် ထန်တလန်မြို့နယ်၊ Sopum ကျေးရွာနှင့် Tahtlang ကျေးရွာများတွင် လူထုဖွံ့ဖြိုးရေးစီမံကန်းကိုလည်း ချပေးနိုင်ခဲ့သည်ဟု ဆိုသည်။ NCCD သည် ချင်းပြည်နယ်အတွင်း ဒေသဖွံ့ဖြိုးရေးလုပ်ငန်းများ၊ ချင်းမြေယာမူဝါဒဥပဒေများအပြင် ကျေးလက်ဒေသမှ ချင်းပြည်သူများအတွက် အခြေခံလိုအပ်ချက်များ ကူညီပံ့ပိုးခြင်းနှင့် တပိုင်တနိုင်စီးပွားရေးလုပ်ငန်းများ လည်ပတ်နိုင်ရန် ပံ့ပိုးကူညီပေးနေသည့် အဖွဲ့ဖြစ်သည်။
ချင်းပြည်နယ် ဟားခါးမြို့ကို ရိက္ခာနှင့် လက်နက်ခဲယမ်းများပို့လာသည့် တင့်ကား ၂ စီးအပါအဝင် စစ်ကောင်စီယာဉ်တန်းအားလုံးကို ချင်းကာကွယ်ရေးပူးပေါင်းတပ်ဖွဲ့များက တိုက်ခိုက်ဖျက်ဆီးနိုင်ခဲ့သည်ဟု ချင်းအမျိုးသားတပ်ဦး CNF/CNA ပြောရေးဆိုခွင့်ရှိသူ ဆလိုင်းထက်နီကပြောသည်။ တင့်ကား ၂ စီးအပါအဝင် စစ်ကောင်စီယာဉ်တန်း ကားအစီး ၃၀ ခန့်သည် ရိက္ခာနှင့် လက်နက်ခဲယမ်းများတင်ဆောင်ကာ စစ်ကိုင်းတိုင်း ကလေးမြို့မှ မတ်လ ၇ နေ့ကတည်းက ထွက်ခွာလာခဲ့ခြင်းဖြစ်ပြီး လမ်းခရီးတလျှောက်တွင် ချင်းကာကွယ်ရေးပူးပေါင်းတပ်ဖွဲ့များက မိုင်းဆွဲတိုက်ခိုက်ခြင်း၊ ခြုံခိုတိုက်ခိုင်ခြင်းနှင့် ဒရုန်းဖြင့်တိုက်ခိုက်ခြင်းများလုပ်ဆောင်ခဲ့သည်။ “ကျနော်တို့နဲ့ ဒေသကာကွယ်ရေးတပ်ဖွဲ့တွေက လမ်းတစ်လျှောက်လုံးမှာ တိုက်ခိုက်ခဲ့တယ် ဒီနေ့ ၁၃ ရက်နေ့မှာတော့ သူတို့ရဲ့ ယာဉ်အားလုံး ဖျက်ဆီးထိန်းသိမ်းနိုင်ခဲ့တယ် အဲဒီမှာ စစ်သုံးတင့်ကား ၂ စီးအပါအဝင် မြေထိုးစက်ရယ် သူတို့ ရိက္ခာသယ်လာတဲ့ ၆ ဘီးကားနဲ့ ၁၂ ဘီးကားတွေ ဟားခါးကို တစ်စီးမှ ဝင်နိုင်မှာမဟုတ်တော့ပါဘူး” ဟု CNF/CNA ပြောရေးဆိုခွင့်ရှိသူ ဆလိုင်းထက်နီကပြောသည်။ ဖလမ်းနှင့် ဟားခါးကြားတွင် ချင်းကာကွယ်ရေးပူးပေါင်းတပ်ဖွဲ့များ၏ အပြင်းအထန်တိုက်ခိုက်မှုကြောင့် ဧပြီလ ၁၁ နေ့အထိ စစ်ကောင်စီတင့်ကားတစ်စီးအပါအဝင် ကား ၁၀ စီးကျော်ကို ဖျက်ဆီးနိုင်ခဲ့ကြပြီး ဧပြီလ ၁၃ ရက်နေ့ ချွန်ကျူံးကျေးရွာတိုက်ပွဲတွင် ကျန်ရှိသော စစ်ကောင်စီယာဉ်များအားလုံး ဖျက်ဆီးနိုင်ခဲ့ခြင်းဖြစ်သည်။ စစ်ကောင်စီတပ်ဖွဲ့သည် ကလေးမြို့မှ တက်လာသည့်အချိန်တွင် အင်အား ၂၀၀ ဝန်းကျင်ခန့်ရှိသော်လည်း ယခုလက်ရှိတွင် အင်အား ၄၀ ဝန်းကျင်ခန့်သာ ကျန်တော့သည့်အတွက် စစ်ကောင်စီဘက်က ၁၀၀ ကျော်သေဆုံးပြီဟု ယူဆရကြောင်း ဆလိုင်းထက်နီကပြောသည်။ “ကျနော်တို့အနေနဲ့ အတိအကျ အတည်ပြုမှုမရပေမယ့်…
“ကျွန်တော်တို့ရဲ့ ခံယူချက်တွေ မတူညီတဲ့အချိန်မှာလည်း ရန်သူမဟုတ်ဘူး၊ သွားရာပန်းတိုင်ကအတူတူဖြစ်ပါစေ အာဏာရှင်စနစ်ကို ချုပ်ငြိမ်းမှ ရမယ်” ၂၀၀၁ ခုနှစ်ဝန်းကျင်ကစပြီး အချစ်သီချင်းအေးအေးလေးတွေနဲ့ ပရိသတ်ရင်ဘတ်ထဲနေရာယူခဲ့ပြီး ယနေ့ချိန်ထိ ပရိတ်သတ်ရင်ဘတ်ထဲမှာ စွဲထင်ကျန်ရစ်ခဲ့တဲ့အဆိုတော်တစ်ယောက်ရှိပါတယ်။ တနိုင်ငံလုံးက လူငယ်တွေရဲ့ အိပ်စက်သွားတဲ့ နှလုံးသားတွေကို “အချစ်စွမ်းအား” နဲ့ နိုးထစေခဲ့သူလည်းဖြစ်ပါတယ်။ သူကတော့ ချင်းပြည်နယ်မြောက်ပိုင်း တွန်းဇံမြို့က ချင်းတိုင်းရင်းသား ထွဏ်းခမ်ပဲဖြစ်ပါတယ်။ ကိုထွဏ်းခမ်ဟာ ၂၀၂၁ ခုနှစ် ဖေဖော်ဝါရီလ ၁ ရက်နေ့က စစ်တပ်ကအာဏာ သိမ်းပြီးတဲ့နောက်ပိုင်းမှာ တနိုင်ငံလုံးက ဆန့်ကျင်ဆန္ဒပြတဲ့ပြည်သူလူထုနဲ့ တသားတည်းရပ်တည်ပြီး ရှေ့တန်းကမားမားရပ်တည်ခဲ့သူလည်း ဖြစ်ပါတယ်။ ယခုအခါမှာတော့ ကိုထွဏ်းခမ်တစ်ယောက်လည်း စစ်ကောင်စီကြောင့် အိန္ဒိယနိုင်ငံ မီဇိုရမ်ပြည်နယ်ထဲမှာ ထွက်ပြေးတိမ်းရှောင်ခဲ့ရပြီး နွေဦးတော်လှန်ရေးမှာ အနုပညာအခန်းကဏ္ဍကနေ ဆက်ပြီးတော့တက်တက်ကြွကြွပါဝင်ခဲ့သူဖြစ်ပါတယ်။ ယခုလက်ရှိမှာတော့ မီဇိုရမ်ပြည်နယ် ကျန်ဖိုင်းမြို့မှာ မိသားစုနှင့်အတူ နေထိုင်ပြီး ဘဝရပ်တည်ရေးအတွက် လဘ္ကရည်ဆိုင်လေးဖွင့်လှစ်ပြီးတော့ နွေဦးတော်လှန်ရေးအတွက် တတ်နိုင်တဲ့ဘက်ကနေ ကျရာတာဝန်ကို ထမ်းဆောင်နေလျှက်ရှိပြီး ခိုနူမ်းသုန်သတင်းဌာနက သွားရောက်တွေ့ဆုံမေးမြန်းခဲ့ပါတယ်။ ယခု ကိုထွဏ်းခမ်နဲ့အင်တာဗျူးအပိုင်း ၂ မှာ စစ်အာဏာသိမ်းမှုဖြစ်ပွားပြီးနောက် သူ့ဘဝဇာတ်ကြောင်းတွေကို မေးမြန်းထားပါတယ်။ မေး- ၂၀၂၁ ဖေဖော်ဝါရီ ၁ ရက်နေ့မှာ စစ်အာဏာသိမ်းမှုဖြစ်တော့ အဲဒီ အာဏာသိမ်းတဲ့နေ့မှာ ကိုထွဏ်းခမ်ရဲ့ အတွေးထဲမှာ ဘာဝင်လာလဲ၊ အဲဒီချိန်တုန်းကခံစားမှု သိချင်ပါတယ်။ ဖြေ- ကျနော်က တော်ပေါ်ကနေ ၂၀၁၇ ခုနှစ်မှာကလေးမြို့ကိုပြောင်းပြီးတော့ အိမ်မှာ ကုန်စုံဆိုင်လေးဖွင့် အဲလိုမျိုးနဲ့ ကြိုကြားကြိုကြားမှာ အနုပညာအလုပ်ကနေရတဲ့ ပိုက်ဆံလေးတွေနဲ့ မိသားစုတွေ ရပ်တည်တာပေါ့နော်။ အာဏာ သိမ်းမှုဖြစ်တဲ့နေ့က ကျနောခံစားချက်က အမှောင်ကျသလိုပဲ ဆန္ဒမဲပေးတုန်းကဆို…
ချင်းအမျိုးသားတပ်ဦး CNF/CNA ပြောရေးဆိုခွင့်ရှိသူ ဆလိုင်းထက်နီနှင့် အင်တာဗျူး ချင်းပြည်နယ် ဟားခါးမြို့ကို ရိက္ခာနဲ့လက်နက်ခဲယမ်းတွေလာပို့တဲ့ စစ်ကောင်စီတပ်ဖွဲ့ရဲ့ တင့်ကား ၂ စီးအပါအဝင် ယာဉ်တန်းအားလုံးကို ဖလမ်း-ဟားခါးကြားမှာ ချင်းကာကွယ်ရေးပူးပေါင်းတပ်ဖွဲ့တွေက တိုက်ခိုက်ဖျက်ဆီးနိုင်ခဲ့ပြီး စစ်ကောင်စီတပ်ဖွဲ့ဖက် အကျအဆုံးလည်း အများပြားရှိခဲ့တယ်လို့သိရပါတယ်။ ဖလမ်း-ဟားခါးကြားက တိုက်ပွဲအခြေ အနေနဲ့ပတ်သက်ပြီး ချင်းအမျိုးသားတပ်ဦး CNF/CNA ပြောရေးဆိုခွင့်ရှိသူဆလိုင်းထက်နီကို ခိုနူမ်းသုန်သတင်းဌာနက ဆက်သွယ်မေးမြန်းထားပါတယ်။ မေး – ဖလမ်း-ဟားခါးကြားမှာ စစ်ကောင်စီတပ်နဲ့ ချင်းကာကွယ်ရေးတပ်ဖွဲ့တွေရဲ့ တိုက်ပွဲအခြေအနေကို အရင်ရှင်းပြပါဦး။ ဖြေ – မတ်လ ၇ ရက်၊ ၈ ရက်နေ့ကနေ ကလေးကနေ တက်လာတဲ့ စစ်ယဉ်တန်းက ကလေးကနေဖလမ်းကိုဖြတ်တယ်၊ ဖလမ်း ကနေ ဒီဟားခါးဗျူဟာကိုဆက်ပြီးတော့ သူတို့ အဲ့ဒီစစ်ယာဉ်တန်းကြီးက ချီတက်လာတာပေါ့။ အဓိက ကတော့ ရိက္ခာဖြည့် တင်းရေးနဲ့ လက်နက်ကျဉ်ဆံ ဖြည့်တင်ရေးပေါ့။ အဲ့တာ မိုးတွင်းစစ်ဆင်ရေးအတွက်ဖြစ်ပါလိမ့်မယ်။ ကျနော်တို့နဲ့ ဒေသကာ ကွယ်ရေးတပ်ဖွဲ့တွေက လမ်းတစ်လျှောက်လုံးမှာတိုက်ခိုက်ခဲ့တယ် ဧပြီ ၁၃ ရက်နေ့မှာတော့ သူတို့ရဲ့ ယာဉ်အားလုံး ဖျက်ဆီးထိန်းသိမ်းနိုင်ခဲ့တယ် အဲဒီမှာ စစ်သုံးတင့်ကား ၂ စီးအပါအဝင် မြေထိုးစက်ရယ် သူတို့ရိက္ခာ သယ်လာတဲ့ ၆ ဘီးကားနဲ့ ၁၂ ဘီးကားတွေ ဟားခါးကို တစ်စီးမှဝင်နိုင်မှာမဟုတ်တော့ပါဘူး။ မေး- အခုတစ်ခေါက်စစ်ကောင်စီဟာ ချင်းတောင်တက်လာတာ၊ ရိက္ခာလာပို့လား၊ တက်လာတဲ့အချိန်မှာကော် ကားဘယ်နှစ်စီးနဲ့ ဘယ်လိုပုံစံတက်လာခဲ့လဲ။ ဖြေ – သူတို့ ချင်းပြည်နယ်မှာ အခြေချတဲ့ စစ်ကောင်စီ၊ ချင်းပြည်မြောက်ပိုင်းဆိုရင် ဟားခါးပေါ့၊ အဲ့ဒီလို စစ်ကြောင်းကြီးနဲ့ နွေဦးမှာသော်လည်းကောင်း…
၂၀၀၁ ခုနှစ်ဝန်းကျင်ကစပြီး အချစ်သီချင်းအေးအေးလေးတွေနဲ့ ပရိသတ်ရင်ဘတ်ထဲ နေရာယူခဲ့ပြီး ယနေ့ချိန်ထိ ပရိတ်သတ်ရင်ဘတ်ထဲမှာ စွဲထင်ကျန်ရစ်ခဲ့တဲ့အဆိုတော်တစ်ယောက်ရှိပါတယ်။ တနိုင်ငံလုံးက လူငယ်တွေရဲ့ အိပ်စက်သွားတဲ့ နှလုံးသားတွေကို “အချစ်စွမ်းအား” နဲ့ နိုးထစေခဲ့သူလည်းဖြစ်ပါတယ်။ သူကတော့ ချင်းပြည်နယ်မြောက်ပိုင်း တွန်းဇံမြို့က ချင်းတိုင်းရင်းသား ထွဏ်းခမ်ပဲဖြစ်ပါတယ်။ ကိုထွဏ်းခမ်ဟာ ၂၀၂၁ ခုနှစ် ဖေဖော်ဝါရီလ ၁ ရက်နေ့က စစ်တပ်က အာဏာသိမ်းပြီးတဲ့နောက်ပိုင်းမှာ တနိုင်ငံလုံးက ဆန့်ကျင်ဆန္ဒပြတဲ့ပြည်သူလူထုနဲ့ တသားတည်းရပ်တည်ပြီး ရှေ့တန်းက မားမားရပ်တည်ခဲ့သူလည်း ဖြစ်ပါတယ်။ ယခုအခါမှာတော့ ကိုထွဏ်းခမ်တစ်ယောက်လည်း စစ်ကောင်စီကြောင့် အိန္ဒိယနိုင်ငံ မီဇိုရမ်ပြည်နယ်ထဲမှာ ထွက်ပြေးတိမ်းရှောင်ခဲ့ရပြီး နွေဦးတော်လှန်ရေးမှာ အနုပညာအခန်းကဏ္ဍကနေ ဆက်ပြီးတော့ တက်တက်ကြွကြွ ပါဝင်ခဲ့သူဖြစ်ပါတယ်။ ယခုလက်ရှိမှာတော့ မီဇိုရမ်ပြည်နယ် ကျန်ဖိုင်းမြို့မှာ မိသားစုနှင့်အတူနေထိုင်ပြီး ဘဝရပ်တည်ရေးအတွက် လဘ္ကရည်ဆိုင်လေးဖွင့်လှစ်ပြီးတော့ နွေဦးတော်လှန်ရေးအတွက် တတ်နိုင်တဲ့ဘက်ကနေ ကျရာတာဝန်ကို ထမ်းဆောင်နေလျှက်ရှိပြီး ခိုနူမ်းသုန်သတင်းဌာနက သွားရောက်တွေ့ဆုံမေးမြန်းခဲ့ပါတယ်။ ယခု ကိုထွဏ်းခမ်နဲ့အင်တာဗျူးအပိုင်း ၁ မှာ စစ်အာဏာသိမ်းမှုမဖြစ်ခင်က သူ့ဘဝဇာတ်ကြောင်း အနုပညာဖြတ်သန်းမှုအခြေအနတွေ ဖော်ပြပေးသွားမှာဖြစ်ပါတယ်။ မေး – ပထမဆုံးအနေနဲ့ ကိုထွဏ်းခံရဲ့မိသားစုအကြောင်းလေး မိတ်ဆက်ပေးလို့ရမလား။ ဖြေ – ကျွန်တော်က တွန်ဇံ သားပေါ့။ တွန်ဇံမှာ မွေးတယ်။ တွန်ဇံကနေ သူငယ်တန်းကနေ ဆယ်တန်းအောင်တဲ့အထိ တစ်ကျောင်းတည်းမှာပဲတက်တာ။ တက်ပြီးတော့ အခုလက်ရှိအခြေနေမှာတော့ မိန်းမနဲ့ သား၊ ယောကျားသုံးယောက် သမီးတစ်ယောက်နဲ့ ဒီမှာ လောလောဆယ် ရပ်တည်နေတာပေါ့နော်။ မေး- ကိုထွဏ်းခမ်အနေနဲ့ ဒီအနုပညာလောကထဲကို ဘယ်အချိန်ကနေ ဘယ်လိုမျိုးနဲ့ စတင်ဝင်ရောက်လာတာလဲ နည်းနည်းပြောပြပါအုံး။ ဖြေ – အတိုချုပ်ပြောရရင်…
ချင်းပြည်နယ် မင်းတပ်မြို့နယ်တွင် စစ်ကောင်စီတပ်ဖွဲ့နှင့် ချင်းကာကွယ်ရေးတပ် CDF-Mindat တို့အကြား တိုက်ပွဲဖြစ်ပွားမှုတွင် စစ်ကောင်စီဖက် ၁၈ ယောက် သေဆုံးခဲ့သည်ဟု သိရသည်။ မင်းတပ်မြို့နယ် တိုက်နယ်အမှတ် (၁) ဘက်တွင် ဧပြီလ ၇ ရက်နေ့မနက် ၇ နာရီခွဲမှ ညနေ ၆ နာရီကျော်အထိ တနေကုန် တိုက်ပွဲအပြင်းအထန် ဖြစ်ပွားခဲ့ကြပြီး စစ်ကောင်စီဖက်က ၁၅ ဦးထက်မနည်း သေဆုံးကာ ချင်းကာကွယ်ရေးတပ်ဘက်က ရဲဘော်တစ်ဦး ထိခိုက်ဒဏ်ရာရရှိခဲ့သည်ဟု CDF-Mindat က ယနေ့ထုတ်ပြန်သည်။ တိုက်ပွဲဖြစ်ပွားသည့်ညတွင် စစ်ကောင်စီတပ်ဖွဲ့က ဂျက်ဖိုက်တာဖြင့် ၈ ကြိမ် ဗုံးကြဲချခဲ့သည်ဟု ဆိုသည်။ ထို့နောက် ဧပြီလ ၁၀ ရက်နေ့ညနေ ၆ နာရီခန့်တွင် မင်းတပ်မြို့အနီး ၉ မိုင်ဖက်၌လည်း တိုက်ပွဲထပ်မံဖြစ်ပွားကာ စစ်ကောင်စီဖက်က ၃ ဦးသေဆုံးခဲ့သည်ဟု သိရသည်။ စစ်ကောင်စီတပ်ဖွဲ့သည် ဧပြီလ ၁၁ ရက်ည ၇ နာရီ ၄၆ မိနစ်အချိန်တွင် ဂျက်ဖိုက်တာ ၂ စီးဖြင့် မင်းတပ်မြို့နယ် အမှတ် (၁) ကျေးရွာအနီးနှင့် ကျေးရွာထဲတွင် ၄ ကြိမ် ဗုံးကြဲတိုက်ခိုက်ခဲ့ရာ ဘုန်းကြီးကျောင်း၊ လူနေအိမ် ၁ လုံး ပျက်စီးသွားခဲ့ပြီး ပြည်သူထိခိုက်မှုမရှိကြောင်း CDF-Mindat ထုတ်ပြန်ထားသည်။
စစ်ကိုင်းတိုင်း ကလေးမြို့မြောက်ပိုင်းဒေသတွင် တိုက်ပွဲဖြစ်ပွားမှုကြောင့် နေရပ်စွန့်ခွါထွက်ပြေးတိမ်းရှောင်နေကြရသော စစ်ဘေးရှောင်ပြည်သူများအတွက် အခြေခံစားသောက်ကုန်နှင့် ကျန်းမာရေးစောင့်ရှောက်မှုများ လိုအပ်လျှက်ရှိနေကြောင်း အကူအညီပေးနေသူများထံမှ သိရသည်။ ပြီးခဲ့သည့် မတ်လကုန်ပိုင်းနှင့် ဧပြီလဆန်းပိုင်းက ကလေးမြို့နယ်မြောက်ပိုင်းဒေသက ပျဉ်းတောဦးကျေးရွာအနီးတွင် စစ်ကောင်စီတပ်ဖွဲ့နှင့် ပြည်သူ့ကာကွယ်ရေးပူးပေါင်းတပ်ဖွဲ့များအကြား အပြင်းအထန်တိုက်ပွဲဖြစ်ပွားခဲ့ကြပြီး စစ်ကောင်စီက လက်နက်ကြီးသာမက လေကြောင်းကနေပါ အပြင်းအထန်ဗုံးကြဲတိုက်ခိုက်မှုကြောင့် မြောက်ပိုင်းဒေသက ကျေးရွာပေါင်း ၁၀ ရွာကျော်က သောင်းနှင့်ချီသော ဒေသခံပြည်သူတို့သည် ကလေးမြို့နှင့် အခြားဘေးကင်းရာဒေသများသို့ စစ်ဘေးတိမ်းရှောင်လာကြသည်မှာ ၁၀ ရက်ကျော်လာပြီဖြစ်သည်။ စစ်ဘေးရှောင်ပြည်သူများကို အရပ်ဘက်အဖွဲ့အစည်းနှင့် ဘာသာရေးအသင်းတော်အသီးသီးတို့မှ ကူညီစောင့်ရှောက်ပေးလျှက်ရှိရာ စစ်ရှောင်ကာလကြာမြင့်လာသည်နှင့်အမျှ စစ်ရှောင်ပြည်သူများလည်း ထပ်မံရောက်ရှိလာပြီး အချို့မှာ အခြေခံ စားသောက်ကုန်များ ခက်ခဲလာနေပြီဟု စစ်ဘေးရှောင်ကူညီပေးနေသူတစ်ဦးက ပြောသည်။ “အဓိက သူတို့ရဲ့ စားရေးသောက်ရေးပေါ့၊ အိမ်ရှင်တွေကလဲ သိပ်ပြီး မတတ်နိုင်တော့တဲ့ အခြေအနေရှိတယ်ပေါ့နော်။ မြို့ပေါ်ကျတော့၊ နဲနဲကြွေးနိုင်မွေးနိုင်သေးတယ်။ နယ်ဘက်ကလူတေကတော့ သိပ်မကြွေးနိုင်တော့ဘူးပေါ့နော်။ နောက် ဆေးဝါးကုသမှုတွေလဲ လိုအပ်တယ်။ အခု အဖျားအနာလိုဟာမျိုးဖြစ်ပြီးတော့ ကူးစက်ရောဂါလိုဟာမျိုးလဲ ဖြစ်နေကြတယ်“ ဟု ၎င်းကပြောသည်။ ယခုလက်ရှိ ရာသီပြောင်းကာလလည်း ဖြစ်သောကြောင့် ကလေးမြို့ပေါ်နှင့် နယ်ဘက်တွင် စစ်ဘေးရှောင်နေကြသူများမှာ ရာသီဖျားနာခြင်းနှင့် ဝမ်းပျက်ဝမ်းလျှောများဖြစ်နေကြကြောင်း သိရပြီး မြို့ပေါ်ရှိ စစ်ရှောင်စခန်းများတွင် ရွှေ့ပြောင်းဆေးခန်းများဖြင့် လိုက်လံကုသမှုများရှိနိုင်သော်လည်း အပြည့်အဝကုသနိုင်ခြင်း မရှိသေးကြောင်း သိရသည်။ “လောလောဆယ် မြို့ပေါ်တွေမှာပဲ ရွှေ့ပြောင်းဆေးခန်းပုံစံနဲ့ ကုပေးတဲ့အဖွဲ့တွေရှိတယ်၊ ဒါပေမဲ့ နယ်တွေတော့ မရာက်နိုင် မဆင်းနိုင်သေးဘူး။ ပြီးတော့ မြို့ပေါ်မှာကလဲ စစ်ရှောင်စခန်းမှာနေတဲ့သူတွေပဲ ကုပေးနိုင်သေးတယ်၊ ကျန်တဲ့ ဆွေမျိုး အသိတွေ အိမ်မှာနေတဲ့ သူတွေကျတော့ စုစည်းပြီး…
ချင်းပြည်နယ် ဖလမ်းမြို့နယ် ဝေဘူလမြို့ကို စစ်ကောင်စီက ဧပြီလ ၁၀ ရက်နေ့ မနက်ပိုင်း ၁၁ နာရီဝန်းကျင်ခန့်မှာ တိုက်လေယာဉ်ဖြင့် ဗုံးကြဲတိုက်ခိုက်ခဲ့ပြီး အရပ်သားပြည်သူ ၉ ဦးသေဆုံးကာ အများအပြား ဒဏ်ရာရရှိခဲ့သည်ဟု သိရသည်။ ဧပြီလ ၁၀ ရက် မနက်ပိုင်းတွင် ဖလမ်းမြို့အနီး ဗာရ်ကျေးရွာက စစ်ကောင်စီတပ်စခန်းကို ချင်းအမျိုးသားကာကွယ်ရေးတပ်ဖွဲ့ CNDF က ဝင်ရောက်တိုက်ခိုက်သိမ်းပိုက်ခဲ့ပြီးနောက် စစ်ကောင်စီတပ်ဖွဲ့က တိုက်လေဖြင့် ဝေဟင်က နေဗုံးကြဲတိုက်ခိုက်ခဲ့ရာမှာ ဝေဘူလမြို့ကိုလည်း ဗုံးကြဲတိုက်ခိုက်ခဲ့ခြင်းဖြစ်သည်ဟု ဒေသခံများထံမှသိရသည်။ စစ်ကောင်စီ၏ တိုက်လေယာဉ်သည် ဝေဘူလမြို့ စာသင်ကျောင်းနှင့် ဘောလုံးကွင်းအနီးတွင် ဗုံး ၂ လုံးကြဲချခဲ့ပြီး အရပ်သားပြည်သူ အနည်းဆုံး ၉ ယောက်သေဆုံးကာ အများအပြား ဒဏ်ရာရရှိခဲ့ခြင်းဖြစ်သည်။ “၉ ယောက်သေဆုံးတယ်လို့သိရတယ် ထိခိုက်ဒဏက်ရာရတဲ့သူ တော်တော်များတယ်၊ အမျိုးသူမီးတစ်ယောက်ဆို ကုသနေချိန်မှာ သေသွားတယ်၊ သေသွားတဲ့သူ လူဦးရေက အတိအကျပြောရဖို့ နည်းနည်းခက်တယ်၊ ဘာဖြစ်လို့လဲဆိုတော့ ဝေဘူလဘက်က လိုင်းမကောင်းတဲ့အခါကြတော့ အတိအကျမသိနိုင်သေးဘူး” ဟု ဖလမ်းမြို့က ဒေသခံတစ်ဦးက ပြောသည်။ ထို့အပြင် စစ်ကောင်စီတပ်ဖွဲ့၏ လေကြောင်းတိုက်ခိုက်မှုကြောင့် ဝေဘူလမြို့ပေါ်က လူနေအိမ် ၅ လုံးလည်း မီးလောင်းပျက်စီးခဲ့သည်ဟု သိရသည်။ ဝေဘူလမြို့သည် ဗာရ်ကျေးရွာမှာ ၁၅ မိုင်ခန့်ကွာဝေးပြီး ကလေး-နတ်ချောင်း-ဖလမ်း လမ်းမပေါ်တွင်တည်ရှိသော မြို့တစ်မြို့ဖြစ်သည်။ စစ်ကောင်စီ၏ တိုက်လေယာဉ်သည် ဧပြီလ ၁၀ ရက်နေ့မနက်မှာ ဖလမ်းမြို့နယ် ဗာရ်းကျေးရွာနှင့် ကြောင်ဟဲကျေးရွာတို့တွင်လည်း ၆ ကြိမ်ထက်မနည်း ဗုံကြဲခဲ့ကြောင်း သိရသည်။