(04SS) ချင်းပြည်နယ် တွန်ဇံမြို့နယ်၊ ရှလ်ထောဇန်ရွာမှ မြစိမ်းစံပြ (Singgialzaang) ကျေးရွာသို့ အသုဘကိစ္စဖြင့်သွားရောက်သော ကားတစ်စီး အပြန်လမ်းတွင် မတော်တဆဖြစ်မှုကြောင့် ယာဉ်ပေါ်ပါလာသူ ၇ ဦး သေဆုံးကြောင်း ဒေသခံများထံမှ သိရသည်။ ဇွန်လ ၂၄ ရက်နေ့ နေ့လယ် ၁၂ နာရီဝန်းကျင်တွင် မြစိမ်းစံပြကျေးရွာမှ ရှယ်ထောဇန်သို့ ပြန်လှည့်သည့် ဦးမန်ခဲင်း၏ ကားသည် သစ်သားဖြင့်ဆောက်လုပ်ထားသော ရာဇဂြိုလ်တံတားပေါ်ဖြတ်မောင်းစဉ်မှာ တံတားကျိုးပဲ့ကာ ပြုတ်ကျသွားခဲ့ခြင်းဖြစ်သည်။ “Singgialzaang ကျေးရွာမှာ အသုဘရှိလို့ သူတို့က အမျိုးတွေအဖွဲ့လိုက်သွားကြတာ အပြန်လမ်းမှာ တံတားကျိုးလို့ ကားမတော်တဆပြုတ်ကျတာပေါ့ အဲမှာ ၇ ဦးသေသွားတယ်၊ နောက် ၂ ယောက်ကိုတော့ ရာဇဂြိုလ်ဆေးပေးခန်းမှာ ဆေးကုနေတယ်” ဟု ရှလ်ထောဇန်ဒေသခံနှင့်နီးစပ်သူတစ်ဦးက ဆိုသည်။ ကားမတော်တဆမှုကြောင့် သေဆုံးသူများမှာ ကားပိုင်ရှင် ယာဉ်မောင်း ဦးမန်ခဲင်းအပါအဝင် ကလေးငယ်တစ်ဦးနှင့် အမျိုးသမီးများဖြစ်ကြပြီး ယနေ့ဇွန်လ ၂၅ ရက်နေ့နေ့လည် ၁၂ နာရီတွင် ခရစ်ယာန်ထုံးစံအတိုင်း အသုဘသဂြိုလ်မည်ဟု သိရသည်။ ကား ပြုတ်ကျသည့် သစ်သားဖြင့် ဆောက်လုပ်သောတံတားသည် သစ်သားများ ဆွေးမြေ့ဟောင်းနွမ်းနေပြီဟု သွားလာဖူးသူများ၏ ပြောပြချက်အရသိရသည်။ ရှလ်ထောဇန်ကျေးရွာသည် ရာဇဂြိုလ်မှ ၃ မိုင်ခန့်ကွာဝေးပြီး ကလေးမြို့မှ မိုင် ၂၀ ကျော်ကွာဝေးသည်။
Author: Editor
(04SS) စစ်ကိုင်းတိုင်း၊ ကလေးမြို့ပေါ်နဲ့ ကလေးမြို့နယ်အတွင်းရှိ အခွန်မဆောင်သော လုပ်ငန်းရှင်တွေကို ဥပဒေနဲ့အညီ အရေးယူဆောင်ရွက်မှု စတင်နေပြီလို့ ကလေးမြို့နယ် ပြည်သူ့အုပ်ချုပ်ရေးအဖွဲ့က ထုတ်ပြန်ပါတယ်။ ကလေးမြို့နယ် ပြည်သူ့အုပ်ချုပ်ရေးအဖွဲ့အနေနဲ့ ပြည်သူလူထုအားဝန်ဆောင်မှုပေးနိုင်ဖို့ အမျိုးသားညီညွှတ်ရေး အစိုးရ ယန္တယားလည်ပတ်နိုင်ဖို့အတွက် ပြည်သူလူထုကိုဝန်မပိစေဘဲ စီးပွါးရေးလုပ်ငန်းရှင်ကြီးတွေ အဓိကထားပြီး အခွန်စနစ် စတင်ဆောင်ရွက်လာခဲ့ကြတာဖြစ်ပါတယ်။ အဲဒီအတွက် မေလ ၂၆ ရက်နေ့ကစပြီး ၁၀ ရက်အတွင်း ပညာပေးကာလအဖြစ် သတ်မှတ်ခဲ့ပြီးနောက် ဇွန်လ ၅ ရက်နေ့မှ စတင်ကာ အရေးယူမှုတွေ စတင်ဆောင်ရွက်ခဲ့တာဖြစ်တယ်လို့ ကလေးမြို့နယ် ပြည်သူ့အုပ်ချုပ်ရေးအဖွဲ့ဝင် တစ်ဦးကေ ပြာပါတယ်။ “အခုဆောင်တဲ့လူလဲ ဆောင်နေကြပြီပေါ့နော်။ အခွန်မဆောင်ထားတဲ့ ဆိုင်က ပစ္စည်းပါလာတယ်ဆိုရင် ကျွန်တော်တို့ ခဏထိန်းသိမ်းထားတယ် အခွန်ဆောင်မလားဆိုပြီးမေးတယ်။ သူတို့ဆောင်မယ်ပြောရင် အခွန်စည်းကမ်းအတိုင်းပဲ ပေးခိုင်းတယ်ပေါ့“ လို့ ကလေးမြို့နယ် ပြည်သူ့အုပ်ချုပ်ရေးအဖွဲ့ဝင်တစ်ဦးက ပြောပါတယ်။ ကလေးမြို့နယ် ပြည်သူ့အုပ်ချုပ်ရေးအဖွဲ့အနေနဲ့ အခွန်ကနေရရှိလာတဲ့ ငွေကြေးတွေကို ကြားကာလ ပညာရေးကဏ္ဍေတွမှာ ပြန်လည်အသုံးပြုသွားမှာဖြစ်ပြီး အလေအလွင့်မရှိအောင် အာမခံထားပါတယ်လို့ သူကဆက်ပြောပါတယ်။ “ဒီတော်လှန်ရေးက အခု အစိုးရပုံစံဖြစ်သွားပြီပေါ့နော် ဒီဖက်မှာ အမျိုးသားညီညွှတ်ရေးအစိုးရပေါ့ တစ်ဖက်မှာ စစ်ကောင်စီအစိုးရပေါ့ ဆိုတော့ ကျွန်တော်တို့ နိုင်ငံတစ်နိုင်ငံရဲ့ အစိုးရဆိုတာ အခွန်ကနေလည်ပါတ်တာပေါ့နော်။ ဆိုတော့ အခုရရှိထားတဲ့ အခွန်တွေကလည်း ထိန်းချုပ်နယ်မြေတွေမှာလုပ်ပေးထားတဲ့ ပညာရေးနယ်ပယ်တွေမှာ အသုံးပြုသွားမှာဖြစ်တယ်ပေါ့နော် အဲအတွက် ပြည်သူတွေအခွန်ဆောင်ထားတာနဲ့ပါတ်သက်ပြီး တစုံတရာ အလေအလွင့်မရှိအောင် ကျွန်တော်တို့ အပြည့်အဝ တာဝန်ယူပေးတယ်ပေါ့နော်။” လို့ သူကဆက်ပြောပါတယ်။ အခွန်ပေးဆောင်ရမယ့် လုပ်ငန်းအမျိုးအစားတွေကို သယံဇာတနဲ့ စည်ပင်ဆိုပြီး နှစ်မျိုးခွဲထားပြီး မြေပြင်နဲ့ အွန်လိုင်းကနေလည်း…
(04SS) ကလေးမြို့တောင်ပိုင်း အရှေ့စံသာကျေးရွာတွင် ယမန်နေ့ညက တိုက်ပွဲဖြစ်ပွါးခြင်းမရှိဘဲ စစ်ကောင်စီတပ်က လက်နက်ကြီးများ ရမ်းသမ်းပစ်ခတ်မှုကြောင့် အသက် ၅ နှစ်အရွယ် ကလေးငယ်တစ်ဦးသေဆုံးကာ မိသားစုဝင် ၃ ဦး ပြင်းထန်ဒဏ်ရာရရှိကြောင်း သိရသည်။ ဇွန်လ ၂၁ ရက် ည ၁၀ နာရီ မိနစ် ၂၀ အချိန်တွင် စစ်ကောင်စီတပ်ဖွဲ့မှ ပစ်ခတ်လိုက်သောလက်နက်ကြီးကျည်သည် အရှေ့စံသာကျေးရွာရှိ နေအိမ်တစ်လုံးပေါ်ကျရောက်ပေါက်ကွဲကာ အိမ်ထဲမှာ အိပျော်နေကြသော မိသားစုဝင်များ ထိမှန်ပြီး အငယ်ဆုံးသားဖြစ်သူ အသက် ၅ နှစ်အရွယ်ကလေးငယ်တစ်ဦး ပွဲချင်းသေဆုံးကာ ကျန်မိသားစုဝင်များမှာ အပြင်းအထန်ဒဏ်ရာရရှိခဲ့သည်ဟု ဒေသခံတစ်ဦးကပြောသည်။ “လက်နက်ကြီး ရမ်းသမ်းပစ်တော့ မိသားစုဝင်တွေ အိပ်ပျော်နေတဲ့ချိန် လက်နက်ကြီးကျတော့ အမေဖြစ်သူဆိုညာ ခြေထောက်ကို ဒူးဆစ်ကနေ ဖြတ်ရတယ်၊ သားတယောက်ဆိုရင် ဦးခေါင်းမှာ ဒါဏ်ရာရထားတယ် စိုးရိမ်ရတဲ့ အနေအထားမှာရှိတယ်၊ ပြီးရင် ၁၂ နှစ်အရွယ်ကလေးကလဲ ထိခိုက်ထားတယ် ဘယ်နေရာထိခိုက်လဲတော့မသိဘူး မစိုးရိမ်ရဘူးလို့ပြောတယ်။ ပြီးတော့ အငယ်ဆုံးသားလေးကျတော့ ခေါင်းတောင်ပါမလာတော့ဘူး တခါတည်း သေသွားတယ်” ဟု ၎င်းကပြောသည်။ ဇွန်လ ၂၁ ရက်နေ့ မနက်ပိုင်းတွင်လည်း စစ်ကောင်စီတပ်ဖွဲ့က လက်နက်ကြီးရမ်းသမ်းပစ်ခတ်မှုကြောင့် ကလေးမြို့ေတာင်ပိုင်း သာစည်ရွာသား အသက် ၂၃ နှစ်အရွယ် လူငယ်တစ်ဦး လက်နက်ကြီးကျည်စ ထိမှန်မှုကြောင့် သေဆုံးခဲ့ပြီးဖြစ်သည်။ ကလေးမြို့ပေါ်တွင် အထိုင်ချထားသော စစ်ကောင်စီတပ်ဖွဲ့များသည် တိုက်ပွဲဖြစ်ပွားခြင်းမရှိပဲ ညတိုင်းလိုလို လက်နက်ကြီး လက်နက်ငယ်များ ရမ်းသမ်းပစ်ခတ်လေ့ရှိပြီး အရပ်သားပြည်သူထိခိုက်မှုလည်း ပိုများလာခဲ့သည်ဟု ဒေသခံများကပြော သည်။ ယခုကဲ့သို့ စစ်ကောင်စီတပ်ဖွဲ့၏ လက်နက်ကြီးရမ်းသမ်းပစ်ခတ်မှုကြောင့် ကလေးမြို့နယ်တွင်…
(02HH) မိုခါဆိုင်ကလုန်းမုန်တိုင်းတိုက်ခတ်ခဲ့ပြီးနောက်ပိုင်းတွင် ချင်းပြည်နယ်တောင်ပိုင်း၊ ပလက်ဝမြို့နှင့် ဆမီးမြို့တို့တွင် ဆန်အပါအဝင် အခြေခံစားသုံးကုန်များ သိသိသာသာ ဈေးနှုန်းမြင့်တက်နေဆဲဖြစ်သည်ဟု သိရသည်။ မေလ ၁၄ ရက်နေ့က ရခိုင်ပြည်နယ်ကိုဗဟိုပြုတိုက်ခတ်ခဲ့သော အင်အားပြင်းမိုခါဆိုင်ကလုန်းမုန်တိုင်းကြောင့် ရခိုင်ပြည်နယ်မှ ဆန်ဂိုဒေါင်အပါအဝင် ဆန်စက်များလည်း ပျက်ဆီးဆုံးရှုံးမှုရှိခဲ့ပြီးနောက် အခြေခံစားသောက်ကုန်အတွက် ရခိုင်ပြည်နယ်ကို အဓိကအားထားနေရသော ပလက်ဝနှင့် ဆမီးမြို့တို့မှာလည်း ဆန်ဈေးနှုန်းများ မြင့်တက်နေသည်ဟု ပလက်ဝမြို့နယ် ပြည်သူ့အုပ်ချုပ်ရေးအဖွဲ့ဝင်တဦးက ပြောသည်။ “အဓိက မိုခါရဲ့နောက်ဆက်တွဲပေါ့ အများအားဖြင့် ဆမီးနဲ့ ပလက်ဝမြို့က ရခိုင်က ဆီ၊ဆန်၊ဆားမှအစ မှီခိုရတဲ့ အနေအထားဆိုတော့ အရင်က ရိုးရိုးဆန်ကြမ်းကိုတောင် လေးသောင်းတန်ကို အခု ရှစ်သောင်းလောက်ဝယ်ရတယ်၊ ပေါ်ဆန်းအကြမ်းတောင် ၁သိန်းခွဲလောက်ဝယ်ရတယ်။ တမြို့နယ်လုံးခြုံပြောရမယ်ဆိုရင် ဆန်ဈေးက အသကုန်တက်တဲ့ အတွက်ကြောင့် ပြည်သူတွေအားလုံးလိုလိုက အခက်အခဲ ရောက်နေ ကြတယ်။” ဟု ပလက်ဝမြို့နယ် ပြည်သူ့အုပ်ချုပ်ရေးအဖွဲ့ဝင်က ပြောသည်။ ပလက်ဝမြို့နှင့် ဆမီးမြို့ပေါ်တွင်နေထိုင်ကြသည့် ပြည်သူများသည် တောင်ယာစပါးများကို ကြိုတင်ဝယ်ယူစုဆောင်းခဲ့ကြရပြီး မိုခါမုန်တိုင်းမဖြစ်ပွားချိန်တွင် ပေါ်ဆန်းဂျိုး ဆန်တအိတ်လျှင် (၆၀၀၀၀) ကျပ်ဖြင့် ရှိခဲ့သော်လည်း လက်ရှိတွင် ငွေကျပ် ၁ သိန်းကျော်ဖြင့် ဝယ်ယူစားသုံးနေကြရသည်ဟု သိရသည်။ ပလက်ဝမြို့ခံတစ်ဦးက “မိုခါမုန်တိုင်းမဖြစ်ခင်မှာ ၇ သောင်း ၈ သောင်းရှိတဲ့ဟာကို အခု ကျွန်တို့ တကယ်ဝယ်စားနေတာက ၁ သိန်းနဲ့ ၄ ထောင်လောက်နဲ့ ဝယ်စားနေတယ်” ဟု ပြောသည်။ ယခုလက်ရှိတွင်လည်း အလုပ်ရှားပါးခြင်း၊ ဝင်ငွေနည်းပါးခြင်းတု့ိဖြစ်သည့်အပြင် မိုခါမုန်းတိုင်းဖြစ်ပွားပြီးနောက်ပိုင်း ဆန်ဈေးများ တက်လာသောအချိန်တွင် အခြေခံလက်လုပ်လက်စား ပြည်သူများအတွက် နေ့စဉ်စားဝတ်နေေရးမှာ ပိုမိုခက်ခဲမူများ…
ချင်းပြည်နယ် မင်းတပ်မြို့နယ်အတွင်းက အသက် ၁၆ နှစ်ကနေ အသက် ၃၅ နှစ်အတွင်း လူငယ်တွေကို ချင်းကာကွယ်ရေးတပ်ဖွဲ့ (မင်းတပ်)ရဲ့ ခွင့်ပြုချက်မရှိဘဲ ပြည်တွင်း/ပြည်ပ ထွက်ခွာခွင့်မပြုတော့ဘူးလို့ CDF-Mindat က ဇွန်လ ၁၈ ရက်နေ့က ထုတ်ပြန်လိုက်ပါတယ်။ မင်းတပ်မြို့ဟာ မြန်မာ့နွေဦးတော်လှန်ရေးမှာ တူမီးသေနတ်ကိုစွဲကိုင်ပြီး လက်နက်ကိုင်တော်လှန်ရေးကို အစောဆုံး စတင်ခဲ့ဒေသဖြစ်ပါတယ်။ CDF-Mindat အနေနဲ့ ဘာကြောင့် လူငယ်တွေကို ပြည်တွင်း/ပြည်ပ ထွက်ခွါခွင့်မပြုတော့တာပါလဲ။ လက်ရှိ စစ်ရေးအခြေအနေနဲ့ CDF-Mindat ရဲ့အခြေအနေကကော် ဘယ်လိုအနေအထားရှိနေပါသလဲ။ ဒီကိစ္စနဲ့ပတ် သက်ပြီး မင်းတပ်မြို့နယ် ပြည်သူ့အုပ်ချုပ်ရေးအဖွဲ့ ပြောရေးဆိုခွင့်ရှိသူ ဆလိုင်းယောမာန်ကို ဆက်သွယ်မေးမြန်းထားပါတယ်။ မေး။ ။ ပထမဦးဆုံးအနေနဲ့ ယခုလက်ရှိ ချင်းပြည်နယ်တောင်ပိုင်း မင်းတပ်မြို့နယ်ဘက်က စစ်ရေးအခြေအနေ အရင်ရှင်းပြလို့ရမလား။ ဖြေ။ ။ တောင်ပိုင်းဘက်ပြောရမယ်ဆိုရင် မတူပီဖက်မှာတော့ ဟိုတလောက စစ်ကြောင်းတွေရှိတာ ပြန်ဆုတ်သွားပြီ၊ မင်းတပ်နယ်ဘက်မှာတော့တိုက်ပွဲကမရှိဘူး၊ မင်းတပ်မြို့ပေါ်မှာတော့ မေလနဲ့ ဇွန်လကြားထဲ ၁၀ ကြိမ်ကျော်ကျော်တော့ မြို့ပြ ပြောက်ကျားပုံစံပစ်ခတ်နေတာရှိတယ်။ လောလောဆယ်တိုက်ပွဲ ဆိုလို့ ပေါက် ဘက်ကနေ ကျောက်ထု ဘက် ကို လာနေတဲ့ စစ်ကား ၁၀ စီးပေါ့နော် အဲ့တာတခု တော့ရှိတယ်။ မနေ့ တနေ့က စထွက်လာတာ (၃) ရက်ရှိပြီ အခုထိ ကျောက်ထုမရောက်သေးဘူး၊ စစ်ရေးတင်းမာနေတဲ့သဘောရှိတယ် ၊ တိုက်ပွဲဖြစ်လာနိုင်တဲ့သဘောရှိတယ်၊ မင်းတပ်မြို့ပေါ်မှာတော့ ၁၇ ရက်နေ့တကြိမ်၊ ၁၉ ရက်နေ့တကြိမ်တော့ ဖြစ်နေတယ်၊ ကာကွယ်ရေးရဲဘော်တဦးကတော့ အသေးစား ဒဏ်ရာရတယ်၊ စကစ…
အိန္ဒိယနိုင်ငံ၊ မီဇိုရမ်ပြည်နယ်တွင် တစ်ပတ်နီပါးခန့် မိုးသည်းထန်စွာရွာသွန်းပြီး လေပြင်းများတိုက်ခတ်မှုကြောင့် လောင်တလိုင်ခရိုင်အတွင်းရှိ မြန်မာစစ်ရှောင်များ၏ ကျောင်းဆောင်နှင့် နေအိမ် ၇ လုံး ပျက်စီးခဲ့သည်ဟု သိရသည်။ လေပြင်းတိုက်ခတ်မှုကြောင့် ဇွန်လ ၁၈ ရက်နေ့က လောင်တလိုင်မြို့မှာ မြန်မာစစ်ဘေးရှောင်များအတွက် ဖွင့်လှစ်ထားသော Vengpui Refugee Camp က စာသင်ကျောင်းအဆောက်အအုံနှင့် Canan Refugee Camp မှ စစ်ဘေးရှောင်နေအိမ် ၇ လုံး အမိုးလန်ပျက်စီးသွားခဲ့ခြင်းဖြစ်သည်။ “မိုးမှောင်မဲလာပြီးတော့ အနောက်ဖက်ကနေ လေတိုက်လာတာ။ မိုးအရင်ကျလာတယ်၊ ပြီးတော့ ရုတ်တရက်ကြီး ၄ နာရီလောက်မှာတော့ တအားကြီးပြင်းသွားတာ၊ မုန်တိုင်းထက်တောင်ပြင်းသလိုပဲ၊ အခုက မိုးကာနဲ့ပဲဆော က်ထားတာ ဆိုတော့လေး အကုန်ပေါက်ကုန်တာ။ ဝါးနဲ့ဆောက်တာ။ မိုးကာနဲ့မိုးတယ် လေဒါဏ်လာ တဲ့အခါမှာ အကုန် ပြဲကုန်တာပေါ့။” ဟု လောင်တလိုင်မြို့ စစ်ရှောင်တစ်ဦးက ပြောသည်။ စစ်ဘေးရှောင်စခန်းနှင့် ကျောင်းဆောင်အဆောက်အအုံသည် ဝါးနှင့် မိုးကာတို့ဖြင့်သာ ယာယီဆောက်လုပ်ထားခြင် းဖြစ်ပြီး အမြန်ဆုံးပြန်လည်ပြုပြင်ခြင်းမရှိနိုင်ပါက မိုးတွင်းကာလတွင် ပိုမိုအခက်အခဲရှိလာနိုင်သည်ဟုဆိုသည်။ လောင်တလိုင်ခရိုင်တွင် မြန်မာစစ်ရှောင်စခန်း ၂၃ ခုရှိပြီး လူဦးရေ ၇၀၀၀ ကျော်ခန့်ရှိသည်ဟု သိရသည်။
(05MK) အိန္ဒိယနိုင်ငံ၏ အချုပ်အခြာအာဏာနှင့် နယ်နိမိတ်ဆိုင်ရာဂုဏ်သိက္ခာအားထိပါးစေသော လုပ်ဆောင်မှုများ ရှောင်ကြဉ်ရန်ဆိုသည့်အချက်အပါအဝင် အိန္ဒိယရောက် မြန်မာနိုင်ငံသားများလိုက်နာရန် အချက် ၅ ချက်ပါ အသိပေးမေတ္တာရပ်ခံချက်ကို အမျိုးသားညီညွတ်ရေးအစိုးရ NUG က ထုတ်ပြန်လိုက်သည်။ အမျိုးသားညီညွတ်ရေးအစိုးရအဖွဲ့ နိုင်ငံခြားရေးဝန်ကြီးဌာနမှ ဇွန်လ ၁၅ ရက်နေစွဲဖြင့် ထုတ်ပြန်သော ယင်းအသိပေး မေတ္တာရပ်ခံချက်တွင် အိန္ဒိယနိုင်ငံအတွင်း လုံခြုံရေးအရ ယာယီခိုလှုံနေကြသည့် မြန်မာနိုင်ငံသားများနှင့် ယင်းမြန်မာနိုင်ငံသားများဖွဲ့စည်းထားသည့် လူမှုအဖွဲ့အစည်းများအနေဖြင့် အိန္ဒိယသမ္မတနိုင်ငံ၏ အချုပ်အခြာအာဏာ (sovereignty) နှင့် နယ်နိမိတ်ဆိုင်ရာ ဂုဏ်သိက္ခာ (territorial integrity) ကို ထိပါးစေသည့်ပြုမူလုပ်ဆောင်မှုများကို ရှောင်ကြဉ်ကြရန်ဟု ဖော်ပြထားသည်။ မြန်မာနိုင်ငံသားများအနေဖြင့် မိမိတို့ ရောက်ရှိခိုလှုံနေထိုင်နေသည့်ပြည်နယ်၏ နိုင်ငံရေးနှင့်အုပ်ချုပ်မှုဆိုင်ရာအရေးအရာများ (political and administrative matters) (ဥပမာ – နိုင်ငံရေးပါတီများ၏ ရွေးကောက်ပွဲ မဲဆွယ် စည်းရုံးမှုနှင့် လူမျိုး ရေးအခြေပြုအချေအတင်ဖြစ်မှုများ) တွင် မလိုအပ်ဘဲ ငြိစွန်းရောယှက်မှုများ မရှိစေရေး သတိပြုနေထိုင်ကြရန်လည်း NUG အစိုးရက မေတ္တာရပ်ခံထားသည်။ မြန်မာနိုင်ငံတွင် စစ်အာဏာသိမ်းမှုကြောင့် နိုင်ငံရေးမတည်ငြိမ်မှု၊ စစ်ရေးပဋိပက္ခနှင့် စစ်ကောင်စီတပ်ဖွဲ့၏ ဖမ်းဆီးသတ်ဖြတ်မှုရန်မှ လွတ်မြောက်ရန် မြန်မာနိုင်ငံသားအမြောက်အများသည် အိမ်နီးချင်းအိန္ဒိယနိုင်ငံဘက်သို့ ထွက်ပြေးခိုလုံခဲ့ကြရသည်။ အိန္ဒိယနိုင်ငံတွင် မီဇိုရမ်ပြည်နယ်သည် မြန်မာနိုင်ငံသားများ အထူးသဖြင့် ချင်းလူမျိုးများ ထွက်ပြေးခိုလုံမှုအများဆုံး ပြည်နယ်ဖြစ်ပြီး မီဇိုရမ်ပြည်နယ်အစိုးရ၏ စာရင်းအရ မီဇိုရမ်ပြည်နယ်တစ်ခုတည်းတွင် လူဦးရေ ၃၀၀၀၀ ကျော် စစ်ဘေးတိမ်းရှောင်ခိုလုံနေကြရသည်ဟုဆိုသည်။ ထို့အပြင် မဏိပူရ်ပြည်နယ်နှင့် နယူးဒေလီမြို့တို့တွင်လည်း မြန်မာနိုင်ငံက စစ်ဘေးရှောင်ပြည်သူများ ထောင်နှင့်ချီရှိနေကြသည်။ ယခုကဲ့သို့ စစ်ဘေးရှောင်နေကြသည့်အချိန်တွင် မြန်မာနိုင်ငံသားများအနေဖြင့် မူးယစ်ဆေးဝါးနှင့်…
(03PT) အမေရိကန်ပြည်ထောင်စု မေရီလဲန်းပြည်နယ်အခြေစိုက် Chin Association of Maryland က လာမည့်ဇွန်လ ၂၇ ရက်နေ့တွင် မီဇိုရမ်ပြည်နယ်ရှိ ချင်းစစ်ဘေးရှောင်များအရေးနှင့်ပတ်သက်သော အစီရင်ခံစာထုတ်ပြန်ခြင်းနှင့်အတူ ဆွေးနွေးပွဲတရပ် ကျင်းပပြုလုပ်မည်ဟု သိရသည်။ ဇွန်လ ၂၇ ရက် နေ့လည် ၂ နာရီမှ ၃ နာရီခွဲအထိ ဝါရှင်တန်ဒီစီ Open Society Foundations မှာ ယင်းအစီစဉ်ကို ကျင်းပပြုလုပ်သွားမှာဖြစ်ပြီး Chin Association of Maryland ၏ “အိန္ဒိယနိုင်ငံ မီဇိုရမ်ပြည်နယ်ရှိ ချင်းဒုက္ခသည်များ- ဒုက္ခသည်များကို ကူညီပေးခြင်းနှင့် ၎င်းတို့အား ကြိုဆိုနေသည့် ဒေသခံအသိုင်းအဝိုင်းများကို ပံ့ပိုးပေးခြင်း” ဆိုသည့် အစီရင်ခံစာနှင့်ပတ်သက်၍ ဆွေးနွေးကြမည်ဟု ဇွန်လ ၁၄ ရက်နေ့က Chin Association of Maryland က ထုတ်ပြန်သည်။ Chin Association of Maryland မှ Reverend Tim Siemens, CAM Board Chairman, Matthew Wilch, Advisor နှင့် Zo Tum Hmung, Executive Director တို့သည် ပြီးခဲ့သည့် မတ်လ ၁၀ ရက်နေ့မှ ၂၄ ရက်နေ့အထိ အိန္ဒိယနိုင်ငံ နယူးဒေလီနှင့် မီဇိုရမ်ပြည်နယ်သို့ သွားရောက်ကာ ချင်းနှင့် မြန်မာနိုင်ငံမှ ဒုက္ခသည်များ၏ အခြေအနေကို အကဲဖြတ်လေ့လာခဲ့ ကြပြီး ယခုထုတ်ပြန်မည့်အစီရင်ခံစာသည် ခရီးစဉ်မှ အဓိက တွေ့ရှိချက်များနှင့် လူသားချင်းစာနာထောက်ထားမှုဆိုင်ရာ…
(04SS) စစ်ကိုင်းတိုင်း၊ ကလေးမြို့ ညောင်ပင်သာရပ်ကွက်ရှိ မြို့မဈေးတွင် ပန်းရောင်းသူနှင့် ပန်းပန်သူ အမျိုးသမီးများအား ယနေ့ ဇွန်လ ၁၉ ရက်နေ့ မနက်ပိုင်းတွင် စစ်ကောင်စီတပ်က ဖမ်းဆီးခေါ်ဆောင်သွားကြောင်း ကလေးမြို့ ဒေသခံများထံမှ သိရသည်။ စစ်ကောင်စီတပ်များသည် စစ်တပ်ဝတ်စုံမဟုတ်ဘဲ အရပ်သားဝတ်စုံများဝတ်ကြကာ ၎င်းတို့အား ကလေးမြို့အရှေ့ ရဲစခန်းသို့ ကားဖြင့် ခေါ်ဆောင်သွားကြောင်း သိရသည်။ ထို့သို့ စစ်ကောင်စီတပ်များ ဖမ်းဆီးခေါ်ဆောင်ခဲ့သည့် ပန်းရောင်းဈေးသည်နှင့် ပန်းပန်အမျိုးသမီးမှာ အယောက် ၂၀ ကျော်ရှိသည်ဟု သိရသည်။ ထို့နောက် စစ်ကောင်စီတပ်များသည် မြို့မစျေးတွင်သာမက ကလေးမြို့ လမ်းစုံလမ်းခွနေရာအနှံ့ ကင်းစောင့်နေကြပြီး လမ်းသွားလမ်းလာများအား စစ်ဆေးမေးမြန်းမှုများ ပြုလုပ်ကြကြောင်း ဒေသခံတစ်ဦးက ပြောသည်။ “ဒီနေ့က မနက်ကတည်းက စစ်သားတွေပဲပြည့်နေတယ်။ လမ်းသွားလမ်းလာတွေကို စစ်တယ်၊ မနက်ကတည်းကနေ နေ့ခင်းထိ ရှိကြတယ်။ ဒီမနက်လဲ ပန်းပန်တဲ့သူတွေရော ပန်းရောင်းတဲ့သူတွေရော ဖမ်းကြတာဆိုတော့ ဒီနေ့ကတော့ ပန်းပန်တဲ့သူရှိမလားဆိုတာ အဓိကစစ်တာနေမှာ” ဟု ၎င်းကပြောသည်။ လက်ရှိ ကလေးမြို့ လူစည်ကားသည့် လမ်းစုံလမ်းခွများနှင့် ရပ်ကွက်အချို့တွင် စစ်ကောင်စီတပ်များသည် အသွားအလာစစ်ဆေးမှုများ ပြုလုပ်ကြပြီး အထူးသဖြင့် ဆိုင်ကယ်လိုင်စင်၊ ယာဉ်မောင်းလိုင်စင်များ စစ်ဆေးကာ ဖမ်းဆီးမှုများပြုလုပ်နေကြောင်း သိရသည်။ ထိုသို့ စစ်ဆေးရာတွင် ဆိုင်ကယ်လိုင်စင် ယူဆောင်ခြင်းမပြုသူများအား ဒါဏ်ငွေ ၅၀၀၀၀ ကျပ်ဆောင်ခိုင်းကြောင်း စစ်ဆေးခံခဲ့သူတစ်ဦးက ပြောသည်။ ယနေ့ ဇွန်လ ၁၉ ရက်နေ့တွင် ပြည်သူများသည် အနယ်နယ်အရပ်ရပ်တွင် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ ၇၈ နှစ်မွေးနေ့အား ဂုဏ်ပြုကာ အာဏာသိမ်းစစ်တပ်အုပ်ချုပ်မှု မလိုလားကြောင်း…
(02HH) ချင်းပြည်နယ်တောင်ပိုင်း မင်းတပ်မြို့သို့ တပ်ချိန်းလာသည့် စစ်ကောင်စီတပ်ဖွဲ့နှင့် ချင်းကာကွယ်ရေး ပူးပေါင်းတပ်ဖွဲ့တို့ မင်းတပ်-ကျောက်ထုလမ်းပိုင်းတွင် တိုက်ပွဲများဖြစ်ပွားကာ ပဒေသာမိုင်းများဖြင့် မိုင်းဆွဲတိုက်ခိုက်ခံရသောကြောင့် စစ်ကောင်စီတပ်သား ၂၁ ဦး သေဆုံးခဲ့သည်ဟု သိရသည်။ အင်အား ၁၅၀ ဝန်းကျင်ခန့်ရှိသော စစ်ကောင်စီတပ်ဖွဲ့သည် မကွေးတိုင်း ကျောက်ထုမြို့မှ ချင်းပြည်နယ် မင်းတပ်မြို့သို့ တပ်ချိန်းရန် ချီတက်လာခဲ့ကြရာမှာ မေလ ၂၅ ရက်နေ့ကစ၍ ချင်းကာကွယ်ရေးပူးပေါင်းတပ်ဖွဲ့က ပဒေသာမိုင်းများဖြင့် တိုက်ခိုက်ခဲ့ခြင်းဖြစ်သည်ဟု CDF-Kanpetlet တပ်မဟာမှူးက ပြောသည်။ “မင်းတပ်ကို သီးသန့် တပ်ချိန်းဖို့အတွက် သွားတဲ့စစ်ကြောင်းပေါ့၊ အသွားတုန်းကတော့ ၁၅၀ လောက်ရှိတယ်။ ပြန်လာတော့ တပ်ချိန်းနဲ့ လုံခြုံရေးနဲ့ ၂၀၀ ဝန်းကျင်လောက် ပြန်ပြီးမှ ဆုတ်လာတဲ့အနေအထားမျိုးပေါ့။ တပ်ချိန်းက မင်းတပ်ဖက်ကနည်းသွားပြီး ပြန်လာတဲ့ဟာကို လုံခြုံရေးယူပေးတဲ့ဟာ ပိုများသွားတယ် ကျောက်ထုဖက်ကို ပြန်ပြီး ရွေ့လာကြတယ်လို့ခန့်မှန်းထားတယ်” ဟု CDF-Kanpetlet တပ်မဟာမူးက ပြောသည်။ စစ်ကောင်စီတပ်ဖွဲ့ကို CDF-Mindat, CDF-Kanpetlet, ဂန့်ဂေါခရိုင်တပ်ရင်း (၁၃) (The Youth Force) နှင့် ဂန့်ဂေါခရိုင်တပ်ရင်း (၈) စသည့် ပူးပေါင်းတပ်ဖွဲ့များက ကြားဖြတ်တိုက်ခိုက်ခဲ့ခြင်းဖြစ်ပြီး မေလ ၂၅ ရက်နေ့က တိုက်ပွဲ ပဒေသာမိုင်းဆွဲတိုက်ခိုက်မှုတွင် စစ်ကောင်စီတပ်သား ၃ ဦးသေဆုံးခဲ့သည်ဟု CDF-Kanpetlet ၏ ဇွန်လ ၁၇ ရက် ထုတ်ပြန်ချက်တွင် ဖော်ပြထားသည်။ မေလ ၂၈ ရက်နေ့တွင် မင်းတပ်မြို့သို့ တပ်ချိန်းပြီးနောက် ပြန်လည်ထွက်ခွါလာကြသော စစ်ကောင်စီတပ်ဖွဲ့ကို ပဒေသာမိုင်းဖြင့် ထပ်မံတိုက်ခိုက်ရာမှာ စစ်ကောင်စီတပ်သား…