(005MK) မီဇိုရမ်ပြည်နယ်က ယာဉ်မောင်းတစ်ဦး မြန်မာဘက်သို့ ကုန်ပစ္စည်းသွားပို့ရာတွင် သေဆုံးခဲ့သည့်ဖြစ်စဉ်နှင့် ပတ်သက်၍ လုံခြုံရေးအခြေအနေကြောင့် အိန္ဒိယ-မြန်မာနယ်စပ် ကုန်သွယ်ရေးကို ၂ လပိတ်ထားလိုက်သည်ဟု လောင်တလိုင်ခရိုင် တရားသူကြီးက အမိန့်ထုတ်ပြန်လိုက်သည်။ လောင်တလိုင်ခရိုင်နှင့် ထိစပ်နေသော အိန္ဒိယ-မြန်မာနယ်စပ်ကုန်သွယ်ရေးလမ်းကြောင်းအားလုံးကို ယနေ့ ဖေဖော်ဝါရီ ၁၆ ရက်နေ့ကစ၍ နောက်ထပ်အမိန့်ထုတ်ပြန်မှုမရှိမချင်း ၂ လပိတ်ထားမည်ဟု လောင်တလိုင် ခရိုင် တရားသူကြီး DONNY LALRUATSANGA ကအမိန့်ထုတ်ပြန်သည်။ နိုင်ငံခြားသားများအားလုံး ခွင့်ပြုချက်မရှိဘဲ နယ်စပ်ဖြတ်ကျော်၍ မည်သူမျှ ဝင်ရောက်ခွင့်မပြုကြောင်း ထုတ်ပြန်ချက်တွင်ဖော်ပြသည်။ ထို့အပြင် နယ်စပ်ဖြတ်ကျော်၍ ခရီးသွားလာခြင်းနှင့် မည်သည့်ကုန်ပစ္စည်းမှ သယ်ယူ တင်သွင်းခွင့် မပြု ကြောင်း၊ ယင်းပိတ်ပင်မှုသည် လောင်တလိုင်ခရိုင်အတွင်းရှိ ယာဉ်များအပြင် အခြားခရိုင်များက ယာဉ်များလည်း အကျုံးဝင် သည်ဟု ဆိုသည်။ လောင်တလိုင်မြို့ AOC ရပ်ကွက်မှာနေထိုင်သော အသက် ၃၇ နှစ်အရွယ် Pu Lalremsanga သည် ဖေဖော်ဝါရီ ၁၂ ရက်နေ့ က Pickup ကားတစ်စီးဖြင့် မြန်မာဘက်ခြမ်း ချင်းပြည်နယ် ပလက်ဝမြို့နယ် ရှင်းလက်ဝ (Salachhuah) ကျေးရွာသို့ ကုန်ပစ္စည်းများပို့ဆောင်ရာမှာ ပျောက်ဆုံးသွားပြီးနောက် ဖေဖော်ဝါရီ ၁၅ ရက်နေ့မှာ အလောင်းကို တွေ့ရှိ ခဲ့ကြသည်။ Pu Lalremsanga သေဆုံးသည့်နေရာသည် အာရက္ခတပ်တော် AA ထိန်းချုပ်ထားသည့် ရှင်းလက်ဝဒေသမှာဖြစ်ပြီး၊ ရှင်းလက်ဝသည် မီဇိုရမ်ပြည်နယ်တောင်ပိုင်း လောင်တလိုင်မှတဆင့် ချင်းပြည်နယ် ပလက်ဝမြို့နှင့်ရခိုင်ပြည် နယ်သို့ ကုန်ပစ္စည်းများပို့ဆောင်ရာ အဓိကနေရာဖြစ်သည်။ အဆိုပါဖြစ်စဉ်နှင့်ပတ်သက်၍လည်း လောင်တလိုင်ခရိုင်အခြေစိုက် ဗဟိုလိုင်းလူငယ်များအသင်း…
Author: Editor
(006SV) ချင်းပြည်နယ်မြောက်ပိုင်၊ ဖလမ်းမြို့နယ်ထဲကို စစ်ကြောင်းထိုးလာနေသော စစ်ကော်မရှင်တပ်များကို WITCH အမျိုးသမီးတပ်ဖွဲ့က ချင်းကာကွယ်ရေးတပ်ဖွဲ့များနှင့် ပူးပေါင်းပြီး ချင်းတောင်တန်းဒေသကို ကာကွယ်ရန် FPV ဒရုန်းများ အသုံးပြု၍ အကြိမ်ပေါင်းများစွာ ထိထိရောက်ရောက် တိုက်ခိုက်နေသည်ဟု သိရသည်။ ပြီးခဲ့သည့် ရက်ပိုင်းများတွင် ချင်းတောင်ပေါ်သို့ စစ်ကော်မရှင်တပ်များက ပြုလုပ်လာသော ထိုးစစ်များကို တုံ့ပြန်နိုင်ရန်အတွက် AIF – Myanmar အဖွဲ့သည် FPV ဒရုန်းအစီအစဉ်ကို တိုးချဲ့၍ အဆင့်မြင့်တင်မှုများ ပြုလုပ်သည်ဟု AIF Myanmar အဖွဲ့က ယမန်နေ့ ဖေဖော်ဝါရီလ ၁၂ ရက်က ထုတ်ပြန်ထားသည်။ စစ်ကြောင်းထိုးလာနေသော စစ်ကော်မရှင်တပ်များကို FPV ဒရုန်းစစ်ဆင်ရေးဖြင့် အကြိမ်ပေါင်းများစွာ ထိရောက်စွာ တိုက်ခိုက်နိုင်ခဲ့ကြောင်း AIF – Myanmar က ရုပ်သံဖိုင်များ ကိုးကား၍ ထုတ်ပြန်သည်။ အဆိုပါ စစ်ဆင်ရေးများကို AIF ၏ သီးသန့်အမျိုးသမီးအဖွဲ့ဖြစ်သည့် WITCH အဖွဲ့က ချင်းကာကွယ်ရေး တပ်ဖွဲ့များနှင့် ပူးပေါင်းဆောင်ရွက်နေခြင်းဖြစ်ပြီး စစ်ကော်မရှင်တပ်ဖွဲ့များကို အပြင်းအထန် အထိနာစေလျက်ရှိသည်ဟု သိရသည်။ စစ်ကော်မရှင်တပ်များ၏ ထိုးစစ်ဆင်လာမှုများကို ဟန့်တားနိုင်ရန်အတွက် ချင်းကာကွယ်ရေးတပ်ဖွဲ့များသည် လက်တွဲ၍ တွန်းလှန်လျက်ရှိကြောင်း သိရသည်။ ရှေတန်းစစ်မျက်နှာပြင်သို့ ဒရုန်းများ ပိုမိုပေးပို့နိုင်ရန်အတွက် AIF နှင့် WITCH အဖွဲ့ထံသို့ ကူညီထောက်ပံ့မှုများ ပြုလုပ်ပေးရန်လည်း မေတ္တာရပ်ခံတောင်းဆိုထားသည်။ စစ်ကော်မရှင်တပ်၏ ဆက်သွယ်ရေးလှိုင်းဖြတ်စက် (Jammer) များကို ကျော်ဖြတ်ပြီး စစ်ကော်မရှင်တပ်များကို နည်းပညာအဆင့်မြင့်ထားသော အသေခံဒရုန်များဖြင့် တိုက်ခိုက်နိုင်ခဲ့ကြောင်း ဖက်ဆစ်ဆန့်ကျင်ရေး နိုင်ငံတကာတပ်ဦး AIF Myanmar…
(006SV) ချင်းပြည်နယ်၊ ဟားခါးမြို့ပေါ်မှာ ဒေသခံပြည်သူများထံ ငွေတောင်းကြမ်းနေသည့် စစ်ကော်မရှင် ရဲတပ်ဖွဲ့ကို ပြည်ထောင်စုနေ့တွင် ချင်းကာကွယ်ရေးတပ်ဖွဲ့က စောင့်ကြိုတိုက်ခိုက်ရာ စစ်ကောင်စီတပ်ဖွဲ့ဝင် ၃ ဦး သေဆုံးပြီး ၅ ဦးထိခိုက်ဒဏ်ရာ ရရှိသည်ဟု သိရသည်။ ဖေဖော်ဝါရီလ ၁၂ ရက် ည ၇ နာရီ ၁၅ မီနစ်မှာ ဟားခါးမြို့၊ ပြည်တော်သာရပ်ကွက်တွင် စစ်ကော်မရှင်၏ ရဲတပ်ဖွဲ့ ကား ၃ စီးကို စောင့်ကြို၍ စီးနင်းတိုက်ခိုက်ခြင်းဖြစ်ပြီး ကား ၂ စီးမှာ ထိခိုက်ပျက်စီးမှု ကြီးမားသည်ဟု CDF ဟားခါးကောင်စီ ဥက္ကဌ Salai Hram Lian က ပြောသည်။ “မနေ့က ပြည်ထောင်စုနေ့ညမှာ ပျော်ပါးနေတဲ့ သူတို့ကို အပြန်မှာ ကျနော်တို့က ချောင်းပြီးတော့ ပစ်တာပါ။ အဲဒါ ဒဏ်ရာ ရတာက ၅ ယောက်၊ ကျဆုံးက ၃ ယောက်ပေါ့နော။ ဘယ်ရာထူးတွေလဲ၊ ဘယ်သူတွေလဲဆိုတာ ကျနော်တို့က အတည်မပြုနိုင်သေးဘူး။ သေဆုံးတာရယ်၊ ဒဏ်ရာ ရတာရယ်ပဲ ကျနော်တို့က သိနိုင်သေးတာပါ” ဟု Salai Hram Lian က ပြောသည်။ ဟားခါးမြို့တွင် တာဝန်ကျနေသော ပြည်နယ်ရဲမှူးကြီးသည် ၎င်း၏ ရဲတပ်ဖွဲ့ကို တစ်နေ့ သိန်း ၃၀ ထက်မနည်း ရရှိအောင် လုပ်ဆောင်ရန် ညွှန်ကြားထားပြီး ဟားခါးမြို့ တပ်ကုန်းမှ ဗျူဟာမှူးထံ ငွေကြေး တံစိုလက်ဆောင်များ ပေးနေရသောကြောင့် CDF ဟားခါးက ယခု…
(002MG) စစ်ကိုင်းတိုင်း၊ ကလေးမြို့ပေါ်တွင် စစ်ကော်မရှင်တပ်ဖွဲ့က လူငယ်ဖမ်းဆီးမှုများလာသောကြောင့် အထူးဂရုစိုက်ကြရန် ကလေးမြို့လူထုတိုက်ပွဲဦးဆောင်ကော်မတီမှ အရေးပေါ်သတိပေးချက်ကို ယနေ့ ဖေဖော်ဝါရီ ၁၃ ရက်တွင် အသိပေး ထုတ်ပြန်ထားသည်။ ကလေးမြို့၊ စံပြလမ်းနှင့် ပင်လုံလမ်းမတော်ထောင့်၊ ဆိပ်ကမ်းသာဈေး နေရာတို့သည် စစ်ကော်မရှင်တပ်က နေ့စဉ်နီး ပါး အကြိမ်ကြိမ် ပေါ်တာဆွဲခြင်းနှင့် ဖမ်းဆီးခြင်းများ ပြုလုပ်လေ့ရှိသည့် နေရာများဖြစ်သော ကြောင့် လူငယ်များ အနေဖြင့် လုံးဝ (လုံးဝ) ဖြတ်သန်းသွားလာခြင်း မပြုလုပ်ရန် ထုတ်ပြန်ချက်တွင် ဖော်ပြထားသည်။ ထို့အပြင် စစ်ကော်မရှင်တပ်များမှ ပုံမှန်စစ်ဆေးခြင်းနှင့် ဖမ်းဆီးခြင်းများ ပြုလုပ်နေသော နေရာများဖြစ်သည့် မြို့သာတံတားအနီး၊ ပင်လုံမီးပွိုင့်၊ မြို့ထွက်ဂိတ်များ၊တံတားဦးစံပြလမ်းချိုး၊ စမ်းမြို့ဘုန်းကြီး ကျောင်းအနီး၊ ဘူတာလမ်းခွဲ နှင့် တောင်သာ ဘက်နေရာတို့ကိုလည်း သတိထားရှောင်ရှားကြရန် လိုအပ်ကြောင်း ကလေးမြို့လူထု တိုက်ပွဲဦးဆောင်ကော်မတီမှ ထုတ်ပြန်ထားသည်။ ယနေ့ ဖေဖော်ဝါရီလ (၁၃) ရက် ညနေ ၃ နာရီခွဲနောက်ပိုင်းမှာလည်း ကလေးမြို့အထွက် ကျီးကုန်းဂိတ်တွင် ကျီးကုန်း ကျေးရွာမှ လူငယ်များကို စစ်မှုထမ်းရန်အတွက် ဖမ်းဆီးခေါ်ဆောင်သွားသည်ဟု သိရသည်။ ထို့ကြောင့်ကလေးမြို့အတွင်း နေထိုင်ကြသော မိဘပြည်သူများနှင့် လူငယ်များအနေဖြင့် လက်ရှိဖြစ်ပေါ်နေသော နယ်မြေအခြေအနေများအရ မိမိတို့၏ လုံခြုံရေးအတွက် အထူးဂရုပြု သွားလာကြရန်ကလေးမြို့လူထု တိုက်ပွဲ ဦးဆောင်ကော်မတီမှ အရေးပေါ်အသိပေးနှိုးဆော်ထားပါသည်။ ကလေးမြို့လူထုတိုက်ပွဲဦးဆောင်ကော်မတီ၏ အကြံပြုချက်ထဲတွင် ကလေးမြို့သူ၊ မြို့သားများအနေဖြင့် တစ်ဦး နှင့်တစ်ဦး သတင်းဖလှယ်ကြရန်နှင့် မလိုအပ်ဘဲ အပြင်ထွက်ခြင်း၊ အန္တရာယ်ရှိသော လမ်းပိုင်းများအား အသုံးပြု ခြင်းများမှ အတတ်နိုင်ဆုံး ရှောင်ကြဉ်ကြပါရန် လေးနက်စွာ…
(006SV) ပင်လုံအနှစ်သာရ ပါဝင်သည့် Bottom- Up ဖက်ဒရယ်ဝါဒကို အခြေခံဦးတည်ကာ ဖက်ဒရယ် ဒီမိုကရေစီ ပြည်ထောင်စုသစ် တည် ဆောက်ရေးအတွက် ဆန္ဒတူညီသော တော်လှန်ရေး အင်အားစုများနှင့် ပူးပေါင်းဆောင်ရွက်သွားမည်ဟု ချင်းအမျိုးသားတပ်ဦး CNF က ကြေညာသည်။ ယနေ့ ဖေဖော်ဝါရီ ၁၂ ရက်နေ့တွင်ကျရောကသော ၇၉ နှစ်မြောက် ပင်လုံစာချုပ် ချုပ်ဆိုခြင်း အထိမ်းအမှတ် အခမ်းအနားသို့ ပေးပို့သော ချင်းအမျိုးသားတပ်ဦး၏ သဝဏ်လွှာတွင် အသိပေးထုတ်ပြန်ခြင်းဖြစ်သည်။ စစ်တပ်ကင်းရှင်းသည့် အနာဂါတ်မြန်မာပြည် နိုင်ငံရေးစနစ်ကို ဖော်ဆောင်သွားမည်ဖြစ်ပြီး ကိုယ်ပိုင်ပြဌာန်းခွင့်အရေး၊ ဖက်ဒရယ် အရေးနှင့် ဒီမိုကရေစီအရေးတို့အတွက် စစ်အာဏာရှင်ကို ခုခံတွန်းလှန်ရင်း အသက်ပေးလှူ တိုက်ပွဲဝင်နေကြောင်း ချင်းအမျိုး သားတပ်ဦး၏ ထုတ်ပြန်ချက်မှာ ဖော်ပြထားသည်။ အာဏာသိမ်းခေါင်းဆောင် မင်းအောင်လှိုင် ဦးဆောင်သည့် စစ်အုပ်ချုပ်ရေးကို တွန်းလှန်တိုက်ပွဲဝင်နေသော တော်လှန်ရေးအင်အားစုများနှင့်အတူ လက်ရှိတော်လှန်ရေး ခရီးကြမ်း တလျှောက်လုံးတွင် တစိုက်မတ်မတ် လက်တွဲသွားမည်ဟု ဆိုသည်။ စစ်ကော်မရှင်၏ အတုအယာင် ရွေးကောက်ပွဲမှ ထွက်ပေါ်လာမည့် အတုအယောင် ပြည်ထောင်စုလွှတ်တော်သည် အနာဂါတ် စစ်တပ်အုပ်ချုပ်ရေးကို အထောက်အကူပေးမည့် ဟန်ပြလွှတ်တော်များသာ ဖြစ်ကြောင်း အဆိုပါ ကြေညာချက်မှာ အသိပေးထားသည်။ လွတ်လပ်သော ပြည်ထောင်စုတစ်ခုကို တည်ဆောက်ရာတွင် အမျိုးသားတန်းတူရေးနှင့် ကိုယ်ပိုင်ပြဌာန်းခွင့်တို့ကို အာမခံချက် ပေးသော ဖက်ဒရယ်စနစ်ကို အခြေခံသည့် ဖွဲ့စည်းပုံအခြေခံဥပဒေ ရေးဆွဲရာတွင် “ပင်လုံစာချုပ်၊ ပင်လုံကတိကဝတ်နှင့် ပင်လုံ စိတ်ဓါတ်”တို့သည် အခြေခံရမည့် ပင်လုံအနှစ်သာရဖြစ်သည်ဟု ဆိုသည်။ ယနေ့ သည် သီးခြားလွတ်လပ်စွာ နေထိုင်လာကြသော ကချင် တောင်တန်းဒေသ၊…
(004SS) ချင်းပြည်နယ်၊ တီးတိန်မြို့နယ်အတွင်း PDF-Zoland က ဘိန်းစိုက်ခင်းတွင် နေ့စားအဖြစ်အလုပ်လုပ်ကိုင်နေကြသော လုပ်သားရာချီထိန်းသိမ်းလိုက်သည့်အပေါ် ဒေသခံမျးအကြား ဝေဖန်မှုများ ရှိလာနေသည်။ ZFU/PDF-Zoland အဖွဲ့သည် ဖေဖော်ဝါရီလဆန်းပိုင်းက တီးတိန်မြို့နယ်အတွင်းရှိ ဘိန်းခင်းများမှာ နေ့စားအလုပ်သမား အဖြစ် ဒေသစုံမှ သွားရောက်လုပ်ကိုင်နေကြသော အလုပ်သမားပေါင်း ၂၀၀ ကျော် ဖမ်းဆီးခဲ့သည်ဟု သိရသည်။ ယင်းဖြစ်စဉ်နှင့် ပတ်သက်၍ PDF-Zoland နှင့် နီးစပ်သူတစ်ဦးက “PDF-Zoland က ခေါ်ဆောင်သွားတယ်ဆိုတာ မှန်ပါ တယ်။ လုပ်သားအားလုံးနီးပါး အယောက် ၂၀၀ ကနေ ၃၀၀ ကြားရှိမယ်။ အခုက ဘိန်းစေးထုတ်တဲ့အချိန်ဆိုတော့ ရှိသမျှလူတွေ အကုန်ထွက်လုပ်ကြတာပေါ့။ ကလေးရော လူကြီးရော အကုန်စုပုံမယ်ထင်တယ်။ နေ့တွက်ပေးတာကလဲ ကျပ် ၁၅,၀၀၀ – ၃၀,၀၀၀ ကြားလောက်ဆိုတော့ ရှိသမျှလူတွေ အကုန်ထွက်ကြတာပေါ့နော်။ အဲဒီဒေသက စိုက်ပျိုးရေး သိပ်မဖြစ်ထွန်းတော့ တခြားလုပ်စရာရှားလို့ ဘိန်းစိုက်အလုပ် လုပ်ကြတာများတယ်။ PDF-Zoland ဘက်ကတော့ အစကတည်းက တားထားပြီးသားဆိုတော့ အခုက အရေးယူတဲ့အပိုင်းလို့ မြင်ပါတယ်” ဟု ပြောသည်။ PDF-Zoland ၏ ဖေဖော်ဝါရီလ ၈ ရက်နေ့ ထုတ်ပြန်ချက်တွင် ထိန်းသိမ်းထားသည့် လုပ်သားများအနက် အသက် ၁၈ နှစ်မှ ၃၅ နှစ်အတွင်း မဟုတ် သူများ၊ အိမ်ထောင်ဦးစီးများနှင့် ရုပ်ပိုင်း၊ စိတ်ပိုင်းဆိုင်ရာ ကျန်းမာရေးမကောင်းသူများ၊ တစ်ဦးတည်းသား/သမီးများနှင့် တော်လှန်ရေးတပ်ဖွဲ့တွင် ပါဝင်ပြီးသား မိသားစုများအား ပြန်လည်လွှတ်ပေးခဲ့ပြီးနောက် ကျန်ရှိသူများကို ပြည်သူ့အတွက် တာဝန်ထမ်းဆောင်သူများ ဖြစ်လာစေရန် ဆောင်ရွက်သွားမည်ဟု…
(006SV) ချင်းပြည်နယ်မြောက်ပိုင်း၊ တွန်းဇံမြို့နယ်အတွင်းက ကျေးရွာတချို့တွင် Thado Defense Army(TDA) က သီးသန့် အုပ်ချုပ်ရေး နယ်မြေ ဖော်ဆောင်ရန်အတွက် စည်းရုံးနေခြင်းများကို တားမြစ်ကန့်ကွက်ကြောင်း တွန်ဇံမြို့နယ် ကောင်စီ/ CDF – တွန်ဇံက ထုတ်ပြန်သည်။ Thado Defense Army (TDA) အနေဖြင့် တွန်းဇံမြို့နယ်၊ ရှဲလ်ထော်ဇံတိုက်နယ်အတွင်းရှိ ကျေးရွာများကို မည်သည့်နည်းဖြင့် မဆို ဖျောင်းဖျ၊ စည်းရုံး ဆွဲဆောင်ခြင်း၊ လက်နက်ဖြင့် စည်းရုံးခြင်းများကို မပြုလုပ်ရန် တားမြစ်ကြောင်း ဖေဖော်ဝါရီလ ၈ ရက်က တွန်းဇံကောင်စီက ကြေညာသည်။ “သူတို့က ထန်ကိုင်နယ်မြေဆိုပြီးတော့ အုပ်ချုပ်ရေး ဖော်ဆောင်ချင်ကြတာပါ။ ထန်ကိုင်နယ်မြေတွေဟာ ထာဒိုမျိုးနွယ်စု တစ်စု တည်း ပိုင်ဆိုင်သည့် နယ်မြေမဟုတ်ပါဘူး။ ဇို မျိုးနွယ်စုတွေလည်း နေထိုင်တယ် ဆိုတော့ မျိုနွယ်စု နှစ်စုပိုင်ဆိုင် သည့်နယ်မြေပါ။ ထာဒိုမျိုးနွယ်စုအတွက် ထန်ကိုင်နယ်မြေဆိုပြီးတော့ ဘယ်အစိုးရကမှ နယ်မြေသီးသန့်အုပ်ချုပ်ခွင့်မပေးဘူးပါ။ ခေတ်အဆက်ဆက် တက်လာတဲ့ အစိုးရက တွန်းဇံမြို့နယ်၊ ဘယ်အုပ်စု၊ ဘယ်ကျေးရွာဆိုပြီး မြို့နယ်ကနေ တိုက်ရိုက်အုပ်ချုပ်တာပါ” ဟု တွန်းဇံကောင် စီဥက္ကဌ ထန်ဆွင်းမုန်က ပြောသည်။ တွန်းဇံမြို့နယ်ကောင်စီ အုပ်ချုပ်မှုအောက်မှာ တည်ရှိသော ရှဲလ်ထော်ဇံကျေးရွာ၊ စိန်တူမ်း (တွီးဂဲလ်) ကျေးရွာ၊ ဟားခါး လေးကျေးရွာ၊ လီခန့်ကျေးရွာ၊ ဇိုလဲန်းကျေးရွာ၊ ဆက်စိကျေးရွာ၊ မောက်လွန်းကျေးရွာ၊ ထန်ဒွန်းကျေးရွာတို့သည် ရှဲလ်ထော်ဇံတိုက်နယ်ကောင်စီ၏ ဖွဲ့စည်းမှုအောက်တွင် တည်ရှိသည်ဟု တွန်းဇံမြို့နယ်ကောင်စီ၏ ထုတ်ပြန်ချက်မှာ ဖော်ပြထားသည်။
(005MK) မီဇိုရမ်ပြည်နယ်ရှိ မြန်မာစစ်ဘေးရှောင်များ၏ ဇီဝအချက်အလက်ကောက်ယူမှုသည် ၉၀ ရာခိုင်နှုန်းကျော် ပြီးစီးသွားပြီဟု ပြည်ထဲရေးဝန်ကြီးဌာနစာရင်းကို ကိုးကား၍ All India Radio News ကဖော်ပြသည်။ မီဇိုရမ်ပြည်ထဲရေးဝန်ကြီးဌာန၏ စာရင်းအရ ယခုလက်ရှိ မီဇိုရမ်ပြည်နယ်တွင် မြန်မာစစ်ဘေးရှောင် ၂၈၃၅၅ ဦးရှိသည့် အနက် ၂၆၃၈၁ ဦး၏ ဇီဝအချက်အလက် (biometric enrolment) ကို ကောက်ယူပြီးစီးပြီဖြစ်ကာ ယင်းသည် ၉၃.၄ ရာခိုင်နှုန်းရှိသည်ဟု ဖော်ပြသည်။ Aizawl၊ Lunglei၊ Champhai နှင့် Serchhip စသည့် ခရိုင် ၄ ခုစလုံးတွင် ဇီဝအချက်အလက်ကောက်ယူမှုအားလုံးပြီးစီးသွားပြီဟု ဆိုသည်။ ချင်းပြည်နယ် ဖလမ်းမြို့နယ်ဘက်တွင် တိုက်ပွဲဖြစ်ပွားမှုကြောင့် ဇန်နဝါရီ နှင့် ဖေဖော်ဝါရီ ပထမပတ်အတွင်း မြန်မာစစ်ဘေးရှောင် ၄၀၀ နီးပါး Champhai ခရိုင်ထဲဝင်ရောက်လာကြပြီး ၎င်းတို့ကိုလည်း အချက်အလက်များကောက်ယူပြီးစီးပြီဟု သတင်းစာကဖော်ပြသည်။ တချိန်တည်းမှာပဲ Siaha၊ Kolasib၊ Saitual၊ Mamit ၊ Khawzawl နှင့် Lawng tlai ခရိုင်ဘက်မှာတော့ လမ်းပန်းဆက်သွယ်ရေးအခက်အခဲတချို့ကြောင့် ဇီဝအချက်အလက်ကောက်ယူမှု မပြီးမြောက်နိုင်သေးဘဲ အနည်းငယ်ကျန်နေသေးကြောင်း ဖော်ပြထားသည်။
(006SV) ချင်းပြည်ကောင်စီ၊ ချင်းပြည်အစိုးရအဖွဲ့အသစ်ကို ပြန်လည်ပြင်ဆင်ဖွဲ့စည်းပြီးနောက် ချင်းပြည်အစိုးရအဖွဲ့ ဝန်ကြီးချုပ်အသစ် ဦးဆောင်၍ စစ်ရေးစီမံချက်များ အပါအဝင် ကဏ္ဍ ၇ ခုကို ဆွေးနွေးခဲ့ကြောင်း သိရသည်။ ဖေဖော်ဝါရီလ ၆ ရက်မှ ၇ ရက်အထိ ချင်းလုံမြို့တွင် ချင်းပြည်ကောင်စီ၊ ချင်းပြည်အစိုးရအဖွဲ့၏ ပထမအကြိမ် အစည်းအဝေး အမှတ်စဉ် ၁/ ၂၀၂၆ ကို ကျင်းပပြုလုပ်ခြင်းဖြစ်သည်။ အစည်းအဝေးတွင် ကာကွယ်ရေး ဝန်ကြီးဌာနမှ ဆောင်ရွက်ခဲ့သော စစ်ရေးအခြေအနေများ ရှင်းလင်းခြင်းနှင့် စစ်ရေးစီမံချက်များ၊ နယ်မြေအငြင်းပွားမှု ဖြေရှင်းနိုင်ရေးဆိုင်ရာ စုံစမ်းစစ်ဆေးရေး ကော်မတီဖွဲ့စည်းနိုင်ရေး၊ ချင်းပြည်အတွင်း လူသားချင်းစာနာထောက်ထားရေးဆိုင်ရာ ဘဏ္ဍာငွေ လျာထားခြင်းတို့ကို ဆွေးနွေးကြောင်း သိရသည်။ ထို့အပြင် ချင်းပြည်ပြည်သူ့ရဲတပ်ဖွဲ့ကိစ္စရပ်များ၊ ပညာရေးဝန်ကြီးဌာနမှ အကောင်အထည်ဖော် ဆောင်ရွက်ရန် ရှိသော ချင်းပြည် BECA စာမေးပွဲကိစ္စရပ်များ၊ အစိုးရအဖွဲ့မှ ဒေသန္တရလူထု တွေ့ဆုံခြင်း အစီအမံရေးဆွဲခြင်းကိစ္စရပ်များ၊ ဖေဖော်ဝါရီလ၏ ရငွေ/သုံးငွေ စာရင်းရှင်းတမ်းကိစ္စရပ်များကိုလည်း ဆွေးနွေးခဲ့သည်ဟု သိရသည်။ အစိုးရအဖွဲ့အစည်းအဝေးကို ဝန်ကြီးချုပ် ဆလိုင်းမျိုးထိုက်၊ ကာကွယ်ရေးဝန်ကြီး Pu Ram Kulh Cung ၊ ပြည်ထဲရေးဝန်ကြီး Pu Ram Chum Mang ၊ စီမံကိန်းနှင့် ဘဏ္ဍာရေးဝန်ကြီး Pu Maung Oo ၊ ကျန်းမာရေးဝန်ကြီး Dr. Sharon Par ၊ ပညာရေးဝန်ကြီး Salai James Neih Thung ၊ ရှေ့နေချုပ် Dr. Tial Hnin…
(004SS) ချင်းပြည်နယ်၊ ထန်တလန်မြို့နယ်ရှိ တလန်ခွါကျေးရွာကို ယနေ့ ဖေဖော်ဝါရီ ၁၀ ရက် နေ့လယ်ပိုင်းတွင် စစ်ကော်မရှင်တပ်က ဂျက်ဖိုက်တာဖြင့် ဗုံးကြဲတိုက်ခိုက်ခဲ့ရာ အရပ်သားပြည်သူ ၆ ဦး သေဆုံးပြီး ကျောင်းသူ/ကျောင်းသားများအပါအဝင် အများအပြား ထိခိုက်ဒဏ်ရာရရှိခဲ့ကြောင်း သိရသည်။ ယနေ့ နေ့လည် ၁၂ နာရီဝန်းကျင်မှာ မြေပြင်တိုက်ပွဲဖြစ်ပွားခြင်းမရှိဘဲ စစ်ကော်မရှင်တပ်က ဂျက်ဖိုက်တာဖြင့် ဗုံးကြဲ တိုက်ခိုက်ခဲ့ခြင်းဖြစ်ပြီး ပေါက်ကွဲမှုကြောင့် ၅ ဦးပွဲချင်းသေဆုံးခဲ့ကာ နောက်တစ်ဦးမှာ ဒဏ်ရာပြင်းထန်မှုကြောင့် ထပ်မံ သေဆုံးခဲ့ရကြောင်း သိရသည်။ “ နေ့လယ်က ဗုံးကြဲသွားတာ ၅ ယောက် ပွဲချင်းပြီး ဆုံးသွားတယ်။ နောက်မှ တစ်ဦးက ထပ်ဆုံးတာ။ ဒဏ်ရာရတဲ့သူက ၇ ယောက်လောက်ရှိတယ်လို့ ကြားသိရတယ်။ တလန်ခွါက ဖလမ်းမြို့နယ်ဘက်နဲ့နီးတယ်၊ Khuahringtlang တောင် ကြော မှာရှိတာပေါ့နော်။ အရင် က ခဏခဏဗုံးကျဲခံရတဲ့ khuafo ကျေးရွာနဲ့ တောင်ကြောတစ်ခုတည်းမှာတည်တာပါ” ဟု အကြောင်းသိရှိသူ အမျိုးသမီးတစ်ဦးက ပြောသည်။ ဗုံးကြဲမှုကြောင့် သေဆုံးသူများမှာ – ပူးရလ်လပ်၊ ပူးထန်ကျဲအို၊ ပူးရွှေကျုံး၊ ပူးငွန်လျန်းထောင်၊ ပူးကျုံးကျင်းထောင်၊ ပူးဗျက်ကုန်း တို့ဖြစ်ကြသည်။ ထို့အပြင် ဗုံးကြဲမှုကြောင့် ကျောင်းသူ/သား အချို့လည်း ထိခိုက်ဒဏ်ရာရရှိခဲ့ကာ စုစုပေါင်း ဒဏ်ရာရရှိသူ ၇ ဦးခန့် ရှိနေကြောင်း သိရသည်။ ဒေသခံပြည်သူများသည် လေကြောင်းဖြင့် ထပ်မံတိုက်ခိုက်ခံရမည်ကို စိုးရိမ်မှုကြောင့် ဘေးလွတ်ရာသို့ တိမ်းရှောင်နေကြရကြောင်း သိရသည်။