Author: Editor

(005MK) ချင်းပြည်နယ်တောင်ပိုင်း ပလက်ဝမြို့နယ်ထဲက ဒေသခံပြည်သူများ စစ်ဘေးတိမ်းရှောင်နေကြသော မီဇိုရမ် ပြည်နယ် လောင်တလိုင်ခရိုင်ထဲက စစ်ရှောင်စခန်းတွင် ပြင်းထန်ဝမ်းပျက်ဝမ်းလျှောရောဂါကြောင့် ၄ ဦး သေဆုံးပြီဟု သိရသည်။ မီဇိုရမ်ပြည်နယ် လောင်တလိုင်ခရိုင် ကာကီကျေးရွာမှာ နိုဝင်ဘာလဆန်းပိုင်းကစ၍ ဝမ်းပျက်ဝမ်းလျှောရောဂါများ ဖြစ်ပွားခဲ့ကြပြီး ဒေသခံ ၂ ဦး နှင့် စစ်ဘေးရှောင် ၂ ဦးတို့ သေဆုံးခဲ့ကြောင်း စစ်ဘေးရှောင် နှင့်နီးစပ်သူများထံမှ သိရ သည်။ ကာကီကျေးရွာတွင် ဝမ်းပျက်ဝမ်းလျှောရောဂါကြောင့် ပြီးခဲ့သည့် နိုဝင်ဘာလ ၄ ရက်နေ့က အသက် ၇၅ နှစ်အရွယ် ဦး လောမ်ပါသေဆုံးခဲ့ပြီး၊ နိုဝင်ဘာလ ၉ ရက်နေ့က အသက် ၂၄ နှစ်အရွယ် ဒေါ်နီဒါ၊ အသက် ၄၈ နှစ်အရွယ် ဦးကိုင်လော နဲ့ ယနေ့ နိုဝင်ဘာ ၁၁ ရက်မနက်ပိုင်းမှာ အသက် ၂၈ နှစ်အရွယ် ကိုဆောလ တို့ သေဆုံးခဲ့သည်ဟု ဒေသတွင်းသတင်းမှာ ဖော်ပြသည်။ ယခုလက်ရှိတွင်လည်း ကာကီကျေးရွာတွင် ဝမ်းပျက်ဝမ်းလျှောရောဂါဖြစ်ပွားသူ အယောက် ၂၀ ဝန်းကျင်ခန့်ရှိနေပြီး လောင်တလိုင်မြို့ကနေ ကျန်းမာရေးလုပ်သားများစေလွှတ်ကာ ကုသရေးများဆောင်ရွက်ရန်စီစဉ်နေကြသည်ဟု သိရ သည်။ ကာကီကျေးရွာသည် အိန္ဒိယ-မြန်မာနယ်စပ်တွင်တည်ရှိသောကျေးရွာဖြစ်ပြီး ပလက်ဝမြို့နယ်က စစ်ဘေးရှောင် ၅၀၀ ကျော်နေထိုင်ကြသည်ဟု သိရသည်။

(006SV) ချင်းပြည်နယ်မြောက်ပိုင်း၊ တီးတိန်မြို့မှ သိုင်းငင်းရွာကို စစ်ကြောင်းထိုးဝင်ရောက်လာသည့် စစ်ကော်မရှင်တပ်နှင့် ချင်းပူးပေါင်း တပ်တို့ တိုက်ပွဲများ ဆက်လက်ဖြစ်ပွားနေရာ ယမန်နေ့က တိုက်ပွဲတွင် စစ်ကော်မရှင်တပ်က အထိအခိုက်အကျဆုံး များသည်ဟု သိရသည်။ နိုဝင်ဘာလ ၉ ရက်က စစ်ကော်မရှင်တပ် စစ်ကြောင်းသည် သိုင်းငင်ရွာကို ရောက်ရှိလာချိန်တွင် ချင်းပူးပေါင်း တပ်က မိုင်းထောင် တိုက်ခိုက်ခြင်းဖြစ်ပြီး စစ်ကော်မရှင်တပ်က ၂၀ ခန့် သေဆုံးပြီး ၇ ဦး အပြင်းအထန် ရရှိကြောင်း CDF CDM Siyin ပြောရေးဆိုခွင့်ရှိ သူ ဆလိုင်း ဒီကီက ပြောသည်။ “မနေ့က တိုက်ပွဲက ပြင်းထန်တယ်လို့ ပြောရမယ်။ မနေ့က ကျနော်တို့က သိုင်းငင်းကို ဆုတ်လိုက်ရတော့ အထွက်လမ်းတွေရော အဲဒီမှာက မိုင်းတွေ တော်တော်ထောင်ခဲ့ပါတယ်။ အဲဒီမှာ သူတို့က အတော်လေး အထိနာသွားတဲ့ သဘောရှိတယ်။ ကျနော်တို့ မြင်တွေ့ရတာက ၇ ဦးက ပွဲချင်းပြီး သေတယ်။ ပြီးတော့ ၂၀ ကျော်က အပြင်းအထန် ဒဏ်ရာ ရတယ်လို့ ကျနော်တို့ သိထားတယ်။ ဒါပေမယ့် ဒီမနက် (နိုဝင်ဘာလ ၁၀ရက်) အတွင်းသတင်းကနေ ပြန်ကြားတာက သေတာက အယောက် ၂၀ တဲ့၊ ၇ ဦးကတော့ အပြင်းအထန် ဒဏ်ရာ ရတာဆိုပြီးတော့ ပြောတယ်” ဟု ဆလိုင်း ဒီကီက ပြောသည်။ နိုဝင်ဘာလ ၇ ရက်ကလည်း လေထန်ကုန်း ခေါ် Fort…

(006SV) ဗိုလ်ချုပ်ထွန်းမြတ်နိုင် အပါအဝင် ULA/ AA ထိပ်ပိုင်းခေါင်းဆောင်များနှင့် ချင်းညီနောင် (CB) အဖွဲ့‌တို့ တွေ့ဆုံပြီး စစ်ရေး မဟာ မိတ်အပြင် နိုင်ငံရေးနှင့် စီးပွားရေး မဟာမိတ်အထိ ပူးပေါင်းချိတ်ဆက်ဆောင်ရွက်ရေး ဆွေးနွေးနိုင်ခဲ့ သည်ဟု ချင်းညီနောင် ပြောရေးဆိုခွင့်ရှိသူ ဆလိုင်းယောမန်က ပြောသည်။ ချင်းညီနောင်အဖွဲ့၏ ခေါင်းဆောင်များသည် ပြီးခဲ့သည့်အောက်တိုဘာလအတွင်း ရခိုင်ပြည်နယ်သို့ သွားရောက်ပြီး ဗိုလ်ချုပ်ထွန်းမြတ်နိုင် အပါအဝင် ရက္ခိုင်အမျိုးသားအဖွဲ့ချုပ် (ULA) ထိပ်ပိုင်းခေါင်းဆောင်များ၊ အာရက္ခတပ်တော် (AA) ထိပ်ပိုင်းခေါင်းဆောင်များကို စုံစုံလင်လင်တွေ့ဆုံကာ ဆွေးနွေးနိုင်ခြင်းဖြစ်သည်ဟု နိုဝင်ဘာလ ၈ ရက်က ပြုလုပ်သော ချင်းညီနောင် ရန်ပုံငွေပွဲတွင် CB ပြောခွင့်ရက ပြောသည်။ “ပြီးခဲ့တဲ့လကပါ။ တွေ့ဆုံကြတာပါ။ ဆွေးနွေးကြတာပါ။ အဓိကက တော်လှန်ရေးနဲ့ ပတ်သက်လို့ စစ်ရေးမှာ ဘယ်လိုပူးပေါင်းကြမလဲ၊၊ ဘယ်လိုအပြန်အလှန် ကူညီကြမလဲ၊၊ အဓိကက စစ်ကောင်စီရဲ့ တန်ပြန်ထိုးစစ်လာနိုင်တာကို ခန့်မှန်းထားတယ်။ ပြင်ဆင်ထားကြတာပေါ့။ အဲဒီမှာ တွေ့ရတော့မှ စစ်ရေးမဟာမိတ်အပြင် နိုင်ငံရေးနဲ့ စီးပွားရေး မဟာမိတ်အထိ ပူးပေါင်းချိတ်ဆက်ဖို့ လူမျိုးချင်း အပြန်အလှန် ကူညီဖေးမကြဖို့ပါ” ဟု ဆလိုင်းယောမာန်က ပြောသည်။ စစ်အစိုးရ ခေတ်အဆက်ဆက်သည် ချင်းနှင့် ရခိုင်ကို ဝေးကွာနေအောင် လုပ်ထားပြီး ရခိုင်ပြည်နယ်နှင့် နီးကပ်သောကြောင့် လက်ရှိကာလတွင် စီးပွားရေး ပူးပေါင်းလုပ်ဆောင်နိုင်မှုနှင့် ကုန်သွယ်နိုင်မှုကိုလည်း ဆွေးနွေးသည်ဟု သိရသည်။ ချင်းညီနောင်အဖွဲ့၏ ရခိုင်ပြည်နယ် ခရီးစဉ်တွင် ULA/ AA ခေါင်းဆောင်များက ကူညီနိုင်မည့် အပိုင်းနှင့် ပူးပေါင်းဆောင်ရွက် နိုင်မည့်အပိုင်းတို့ကို စိတ်ဝင်တစား…

စစ်တပ်က ဒေသခံ ၁၄ ဦးကို လူသားဒိုင်အဖြစ် ဖမ်းဆီးထားရာမှ အမျိုးသမီး ၁ ဦးကို အဓမ္မပြုကျင့် (006SV) တီးတိန်မြို့မှ သိုင်းငင်းဘက်သို့ အင်အားရာချီဖြင့် စစ်ကြောင်းထိုးလာသော စစ်ကော်မရှင်တပ်နှင့် ချင်းညီနောင် (CB) ပူးပေါင်းတပ်တို့ တိုက်ပွဲများ ဆက်တိုက်ပြင်းထန်နေရာ စစ်ကော်မရှင်တပ်မှ ၄၀ ထက်မနည်း သေဆုံးပြီး စစ်သုံ့ပန်းတချို့ကိုလည်း ဖမ်းဆီးရမိသည်ဟု ချင်းညီနောင်က ကြေညာသည်။ အောက်တိုဘာလ ၂၉ ရက်မှ စတင်၍ ချင်းပြည်နယ်၊ တီးတိန်မြို့မှ သိုင်းငယ်သို့ အင်အား ၄၀၀ ခန့်ဖြင့် စစ်ကြောင်းထိုးလာသော စစ်ကော်မရှင်တပ်နှင့် ချင်းညီနောင်တပ်တို့သည် နေ့စဉ် ထိတွေ့တိုက်ပွဲများ ပြင်းထန်ခဲ့သည်ဟု ချင်းညီနောင်က နိုဝင်ဘာလ ၇ ရက်မှာ ထုတ်ပြန်သည်။ စစ်ကော်မရှင်တပ်သည် ဒေသခံပြည်သူ တချို့ကို ဖမ်းဆီးပြီး လူသားဒိုင်းအဖြစ် အသုံးပြု၍ သိုင်းငင်းသို့ ဦးတည် စစ်ကြောင်းထိုးလာခြင်းဖြစ်ကြောင်း၊ လူသားဒိုင်းအဖြစ် ဖမ်းဆီးခံထားရသော ဒေသခံပြည်သူ ၁၄ ဦးကို လက်ရှိမှာ ကယ်တင်ထားနိုင်ခဲ့ပြီး ယင်းအထဲက အမျိုးသမီး ၁ ဦးမှာ အဓမ္မပြုကျင့်ခံထားရသည်ဟု ချင်းညီနောင်ထံမှ သိရသည်။ တိုက်ပွဲများအတွင် စစ်ကော်မရှင်တပ်က အနည်းဆုံး ၄၀ ခန့် သေဆုံးပြီး အများအပြား ထိခိုက်ဒဏ်ရာ ရရှိသည့်အပြင် ထွက်ပြေးလွတ်မြောက်သူ တချို့ ရှိကြောင်း၊ လက်နက်ခဲယမ်း အများအပြားနှင့် ချောဆွဲထားသော ပြည်သူပိုင် မော်တော်ကား တစ်စီးကို ပြန်လည် သိမ်းဆည်းရမိပြီး ဖမ်းဆီးရမိသော စစ်သုံ့ပန်းတချို့ကို ထိန်းသိမ်းထားသည်ဟု သိရသည်။ စစ်ကော်မရှင်တပ်သည် အောက်တိုဘာလ ၂၆…

(006SV) ချင်းပြည်နယ်မြောက်ပိုင်း၊ တီးတိန်မြို့နယ်ထဲရှိ စစ်ရေးအရ အချက်အချာကျသည့် ကနေဒီတောင်စခန်းကို စစ်ကော်မရှင်တပ်က ပြန်လည်သိမ်းယူသွားကြောင်း ချင်းကာကွယ်ရေးတပ်ဖွဲ့မှ စစ်ရေးသတင်းရင်းမြစ်များက ပြောသည်။ “ကနေဒီတောင်စခန်းကို စစ်တပ်က ပြန်လည်ထိန်းချုပ်လိုက်တယ်ဆိုတာ မှန်ပါတယ်။ သူတို့က ၄ ရက်နေ့က အဲဒီစခန်းကုန်းကို ရောက်သွားပြီလို့ ကြားတယ်။ တိုက်ပွဲ မဖြစ်တော့ ဘယ်ချိန် ဘယ်နှစ်နာရီတော့ မသိဘူး။ ကနေဒီတောင်ဟာ စစ်ရေးအရ အရေးပါပါတယ်။ ကျနော်တို့ ပြန်ယူမှ ဖြစ်မယ့်နေရာ တစ်နေရာလို့ပဲ ဖြေပါရစေ” ဟု စစ်ရေးသတင်းရင်းမြစ်တစ်ဦးက ပြောသည်။ တီးတိန်မြို့ခလရ ၂၆၉ တပ်ရင်းမှ သိုင်းငင်းကျေးရွာဘက်ကို စစ်ကြောင်းထိုးလာနေသော စစ်ကောင်စီတပ်သည် နိုဝင်ဘာလ ၄ ရက်မှာ စစ်ရေးအရ အရေးပါသော ကနေဒီတောင်ကို ပြန်လည်ထိန်းချုပ်လိုက်ပြီး တပ်စွဲထားကြောင်း၊ ယင်းစစ်ကြောင်းသည် သိုင်းငင်းသို့ ဆက်လက်ဆင်းလာနိုင်ကြောင်း သိရသည်။ အောက်တိုဘာလကုန်ပိုင်းက တီးတိန်မြို့ရှိ ခလရ ၂၆၉ ကို လေကြောင်းမှ စစ်အင်အား ဖြည့်တင်းပြီးနောက် စစ်ကော်မရှင်တပ်သည် တီးတိန်မှ သိုင်းငင်းသို့ ထိုးစစ်ဆင်နေခြင်းဖြစ်ကြောင်း သိရသည်။ နိုဝင်ဘာလ ၃ ရက်ကလည်း အဆိုပါစစ်တပ်စစ်ကြောင်းသည် Suangpi ကျေးရွာကို ဝင်ရောက်၍ ဒေသခံရွာသား ၁၅ ဦးကို ဖမ်းဆီးခေါ်ဆောင်သွားသည်ဟု သိရသည်။ ကနေဒီတောင်ပေါ်ရှိ စစ်စခန်းသည် စစ်ကိုင်းတိုင်း၊ ကလေးမြို့နှင့် ချင်းပြည်နယ်၊ တီးတိန်မြို့အကြားရှိ ပေ ၈၀၀၀ ကျော်တွင် တည်ရှိပြီး စစ်ရေးအရာ အချက်အချာ ကျသည့် နေရာတစ်ခုဖြစ်ကြောင်း သိရသည်။ ကလေး-တီးတန် လမ်းမပေါ်မှာ တည်ရှိသည့် သိုင်းငင်းသို့ မွှာလ်ပီးဘက်မှ…

စစ်ကော်မရှင်ရွေးကောက်ပွဲမှာ ဝင်ပြိုင်မယ့် ပူးနိုးထန်ကပ်နဲ့ ဆက်သွယ်မေးမြန်းချက် ၂၀၂၀ ခုနှစ်ရွေးကောက်ပွဲမှာ မဲမသမာမှုရှိတယ်ဆိုတဲ့အကြောင်းပြချက်နဲ့ အာဏာသိမ်းခဲ့တဲ့ စစ်တပ်ဟာ လာမယ့် ဒီဇင်ဘာလ ၂၈ ရက်နေ့မှာ ရွေးကောက်ပွဲအပိုင်း ၁ ကို မြို့နယ်ပေါင်း ၁၀၂ မြို့နယ်မှာ ကျင်းပမယ်လို့ ကြေညာ ထားပါတယ်။ အဲဒီထဲမှာ ချင်းပြည်နယ်က ဟားခါး နဲ့ တီးတိန်မြို့နယ်တို့မှာလည်း စစ်ကော်မရှင်က ရွေးကောက်ပွဲကျင်းပဖို့ စီစဉ် ထားပြီး နိုင်ငံရေးပါတီ ၅ ခုက ဝင်ရောက်ယှဉ်ပြိုင်ကြမှာဖြစ်ပါတယ်။ ချင်းပြည်နယ်မှာ ရွေးကောက်ပွဲဝင်ရောက်ယှဉ်ပြိုင်မယ့် နိုင်ငံရေးပါတီထဲမှာ ချင်းပြည်သစ်ကွန်ဂရက်ပါတီလည်း ပါဝင်ပါတယ်။ ချင်းပြည်သစ်ကွန်ဂရက်ပါတီဟာ ယခင် NLD အစိုးရလက်ထက် ချင်းပြည်ရဲ့ စက်မှု၊လက်မှု နဲ့ စည်ပင်ဝန်ကြီး ဟောင်း ဦးစိုးထက်က ဥက္ကဌအဖြစ်တာဝန်ယူထားပြီး ထင်ရှားတဲ့ချင်းနိုင်ငံရေးသမားတချို့လည်းပါဝင်ပါတယ်။ အဲဒီထဲမှာ ချင်းအမျိုးသားဒီမိုကရေစီအဖွဲ့ချုပ်-CNLD အလှည့်ကျဥက္ကဌဟောင်း ပူးနိုထန်ကပ်လည်းပါဝင်တယ်။ ပူး နိုးထန်ကပ်ဟာ CNLD ပါတီကနေ နှုတ်ထွက်ပြီး ချင်းပြည်သစ်ကွန်ဂရက်ပါတီကိုယ်စားပြုအနေဖြင့် လာမယ့် ဒီဇင်ဘာ ရွေးကောက်ပွဲမှာ ချင်းပြည်နယ်အမျိုးသားလွှတ်တော် (အချိုးချကိုယ်စားပြုစနစ်) မဲဆန္ဒနယ်မှာ ဝင်ရောက်ယှဉ်ပြိုင်မှာ ဖြစ်ပါတယ်။ ချင်းလူထုအသိုင်းအဝန်းအကြား လူသိများထင်ရှားတဲ့ ပူးနိုးထန်ကပ်အနေနဲ့ ဘာကြောင့် စစ်ကော်မရှင်တပ် ရွေးကောက်ပွဲမှာ ဝင်ရောက်ယှဉ်ပြိုင်ရတာပါလဲ? ဒီရွေးကောက်ပွဲကနေ သူဘာတွေ မျှော်လင့်နေပါသလဲစတဲ့ အခြေအနေတွေနဲ့ပတ်သက်ပြီး ပူးနိုးထန်ကပ်ကို ဆက်သွယ်မေးမြန်းထားပါတယ်။ မေး။ ။ ဒီမိုကရေစီစံနှုန်းတွေနဲ့ လုံးဝ ကိုက်ညီမှုမရှိဘူးလို့ နိုင်ငံတကာနဲ့ ပြည်တွင်း တော်လှန်ရေးအင်အားစုတွေက ဝေဖန်နေတဲ့ စစ်ကော်မရှင်ရဲ့ ရွေးကောက်ပွဲကို ဘာကြောင့် ဝင်ရောက်ယှဉ်ပြိုင်ဖို့ ဆုံးဖြတ်ရတာလဲ? အဲဒီလို ပါဝင်ယှဉ်ပြိုင်ခြင်းဖြင့် ဘာကို…

ရွေးကောက်ပွဲဝင်ပြိုင်သည့် ချင်းလွှတ်တော်ကိုယ်စားလှယ်များ၏ ပိုင်ဆိုင်မှု အားလုံးကို ပြည်သူပိုင် သိမ်းဆည်းခွင့် ပြဌာန်း (006SV) အာဏာသိမ်းစစ်ကော်မရှင်က ဦးဆောင်ကျင်းပမည့် အတုအယောင်ရွေး ကောက်ပွဲကို ဆန့်ကျင်တားဆီးရေးအတွက် ပြည်သူ့ အခွင့်အရေး ကာကွယ်ရေးဆိုင်ရာ လုပ်ထုံးလုပ်နည်းကို ချင်းပြည်ကောင်စီက အတည်ပြုပြဌာန်းလိုက်ကြောင်း ယနေ့မှာ ကြေညာသည်။ ချင်းပြည်ဖွဲ့စည်းပုံအခြေခံဥပဒေ (၂၀၂၃) မှ ပေးအပ်သော လုပ်ပိုင်ခွင့်အရ ချင်းပြည်ကောင်စီသည် “အကြမ်းဖက် စစ်ကော်မရှင်၏ အတုအယောင်ရွေးကောက်ပွဲ ဆန့်ကျင်တားဆီးရေးနှင့် ပြည်သူ့အခွင့်အရေး ကာကွယ်ရေးဆိုင်ရာ လုပ်ထုံးလုပ်နည်း”ကို နိုဝင်ဘာလ ၆ ရက်တွင် ပြဌာန်းအတည်ပြုလိုက်ခြင်းဖြစ်သည်။ စစ်တပ်သည် ၂၀၂၀ က ကျင်းပသော ရွေးကောက်ပွဲရလဒ်ကို ဖျက်ပြီး အကြမ်းဖက် အာဏာသိမ်းယူပြီးနောက် စစ်ရာဇဝတ်မှုနှင့် လူသားမျိုးနွယ်အပေါ် ရာဇဝတ်မှုတို့ကို ကျူးလွန်လျက်ရှိရာမှ လက်ရှိတွင် အတုအယောင် ရွေးကောက်ပွဲကို ကျင်းပရန် စီစဉ်နေ သောကြောင့် ချင်းလူထု၏ ဒီမိုကရေစီအခွင့်အရေး နှင့် ပြည်သူ့အခြေခံအခွင့်အရေးများကို ကာကွယ်ပေးရန် အထူးလိုအပ်လာ၍ ပြဌာန်းသည်ဟု သိရသည်။ အဆိုပါလုပ်ထုံလုပ်နည်းကို ပြဌာန်းရသည် ရည်ရွယ်ချက် ၄ ချက်တွင် စစ်တပ်ရွေးကောက်ပွဲတွင် ပါဝင်သော မည်သူ့ကို မဆို အရေးယူနိုင်ရေးနှင့် အတုအယောင် ရွေးကောက်ပွဲကို ဆန့်ကျင်တားဆီးရေးအပြင် ယင်း၏ ရလဒ်နှင့် ယင်းရွေးကောက်ပွဲမှ ထွက်လာသော မည်သည့်အစိုးရယန္တရားကိုမဆို တရားဝင်မှု မရှိစေရေးအချက်တို့ ပါဝင်သည်ဟု သိရသည်။ ပြဌာန်းချက်တွင် ရွေးကောက်ပွဲအတွက် ချင်းနိုင်ငံရေးပါတီ တည်ထောင်၍ နိုင်ငံရေးပါတီ မှတ်ပုံတင်ခြင်း၊ ချင်းပြည်အတွင်း ပါတီရုံးဖွင့်လှစ်ခြင်းတို့ကို တားမြစ်ကြောင်း၊ ပါတီတစ်ခုမှာဖြစ်စေ သို့မဟုတ် တသီးပုဂ္ဂလဖြစ်စေ ရွေးကောက်ပွဲဝင် ဝင်ရောက်ယှဉ်…

(006SV) မကွေးတိုင်းအနောက်ခြမ်း၊ ငဖဲမြို့နယ်အတွင်း စစ်ရေးလှုပ်ရှားနေသော ချင်းကာကွယ်ရေးတပ်ဖွဲ့တစ်ခုဖြစ်သည့် CDF-Asho က အောက်တိုဘာလ အတွင်း အကျဉ်းသား ၁၀၀ ကျော်အပါအဝင် ကျေးရွာဒေသခံ လူနာစုစုပေါင်း ၂၇၀ ကျော်ကို ဆေးဝါးကုသမှု ပေးနိုင်ခဲ့သည်ဟု သိရသည်။ အောက်တိုဘာလ ၁ ရက်မှ ၃၁ ရက်အထိ တစ်လတာအတွင်း CDF – အရှိုရဲဘော် တပ်ဖွဲ့ဝင် ၄၆ ဦး၊ အကျဉ်းသား ၁၀၄ ဦး၊ အရပ်သား ၆၇ ဦး၊ ကျေးရွာများကို ရွေ့လျားကုသမှုဖြင့် ဆေးကုသမှု ပေးနိုင်သော လူနာ ၆၀ ဦး စသည့် CDF – အရှို စခန်းအားလုံးနှင့် ကျေးရွာဒေသခံလူနာ စုစုပေါင်း ၂၇၇ ဦးကို ဆေးဝါးကုသမှု ပေးနိုင်ခဲ့သည်ဟု CDF – အရှိုထံမှ သိရသည်။ ယခုလို အရပ်သားပြည်သူများကိုပါ ဆေးဝါးကုသမှုများပေးနိုင်ရန် ဆေးဝါးအလှူ သီးခြား ပံ့ပိုးပေးပါသော ပြည်တွင်းပြည်ပမှ ဝန်းရံထောက်ပံ့သူများအား မိဘပြည်သူများကိုယ်စား ကျေးဇူးတင်ရှိကြောင်း မှတ်တမ်းတင်အပ်ပါသည်။ “ပြီးခဲ့တဲ့လ ကုသမှု ပေးခဲ့ရတဲ့ လူနာတွေထဲမှာ အများဆုံးက ရာသီတုပ်ကွေးတွေ အဖြစ်များကြပါတယ်။ အဓိကက လမ်းခရီးခက်ခဲမှုနဲ့ ဆေးဝါးမလုံလောက်မှုတွေတော့ အနည်းငယ်ရှိခဲ့ပါတယ်၊၊ သက်ကြီးရွယ်အိုနဲ့ ကလေးတွေကတော့ ၄၀ ရာခိုင်နှုန်းလောက်ရှိပါမယ်၊၊ အကျဉ်းသားတွေထဲမှာလည်း ရာသီတုပ်ကွေး၊ ငှက်ဖျား၊ ရိုးရိုးဖျားနာ၊ ထိခိုက်ရှနာ စတာတွေကြောင့် ကုသပေးခဲ့ရတာတွေလည်း ရှိပါတယ်” ဟု CDF – အရှို၊ ဆေးဌာနမှူး မိုင်းအိုင်ယူက ပြောသည်။…

(006SV) ချင်းပြည်နယ်၊ မရာဒေသရှိ IMC/ CDF – မရာ ထိန်းချုပ်နယ်မြေဖြစ်သည့် ငဖိုင်ပိ (ခ) ကျေးရွာကို MDF တပ်ဖွဲ့က ယမန်နေ့က ဒရုန်းဖြင့် ၃ ကြိမ် လာရောက်တိုက်ခိုက်သည်ဟု သိရသည်။ MTC/ MDF တပ်ဖွဲ့သည် ငဖိုင်ပိ (ခ) ကျေးရွာကို နိုဝင်ဘာလ ၃ ရက် မွန်းလွဲပိုင်း ၂ နာရီခွဲခန့်တွင် ဒရုန်းဖြင့် ဗုံး ၂ လုံ ကြဲချရာ Rev.Thalai (Sileipaw) Baptist Pastor နေအိမ် နှင့် ၅ ကိုက်ခန့်အကွာတွင် ကျရောက်ပေါက်ကွဲကြောင်း၊ ညနေ ၃ နာရီ ၂၀ မိနစ် ခန့်တွင် ဒရုန်းဗုံး ၂လုံးဖြင့် ထပ်မံကြဲချရာ နှစ်ခြင်းခရစ်ယာန်အသင်းတော်ရုံးနားကို ကျရောက် ပေါက်ကွဲသည်ဟု IMC/ CDF – မရာက ယနေ့ နိုဝင်ဘာလ ၄ ရက်မှာ ထုတ်ပြန်သည်။ ညနေ ၄ နာရီ ၁၀ မိနစ်ခန့်တွင် ငဖိုင်ပိ (ခ) ကျေးရွာ အဝင်လမ်း ပြည်သူ့နေအိမ်ကို ဒရုန်းဗုံး ၂ လုံးဖြင့် ထပ်မံကြဲချတိုက်ခိုက်သည်ဟု ထုတ်ပြန်ထားသည်။ ငဖိုင်ပီ (ခ) ရွာကို ဒရုန်းဖြင့် တိုက်ခိုက်မှုတွင် MDF တပ်ဖွဲ့အပြင် ချင်းညီနောင် (CB) နှင့် ULA/ AA ပူးပေါင်းတပ်တို့ ပါဝင်နေသည်ဟု IMC/ CDF – မရာက ထုတ်ပြန်ထားသော်လည်း…

(006SV) ချင်းပြည်နယ်၊ မရာဒေသတွင် MTC/ MDF ၏ စခန်းတိုက်ခိုက်ခံရဆိုသည့် သတင်းနှင့်ပတ်သက်၍ IMC/ CDF – မရာနှင့် MTC/ MDF တို့ကြား ထုတ်ပြန်ပြောဆိုမှုများ ကွဲလွဲနေပြီး အပြန်အလှန်စွပ်စွဲပြောဆိုနေကြသည်။ MDF စခန်းကို ချင်းအမျိုးသားတပ်ဦး (CNA) နှင့် CDF-မရာ ပူးပေါင်းတပ်ဖွဲ့က အင်အားအလုံးအရင်းဖြင့် လက်နက်ကြီး၊ လက်နက်ငယ်၊ ဒရုန်းများအသုံးပြု၍ အောက်တိုဘာလ ၃၁ ရက်က အလစ်အငိုက် ဝင်ရောက်တိုက်ခိုက်သည်ဟု MTC/ MDF ၏ သတင်းနှင့်ပြန်ကြားရေးဌာနက နိုဝင်ဘာလ ၁ ရက်မှာ ထုတ်ပြန်သည်။ “ဒီတိုက်ခိုက်မှုကကျနော်တို့ရဲ့ ရှေ့တန်းစခန်းတစ်ခုမှာ သူတို့က အင်အားအလုံးအရင်းနဲ့ ခြုံခိုတိုက်ခိုက်လာ တာဖြစ် တယ်၊၊ ဒီကာလမှာ ကျနော်တို့ စစ်ရေးလှုပ်ရှားမှု တစ်စုံတစ်ရာမျှ မရှိပါဘူး။ အဲလိုအချိန်မှာ သူတို့ဘက်ကနေ ဘာ အကြောင်းပြချက်လဲတော့ သူတို့ပဲ အသိဆုံးဖြစ်ပါလိမ့်မယ်၊၊ သူတို့ကပဲ လာတိုက်ပြီတော့ လက်နက်ကြီး၊ လက်နက် ငယ် ဒရုန်းဗုံးတွေကအစ၊ အသုံးပြုပြီး လာတိုက်တယ်၊၊ သူတို့ပဲ လာတိုက်တယ်၊၊ သူတို့ပဲ နောက်ဆုတ်သွားတဲ့ အနေ အထား ဖြစ်ပါတယ်” ဟု MTC/ MDF ပြောရေးဆိုခွင့်ရှိသူက ပြောသည်။ မရာဒေသ၊ Sawhmei တိုက်နယ်အတွင်းရှိ MDF ၏ စခန်းနှင့် ဖြတ်သန်းသွားလာရာ လမ်းများကို ခြုံခိုတိုက်ခိုက်ခြင်း၊ မိုင်းထောင်ခြင်း၊ ဒရုန်းများဖြင့် တိုက်ခိုက်ခံရခြင်းဖြစ်ပြီး တိုက်ခိုက်ခံရမှုကြောင့် စခန်းအနည်းငယ် ပျက်စီးကာ ထိခိုက်မှု မရှိကြောင်း MTC/ MDF က…