(006SV) ချင်းပြည်နယ်၊ ကန်ပက်လက်မြို့နယ်၊ တိုက်နယ်အမှတ် (၅) အတွင်းက ကျေးရွာများတွင် တစ်ရွာလျှင် ၅ ဦးနှုန်းဖြင့် စစ်မှုထမ်းရန် CDF – ကန်ပက်လက်က ခေါ်ယူစုဆောင်းနေကြောင်း ကန်ပက်လက်မြို့နယ်၊ အမှတ် ၅ ပြည်သူလူထုက စက်တင်ဘာလ ၁ ရက်မှာ ထုတ်ပြန်သည်။ ကန်ပက်လက်တိုက်နယ် အမှတ် (၅) က ကျေးရွာများတွင် လူငယ်၊ လူလတ်ပိုင်းများကို CDF- ကန်ပက်လက်မှ စစ်မှုထမ်းရန် အမိန့်ပေးပြီး လက်နက်ဖြင့် ခြိမ်းခြောက်အနိုင်ကျင့်ကာ စစ်မှုမထမ်းမနေရစနစ်ကို ကျင့်သုံးလျက် အဓမ္မစုဆောင်းနေသည်ကို တွေ့ရှိရသည်ဟု အမှတ် (၅) ဒေသခံများ၏ ထုတ်ပြန်ချက်တွင် ဖော်ပြထားသည်။ ဩဂုတ်လ ဒုတိယပတ်အတွင်း မကြားကျေးရွာမှ လူငယ် ၃ ဦး၊ တုံငယ်ကျေရွာမှ လူငယ် ၂ ဦး၊ ခါပန်းကျေးရွာမှ လူငယ် ၆ ဦးတို့ကို စစ်မှုထမ်းစေရန် အာရက္ခတပ်တော် (AA) သင်တန်းကျောင်းသို့ ခေါ်ဆောင်သွားခဲ့ကြသည်ဟု ထုတ်ပြန်သည်။ ပြည်သူလူထု၏ သဘောဆန္ဒမပါဘဲ အဓမ္မ စစ်မှုထမ်းစေခြင်း၊ လူ့အခွင့်အရေး ချိုးဖောက်ခြင်းများ ဆက်လက်လုပ်ဆောင်ပါက နောက်ဆက်တွဲ ဖြစ်ပေါ်လာနိုင်သည့် ပြသနာများကို သက်ဆိုင်ရာတာဝန်ရှိသူများမှ အပြည့်အဝ တာဝန်ယူရမည်ဖြစ်ကြောင်း အမှတ် ၅ ပြည်သူလူထုက ထုတ်ပြန်လာသည်။ အမှတ် (၅) ပြည်သူလူထု၏ ထုတ်ပြန်ချက်နှင့် ပတ်သက်၍ CDF – ကန်ပက်လက် တာဝန်ရှိသူများထံ ဆက်သွယ်မေးမြန်းနေ သော်လည်း မရရှိသေးပါ။ ထို့အပြင် ကန်ပက်လက်မြို့နယ်အတွင်း အာရက္ခတပ်တော် ULA/AA က စစ်ရေးလှုပ်ရှားခြင်း၊…
Author: Editor
(002MG) ချင်းပြည်နယ်တောင်ပိုင်း၊ ပလက်ဝမြို့နယ်၊ ဆမီးမြို့ပေါ် အမှတ် (၂) ရပ်ကွက်တွင်နေထိုင်သည့် အမျိုးသမီးတဦး ဩဂုတ်လ (၃၁) နေ့ မနက်ပိုင်းတွင် မျှစ်ချိုးသွားစဉ် မြေမြှုပ်မိုင်းနင်းမိကာ သေဆုံးခဲ့သည်ဟု ဆမီးမြို့ အမှတ်(၂) ရပ်ကွက်တွင်နေထိုင်သည့် ဒေသခံတဦးကပြောသည်။ဆမီးမြို့ဒေသခံက “စနေနေ့ကဖြစ်တာ၊တနဂ်နွေနေ့က ဂြိုလ်တယ်။မြို့တွင်းရပ်ကွက်ထဲမှာပဲ ဖြစ်တာ မြို့ ဖြစ်ပေမယ့်တောရှိတာကိုး ဝါးမျှစ်ရှာသွားတဲ့အခါ မိုင်းနင်းမိတာ၊ ဆေးရုံတော့ရောက်ပေမယ့်ဆုံးသွား တယ်။ညာဖက်ခြေထောက်က ဒူးကနေဖြစ်သွားတယ်၊ ခြေထောက်အသားတွေ အကုန်လုံး အစိတ်စိတ် အမွှာမွှာ ဖြစ်ပြီးတော့ အသားကဘာမျှမကျန်ဘူး၊ ဆရာဝန်ပြောတာတော့ ပေါင်ကသွေးကြောအကြီးက ပြတ်သွားတဲ့အပြင် အချိန်ကြာလည်းကြာတယ် သွေးကလည်း လွန်သွားတာနဲ့ သတိမရတော့ဘူး ဘယ်လိုမှ ကယ်လို့မရတော့ဘူး” ဟု ပြောသည်။ မြေမြုပ်မိုင်းကြောင့် သေဆုံးသွားသူမှာ အသက် (၃၀) အရွယ် မနီဒုန်းဖြစ်ပြီး ခြေထောက်နှစ်ဖက်စလုံးပြတ်သွားကာ သွေးထွက်လွန်ခြင်းကြောင့် သေဆုံးခဲ့ရခြင်းဖြစ်သည်ဟု သိရသည်။သေဆုံးသွားသည့် အမျိုးသမီး၏ ခင်ပွန်းဖြစ်သူမှာလည်း ၂၀၂၃ ခုနှစ်က အာရက္ခတပ်တော်နှင့် စစ်ကောင်စီတပ်တို့ တိုက်ပွဲအတွင်း လက်နက်ကြီးသံ၊ သေနတ်သံများကြောင့် နှလုံးရပ်သေဆုံးခဲ့သည်ဟု သိရသည်။ လက်ရှိတွင် သားသမီး (၄) ဦးကျန်ခဲ့သည်ဟု သိရသည်။ဆမီးမြို့ပေါ်တွင် မြေမြုပ်မိုင်းပေါက်ကွဲမူကြောင့် ယခု အမျိုးသမီးအပါအဝင် အရပ်သားပြည်သူ (၄) ဦးထိခိုက်ကာ (၃) ဦးသေဆုံးခဲ့ပြီး အမျိုးသားတဦးသည် မြေမြုပ်မိုင်းကြောင့် ခြေနှစ်ဖက် ဖြတ်တောက်ခဲ့ရသည်ဟု ဆမီးမြို့ခံထံမှ သိရသည်။
(006SV) ချင်းပြည်နယ်၊ ဖလမ်းမြို့ရှိ စစ်ကောင်စီ၏ ခလရ – ၂၆၈ တပ်ရင်းမှ တပ်သား ၁ ဦးသည် တီးတိန်မြို့နယ် ပြည်သူ့ အုပ်ချုပ်ရေးအဖွဲ့ထံ ဆက်သွယ်၍ အလင်းဝင်လာကြောင်း သတင်းရရှိသည်။ ဩဂုတ်လ ၂၉ ရက်က ဖလမ်းမြို့စစ်ကောင်စီ၏ ခလရ ၂၆၈ တပ်ရင်းမှ တပ်သား ဦးကျင့်လမ်းမုံ သည် တီးတိန်မြို့နယ်ပအဖထံ အလင်းဝင်ချင်ကြောင်း ဆက်သွယ်လာပြီးနောက် တော်လှန်ရေးအင်အားစုတချို့က သွားရောက်ကြိုဆို၍ လွမ်မြောက်နယ်မြေသို့ ပို့ဆောင်ထားပြီဖြစ်ကြောင်း တီးတိန်မြို့နယ်ပအဖ တာဝန်ခံက ပြောသည်။ “စခန်းထဲ ထွက်ချင်တဲ့ သူက တော်တော်များနေပြီတဲ့။ စစ်တပ်က တော်တော်ကြပ်နေတယ် ပြောပါတယ်။ ဒါပေမယ့် တစ်ယောက် နဲ့ တစ်ယောက်က မပြောရဲကြဘူးပေါ့။ ယုံကြည်မှု သိပ်မရှိကြဘူးပေါ့။ အလင်းဝင်ချင်တယ် ဆိုပြီး အဆက်အသွယ်လုပ်တယ်။ အဲဒါနဲ့ သူလည်း ဘယ်သူ့မှ မပြောရဲဘဲ သူဟာနဲ့ သူပဲ ကျနော်တို့ဆီကို ဆက်သွယ်ပြီးတော့ ထွက်လာခဲ့တာ” ဟု တီးတိန်မြို့နယ် ပအဖ တာဝန်ခံက ပြောသည်။ ဖလမ်းမြို့ ခလရ ၂၆၈ တပ်ရင်းမှ စစ်ကောင်စီတပ်ဖွဲ့ဝင်များသည် စစ်ပန်းနေကြပြီး တပ်ထဲတွင်လည်း တပ်ဖွဲ့ဝင်များကို စည်းကမ်းများ ပိုမိုတင်းကြပ်မှု ပြုလုပ်လာနေကြောင်း သိရသည်။ ဖလမ်းမြို့ စစ်ကောင်စီတပ်ဖွဲ့ဝင် အများအပြားသည် စခန်းမှ စွန့်ခွာ၍ အလင်းဝင်ချင်ကြသော်လည်း တစ်ဦးနှင့်တစ်ဦး ယုံကြည်မှုမရှိသောကြောင့် ဖွင့်မပြောရဲကြကြောင်း အလင်းဝင် စစ်ကောင်စီရဲဘော်ထံမှ သိရသည်။ “ကျနော်တို့ ပြောချင်တာက စစ်တပ်ထဲက လူတွေ ကျနော်တို့ကို ဆက်သွယ်ပါ။ အချိန်မရွေး လာကြိုပါမယ်။…
(005MK) မီဇိုရမ်ပြည်နယ် ဝန်ကြီးချုပ် ပူးလာလ်ဒိုအောမ်မာသည် အမေရိကန်ပြည်ထောင်စုက ချင်းလူထုနှင့်တွေ့ဆုံရန် ယနေ့ ဩဂုတ်လ ၃၀ ရက်နေ့တွင် အိုင်ဇောလ်မြို့မှ စတင်ထွက်ခွါသွားပြီဟု သိရသည်။ အမေရိကန်ပြည်ထောင်စု မေရီလန်းပြည်နယ်မှာ စက်တင်ဘာလ ၂ ရက်နေ့တွင် ကျင်းပမည့် “Mizo Day” အခမ်းအနားတွင် ဝန်ကြီးချုပ်သည် အထူးဧည့်သည်တော်ကြီးအဖြစ် တက်ရောက်ချီးမြှင့်မည်ဖြစ်ပြီး၊ ဝါရှင်တန်ဒီစီက အမေရိကန်အစိုးရဌာန တာဝန်ရှိသူများနှင့်လည်း တွေ့ဆုံရန်စီစဉ်ထားသည်ဟု မီဇိုရမ်သတင်းမှာ ဖော်ပြထားသည်။ ထို့နောက် ချင်းလူမျိုးအများစုနေထိုင်ကြသော အင်ဒီယားနားပြည်နယ်တွင် Chin community of Indiana အဖွဲ့၏ ဖိတ်ကြားချက်ဖြင့် စက်တင်ဘာလ ၄ ရက်နေ့တွင် ချင်းလူထုနှင့်တွေ့ဆုံမည်ဟု သိရသည်။ မီဇိုရမ်ပြည်နယ်ဝန်ကြီးချုပ်၏ အမေရိကန်ခရီးစဉ်သည် အိန္ဒိယနိုင်ငံခြားရေးရာဝန်ကြီးဌာနကလည်းသိရှိထားပြီး အမေရိန်ကန်ပြည်ထောင်စုကိုရောက်သည့်အချိန်တွင် အိန္ဒိယကောင်စစ်ဝင်ရုံးချုပ်မှ သွားရောက်ကြိုဆိုကာ လုံခြုံရေးကိစ္စရပ်များကို တာဝန်ယူဆောင်ရွက်သွားမည်ဟု သိရသည်။ ဝန်ကြီးချုပ်နှင့်အတူ ဇနီးဖြစ်သူ Pi Liansailoi၊ တူမ Zodinthari နှင့် ကိုယ်ရေးအရာရှိတို့ပါဝင်ကြောင်းသိရသည်။
(004SS) ချင်းပြည်နယ်၊ ပလက်ဝမြို့နယ်က အရပ်သားပြည်သူများ ဖမ်းဆီးချုပ်နှောင်ခံရမှုနှင့်ပတ်သက်၍ ကြားကာလခူမီး (ချင်း) မျိုးနွယ်စုများရေးရာအတိုင်ပင်ခံကောင်စီ/ပလက်ဝကောင်စီ IKACC/PC နှင့် အာရက္ခတပ်တော် ULA/AA တို့ တွေ့ဆုံညှိနှိုင်းပြီးနောက်မှာ ဖမ်းဆီးထိန်းသိမ်းခံရသူထဲက ၅ ဦးကို AA က ပြန်လွှတ်ပေးလိုက်သည်ဟု သိရသည်။ ကြားကာလခူမီး (ချင်း) မျိုးနွယ်စုများရေးရာ အတိုင်ပင်ခံကောင်စီ/ပလက်ဝကောင်စီ IKACC/PC နှင့် အာရက္ခတပ်တော် ULA/AA တာဝန်ရှိသူတို့သည် ပြီးခဲ့သည့်ဩဂုတ်လ ၁၉ ရက်နေ့က တွေ့ဆုံညှိနှိုင်းခဲ့ကြပြီးနောက် တစ်ပတ်အကြာ ဩဂုတ်လ ၂၇ ရက်နေ့မှာ ဖမ်းဆီးခံရသူများထဲက ၅ ယောက်ကို AA က ပြန်လွှတ်ပေးလိုက်ခြင်းဖြစ်သည်။ “AA ထိန်းသိမ်းထားတဲ့ ပြည်သူ ၅ ဦး လွတ်လာတယ်။ ကျွန်တော်တို့က လွှတ်ပေးဖို့ညှိနှိုင်းတော့ လွှတ်ပေးတာဖြစ်တယ်။ ဒီတိုင်းလွှတ်ပေးတာမဟုတ်ဘဲ သူတို့ရဲ့ ဆွေမျိုးအသိုင်းအဝိုင်းတွေလက်ထဲ အပ်ပေးပါလို့ ပြောထားတော့ ၂၇ ရက်နေ့မှာ သူတို့ဆွေမျိုးတွေခေါ်ပြီးမှ အပ်ပေးတာဖြစ်တယ်။ ကျန်တဲ့ထိန်းသိမ်းခံရသူတွေလဲပဲ အစီအစဉ်တကျစစ်ဆေးမေးမြန်းပြီးမှ လွှတ်လာဖို့ ကြိုးပမ်းနေတဲ့ အနေအထားရှိတယ်” ဟု IKACC/PC ပြောရေးဆိုခွင့်ရှိသူက ခိုနူမ်းသုန်ကိုပြောသည်။ ULA/AA တပ်ဖွဲ့က ယခု ပြန်လွှတ်ပေးလိုက်သော ပလက်ဝဒေသခံ ၅ ဦးတို့မှာ ၃ လ နှင့် ၆ လကျော်ကြာ ဖမ်းဆီးချုပ်နှောင်ခံထားရသူများဖြစ်ကြပြီး အသက် ၃၆ မှ ၆၆ နှစ်အရွယ်ရှိသူများဖြစ်ကြသည်ဟု သိရသည်။ ၎င်းတို့မှာ ဟားလာဝရွာသား ဦး အောင်သိန်း၊ ရပ်ဒိန်ရွာသား ဦးမိုက်ကယ်၊ အောက်ဘောင်းဝီးရွာသား ဦးကျော်ဝင်း၊ ဦးအောင်နင်းနှင့် ဘောင်းကူးရွာသား…
(006SV) ချင်းပြည်နယ်၊ မတူပီမြို့နယ်၊ လောက်တူနယ်ဒေသ၊ လောင်ထန်တလန်ကျေးရွာ၏ ဘာသာရေးဆိုင်ရာ ပဋိပက္ခကို ညှိနှိုင်းရေးကော်မတီကို ဖွဲ့စည်း၍ ညှိနှိုင်းရေးလုပ်ငန်းများ ဆောင်ရွက်သွားမည်ဟု လောင်တူပြည်သူ့ရေးရာကောင်စီ – LPAC က ထုတ်ပြန်သည်။ ဩဂုတ်လ ၂၇ ရက်က ပထမအကြိမ် လောက်တူပြည်သူ့ရေးရာ ကောင်စီ၏ တတိယအကြိမ်မြောက် အရေးပေါ် အစည်းအဝေး ဆုံးဖြတ်ချက်အရ ဩဇာတိက္ကမရှိ လူကြီးများ အပါအဝင် လူ ၉ ဦးဖြင့် ညှိနှိုင်းရေး ကော်မတီကို ဖွဲ့စည်းလိုက်သည်ဟု ဩဂုတ်လ ၂၈ ရက်က LPAC က ထုတ်ပြန်သည်။ ညှိနှိုင်းရေးကော်မတီသည် ဩဂုတ်လ ၂၈ ရက်မှ အောက်တိုဘာလ ၁၁ ရက်အထိ ၄၅ ရက်အတွင်း အရေးပေါ်အစည်းအဝေးက ချမှတ်သည့် မူဝါ ၇ ချက်ပါ လုပ်ကိုင်ခွင့်များအတိုင်း ဆောင်ရွက်သွာမည်ဟု သိရသည်။ လောက်တူပြည်သူ့ရေးရာကောင်စီသည် လောက်တူနယ်ဒေသတွင် အမြင့်ဆုံးသော ဆုံးဖြတ်ချက် ချမှတ်ရာ အာဏာပိုင်အဖွဲ့ အစည်းဖြစ်သည်ဟု သိရသည်။ ညှိနှိုင်ရေးဆောင်ရွက်နေဆဲကာလအတွင်း ပြင်ပအဖွဲ့အစည်းများ၊ လူပုဂ္ဂိုလ်များအနေဖြင့် မလိုလားအပ်သော ဝင်ရောက် စွက်ဖက်မှုများ ဆောင်ရွက်ခြင်း မပြုကြရန် ကောင်စီက သတိပေးသည်။ လူမှုကွန်ယက်စာမျက်နှာများဖြင့် ဖြစ်စေ၊ အခြားနည်းလမ်းများဖြင့် ဖြစ်စေ ညှိနှိုင်ရေး ကော်မတီ၏ လုပ်ငန်းစဉ် အဟန့် အတားဖြစ်စေမည့် လှုံ့ဆော်မှုများ၊ အမှုဖြစ်စဉ်ပါ သက်ဆိုင်သူများကို ဂုဏ်သိက္ခာကျဆင်းစေမည့် လုပ်ဆောင်မှုများ၊ အခြားအမုန်းပွားစေမည့် လုပ်ဆောင်ချက်များကို ပြုလုပ်ခြင်း မပြုလုပ်ရန် ယင်းကောင်စီက နှိုးဆော်ထားသည်။ ၂၀၂၄ နှစ်စပိုင်းကတည်းက လောက်တူနယ်ဒေသ၊ လောင်ထန်တလန်ကျေးရွာတွင်…
(004 SS) ချင်းပြည်နယ်၊ ဟားခါးတက္ကသိုလ်တွင် ၂၀၂၄ ခုနှစ် တက္ကသိုလ်ဝင်တန်းစာမေးပွဲ အောင်မြင်သူများအနေဖြင့် တက္ကသိုလ်ဝင်ခွင့် လျှောက်ထားနိုင်ပြီဟု စစ်ကောင်စီက ကြေညာထားသော်လည်း ယနေ့ချိန်ထိ လျှောက်ထားသူမရှိသေးကြောင်း ဟားခါးတက္ကသိုလ်နှင့် နီးစပ်သူများထံမှ သိရသည်။ စစ်ကောင်စီလက်အောက် ပညာရေးဝန်ကြီးဌာန၊ အဆင့်မြင့်ပညာဦးစီးဌာနက ဟားခါးတက္ကသိုလ်အပါအဝင် မြန်မာနိုင်ငံတဝန်းလုံးက တက္ကသိုလ် ၂၃ ခုတွင် သြဂုတ်လ ၂၆ ရက်နေ့မှ စက်တင်ဘာလ ၁၂ ရက်နေ့အထိ ရုံးပိတ်ရက်မရှိ ဝင်ခွင့်လျှောက်လွှာများ လျှောက်ထားနိုင်ကြောင်း သြဂုတ်လ ၁၈ ရက်နေ့က ထုတ်ပြန်ကြေညာခဲ့သည်။ ထို့ကဲ့သို့ထုတ်ပြန်ပြီးနောက် ဟားခါးတက္ကသိုလ်တွင်လည်း နေ့ကျောင်းနှင့် အဝေးသင် ဝင်ခွင့်လျှောက်ထားခြင်းကို ဩဂုတ်လ ၂၆ ရက်နေ့က စတင်လက်ခံခဲ့ပြီး ယနေ့ချိန်ထိ လျှောက်ထားသူ တစ်ယောက်မှမရှိသေးဘူးဟု ဟားခါးတက္ကသိုလ်နှင့် နီးစပ်သူတစ်ဦးကပြောသည်။ “လျှောက်လွှာကို မြို့နယ်ပညာရေးမှူးရုံးမှာ ထုတ်ယူရမှာဖြစ်ပြီးတော့ လျှောက်လွှာဖြည့်ပြီးရင် တက္ကသိုလ်မှာ တင်ထားရမှာ ဖြစ်တယ်။ day ရော အဝေးသင်ရော ၂ မျိုးလုံးလျှောက်လို့ရတယ်။ လက်ရှိမှာတော့ လာလျှောက်တဲ့သူမရှိသေးဘူး။ နောက် လ ၁၂ ရက်နေ့နောက်ဆုံး လက်ခံမှာ ဖြစ်တယ်” ဟု ဟားခါးတက္ကသိုလ်နှင့် နီးစပ်သူအမျိုးသမီးက ပြောသည်။ ယခုလက်ရှိတွင် ဟားခါးတက္ကသိုလ်မှာ နေ့ကျောင်းသားအနည်းငယ်သာ တက်ရောက်နေဆဲဟုကြားသိရပြီး ပြင်ပမြို့ထဲမှ လာရောက်တက်ရောက်သူများမဟုတ်ကြဘဲ တက္ကသိုလ်ဝင်းထဲက အဆောင်နေ ကျောင်းသူ/ကျောင်းသားများသာ တက်ရောက်နေကြောင်း သိရသည်။ ဟားခါးမြို့ပေါ်တွင် လက်ရှိတိုက်ပွဲဖြစ်ပွားခြင်းမရှိသော်လည်း မြို့စွန်ဘက်တွင်တည်ရှိသော ဟားခါးတက္ကသိုလ်တွင် စစ်ကောင်စီတပ်များ နေရာယူလေ့ရှိသောကြောင့် ထန်တလန်နှင့် ဟားခါးတက္ကသိုလ်ကြား ဖြတ်သန်းသွားလာခြင်းမလုပ်ကြရန် CDF-Hakha တပ်ဖွဲ့က ထုတ်ပြန်ထားသည်။
(004 SS) ချင်းပြည်နယ်၏မြို့တော် ဟားခါးမြို့က မြန်မာ့စီးပွားရေးဘဏ်တွင် ငွေသားပြတ်လပ်မှုကြောင့် ဘဏ်လုပ်ငန်းများ ပုံမှန်လည်ပတ်နိုင်ခြင်းမရှိသည့်အပြင် စစ်ကောင်စီလက်အောက်ခံ Non-CDM ဝန်ထမ်းများကိုလည်း လစာပုံမှန် မထုတ်ပေးနိုင်တော့ဘူးဟု စုံစမ်းသိရှိရသည်။ ဟားခါးမြို့ မြန်မာ့စီးပွားရေးဘဏ်တွင် စစ်ကောင်စီက ရဟတ်ယာဉ်ဖြင့် ငွေသားများလာမပို့နိုင်တော့သည့်အတွက် ဘဏ်လုပ်ငန်းပုံမှန်လည်ပတ်နိုင်ရန် ငွေသားမလုံလောက်မှုဖြစ်နေသည်ဟု ဘဏ်နှင့်နီးစပ်သူတစ်ဦးကပြောသည်။ “ငွေသွင်းတာကတော့ ဌာနဆိုင်ရာတွေမသွင်းလို့မရတဲ့ အခွန်ဘာညာတော့သွင်းကြတယ်၊ ပြည်သူလူထုကတော့ ငွေစုစာအုပ် ဘာညာကအစ မသွင်းကြတော့ဘူး။ ပြီးတော့ ငွေလည်းထုတ်မပေးတော့ဘူး အခုက ဟတ်စကီးလည်း မလာရဲတော့ ပိုက်ဆံ မပို့နိုင်တော့ဘူးလေ၊ ဒါကြောင့်အခု ဘဏ်မှာ ပိုက်ဆံမရှိတော့ဘူး” ဟု ဘဏ်နှင့်နီးစပ်သူ အမျိုးသမီးတစ်ဦးက ပြောသည်။ ဟားခါးမြို့မြန်မာ့စီးပွားရေးဘဏ်တွင် မည်သူ့ကိုမှ ငွေသားထုတ်ပေးနိုင်ခြင်းမရှိတော့ဘူးဟု ကြားသိရပြီး မဖြစ်မနေထုတ်ပေးရမည့် ပင်စင်လစာများထုတ်ပေးရန်ပင် အခက်အခဲရှိနေသည်ဟု သိရသည်။ ချင်းပြည်နယ်တွင် ချင်းတော်လှန်ရေးတပ်ဖွဲ့များက နယ်မြေအများစုကို စိုးမိုးထိန်းချုပ်နိုင်ပြီဖြစ်သည့်အတွက် စစ်ကောင်စီသည် ကုန်းလမ်းဖြင့်မလာရဲတော့ဘဲ လက်နက်ခဲယမ်း၊ ရိက္ခာနှင့် ဝန်ထမ်းလစာအတွက် လေယာဉ် (သို့မဟုတ်) ရဟတ်ယာဉ်များဖြင့်သာ ပို့လာလေ့ရှိသည်။ စစ်ကောင်စီသည် ကလေးမြို့မြန်မာ့စီးပွားရေးဘဏ်အထိသာ ငွေကြေးများပို့ပေးနိုင်ပြီး ဟားခါးမြို့အထိ လာမပို့သည်မှာ ကြာနေပြီဖြစ်ကြောင်း သိရသည်။ ထိုကဲ့သို့အခြေအနေကြောင့် စစ်ကောင်စီလက်အောက်တွင် တာဝန်ထမ်းဆောင်နေကြသော ချင်းပြည်နယ်က Non-CDM ဝန်ထမ်းများသည်လည်း အချိန်မီ လစာပုံမှန်ရရှိနိုင်ခြင်းမရှိတော့ဘဲ အဆင်ပြေသလိုသာ ခွဲပြီးပေးနေရသည်ဟု သိရသည်။ “ပြီးခဲ့တဲ့လ ဇူလိုင်တုန်းကတော့ လကုန်မှာမရလိုက်ဘူး၊ နောက်အပတ်မှာ တစ်ဝက်ထုတ်ပေးတယ်၊ ပြီးတော့ ဒီလ ပြီးခဲ့တဲ့ တစ်ပတ်က တစ်ဝက် အဲလိုထုတ်ပေးတာ၊ ဟိုတစ်ခေါက်က လေယာဉ်တစ်ခါလာဆင်းသေးတယ်လေ အဲတုန်းက သယ်လာ တာဖြစ်မယ်” ဟု လက်ရှိ…
(SV/MG/SS) ၂၀၂၀ ခုနှစ်ရွေးကောက်ပွဲ မှာ မဲမသမာမှု ၁၁ သန်းကျော်ရှိတယ်ဆိုတဲ့ စွပ်စွဲချက်နဲ့ စစ်အာဏာသိမ်းခဲ့တဲ့ စစ်အုပ်စုဟာ လာမယ့် ၂၀၂၅ ခုနှစ် နိုင်ဝင်ဘာလမှာ ရွေးကောက်ပွဲ ကျင်းပနိုင်ရေးအတွက် ပြင်ဆင်မှုတွေ အရှိန်မြှင့် လုပ်ဆောင်လာပါတယ်။ စစ်ကောင်စီရဲ့ ရွေးကောက်ပွဲ ကော်မရှင်ကလည်း ဩဂုတ်လ ၂၄ ရက်က နိုင်ငံရေးပါတီတွေနဲ့ တွေဆုံပွဲမှာ တရားဝင် ထုတ်ပြော လာပြီး ရွေးကောက်ပွဲကို နယ်မြေလုံခြုံရေးအရ တစ်ရက်ထဲ ကျင်းပမှာမဟုတ်ဘဲ အပိုင်းလိုက် စီစဉ်ကျင်းပသွားမယ်လို့ ပြောဆိုလာပါတယ်။ ဒီနှစ်အောက်တိုဘာလမှာလည်း စစ်ကောင်စီဟာ သန်းခေါင်းစာရင်း ကောက်ယူဖို့ ပြင်ဆင်နေသလို သူရဲ့ရွေးကောက်ပွဲ ကော်မရှင်ဟာ ပါတီတည်ထောင်ခွင့် လျှောက်ထားမှုတွေကို ပယ်ချတာ၊ တည်ထောင်ခွင့်ပြုတာတွေကို ဆက်တိုက် ပြုလုပ်လာနေပါတယ်။ ချင်းပြည်နယ်၊ ပလက်ဝမြို့နယ်အခြေစိုက် ခူမီးအမျိုးသားပါတီကို စစ်ကောင်စီရဲ့ ရွေးကေက်ပွဲ ကော်မရှင်က ပါတီတည် ထောင်ခွင့်ပြုထားပါတယ်။ ဇိုမီးဒီမိုကရေစီအဖွဲ့ချုပ် (ZCD) ဟာ ပါတီမှတ်ပုံတင်ခွင့် ငြင်းပယ်ခံရထားရပေမယ့် ပါတီတည်ထောင်ခွင့်ရရှိရေး စစ်ကောင်စီရွေးကောက်ပွဲကော်မရှင်ထံ ထပ်မံကြိုးစားသွားမယ်လို့ ဆိုပါတယ်။ ဟားခါး၊ ထန်တလန်၊ ဖလမ်း၊ တီတိန်၊ မင်းတပ်၊ ကန်ပက်လက် မြို့ပေါ်တွေမှာ စစ်ကောင်စီတပ်တွေ ရှိနေဆဲ ဖြစ်ပြီး ချင်းတော်လှန်ရေးအင်အားစုတို့ဟာ ဒီနှစ် ၂၀၂၄ ခုနှစ်အတွင်း ချင်းပြည်မှာ စစ်ကောင်စီ ကင်းစင်ရေးအတွက် စစ်ရေးရည်မှန်းချက်ထားပြီး ဆောင်ရွက်နေတယ်လို့ဆိုထားပါတယ်။ ဒီလိုအခြေအမျိုးမှာ လာမယ့်နှစ်အတွင်း ရွေးကောက်ပွဲကျင်းပနိုင်ရေး စစ်ကောင်စီ ပြင်ဆင်လာမှုနဲ့ ပတ်သက်လို့ ချင်းပြည်၊ ချင်းလူထုနဲ့ ချင်းတော်လှန်ရေးအပေါ် သက်ရောက်မှု အခြေအနေတွေကို ချင်းတော်လှန်ရေးအင်အားစုတွေ၊ အရပ်ဖက်အဖွဲ့ အစည်းနဲ့…
(002MG) ချင်းပြည်နယ်တောင်ပိုင်း၊ မင်းတပ်မြို့ပေါ်တွင် စစ်ကောင်စီက လေကြောင်းဖြင့် လက်နက်ခဲယမ်းနှင့် ရိက္ခာများ ဖြည့် တင်းနေသည်ဟုသိရသည်။ ယနေ့ သြဂုတ်လ ၂၈ ရက်မနက်ပိုင်းတွင် စစ်ကောင်စီက Y-12 လေယာဉ်ဖြင့် လက်နက်ခဲယမ်းနှင့် ရိက္ခာများဟုယူဆရ သောအထုပ်များကို မင်းတပ်မြို့ပေါ် ခလရ ၂၇၄ တပ်ရင်းအနီးမှာ လေထီးနှင့် ချပေးခဲ့သည်ဟု မင်းတပ်ဒေသခံက ပြောသည်။ မင်းတပ်ဒေသခံက “သူတို့က ရိက္ခာလား၊ ကျည်ဆံလားမသိဘူး တောက် လျှောက်ချပေးနေတာ သူတို့ချပေးတဲ့နေရာက ၂၇၄ တပ်ရင်းနဲ့နီးတယ်၊ မိုးရွာနေပေမယ့် လေယာဥ်က တောက်လျှောက်ဝဲနေတာ။ ပြီးခဲ့တဲ့လကလည်းလေယာဥ်နဲ့လာချတယ်” ဟုပြောသည်။ လေထီးဖြင့်ချပေးသောအထုပ်များသည် ခလရ ၂၇၄ နှင့် ကပ်လျက်တည်ရှိသည့် တောင်ပုလုဘုန်းကြီး ကျောင်းဝန်းထဲ ကျသွားခြင်းဖြစ်နိုင်ကြောင်း ဓာတ်ပုံများအရ ဒေသခံများက သုံးသပ်သည်။ စစ်ရေးတွင်အထိနာနေသော စစ်ကောင်စီသည် မြေပြင်လမ်းကြောင်းများကိုလည်း ထိန်းချုပ်နိုင်စွမ်းမရှိတော့ဘဲ ယခုနောက်ပိုင်းတွင် လေကြောင်းဖြင့် ရိက္ခာနှင့် လက်နက်ခဲယမ်းများဖြည့်တင်းမှု ပိုမိုပြုလုပ်လာသည်။ မင်းတပ်မြို့ပေါမှာ အထိုင်ချတပ်စွဲထားကြသော စစ်ကောင်စီတပ်ဖွဲ့များသည် ယခုရက်ပိုင်းအတွင်း လက်နက်ကြီးနှင့် ဒရုန်းဖြင့် ဗုံးကြဲတိုက်ခိုက်မှုပိုမိုပြုလုပ်လာနေသောကြောင့် အချိန်မရွေး တိုက်ပွဲ ဖြစ်ပွားလာနိုင်ကြောင်း ချင်းကာကွယ် ရေးတပ်ဖွဲ့ (မင်းတပ်) က မကြာသေးခင်ရက်ပိုင်းကထုတ်ပြန်ထားသည်။ လက်ရှိ မင်းတပ်မြု့ပေါ်တွင် စစ်ကောင်စီတပ်ဖွဲ့သည် အရှေ့မီးသတ်ကုန်း၊ မိုးလေဝသကုန်း၊ ထွေအုပ်ရုံး၊ အ.ထ.က (၁) ကျောင်း၊ တောင်ပုလုဘုန်းကြီးကျောင်း၊ ဆေးရုံကုန်း၊ ဆောက်လုပ်ရေးရုံးတို့တွင် တပ်စွဲနေရာယူထားသည်ဟု သိရသည်။