(006SV) ချင်းပြည်နယ်၊ ဟားခါးမြို့ပေါ်တွင် စစ်ကော်မရှင်တပ်နှင့် ချင်းတော်လှန်ရေးတပ်ဖွဲ့တို့ ပစ်ခတ်မှု ဖြစ်ပွားပြီး ရဲတပ်ဖွဲ့ဝင် ၁ ဦး သေဆုံးပြီး ထိခိုက်ဒဏ်ရာ ရရှိမှုများ ရှိကြောင်း သိရသည်။ ယနေ့ မတ်လ ၁၁ ရက် မနက် ၈ နာရီခန့်က ဟားခါးမြို့၊ ပြည်တော်သာ ရပ်ကွက်တွင် ဒေသခံပြည်သူများထံကို ယာဉ်မောင်းလိုင်စင်များ စစ်ဆေးပြီး ငွေကြေးအတောင်းကြမ်းနေသော ရဲတပ်ဖွဲ့ဝင်များကို CDF – ဟားခါးက ပစ်ခတ်တိုက်ခိုက်ခြင်းဖြစ်ကြောင်း CDF ဟားခါးမှ တာဝန်ရှိသူတစ်ဦးက ပြောသည်။ “ဒီနေ့ မနက် ၈ နာရီကျော်ကျော်လောက်မှာ ပြည်တော်သာရပ်ကွက်မှာ ရဲက ဆိုင်ကယ် ယာဉ်မောင်းလိုင်စင်တွေ စစ်ပြီးတော့ ပိုက်ဆံတွေ မတရားတောင်းလို့ ကျနော်တို့ ပစ်ထားတယ်။ တစ်ယောက်သေတယ်။ ဒဏ်ရာ ရသူတွေ လည်း ရှိတယ်” ဟု CDF ဟားခါးမှ တာဝန်ရှိသူတစ်ဦးက ပြောသည်။ ပစ်ခတ်မှုတွင် စစ်ကော်မရှင်၏ ဟားခါးမြို့ပေါ် ရဲတပ်ဖွဲ့မှ တပ်ဖွဲ့ဝင်တချို့လည်း ထိခိုက်ဒဏ်ရာများ ရရှိပြီး အရေအတွက် အတိအကျကို မသိရှိသေးကြောင်း သိရသည်။ ဟားခါးမြို့ပေါ်တွင် စစ်ကော်မရှင်တပ်ဖွဲ့ဝင်များနှင့် ချင်းကာကွယ်ရေးတပ်ဖွဲ့တို့ကြား မကြာခဏ ထိတွေ့တိုက်ပွဲများ ဖြစ်ပွားလေ့ရှိနေကြောင်း သိရသည်။
Author: Editor
(006SV) ရခိုင်ပြည်နယ်၊ အမ်းမြို့နယ်၊ ဒါးလက်ချောင်းဒေသက စစ်သုံ့ပန်းအကျဉ်းစခန်းကို စစ်ကော်မရှင်တပ်က သုံးနာရီခွဲကြာ လေကြောင်းတိုက်ခိုက်မှု ပြုလုပ်ရာ စစ်ကော်မရှင် စစ်သုံ့ပန်း အသေအပျောက် အများဆုံးဖြစ်စဉ် ဖြစ်ပွားခဲ့ပြီး အရာရှိကြီးများအပါအဝင် ၁၁၆ ဦး သေဆုံးပြီး ၃၂ ဦး ထိခိုက်ဒဏ်ရာများ ရရှိကြောင်း သိရသည်။ မတ်လ ၈ ရက် နံနက် ၁၁ နာရီမှ မွန်းလွဲ ၂ နာရီခွဲခန့်အထိ စစ်ကော်မရှင်တပ်သည် ဂျက်ဖိုက်တာ ၄ စီး၊ Y- 12 ၄ စီးတို့ဖြင့် ဒါးလက်ချောင်းဒေသရှိ အာရက္ခတပ်တော် ULA/ AA ၏ စစ်သုံ့ပန်းအကျဉ်းစခန်းကို ၃ နာရီခွဲခန့် ကြာမြင့်သော လေကြောင်းဗုံးကြဲ တိုက်ခိုက်မှုမျိုးကို မရပ်မနား ပြုလုပ်သည်ဟု ULA/ AA က ယနေ့မတ်လ ၁၁ ရက်မှာ ထုတ်ပြန်သည်။ လေကြောင်းတိုက်ခိုက်မှုကြောင့် လတ်တလောစာရင်းအရ စစ်သုံ့ပန်း ၁၁၆ ဦး သေဆုံးပြီး ၃၂ ဦး ထိခိုက်ဒဏ်ရာ ရရှိကြောင်း၊ ထို့အပြင် ပြင်းထန်၊ အလတ်စား၊ အသေးစားဒဏ်ရာ ရရှိသူ အများအပြားလည်း ရှိနေသေးကြောင်း သိရသည်။ အရပ်သားများထဲက ပြစ်ဒဏ်ကျခံရသူတချို့လည်း အဆိုပါလေကြောင်းတိုက်ခိုက်မှုတွင် သေဆုံးမှု၊ ထိခိုက်ဒဏ်ရရှိမှုလည်း ရှိခဲ့ကြောင်း သိရသည်။ ရခိုင်ပြည်နယ်အတွင်း စစ်ကော်မရှင်တပ်၏ လေကြောင်းတိုက်ခိုက်မှု ဖြစ်စဉ်များတွင် စစ်ကော်မရှင်တပ်ဖွဲ့မှ စစ်သုံ့ပန်းများ အသေအပျောက် အများဆုံးဖြစ်စဉ် ဖြစ်ပြီး စစ်ဘက်အရာရှိကြီး များစွာလည်း ပွဲချင်းပြီး သေဆုံးကြောင်း သိရသည်။ စစ်သုံ့ပန်းအလောင်းတချို့မှာ…
(004SS) ချင်းပြည်နယ်၊ ဖလမ်းမြို့နယ် Ramthlo ကျေးရွာတွင် ယနေ့ မတ်လ ၁၁ ရက်နေ့က လက်နက်ကြီးကျည်တစ်လုံး ပေါက်ကွဲမှုဖြစ်ပွါးပြီး ကလေးငယ်တစ်ဦး သေဆုံးကာ ကျန်တစ်ဦးမှာ ပြင်းထန်ဒါဏ်ရာရရှိကြောင်း ဒေသခံများထံမှ သိရသည်။ အဆိုပါလက်နက်ကြီးကျည်သည် ယခင်က စစ်ကော်မရှင်တပ်မှ ပစ်ခတ်ပြီး မပေါက်ကွဲဘဲ အချိန်အတော်ကြာ ကျန်ရှိ နေခဲ့သည့်ကျည်ဖြစ်ပြီး ကလေးငယ်နှစ်ဦးက တွေ့ရှိကာ ဆော့ကစားရာမှ ပေါက်ကွဲမှု ဖြစ်ပွါးခဲ့ခြင်းဟု သိရသည်။ “ဟုတ်တယ် သူတို့က ၂ ယောက် ပေါ့နော်၊ မပေါက်ကွဲသေးတဲ့ ဗုံးကို ပစ်ပေါက်လိုက်တော့ ပေါက်ကွဲပြီထိတာလို့ လော လောဆယ် အဲလိုပဲ ကြားသိရတယ်။ အဲမှာ တစ်ယောက်က နေရာမှာတင် ပွဲချင်းဆုံးသွားတယ်။ နောက်တစ်ယောက်ကတော့ ဟားခါးဆေးရုံ လာပို့တယ်၊ အကြောင်းစုံတော့ မသိရသေးဘူး။” ဟု ဟားခါးမြို့နေ Ramthlo ဒေသခံအမျိုးသမီးတစ်ဦးက ပြောသည်။ ပေါက်ကွဲမှုကြောင့် အသက် (၁၁) နှစ်အရွယ် Johan Thawng Tha Thang မှာ အခင်းဖြစ်ပွားရာနေရာ၌ပင် သေဆုံးသွား ခဲ့ပြီး အသက် (၈) နှစ်အရွယ် ကလေးငယ်မှာမူ ခြေထောက်တဖက် ပြတ်တောက်သွားသည့်အထိ ဒဏ်ရာပြင်းထန် ပြီး ဟားခါးမြို့ပြည်သူ့ဆေးရုံသို့ ပို့ဆောင်ထားရကြောင်း သိရသည်။ တိုက်ပွဲများ ဖြစ်ပွားခဲ့သည့် ဒေသများတွင် လက်နက်ကြီးကျည်နှင့် မပေါက်ကွဲသေးသည့် ခဲယမ်းများ ကျန်ရှိနေနိုင်သဖြင့် ဒေသခံပြည်သူများအနေဖြင့် ထူးဆန်းသော သံထည်ပစ္စည်းများအား ကိုင်တွယ်ခြင်း၊ ရွှေ့ပြောင်းခြင်းနှင့် ထုနှက်ခြင်းများ လုံးဝမပြုလုပ်ကြရန် အရေးကြီးသည်။
(002MG) ချင်းပြည်နယ်၊ ဟားခါးမြို့ပေါ်တွင် ပြည်သူများအား နှောက်ယှက်ကာ ငွေညစ်တောင်းခံနေသည့်ရဲတပ်ဖွဲ့ကို CDF- Hakha မှပစ်ခတ်တိုက်ခိုက်ရာမှာ ရဲတပ်ဖွဲ့ဝင် (၂) ဦးသေဆုံးကာ (၁) ဦး ဒဏ်ရာ ရရှိခဲ့သည်ဟု CDF-Hakha က ယနေ့ထုတ် ပြန် သည်။ ယနေ့မတ်လ ၁၁ ရက်မနက်ပိုင်းက ရဲတပ်ဖွဲ့ဝင်များသည် ဆိုင်ကယ်များအားစစ်ဆေးငွေညစ်နေစဥ် CDF-Hakha မှ ပစ်ခတ်တိုက်ခိုက်ခဲ့ခြင်းဖြစ်ပြီး အခင်းဖြစ်ပွားရာနေရာတွင် ရဲတပ်ဖွဲ့ဝင် (၁) ဦးမှာ သေဆုံးခဲ့ပြီး (၂) ဦး ဒဏ်ရာရရှိ ကာ ဒဏ်ရာရရှိသူထဲက တစ်ဦးသည် စခန်းသို့ရောက်ရှိပြီးနောက် ထပ်မံသေဆုံးခဲ့သည်ဟု ထုတ်ပြန်ချက်တွင် ဖော်ပြ ထားသည်။ ပြည်သူလူထုအား မတရားနှောက်ယှက်ခြင်း၊ ငွေညစ်တောင်းခံခြင်းများ ပြုလုပ်နေသည့် အဖွဲ့အစည်းများအနေဖြင့် နောက်တစ်ကြိမ် ထပ်မံမပြုလုပ်ရန်နှင့် မတရားလုပ်ရပ်များ ဆက်လက်ပြု လုပ်ပါက ထိရောက်သော အရေးယူမှုများ ဆက် လက်လုပ်ဆောင်သွားမည်ဟု CDF-Hakha အဖွဲ့မှ သတိပေးထုတ်ပြန်သည်။ ပြည်သူများအနေဖြင့်လည်း မတရားညှဉ်းပန်းနှောက်ယှက်မှုများအား သတိထားကာ လုံခြုံရေးကို ဂရုပြုကြပါရန် အသိပေးဖော်ပြထားသည်။
(002MG) စစ်ကော်မရှင်တပ်၏ လေကြောင်းနှင့် မြေပြင်တိုက်ခိုက်မှုကြောင့် ဖေဖော်ဝါရီ လအတွင်း အမျိုးသမီး (၆၃) ဦး သေဆုံးခဲ့ပြီး ထိခိုက်ဒဏ်ရာရရှိသူ (၆၆) ဦးအထိ ရှိခဲ့ကြောင်း မြန်မာ့အမျိုးသမီးသမဂ္ဂမှ ယနေ့ မတ်လ (၁၀) ရက်တွင် သတင်းထုတ်ပြန်ထားသည်။ပြီးခဲ့သည့် ဖေဖော်ဝါရီလအတွင်း မြန်မာနိုင်ငံတဝှမ်းလုံးတွင် စစ်ကော်မရှင်၏ လေကြောင်း ဗုံးကြဲ တိုက်ခိုက်မှု ကြောင့် အမျိုးသမီး (၄၆) ဦး၊ လက်နက်ကြီးကြောင့် (၈) ဦး၊ မတရားသတ်ဖြတ်ခံ ရမှု ကြောင့် (၇) ဦး နှင့် ကျည်ထိမှန်မှုကြောင့် (၂) စုစုပေါင်း (၆၃) ဦး တို့ အသက်ဆုံးရှုံးခဲ့ကြရသည်ဟု သိရသည်။အဆိုပါသေဆုံးသူများထဲတွင် အသက် (၁၈) နှစ်အောက် အမျိုးသမီးငယ် (၁၈) ဦး နှင့် ကိုယ်ဝန် ဆောင်အမျိုးသမီး (၁) ဦး ပါဝင်သည်ဟု ဖော်ပြထားသည်။ထို့အပြင်လေကြောင်းတိုက်ခိုက်မှုကြောင့် အမျိုးသမီး (၄၁) ဦး၊ လက်နက် ကြီးပစ်ခတ်ခံရမှုကြောင့် (၁၃) ဦး၊ မြေမြှုပ် မိုင်းကြောင့် (၁၀) ဦး၊ ပဋိပက္ခနှင့် ဆက်နွယ်သော လိင်ပိုင်းဆိုင်ရာ အကြမ်းဖက်ခံရမှုကြောင့် အမျိုးသမီး (၂) ဦးတို့ ထိခိုက်ဒဏ်ရာရရှိခဲ့ကြသည်ဟု သိရသည်။ရခိုင်ပြည်နယ်သည် အမျိုးသမီးသေဆုံးမှု (၂၂) ဦးဖြင့် အမြင့်ဆုံးဒေသဖြစ်ပြီး စစ်ကိုင်းတိုင်းတွင် (၁၂) ဦး၊ မကွေးတိုင်း တွင် (၁၁) ဦး၊ တနသ်ာရီတိုင်းတွင် (၆) ဦး၊ မန္တလေးတိုင်းတွင် (၅) ဦး၊ ပဲခူးတိုင်း တွင် (၂)…
စစ်ကော်မရှင် ထိုးစစ်များသည် ဖလမ်းမြို့နှင့် ဆုရ်းဘုန်လေဆိပ်သို့ ဦးတည်ဟု ICA သုံးသပ် (006SV) အာဏာသိမ်းစစ်ကော်မရှင်၏ ချင်းပြည်နယ်မြောက်ပိုင်း၊ ဖလမ်းမြို့သို့ ၄ လကြာ ထိုးစစ်ဆင်နေသည့် တိုက်ပွဲများတွင် စစ်ကော်မရှင်တပ်ဖွဲ့ဝင် ၂၀၀ ကျော် သေဆုံးပြီး စစ်သုံ့ပန်းအဖြစ် ဖမ်းဆီးခံရသူ ၄၀ ကျော် ရှိနေကြောင်း ချင်းရေးရာ အဖွဲ့ချုပ် (ICA) ထံမှ သိရသည်။ ပြီးခဲ့သည့် နိုဝင်ဘာလမှ စတင်၍ ဝေဘူလ- ဖလမ်းနှင့် သိုင်းငင်း- ဖလမ်းလမ်းကြောင်းတို့မှတက်လာသော အင်အား ၁၀၀၀ ခန့်ရှိ စစ်ကော်မရှင်တပ်သည် ဖလမ်းမြို့အတွင်းစစ်ဆင်ရေးမှာ ချင်းတော်လှန်ရေး ပူးပေါင်းတပ်များက ဒရုန်းအပါအဝင် နည်းမျိုးစုံဖြင့် ခုခံတွန်းလှန်မှုကြောင့် စစ်ကော်မရှင်တပ်ဖွဲ့ဝင် ၂၀၀ ကျော် သေဆုံးသည်ဟု ဆိုသည်။ “ကျနော်တို့ အပေါ်ယံကြည့်မယ်ဆိုရင်၊ ကျနော်တို့ ထဲထဲ ဝင်ဝင်တော့ ဒါက စစ်ရေးကိစ္စဆိုတော့ မသိဘူးပေါ့။ ဒါပေမယ့် လေ့လာသုံးသပ်ကြည့်ရတာတော့ ဒရုန်းနဲ့ တိုက်ခိုက်မှုမှာ စကမတွေ အတော်လေး အထိနာတာ တွေ့ရတယ်။ နောက်တစ်ခုက စနိုက်ဘာပေါ့နော်။ ဒီ ၂ ခုကတော့ သိသိသာသာ ထင်ထင်ရှားရှား တွေ့ရတယ်။ ထွက်ပြေးတာက သူတို့က စစ်မတိုက်ချင်တော့လို့ ထွက်ပြေးရင် လမ်းမှာ အဖမ်းခံရတာတို့၊ ကျနော်တို့ ဒေတာ ပြုစုတဲ့အထဲ မပါရှိနိုင်တာက ဖမ်းဆီးမခံရဘဲ ထွက်ပြေးသွားနိုင်တဲ့ လူတွေလည်း တော်တော်များများ ရှိနိုင်တယ်။ အဲလိုအခြေအနေ ရှိတယ်” ဟု ICA မှ ပြောရေးဆိုခွင့်ရှိသူ Salai Van Sui San…
ဆေးဝါး၊ အမိုးအကာ အပါအဝင် အခြေခံစားနပ်ရိက္ခာအကူအညီများ အရေးပေါ် လိုအပ်နေ (006SV) အာဏာသိမ်းစစ်ကော်မရှင်တပ်၏ ထိုးစစ်ဆင်နေမှုကြောင့် ဖလမ်းမြို့နယ်နှင့် တီးတိန်မြို့နယ်ရှိ ကျေးရွာပေါင်း ၃၀ ကျော်က ဒေသခံပြည်သူ ၃၀၀၀ ကျော်သည် ၄ လကျော်ကြာ အိုးအိမ်စွန့်ခွာ စစ်ဘေးတိမ်းရှောင်နေရကြောင်း ချင်းရေးရာအဖွဲ့ချုပ် (ICA)ထံမှ သိရသည်။ ချင်းပြည်နယ်မြောက်ပိုင်း၊ ဖလမ်းမြို့နယ်နှင့် တီးတိန်မြို့နယ်တို့က ကလေး- သိုင်းငင်း၊ ကလေး- ဝေဘူလ လမ်းဘေး တစ် လျှောက်ရှိ ကျေးရွာများမှ ဒေသခံပြည်သူများသည် အိန္ဒိယနိုင်ငံဘက်၊ ကလေးမြို့ဘက်အပါအဝင် တောတောင် များနှင့် စစ်ကြောင်း အလှမ်းဝေးသော ကျေးရွာများတွင် စစ်ဘေးတိမ်းရှောင်နေရသည်။ “အခုက ရွာပေါင်း ၅၀ ကျော်နေပြီ။ တချို့တဝက်က အိန္ဒိယ၊ မီဇိုရမ်ဘက်ကို တိမ်းရှောင်တဲ့ လူတွေ ရှိသလို ကလေးမြို့ဘက်ကို တိမ်းရှောင်တဲ့ လူတွေလည်း ရှိတယ်။ ဒါပေမယ့် ငွေကြေးမတတ်နိုင်တဲ့ လူတွေက တောထဲမှာပဲ အဆင်ပြေသလို တိမ်းရှောင် နေတာ တွေ့ရတယ်။ အခု စစ်ဘေးတိမ်းရှောင်လာတဲ့ ရွာတွေ အားလုံးက စကမ စစ်ကြောင်းထိုးလာတဲ့ လမ်းကြောင်းတလျှောက် မှာ ရှိတဲ့ ရွာတွေပါ။ တချို့ရွာတွေက စကမတွေ မရောက်ရှိသေး ပေမယ့်လည်း လေကြောင်းတိုက်ခိုက်မှုတွေ ဆက်တိုက်လုပ်ခံရတဲ့ ရွာတွေ ဖြစ်တယ်။ လက်နက်ကြီး ပစ်ခတ်မှုတွေ ဆက်တိုက် ခံရတဲ့ ရွာတွေ ဖြစ်တဲ့အခါမှာ ဘယ်သူမှ ရွာမှာ မနေရဲကြတော့တဲ့ အနေအထားပါ” ဟု ICA မှ ပြောရေးဆိုခွင့်ရှိသူ Salai Van…
ဖောက်ဖျက်ပါက ထောင်ဒဏ်၊ ငွေဒဏ်များဖြင့် အရေးယူမည် ချင်းပြည်နယ်၊ လောက်တူဒေသအတွင်း တရားဥပဒေစိုးမိုးရေးနှင့် လူမှုဘဝတည်ငြိမ်အေးချမ်းရေးအတွက် လောင်းကစား လုပ်ငန်းအားလုံးကို မတ်လ ၆ ရက်မှစတင်၍ တားမြစ်ပိတ်ပင်လိုက်ကြောင်း လောက်တူဒေသ ပြည်သူ့အုပ် ချုပ်ရေးအဖွဲ့ (LRPA) က ဒေသန္တရအမိန့် ထုတ်ပြန်လိုက်သည်။ လောက်တူပြည်သူ့ရေးရာကောင်စီ သဘာပတိအဖွဲ့၏ သဘောတူညီချက်အရ ထုတ်ပြန်သည့် အဆိုပါအမိန့်တွင် ဒေသ အတွင်း မည်သည့်နေရာ၌မဆို ငွေကြေး သို့မဟုတ် အဖိုးတန်ပစ္စည်းများဖြင့် ဖဲကစားခြင်း၊ ကြက်တိုက်ခြင်း၊ Digital Game များဖြင့် လောင်းကစားခြင်းနှင့် အခြားသော လောင်းကစားဝိုင်းများ ဖွင့်လှစ်ခြင်းတို့ကို လုံးဝ (လုံးဝ) မပြုလုပ်ရန် တားမြစ် ထားသည်။ ထို့အပြင် လောင်းကစားရန်အတွက် နေရာစီစဉ်ပေးခြင်းနှင့် အကူအညီပေးသူများကိုလည်း တားမြစ်ထားသည်။ ဒေသလုံခြုံရေးတပ်ဖွဲ့ (CDF-Lautu) နှင့် ကျေးရွာအုပ်ချုပ်ရေးအဖွဲ့များကိုလည်း ရှောင်တခင်စစ်ဆေးခြင်း၊ ဖမ်းဆီးခြင်းနှင့် သက်သေခံပစ္စည်းများ သိမ်းဆည်းခြင်းတို့ကို ဆောင်ရွက်ရန် တာဝန်ပေးအပ်ထားကြောင်း သိရသည်။ သတ်မှတ်ထားသည့် တားမြစ်ချက်များကို ဖောက်ဖျက်ကျူးလွန်ပါက အနည်းဆုံး ငွေဒဏ် ကျပ်တစ်သိန်းဖြစ်စေ၊ တည်ဆဲ ဥပဒေများအရ ထောင်ဒဏ်/ ငွေဒဏ်ချမှတ်ခြင်း သို့မဟုတ် ဒဏ်နှစ်ရပ်လုံးဖြစ်စေ ပြင်းထန်စွာ အရေးယူဆောင်ရွက်သွား မည်ဟု LRPA က သတိပေးထားသည်။ အဆိုပါ ဒေသန္တရအမိန့်သည် ထုတ်ပြန်သည့်နေ့မှစ၍ အာဏာသက်ရောက်ပြီး ပြင်ဆင်ခြင်း သို့မဟုတ် ပယ်ဖျက်ခြင်းမပြု သရွေ့ လောက်တူဒေသတစ်ဝန်းလုံးတွင် အတည်ဖြစ်ကြောင်း ထုတ်ပြန်ထားပါသည်။
(006SV) ချင်း၊ ကချင်၊ ရခိုင်ပြည်နယ်များသို့ ပို့မည့် စက်သုံးဆီများကို တိုင်း/ ဖက်ဒရယ်ယူနစ်နယ်မြေများကို ဖြတ်သန်း ယူဆောင်မည်ဆိုပါက မဟာမိတ်အဖွဲ့အစည်းများအနေဖြင့် NUG အစိုးရ၏ ဖြတ်သန်းခွင့် ပါမှသာ ဖြတ်သန်း သယ်ဆောင်ခွင့်ပြုမည်ဟု သိရသည်။ မိမိတို့ ထိန်းချုပ်နယ်မြေအတွင်းသို့ ဆီအမျိုးမျိုးကို အဝင်သာခွင့်ပြုပြီး အထွက်လုံးဝ ထွက်ခွင့်မပြုရန် အမျိုးသား ညီညွတ်ရေးအစိုးရ (NUG)၊ ကြားကာလဒေသန္တရ ပြည်သူ့အုပ်ချုပ်ရေး ဖော်ဆောင်မှု ဗဟိုကော်မတီ ဒုဥက္ကဌ ၁ ဦးလွင်ကိုလတ် က မတ်လ ၆ ရက် နေ့စွဲဖြင့် လျှို့ဝှက်အမိန့် ညွှန်ကြားချက်အရ သိရသည်။ “ဒီကိစ္စက အဓိက အားဖြင့် အကြမ်းဖက်စစ်တပ်ဘက်ကို လေယာဉ်ဆီတွေ၊ စက်သုံးဆီတွေ ရောက်ရှိမှာ စိုးတဲ့အတွက် ကျနော်တို့ ကြပ်မတ်ရခြင်းဖြစ်ပါတယ်။ ကျနော်တို့ မဟာမိတ်တွေနဲ့ပတ်သက်တဲ့ သယ်ယူပို့ဆောင်မှုတွေ၊ နောက်ပြီး တော့ ပြည်သူတွေ အသုံးပြုဖို့အတွက် သယ်ယူပို့ဆောင်မှုတွေဖြစ်တယ်ဆိုတာ သေချာတယ်ဆိုရင် သက်ဆိုင်ရာဝန်ကြီး ဌာနနဲ့ ညှိနှိုင်းပြီးတော့ ဖြတ်သန်းသယ်ဆောင်ခွင့်ပြုမှာဖြစ်ပါတယ်” ဟု NUG အစိုးရ ဝန်ကြီးချုပ်ရုံး ပြောရေးဆိုခွင့်ရှိသူ ဦးနေဘုန်းလတ်က ပြောသည်။ ကချင်ပြည်နယ်၊ ချင်းပြည်နယ်၊ ရခိုင်ပြည်နယ်များသို့ ပို့မည့် စက်သုံးဆီများကို မိမိတို့ တိုင်း/ ဖက်ဒရယ်ယူနစ် နယ်မြေ များကို ဖြတ်သန်းသယ်ဆောင်မည်ဆိုပါက မဟာမိတ်အဖွဲ့အစည်းများမှ NUG အစိုးရနှင့် ညှိနှိုင်းပြီး ပြည်ထဲရေးနှင့် လူဝင်မှု ကြီးကြပ်ရေးဝန်ကြီးဌာန ဖြတ်သန်းခွင့် ပါမှသာလျှင် ဖြတ်သန်းခွင့်ပြုရမည်ဟု သိရသည်။ NUG အစိုးရ ထိန်းချုပ်နယ်မြေများတွင် သက်ဆိုင်ရာ တိုင်း/ ဖက်ဒရယ်ယူနစ်အတွင်းသို့…
(002MG) စစ်ကိုင်းတိုင်း၊ ကလေးမြို့နယ်တောင်ပိုင်း၊ ချင်းဆိုင်ကျေးရွာတွင် တပ်စွဲထားသော စစ်ကော်မရှင်တပ်သားတစ်ဦးအား လက်နက်ခဲယမ်းများနှင့်အတူ Kalay Urban Guerrilla (Kalay UG) အဖွဲ့က ဖမ်းဆီးရမိခဲ့ကြောင်းမတ်လ (၇) ရက် ယနေ့ သတင်းထုတ်ပြန်သည်။ မတ်လ ၅ ရက်နေ့က Kalay UG ရဲဘော်များ နယ်မြေလုံခြုံရေးဆောင်ရွက်နေစဉ် ချင်းဆိုင်ရွာတွင် တပ်စွဲထားသည့် စစ်ကော်မရှင်တပ်မှ ကိုယ်ပိုင်အမှတ် ပစ/၁၇၀၈၆၇၊ တပ်သား အောင်စိန်သောင်းသည် မူးရစ်ဆေးဝါး အလွန်အကျွံ သုံးစွဲထားသော အခြေအနေဖြင့် လမ်းမှားဝင်ရောက်လာသည်ကို လက်နက်နှင့်အတူ ဖမ်းဆီးရမိခဲ့ခြင်းဖြစ်သည်။ အဆိုပါ စစ်ကော်မရှင်တပ်သားထံမှ MA-1 (၁) လက်၊ ကျည်ဘောက် (၄) ခု၊ ၅.၅၆ ကျည် (၇၅) တောင့်ပါ လက်နက်ခဲ ယမ်းများသိမ်းဆည်းရမိခဲ့သည်။ ၎င်းကို နိုင်ငံတကာ စစ်သုံ့ပန်းဥပဒေ (International Law on Prisoners of War) နှင့်အညီ ကောင်းမွန်စွာ ထိန်းသိမ်း စောင့်ရှောက်ထားသည့်အပြင် လိုအပ်သည့် စစ်ဆေး မေးမြန်းမှုများအားဆက်လက်ဆောင်ရွက်သွားမည်ဖြစ်ကြောင်း ထုတ်ပြန်ချက်တွင် ဖော်ပြထားသည်။