FactCheck ဒီသတင်းအမှားကို အမွှေစိန် မျိုးချစ်မြန်မာဆိုတဲ့ အကောင့်ကနေပြီး “NUG ကတော့ နစက ကို တိတ်တဆိတ် ရွေးကောက်ပွဲ ပါဝင်ဖို့အတွက် ကမ်းလှမ်းလာပါသည်..ဘာတွေ ဆက်ဖြစ်မလဲ စောင့်ကြည့်ကြတာပေါ့နော် ကိုယ်တွေကတော့ နစကကြီး ဘယ်ဘဝရောက်ရောက် ထူးအယ်လ်လင်းဘဲဟေ့ မျိုးချစ်တွေကရော” လို့ရေသားဖော်ပြထားတာဖြစ်ပါတယ်။ ဒီသတင်းနဲ့ပတ်သက်ပြီး အရပ်ဘက်ဆိုင်ရာတာဝန်ရှိသူတစ်ဦးက “ ဒါကတော့ လုံးဝမဖြစ်နိုင်ဘူး တစ်လောကလုံး စစ်ကောင်စီကလုပ်တဲ့ ရွေးကောက်ပွဲကို ဆန့်ကျင်နေကြတာ။ NUG အနေနဲ့ စစ်ကောင်စီက လုပ်မယ့်ရွေးကောက်ပွဲကို ပါဝင်မယ်ဆိုရင် ဟာသဖြစ်သွားလိမ်မယ်။ လုံဝမဖြစ်နိုင်ဘူးလို့ပြောချင်ပါတယ်။” လို့ပြောပါတယ်။ စစ်ကောင်စီက ကျင်းပမယ့် ရွေးကောက်ပွဲနဲ့ပတ်သက်ပြီး ပြည်သူလူထုအနေနဲ့ မပူးပေါင်းကြဖို့ အမျိုးသားညီညွတ်ရေးအစိုးရအဖွဲ့ NUG က ဇန်နဝါရီလ ၉ ရက်နေ့ကလည်း ကြေညာချက်ထုတ်ပြန်ခဲ့သည်။ ရွေးကောက်ပွဲအတွက် စစ်ကောင်စီက တအိမ်တက်ဆင်း လူဦးရေစာရင်းကောက်ယူနေမှုကိုလည်း ပြည်သူလူထုအနေနဲ့ ငြင်းဆန်ပြီး မပူးပေါင်းကြဖို့ NUG ကမေတ္တာရပ်ထားပါသည်။ ဒါကြောင့် “NUG ကတော့ နစက ကို တိတ်တဆိတ် ရွေးကောက်ပွဲ ပါဝင်ဖို့အတွက် ကမ်းလှမ်းလာပါသည်”ဆိုတာ သတင်းအမှားတစ်ပုဒ်သာဖြစ်ပါတယ်။
Author: Editor
ချင်းပြည်နယ် ဟားခါးမြို့တွင် စစ်ကောင်စီတပ်ဖွဲ့က ဇန်နဝါရီလ ၂၅ ရက် ညနေပိုင်းက ခရီးသွားသူများနှင့် ဒေသခံ အရပ်သားပြည်သူ ၁၃ ဦးကို ဖမ်းဆီးခဲ့ပြီး ယနေ့တွင် အသက် ၁၆ နှစ်အောက်လူငယ် ၇ ဦးကို ပြန်လွှတ်ပေးခဲ့သည်ဟု ချင်းလူ့အခွင့်အရေးဖွဲ့ CHRO ထံမှသိရသည်။ ဟားခါးမြို့ ကျောဘုတ်ရပ်ကွက်တွင် ဇန်နဝါရီလ ၂၅ ရက်နေ့က စစ်ကောင်စီတပ်ဖွဲ့နှင့် CDF-Hakha တပ်ဖွဲ့တို့ပစ်ခတ်မှုဖြစ်ပွားကာ စစ်ကောင်စီတပ်သား ၂ ဦးသေဆုံးခဲ့ပြီးနောက် အခင်းဖြစ်ပွားရာအနီးတဝိုက်ရှိ နေအိမ် ၃ လုံးကို စက်ကြီးဖြင့် ဖျက်ဆီးခံရသည့်အပြင် ခရီးသွားနှင့်အရပ်သားပြည်သူ ၁၃ ဦး ဖမ်းဆီးခံခဲ့ရခြင်းဖြစ်သည်။ “အဲဒီပစ်ခတ်မှုဖြစ်ပွားတဲ့နောက်ပိုင်းမှာ စစ်တပ်ဘက်ရောက်လာပြီးတော့ လူနေအိမ်တွေဖျက်ဆီးလိုက်တယ်ပြီးတော့ အနီးနားကအိမ်တစ်လုံးကလူတွေကိုဖမ်းဆီးသွားတယ် နောက်ပြီးတော့ ပစ်ခတ်မှုဖြစ်ပွားတဲ့နောက်မှာ အဲဒီဂိတ်ကို လာဖြတ်တဲ့လူတွေကိုပါ ဖမ်းဆီးထိန်းသိမ်းလိုက်တယ် မနေ့ည ၇ နာရီအထိရရှိတဲ့သတင်းအရတော့ အားလုံးဖမ်းခံရသူက ၁၃ ဦးရှိတယ်လို့ သိရပါတယ်” ဟု ချင်းလူ့အခွင့်အရေးအဖွဲ့မှ ဒါရိုက်တာဆလိုင်းဇအုပ်လိန်က ပြောသည်။ အဆိုပါဖမ်းဆီးခံရသူများအနက် အသက် ၁၆ နှစ်အောက်လူငယ် ၇ ကို ယမန်နေ့ ဇန်နဝါရီလ ၂၆ ရက်နေ့ ညနေပိုင်းတွင် စစ်ကောင်စီတပ်ဖွဲ့က ပြန်လွတ်ပေးခဲ့ပြီး ကျန် ၆ ယောက်၏ အခြေအနေကိုတော့ မသိရသေးကြောင်း သူကဆက်ပြောပါတယ်။ “အခုလိုမျိုး အိမ်တွေဖျက်ဆီးတာ၊ လူတွေလိုက်ဖမ်းတာက သူတို့ကျင်းပမယ့် ဒီမိုကရေစီ Election ကြေညာထားတဲ့ဟာနဲ့ ကိုက်ညီမှုမရှိဘူးပေါ့နော် ပြီးတော့ ပြည်သူလူတွေကို ဒီလိုမျိုး မတရားသဖြင့် လိုက်လံဖမ်းဆီးပြီးတော့ အိုးအိမ်တွေကို ဖျက်ဆီးတာမျိုးက တကယ်ကို ဆိုးရွားတဲ့…
Hornbill International Model Organization မှ ဖိလစ်ပိုင်နိုင်ငံ ဘတ်တဂန်မြို့ ယဉ်ကျေးမှုခန်းမ Rosario တွင် ဇန်နဝါရီလ ၂၂ ရက်နေ့က ကျင်းပပြုလုပ်သော တတိယကြိမ်မြောက် Mr. World Noble King ပြိုင်ပွဲတွင် မြန်မာနိုင်ငံကိုယ်စားပြုအနေဖြင့် သွားရောက်ယှဉ်ပြိုင်သော အလှမောင်ချင်းတိုင်းရင်းသား Mang Sui Dun သည် Mr. Teen Tourism International နဲ့ Mr. Friendship Award ဆု ၂ ဆုကို ဆွတ်ခူးရရှိခဲ့သည်ဟု သိရသည်။ အလှမောင် Mang Sui Dun သည် Mr. World Noble King ပြိုင်ပွဲတွင် မြန်မာနိုင်ငံကိုယ်စားပြု အလှမောင်များထဲမှ ပထမဦးဆုံး အလှမောင်ဆု ဆွတ်ခူးရရှိသူဖြစ်သည်။ “ဟုတ်ကဲ့ခင်ဗျာ၊ အခုလို Mr World Noble King 2023 မှာပေါ့နော် တိုင်းပြည်နဲ့ လူမျိုးအတွက် ကျွန်တော် ဆုရယူနိုင်ခဲ့တဲ့အတွက်လည်း ကိုယ့်ကိုကိုယ်ဂုဏ်ယူပြီးတော့ အရမ်းဝမ်းသာတယ် ပီတီဖြစ်မိပါတယ်ခင်ဗျာ” ဟု Mang Sui Dun ပြောသည်။ Mr. World Nobel King ပြိုင်ပွဲကို နှစ်တိုင်းကျင်းပလေ့ရှိကာ မြန်မာနိုင်ငံကိုယ်စားပြု အလှမောင်များ သွားရောက်ယှဉ်ပြိုင်လေ့ရှိရာ ယခု ၂၀၂၃ ခုနှစ် တတိယအကြိမ်မြောက်မှာ ချင်းတိုင်ရင်းသား Mang Sui Dun က မြန်မာနိုင်ငံကိုယ်စား ဆုရရှိခဲ့ခြင်းဖြစ်သည်။ ချင်းပြည်နယ် ဟားခါးမြို့ဖွား အသက် ၁၉ နှစ်အရွယ်ရှိ…
ရေး – ဆလိုင်းထွန်းလှကျော် မျိုးနွယ်စု ကိစ္စ မျိုးနွယ်စုကိစ္စမှာ ရခိုင်နှင့် ချင်းလူမျိုးများအကြား သမိုင်းကြောင်းဆိုင်ရာ ရှုပ်ထွေးမှုတစ်ခုပင် ဖြစ်နေသည်။ အထူးသဖြင့် ရခိုင်ပြည်နယ်ရှိ ခမီးမျိုးနွယ်စုနှင့် ချင်းပြည်နယ်၊ ပလက်ဝမြိုနယ်ထဲရှိ ခူမီး မျိုးနွယ်စုတို့ကို အခြေခံကာ ရှုပ်ထွေးမှုများ ဖြစ်ပေါ်လေ့ရှိသည်။ ရခိုင်ပြည်နယ်ရှိ ခမီးများမှာ ရခိုင်မျိုးနွယ်စုဝင်အဖြစ် ပါဝင်နေပြီး ပလက်ဝရှိ ခူမီးများမှာ မိမိတို့ကိုယ်ကို ချင်းမျိုးနွယ်စုတစ်ခုအဖြစ် ခံယူကြသည်။ ရခိုင်ပြည်နယ်ရှိ ခမီး၊ မြိုများနှင့် ပလက်ဝရှိ ခူမီးများမှာ ဘာသာစကားနှင့် ယဉ်ကျေးမှု ဓလေ့ထုံးတမ်းများအရ အခြေခံအားဖြင့် တူညီမှုများရှိနေကြကာ တစ်ခုနှင့်တစ်ခု ဆက်စပ်မှုများပင် ရှိနေကြသည်။ ဘာသာစကားနှင့် ယဉ်ကျေးမှုများမှာ ရခိုင်လူမျိုးနှင့် ကွဲပြားခြားနားစွာ ဖြစ်တည်နေပြီး ခူမီးချင်းမျိုးနွယ် စုများနှင့် ပိုမိုနီးစပ်မှုများ ရှိနေကြသည်။ (သို့သော် ဤကိစ္စမှာ သမိုင်းကြောင်းဆိုင်ရာ ကိစ္စတစ်ခု ဖြစ်နေ သောကြောင့် နောက်ထပ် သုတေသနပြု လေ့လာရအုံးမည့် ကိစ္စတစ်ခုဟု မှတ်ယူပါသည်။ ထို့အတွက် ကြောင့် ယခုစာပိုဒ်တွင် သမိုင်းကြောင်းဆိုင်ရာ ကိစ္စရပ်များကို လေ့လာထည့်သွင်းခြင်း မပြုတော့ဘဲ AA နှင့် ခူမီးချင်းမျိုးနွယ်စုတို့၏ သဘောထားတို့ကိုသာ အလေးပေး ဖော်ပြသွားမည် ဖြစ်သည်။) AA နှင့် ရခိုင်လူမျိုးအများစုမှာ အဆိုပါအုပ်စုကို တစ်ခုတည်းဟူ၍ မှတ်ယူကြပြီး ရခိုင်မျိုးနွယ်စုဝင်များဟူ၍ နားလည်ထားကြသည်။ ၂၀၂၀ ပြည့်နှစ်၊ ဇန်နဝါရီလ ၂၁ ရက်နေ့တွင် ULA/AA မှ ဦးဝှေ့တင်းအား ပြန်လွှက်ပေးလိုက်ကြောင်း ထုတ်ပြန်ချက်ထဲ၌ ခူမီးချင်းမျိုးနွယ်စုကို ရခိုင်မျိုးနွယ်စုတစ်ခု ဖြစ်သယောင် ရေးသားဖော်ပြခဲ့သည်။ အဆိုပါထုတ်ပြန်ချက်ထဲတွင်…
စစ်ကိုင်းတိုင်းဒေသကြီး၊ တမူးမြို့နယ်အထက်ပိုင်း ကွန်းတောင်းကျေးရွာတွင် တပ်စွဲထားသည့် စစ်ကောင်စီတပ်ဖွဲ့ဝင်များ၏ စစ်ဆေးရေးဂိတ်တွင် ဇန်နဝါရီလ ၂၃ ရက်နေ့က ကျွန်းပင်သာကျေးရွာဖက်မှ ပြန်လာကြသည့် လူငယ် (၃) ဦးကို စစ်ကောင်စီတပ်ဖွဲ့က ရပ်တန့်စစ်ဆေးကာ သတ်ဖြတ်ခဲ့သည်ဟု သိရသည်။ တမူးမြို့နယ် ပြည်သူ့ကာကွယ်ရေးအဖွဲ့ ဖြစ်မြောက်ရေးကော်မတီဝင်တဦးက “ကွန်းတောင်းရွာမှာ တပ်စခန်းရှိတယ်၊ ရဲစခန်းရှိတယ်၊ အဲ့မှာ ချောင်းနက်ကြီးက လူငယ် ၂ ဦးနဲ့ ကျွန်းပင်သာက လူငယ် ၁ ဦး ခရီးသွားရင်းနဲ့ ကျွန်းပင်သာကနေ တမှုးဖက်ကိုလာတဲ့အချိန်မှာ ကွန်းတောင်းဂိတ်မှာ စစ်ဆေးမေးမြန်းတာ ကြမ်းလို့ထင်တယ် ပြန်လွတ်တဲ့အချိန် ဂိတ်အကျော်မှာ မကျေနပ်လို့ ပြန်အော်တော့ အော်ရကောင်းမှန်းဆိုပြီး ပြန်ဖမ်းပြီးတော့ အော်တဲ့ ၁ ယောက်ကို ပစ်သတ်တယ်၊ ကျန်တဲ့ ၂ ယောက်ကိုလည်း စစ်ရင်းရိုက်ရင်းနဲ့ လက်လွန်သွားတာထင်တယ် ၃ ယောက်စလုံး သေသွားတယ်။” ဟု ပြောသည်။ အဆိုပါ ဖမ်းဆီးသတ်ဖြတ်ခံရသည့် လူငယ်များမှာ ကျွန်းပင်သာကျေးရွာက အသက် ၂၅ နှစ်အရွယ် ကိုလက်မင်ထန်၊ မြို့မ (၁၄) ချောင်းနက်ကြီးရွာက အသက် (၂၃) နှစ်အရွယ် ကိုရွှေမင်းထန်နှင့် အသက် (၁၇) နှစ်အရွယ် ကိုငမ်မင်းဟောင် တို့ဖြစ်ကြသည်။ ၎င်းတို့၏ ရုပ်အလောင်းကို စစ်ကောင်စီက ပြန်မပေးပဲ သူတို့သတ်ဖြတ်ခြင်းမဟုတ်ကြောင်း ငြင်းဆိုထားသည်ဟု သိရသည်။ “ဒီကလေးက တော်လှန်ရေးမှာ မပါဘူး၊ သူ့အိမ်မှာ ယောကျာၤလေးက သိပ်မရှိတော့ သူ့အိမ်ရဲ့ ကျွဲကျောင်းတယ်၊ နောက်ပြီးတော့ ထင်းတွေဘာတွေတိုက်တယ် အိမ်အလုပ်တွေလုပ်တယ်၊ ဒီလိုကိစ္စမျိုးက မလုပ်သင့်တဲ့ကိစ္စပဲ၊ ခရီးသွားတယောက်နဲ့…
ပုဒ်မ ၅၀၅(ခ) ဖြင့် တရားစွဲခံရပြီး ၇ လခန့်ဖမ်းဆီးထိန်းသိမ်းခံရသော တီးတိန်မြို့က သိက္ခာတော်ရဆရာတော် အင်ခတ်မွန် (En Khat Muan) ၏အမှုကို စစ်ကောင်စီကပိတ်သိမ်းကာ ဇန်နဝါရီလ ၁၉ ရက်နေ့က ပြန်လွှတ်ပေးလိုက်သည်ဟု သိရသည်။ တီးတိန်မြို့ Shalom Youth Committee လူမှုကူညီရေးအဖွဲဝင်လည်းဖြစ်သည့် ဆရာအင်ခတ်မွန်နှင့် ဦးလျန်ရှန်းမှုန်တို့ ၂ ဦးသည် Non-CDM ဝန်ထမ်းများနှင့်ပတ်သက်သော PDF-Zoland ၏ သတိပေးစာထုတ်ပြန်ချက်ကို လော်စပီကာဖြင့် လိုက်လံကြေညာခဲ့သောကြောင့်ဟုဆိုကာ စစ်ကောင်စီတပ်ဖွဲ့က ၂၀၂၂ ခုနှစ် ဇွန်လ ၂၇ ရက်နေ့က ဖမ်းဆီးခဲ့ခြင်းဖြစ်သည်။ တီးတိန်မြို့ဒေသခံတစ်ဦးက “သူ့ကျန်းမာရေးက ကောင်းတယ်၊ PDF-Zoland က ပေးထားတဲ့စာကို သူကြေညာတာဆိုတော့ သူပဲ အချုပ်ထဲရောက်သွားတာ၊ ရက်ပေါင်း နှစ်ရာကျော်တယ်။ တီးတိန်မြို့ပေါ်က မြို့မိ/မြို့ဖေတွရယ်၊ ဘာသာရေးအားလုံးပေါင်းပြီးတော့ ပြန်လွတ်ပေးဖို့တောင်းဆိုတာလေ” ဟု ပြောသည်။ ၎င်းတို့နှစ်ဦးကို တီးတိန်မြို့ ရဲစခန်းတွင် ဖမ်းဆီးထိန်းသိမ်းထားပြီးနောက် ဆရာအင်ခတ်မွန်ကို ပုဒ်မ ၅၀၅ (ခ) ဖြင့် အမှုဖွင့်တရားစွဲဆိုကာ အသံချဲ့စက်ထားရှိသည့် အိမ်ရှင်ဖြစ်သူ ကိုလျန်ရှန်းမုန်ကို ဇူလိုင်လ ၅ ရက်နေ့က ကတိခံဝန်ချက်ဖြင့် ပြန်လွှတ်ပေးခဲ့ပြီး ယခုအခါ ဆရာ အင်ခတ်မွန်ကို စစ်ကောင်စီက ပြန်လည်လွှတ်ပေးခဲ့ခြင်းဖြစ်သည်။
ချင်းပြည်နယ်တောင်ပိုင်း မင်းတပ်မြို့နယ်တွင် စစ်ကောင်စီတပ်ဖွဲ့က ယမန်နေ့ ဇန်နဝါရီလ ၂၃ ရက် မနက်ပိုင်း ၁၁ နာရီဝန်းကျင်ခန့်က တိုက်လေယာဉ်ဖြင့် ဗုံးကြဲတိုက်ခိုက်မှုကြောင့် ဘုန်းကြီးကျောင်းနှင့် လူနေအိမ်များ ထိခိုက်ပျက်စီးမှုရှိခဲ့သည်ဟု သိရသည်။ ယမန်နေ့ နံနက် ၁၁ နာရီ ဝန်းကျင်ခန့်က မင်းတပ်မြို့နယ်၊ တိုက်နယ် (၂) အတွင်းရှိ ပလိပ်ထွီကျေးရွာရှိ လူနေအိမ်များနှင့် ကျေးရွာဘုန်းကြီးကျောင်းကို စစ်ကောင်စီတပ်က တိုက်ပွဲမရှိဘဲ တိုက်လေယာဉ်ဖြင့် ပစ်ခတ်ခြင်း၊ ဗုံးကြဲခြင်းများ လုပ်ဆောင်ခဲ့သည့်အပြင် မင်းတပ်မြို့ပေါ်တွင် အထိုင်ချထားသောတပ်ရင်းမှ ဟောင်ဝစ်ဇာ လက်နက်ကြီးများဖြင့်လည်း နေ့လယ် ၁၂ နာရီဝန်းကျင်တွင် ပစ်ခတ်တိုက်ခိုက်ခဲ့သည်ဟု မင်းတပ်မြို့နယ် ပြည်သူ့အုပ်ချုပ်ရေး – သတင်း၊ ပြန်ကြားရေးနှင့် မှတ်တမ်းအဖွဲ့က ထုတ်ပြန်သည်။ လေယာဉ်ဖြင့် ပစ်ခတ်၊ ဗုံးကြဲတိုက်ခိုက်မှုကြောင့် လူနေအိမ် (၂) လုံး၊ ဘုန်းကြီးကျောင်း (၁) ကျောင်း၊ သိမ် (၁) လုံး ပျက်စီးဆုံးရှုံးခဲ့ပြီး လေယာဉ်ဗုံးဆံကြောင့် ထိခိုက်ဒဏ်ရာရသူများလည်းရှိသည်ဟု သိရသော်လည်း အတိအကျစုံစမ်း၍ မရသေးပေ။ စစ်ကောင်စီမှ တိုက်လေယာဉ်ဖြင့် ပစ်ခတ်ဗုံးကြဲခဲ့သော ဘုန်းကြီးကျောင်းမှာ မြို့နယ်စစ်ဘေးရှောင် (IDP) များကို ကူညီသူအရပ်သား Volunteer များ နေထိုင်ရာဖြစ်ပြီး ဘာသာရေးအဆောက်အဦးကို တိုက်ခိုက်ရုံမျှမက အရပ်ဖက်စစ်ဘေးရှောင်များကိုပါ ရည်ရွယ်ချက်ရှိရှိ အောက်တန်းကျ ဦးတည်တိုက်ခိုက်ခြင်းပင်ဖြစ်သည်ဟု မင်းတပ်မြို့နယ် ပြည်သူ့အုပ်ချုပ်ရေးအဖွဲ့က ဆိုသည်။ အမျိုးသားညီညွတ်ရေးအစိုးရ (NUG) လက်အောက်ရှိ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေးဝန်ကြီးဌာန ဒုတိယဝန်ကြီး ဒေါက်တာငိုင်းတမ်မောင်းကလည်း စစ်ကောင်စီအနေဖြင့် လေကြောင်းတိုက်ခိုက်မှု ပိုမိုအသုံးပြုလာနိုင်သည့်အတွက် ပြည်သူများအနေဖြင့် အထူးသတိထားကြရန်လိုအပ်ကြောင်း…
ချင်းပြည်နယ်၊ ဖလမ်းမြို့တွင်း ပစ်ခတ်မှုကြောင့် ဖမ်းဆီးခံခဲ့ရသူအများစုကို ပြန်လွှတ်ပေးလိုက်ပြီဖြစ်သော်လည်း ၅ ဦးကိုမူ ၁၄ ရက် ရမန်ယူပြီး ဆက်လက်ဖမ်းဆီးထားသည်ဟု သိရသည်။ “စွဲချက်လည်းမတင်သေးဘူး၊ ဒီတိုင်းပဲ ရမန် ၁၄ ရက်ယူတယ် အဲ့တာပဲရှိသေးတယ်၊ တရားစွဲမှာလား၊ မစွဲဘူးလားဆိုတာ စစ်ချက်အပေါ်မှာပဲ မှုတည်မယ်လို့ပဲပြောတယ်။ စစ်ချက်အပေါ်မှာ ဘာမှမတွေ့ရင် ဖေဖော်ဝါရီလ ၂ ရက်နေ့မှာ ပြန်လွတ်မယ်ပေါ့” ဟု ဖလမ်းမြို့ခံတစ်ဦး ကပြောသည်။ ဆက်လက်ဖမ်းဆီးထိန်းသိမ်းခံရသူ (၅) ဦးမှာ အသက် ၂၄ နှစ်အရွယ် ဆလိုင်းငွန်ဆွီးထန်၊ အသက် ၆၀ နှစ် အရွယ် ဦးသင်မှုန်၊ အသက် ၆၁ နှစ်အရွယ် ဒေါ်ရန်နွမ်၊ အသက် ၅၇ နှစ်အရွယ် ဒေါ်နိုင်ကိပ်ပါရ်နှင့် ဆလိုင်းဟရန်လျန်အွယ် တို့ဖြစ်ကြပြီး ၎င်းတို့နေအိမ်အနီးတွင် အကျည်ဆံခွံတွေ့ရှိခြင်းနှင့် ပစ်ခတ်မှုဖြစ်ပွားသည့် နေရာအနီးတွင် နေထိုင်ကြသူများဖြစ်သည်ဟု သိရသည်။ ၎င်းတို့ပြန်လည်လွတ်မြောက်ရေးအတွက် ဖလမ်းမြို့မှ ဘာသာရေး ဆရာတော်များနှင့် မြို့မိ/မြို့ဖတို့မှ ဌာနဆိုင်ရာ အရာရှိများနှင့် တွေ့ဆုံဆောင်ရွက်မှုများရှိသည်ဟု သိရပြီး ဖမ်းဆီးခံထားရသူများမှာ လက်ရှိအချိန်ထိ မိသားစုဝင်များနှင့် တွေ့ခွင့်မရသေးကြောင်း သိရသည်။ ပြီးခဲ့သည့် ဇန်နဝါရီလ ၁၈ ရက်ညနေပိုင်းက ဖလမ်းမြို့၊ ဖါရ်ထောက်ရပ်ကွက်ရှိ ကျောင်းလုံခြုံရေးယူထားသော ရဲတပ်ဖွဲ့ကို ချင်းအမျိုးသားတပ်မတော် CNA တပ်ဖွဲ့က ပစ်ခတ်တိုက်ခိုက်ခဲ့ခြင်းဖြစ်ပြီး ယင်းဖြစ်စဉ်ကြောင့် အနီးနားရှိအရပ်သား ပြည်သူ ၂၄ ဦး ဖမ်းဆီးခံရကာ ၁၉ ဦးပြန်လွတ်ပေးခဲ့သော်လည်း ၅ ဦးကို လက်နက်ထိန်းသိမ်းထားခြင်းဖြစ်သည်။ အဆိုပါပစ်ခတ်မှုတွင် ရဲတစ်ဦးသေဆုံးခဲ့ကာ ၄ ဦး…
မတူပီမြို့နယ် ငလိုင်ကျေးရွာအနီးတဝိုက်တွင် စစ်ကောင်စီတပ်ဖွဲ့နှင့် ချင်းကာကွယ်ရေးပူးပေါင်းတပ်ဖွဲ့တို့ ယနေ့ ဇန်နဝါရီလ ၂၁ ရက်တွင် တိုက်ပွဲသုံးကြိမ်ဖြစ်ပွားကာ စစ်ကောင်စီဘက်က ၈ ယောက်သေဆုံးပြီး ၅ ယောက်ထက်မနည်းဒဏ်ရာရရှိခဲ့ သည်ဟု သိရသည်။ ဟားခါး-မတူပီကားလမ်းမပေါ်ရှိ CDF-Matupi တပ်ရင်း (၂) ထိန်းချုပ်နယ်မြေတွင် ယနေ့ညနေပိုင်း ၂ နာရီမှ ၄ နာရီအထိတိုက်ပွဲဖြစ်ပွားခဲ့ကြခြင်းဖြစ်ပြီး ချင်းကာကွယ်ရေးပူးပေါင်းတပ်ဖွဲ့ဘက်က အထိအခိုက်မရှိပဲ ပြန်လည်ဆုတ်ခွါနိုင်ခဲ့သည်ဟု CDF-Matupi ပြန်ကြားရေးတာဝန်ခံ အာရွန်က ပြောသည်။ “သူတို့ဘက်ကတော့ လက်နက်ခဲယမ်းကအစ သာလွန်တဲ့အရာ ဖြစ်တဲ့အတွက်ကြောင့် ချက်ချင်းဆိုသလိုပေါ့ ရှိသမျှ လက်နက်ခဲယမ်းနဲ့၊ လက်နက်ကြီးတွေနဲ့ တောက်လျှေက်ပြန်ပြီးတော့ ခုခံတယ်၊ ကျွန်တော်ဘက်ကတော့ ဒီ Operation ပြီးတာနဲ့ ပြန်ဆုတ်ခွာလာရတယ်” ဟု အာရွန်ကပြောသည်။ စစ်ကောင်စီတပ်ဖွဲ့နှင့် ချင်းကာကွယ်ရေး ပူးပေါင်းတပ်ဖွဲ့တို့သည် ငလိုင်ကျေးရွာနှင့် ခရိုင်ရုံးအကြားတွင်တစ်ကြိမ်၊ ခရိုင်ရုံး အိုးအိမ်ကုန်းထိပ်တွင်တစ်ကြိမ်၊ ဖနိုင်ဘုန်းကြီးကျောင်းတွင်တစ်ကြိမ် စုစုပေါင်း ၃ ကြိမ် ဖြစ်ပွားခဲ့ကြခြင်းဖြစ်ပြီး ထိုတိုက်ပွဲတွင် ချင်းကာကွယ်ရေးတပ်ဖွဲ့များဖြစ်ကြသော CDF-Matupi၊ CDF-Mara နှင့် CDF-Zotung ပူးပေါင်းတပ်ဖွဲ့တို့ ပါဝင်ကြသည်။ ဇန်နဝါရီလ ၁၅ ရက်နေ့ မနက်ပိုင်းတုန်းကလည်း ငလိုင်ကျေးရွာအနီးရှိ CDF-Matupi ရှေ့တန်းစခန်းကို အင်အား ၁၀၀ ခန့်ရှိသော စစ်ကောင်စီတပ်ဖွဲ့က ဝင်ရောက်စီးနင်းခဲ့သောကြောင့် တိုပ်ပွဲဖြစ်ခဲ့ကြရာ CDF-Matupi မှ ရဲဘော်တစ်ဦး ကျဆုံးခဲ့ပြီး၊ မော်တော်ဆိုင်ကယ် ၁၁ စီး၊ လက်ကိုင်ဖုန်း ၇ လုံး၊ မောင်းပြန်ကျည် အမြောက်အများနှင့် မြန်မာကျပ်ငွေ ၁၅ သိန်းခန့် လက်လွှတ်ဆုံးရှုံးခဲ့ရသည်ဟု CDF-Matupi…
စစ်ကိုင်းတိုင်း၊ တမူးမြို့ ရွေးကောက်ပွဲကော်မရှင်ရုံးကို ဇန်နဝါရီ ၁၉ ရက် မနက်ပိုင်းက တမူးမြို့နယ်ပြည်သူ့ကာကွယ်ရေး တပ်ဖွဲ့နှင့် ABSDF တပ်ရင်း (၅) ပူပေါင်းတပ်ဖွဲ့ က မီးရှို့ခဲ့ပါတယ်။ စစ်ကောင်စီက အတင်းအကြပ်ပြုလုပ်ဖို့ ကြိုးပမ်းနေတဲ့ အတုအယောင်ရွေးကောက်ပွဲကို အသိပေးတားမြစ်တဲ့အနေနဲ့ ရွေးကောက်ပွဲအတွက် စာရွက်စာတမ်းတွေထိန်းသိမ်းထားတဲ့ ရွေးကောက်ပွဲကော်မရှင်ရုံးကို မီးရှို့ခဲ့တာဖြစ်တယ်လို့ တမူးမြို့ ပြည်သူ့ကာကွယ်ရေးအဖွဲ့ ဖြစ်မြောက်ရေးကော်မတီ အဖွဲ့ဝင် ဦး ထန်ဆေး က ပြောပါတယ်။ “ဒီအတုအယောင်ရွေးကောက်ပွဲကို ဆန့်ကျင်တဲ့အနေနဲ့ ရွေးကောက်ပွဲကို အကောင်ထည်ဖော်ပေးမဲ့ ကော်မရှင်ရုံးကို ကျွန်တော်တို့က သတိပေးတဲ့အနေနဲ့ မီးရှို့ဖျက်ဆီးတာဖြစ်တယ်။”လို့ ဦးထန်ဆေးကပြောပါတယ်။ အာဏာသိမ်း စစ်ကောင်စီက ပြုလုပ်မယ့် ရွေးကောက်ပွဲမှာ ပါဝင်ပက်သက်ဆက်နွယ်သော မည်သည့်အဆောက်အဦး သို့မဟုတ် လူပုဂ္ဂိုလ် တွေကို ပြင်းထန်စွာ အရေးယူဆောင်ရွက်သွားမယ်လို့လည်း တမူးမြို့နယ် ပြည်သူ့ကာကွယ်ရေး တပ်ဖွဲ့က ဆိုပါတယ်။ တမူးခရိုင် တမူးမြို့မှာ ရွေးကောက်ပွဲအတွက် စစ်ကောင်စီလက်အောက်ခံ လဝက နဲ့ ထွေအုပ်ဝန်ထမ်းတွေက ရပ်ကွ က်အလိုက် အိမ်ထောင်စုစာရင်းနဲ့ လူဦးရေ တွေ လိုက်ကောက်နေတဲ့အချိန်မှာ ခုလို ရွေးကောက်ပွဲကော်မရှင်ရုံး မီးရှို့ ခံလိုက်ရတာဖြစ်ပါတယ်။ စစ်ကောင်စီအနေနဲ့ လာမယ့် ၂၀၂၃ ခုနှစ်မှာ ရွေးကောက်ပွဲ ကျင်းပနိုင်ဖို့ မြန်မာနိုင်ငံအနှံ့ လူဦးရေစာရင်း ကောက်ယူနေပြီး တော်လှန်ရေးအင်အားစုတွေဘက်ကလည်း တားမြစ်နိုင်ဖို့ ကြိုးစားနေပါတယ်။