Author: Editor

ဖလမ်းမြို့၊ အ.ထ.က (၁) ကျောင်းဝင်းအတွင်း လုံခြုံရေးယူနေသည့် စစ်ကောင်စီလက်အောက်ခံရဲတပ်ဖွဲ့များကို ချင်းအမျိုးသားတပ်မတော်မှ ရဲဘော်များက ပစ်ခတ်မှုဖြစ်စဉ်နှင့်ပတ်သက်၍ အဖမ်းခံရသော ရပ်ကွက်နေပြည်သူများထဲမှ ၁၈ ဦး ယမန်နေ့ညက ပြန်လည်လွတ်လာကြပြီး လက်ရှိတွင် ၅ ဦး ကျန်နေသေးသည်ဟု သိရသည်။ ဖလမ်းမြို့ခံတစ်ဦးက “၁၈ ယောက်လွတ်တယ် သူတို့က ရပ်ကွက်ထဲက နည်းနည်းဝေးတဲ့ဟာတွေ၊ ၅ ယောက်ကျန်တယ် သူတို့က ပစ်ခတ်တဲ့နေရာရဲ့ အနီးဆုံးအိမ်ရှင်တွေပေါ့။ ခံဝန်ချက်တော့မလုပ်ဘူး၊ ဒါပေမယ့် ကျန်တဲ့ ၅ ယောက်က ဘာ အတွက်လည်း စုံးစမ်းနေတုန်း” ဟု ပြောသည်။ အဆိုပါ ပစ်ခတ်မှုမှာ ဇန်နဝါရီ ၁၈ ရက်ညနေပိုင်း ဖလမ်းမြို့၊ ဖါရ်ထောက်ရပ်ကွက်ရှိ ကျောင်းဆင်းအချိန်တွင် ဖြစ်ပွားခဲ့ခြင်းဖြစ်ပြီး ကျောင်း သူတစ်ဦး ထိခိုက်ဒဏ်ရာရရှိခဲ့သည့်အပြင် စစ်ကောင်စီတပ်ဖွဲ့ဝင်များက အနီးအနားရပ်ကွက်နေ ပြည်သူ ၂၄ ဦး ဖမ်းဆီးကာ အများစုမှာ လူငယ်များဖြစ်သည်ဟု သိရသည်။ ဖမ်းဆီးခံရသည့်ညတွင် တစ်ဦးကို ပြန်လွှတ်ပေးခဲ့ပြီးဖြစ်သည်။ ယင်းပစ်ခတ်မှုတွင် ရဲတစ်ဦးသေဆုံးခဲ့သည့်အပြင် ၄ ဦးဒဏ်ရာရရှိခဲ့ပြီးနောက် စစ်ကောင်စီတပ်ဖွဲ့ဘက်မှ ရပ်ကွက်ထဲနေအိမ်များတွင် စစ်ဆေးမှုများပြုလုပ်ကာ ည (၉) နာရီနောက်ပိုင်း ညမထွက်ရအမိန့် ထုတ်ပြန်ထားသည်ဟု သိရသည်။ လက်ရှိ ပြည်သူ ၅ ဦးကို စစ်ဆေးမေးမြန်ရန်ရှိနေသေးသောကြောင့် ဖလမ်းမြို့ရဲစခန်းတွင် ဆက်လက်ဖမ်းဆီး ထိန်းသိမ်းထားသည်ဟု သိရပြီး ဖလမ်းမြို့တွင်းမှာလည်း ပုံမှန်အနေအထားဖြင့် သွားလာမှုများရှိသည်ဟု သိရသည်။

ချင်းပြည်နယ် ဖလမ်းမြို့တွင် ဇန်နဝါရီလ ၁၈ ရက်နေ့ညကဖြစ်ပွားသော ပစ်ခတ်မှုနှင့်ပတ်သက်၍ ဒေသတွင်း သက်ဆိုင်ရာ လက်နက်ကိုင်အဖွဲ့အစည်းများအား ညှိနှိုင်းတိုင်ပင်အသိပေးခြင်းမရှိပဲ စစ်ရေးဖော်ဆောင်မှုအပေါ် အပြင်းအထန်ကန့်ကွက်ရှုတ်ချ သည်ဟု ချင်းအမျိုးသားအဖွဲ့ချုပ် (CNO/CNDF) က ပြောဆိုလိုက်သည်။ ဖလမ်းမြို့ ဖါရ်ထောက်ရပ်ကွက်တွင် ဇန်နဝါရီလ ၁၈ ရက် ညနေ ၃ နာရီခွဲအချိန်ခန့်က ကျောင်းလုံခြုံရေး ယူနေ သော ရဲတပ်သားများကို ချင်းအမျိုးသားတပ်မတော် CNA ရဲဘော်များက ပစ်ခတ်ခဲ့ရာတွင် ရဲတပ်သားတစ်ဦး သေဆုံးပြီး ၄ ဦး ဒဏ်ရာရရှိသည်။ ယင်းပစ်ခတ်မှုသည် CNO/CNDF နှင့် လုံးဝသက်ဆိုင်ခြင်းမရှိဘဲ ဒေသတွင်း လက်နက်ကိုင်အဖွဲ့အစည်းများ အသိပေးခြင်းမရှိပဲ စစ်မျက်နှာဖွင့်ခြင်းသည် ချင်းကာကွယ်ရေးတပ်ပေါင်းစုကော်မတီ (CJDC) မှ ချမှတ်ထားသည့် စစ်စည်းမျည်း စည်းကမ်းအား ချိူးဖောက်မှုဖြစ်သည်ဟု ယမန်နေ့ ဇန်နဝါရီလ ၁၉ ရက်နေ့ ရက်စွဲဖြင့်ထုတ်ပြန်သော CNO/CNDF ၏ ကြေညာချက်တွင် ဖော်ပြထားသည်။ ယခုကဲ့သို့ ဖလမ်းမြို့နယ်အတွင်း CNO/CNDF ၏ ခွင့်ပြုချက် သို့မဟုတ် ညှိနှိုင်းတိုင်ပင်အကြောင်းကြားခြင်းမရှိဘဲ ဝင်ရောက်ပစ်ခတ်ခြင်းအား အပြင်းအထန် ကန့်ကွက်ရှုတ်ချကြောင်း နောက်နောင် ထိုသို့ပြုလုပ်ပါက လိုအပ်သလို အရေးယူဆောင်ရွက်သွားမည်ဟု CNO ၏ ထုတ်ပြန်ချက်တွင် ဖော်ပြထားသည်။ ချင်းအမျိုးသားအဖွဲ့ချုပ် (CNO) ပြောရေးဆိုခွင့်ရှိသူ Salai Cung Ngai က “အဓိကတော့ အပြန်အလှန်လေးစားဖို့ပေါ့ သူတို့ ဒီဟာ ပစ်တာကို အပြစ်မဆိုလိုဘူး။ ဒါပေမဲ့ ပစ်ရင် ကျွန်တော်တို့နဲ့ ဒေသခံ CNO/CNDF ကို အကြောင်းကြားပြီးတော့၊…

ရေး – ဆလိုင်းထွန်းလှကျော် ဒေသခံများ လူ့အခွင့်အရေး ဆုံးရှုံးနစ်နာမှုများ (က) အတင်းအဓမ္မ လုပ်အားပေးစေခိုင်းမှု (ဝါ) ပေါ်တာဆွဲမှုများ ရက္ခိုင့်တပ်တော်နှင့် မြန်မာစစ်တပ်တို့၏ စစ်ရေးလှုပ်ရှားမှုများနှင့်အတူ ဒေသခံပြည်သူများအတွက် နောက်ဆက်တွဲ ကပ်ပါလာခဲ့သည့် ပြဿနာတစ်ခုမှာ အတင်းအဓမ္မ ပေါ်တာဆွဲခံကြရ ခြင်းပင် ဖြစ်သည်။ တိုက်ပွဲ ဖြစ်ပွားရာ ဒေသများအတွင်း နေထိုင်ကြသော ဒေသခံပြည်သူများမှာ နှစ်ဖက်တပ်များ၏ ပေါ်တာဆွဲခံရမှုများနှင့် မြန်မာစစ်တပ်မှ လူသားဒိုင်းအဖြစ် အသုံးပြုမှုများ ရှိခဲ့ပြီး ၎င်းတို့ကိုပင် နှစ်ဖက်တပ်များကိုယ်တိုင် အပြန်အလှန် ငြင်းဆန်ခဲ့ကြသည်ကိုလည်း တွေ့ရှိ ရသည်။ ၂၀၁၆ ခုနှစ်အတွင်း မြန်မာစစ်တပ်မှ တိုက်ပွဲဖြစ်ပွားရာဒေသဖြစ်သည့် ပလက်ဝ – ဘင်္ဂလားဒေ့ရှ် နယ်စပ်အနီးရှိ ကျေးရွာများမှ ဒေသခံ ချင်းလူမျိုးတို့အား လမ်းပြအဖြစ် အတင်းအမ္မ ခေါ်ဆောင်သွားခြင်း၊ စားနပ်ရိက္ခာနှင့် ဓာတ်ဆီတို့ကဲ့သို့သော ကုန်ပစ္စည်းများကို သယ်ယူပေးရန် ဖိအားပေး စေခိုင်းခြင်းနှင့် စစ်လက်နက်ပစ္စည်းများကို ထမ်းယူပေးရန် ဖိအားပေး ခေါ်ဆောင်သွားခြင်းများ ရှိခဲ့သည်ဟု CHRO ၏ ထုတ်ပြန်ချက်အရ သိရှိရသည်။ ၂၀၁၉ ခုနှစ်၊ အောက်တိုဘာလ အတွင်းတွင်လည်း ပလက်ဝမြို့နယ်၊ မီးဇာကျေးရွာမှ ဒေသခံပြည်သူ ၄၉ ဦးတို့ကို မြန်မာစစ်တပ်မှ ခေါ်ယူခဲ့ကာ မီးဇာမှ ခမောင်းဝကျေးရွာရှိ တပ်မ ၇၇ လက်အောက်ခံတပ်‌အထိ ခြေလျင်ခရီးဖြင့် ဆန်နှင့်စားနပ်ရိက္ခာများကို သယ်ယူခိုင်းခဲ့သည်ဟု RFA မှ ဖော်ပြခဲ့သည်။ ထိုသို့ ခေါ်ဆောင်သွားခဲ့ခြင်းမှာ အဓမ္မသဘောမျိုးမဟုတ်ဟု မြန်မာစစ်တပ်မှ ပြောဆိုသော်ခဲ့လည်း အချို့မှာ စိတ်ဆန္ဒမပါဘဲ လိုက်ပါသွားခဲ့ကြရသည်ကို ထိုစဉ် မီးဇာကျေးရွာ…

ကြားကာလ ချင်းအမျိုးသားအတိုင်ပင်ခံကောင်စီ (ICNCC) အလှည့်ကျ သဘာပတိအဖွဲ့ဝင် ဆလိုင်းအိုက်ဇက်ခင်နှင့် တွေ့ဆုံမေးမြန်းခြင်း- အပိုင်း (၂) ခိုနူမ်းသုန်သတင်း၊ ၁၉ ဇန်နဝါရီ ၂၀၂၃ ၂၀၂၁ ခုနှစ်ဖေဖော်ဝါရီလ ၁ ရက်နေ့က စစ်တပ်က အာဏာသိမ်းယူပြီးနောက် နွေဦးတော်လှန်ရေး စတင်လာခဲ့ကြသည်မှာ ယခုဆိုရင် နှစ်နှစ်နီးပါးရှိလာပြီ ဖြစ်ပါသည်။ မြန်မာ့နွေဦးတော်လှန်ရေးဘယ်လောက်ထိခရီးပေါက်ပြီလဲ။ လက်ရှိနိုင်ငံရေး၊ စစ်ရေးအခြေအနေကဘယ်လိုရှိနေပါသလဲ။ ဒီကိစ္စနှင့်ပတ်သက်၍ ကြားကာလ ချင်းအမျိုးသားအတိုင်ပင်ခံကောင်စီ (ICNCC) အလှည့်ကျ သဘာပတိအဖွဲ့ဝင် ဆလိုင်းအိုက်ဇက်ခင်ကို ခိုနူမ်းသုန်သတင်းဌာနဆက်သွယ်မေးမြန်းထားသည်။ (ဆလိုင်းအိုက်ဇက်ခင်နှင့် ဆက်သွယ်မေးမြန်းချက်အပိုင်း (၁) ကို ၂၀၂၂ ခုနှစ် ဒီဇင်ဘာလ ၂၉ ရက်နေ့က ထုတ်လွင့်ခဲ့ပြီး ဖြစ်သည်။ ယခု အင်တာဗျူး ဒုတိယပိုင်းကို ထုတ်လွှင့်ပေးလိုက်ပါသည်။) မေး။ ။ ချင်းပြည်နယ်ရဲ့ စစ်ရေး နိုင်ငံရေးအခြေအနေအပေါ်မှာ ဆရာ့အမြင်သိချင်ပါတယ်။ ဖြေ။ ။ တကယ့်တကယ် စစ်တိုက်တယ်ဆိုတာက နိုင်ငံရေး ရည်မှန်းချက်အောက်မှာပဲ စစ်တိုက်ရတာ။ အဲ့တော့ နိုင်ငံရေး ရည်မှန်းချက်မပါပဲစစ်တိုက်တာက တကယ်စစ်တိုက်တယ်လို့ ကျွန်တော်တို့ ပြောလို့တော့မရဘူး။ ဆိုတော့ ကျွန်တော်တို့က ချင်းပြည်နယ်မှာ အခု CDF တွေ အများကြီး မြို့နယ်တိုင်းမှာရှိကြတယ် ဒါတွေဟာ တူညီတဲ့ ရည်မှန်းချက် နိုင်ငံရေး ရည်မှန်ချက် တစ်ခုအောက်မှာ သွားကြတာပေါ့လေ၊ ရည်မှန်းချက်မှာကတော့ စစ်အာဏာရှင်စနစ် အပြီးတိုင် ဖြုတ်ချနိုင်ရေး၊ ဖက်ဒရယ် ဒီမိုကရေစီ ပြည်ထောင်စုတည်ထောင်ရေး၊ ညီညွတ်တဲ့ ဖက်ဒရယ် ချင်းပြည်ကို ထူထောင်ကြ မယ်ဆိုတဲ့ ရည်မှန်ချက်က အားလုံးတူတယ်။ သို့သော် ဘယ်လိုစလုပ်မလဲဆိုတဲ့အခါမှာ…

ချင်းပြည်နယ် ဖလမ်းမြို့၊ ဖါရ်ထောက်ရပ်ကွက် (Canmary ကွက်စိပ်) တွင် ယနေ့ ညနေပိုင်း ၃ နာရီခွဲဝန်းကျင်ခန့်က ပစ်ခတ်မှုဖြစ်ပွားပြီး ရဲတစ်ဦးသေဆုံးပြီး ၄ ဦး ဒဏ်ရာရရှိခဲ့သည်ဟု သိရသည်။ ဖလမ်းမြို့ အ.ထ.က ၁ ကျောင်းဝင်းအတွင်း လုံခြုံရေးယူနေသော စစ်ကောင်စီလက်အောက်ခံ ရဲတပ်ဖွဲ့များကို ချင်းအမျိုးသားတပ်မတော်မှ ရဲဘော်များက ပစ်ခတ်ခဲ့ခြင်းဖြစ်သည်ဟု The Rihli Voice က ဖော်ပြသည်။ ၎င်းပစ်ခတ်မှုတွင် ဒေသခံကလေးတစ်ဦး၏ပေါင်ပေါ် ကျဉ်ထိမှန်ခဲ့ပြီး ပစ်ခတ်မှုဖြစ်ပွားသည့် ဖါရ်ထောက်ရပ်ကွက်အတွင်းရှိ လူ ၃၀ ဝန်းကျင်ခန့်ကို စစ်ကောင်စီတပ်ဖွဲ့က ဖမ်းစီးခေါ်သွားခဲ့ရာ ည ၉း၀၀ နာရီနောက်ပိုင်း ညမထွက်ရအမိန့်ကိုလည်း ထုတ်ပြန်ထားသည်ဟု သိရသည်။

ချင်းပြည်နယ် တီးတိန်မြို့နယ် ကျိန်းပီးကွတ်ကျေးရွာတွင် Zomi Revolutionary Army- Eastern Command (ZRA-EC) က ဒေသခံပြည်သူ တစ်ရာကျော်ကို ပြည်သူ့စစ်သင်တန်းပေးခဲ့သည်ဟု သိရသည်။ အဆိုပါ ပြည်သူ့စစ်သင်တန်းကို ဇန်နဝါရီ ၁၆ ရက်နေ့မှ ၁၈ ရက်နေ့အထိ သုံးရက်ကြာ ပို့ချခဲ့ပြီး တက်ရောက်သူ ၁၂၀ ဦးခန့်ရှိသည်ဟု သိရသည်။ Zomi National Volunteer ဟု အမည်ပေးပြီး ယခုပို့ချသည့် ပြည်သူ့စစ်သင်တန်းမှာ အပတ်စဉ် ၈ ကြိမ်မြောက်ဖြစ်သည်ဟု သိရသည်။ Zomi Revolutionary Army- Eastern Command (ZRA-EC) သည် စစ်အာဏာရှင်စနစ်ကို တော်လှန်သော ချင်းပြည်နယ်က ပြည်သူ့ကာကွယ်ရေးတပ်ဖွဲ့များအား ဆန့်ကျင်တိုက်ခိုက်နေသည့်အဖွဲ့ဖြစ်ပြီး ချင်းအမျိုးသားတပ်မတော် CNA အပါအဝင် ချင်းကာကွယ်ရေးတပ်ဖွဲ့များလည်း တိုက်ပွဲဖြစ်ပွားခဲ့ကြသည်။ ZRA-EC အနေဖြင့် မည်သည့်ရည်ရွယ်ချက်ဖြင့် ယခုကဲ့သို့ ဒေသခံပြည်သူများအား ပြည်သူ့စစ်သင်တန်းများ ပို့ချသည်ကိုမူ မသိရပေ။

လာမယ့် သြဂုတ်လထဲမှာ ကျင်းပပြုလုပ်ဖို့ စစ်ကောင်စီကစီစဉ်နေတဲ့ ရွေးကောက်ပွဲအတွက် ချင်းပြည်နယ်က မြို့နယ်တချို့မှာ လူဦးရေသန်းခေါင်စာရင်းနဲ့ အိမ်ထောင်စုစာရင်းတွေကို တစ်အိမ်တက်ဆင်း လိုက်လံကောက်ခံမှုတွေရှိနေတယ်လို့ သိရပါတယ်။ ချင်းပြည်နယ်ရဲ့မြို့တော် ဟားခါးမြို့မှာတော့ ဇန်နဝါရီလ ၁၃ ရက်နေ့က ရဲ၊ စစ်သားနဲ့ Non-CDM ဝန်ထမ်းတွေက သန်းခေါင်းစာရင်းတွေလိုက်လံကောက်ခံနေတယ်လို့ ဟားခါးမြို့က ဒေသခံတစ်ဦးက ပြောပါတယ်။ “မြို့သစ်ရပ်ကွက်မှာတော့နှစ်ရက်သုံးရက်လောက်ရှိပြီကောက်နေပြီ၊ Non- CDMတွေ၊ ရဲ တွေ၊ စစ်သားတွေ ပါတယ်။ အဓိကတော့သူတို့ကောက်တဲ့အချိန်မှာ Non- CDM တွေကပဲကောက်ပြီးတော့ သူတို့က အနီး အနားမှာ လက်နက်တွေနဲ့ ကင်းစောင့်ပေးတာမျိုး၊ သူတို့သန်းခေါင်စာရင်းလိုက်ကောက်နေတယ်ဆို တော့ သူတို့လိုက်ကောက်တဲ့အတိုင်းပါပဲ ကျွန်တော်တို့မဲမထည့်ရင်တောင်မှ သူတို့မဲရေတွက်မှာပဲယူဆမိတယ်။ လုံးဝတရားမျှတမှုရှိမှာတော့မဟုတ်ဘူးသေချာတယ်။” ဟု ပြောပါတယ်။ ဖလမ်းမြို့မှာလည်း စစ်ကောင်စီတပ်ဖွဲ့နဲ့ ထွေအုပ်ဝန်ထမ်းတွေက သန်းခေါင်စာရင်းတွေကို တစ်အိမ်တက်ဆင် း လိုက်လံကောက်ခံနေပြီး ရွေးကောက်ပွဲနဲ့ပတ်သက်လို့ သူ့အမြင်ကို ဖလမ်းဒေသခံတစ်ဦးက ခုလိုပြောဆိုပါတယ်။ “အိမ်တိုင်ရာရောက် လူဘယ်နှစ်ရောက်ရှိလဲ၊ အိမ်ထောင်စုစာရင်းနဲ့သူတို့က မြေပြင်စာရင်းကောက်တယ် ထည့်စရာမှမလိုတာ မထည့်ချင်ရင်မထည့်လို့ရတာပဲဆိုပြီး ကြည့်နေကြတာပဲ၊ ဆန္ဒမဲဆိုတာ ဆန္ဒမရှိရင် မထည့်ဘူးပေါ့ ကိုယ့်ရဲ့ရွေးချယ်ခွင့်ပဲ။ မဲကောက်လို့ ထည့်ကိုထည့်ရမယ်ဆိုတာမရှိတာ။” ဟု ပြောပါတယ်။ အလားတူ မတူပီမြို့မှာလည်း စစ်ကောင်စီတပ်ဖွဲ့က အိမ်ထောင်စုစာရင်း စစ်ဆေးတာအပြင် လူဦးရေစာရင်း ကောက်ခံမှုတွေရှိနေတယ်လို့ သိရပါတယ်။ ချင်းကာကွယ်ရေးတပ်ဖွဲ့တွေကတော့ စစ်ကောင်စီက ကျင်းပပြုလုပ်မယ့် ရွေးကောက်ပွဲအပေါ် ဆန့်ကျင်ကန့်ကွက်ထားပြီး စစ်ကောင်စီနဲ့ ပူးပေါင်းဆောင်ရွက်သူမှန်သမျှကို ပြင်းထန်စွာ အရေးယူမယ်လို့ ကြေညာထားကြပါတယ်။ ပြီးခဲ့တဲ့ ဇန်နဝါရီလ ၁၃ ရက်နေ့ကလည်း ဟားခါးမြို့ပေါ်မှာ သန်းခေါင်စာရင်းကောက်ခံနေတဲ့ ရဲတပ်ဖွဲ့ကို…

ချင်းပြည်နယ် ဖလမ်းမြို့နယ် အိန္ဒိယ-မြန်မာ နယ်စပ်ကုန်သွယ်ရေးစခန်း ရိခေါဒါရ်မြို့တွင် ယနေ့ မနက်ပိုင်း ၉ နာရီကျော်ကျော်ခန့်က စစ်ကောင်စီတပ်ဖွဲ့နင့် အမည်မသိ လက်နက်ကိုင်တို့ကြား ပတ်ခတ်မှုဖြစ်ပွားတယ်လို့ သိရသည်။ ရိခေါဒါရ်မြို့ အမှတ် ၂ ရပ်ကွက်တောင်ကုန်းပေါ်တွင် တပ်စွဲထားသော စစ်ကောင်စီတပ်စခန်းကို အမည်မသိ လက်နက်ကိုင်အဖွဲ့မှ တစ်ဘက် တောင်ကုန်းပေါ်မှ လှန်းပစ်ခဲ့ရာမှာ စစ်ကောင်စီတပ်ဖွဲ့မှ ပြန်လည်ခုခံပြီး လက်နက်ကြီးများဖြင့် ရမ်းသမ်းပစ်ခတ်ခဲ့တယ်လို့ သိရသည်။ စစ်ကောင်စီတပ်ဖွဲ့၏ လက်နက်ကြီးများဖြင့် ရမ်းသမ်းပစ်ခတ်လိုက်သော ကျည်ဆံများသည် မြို့တွင်း ကုန်တင်ကုန်ချကော်မတီရုံး အဆောက်အအုံပေါ် ကျရောက်ခဲ့ပြီး အဆောက်အအုံများ ပြက်ဆီးထိခိုက်မှုမရှိသော်လည်း ၎င်း လက်နက်ကြီးပေါက်ကွဲမှုကြောင့် ကလေးငယ် တစ်ဦးရဲ့ လက်ကိုထိခိုက်ပြီး ဆေးရုံသို့ပို့ဆောင်ကာ စိုးရိမ်ရသော အခြေနေမရှိဘူးလို့ ဒေသခံတွေပြောပြချက်အရ သိရသည်။ စစ်ကောင်စီတပ်စခန်းကို ပစ်ခတ်တိုက်ခိုက်သူနှစ်ဦးမှာ တီအိုချောင်းကိုဖြတ်ကာ အိန္ဒိယနိုင်ငံဘက်သို့ ကူးလာချိန်တွင် အာသံရိုင်ဖိုင်တပ်ဖွဲ့က ခဲယမ်းများနင့်အတူ ဖမ်းဆီးသွားတယ်လို့ ဒေသခံတွေထံမှတစ်ဆင့် ကြားသိရသည်။ ယင်းပစ်ခတ်မှုကြောင့် အမှတ် ၂ ရပ်ကွက်နေ ပြည်သူများသည် တဖက် မီဇိုရမ်ပြည်နယ် ဇိုခေါထာရ်ကျေးရွာဘက်သို့ ထွက်ပြေးခဲ့ကြသော်လည်း ယခုအခါ ပြန်လည်ငြိမ်းသက်ပြီဖြစ်သောကြောင့် ပုံမှန်အတိုင်း သွားလာလှုပ်ရှားနေကြပြီဟု သိရသည်။

ချင်းပြည်နယ်တောင်ပိုင်း မင်းတပ်မြို့နယ်မှာ စစ်ကောင်စီတပ်ဖွဲ့က အသက် ၁၇ နှစ်အရွယ် အမျိုးသမီးငယ်တစ်ဦးကို ဇန်နဝါရီလ ၉ ရက်နေ့က အကြောင်းမဲ့ ပစ်သတ်ခဲ့တယ်လို့ သိရပါတယ်။ မင်းတပ်မြို့နယ်၊ တိုက်နယ်အမှတ် (၃) အတွင်း လီလောင်း (Li Lawng) ကျေးရွာမှာ ဇန်နဝါရီလ ၉ ရက်ညက စစ်ကြောင်းထိုးပြီး ပြန်လှည့်လာတဲ့ ခလရ ၂၇၄ တပ်ရင်းမှ စစ်ကောင်စီတပ်ဖွဲ့က ဝင်ရောက်ပစ်ခတ်မှုကြောင့် အသက် ၁၇ နှစ်အရွယ် အမျိုးသမီးတစ်ဦး ပွဲချင်းသေဆုံးခဲ့ပြီး အစ်မဖြစ်သူ နဖူးမှာ ဒဏ်ရာရရှိခဲ့တယ်လို့ သိရပါတယ်။ “ရွာထဲကိုကျော်သွားပြီ ညကြီးမှ ပြန်လှည့်လာပြီးတော့ သူတို့အိမ်နဲ့ လမ်းက နီးနီးလေးဆိုတော့ ကားလမ်းကနေ သူတို့ ပစ်လိုက်တာ။ အခု သေသွားတဲ့သူနဲ့ သူ့အစ်မက လက်ဆွဲကိုင်ပြီးတော့ အိမ်ဘေးဖက်ပြေးတော့ သူတို့က သေနတ်နဲ့ ပစ်လိုက်တာ။ မျက်နှာက ဘာမှရစရာမရှိဘူး၊ သူ့မျက်နှာက အကုန်လုံး နှာခေါင်းရော၊ ပါးစပ်လည်း အကုန်လုံး စုတ်ပြတ်သတ်နေတာ၊ ရင်ဘတ်အောက်တည့်တည့်မှာ အရှေ့ကနေ အနောက်ကို ထိုးဝင်သွားတာ သူတို့ပစ်တာ၊ သူ့အစ်မကျတော့ နှဖူးမှာ ရှပ်ထိသွားတာ။” လို့ သေဆုံးသူနဲ့ ဆွေမျိုးနီးစပ်သူတစ်ဦးက ပြောပါတယ်။ စစ်ကောင်စီတပ်ဖွဲ့ရဲ့ အကြောင်းမဲ့ပစ်ခတ်မှုကြောင့် သေဆုံးသွားတဲ့ အမျိုးသမီးမှာ မဟာသီလို့သိရပြီး သူမရဲ့ဖခင်ကိုလည်း စစ်ကောင်စီတပ်ဖွဲ့က ကူလီထမ်းဖို့ ဖမ်းဆီးခေါ်ဆောင်ခဲ့ပြီး ထွက်ပြေးလွတ်မြောက်တဲ့ညမှာ သမီးဖြစ်သူ ပစ်သတ်ခံရတာဖြစ်ပါတယ်။ လီလောင်ကျေးရွာဟာ စစ်ကောင်စီတပ်ဖွဲ့တွေ မကြာခဏ စစ်ကြောင်းထိုးလေ့ရှိတာကြောင့် ရွာသားအများစုဟာလည်း ကျေးရွာအတွင်း မနေထိုင်ရဲကြပဲ ထွက်ပြေးလေ့ရှိပါတယ်။ မဟာသီရဲ့ ရုပ်အလောင်းကို သဂြိုလ်တဲ့နေ့မှာလည်း…

ချင်းပြည်နယ် ထန်တလန်မြို့နယ်တွင် စစ်ကောင်စီ၏ လေကြောင်းအန္တရာယ်ကြောင့် စာသင်ကျောင်းများအားလုံးကို ဇန်နဝါရီလ ၁၆ ရက်နေ့မှစ၍ ရက်အကန့်အသတ်မရှိ ပိတ်ပင်လိုက်သည်ဟု ထန်တလန်မြို့နယ် ပြည်သူ့အုပ်ချုပ်ရေးအဖွဲ့ ပညာရေးဌာနက ထုတ်ပြန်သည်။ “အားလုံးသိပြီးတဲ့အတိုင်းပေါ့နော်၊ စစ်ကောင်စီက အကြမ်းဖက်လုပ်ရပ်တွေ လုပ်နေတယ်ဆိုတော့ ဒီစာသင်ကျောင်းတွေ၊ ပြည်သူနဲ့ဆိုင်တဲ့နေရာတွေလည်းမချန်ပဲနဲ့ ဗုံးကြဲတာတွေလုပ်တဲ့အတွက်ကြောင့် အခု ကျွန်တော်တို့ ဒီ ဝိတိုရိယစခန်း တိုက်ခိုက်ခံရပြီးတဲ့နောက်ပိုင်း ကင်းထောက်လေယာဉ်တွေလည်း စိုးရိမ်စရာ ကောင်းလောက်အောင် ခဏခဏ ကျွန်တော် တို့ဘက် ကင်းလာထောက်တဲ့အတွက်ကြောင့် အဲ့တာ ကျွန်တော်တို့အတွက် မလုံခြုံဘူးလို့ ခံစားရလို့ပေါ့နော်၊ ကျွန်တော် တို့ ကျောင်းပိတ်လိုက်ရတာဖြစ်ပါတယ်” ဟု (Public Administration, Thantlang Education Department) ပညာရေးဌာနတာဝန်ခံ Salai Cross Thang က ပြောသည်။ စာသင်ကျောင်းများပိတ်ပင်ထားသည့် အချိန်ကာလအတွင်း ပြည်သူများအနေဖြင့် ကျောင်းဧရိယာအတွင်း ဆော့ကစားခြင်းများ၊ ပျော်ပွဲစားထွက်ခြင်းများ လူစုလူဝေးဖြင့် နေထိုင်ခြင်းများ မပြုလုပ်ကြရန်လည်း Public Administration, Than tlang Education Department က သတိပေးတားမြစ်ထားသည်။ ပြီးခဲ့သည့် ဇန်နဝါရီလ ၁၀ ရက်နှင့် ၁၁ ရက်နေ့က ထန်တလန်မြို့နယ်အတွင်းတည်ရှိသော ချင်းအမျိုးသားတပ်ဦး CNF ဗဟိုဌာနချုပ် ဝိတိုရိယစခန်းကို စစ်ကောင်စီက တိုက်လေယာဉ်ဖြင့် ၂ ရက်ဆက်တိုက် ဗုံးကြဲတိုက်ခိုက်ခဲ့သည်။ ထိုကဲ့သို့ ဗုံးကြဲတိုက်ခိုက်ပြီးသည့်နောက်တွင်လည်း စစ်ကောင်စီ၏ ကင်းထောက်လေယာဉ်သည် ထန်တလန်မြို့နယ်တွင် ထပ်မံ ပျံသန်းလာသည့်အတွက် နောက်ထပ် လေကြောင်းတိုက်ခိုက်မှုများ ပြုလုပ်လာမည်ကို စိုးရိမ်နေကြခြင်းဖြစ်သည်။ ထန်တလန်မြို့နယ်တွင် ပြည်သူ့အုပ်ချုပ်ရေးအဖွဲ့မှဖွင့်လှစ်ထားသော ကျောင်းပေါင်း ၉၅…