Author: Editor

စစ်ကိုင်းတိုင်း ကလေးမြို့နယ်တောင်ပိုင်းတွင် တိုက်ပွဲဖြစ်ပွားမှုကြောင့် ဒေသခံပြည်များထွက်ပြေးတိမ်းရှောင်ရင်း မြစ်သာမြစ်တံတားဖြတ်ကူးစဉ် တံတားကျိူးကျပြီး စစ်ဘေးရှောင်ပြည်သူအနည်းဆုံး ၁၀ ဦးထက်မနည်းသေဆုံးခဲ့သည် သိရသည်။ ပြီးခဲ့သည့်ဧပြီလ ၂၀ ရက်ဝန်းကျင်ခန့်ကစ၍ ကလေးမြို့နယ်တောင်ပိ်ုင်းဒေသတွင် စစ်ကောင်စီတပ်ဖွဲ့နှင့် ပြည်သူ့ကာကွယ် ရေးပူးပေါင်းတပ်ဖွဲ့အကြား နေ့စဉ်ရက်ဆက်တိုက်ပွဲဖြစ်ပွားနေခဲ့ကြပြီး ယနေ့နံနက်ပိုင်း ၁၀ နာရီခန့်က အရှေ့စည်းကျေးရွာ ဘက်တွင် တိုက်ပွဲထပ်မံဖြစ်ပွားကာ အရှေ့စည်းနှင့် ဒိုးနွယ်ကျေးရွာကပြည်သူများ ဘေးလွတ်ရာသို့တိမ်းရှောင်ကြရာတွင် တံတာကျိူးကျကာ ရင်ဝယ်ပိုက်ကလေးနှင့်မိခင်အပါအဝင် ၁၀ ဦးကျော်ရေနစ်သေဆုံးခဲ့သည်ဟု ကလေးမြို့နယ်တောင် ပိုင်း စစ်ဘေးရှောင်ကူညီသူတစ်ဦးကပြောသည်။ “စစ်ကောင်စီတပ်သားတွေလာတဲ့အချိန်မှာ ပြေးရင်းတောထဲကိုရှောင်တိမ်း ကြတဲ့အချိန်မှာ ဒိုးနွယ်တံတားက ကျိုးသွားပြီး စစ်ဘေးရှောင်တွေရေထဲကို ကျသွားတာ။ ၂ နှစ်ရွယ်ကလေးနဲ့ ကျန်တဲ့စုစုပေါင်းခြောက် ယောက်ကိုတော့ ဆယ်ယူရ ထားပြီး။ ဆိုင်ကယ် အစီး နှစ်ဆယ်ကျတာ ၉ စီးပဲ ဆယ်ရသေးတယ်။ လောလောဆယ်က ငုတ်လို့မရသေးဘူး လက်နက်ြ ကီးပစ်လို့။ အဆင်ပြေတဲ့အချိန်ရှာနေတာ” ဟု ကလေးမြို့နယ် တောင်ပိုင်း စစ်ဘေးရှောင်ကူညီပေးနေသူတစ်ဦးကေ ပြာသည်။ အဆိုပါတံတားမှာ ကလေးမြို့တောင်ဘက် ဒိုးနွယ်ကျေးရွာအနီးဖြတ်သန်းစီးဆင်းသော မြစ်သာမြစ်ကူးတံတားဖြစ်ပြီး ဒေသခံပြည်သူများမှ ဝါးဖြင့်ပြုလုပ်ထားသည့်တံတားငယ်တစ်ခုဖြစ်သည်။ ယင်းတံတားမှာ အကျယ် ၅ ပေနှင့် အရှည်ပေ ၂၀၀ ခန့်ရှိပြီး ဝန်အားမမျှ၍ ကျိူးကျသွားခြင်းဖြစ်နိုင်သည်ဟု သိရသည်။ အရှေ့စည်းကျေးရွာနှင့် ဒိုးနွယ်ကျေးရွာအနီးတစ်ဝိုက်တွင် စစ်ကောင်စီတပ်ဖွဲ့နှင့် ပြည်သူ့ကာကွယ်ရေးပူးပေါင်းတပ်ဖွဲ့များ နှစ်ဘက်တိုက်ပွဲများပြင်းထန်နေပြီး ပြည်သူများ ကလေးမြို့ဘက်နှင့် တောထဲ၊ နီးစပ်ရာကျေးရွာများတွင် ထွက်ပြေးတိမ်းရှောင်နေကြရသည်။ ကလေးမြို့နယ်တောင်ပိုင်းတွင် စစ်ကောင်စီတပ်ဖွဲ့နှင့် ပြည်သူ့ကာကွယ်ရေးတပ်ဖွဲ့တို့ တိုက်ပွဲဖြစ်ပွားနေ သောကြောင့် စစ်ဘေးတိမ်းရှောင်နေရသည့် ကျေးရွာ ၁၀ ရွာဝန်းကျင်ရှိပြီး ခန့်မှန့်ခြေ လူဦးရေ…

စစ်ကိုင်းတိုင်းဒေသကြီး ကလေးမြို့နယ်တောင်ပိုင်းမှာ စစ်ကောင်စီတပ်ဖွဲ့နဲ့ ပြည်သူ့ကာကွယ်ရေးပူး ပေါင်းတပ်ဖွဲ့တို့ တိုက်ပွဲပြင်းထန်ခဲ့ပြီး ၂ ရက်တာတိုက်ပွဲအတွင်းမှာ စစ်ကောင်စီဘက်က အနည်းဆုံး ၁၃ ဦးေသဆုံးခဲ့တယ်လို့ PDF-Kalay က ထုတ်ပြန်ပါတယ်။ ကလေးမြို့ကနေ ကလေး-ဂန့်ဂေါလမ်းဘက်ကို ဧပြီလ ၂၄ ရက်နေ့က စစ်ကြောင်းထိုးလာတဲ့ စစ်ကား ၆ စီးအပါအဝင် အင်အား ၁၅၀ ဝန်းကျင်လောက်ရှိတဲ့ စစ်ကောင်စီတပ်ဖွဲ့ကို စည်သာနဲ့နတ်မြောင်း ကျေးရွာကြားမှာ PDF-Kalay တပ်ဖွဲ့က အဆင်သင့်တပ်ဆင်ထားတဲ့မိုင်းတွေနဲ့ အဆင့်ဆင့် ဖောက်ခွဲတိုက်ခိုက်ခဲ့ရာမှာ စစ်ကောင်စီတပ်သား ၅ ဦးကျဆုံးပြီး စစ်ကားတစ်စီး မိုင်းထိမှန်ပျက်စီးသွားတယ်လို့ PDF-Kalay က ပြောပါတယ်။ PDF-Kalay ပြန်ကြားရေးတာဝန်ခံ ကိုဗစ်တာက “၂၂၊ ၂၃ လောက်ကတည်းက ရေရှင်မှာဖြစ်တာ။ ကျောက်ပြုတ်၊ အင်းကျွန်းဘက်ကနေပြီးတော့ ရေရှင်ရွာဘက်ကို စစ်ကြောင်းထိုးလာတာ။ ကြံသာဘက်ကနေလည်း ထိုးလာတယ်။ အဲလိုဖြန့်ပြီးတော့ စစ်ကြောင်းထိုးလာတာ။ အဲဒါကို ခုခံဖြတ်တောက်ပြီးမှ တိုက်ပွဲဖြစ်တာ။ နတ်ချောင်း၊ နတ်မြောင်း၊ စည်သာ၊ ချောင်းခွတို့ပတ်ဝန်းကျင်မှာဖြစ်တဲ့ဟာကတော့ ကလေးမြို့ဘက်ကနေပြီးမှ တောင်ပိုင်းဘက်ကို ယာဉ်တန်းသွားတာကို ဖြတ်တောက်တိုက်ခိုက်တာ။” စစ်ကောင်စီတပ်ဖွဲ့တွေဟာ ဧပြီလ ၂၄ ရက်နေ့က နတ်ချောင်းကျေးရွာမှာ ညအိပ်ခဲ့ကြပြီး ဧပြီလ ၂၅ ရက်နေ့မှာ နတ်ချောင်းကျေးရွာကနေ တောင်ပိုင်းဘက်ကို ဆက်လက်ချီတက်လာရာမှာ PDF-kalay ၊ CNDF ၊ RKDF နဲ့ ပ.က.ဖ ပူးပေါင်းတပ်ဖွဲ့ဝင်တွေက ကြားဖြတ်တိုက်ခိုက်ခဲ့ရာ စစ်ကောင်စီတပ်သား ၈ ဦး ထပ်မံ ေသဆုံးခဲ့တယ်လို့ သိရပါတယ်။ နှစ်ရက်တာတိုက်ပွဲအတွင်းမှာ ပူးပေါင်းကာကွယ်ရေးတပ်ဖွဲ့ဘက်က ပ.က.ဖ ရဲဘော်တစ်ဦးကျဆုံးခဲ့ပြီး…

ချင်းပြည်နယ် ဟားခါး-ဂန့်ဂေါကားလမ်းတွင် စစ်ကောင်စီတပ်ဖွဲ့နှင့် ချင်းအမျိုးသားတပ်မတော် (CNA)၊ CDF-Hakha ပူးပေါင်းတပ်ဖွဲ့တို့ ၂ ရက်တာတိုက်ပွဲတွင် စစ်ကောင်စီဘက်က ထိခိုက်ကျဆုံးမှုများခဲ့ပြီး အနည်းဆုံး အယောက် ၃၀ ခန့် သေဆုံးနိုင်သည်ဟု သိရသည်။ မကွေးတိုင်း ဂန့်ဂေါဘက်မှ ဟားခါးမြို့သို့ စစ်အင်အားဖြည့်တင်းရန်ခြေလျင်ဖြင့် စစ်ကြောင်းထိုးလာသော စစ်ကောင်စီတပ်ဖွဲ့နှင့် ချင်းကာကွယ်ရေးပူးပေါင်းတပ်ဖွဲ့တို့သည့် ဧပြီလ ၂၃ ကစ၍ ဟားခါး-ဂန့်ဂေါလမ်း လုံကျွေးနှင့် လမ်သုတ်ကျေးရွာကြားတွင် တိုက်ပွဲဖြစ်ပွားကာ စစ်ကောင်စီဘက်က အနည်းဆုံးအယောက် ၃၀ ခန် ့သေဆုံးသည်ဟု CDF- Hakha မှ တာဝန်ရှိသူတစ်ဦး က ပြောသည်။ “၂၃ ရက်နေ့ကစတာ ဒီနေ့နဲ့ဆိုရင် ၃ ရက်ရှိပြီ။ မနေ့က ၃ ကြိမ်တိုက်ပွဲဖြစ်တယ်။ သူတို့ဖက်က နှစ်ရက်ပေါင်း လိုက်ရင် ၃၀၊ ၄၀ ကျမယ်။ ကျွန်တော်တို့ရဲဘော်ဘက်တစ်ယောက် လက်နက်ကြီးထိမှန်ထားတယ် သိပ်ပြီး တော့စိုးရိမ်စရာမရှိပါဘူး။ သူတို့က ဟားခါးဖက်ကို အင်အားဖြည့်ဖို့ ခြေလျင်နဲ့ပဲ တက်လာတယ် လူအင်အား အလုံးအရင်းနဲ့ အသုံးပြုတာပေါ့။” ဟု CDF- Hakha မှ တာဝန်ရှိသူတစ်ဦးက ပြောသည်။ အင်အား ၄၀၀ ဝန်းကျင်ခန့်ရှိသည့် စစ်ကောင်စီတပ်ဖွဲ့သည် ဟားခါးမြို့မှ မိုင် ၄၀ လောက်ကွာဝေးသော လမ်းသုတ်ကျေးရွာသို့ရောက်ရှိနေကြပြီး တိုက်ပွဲထပ်မံဖြစ်ပွားနိုင်သည်ဟု သိရသည်။ ဟားခါး-ဂန်ဂေါကြားရှိ ကျေးရွာများမှဒေသခံပြည်သူများသည်လည်း တောထဲသို့ထွက်ပြေးတိမ်းရှောင်နေကြရသည်ဟု သိရသည်။ ပြီးခဲ့သည့် မတ်လလယ်ပိုင်းကလည်း ဟားခါး- ဂန့်ဂေါ်ကားလမ်းတွင် စစ်ကောင်စီတပ်ဖွဲ့နှင့် ချင်းပူးပေါင်းကာကွယ်ရေးတပ်ဖွဲ့တို့ တိုက်ပွဲဖြစ်ပွားခဲ့ကြပြီးနောက် သီနမ်းကျေးရွာမှ လူနေအိမ် ၇ လုံး…

ချင်းပြည်နယ်တောင်ပိုင်း ကန်ပက်လက်မြို့နယ်တွင် စစ်ကောင်စီတပ်ဖွဲ့သည် စစ်ကြောင်း ၂ ကြောင်းဖြင့် ထိုးစစ်ဆင်လာသည့်အတွက် CDF-Kanpetlet နှင့် ဧပြီလ ၂၁ ရက်နေ့ကစ၍ တိုက်ပွဲဖြစ်ပွားနေသည်ဟု သိရသည်။ အင်အား ၁၅၀ ဝန်းကျင်ခန့်ရှိသော စစ်ကောင်စီတပ်ဖွဲ့သည် မကွေးတိုင်းဆောမြို့မှ စစ်ကြောင်းတစ်ကြောင်းနှင့် ကန်ပက်လက်မြို့ပေါ်မှ စစ်ကြောင်းတစ်ကြောင်းဖြင့် CDF-Kanpetlet တပ်ဖွဲ့ကို ကြားညှပ်ထိုးစစ်ဆင်တိုက်ခိုက်နေသည်ဟု CDF-Kanpetlet မှ ပြောရေး ဆိုခွင့်ရှိသူ တစ်ဦးက ပြောသည်။ “မနေ့က ဆောနဲ့ကန်ပက်လက်ကြားမှာ ရှိတဲ့ကျွန်တော်တို့ အဖွဲ့တွေကို ညှပ်ပြီးတော့မှအတို်က်ခံရတဲ့ သဘောပါ။ မနေ့ ကထိတွေ့မှု တစ်ကြိမ်၊ ဒီနေ့မနက်က နှစ်ကြိမ်ကြားရတဲ့အတွက်ကြောင့် ထိတွေ့မှုက ပြင်း ထန်တဲ့သဘောမျိုးတော့ ဖြစ်မယ်။ အထိအခိုက်က စစ်ကောင်စီဖက်က ဘယ်လောက်ထိတယ် ကျွန်တော်တို့ ဖက်ကလည်း အထိ အခိုက်ရှိ တယ်လို့ကြားရတယ် ဒါပေမယ့် အခုထိတော့ အတည်ပြုဖို့ ခက်သေးတယ်။” CDF-Kanpetlet မှ ပြောရေး ဆိုခွင့်ရှိသူ တစ်ဦးက ပြောသည်။ စစ်ကောင်စီတပ်ဖွဲ့သည် ဆောမြို့မှ ကန်ပက်လက်မြို့သို့ အင်အား ၆ဝကျော်ဖြင့် စစ်ကြောင်းထိုးလာပြီး ကန်ပက်လက် မြို့ပေါ်တွင် တပ်စွဲထားသော စစ်ကောင်စီတပ် ၈၀ ခန့်သည်လည်း စစ်ကြောင်းဆင်းလာခြင်းဖြစ်ပြီး CDF-Kanpetlet တပ်ဖွဲ့သည် နှစ်ဖက်ညှပ်တိုက်ခံရကာ ထိုခိုက်ကျဆုံးမှုများရှိနိုင်ပြီး တိုက်ပွဲများလည်းဆက်လက်ပြင်းထန်လာဖွယ်ရှိ သည်ဟု CDF-Kanpetlet ကထုတ်ပြန်ထားသည်။ တိုက်ပွဲများပြင်းထန်လာနိုင်သည့်အတွက် မိဘပြည်သူများအနေဖြင့် မည့်သည့်အရေးကြီးကြောင်းအရာများရှိနေပါစေ၊ ဆောနဲ့ ကန်ပက်လက်အကြားသွား လာခြင်းမပြုကြရန် CDF-Kanpetlet မှ အသိပေးထုတ်ပြန်ထားသည်။

မတူပီမြို့နယ် မင်းတပ်-မတူပီလမ်းမပေါ်ရှိ လည်မျိုချောင်းဆုံတွင် CDF-Matupi နှင့် စစ်ကောင်စီတပ်ဖွဲ့တို့ ဧပြီလ ၂၀ ရက် ယမန်နေ့က တိုက်ပွဲဖြစ်ပွားခဲ့ပြီး စစ်ကောင်စီဘက်မှ ဗိုလ်ကြီးအဆင့်အပါအဝင် ၈ ဦးသေဆုံးခဲ့သည်ဟု CDF-Matupi ပြန်ကြားရေးတာဝန်ရှိသူ တစ်ဦးက ပြောသည်။ “မနေ့က မနက်ပိုင်းမှာ မတူပီအခြေစိုက် ခမရ ၃၀၄ တပ်ရင်းအောက်ဖက် လည်မျိုချောင်းဆုံမှာ CDF-Matupi နှင့် စကစတွေ နာရီဝက်လောက် ထိပ်တိုက်တွေ့တယ် CDF အနေနဲ့ အထိအခိုက်မရှိ ကျွန်တော်တို့ ပြန်လ ည်ခွာနိုင်တယ် သူတို့ဖက်က ဗိုလ်ကြီးအဆင့် အရာရှိတစ်ဦးအပါအဝင် ၈ယောက်ကျပြီး ၅ ဦးလောက်ဒဏ်ရာရ တယ်” ဟု CDF-Matupi ပြန်ကြားရေးတာဝန်ရှိသူ တစ်ဦးက ပြောသည်။ မတူပီမြို့အခြေစိုက် စစ်ကောင်စီတပ် ခမရ ၃၀၄ တပ်ရင်းသည် နယ်မြေရှင်းလင်းရေးပြုလုပ်သည်ဟုဆိုကာ CDF-Matupi တပ်ရင်း ထိန်းချုပ်နယ်မြေဧရိယာအတွင်းသို့ ဝင်ရောက်လာခြင်းကြောင့် နှစ်ဘက်တိုက်ပွဲဖြစ်ပွားခဲ့ခြင်းဖြစ်သည်ဟု သိရသည်။ စစ်ကောင်စီတပ်ဘက်မှ ယမန်နေ့တိုက်ပွဲဖြစ်ပွားပြီးနောက်ပိုင်းတွင်လည်း စစ်အင်အား ၁၀၀ ဝန်းကျင်ထပ်မံ ဖြည့်တင်းလာ သည်ဟု သိရသည်။ CDF-Matupi နှင် စစ်ကောင်စီတပ်ဖွဲ့တို့ ယနေ့မနက်ပို်င်းတွင် ထိတွေ့မှုထပ်မံမရှိသေးသော်လည်း စစ်ကောင်စီ ဘက်မှ ဖုန်းလိုင်းများဖြတ်တောက်ပြီး မကြာမှီအချိန်တွင်းမှာလည်း တိုက်ပွဲများဆက်လက် ပြင်းထန်းလာနိုင်ဖွ ယ်ရှိသည်ဟု CDF-Matupi က ပြန်ကြားရေးတာဝန်ရှိသူက ပြောသည်။

Chinland Joint Defense Committee (CDJC) ရဲ့ ပြောရေးဆိုခွင့်ရှိသူ ကိုပေါလုနှင့် ဆက်သွယ်မေးမြန်းချက် ခိုနူမ်းသုန်သတင်း၊ ၁၈ ဧပြီ ၂၀၂၂ ချင်းကာကွယ်ရေး ပူးပေါင်းကော်မတီ – Chinland Joint Defense Committee (CDJC) ရဲ့ တတိယအကြိမ်မြောက် ပုံမှန်အစည်းအဝေးကို ဧပြီလ ၇ ရက်ကနေ ၁၂ ရက်နေ့အထိ ချင်းအမျိူးသားတပ်ဦး CNF ဗဟိုဌာနချုပ် ဝိတိုရိယစခန်းမှာ ကျင်းပပြုလုပ်ခဲ့ကြပြီး အဲဒီအစည်းအဝေးမှာ Zomi Revolution Organization/Zomi Revolution Army (Eastern Command) အဖွဲ့ကို အကြမ်းဖက်အဖွဲ့အစည်းအဖြစ် သတ်မှတ်လိုက်ကြတယ်လို့ သိရပါတယ်။ ZRA/ZRO (Eastern Command) ကို ဘာကြောင့် ခုလိုအကြမ်းဖက်အဖွဲ့အစည်းအဖြစ် သတ်မှတ်လိုက်ကြတာပါလဲ။ ဒီလိုသတ်မှတ်လိုက်တဲ့ အပေါ် ဘယ်လို အကျိူးသက်ရောက်မှုတွေ ဘယ်လိုရှိလာနိုင်ပါသလဲ။ ဒီကိစ္စနှင့်ပတ်သက်ပြီး Chinland Joint Defense Committee (CDJC) ရဲ့ ပြောရေးဆိုခွင့်ရှိသူ ကိုပေါလုကို ဆက်သွယ်မေးမြန်းထားပါတယ်။ မေး။ ။ Chinland Joint Defense Committee (CJDC) အနေနဲ့ တတိယအကြိမ်မြောက် ပုံမှန်အစည်း အဝေးထုတ်ပြန်ချက်မှာ ZRO/ZRA ကို အကြမ်းဖက်အဖွဲ့အစည်းအဖြစ် သတ်မှတ်လိုက်တယ်ဆိုပြီး သိရပါတယ်။ ဘယ်လိုအခြေအနေတွေကြောင့် အဲဒီလိုသတ်မှတ် လိုက်ရတာဘာလဲ။ ဖြေ။ ။ CJDC အဖွဲ့ဝင်တွေလှုပ်ရှားတဲ့နေရာတွေမှာ ZRA/ZRO (Eastern Command) အဖွဲ့တွေအနေနဲ့ နှောက်ယှက်ပြီးတော့ ဖမ်းဆီးသတ်ဖြတ်တဲ့ခိုင်လုံတဲ့သက်သေအထောက်အထားတွေကျနော်တို့ဆီမှာရှိတယ်၊ အကြမ်းဖက်အဖွဲ့အစည်းဖြစ်တဲ့ စစ်ကောင်စီနဲ့ပူးပေါင်းပြီးတော့မှ ကျနော်တို့အဖွဲ့ဝင်တွေဖြစ်တဲ့…

မီဇိုရမ်ပြည်နယ် ကျန်ဖိုင်းခရိုင်အတွင်းမှာရှိကြသည့် မြန်မာနိုင်ငံမှ စစ်ဘေးရှောင် ၈၀၀၀ ကျော်ထံ မီဇိုရမ်ပြည်နယ်အစိုးရက Refugee ID ကဒ္ကို ထုတ်ပေးနေပြီဖြစ်ကြောင်း သိရသည်။ မီဇိုရမ်ပြည်နယ်အစိုးရစာရင်အရ အိနိ္ဒယ-မြန်မာနယ်စပ် မီဇိုရမ်ပြည်နယ် ကျန်ဖိုင်းခရိုင်အတွင်း စစ်ဘေးရှောင်ဦးရေ ၈၇၄၇ ရှိသည့်အနက် စစ်ဘေးရှောင် ၈၅၈၈ ဦးထံ Refugee ID ကဒ် ထုတ်ပေးနေပြီဖြစ်ကြောင်း The Aizawl Post သတင်းစာတွင် ရေးသားဖော်ပြသည်။ ကျန်ဖိုင်းခရိုင်အတွင်း Relief Camp (၃၃) ခုရှိပြီး အဆိုပါ Relief camp တွင် စစ်ဘေးရှောင်ဦးရေ ၂၄၃၄ ဦးရှိပြီး Relief camp မဟုတ်သော အခြားသောနေရာတွင်နေထိုင်သူ စစ်ဘေးရှောင်ဦးရေ ၆၃၁၃ ဦး ရှိသည်ဟု သိရသည်။ ဧပြီလ ၁၃ ရက်နေ့ကလည်း Deputy Commissioner ဦးဆောင်မှုဖြင့် အိုက်ဇောလ်မြို့နယ်အတွင်းရှိ စစ်ဘေးရှောင်စခန်းများတွင်နေထိုင်သူများကို Refugee ID ကဒ် စတင်ထုတ်ပေးနေပြီဟု စစ်ဘေးရှောင်ကူညီစောင့်ရှောက်ရေးအဖွဲ့တာဝန်ရှိသူတစ်ဦးကပြောသည်။ “Aizawl DC က Refugee ID ကဒ်ထုတ်ပေးတယ်။ အိုက်ဇောလ်မြို့နယ်အတွင်းမှာရှိတဲ့ Sihphir, Luangmual, Tuirial, Sihhmui, Sairang မွာရွိတဲ့ စစ်ဘေးရှောင်စခန်းမှာနေထိုင်သူတွေတော့ Refugee ID ကဒ်ရပြီဖြစ်တယ်။ ခုဟာက စစ်ဘေးရှောင်စခန်းတွေမှာနေတဲ့သူတွေကို အရင်ဦးစားပေးလုပ်ဆောင်ပေးတဲ့သဘောဖြစ်တယ်။ စစ်ဘေးရှောင်စခန်းမဟုတ်တဲ့ အခြားသောနေရာမှာနေထိုင်တဲ့သူတွေလည်း မကြာခင်ထုတ်ပေးနိုင်လိုက်မယ်လို့ မျော်လင့်တယ်” ဟု ပြောသည်။ မြန်မာနိုင်ငံတွင် ၂၀၂၁ ခုနှစ် ဖေဖော်ဝါရီ (၁) ရက်နေ့က စစ်တပ်အာဏာသိမ်းမှုကြောင့် မီဇိုရမ်ပြည်နယ်အတွင်း ထွက်ပြေးတိမ်းရှောင်ခိုလှုံနေသူ…

ချင်းပြည်နယ်မှာ တော်လှန်ရေးအရှိန်မြင့်နိုင်ရေးအတွက် ရန်ပုံငွေတစ်ရပ်ရှာဖွေတဲ့အနေနဲ့ Chin Digital Lottery – တူမီးထီကို စတင်ရောင်းချနေပြီလို့ ချင်းရန်ပုံငွေအဖွဲ့- Chin Relief Funding Program (CRFP) ကထုတ်ပြန်ထား ပါတယ်။ အဲဒီတူမီးထီကို ဧပြီလ ၁၁ ကနေ ၂၅ ရက်နေ့အထိ ပရိုမိုးရှင်းကာလအဖြစ် သတ်မှတ်ထားပြီး ထီတစ်စောင်ကို တစ်ဒေါ်လာနဲ့ ရောင်းချပေးလျှက်ရှိကာ ပထမဆုကို အမေရိကန် ဒေါ်လာ ၇၅၀ (မြန်မာငွေ ၁၅ သိန်းခန့်) ချီးမြင့်မယ့်အပြင် တခြားဆုသေးတွေလည်း ပါဝင်မယ်လို့ သိရပါတယ်။ တူမီးထီဟာ တော်လှန်ရေးကာလအတွင်း ရန်ပုံငွေရှာဖွေရန်အတွက် ယာယီသတ်မှတ်ထားတဲ့ အမည်နာမ တစ်ရပ်သာဖြစ်ပြီး နောင်ချင်းပြည်အစိုးရအသစ်ပေါ်‌ပေါက်လာတဲ့အခါ (Federal Lottery) အဖြစ် ချင်းဖက်ဒရယ်အ စိုးရထံသို့ တရားဝင်အပ်နှံသွားမယ်လို့ CRFP ပြောရေးဆိုခွင့်ရှိသူ ဆလိုင်း ဒိုခါရ်က ယခုလိုပြေပါတယ်။ “ပထမအချက်ကတော့ ဘဏ္ဍာငွေရှာဖွေရေးသက်သက်မဟုတ်ဘဲနဲ့ လာမယ့်ဖယ်ဒရယ်ပြည်ထောင်စု ပေါ်ပေါက် လာတဲ့အခါကျရင် ပြည်နယ် Lottery၊ ဖယ်ဒရယ် Lottery ဖြစ်သွားအောင် ရည်ရွယ်ပါတယ်။ ဘဏ္ဍာငွေ ရှာတဲ့နေရာမှာ ပိုက်ဆံကောက်တော့ကောက်တယ် ငွေကြေးရတယ် ဒါပေမယ့် စနစ်တစ်ခုပုံစံမျိုးမရှိနေဘူး။ ဒါကြောင့် စနစ်တစ်ခုလည်းဖန်တီးမယ် ဘဏ္ဍာငွေလည်းရမယ် တော်လှန်ရေးကိုလည်း အကျိုးပြုမယ်ဆိုတဲ့ ရှုတောင့် သုံးခုကနေ စဉ်းစားတာဖြစ်တယ်။ လက်ရှိအချိန်ထိတော့ အဖွဲ့အနေနဲ့ စမ်းသပ်လုပ်ဆောင်ပြီး အကောင်ထည်ဖော်နေတဲ့ပုံစံမျိုး ဖြစ်တဲ့အခါကျတော့ တရားဝင်ထီပုံစံမျိုးတော့မဟုတ်သေးဘူး။ ဒါပေမယ့် လာမယ့် ဖယ်ဒရယ် Lottery ပေါ်ပေါက်လာ ရေးကို ရည်ရွယ်ထားတဲ့အခါကျတော့ တော်လှန်ရေးရန်ပုံငွေရှာဖွေတဲ့အမည်နာမကို တူမီးထီ Federal Digital Lottery…

စစ်ကိုင်းတိုင်း ကလေးမြို့နယ် မြောက်ဘက်တွင်တည်ရှိသော PDF (Kalay) တပ်ရင်း (၃) စခန်းတစ်ခုကို ဧပြီလ ၁၂ ရက်နေ့က စစ်ကောင်စီတပ်ဖွဲ့မှ အင်းအားအလုံးအရင်းဖြင့် ဝင်ရောက်စီးနင်း သိမ်းပိုက်လိုက်သည်ဟု သိရသည်။ စစ်ကောင်စီတပ်ဖွဲ့သည် ဧပြီလ ၁၂ ရက်နေ့ မနက်ပိုင်းက PDF (Kalay) တပ်ရင်း (၃) စခန်းအခြေစိုက်ရာကို ချင်းပြည်နယ်ဘက်က ခြေလျင်နှင့်ပတ်လာပြီး ဝင်ရောက်တိုက်ခိုက်ရာတွင် အပြန်အလှန်ပစ်ခတ်ခဲ့ကြပြီးနောက် စခန်းကိုစွန့်လွှတ်လိုက်ရသည်ဟု PDF (Kalay) တပ်ဖွဲ့မှ တာဝန်ရှိသူတစ်ဦးက ပြောသည်။ “ကျနော်တို့ PDF (Kalay) တပ်ရင်း ၃ ရဲ့အခြေစိုက်စခန်းကို ဝင်ရောက်စီးနင်းသိမ်းပိုက်ခံရတာပါ၊ မနေ့ကမနက်ပိုင်း ၉ နာရီခွဲပတ်ဝန်းကျင်လောက်ကစပြီးတော့မှ ဝင်ရောက်စီးနှင်းခံရတယ် ခုခံကာကွယ်မှုတွေရှိပေမယ့် စခန်းကိုစွန့်ခွါလိုက်ရတယ်” ဟု ၎င်းကပြောသည်။ ယမန်နေ့ကဖြစ်ပွားသည့် အဆိုပါတိုက်ပွဲတွင် PDF (Kalay) တပ်ဖွဲ့ဘက်မှ ရဲဘော်တစ်ဦး ကျဆုံးခဲ့သည်ဟု သိရသည်။ ယနေ့မနက်ပိုင်းတွင်လည်း ကလေးမြို့မြောက်ဘက် ပြည်တော်သာ၊ အင်ကြင်းခုံနှင့် လက်ပံချောင်းကျေးရွာအနီးတဝိုက်တွင် စစ်ကောင်စီတပ်နှင့် ပြည်သူ့ကာကွယ်ရေးပူးပေါင်းတပ်ဖွဲ့တို့ ဆက်လက်တိုက်ပွဲဖြစ်ပွားခဲ့ကြသည်ဟု သိရသည်။ စစ်ကောင်စီ၏ ဝါဒဖြန့်သတင်းဌာနမှာတော့ ကလေးမြို့နယ်၊ သာယာကုန်းကျေးရွာ အနောက်ဘက် မီတာ ၄၀၀၀ ခန့်အကွာ PDF (Kalay) တပ်ရင်းစခန်းအား လုံခြုံရေးအဖွဲ့များမှရှင်းလင်းစဉ် ၁ လုံးထိုးခါးချိုးသေနတ် ၁၁ လက်၊ ၂ လက်မစိန်ပြောင်း ၁ လက်၊ စိန်ပြောင်းဗုံးသီး ၅ လုံး၊ RPG ဗုံးသီး ၄ လုံး၊ ၁၂ ဗို့ကျဉ် ၂၇၀၀ တောင့်၊ AK-47…

ကလေးမြို့နယ် မြောက်ပိုင်းဒေသများဖြစ်သည့် ပြည်တော်သာ၊ အင်ကြင်းခုံနှင့် လက်ပံချောင်းကျေးရွာ အနီးအဝိုက်တွင် စစ်ကောင်စီတပ်နှင့် ပြည်သူ့ကာကွယ်ရေးပူးပေါင်းတပ်ဖွဲ့များ ယနေ့မနက်ပိုင်းကစ၍ ပစ်ခတ်မှုဖြစ်ပွားနေသည်ဟု သိရသည်။ ကလေးမြို့ တာဟန်းရပ်ကွက်နှင့် မြောက်ပိုင်းဒေသ ကျေးရွာများဆက်သွယ်သည့် တာဟန်း-လက်ပံချောင်း လမ်းမပေါ်က ပြည်တော်သာကျေးရွာအနီးတွင် ယနေ့နံနက်ပိုင်း ၁၀ နာရီကျော်ကျော်ခန့်က တိုက်ပွဲဖြစ်ပွား ကာ နေ့လယ် ၁၂ နာရီတွင်လည်း အင်ကြင်းခုံနှင့် လက်ပံချောင်းကျေးရွာအရှေ့ဘက်တွင် တိုက်ပွဲပြင်းထန်ခဲ့သည်ဟု လက်ပံချောင်းဒေသခံတစ်ဦးက ပြောသည်။ “လက်ပံချောင်းနဲ့ အင်ကြင်းခုံရွာရဲ့ အရှေ့ဘက်မှာ ဒီနေ့ ၁၂ နာရီကနေ သေနတ်ပစ်ခတ်သံတွေ လက်နက်ြ ကီးသံတွေလည်းကြားနေရတယ်၊ ကိုယ့်အိမ်ထဲမှာပဲနေကြတယ် ဘယ်သူမှအပြင်မထွက်ရဲကြဘူး” ဟု လက်ပံချောင်းဒေသခံတစ်ဦးကပြောသည်။ ယခုပစ်ခတ်မှုဖြစ်ပွာသည့် လက်ပံချောင်းကျေးရွာသည် ကလေးမြို့မှ ၁၀ မိုင်ခန့်သာကွာဝေးပြီး ချင်းလူမျိူး အများစုနေထိုင်ကြသည့်ရွာကြီးတစ်ရွာဖြစ်သည်။ စစ်ကောင်စီတပ်ဖွဲ့သည် ယမန်နေ့ကတည်းက ကလေးမြို့မြောက်ပိုင်းဒေသကို ထိုးစစ်ဆင်တိုက်ခိုက်ခဲ့ပြီး ပြည်သူ့ကာကွယ်ရေးပူးပေါင်းတပ်ဖွဲ့များနှင့် တိုက်ပွဲပြင်းပြင်းထန်ထန်ဖြစ်ပွားခဲ့သည်။