ချင်းပြည်နယ် ဖလမ်းမြို့နယ်တွင် စစ်ကောင်စီတပ်ဖွဲ့က မသန်စွမ်း ၂ ဦးကို သတ်ဖြတ်ခဲ့သည်ဟု သိရသည်။ ကလေးမြို့မှ ဖလမ်းမြို့ဘက်သို့တက်လာသော စစ်ကောင်စီတပ်ဖွဲ့သည် ကလေး-ဖလမ်းကားလမ်းပေါ်ရှိ ဗားလုံကျေးရွာတွင် နေထိုင်သူ အသက် ၆၃ နှစ်အရွယ် မသန်စွမ်းအမေအို (ဆွံ့အနားမကြားသူ) ဒေါ်တီာလ်ကပ်ကို ဇွန်လ ၃၀ ရက်နေ့က သေနတ်ဖြင့်ပစ်ခတ်ခဲ့ပြီး ဇူလိုင်လ ၃ ရက်နေ့ကျမှ ရွာသားများက အလောင်းတွေ့ရှိခဲ့ကြသည်ဟု သိရသည်။ စစ်ကားအစီး ၂၀ ကျော်ဖြင့်တက်လာသော စစ်ကောင်စီတပ်ဖွဲ့သည် ဇွန်လ ၃၀ ရက်နေ့က ဗားလုံကျေးရွာတွင် စခန်းချညအိပ်ကာ ဖလမ်းဘက်ကို ဆက်လက်ထွက်ခွါကြပြီးနောက် သေနတ်ဒဏ်ရာများဖြင့် သေဆုံးနေသော ဒေါ်တီာလ်ကပ်၏ ရုပ်အလောင်းကို တောထဲတနေရာတွင် ရွာသားများက တွေ့ရှိခဲ့ကြခြင်းဖြစ်သည်ဟု ဒေသခံများထံမှ သိရသည်။ ထို့အပြင် ဇူလိုင်လ ၂ ရက်နေ့ကလည်း ဖလမ်းမြို့နယ် လှာန်ဇောလ်ကျေးရွာက ခန္ဓာကိုယ်အောက်ပိုင်းသေနေသော အမျိုးသားတစ်ဦး Vum Lian Thang ကို စစ်ကောင်စီတပ်ဖွဲ့က လက်ပြန်ကြိုးတုတ်၊ တရွက်တိုက်ဆွဲခေါ်ပြီး သတ်ဖြတ်ခဲ့သည်ဟု သိရသည်။ စစ်ကောင်စီတပ်ဖွဲ့သည့် မဏိပူရမြစ်နဘေး ဗာရ်ကျေးရွာတွင် ယနေ့ည စခန်းချညအိပ်ကြသည်ဟု သိရသည်။
Author: Editor
ချင်းပြည်နယ် မင်းတပ်မြို့နယ်ထဲက ချပ်ကျေးရွာနဲ့ စွန်တောင်ကျေးရွာ ၂ ရွာကို စစ်ကောင်စီတပ်ဖွဲ့က တိုက်လေယာဉ် ၂ စင်းနဲ့ ယနေ့ မနက်ပိုင်း ၁၁ နာရီကျော်ကျော်လောက်မှာ ဗုံးကြဲတိုက်ခိုက်ခဲ့တာကြောင့် အရပ်သားပြည်သူ ၂ ဦးသေဆုံးပြီး ဒဏ်ရာရရှိသူတွေလည်းရှိတယ်လို့ သိရပါတယ်။ စစ်ကောင်စီတပ်ရဲ့ လေကြောင်းတိုက်ခိုက်မှုကြောင့် ချပ်ကျေးရွာက စာသင်ကျောင်းနဲ့ ဘုရားကျောင်းဝင်းထဲကို ဗုံးကျေရာက်ပေါက်ကွဲပြီး အရပ်သား ၂ ဦးသေဆုံးခဲ့တာလို့ CDF-Mindat ပြောရေးဆိုခွင့်ရှိသူ ဆလိုင်းယောမန်က ပြောပါတယ်။ “ချပ်ရွာနဲ့စွန်တောင်ရွာပေါ့နော် ဗုံးကြဲတာပေါ့ ဒီနေ့မနက် ၁၁ နာရီကျော်ကျော်လောက်မှာတိုက်လေယာဉ် ၂ စီးပေါ့နော် အပြာရောင်တိုက်လေယာဉ် ၂ စီးလာပြီးမှဗုံးကြဲသွားတာပေါ့ ချပ်ရွာကြဲတာကတော့ စာသင်ကျောင်းမှာ ကျတယ်၊ ဘုရားကျောင်းမှာကျတယ် စာသင်ကျောင်းနဲ့ဘုရားကျောင်းဝန်းကျင်မှာရှိတဲ့လူတွေပြည်သူ ၂ ဦးသေဆုံးတယ် ၂ ဦးအပြင်းအထန်ဒဏ်ရာရပြီးမှ တခြားဒဏ်ရာရတယ်လူလည်းရှိတယ်လို့သိရတယ်’’ စစ်ကောင်စီတပ်ဖွဲ့ဟာ လေကြောင်းတိုက်ခိုက်မှုမလုပ်ခင် အဲဒီကျေးရွာတွေပေါ်ကို ကင်းထောက်ပျံသန်းမှုပြုုလုပ်ခဲ့ပြီး အရပ်သားပြည်သူတွေကို ရည်ရွယ်ချက်ရှိရှိ ဦးတည်တိုက်ခိုက်တာဖြစ်တယ်လို့လည်း CDF-Mindat ကထုတ်ပြန်ထားပါ တယ်။ နှစ်ဖက်တိုက်ပွဲဖြစ်ပွားခြင်းမရှိဘဲနဲ့ ခုလိုအရပ်သားပြည်သူတွေရှိတဲ့ စာသင်ကျောင်း၊ ဘုရားကျောင်းတွေပေါ် ဗုံးကြဲတိုက် ခိုက်တဲ့အပေါ် အပြင်းအထန်ကန့်ကွက်ရှုတ်ချတယ်လို့ ဆလိုင်း ယောမန်ကပြောပါတယ်။ “အပစ်မဲ့ပြည်သူတွေကိုကြဲတာဖြစ်တယ်၊ ကြဲတဲ့နေရာကလည်း စာသင်ကျောင်း၊ ဘုရားကျောင်းတို့ဆိုတာ မကြဲရမယ့်နေ ရာတွေဖြစ်တယ် အဲဒါမျိုးတွေပါကြဲတယ်ဆိုတော့ ဒါလက်နက်ကိုင်ခြင်းတိုက်ပွဲဖြစ်နေတာလည်းမဟုတ်ဘူးပေါ့နော် လက်နက်ကိုင်ရှိတဲ့နေရာလည်းမဟုတ်ဘူး လက်နက်မကိုင်ထားတဲ့သူ တိုက်ပွဲမဖြစ်တဲ့နေရာတွေကိုမှာကို ကြဲတဲ့အပြင် ဘုရာကျောင်းတို့ စာသင်ကျောင်းတို့မှာကြဲတယ်ဆိုတာက ဒါအပြင်းအထန်ဆုံးရှုတ်ချစရာဖြစ်တယ်ပေါ့လေ ကျနော်တို့ စကစ ကတော့ ပြောစကားတောင်မရှိတော့ပါဘူး” စစ်ကောင်စီတပ်ဖွဲ့က တိုက်လေယာဉ်နဲ့ ဗုံးကြဲတိုက်ခိုက်သွားတဲ့ ချပ်နဲ့ စွန်တောင်ကျေးရွာတို့ဟာ မင်းတပ်မြို့ကနေ မိုင် ၄၀ လောက်ကွာဝေးတယ်လို့သိရပြီး…
ချင်းပြည်နယ်တောင်ပိုင်းဒေသ ပလက်ဝမြို့တွင် လောင်စာဆီပြတ်လပ်မှုကြောင့် စစ်ကောင်စီက လျှပ်စစ်မီးမပေးနိုင်တော့ပဲ တစ်မြို့လုံး မီးမရရှိသည်မှာ ၅ ရက်ကျော်ရှိသွားပြီဟု သိရသည်။ ပလက်ဝဒေသခံတစ်ဦးက “ပြီးခဲ့တဲ့အပတ် တနင်္လာညကနေမရတာ ၄၊ ၅ ရက်ရှိပြီး သူတို့ကတော့ ဓာတ်ဆီမရှိဘူးလို့ပြောတာပဲ ဒီမှာက ဓာတ်ဆီကတင်လို့မရတော့အဲလိုဖြစ်တာလို့ပြောတာပဲ ဓာတ်ဆီက ကျောက်တော်ကနေ သယ်လာတာ ဝင်လာလို့မရဘူးနဲ့တူတယ်” ဟု ပလက်ဝဒေသခံတစ်ဦးကပြောသည်။ ပလက်ဝမြို့နယ်သည် မဟာဓာတ်အားလိုင်း မရောက်ရှိသေးသည့်အတွက် လျှပ်စစ်ဌာနမှ ဒီဇယ်ဆီကိုအသုံးပြု၍ လျှပ်စစ်မီး ဖြန့်ဖြူးပေးလေ့ရှိသည်။ သို့သော်လည်း ယခုရက်ပိုင်းအတွင်း ရခိုင်ပြည်နယ်ကျောက်တော်ဘက်မှ လောင်စာဆီအပါအဝင် ကုန်ပစ္စည်းများဝင်ရောက်မှုကို စစ်ကောင်စီဘက်က တင်းကြပ်လိုက်သည့်အတွက် ပလက်ဝတွင် လောင်စာဆီပြတ်လပ်ကာ ယခုအခြေအနေသို့ ဆိုက်ရောက်သွားရခြင်းဖြစ်သည်။ ပလက်ဝမြို့တွင် လျှပ်စစ်မီးကို အာဏာမသိမ်းခင်က တစ်ညလျှင် ၄ နာရီဖြန့်ဖြူးပေးခဲ့ပြီး ၂၀၂၁ ခုနှစ် ဖေဖော်ဝါရီလ ၁ ရက် စစ်အာဏာသိမ်းပြီးနောက်ပိုင်းတွင် တစ်ရက်ခြားဖြင့် တစ်ည ၄ နာရီဖြန့်ဖြူးပေးလျှက်ရှိကာ ဇွန်လ ၂၇ ရက်နေ့ကစ၍ လောင်စာဆီပြတ်လပ်မှုကြောင့် လျှပ်စစ်မီးပေးဝေမှု ရပ်နားသွားခဲ့ရခြင်းဖြစ်သည်။ “ည ၆ နာရီကနေ ၁၁ နာရီထိတော့ရတယ် ဒီညရင် နောက်တနေ့ကမရတော့ဘူး အဲလိုလေ တလှည့်စီပေါ့ တရက်ခြားရတဲ့အချိန်မှာလည်း အဲလိုရတာ အခုကအဲဒီတလှည့်စီလည်းမရတော့ဘူး တချိူ့က ကိုယ့်အိမ်မှာ ဆိုလာပြားနဲ့ ဘက်ထရီနဲ့ ထွန်းကြတယ်၊ တချိူ့ကဖယောင်းတိုင်မီးနဲ့ထွန်းတယ်၊ အဲလိုပဲနေကြတယ် တမြို့လုံးက ဘက်ထရီရှိ တဲ့အိမ်ကမီးလင်းတယ် ဘက်ထရီမရှိတဲ့အိမ်က တမြို့လုံးက မီးမှောင်နေတာပဲ” ဟု ပလက်ဝဒေသခံတစ်ဦးကပြောသည်။ ချင်းပြည်နယ်တွင် လူဦးရေအများဆုံးမြို့နယ်ဖြစ်သည့် ပလက်ဝမြို့နယ်သည် လောင်စာဆီအပါအဝင် အခြေခံစားသောက်ကုန်များကို ရခိုင်ပြည်နယ်ဘက်မှ ကျောက်တော်-ပလက်ဝလမ်းကြောင်းကတဆင့်…
ချင်းပြည်နယ် ဖလမ်းမြို့နယ် ဗားလုံကျေးရွာမှလူငယ် ၂ ဦးသည် ဇွန်လ ၃၀ ရက်နေ့က ဆိုင်ကယ်ဖြင့် အလည်သွားစဉ် မိုင်းနင်းမိ၍ တစ်ဦးသေဆုံးကာ တစ်ဦးဒဏ်ရာရရှိခဲ့သည်ဟု သိရသည်။ ကလေး-ဖလမ်းကားလမ်းမပေါ်တွင်တည်ရှိသော ဗားလုံကျေးရွာမှ ဆလိုင်းဗန်လျန်အုပ်နင့် ဆလိုင်းပီတာဒိမ်လျှန်ဆန်းတို့နစ်ဦးသည် ဇွန်လ ၃၀ ရက်မနက်ပိုင်းက ဇောင်လေးကျေးရွာသို့ အလည်သွားရာ လမ်းခုလပ်တွင် မိုင်းနင်းမိ၍ အသက် ၂၂ နှစ်အရွယ် ဆလိုင်းပီတာဒီမ်လျှန်ဆန်းသည် အခင်းနေရာတွင် ပွဲချင်းသေဆုံးကာ ကျန်တစ်ဦးမှာ ဒဏ်ရာရရှိခဲ့သည်ဟု သိရသည်။ “ကလေးကနေ ကစက ယာဉ် ၂၃ စီး ဖလမ်းဖက် ဦးတည်တက်လာကြောင်း ကြားတာနင့် ရွာသူရွာသားအများစုက ကြောက်လို့ဆိုပြီး ထွက်ပြေးပုန်းရှောင်ကြတာ၊ သူတို့နှစ်ဦးက အနီးရွာရှိ သူငယ်ချင်းစီ အလည်သွားမယ်ဆိုပြီး သွားကြတာ၊ သူတို့ထွက်သွားတာ သိမ်မကြာဘူး မိုင်းပေါက်ကွဲသံကြားလိုက်ရတော့ သူတို့နစ်ယောက်လုံး မတော်တစဖြစ်နေပြီဆိုပြီး ထင်မိတဲ့အတိုင်းပဲ တယ်ပဲဖြစ်နေတယ်” ဟု ဒေသခံတစ်ဦးက ပြောသည်။ စစ်ကောင်စီတပ်ဖွဲ့သည် ပြီးခဲ့သည့်ဇွန်လ ၂၇ ရက်နေ့က ကလေးမြို့မှ ချင်းပြည်နယ်သို့ တက်လာကြသည့်အတွက် မိဘပြည်သူများအနေဖြင့် ကလေး-ဖလမ်းကားလမ်းအား ဖြတ်သန်းသွားခြင်း လုံးဝမပြုလုပ်ကြရန် ချင်းအမျိုးသားအဖွဲ့ချုပ် (CNO/CNDF) က အသိပေးထုတ်ပြန်ခဲ့သည်။ စစ်ကား ၂၀ ကျော်ဖြင့် တက်လာသော စစ်ကောင်စီတပ်ဖွဲ့သည် ယခုလက်ရှိတွင် ဗားလုံရွာမရောက် ဇောင်ကောင်းကျေးရွာတွင် ကားရပ်ထားပြီး ရာလ်မောလ်တောင်ပေါ်ဘက်သို့ ခြေလျင်ဖြင့် တက်လာကြသည်ဟု သိရသည်။ ထိုကဲ့သို့ အသိပေးထုတ်ပြန်ထားသည့်အချိန်တွင် အဆိုပါလူငယ်နှစ်ဦး အလည်သွားစဉ်မှာ မိုင်းမတော်တဆနင်းမိကာ သေဆုံးသွားခဲ့ခြင်းဖြစ်သည်။ ပုံစာ – မိုင်းနင်းမိ၍ သေဆုံးသွားသော ဆလိုင်းပီတာဒိမ်လျန်ဆန်း
နွေမိုးဆောင်း – ရေးသည်။ ကျမသက်တမ်းတလျှောက် ဒီလိုလူစိတ်ကင်းမဲ့စွာနဲ့ မီးရှို့ဖျက်ဆီးမှုမျိုး တခါမျှမကြုံဖူးပါဘူး။ အခုဆို ကျမကို မှီခိုနေထိုင်ကြတဲ့ ကျမရဲ့ပြည်သူပြည်သားတွေ တစ်ယောက်မျှ မရှိတော့ဘူး။ သူတို့အားလုံး ဘေးလွတ်ရာကို ထွက် ပြေး တိမ်းရှောင်နေကြရပါပြီ။ ဟုတ်တယ်။ ကျမမှာ အိမ်ခြေ ၂၀၀၀ ကျော်ရှိတယ်။ ကျမကို မှီခိုနေထိုင်ကြတဲ့ ပြည်သူပြည်သား တစ်သောင်းကျော်ရှိတယ်။ အခုနှစ် (၂၀၂၂) မေလ ၂၄ ရက်နဲ့ ၂၆ ရက်နေ့မှာ စစ်ကောင်စီလက်အောက်ခံ တပ်သားတွေရဲ့ ၂၈ ကြိမ်မြောက် မီးရှို့ဖျက်ဆီးတာကို ခံခဲ့ရတယ်။ ကျောင်းရပ်ကွက်က နေအိမ် ၁၁၆ လုံးနဲ့ ဇုန်မှုန်ရပ်ကွက်က နေအိမ် ၁၉ လုံးဆိုတော့ စုစုပေါင်း နေအိမ် ၁၃၅ လုံးကို မီးလောင်ပြကျသွားခဲ့ပါတယ်။ အခုဆိုရင် ပြီးခဲ့တဲ့နှစ် (၂၀၂၁) စက်တင်ဘာလကနေ အခုနှစ် မေ ၂၆ ရက်အတွင်း သူတို့တွေ (စစ်ကောင်စီတပ်) ကျမကို မီးရှို့ဖျက်ဆီးခဲ့လို့ ကျမ ပြည်သူပြည်သားတွေရဲ့ နေအိမ်ပေါင်း ၁၅၀၀ ကျော် မီးလောင်ပြာကျသွားခဲ့ရပါပြီ။ အဲဒီလို မီးလောင်ပြာကျသွားခဲ့ရတဲ့အထဲမှာ ကျမရဲ့ ပြည်သူပြည်သားတွေ အထွဋ်အမြတ်ထား၊ သက်ဝင်ယုံကြည်ရာ ခရစ်ယာန်ဘုရားကျောင်း ၁၂ ကျောင်းလည်း မီးလောင်ပျက်ဆီးသွားခဲ့ရပါတယ်။ ပြီးခဲ့တဲ့နှစ် စက်တင်ဘာ ၁၈ ရက်က ကျမတို့ဆီမှာ စစ်ကောင်စီတပ်တွေနဲ့ ကျမတို့ ဒေသခံကာကွယ်ရေးတပ်တွေအကြား တိုက်ပွဲဖြစ်ပွားတော့ စစ်ကောင်စီတပ်က ပစ်လိုက်တဲ့ လက်နက်ကြီးကြောင့် ကျမပြည်သူတွေရဲ့ နေအိမ် ၁၉ လုံး မီးလောင်ပျက်စီးခဲ့တယ်လေ။ အဲဒီတုန်းက မီးငြှိမ်းဖို့…
ချင်းပြည်နယ်တောင်ပိုင်း မင်းတပ်မြို့နယ်တွင် ယနေ့ (ဇွန် ၂၉) မနက်ပိုင်း ၉ နာရီခန့်ကစ၍ စစ်ကောင်စီတပ်နှင့် CDF-Mindat တပ်ဖွဲ့တို့တိုက်ပွဲဖြစ်ပွားကာ စစ်ကောင်စီတပ်ဖွဲ့၏ လက်နက်ကြီးများပစ်ခတ်မှုကြောင့် မဒပ်ကျေးရွာမှ ဆယ်ကျော်သက်အရွယ် လူငယ်တစ်ဦး သေဆုံးခဲ့သည်။ မင်းတပ်မြို့ပေါ်ရှိ ခလရ ၂၇၄ တပ်ရင်းမှ ယနေ့မနက်ပိုင်း ၁၀ နာရီကျော်ကျော်ခန့်က မင်းတပ်မြို့မြောက်ဘက် မဒပ်၊ ကြားအိမ်နူး စသည့်ကျေးရွာများသို့ လက်နက်ကြီးပစ်ခတ်ခဲ့ပြီးနောက် မဒပ်ကျေးရွာအတွင်း ကျရောက်ပေါက်ကွဲကာ ၁၄ နှစ်အရွယ် လူငယ်တစ်ဦး ဗုံးဆံထိမှန်သေဆုံးခဲ့သည်ဟု ဒေသခံတစ်ဦးက ပြောသည်။ “မဒပ်မှာ လူငယ်တစ်ယောက် သေသွားတယ်။ အရင်က လက်နက်ကြီးထိပြီးတော့ သူ့ညီလေးက ဆေးရုံမှာ ခြေထောက်ဖြတ်ပြီးတော့ ဆေးရုံမှာမဆင်းသေးဘူး။ အရင်ကကျတဲ့အိမ်နားမှာ ပြန်ကျပြီးတော့ သူ့အစ်ကိုက အခုထိပြီးတော့ သေသွားတယ်။” ဟု ဒေသခံတစ်ဦးကပြောသည်။ ယနေ့ သေဆုံးသွားသည့်လူငယ်၏ ညီဖြစ်သူမှာလည်း မေလတုန်းက စစ်ကောင်စီတပ်ဖွဲ့၏ လက်နက်ကြီးကျည်ကြောင့် ခြေတဖက်ပြတ်ခဲ့ရပြီးဖြစ်သည်။ ပြီးခဲ့သည့် မေလ ၂၃ ရက်နေ့ကက ခရလ ၂၇၄ တပ်ရင်းမှ လက်နက်ကြီး ရမ်းသမ်းပစ်ခတ်မှုကြောင့် မဒပ်ကျေးရွာဘက်တွင် လက်နက်ကြီးကျည် ၆ ကြိမ်ခန့် ကျရောက်ပေါက်ကွဲကာ ယနေ့သေဆုံးသွားသူ၏ ညီဖြစ်သူ အသက် ၁၁ နှစ်အရွယ်မှာ ဗုံးဆံထိမှန်မှုကြောင့် ဘယ်ခြေထောက်ပြတ်သွားကာ ဆေးရုံတွင် ကုသမှုခံယူနေဆဲဖြစ်သည်။ စစ်ကောင်စီတပ်ဖွဲ့၏ လက်နက်ကြီးဖြစ်ခတ်မှုကြောင့် ကြားအိမ်နူးရွာမှ လူနေအိမ်တစ်လုံးနှင့် ဝက်တစ်ကောင်လည်း မီးလောင်သေဆုံးသွားသည်ဟု သိရသည်။ မင်းတပ်မြို့နယ် ပလုမ်တွီကျေးရွာဘက်တွင် ယနေ့နံနက်ပိုင်းကစ၍ စစ်ကောင်စီတပ်ဖွဲ့နှင့် တိုက်ပွဲနှစ်ကြိမ် ဖြစ်ပွားခဲ့ကြသည်။ CDF- Mindat ပြောရေးဆိုခွင့်ရှိသူ ဆလိုင်းယောမန်က…
ချင်းပြည်နယ်၊ တီးတိန်မြို့တွင် Non-CDM ပညာရေးဝန်ထမ်းများနှင့်ပတ်သက်၍ PDF-Zoland ၏ သတိပေးစာထုတ်ပြန်ချက်ကို လော်စပီကာဖြင့် လိုက်လံကြေညာသော Shalom Youth Committee လူမှုကူညီရေးအဖွဲ့ဝင်နှစ်ဦးကို ဇွန်လ ၂၇ ရက်နေ့က စစ်ကောင်စီတပ်ဖွဲ့မှ ဖမ်းဆီးခေါ်ဆောင်သွားသည်ဟု သိရသည်။ “သူတို့ကတော့ လူမှုရေးအသင်းကပဲ။ တခါတလေကြရင် သူတို့ကိုယ်ပိုင်အသံချဲ့စက်သုံးတယ် သူတို့နေတဲ့ရပ်ကွက်မှာ တစ်ခုခု အရေးပေါ်ဖြစ်ရင် ကြေညာနေကြပေါ့။ တရားဒေသနာတွေ ဟောနေကြတာပေါ့။ အခုက PDF-Zoland က စာထုတ်တဲ့ ကျောင်းဖွင့်တဲ့ဟာနဲ့ ပက်သက်ပြီးတော့ အဲ့စာကို သူတို့လည်း ရတယ်နဲ့တူတယ် အဲ့တာကို သူတို့ လော်စပီနဲ့ ပဲလိုက်ကြေညာတယ်လို့ပြောရမလား စကစတွေက မနေ့ကသူတို့ဆီသွားပြီး ခေါ်သွားတာ။ တစ်ယောက်က ဆရာပဲ၊ တယောက်ကတော့ သူတို့အသံချဲ့စက်ထားတဲ့အိမ်ကလူပေါ့။” ဟု တီးတိန်မြို့ခံတစ်ဦးက ပြောသည်။ အဖမ်းခံရသည့် Shalom Youth Committee လူမှုကူညီရေးအဖွဲ့ဝင်နှစ်ဦးမှာ ကိုအင်းခတ်မွန်နှင့် ကိုလျန်းရှန်းမုန်တို့ဖြစ်ကြပြီး ၎င်းတို့ကို တီးတိန်မြို့ရဲစခန်းတွင် ထားရှိကာ တီးတိန်မြို့စခန်းမှုးမှ ဗျူဟာမှုး၏ ဆုံးဖြတ်ချက်အရသာ ဖြစ်ရမည်ဟု ပြောဆိုသော်ကြောင့် လက်ရှိအချိန်ထိ ဆက်လက်ဖမ်းဆီးထားဆဲဖြစ်ကြောင်း သိရသည်။ ချင်းပြည်သူ့ကာကွယ်ရေးတပ်ဖွဲ့တစ်ခုဖြစ်သည့် PDF-Zoland သည် ပြီးခဲ့သည့်ဇွန်လ ၂၅ ရက်နေ့က တီးတိန်မြို့နယ်အတွင်းရှိ Non-CDM ပညာရေးဝန်ထမ်း၊ ဘော်ဒါဆောင်များ၊ ကျောင်းသားမိဘများ၊ မြို့မိမြို့ဖများနှင့် ဘာသာရေးခေါင်းဆောင်များ သိစေရန်ဟုဆိုကာ အသိပေးစာတစ်စောင် ထုတ်ပြန်ခဲ့သည်။ ယင်းထုတ်ပြန်ချက်မှာ စစ်ကောင်စီမှ ဦးဆောင်ဖွင့်လှစ်သော ကျောင်းများတွင် အလုပ်လုပ်သည့် Non- CDM ပညာရေးဝန်ထမ်းများ၊ အကြမ်းဖက်အုပ်စုနှင့် အချိတ်အဆက်ရှိသော ဘော်ဒါဆောင်များတွင် သားသမီးများကို အပ်နှံကာ တက်ရောက်စေသော…
အိန္ဒိယနိုင်ငံအရှေ့မြောက်ဒေသ မဏိပူရ်ပြည်နယ်တွင် ယက္ကန်းလုပ်ငန်း လုပ်ကိုင်နေကြသော မြန်မာနိုင်ငံသား အယောက် ၁၀၀ ကျော်ကို ဒေသတွင်းရဲတပ်ဖွဲ့က ယနေ့နံနက်ပိုင်းက ဖမ်းဆီးခဲ့သည်ဟု သိရသည်။ မဏိပူရ်ပြည်နယ် ချူရီချမ်းပူရ်ခရိုင် နယူးလမ်ကား (New Lamka) မြို့တွင် ယက္ကန်းလုပ်ငန်းလုပ်ကိုင်နေကြသော မြန်မာနိုင်ငံသားများကို မဏိပူရ်ရဲတပ်ဖွဲ့က ယနေ့နံနက်ပိုင်း ၆ နာရီခန့်ကစ၍ တစ်အိမ်ဝင်တအိမ်ထွက် လိုက်လံဖမ်းဆီးခဲ့ခြင်းဖြစ်ပြီး အဖမ်းခံရသူ ၁၂၀ ခန့်ရှိပြီဟု မဏိပူရ်ပြည်နယ်တွင် နေထိုင်သည့် ယက္ကန်းသမားတစ်ဦးကပြောသည်။ “ဘာကြောင့်ဖမ်းတာလဲတော့မသိဘူး၊ ဒီမနက် ၆ နာရီလောက်ကနေ ယက္ကန်းရုံတွေကို တစ်အိမ်ဝင်တစ်အိမ်ထွက်ပြီး လိုက်ဖမ်းနေတာ အချုပ်ကားနဲ့ကိုတင်သွားတာ ဘယ်လိုလုပ်မလဲတော့မသိဘူး” ဟု ၎င်းကပြောသည်။ မဏိပူရ်ပြည်နယ် နယူးလမ်ကားမြို့တွင် ယက္ကန်းအလုပ်လုပ်ကိုင်နေသည့် မြန်မာနိုင်ငံသား တစ်ထောင်ဝန်းကျင်ခန့်ရှိသည်ဟု သိရသည်။ အများစုသည် အိမ်ငှါးကာ ယက္ကန်းလုပ်ငန်းကို ကိုယ်ပိုင်လုပ်ကိုင်ကြသည်ဟု သိရသည်။ မဏိပူရ်အာဏာပိုင်များသည် ယခင်ကလည်း မြန်မာနိုင်ငံသားယက္ကန်းသမားများကို ဖမ်းလေ့ရှိပြီး ယခုကဲ့သို့အဖမ်းခံရပါက ၎င်းတို့ကို ခန်းမကြီးတစ်ခုတွင် အကျယ်ချုပ်သဘောဖြင့် ထားရှိလေ့ရှိကာ ထိုနေရာတွင် ယက္ကန်းလုပ်ငန်းများကိုမူ လုပ်ကိုင်ခွင့်ပြုသည်ဟု သိရသည်။
တစ်နိုင်ငံလုံးတွင် CDM လှုပ်ရှားမှု အားအကောင်းဆုံးပြည်နယ်ဖြစ်သည့် ချင်းပြည်နယ်တွင် စစ်ကောင်စီက ဇွန်လဆန်းပိုင်းကစ၍ အခြေခံပညာကျောင်းများ ပြန်လည်ဖွင့်လှစ်ခဲ့သော်လည်း စစ်အာဏာရှင်စနစ်ကို ဆန့်ကျင်ကြသော ချင်းပြည်သူအများစုက မိမိတို့၏ သားသမီးများကို ကျောင်းအပ်နှံခြင်း မရှိခဲ့ကြပေ။ မြို့နယ် ၉ မြို့နယ်ရှိသော ချင်းပြည်နယ်တွင် စစ်ကောင်စီက ဟားခါး၊ ဖလမ်း၊ တီးတိန်၊ မင်းတပ်၊ တွန်းဇံ၊ မတူပီ၊ ပလက်ဝ မြို့ပေါ်တို့မှာသာ အခြေခံပညာကျောင်းများ ဖွင့်လှစ်နိုင်ခဲ့ပြီး တက်ရောက်သူ ကျောင်းသား/ကျောင်းသူ တစ်သောင်းကျော်ကျော်လောက်သာရှိကြသည်ဟု ပညာရေးဌာနက စာရင်းအရ သိရသည်။ ကိုဗစ်ကပ်ရောဂါနှင့် စစ်အာဏာသိမ်းမှုကြောင့် ၂ နှစ်ကျော်ကြာ စာသင်ကျောင်းနှင့် ဝေးခဲ့ကြရသည့် ကလေးငယ်များအတွက် ကျောင်းပညာရေးများ ဆုံးရှုံးမှုမရှိစေရန် ချင်းလဲန်းကာကွယ်ရေးတပ်ဖွဲ့များ၏ ဦးဆောင်မှုဖြင့် ၎င်းတို့ထိန်းချုပ်ရာနယ်မြေတွင် စာသင်ကျောင်းများ ဖွင့်လှစ်သင်ကြားမှုစတင်ခဲ့ကြသည်။ ယခုစာသင်နှစ်တွင်လည်း ချင်းလဲန်းကာကွယ်ရေးတပ်ဖွဲ့များ ထိန်းချုပ်ရာနယ်မြေတွင် ပညာရေးကျောင်းများ စတင်ဖွင့်လှစ်လာခဲ့ကြသည်။ ချင်းပြည်နယ် ထန်တလန်၊ မတူပီနှင့် ပလက်ဝမြို့နယ် စသည့် နယ်မြေ ၃ ခုတွင် ပြန့်ကျက်နေထိုင်ကြသည့် မရာနယ်မြေဒေသတွင် မရာနယ်မြေအုပ်ချုပ်ရေးကောင်စီ (MATC) က အခြေခံပညာကျောင်းများဖွင့်လှစ်ရန် ပြင်ဆင်နေပြီး အခြေခံပညာဆရာဖြစ်သင်တန်းကို မကြာသေးခင်ကပဲ ကျင်းပပြုလုပ်ခဲ့ကြသည်။ ယင်းကိစ္စနှင့်ပတ်သက်၍ မရာနယ်မြေအုပ်ချုပ်ရေးကောင်စီ (MATC) ၏ အထွေထွေအတွင်းရေးမှူး ဦး Khai Sa ကို ခိုနူမ်းသုန်သတင်းဌာနက ဆက်သွယ်မေးမြန်းထားသည်။ မေး။ ။ မရာနယ်မြေအုပ်ချုပ်ရေးကောင်စီကနေ အခြေခံပညာ ဆရာဖြစ်သင်တန်းပြုလုပ်ခဲ့တဲ့ အခြေအနေလေး ပြောပါပေးလို့ရမလား။ ဖြေ။ ။ အခု ပြည်တွင်းစစ်ကာလ ၂ နှစ်ကာလဖြတ်သန်းလာတဲ့နေရာမှာ ကျောင်းနေရွယ်ကလေးတွေ ပညာသင်ကြားရေးဟာ…
ရေးသူ- Salai Vakok “တီးတိန်မြို့တွင် အသက်၂၀ အရွယ် လူငယ်တစ်ဦးကို စစ်ကောင်စီက ပစ်သတ်” အထက်ပါခေါင်းစီးနှင့် သတင်းကို ဆလိုင်းဘင်နဇာက ချင်းပြည်နယ်အခြေစိုက် Khonumthung မီဒီယာတွင် ရေးသားခဲ့ခြင်းပါ။ ထိုချိန်က ဘင်နဇာသည် ချင်းပြည်နယ်က သတင်းတွေကို ချင်းပြည်နှင့် တစ်နိုင်ငံလုံးသိရဖို့ သတင်းတွေ ဖန်တီးရေးသားနေခဲ့ပြီး လက်နက်ကိုင်ခုခံတော်လှန်မှုထဲ မဝင်ရောက်ခဲ့သေးချိန်ဖြစ်သည်။ စစ်တပ်က အာဏာသိမ်းပြီးနောက် ချင်းတောင်တကြော၏ ဆန္ဒပြပွဲတွေကို ဘင်နဇာက တောက်လျှောက် သတင်းတွေယူခဲ့ရသည်။ ချင်းပြည်နယ်၊ တီးတိန်မြို့တွင် အသက် ၂၀ အရွယ် Tg.Felix Thang Muan Lian ကို စစ်ကောင်စီတပ်က သေနတ်ဖြင့် ပစ်သတ်မှုသတင်းသည် ဘင်နဇာ ရေးသားခဲ့သော သတင်းများစွာထဲက တစ်ပုဒ်ဖြစ်သည်။ စစ်ကောင်စီက ဆန္ဒပြသူတွေကို နှိမ်နှင်းခြင်း၊ ဖမ်းဆီးခြင်း၊ ပစ်သတ်ခြင်းနှင့် တိုက်ပွဲသတင်းတွေကို ဘင်နဇာတို့ သတင်းသမားတွေက ပြည်သူလူထုတွေအချိန်နှင့်တပြေးညီသိနိုင်ဖို့ နေ့စဉ်ရေးသားရပါသည်။ စစ်ကောင်စီရဲ့ ဖမ်းဆီးသတ်ဖြတ်မှု သတင်းတွေ နေ့စဉ်နဲ့အမျှ ရေးနေရသော ဘင်နဇာ၏ စိတ်တွေ ထိန်းမရတော့ပါ၊ ကိုယ်တိုင်ဝင်၍ ဆန္ဒပြချင်လာသည်။ တော်လှန်ခုခံချင်လာသည်။ ဘင်နဇာကို ဂျာနယ်လစ်ဇင်ကျင့်ဝတ်တွေက တားမြစ်ထားသည်။ သတင်းသမားသည် ဆန္ဒပြပွဲများတွင် ကိုယ်တိုင်ပါဝင်၍မရဘဲ သတင်းဖြစ်ရပ်များကိုသာ အများပြည်သူ သိရှိရန်၊ ဖော်ထုတ်တင်ပြရန် တာဝန်ရှိသည်။ ကိုယ့်မိတ်ဆွေနှင့် ညီအစ်ကိုမောင်နှမတွေ အပါအဝင် ကိုယ့်လူမျိုးတွေ တော်လှန်နေချိန်တွင် ဘင်နဇာက ကွန်ပျူတာရှေ့တွင်ထိုင်ပြီး သတင်းတင်ဆက်နေရသည်ကို စိတ်မလုံပါ။ သတင်းရေးနေရင်း မျက်ရည်ကျသည့် အချိန်ရှိသကဲ့သို့ အားတင်းရင်းရေးနေရသည့် အချိန်တွေကို ဘင်နဇာ ခုထိ မမေ့နိုင်ခဲ့။ “ကိုယ်တိုင်…