Author: Editor

ချင်းပြည်နယ်၊ ကန်ပက်လက်မြို့၊ ယနေ့ မွန်းလွဲ ၁ နာရီဝန်းကျင်အချိန်တွင် ရန်အောင်ရတနာစေတီဘုရားဝန်းအတွင်း တပ်စွဲထားသော စစ်ကောင်စီတပ်ဖွဲ့ဝင်များမှ ထောင်ထားသည့် မိုင်းနင်းမိ၍ အရပ်သားတစ်ဦး ထိခိုက်ဒဏ်ရာရသည်ဟု သိရသည်။ “မိုင်းနင်းမိလို့ ဒဏ်ရာရတယ်၊ သိပ်မပြင်းထန်ဘူးလို့သိရတယ်။ ရဲထဲက ပင်စင်ယူပြီးသား ဦးလိပ်ရွှေလို့သိရတယ်။ သိပ်မကြာသေးဘူး၊ ၁ နာရီဝန်းကျင်လောက်ကဖြစ်တာ” ဟု ကန်ပက်လက် ဒေသခံတစ်ဦးထံမှ ဖြစ်စဉ်ကို ပြောပြသည်။ အဆိုပါအမျိူးသားမှာ ပင်စင်ထုတ်ယူရန်အတွက် ဥယျာဉ်မှပြန်လာသူဖြစ်ကြောင်းလည်း သိရသည်။ ကန်ပက်လက်မြို့တွင် စစ်ကောင်စီတပ်ဖွဲ့များက ကန်ပက်လက်မြို့၊ အ.ထ.က ကျောင်း၊ ရဲစခန်းနှင့် ရန်အောင်ရတနာစေတီဘုရားတို့တွင် တပ်စွဲထားသည်ဟုလည်း သိရသည်။

ချင်းပြည်နယ်၊ မတူပီမြို့နယ်၊ ခြန်းပြန်ရွာမှ အမျိုးသမီးငယ်တစ်ဦးအပါအဝင် လူငယ် ၅ ဦးကို ပြီးခဲ့သည့် သြဂုတ်လ ၂၀ ရက်နေ့နှင့် ၂၂ ရက်နေ့များတွင် စစ်ကောင်စီမှ ဖမ်းဆီးခေါ်ဆောင်သွားကြောင်း သိရသည်။ လက်ရှိအချိန်အထိ အမျိုးသမီးငယ်မှလွဲ၍ ကျန်လူငယ် ၄ ဦးမှာ မိသားစုဝင်များနှင့် အဆက်အသွယ်မရကြသေးသလို မည်သည့်နေရာတွင် ဖမ်းဆီးထားသည်ကိုလည်း မသိရှိရသေးကြောင်း ၎င်းတို့နှင့်နီးစပ်သူ မတူပီဒေသခံတစ်ဦးမှ ပြောသည်။ “၂၀ ရက်နေ့က ၄ ယောက်၊ ဒီနေ့က ၁ ယောက်ဖမ်းတာ၊ အမျိုးသမီးငယ်ကလွဲပြီး ကျန်တဲ့သူတွေ အခုထိ ပြန်မလွှတ်သေးဘူး၊ သူတို့ကို ရဲစခန်းကိုလည်း မပို့သေးဘူး။ ဒီနေ့နဲ့ဆိုရင် ၃ ရက်ရှိပြီ၊ ဘယ်မှာထားကြမှန်းလဲ မသိရတဲ့အပြင် ဘာကြောင့်ဖမ်းလဲဆိုတာ မသိရဘူး၊ သူတို့ကို ဂိတ်မှာဖမ်းတာ၊ ၅ ယောက်စလုံးက တစ်ရွာထဲသားတွေပဲ” ဟု ၎င်းကပြောသည်။ ဖမ်းဆီးခံရသည့်အထဲမှ အမျိုးသမီးငယ်မှာ မလဲ့လဲ့ဝင်းဆိုသူဖြစ်ပြီး အဖမ်းခံရသည့် ဩဂုတ်လ ၂၀ ရက်နေ့ ညနေ ၆ နာရီတွင် ပြန်လည်လွှတ်ပေးခဲ့သော်လည်း ကျန်လူငယ် ၄ ဦးကိုမူ ဆက်လက်ဖမ်းဆီးထားဆဲဖြစ်ကြောင်း သိရသည်။ ခြန်းပြန်ရွာမှ အဖမ်းခံရသော လူငယ် ၅ ဦးမှာ မလဲ့လဲ့ဝင်း၊ ကိုဒီဇင်ထန်း၊ ကိုထယ်တွီး၊ ကိုထောင်ပိန်း၊ ကိုစန်သိန်း တို့ဖြစ်ကြပြီး မင်းတပ်စစ်ဆေးရေးဂိတ်နှင့် ဖနိုင်ရွာနှင့် မတူပီအကြားက ဗျုဟာစစ်ဆေးရေးဂိတ်တို့တွင် အဖမ်းခံရခြင်းဖြစ်ပြီး ခြန်းပြန်ရွာသည် မတူပီမြို့မှ မိနစ်အနည်းငယ်သာ ကွာဝေးသည်။ အလားတူ ဧပြီလ ၇ ရက် ၈ ရက်နေ့များတွင် စစ်အာဏာရှင်ဆန့်ကျင်ရေးလှုပ်ရှားမှုနှင့်…

ချင်းအမျိုးသားတပ်ဦး (CNF) ၏ ပြောခွင့်ရပုဂ္ဂိုလ် ပူးထက်နီနှင့် အင်တာဗျူး NUG နဲ့ချိတ်ဆက်ပြီးမှ လုပ်ဆောင်နေတဲ့အနေခြေအနေ ဘယ်အတိုင်းအတာထိရောက်နေပြီလဲ။ CNF အနေနဲ့လည်း အခု ချင်းပြည်နယ်အတွက် ချင်းပြည်နယ်မှာ ဘာတွေလုပ်ဆောင်မှုတွေရှိလဲ။ ဖြေ – ကျနော်တို့ NUG နဲ့ဆိုရင် အားလုံးသိပြီးတဲ့အတိုင်း ကျနော်တို့က မြန်မာနိုင်ငံရဲ့ ရည်မှန်းချက် ထပ်တူကျတယ်၊ ဒီအာဏာရှင်ဖြိုချဖို့ရယ် ပြီးတော့ ၂၀၀၈ ဖွဲ့စည်းပုံဖွဲ့စည်းဖို့ရယ် ပြီးတော့ ကျနော်တို့ တိုင်းရင်းသားတွေတလျှောက်လုံး လိုချင်တဲ့ ဖက်ဒရယ်ပြည်ထောင်စုတည်ဆောက်ရေးတို့က တစ်ထပ်တည်းကျနေတယ်၊ ဆိုတော့ အဲဒီမှာ NUG နဲ့တွဲလုပ်ဖို့ဆိုပြီးတော့ ကျတော်တို့က အဲဒီမှာပါဝင်တယ်၊ အခု NUG နေနဲ့လည်း သီးသန့် စစ်ရေးသော်လည်းကောင်း၊ နိုင်ငံရေးအရသော်လည်းကောင်း လက်မှတ်ရေထိုးထားတယ်၊ ကျနော်တို့ အခုလုပ်နေတာတွေက ဒီ NUG နိုင်ငံတကာက အသိအမှတ်ပြုရေးနဲ့ ဒီ NUG က ပြည်တွင်းမှ ကျနော်တို့ နိုင်ငံရေးအရ ဘာတွေလှုပ်ရှား ဘာတွေလုပ်မလဲ ဒီဟာတွေကို ကျနော်တို့ဆက်စပ်ပြီးတော့ လုပ်နေရင်းနဲ့ NUG ခိုင်မာအောင် စစ်ရေးအရသော်လည်းကောင်း၊ နိုင်ငံရေးအရသော်လည်းကောင်း ကျနော်တို့ အခုလုပ်ငန်းက လုပ်ဆောင်နေပြီလို့ ပြောလို့ရပါတယ်။ အဲဒီတဆက်တည်းမှာပဲ ကျနော်တို့ NUG ပြီးတော့ရယ် အခုက ချင်းပြည်နယ် ချင်းထဲမှာ ICNCC ကြားကာလချင်းအမျိုးသားကောင်စီဆိုပြီးတော့ စုဖွဲ့မှုတွေ ကျနော်တို့က လုပ်နေပါတယ်၊ အဲဒါပြီးရင် ကျနော်တို့ Chinland အစိုးရ ကြားကာလ စီမံအုပ်ချုပ်ရေး ဘယ်လိုလုပ်မလဲဆိုတဲ့ဟာလာမယ်၊ အဲဒီလိုနဲ့ ကျနော်တို့ ချင်းနဲ့ ပြည်နယ်မှာ ဗဟိုမှာ NUG ဆိုပြီးတော့…

စစ်ကောင်စီမှ ဆန်သယ်ယူခွင့်ကန့်သတ်ထားပြီး ဆန်ပြတ်လပ်မှု ကြုံနေရသော ချင်းပြည်နယ်တောင်ပိုင်း၊ မင်းတပ်မြို့တွင် ယနေ့ သြဂုတ်လ ၂၀ ရက်နေ့တွင် ဆန်အိတ် ၂၅၀ ကို အိမ်ခြေ ၅၀၀ အတွက် ပြန်လည်ရောင်းချပေးမည်ဖြစ်ကြောင်း သိရသည်။ “အရင်မှာ ကိုဗစ်ဘေးကြောင့် ကြိုတင်ပြီးစီမံပေးတဲ့ ကိုဗစ်ဆန်ဆိုပြီးမှ ထွေအုပ်ရုံးမှာထားတဲ့ ဆန်ကို မြို့မိ/မြို့ဖတွေက တောင်းပြီးမှ မနက်ဖြန်လောက်ကစပြီး နည်းနည်းပါးပါးစီ ပိုပြီးမှ အခက်အခဲဆုံး မိသားစုတွေကို ရွေးပြီးတော့ ဆန်တအိတ်ကို ၃၀,၀၀၀ ဆိုတော့ အရင်အတိုင်း ရောင်းပေးဖို့ အစီစဉ်ရှိတယ်။ ရပ်မိ/ရပ်ဖနဲ့ စားနပ်ရိက္ခာဖြန့်ဖြူးရေးဆိုပြီးဖွဲ့တဲ့ ရပ်ကွက်ကော်မတီက ဆုံးဖြတ်တာက အိမ်ခြေ ၅၀၀ ဆိုတော့ ထက်ဝက်ပဲပေါ့၊ ဒါတောင်မှ တပတ်စာလောက်ပဲဖြစ်မှာ၊ ဒါကလည်း မြို့တွင််းငြိမ်းချမ်းမှ လုပ်လို့ရမယ်၊ မငြိမ်းချမ်းရင်တော့ အခက်အခဲဖြစ်မှာ” ဟု မင်းတပ်မြို့မိ/မြို့ဖများထံမှ သိရသည်။ မင်းတပ်မြို့နယ်အတွင်းရှိ ရိက္ခာသယ်ယူသည့် လမ်းကြောင်းတွင် စစ်ကောင်စီ၏ တင်းကြပ်မှုနှင့် ရိက္ခာသယ်ယူရာတွင် အကန့်သတ်ဖြင့် သယ်ယူနေရသောကြောင့် မင်းတပ်မြို့ပေါ်တွင် ဆန်၊ စားသုံးဆီ၊ စက်သုံးဆီများ ပြတ်လပ်နေခြင်းဖြစ်သည်။ မင်းတပ်မြို့ပေါ်တွင် ရပ်ကွက် ၄ ရပ်ကွက်ရှိပြီး လူဦးရေ နှစ်သောင်းဝန်ကျင်နေထိုင်ကြသော်လည်း ဧပြီလကုန်ပိုင်းကစပြီး မင်းတပ်မြို့ ပြည်သူ့ကာကွယ်ရေးတပ်ဖွဲ့ (CDF-Mindat) နှင့် စစ်ကောင်စီတပ်ဖွဲ့တို့အကြား တိုက်ပွဲများဖြစ်လာခြင်းကြောင့် ဒေသခံပြည်သူများ ထွက်ပြေးတိမ်းရှောင်နေကြရပြီး လက်ရှိမင်း တပ်မြို့ပေါ်တွင် စာရင်းအရ လူဦးရေ ၆ ထောင်ကျော် ပြန်ရောက်ရှိနေကြောင်းလည်း မင်းတပ်ဒေသခံများထံက သိရသည်။ မင်းတပ်မြို့နယ်အတွင်းရှိ ကျေးရွာတချို့တွင် တိုက်ပွဲဖြစ်ပွားမှု အနည်းငယ်ရှိနေပြီး မင်းတပ်မြို့ပေါ်တွင်လည်း စစ်ကောင်စီတပ်ဖွဲ့များက အိမ်ထောင်စုစာရင်းများ…

မြန်မာနိုင်ငံပြည်တွင်းရေး မငြိမ်မသက်မှုကြောင့် မီဇိုရမ်ပြည်နယ်ကို ထွက်ပြေးတိမ်းရှောင်လာကြသော စစ်ဘေးရှောင်ကလေးသူငယ်များ မီဇိုရမ်ပြည်နယ် အစိုးရကျောင်းများတွင် ပညာသင်ကြားနေသူ ၁၇၀ ကျော်ရှိနေကြောင်း သိရသည်။ မီဇိုရမ်ပြည်နယ်အစိုးရအနေဖြင့် ကိုဗစ်-၁၉ ရောဂါကူးစက်မှုနည်းသည့် နေရာဒေသအတွင်း ကျောင်းများ ပုံမှန် ပြန်လည်တက်ခွင့်ပြုလိုက်သည့်အတွက် စစ်ဘေးရှောင်အများစုနေထိုင်သည့် အိန္ဒိယ-မြန်မာနယ်စပ်ဒေသ ကျန်ဖိုင်းခရိုင်အတွင်းရှိ စစ်ဘေးရှောင်ကလေးသူငယ် ၁၇၈ ဦးတို့မှာ အစိုးရကျောင်းများတွင် ပညာသင်ကြားခွင့်ရရှိခဲ့သည်ဟု ဒေသညစဉ်သတင်း Zonet တွင် ဖော်ပြသည်။ Zonet သတင်းတွင် ဖော်ပြချက်အရ အိန္ဒိယ-မြန်မာနယ်စပ် ကျန်ဖိုင်းခရိုင် Tuipuiral အုပ်စု Farkawn ကျေးရွာတွင် ၁၁၄ ဦး၊ Zawlsei ကျေးရွာတွင် ၃၃ ဦး၊ Vaphai ကျေးရွာတွင် ၂၉ ဦးနှင့် Saikhumphai ကျေးရွာတွင် ၂ ဦး စသဖြင့် စစ်ဘေးရှောင်ကလေးသူငယ်များ အသီးသီး ပညာသင်ကြားနေပြီဖြစ်သည်။ အဆိုပါကိစ္စနှင့်ပတ်သက်ပြီး ကျန်ဖိုင်းခရိုင် ပညာရေးဌာနမှ Pu Laltanpuia က “စစ်ဘေးရှောင်များအနေဖြင့် ဆက်လက်ပညာသင်ကြားလိုပါက Samagra Shiksha အောက်တွင် ကျောင်းစာအုပ်များ အခမဲ့ရရှိနိုင်အောင် စီစဉ်ဆောင်ရွက်နေကြောင်း၊ ပညာရေးသည် လူတိုင်း၏ အခွင့်အရေးဖြစ်သောကြောင့် စစ်ဘေးရှောင်များအနေဖြင့် ကျောင်းအပ်ခြင်သူများရှိပါက ငြင်းဆန်မည်မဟုတ်ကြောင်း” ပြောသည်။ မီဇိုရမ်ပြည်နယ် ကျန်ဖိုင်းခရိုင် Tuipuiral အုပ်စု Young Mizo Association (YMA) ဥက္ကဌ Pu M.C Lalramenga ကလည်း “မြန်မာနိုင်ငံကနေ မီဇိုရမ်ပြည်နယ်ကို ထွက်ပြေးတိမ်းရှောင်လာချင်သူတွေ များစွာရှိနေသေးကြောင်း ပြောဆိုခဲ့ပြီး လတ်တလော စစ်ဘေးရှောင်ယာယီစခန်းများတွင် ထားဖို့နေရာမဆန့်တော့သည့်အတွက် လောလောဆယ်…

အိန္ဒိယနိုင်ငံ၊ မီဇိုရမ်ပြည်နယ်အတွင်း ထွက်ပြေးခိုလှုံလာကြသော မြန်မာစစ်ဘေးရှောင်များကို မီဇိုရမ်အစိုးရ၏ စီစဉ်မှုဖြင့် ယနေ့ ဩဂုတ်လ ၁၉ ရက်နေ့တွင် ကိုဗစ်ကာကွယ်ဆေးများ ထိုးနှံပေးလျက်ရှိကြောင်း သိရသည်။ အဆိုပါကိစ္စနှင့်ပတ်သက်ပြီး မီဇိုရမ်ပြည်နယ်မြို့တော် အိုက်ဇောလ် Mualpui ရပ်ကွက် R. Dengthuama ခန်းမတွင် နေထိုင်ကြသော လွတ်တော်ကိုယ်စားလှယ်များနှင့် Sihphir ကျေးရွာ Synod Revival Camping Centre တွင် နေထိုင်ကြသော CDM စစ်ဘေးရှောင်များကို ကိုဗစ်ကာကွယ်ဆေး စတင်ထိုးပေးလျက်ရှိကြောင်း NGO United for Democratic Myanmar အဖွဲ့ ဥက္ကဌ ပူးလောမ်မာက ယခုလိုပြောပါသည်။ “ကိုဗစ်ကာကွယ်ဆေးကိုရနိုင်အောင် ကျနော်တို့အဖွဲ့အနေဖြင့် ဟိုးလွန်ခဲ့တဲ့ မတ်လလောက်ကတည်းက မီဇိုရမ်အစိုးရကို တောင်းခဲ့တယ်။ ကျနော်တို့တောင်းဆိုမှုကို အလေးအနက်ထားပြီး မီဇိုရမ်အစိုးရအနေဖြင့် အခုလို ကိုဗစ်ကာကွယ်ဆေး ထိုးနှံပေးတဲ့အပေါ် အရမ်းကျေးဇူးတင်ပါတယ်” ဆက်လက်၍ ပူးလောမ်မာက “ဒီကနေ့မှာ နှစ်နေရာမှာ ထိုးပေးမှာဖြစ်တယ်။ Mualpui ရပ်ကွက် R.Dengthuama ခန်းမမှာရှိကြတဲ့ လွတ်တော်ကိုယ်စာလှယ်များနှင့် သူတို့မိသားစုရယ်၊ Sihphir ကျေးရွာ Synod Revival Camping Centre မှာနေထိုင်ကြတဲ့ ၁၈ နှစ်အထက် စစ်ဘေးရှောင်များကို တစ်ရက်တည်းမှာ ထိုးပေးသွားတာဖြစ်တယ်” လို့ ဆက်ပြောပါသည်။ ၎င်းအပြင် မီဇိုရမ်ပြည်နယ်အတွင်း နိုင်ငံသားမှတ်ပုံတင်၊ Aadhaar card မရှိသည့် မြန်မာနိုင်ငံသားများအပါအဝင် အခြားသော လူမျိုးများအတွက်ကိုလည်း မီဇိုရမ်အစိုးရအစီအစဉ်ဖြင့် သက်ဆိုင်ရာရပ်ကွက်အလိုက် ကိုဗစ်ကာကွယ်ဆေးများ ထိုးပေးသွားမည်ဖြစ်ကြောင်း သိရသည်။ အလားတူ မီဇိုရမ်အစိုးရအစီအစဉ်ဖြင့် ယမန်နေ့ သြဂုတ်လ…

ချင်းပြည်နယ်၊ ဖလမ်းမြို့နယ်၊ တာလ် (Taal) ကျေးရွာတွင် ယခု သြဂုတ်လဆန်းပိုင်း၌ စစ်ကောင်စီတပ်ဖွဲ့ဝင်များ ၅ ရက်ကြာ ဝင်ရောက်တပ်စွဲမှုကြောင့် တစ်ရွာလုံး ထွက်ပြေးတိမ်းရှောင်နေရသည့်အပြင် ကျေးရွာတွင်းရှိ လူနေအိမ်များကိုလည်း ဖျက်ဆိးခဲ့ကြသည်ဟု သိရသည်။ “စစ်သားတွေလာလို့ သေနတ်သံတွေ၊ ဗုံသံတွေကြားလို့ ကြောက်လို့ အရင်အပတ်က တရွာလုံး ထွက်ပြေးကြတယ်၊ တချို့က ဖလမ်းကိုပြေးတယ်၊ တချို့က လုံခြုံတဲ့နေရာကို ထွက်ပြေးတာပါ။ စစ်သားတွေက ၅ ညလောက်အိပ်တော့ အိမ်တွေလည်းဖောက်တယ်၊ အဝတ်တွေ ပစ္စည်းတွေက အကုန်လုံးပျက်စီးခိုင်းတယ်ဆိုတော့ အခုထိ ရှာလို့ကိုမရဘူး။ မတွေ့သေးတာလည်း အများကြီးရှိတယ်၊ အိမ်တွေလည်း သေနတ်နဲ့ပစ်တာထင်တယ်၊ တရွာလုံးပျက်စီးနေတာ။ ဝက််က ၇ ကောင်၊ ကြက်က ၁၀၀ နီးပါးလောက် သတ်ကြတယ်။ သူ့တို့ဖျက်ဆီးတာက အိမ်ထဲဝင်တာနဲ့ မျက်ရည်နဲ့ပဲဖြစ်ရတယ်၊ ဘုရားကျောင်းမှာလည်း ညစ်ပတ်နေတာ။ ပလင်ပေါ်မှာလည်းအိပ်ကြတော့ ကျမ်းစာတွေလည်း ရှုပ်ပွနေတာ” ဟု တာလ်ဒေသခံတစ်ဦးက ပြောသည်။ တာလ်ကျေးရွာတွင် စစ်ကောင်စီတပ်ဖွဲ့များ တပ်စွဲထားမှု မရှိတော့သော်လည်း ၎င်းတို့ ဝင်ရောက်ဖျက်ဆီးခဲ့မှုများကြောင့် နေအိမ်များတွင် နေထိုင်ရန်အတွက် အဆင်မပြေသည့်အပြင် ဒေသခံများ ကြောက်ရွံံ့ထိတ်လန့်မှု ရှိသေးသောကြောင့် ရွာတွင်ပြန်လာထိုင်သူ မရှိသေးကြောင်းလည်း သိရသည်။ စစ်ကောင်စီတပ်ဖွဲ့ဝင်များသည် တာလ်ကျေးရွာတွင် ဝင်ရောက်ဖျက်စီးခြင်းသည် ၂ ကြိမ်မြောက်ရှိပြီဖြစ်ပြီး ပထမအကြိမ် ဝင်ရောက်မှုတွင်လည်း အိမ်မွေးတိရစ္ဆာန်များနှင့် ဒေသခံများ၏ အိမ်တွင်းပစ္စည်းများကို ကားဖြင့် တင်ဆောင်သွားခဲ့ကြောင်းလည်း သိရသည်။ ဖလမ်းမြို့မှ တာလ်ကျေးရွာသည် ၁၄ မိုင်ခန့်ကွာဝေးပြီး အိမ်ခြေ ၃၇ အိမ်ရှိသည့် ကျေးရွာတစ်ရွာဖြစ်သည်။ တာလ်ကျေးရွာနှင့် ၃ မိုင်ခန့်အကွာတွင်ရှိသည့်…

အာဏာသိမ်းစစ်ကောင်စီမှ “အိမ်စောင့်အစိုးရ” အသစ် ဖွဲ့စည်းလိုက်သည့်အပေါ် ဘာမှ ထူးခြားပြောင်းလဲမှုရှိလာမှာမဟုတ်ဟု ချင်းအမျိုးသားတပ်ဦး (CNF) ပြန်ကြားရေးတာဝန်ခံ ပြောရေးဆိုခွင့်ရှိသူ ဆလိုင်းထက်နီက ပြောသည်။ “အရင်ဓာတ်ပြား‌ဟောင်းကို ပြန်သွားတာဖြစ်ပြီး စစ်ကောင်စီဘက်ကနေပြီး အိမ်စောင့်အစိုးရအဖြစ် ပြောင်းလဲလိုက်ပေမယ့် ဘာမှထူးခြားမှာမဟုတ်ဘူး၊ အဓိက, ကတော့ စစ်ကောင်စီတို့ အိမ်စောင့်အစိုးရတို့ဆိုတာက အားလုံးက အတူတူပါပဲ၊ မူလည်းအတူတူ လူလည်းအတူတူ နာမည်ပြောင်းတာပဲရှိတယ်၊ စစ်ကောင်စီကို နိုင်ငံတကာနဲ့ အိမ်နီးချင်းနိုင်ငံတွေက အသိမှတ်ပြုနိုင်ဖို့ စစ်ကောင်စီက သဘောပေါက်တယ်၊ သိလာတယ်လို့ ကျနော်မြင်တယ်၊ အဲ့ဒါကြောင့် ဗိုလ်ချုပ်နေဝင်းအစိုးရတုန်းကလိုမျိုးပဲ ဓာတ်ပြားဟောင်းကြီးကို ပြန်ပြီးလုပ်လာတာဖြစ်တယ်၊ အစိုးရတစ်ရပ်ဖြစ်လာဖို့ လုပ်တာဖြစ်တယ်၊ ဘာမှ ထူးခြားမှာတော့မဟုတ်ဘူး၊ အိမ်စောင့်အစိုးရ အစိုးရပုံစံမျိုးလုပ်တော့ ဝန်ကြီးတွေဘာတွေ ထပ်လုပ်ချင်တာတွေရှိတယ်၊ ဘာမှထူးခြားမှာမဟုတ်ဘူး၊ လူကအတူတူ မူကအတူတူပါပဲ” ဟု ချင်းအမျိုးသားတပ်ဦး (CNF) ပြောရေးဆိုခွင့်ရပုဂ္ဂိုလ် ဆလိုင်းထက်နီက ပြောသည်။ ၁၉၅၈ ခုနှစ်တုန်းကလိုမျိုး ဗိုလ်ချုပ်ကြီးနေဝင်းမှ “အိမ်စောင့်အစိုးရ” အား ဖွဲ့စည်းလိုက်သည့်ပုံစံမျိုး ယခုအချိန်တွင် ထပ်တူလုပ်လို့မရတော့‌ကြောင်း၊ Generation Z ခေတ် သတင်းဆက်သွယ်ရေးနှင့် နည်းပညာခေတ်တွင် ဘာမှပြောင်းလဲလာစရာမရှိကြောင်း ဆလိုင်းထက်နီမှ ယခုလို ဆက်လက်သုံးသပ်ပြောဆိုသည်။ “အခု Genaration က ဟိုအရင် ၈၈ ကလို မဟုတ်တော့ဘူး၊ သူတို့ သတင်းဆက်သွယ်ရေးကအစ နည်းပညာကအစ သူတို့မှာ တော်တော်စုံနေတယ်၊ ၈၈ တုန်းက အားလုံး သတင်းအမှောင်ချထားတယ်ဆိုတော့ အခု Genaration Z တွေလောက် ကျနော်တို့ သတင်းဆက်သွယ်ရေး၊ နည်းပညာတို့ ဘာမှမရှိခဲ့ဘူး၊ အခု Genaration Z…

ကလေးမြို့ ကိုဗစ်-၁၉ ရောဂါပြန့်ပွားမှုနှင့် ရောဂါကူးစက်မှု အနည်းငယ်လျော့နည်းလာခြင်းကြောင့် တာဟန်းရပ်ကွက်၊ အိတ်စွတ်ကျေးရွာရှိ ကွာရန်တင်းစင်တာအား နောက်ရက်အနည်းငယ်တွင် ဖျက်သိမ်းမည်ဟု ကွာရန်တင်းစင်တာ တာဝန်ရှိသူတစ်ဦးထံမှ သိရသည်။ “ကျနော်တို့ ပိတ်တော့မပိတ်သေးဘူး၊ ကုသဆဲ ၂ ယောက် ၃ ယောက်လောက်ပဲ ကျန်တော့တယ်၊ ၂ ရက် ၃ ရက်လောက် စောင့်ကြည့်အုံးမယ်၊ နောက်ထပ် ရောက်မလာတော့ဘူးဆိုရင် ပိတ်လိုက်တော့မယ်၊ အခုလက်ရှိ ၂ ယောက်လည်း အပြင်ဆေးရုံဘက်ပြောင်းကြမလား မသိသေးဘူး၊ သူတို့ကလည်း အပြင်ဆေးခန်းမှပဲ နေမယ်လို့တော့ သူတို့ကလည်းပြောတယ်၊ ပိုးတွေ့လူနာတွေကလည်း ရောက်လာရင်လည်း တိုင်းရင်းဆေးရုံကိုပဲ သွားချင်ကြတယ်၊ သူတို့မှာက ဆရာဝန်ပုံမှန်စောင့်ကြည့်ခံရတယ်၊ ကျနော်တို့မှာတော့ ဆရာဝန်ပုံမှန်စောင့်ကြည့်ရတာ သိပ်မရှိတာပေါ့” ဟု အိတ်စွတ်ကွာရန်တင်းစင်တာမှ တာဝန်ရှိသူတစ်ဦးက ပြောသည်။ ကလေးမြို့တွင် ကိုဗစ်-၁၉ ရောဂါ ထိန်းချုပ်ရေး ကွာရန်တင်းစင်တာ (၃) ခုထားရှိပြီး အိတ်စွတ်ကွာရန်တင်းစင်တာတွင် (၃) ဦး၊ အာမာန် ကွာရန်တင်းစင်တာတွင် (၁၀) ဦးကျော်နှင့် တိုင်ရင်းဆေးရုံတွင် (၂၀) ဦးခန့်ထားရှိကြောင်း သိရသည်။ ကလေးမြို့ ကိုဗစ်တတိယလှိုင်းအတွင်း ပထမဆုံးကွာရန်တင်းစင်တာအဖြစ် အိတ်စွတ်ကွာရန်တင်းစင်တာအား မေလ ၂၅ ရက်နေ့တွင် စတင်ဖွင့်လှစ်ခဲ့ပြီး ယခုအခါ ကိုဗစ်ရောဂါကူးစက်ခံရသည့် လူနာများ လျော့နည်းလာခြင်းကြောင့် ယနေ့ ဩဂုတ်လ ၁၇ ရက်နေ့မှစ၍ ပိတ်သိမ်းရန် ဆုံးဖြတ်ရခြင်းဖြစ်သည်။ အိတ်စွတ်ကွာရန်တင်းစင်တာဖွင့်လှစ်ခဲ့သည့် ၃ လနီးပါးကာလအတွင်း အရေးပေါ်အတွင်းလူနာ ၃၀၀ ကျော်၊ ကိုဗစ်ရောဂါမှပြန်ကျန်းမာလာသူ ၂၀၀၀ နီးပါးနှင့် သေဆုံးသူ ၃၀ ကျော်ရှိကြောင်း သိရသည်။

ချင်းပြည်နယ်တောင်ပိုင်း၊ ကန်ပက်လက်မြို့တွင် ယမန်နေ့ သြဂုတ်လ ၁၅ ရက်နေ့၌ စစ်ကောင်စီတပ်ဖွဲ့မှ နယ်မြေရှင်းလင်းရေးအကြောင်းပြပြီး သေနတ်များပစ်ဖောက်ခဲ့သည့်အပြင် ကန်ပက်လက်မြို့မှ ပြည်သူနှစ်ဦးကိုလည်း ဖမ်းဆီးခဲ့ကာ လက်ရှိအချိန်အထိ ပြန်မလွတ်ပေးသေးကြောင်း သိရသည်။ “မနေ့က မြို့ထဲက ၂ ယောက် အဖမ်းခံရတယ်၊ မြို့ပတ်လမ်းဖက်က ကားလမ်းဆိုင်ကယ်နဲ့ သွားလာနေတဲ့သူတွေဆိုတော့ အိမ်ကဘယ်မှာဆိုတာမသိရဘူး၊ အခုထိပြန်မလွတ်သေးဘူး၊ မနေ့က ရွာထဲကသူတွေလည်းပါသွားတယ်၊ အရင်နေ့တွေကလည်း ၁ဝ ယောက်ကျော်ပါတယ်။ ဘာကြောင့်ဖမ်းတာလဲဆိုတာကို မသိရတာ၊ လမ်းမှာတွေ့ရင် တွေ့သလိုဖမ်းသွားကြတာ၊ အကြောင်းမဲ့ကို။ အခု သူတို့ကို ရဲစခန်းမှာပဲထားတယ်” ဟု ကန်ပက်လက်မြို့ ဒေသခံတစ်ဦးက ပြောသည်။ ယင်းနေ့ နံနက် ၁၁ နာရီဝန်းကျင်အချိန်ခန့်ကလည်း ကန့်သာရုံကျေးရွာအနီးတွင် အကြောင်းမဲ့ပစ်ခတ်ခဲ့ခြင်းကြောင့် နေအိမ်ထဲတွင်ရှိနေသော အသက် ၂ နှစ်အရွယ် ကလေးတစ်ဦးနှင့် ဖခင်ကို ကျည်ဆံထိမှန်ခဲ့ပြီး ဒဏ်ရာပြင်းထန်သောကြောင့် လက်ရှိတွင် မကွေးမြို့၊ ပြည်သူ့ဆေးရုံတွင် ဆေးကုမှုခံယူနေရသည်ဟုလည်း သိရသည်။ ထို့အပြင် ကန်ပက်လက်မြို့ အနောက်ရပ်ကွက်ရှိ မသန်စွမ်းသူတစ်ဦး၏ နေအိမ်အား စစ်ကောင်စီတပ်ဖွဲ့ဝင်များမှ ဝင််ရောက်ရှာဖွေပြီး ပစ္စည်းများကို ဖျက်ဆီးယူဆောင်ခဲ့သည့်အပြင် နေမကောင်း၍ အိပ်ယာထဲလဲနေသော အပြစ်မဲ့ပြည်သူတစ်ဦးကိုလည်း ရိုက်နှက်ကာ ငွေ ၃ သိန်း၊ ဆိုင်ကယ် ၁ စီး၊ ဖုန်း ၂ လုံးနှင့် အခြားပစ္စည်းများကိုလည်း ယူဆောင်သွားကြောင်း သိရသည်။ အလားတူ ပြီးခဲ့သည့် သြဂုတ်လ ၆ ရက်နေ့ညတွင်လည်း ကန်ပက်လက်မြို့အတွင်း စစ်ကောင်စီတပ်ဖွဲ့က လက်နက်ကြီးများဖြင့် အကြောင်းမဲ့ပစ်ခတ်ခဲ့သောကြောင့် လူနေအိမ်များနှင့် မြို့မနှစ်ခြင်းဘုရားကျောင်း အဆောက်အအုံပျက်စီးမှုများ ရှိခဲဲ့သည်။ ယနေ့တွင်…