Author: Editor

စစ်ကောင်စီက ချင်းပြည်နယ်၊ အာလွယ်ရွာ၌ တပ်စွဲပြီး ရက်ပိုင်းအတွင်းမှာပင် ရွာသူအမျိုးသမီး နှစ်ဦးကို အဓမ္မပြုကျင့်သည့်ဖြစ်စဉ် ပေါ်ပေါက်ခဲ့သည်။ ပြီးခဲ့သည့် နိုဝင်ဘာလဆန်းပိုင်းက တီးတိန်မြို့နယ် ကနေဒီတောင်ခြေ၌ ဒေသကာကွယ်ရေးတပ်ဖွဲ့နှင့် စစ်ကောင်စီတို့ တိုက်ပွဲဖြစ်ပွားခဲ့ပြီးနောက် နယ်မြေလုံခြုံရေးအရဟုဆိုကာ အာလွယ်ကျေးရွာအနီးသို့ စစ်သားများ ရောက်လာကြသည်။ ည (၇) နာရီနောက်ပိုင်း အပြင်မထွက်ကြရန်၊ စစ်သားများရှိနေသရွေ့ တောထဲဝင်ရောက်ခြင်းများ မပြုလုပ်ကြရန်လည်း ပြောဆိုသဖြင့် မည်သူမှ တောင်ယာအခင်းထဲမသွားကြဘဲ နေအိမ်ထဲမှာပင် နေခဲ့ကြရသည်။ “ကျွန်တော်တို့ ရွာမှာ စခန်းချတော့ မကြောက်ကြနဲဲ့ပေါ့နော်၊ အေးဆေးနေကြပါဆိုပြီးမှ နေခဲ့ကြတာပေါ့နော် ” ဟု အာလွယ်ရွာသား ကိုလုကာက စစ်သားများ ဝင်ရောက်လာစဉ်က အခြေအနေကို ပြန်ပြောပြသည်။ ရွာခံများကို အေးအေးဆေးဆေးနေရန် ပြောဆိုသော်လည်း စစ်ကောင်စီအဖွဲ့ဝင်များကမူ အေးအေးဆေးဆေး မနေခဲ့ပေ။ နိုဝင်ဘာလမတိုင်မီကလည်း အာလွယ်ရွာတွင် တစ်ကြိမ်ထက်မနည်း လာရောက်တပ်စွဲမှုများရှိခဲ့ပြီး ထိုစဉ် ကတည်းက ဒေသခံတို့ မွေးမြူထားသည့် နွား၊ ဆိတ်၊ ကြက် စသည်တို့ကို သတ်စားခဲ့ကြကြောင်း ဒေသခံတို့က ဆိုကြသည်။ စစ်ကောင်စီအဖွဲ့ဝင်တို့သည် လုံခြုံရေးအကြောင်းပြချက်ဖြင့် အေးချမ်းသည့် အာလွယ်ကျေးရွာနှင့် ငါးမိုင်ခန့် အကွာသို့ တပ်စခန်းချရန် နိုဝင်ဘာလ (၇) ရက်နေ့တွင် ရောက်လာပြီး ရွာခံအမျိုးသမီးနှစ်ဦးကို အဓမ္မပြုကျင့်သည့် ဖြစ်စဉ်မှာ နိုဝင်ဘာလ (၁၁)ရက် ညပိုင်းတွင် ဖြစ်ပွားခဲ့ခြင်း ဖြစ်သည်။ အသက် (၃၀) အရွယ် ကလေးလေးဦးမိခင် ကိုယ်ဝန်ဆောင်အမျိုးသမီးနှင့် အသက် (၂၇) နှစ်အရွယ် မီးဖွားပြီးစ မိခင်တစ်ဦးတို့ကို တစ်ညတည်း၌ အကြိမ်ကြိမ် အဓမ္မပြုကျင့်ခဲ့ခြင်းဖြစ်ကြောင်း အာလွယ်ဒေသခံတို့က…

ချင်းပြည်နယ် မင်းတပ်မြို့တွင် ယမန်နေ့ ဒီဇင်ဘာလ ၁၂ ရက်နေ့မနက်ပိုင်းက စစ်ကောင်စီတပ်ဖွဲ့ဝင်များ၏ သေနတ်ရမ်း သန်းပစ်ခတ်မှုကြောင့် နေအိမ်ထဲတွင်ရှိနေသည့် အမျိုးသမီးတစ်ဦး ကျည်ဆံထိမှန်ပြီးသေဆုံးသည်ဟု မင်းတပ်ဒေသခံများထံမှ သိရသည်။ မင်းတပ်မြို့အနောက်ရပ်ကွက်၊ ကန်ပက်လက်လမ်းခွဲရှိ စစ်ကောင်စီတပ်ဖွဲ့ စစ်ဆေးဂိတ်တွင် ဒီဇင်ဘာလ ၁၂ ရက်နေ့ နံနက်ပိုင်း ၁၀ နာရီဝန်းကျင်ခန့်က လူငယ်တစ်ဦးအား စစ်ဆေးနေစဉ်ထွက်ပြေးသွားသည့်အတွက် သေနတ်ဖြင့်လိုက်လံ ပစ်ခတ်ရာတွင် နေအိမ်ထဲတွင်ရှိနေသည့် အသက် ၄၀ ခန့်အရွယ်စိုက်ပျိူးရေးဝန်ထမ်းအမျိုးသမီးတစ်ဦး ကျည်ထိမှန်ကာ ပွဲချင်းသေဆုံးသွားခဲ့သည်ဟု မင်းတပ်ဒေသခံတစ်ဦးကပြောသည်။ “အဲဒီစစ်ဆေးဂိတ်မှာ စစ်တဲ့အချိန်မှာ ကလေးက ထပြေးသွားတော့ သူတို့က ခြောက်ပစ်ပစ်တော့ အိမ်ထဲမှာနေတဲ့ အစ်မ ကို သေနတ်ထိတာနောက်ကျောနေဝင်ပြီး ဗိုက်ကနေပြန်ထွက်ပြီးတော့ လက်ထိတယ် အိမ်ရှေ့တင်မှာပဲ ပွဲချင်းဆုံးသွား တာ၊ မနေ့ကတည်းက သဂြိုလ်ပေးလိုက်တယ်၊ ဒီနေ့တော့ သူ့မိဘတွေက အုတ်ဂူ လေးလုပ်ပေးချင်တယ်ဆိုတော့ လုပ် ပေးကြတယ်” ဟု မင်းတပ်ဒေသခံက ပြောသည်။ ကျည်ထိမှန်ပြီးသေဆုံးသွားသူမှာ အသက် ၄၀ နှစ်အရွယ် ဒေါ်လိန်းလိုင်ဆိုသူဖြစ်ပြီး စစ်ကာင်စီတပ်ဖွဲ့၏ ဖိအားပေးမှုကြောင့် ယမန်နေ့တွင်ချက်ချင်းသဂြိုလ်လိုက်ရသည်ဟု သိရသည်။ မင်းတပ်မြို့တွင် စစ်ကောင်စီတပ်ဖွဲ့ဝင်များ၏ သေနတ်ရမ်းသန်းပစ်ခတ်မှုကြောင့် မင်းတပ်မြို့ ထွေအုပ်ရုံးမှ ဝန်ထမ်းအမျိုး သမီးတစ်ဦးအပါအဝင် ဒေသခံပြည်သူ ၂ ဦးကျည်ဆံထိမှန်ကာ ယခင်ကလည်းသေဆုံးမှုရှိခဲ့သည့်အပြင် ကလေးငယ်တ စ်ဦးလည်း လက်နက်ကျည်ထိမှန်ပြီး ဒဏ်ရာရရှိမှုရှိခဲ့သည်ဟု သိရသည်။ စစ်ကောင်စီတပ်ဖွဲ့ဝင်များသည် မင်းတပ်မြို့ဆောက်လုပ်ရေးလမ်းခွဲအနီးရှိ စစ်ဆေးရေးဂိတ်တွင်လည်း ကြားဒိုရွာမှ ခရစ်ယာန်ဓမ္မဆရာတော်တစ်ပါးကို CDF နှင့်ပတ်သက်သည်ဟုစွပ်စွဲကာ စစ်ဆေးမေးမြန်းရန် ၂၇၄ တပ်ရင်းသို့ ယမန် နေ့ညနေ ၅ နာရီခန့်က…

စစ်ကောင်စီတပ်ဖွဲ့၏ လက်နက်ကြီးပစ်ခတ်မှုနှင့် မီးရမှုများကြောင့် မြို့ကိုစွန့်ခွာကာ ကျေးလက်ဒေသများသို့ စစ်ဘေးတိမ်းရှောင်နေကြရသည့် ချင်းပြည်နယ်၊ ထန်တလန်မြို့ပေါ်မှ ဒေသခံပြည်သူများသည် စားနပ်ရိက္ခာနှင့် ဆေးဝါးအကူအညီများ လိုအပ်လျှက်ရှိကြောင်း Thantlang Placement Affairs Committee-IDPs Help မှ တာဝန်ရှိသူတစ်ဦးက ပြောသည်။ “သူတို့သယ်လာတဲ့ ဆန်စပါးတွွေက အခုကုန်လုနီးပါးဖြစ်နေပြီ။ ပြီးရင်ကျန်းမာရေးပိုင်းမှာလည်း တချို့ရွာတွေဆိုရင် CDM ကျန်းမာရေးဝန်ထမ်းမရှိတဲ့ နေရာရှိတဲ့အခါကျတော့ သူတို့က ဖျားရင်လည်း ကုမဲ့သူမရှိဘူး။ အများစုကတော့ င်္ဒီလိုမျိုး ကျန်းမာရေးအပိုင်းမှာ အကူညီမဲ့နေတယ်” Thantlang Placement Affairs Committee-IDPs Help တာဝန်ရှိသူက ပြောသည်။ ထန်တလန်မြို့ပေါ်ရှိဒေသခံပြည်သူများသည် ပြီးခဲ့သည့်စက်တင်ဘာလအတွင်း မီးလောင်မှုဖြစ်ပွားခဲ့ပြီးနောက် မြို့ပေါ်တွင် မနေရဲကြတော့ပဲ ကျေးလက်ဒေသများသို့ စတင်ထွက်ပြေးခဲ့ကြခြင်းဖြစ်ပြီး ထန်တလန်မြို့နယ်မှ ခွါဟရိန်းတောင်ကြော၊ ဗန်ဇန်းတောင်ကြော၊ ဇနတ်တောင် ကြော၊ ဗိုင်လာမ်တောင်ကြောနှင့် ဘွောလ်တောင်ကြောရှိ ကျေးရွာပေါင်း ၉၄ ရွာတွင် စစ်ဘေးတိမ်းရှောင်နေကြရသည်။ တချိူ့မှာ အိန္ဒိယနိုင်ငံ မီဇိုရမ်ပြည်နယ်ဘက်သို့ ထွက်ပြေးတိမ်းရှောင်ခဲ့ကြရပြီး ထန်တလန်မြို့နယ်အတွင်း စစ်ဘေးရှောင်ဦးရေမှာ ၇၇၂၅ ရှိသည်ဟု Thantlang Placement Affairs Committee-IDPs Help ၏ စာရင်းအရ သိရသည်။ ထန်တလန်မြိုပေါ်ရှိဒေသခံပြည်သူများသည် မြို့ကိုစွန့်ခွာ၍ စစ်ဘေးတမ်းရှောင်နေကြရသည်မှာ လေးလနီးပါးရှိနေပြီဖြစ် ကာ ၎င်းတို့ယူဆောင်လာကြသည့်ရိက္ခာများလည်းပြတ်လုနီးပါးဖြစ်သည့်အပြင် ထန်တလန်မြို့ပေါ်တွင်လည်း ရိက္ခာများ ပြန်သယ်ယူနိုင်ခြင်းမရှိတော့သည့်အတွက် အခက်ကြုံနေကြရခြင်းဖြစ်သည်။ ထို့အပြင်ဆောင်းရာသီရောက်ရှိလာပြီဖြစ်သည့်အတွက် စစ်ဘေးရှောင်ပြည်သူများအတွက် အနွေးထည်၊ စောင် လိုအပ်မှု မြင့်မားနေသည်ဟုလည်း Thantlang Placement Affairs Committee-IDPs Help တာဝန်ရှိသူကပြောသည်။ “ဆောင်းရာသီဆိုတော့ သူတို့…

အိန္ဒိယနိုင်ငံ မီဇိုရမ်ပြည်နယ်အတွင်း ရောက်ရှိနေကြသော တော်လှန်ရေးမဟာမိတ်များစုပေါင်းကာ ပြည်တွင်းရှိ မြန်မာပြည်သူများနှင့်အတူ အားမလျှော့ဘဲ အဆုံးထိတိုက်ပွဲ ဝင်နေကြကြောင်းပြသသည့်အနေဖြင့် ၇၃ ကြိမ်မြောက်အပြည်ပြည်ဆိုင်ရာ လူ့အခွင့်အရေးနေ့ကို ဒီဇင်ဘာ ၁၀ ရက်နေ့တွင် ကျင်းပပြုလုပ်ခဲ့ကြသည်။ မီဇိုရမ်ပြည်နယ်ရောက် တော်လှန်ရေးမဟာမိတ်များစုပေါင်းပြီး ၇၃ ကြိမ်မြောက် အပြည် ပြည်ဆိုင်ရာ လူ့အခွင့်အရေးနေ့ အခမ်းအနားကျင်းပပြုလုပ်ရခြင်းနဲ့ ပက်သက်၍ လူ့အခွင့်အရေး တာဝန်ခံ မဝါဝါက ယခုလိုပြောသည်။ “ပုံမှန်ခါတိုင်းအချိန်တွေမှာ လူ့အခွင့်အရေးနေ့ အခမ်းအနားကို ပျှော်ပွဲရွှင်ပွဲတွေနဲ့ ကျင်းပခဲ့ကြတယ်။ ဒါပေမယ့် ဒီနှစ်မှာတော့ မြန်မာပြည်မှာရှိနေတဲ့ အကုန်လုံးက လူ့အခွင့်အရေးကို ဆိုးဆိုးဝါးဝါးချိုး ဖောက်ခံနေကြရတာဖြစ်တယ်။ ကျမတို့ကလည်း ဒီအချိန်ဒီနေရာမှာ ကျမတို့ရဲ့တော်လှန်ရေး စိတ်ဓာတ်တွေကို သွေးသစ်လောင်းမဲ့အချိန်က အခုအနေနဲ့ ဒီအခမ်းအနားကို ပြုလုပ်ရတာဖြစ်တယ်။ ကျမတို့လူ့အခွင့်အရေးရရှိဖို့အတွက် ဆိတ်သုန်းသွားတဲ့ လူ့အခွင့်အရေးတွေကို ရရှိ အောင်လုပ်ကြ မယ်။ စစ်အာဏာရှင်ကို ဆက်ပြီးတော့ နိုင်တဲ့အထိ တွန်းလှန်ကြမယ်ဆိုတဲ့ ရည်ရွယ်ချက်နဲ့ ဒီအခမ်း အနားကို ကျင်းပရခြင်းဖြစ်တယ်” ဟု မဝါဝါက ပြောသည်။ အဆိုပါအခမ်းအနားတွင် ကလေးမြို့၊ တိုင်းဒေသကြီးလွတ်တော် ကိုယ်စားလှယ် ဒေါ်သန့်ဝေကျော် ကလည်း အမှာစကားပြောကြား ခဲ့ရာ အပြည်ပြည်ဆိုင်ရာ လူ့အခွင့်အရေးနေ့ကို တကမ္ဘာလုံးတွင် ကျင်းပကြသော်လည်း မိမိတို့နှင့် ကျင်းပသည့်ရည်ရွယ်ချက်ခြင်း မတူကြောင်း ယခုလိုပြောပါသည်။ “သူများနိုင်ငံမှာ လူ့အခွင့်အရေးတောင်းဆိုတဲ့ အနှစ်သာရက ပြည့်ဝပြီးသားကို ထပ်ပြီး တောင်းဆိုတာဖြစ်တယ်။ ကျမတို့ရဲ့ လူ့အခွင့်အရေးကကျတော့ ကျမတို့ ပိုင်ဆိုင်တဲ့အိမ်မှာ ကျမတို့ နေထိုင်ခွင့်ရဖို့အတွက် တောင်းဆိုနေတာဖြစ်တယ်။ ကျမတို့ ချက်ပြုတ်ထားတဲ့ ထမင်း၊ ဟင်းကို အေးအေးဆေးဆေး…

ကန်ပက်လက်မြို့နယ်တွင် ဒီဇင်ဘာလ ၉ ရက်နေ့က စစ်ကောင်စီတပ်နှင့် ကန်ပက်လက်ပြည်သူ့ကာကွယ်ရေးတပ် (CDF- KANPETLET) တို့ ကြားတိုက်ပွဲထပ်မံဖြစ်ပွားခဲ့ပြီးနောက် ပါကွင်းကျေးရွာရှိ လူနေအိမ်များကို စစ်ကောင်စီတပ်က မီးရှို ့ခဲ့ကြသည်။ စစ်ကြောင်းထိုး‌လာသောစကစတပ်သည် ပါကွင်းကျေးရွာရှိ လူနေအိမ် (၇) လုံးကို မီးရှို့ခဲ့ကြပြီး ဆိုင်ကယ် (၂) စီးအပါအဝင် အသုံးအ‌ဆောင်ပစ္စည်းများ ခိုးယူခြင်း၊ ဖျက်ဆီးခြင်းများကျူးလွန်ခဲ့ကြသည်ဟု ကန်ပက်လက်မြို့နယ် ပြည်သူ့အုပ်ချုပ်ရေးအဖွဲ့က ထုတ်ပြန်သည်။ ကန်ပက်လက်မြို့နေ ပြည်သူလူထု၏ အဓိကစိုက်ပျိုးသီးနှံဖြစ်သော သိမ်းဆည်းပြီးသည့် ဝဥသီးများကိုလည်းစကစတပ်သားများက မီးရှို့ဖျက်ဆီးခဲ့ကြပြီး စုစုပေါင်းကာလတန်ဖိုး သိန်းတစ်ရာကျော်ခန့် ဆုံးရှုံးခဲ့ကြောင်း သိရသည်။

မီဇိုရမ်ပြည်နယ်ရောက် မြန်မာစစ်ဘေးရှောင်ပြည်သူများအပေါ် ကူညီစောင့်ရှောက်ထောက်ပ့ံပေး​နေ​သော မီဇိုရမ်အစိုးရနှင့် မီဇိုရမ်ပြည်သူပြည်သားများအားလုံးအပေါ် ချင်းလူမျိုးကိုယ်စား အထူးကျေးဇူးတင်ကြောင်း ချင်းပြည်နယ် ဝန်ကြီးချုပ်ဟောင်း ဦးဆလိုင်း လျန်လွယ်က ပြောသည်။ မီဇိုရမ်ပြည်နယ် Reiek ကျေးရွာ Convention Hall, Tourist Resort တွင် ဒီဇင်ဘာလ ၈ ရက်နေ့က မီဇိုး​ကျောင်းသားသမဂ္ဂ Mizo Zirlai Pawl (MZP) မှ ကြီးမှုးကျင်းပပြုလုပ်သည့် Leadership/ Nationalim Training Cum Advant Chnistmas ပွဲတွင် ဧည့်​သည်​တော်အဖြစ်တက်​ရောက်​သော ဦးဆလိုင်းလျန်လွယ်က ယင်းကဲ့သို့ ပြောဆိုခဲ့ခြင်းဖြစ်သည်။ လက်ရှိ မြန်မာ့နိုင်ငံ​ရေးအခြေအနေသည် အချိန်ကာလ ဘယ်လောက်ကြာမည်ကို ပြောဆို၍မရနိုင်သေး သည့်အတွက် မီဇိုရမ်အနေဖြင့် ဆက်လက်ကူညီဆောင်ရွက်ပေးကြရန်လည်း ဆလိုင်းလျန်လွယ်က တောင်းဆိုခဲ့သည်။

ကန်ပက်လက်မြို့နယ်နှင့် ဆောမြို့နယ်နယ်စပ် ပေါင်ချောင်းဖက်မှ စစ်ကြောင်းထိုးလာသော စစ်ကောင်စီတပ်နှင့် CDF-KANPETLET တို့ ပါကွန်းကျေးရွာအနီးတွင် ယနေ့ နံနက် (၉) နာရီအချိန်ခန့်က ထိတွေ့တိုက်ပွဲဖြစ်ပွားခဲ့ပြီး စစ်ကောင်စီတပ်သား ၇ ဦးသေဆုံးကြောင်း CDF-Kanpetlet က ထုတ်ပြန်သည်။ ယနေ့ဖြစ်ပွားသည့် တိုက်ပွဲမှာ (၃) နာရီခန့် ကြာမြင့်ခဲ့ပြီး စကစဖက်မှ ၇ ဦးသေဆုံးသည့်အပြင် ၆ ဦးလည်း ဒဏ်ရာရရှိခဲ့သည်ကြောင်း CDF-Kanpetlet က ထုတ်ပြန်သည်။ စကစတပ်၏ လက်နက်ကြီး၊ လက်နက်ငယ် သာလွန်ပစ်အားကြောင့် CDF-KANPETLET မှ ခွါပစ်စနစ်ဖြင့် တိုက်ပွဲဆင်ခဲ့ပြီး အထိအခိုက်မရှိ ဆုတ်ခွါနိုင်ခဲ့သည်ဟု ဆိုသည်။ လက်ရှိတွင် စစ်အင်အားတိုးမြှင့်နေသော စကစတပ်သည် ကန်ပက်လက်မြို့ မြန်မာ့စီးပွားဘဏ်နှင့် မြို့နယ်ပညာရေးမှူးရုံးတို့တွင် တပ်စွဲထားကြောင်း သိရသည်။

ချင်းပြည်နယ်၊ ထန်တလန်မြို့တွင် စစ်ကောင်စီတပ်နှင့် CDF- ထန်တလန်တပ်ဖွဲ့တို့အကြား ဒီဇင်ဘာလ ၈ ရက်နေ့ မွန်းလွဲ ပိုင်း ၂ နာရီဝန်းကျင်က တိုက်ပွဲဖြစ်ပွားကာ CDF တပ်ဖွဲဝင် ၂ ဦးသေဆုံးခဲ့ပြီး လက်ရှိအချိန်ထိ ၎င်းတို့၏ အလောင်းကို သယ်ယူနိုင်ခြင်းမရှိသေးကြောင်း CDF- Thantlang မှ ပြောရေးဆိုခွင့်ရှိသူက ပြောသည်။ “မနေ့က တိုက်ပွဲက ပစ်ခတ်တဲ့အချိန်တော့ နာရီဝက်လောက်ပဲကြာတယ်။ ၂ ယောက်ကတော့ သေချာတယ်။ ၁ ယောက်ကတော့ စုရပ်မှာ မစု၊ ရောက်လည်းမရောက်လာတော့ သူလည်း ပါကောင်းပါနိုင်တယ်ရှိတာ ဒါပေမယ့် သူက သေတာလား၊ ဖမ်းတာလားဆိုတာတော့ သိပ်မသေချာဘူး။ အခု အချိန်ထိ အလောင်းကယူလို့မရသေးဘူးပေါ့။ အလောင်းယူဖို့လည်း ကျွန်တော်တို့ ကြိုးစားနေတယ်။ အလောင်းကမရသေးတော့ အတိအကျပြောလို့မရသေးဘူး။ ဒဏ်ရာရတဲ့သူက ၅ ယောက်ရှိတယ်” ဟု CDF- Thantlang မှပြောရေးဆိုခွင့်ရှိ သူက ပြောသည်။ ယမန်နေ့က ထန်တလန်မြို့တွင်း တိုက်ပွဲဖြစ်ပွားမှုမှာ မည်ကဲ့သို့ စတင်ဖြစ်ပွားခဲ့သည်ကိုမူ အတိကျပြောဆို၍ မရသေးကြောင်း စစ်ကောင်စီတပ်ဖွဲ့ဝင်ဖက်က သေဆုံးမှုရှိမရှိကိုလည်းအတည်ပြု၍ မရသေးကြောင်း ၎င်းကဆက်ပြောသည်။ အဆိုပါမြို့တွင်းတိုက်ပွဲဖြစ်ပွားမှုနောက်ပိုင်း မြို့တွင်း ဇုံမွှန်ရပ်ကွက်မှ လူနေအိမ် ၁၈ အိမ်နှင့် ညနေ ၆နာရီ နောက်ပိုင်းတွင်လည်း ဘုရားကျောင်းရပ်ကွက်က ၅ အိမ်ထပ်မံမီးလောင်ကျွမ်းခဲ့ပြီး လက်ရှိ အချိန်ထိ စစ်ကောင်စီတပ်များ၏ ရှို့မီးကြောင့် ဘုရားကျောင်း ၅ ကျောင်းအပါအဝင် လူနေအိမ်စုစုပေါင်း ၅၀၀ ကျော် မီးလောင်ကျွမ်းသွားပြီဖြစ်သည်။ Zawgyi ထန္တလန္၊ ျမိဳ႕တြင္းတုိက္ပြဲတြင္ CDF…

ချင်းပြည်နယ်၊ မင်းတပ်မြို့နယ် ပြည်သူ့အုပ်ချုပ်ရေးအဖွဲ့မှ ဖွင့်လှစ်သော စာသင်ကျောင်းများတွင် အသုံးပြုရန်အတွက် သယ်ဆောင်လာသည့် ကျောင်းသုံးပစ္စည်းများကို စစ်ကောင်စီတပ်ဖွဲ့ဝင်များက ဖမ်းဆီးမှုများနှင့် ဖျက်ဆီးမှုများပြုလုပ်ခဲ့ကြောင်း သတင်းရရှိသည်။ မင်းတပ် ပြည်သူ့အုပ်ချုပ်ရေးအဖွဲ့ ပညာရေးဌာန၏ ဦးဆောင်မှုဖြင့် ကျေးရွာတစ်ရာကျော်တွင်ရှိသော ကလေးငယ်များ စာသင်ကြားနိုင်ရန် စာသင်ကျောင်းများ ဖွင့်လှစ်နိုင်ခဲ့သော်လည်း စစ်ကောင်စီဖက်မှ ကျောင်းသုံးပစ္စည်းများကို ဖမ်းဆီးနေမှု၊ ဖျက်ဆီးနေမှု ပြုလုပ်ခြင်းနှင့်ပတ်သက်၍ မင်းတပ် ပြည်သူ့အုပ်ချုပ်ရေးအဖွဲ့မှ ပြောရေးဆခွင့်ရှိသူ ဆလိုင်းယောမာန်က ယခုလိုပြောသည်။ “အင်တာနက်တွေ အဆက်အသွယ်တွေ ဖြတ်ထားတော့ တနယ်လုံးမှာ ဆရာ/မတွေကို ပြန်စုစည်းဖို့ ခက်ခဲတာပေါ့။ နောက်ပြီး ဗလာစာအုပ်တွေ၊ ဘောပင်တွေ၊ ခဲတံတွေ လိုတာပေါ့။ အဲ့တာကို မှာတဲ့အချိန်ကြတော့ တောင်ပေါ်မှာ စာပြန်သင်နေတယ်ဆိုတာ စကစတွေသိတော့တာပဲ၊ ခဲတံတွေပါ အကုန်လုံး လိုက်လံပိတ်ပင်တယ်။ သယ်တာကို ဖမ်းဆီးတာ ဖျက်ဆီးတာလုပ်တယ်။ အဲ့တာမျိုးကအစလုပ်တော့ ကျွန်တော်တို့ဖက်က ခက်ခဲတာပေါ့။ ပြီးတော့ Material ဝယ်ဖို့ ပို့စ်တင်ပြီးမှ အလှုငွေကောက်ခံလို့မရတဲ့ အခြေအနေမျိုးတွေရှိတယ်။” ဟု ပြောသည်။ မင်းတပ်မြို့နယ်တွင် ကလေးငယ်များ ကျောင်းစာသင်ကြားရေးလုပ်ငန်းကို အစပြုခြင်းမှာ သုံးလကျော်ရှိနေပြီဟုသိရပြီး ကျေးရွာပေါင်း ၁၂၀ က မှုလတန်းကလေးငယ် နှစ်ထောင်ကျော်ကို Volunteer ဆရာ/ဆရာမ ၂၀၀ ကျော်က မြန်မာ၊ အင်္ဂလိပ်၊ သင်္ချာ၊ ရှိုးစာပေများကို အဓိကသင်ကြားပေးနေခြင်းဖြစ်သည်။ မင်းတပ် ပြည်သူ့အုပ်ချုပ်ရေးအဖွဲ့ ပညာရေးဌာနမှ စစ်ဘေးရှောင်ကလေးငယ်များ စာသင်ကြားခွင့်ရရှိခြင်းမှာ ကြားကာလအချိန်တွင်လည်း ကလေးငယ်များ ပညာရေးမဝေးကွာစေရန်နှင့် စိတ်ပိုင်း၊ ရုပ်ပိုင်း ဖွံ့ဖြိုးမှုဖြစ်စေကြောင်းကိုလည်း ၎င်းက အခုလို ဆက်ပြောသည်။ “ကျွန်တော်တို့အနေနဲ့ တကယ့်…

ချင်းပြည်နယ်၊ ကန်ပက်လက်မြို့တွင် ယမန်နေ့ ဒီဇင်ဘာလ ၇ ရက် နံနက်ပိုင်းကဖြစ်ပွားခဲ့သည့် တိုက်ပွဲတွင် စစ်ကောင်စီ တပ်သား ၂ ဦးသေဆုံးခဲ့ပြီး တစ်ဦးအပြင်းထန်ဒဏ်ရာရရှိခဲ့သည်ဟု CDF-Kanpetlet ကထုတ်ပြန်သည်။ ကန်ပက်လက်မြို့ မြို့မရဲစခန်းတွင် တပ်စွဲထားသော စစ်ကောင်စီတပ်ဖွဲ့သည် မြို့တွင်းစစ်ကြောင်းထိုးလာသောကြောင့် CDF-Kanpetlet နှင့် နံနက်ပိုင်း ၇ နာရီခွဲမှ ၈ နာရီခွဲအထိ တစ်နာရီခန့်ကြာပစ်ခတ်တိုက်ခိုက်မှုဖြစ်ဖွားခဲ့ခြင်းဖြစ်သည်ဟု CDF- ကန်ပက်လက် ပြောရေးဆိုခွင့်ရှိသူကပြောသည်။ “မနေ့က မနက်ပိုင်းမှာ မြို့တွင်းမှာ ကင်းပုန်းတွေချထားတာပေါ့။ အဲ့နေရာကို စကစတွေဖက်ကနေပြီးမှ စစ်ကြောင်းထိုးလာတော့ ကျွန်တော်တို့ထား ထားတဲ့သူ တွေနဲ့ တိုက်ပွဲဖြစ်တာ၊ နာရီ တစ်ချက်လောက်ပဲကြာပြီးတော့မှ သူတို့ဖက်ကြ ပန်ဆုတ်သွားလို့ငြိမ်သွားတယ်။ ၂ ယောက်ကတော့ ကျတယ် အတည်ပြုလို့ရတယ် တစ်ယောက်လည်း ဒဏ်ရာရတယ်။ ကျွန်တော်တို့ဖက်တော့ ဘာမှ အထိ အခိုက်ဘာမှ မရှိဘူး” ဟု CDF- ကန်ပက်လက် ပြောရေးဆိုခွင့်ရှိသူကပြောသည်။ ကန်ပက်လက်မြို့တွင် စစ်ကောင်စီတပ်နှင့် CDF-Kanpetlet တပ်ဖွဲ့တို့သည် နိုဝင်ဘာလကုန်ပိုင်းကစ၍ နေ့တိုင်းနီးပါး မြို့တွင်းပစ်ခတ်မှုရှိလာခဲ့သည်။ နိုဝင်ဘာလ ၂၈ ရက်နေ့မြို့တွင်းပစ်ခတ်မှုတွင် စစ်ကောင်စီတပ်သား ၃ ဦးသေဆုံးခဲ့ပြီး ဒီဇင်ဘာ ၃ ရက်နှင့် ၄ ရက်နေ့ကလည်း ကန်ပက်လက်မြို့ အ.ထ.က ကျောင်းဝင်းအတွင်းတပ်စွဲထားသော စစ်ကောင်စီတပ်ကို CDF-Kanpetlet က ဝင်ရောက်ပစ်ခတ်ခဲ့ရာ စစ်ကောင်စီတပ်သား ၄ ယောက်သေဆုံးခဲ့ကြောင်း သိရသည်။