Author: Editor

စစ်ကိုင်းတိုင်းဒေသကြီး ကလေးမြို့မှ ချင်းပြည်နယ်မြောက်ပိုင်း အိန္ဒိယ-မြန်မာနယ်စပ်ကုန်သွယ်ရေးစခန်းတည်ရှိရာ ရိခေါဒါရ်မြို့သို့ ပြေးဆွဲနေသည့် မော်တော်ယာဉ်လိုင်းများကို ရဲနှင့် စစ်သားများက ငွေကြေးအဆမတန် ကောက်ခံနေသည့်အတွက် ကားသမားများ အခက်ကြုံနေရသည်ဟု သိရသည်။ ကလေးမြို့မှ ချင်းတောင်တက်သည့် ကလေး-ခိုင်ကမ်း-တီးတိန်-ရိ ကားလမ်းတစ်လျှောက်ရှိ လုံခြုံရေးနှင့် စစ်ဆေးရေးဂိတ်များတွင် ရဲနှင့် စစ်သားများကို ကားတစ်စီးလျှင် အနည်းဆုံး ကျပ်ငွေ ၅၀၀၀ ပေးဆောင်ရပြီး ရိခေါဒါရ်မြို့အထိ စုစုပေါင်း ကျပ်ငွေ ၃၀၀၀၀ ကျော်ခန့် ပေးဆောင်နေရသည်ဟု အမည်မဖော်လိုသည့် ကားသမားတစ်ဦးက ပြောသည်။ “ကျနော်တို့အရင်တစ်ခါလိုပေးတာထက် နည်းနည်းများသွားပြီ အခုလည်း ၅၀၀၀ ပဲကောက်တော့တာ ရိ ထိသွားမယ်ဆိုရင် ၅၀၀၀ ပေးပေးနေရင်း ၃၀၀၀၀ ကျော်လောက်ကျသွားတယ် ခိုင်ကမ်းဂိတ်ဆိုရင် လက်မှတ်ထိုးပြီး ပိုက်ဆံထည့်တာ တောင်သူတို့ရဲတွေက ဘယ်လောက်ထည့်လဲမေးတယ် ၁ ထောင်ထည့်တယ်ပြောရင် ၄ ထောင်ထပ်ထည့် မရဘူးဆိုပြီး အတင်းကိုထည့်ခိုင်းနေတာ သူတို့ပြောတာတော့ ငါတို့ကိုနောက်တစ်ခါပြန်လာပစ်ရင် နောက်ထပ် ၅၀၀၀ ထပ်တိုး ကောက်မယ်လို့ ကျနော်တို့ ကားသမားတွေဆီပြောတာ အဆင်မပြေဘူး ပေးရတာများလို့ကားသမားတွေအတွက်” ဟု ကလေး-ရိယာဉ်လိုင်းပြေးဆွဲနေသည့် ကားဆရာတစ်ဦးက ပြောသည်။ ယခင် စက်တင်ဘာလက ခိုင်ကမ်း (၉) မိုင် ယာဉ်အသွားအလာစစ်ဆေးရေးဂိတ်နှင့် ရဲစခန်းကို PDF-Zoland၊ CDF-KKG၊ ပူးပေါင်းတပ်ဖွဲ့က ဝင်ရောက်တိုက်ခိုက်ခဲ့ပြီးရဲဝန်ထမ်း (၅) ဦးသေဆုံးမှုရှိခဲ့ပြီးနောက် လုံခြုံရေးတင်းကြပ်မှုရှိလာသည့်အပြင် ကလေး-တီးတိန်-ရိ လမ်းတစ်လျှောက်တွင်လည်း စစ်ကောင်စီတပ်သားများ စခန်းချတပ်စွဲမှုများရှိလာခဲ့သည်။ ယခုကဲ့သို့ လမ်းခရီးတစ်လျှောက်တွင် ရဲနှင့်စစ်သားများအား ငွေကြေးပေးဆောင်နေရသည့်အတွက် ကလေး-ရိအကြား ကားခမှာလည်း ယခင်က လူတစ်ဦးလျှင်ကျပ်ငွေ ၁၅၀၀၀ ခွဲခန့်ရှိရာမှ…

ချင်းပြည်နယ် ဟားခါးမြို့တွင် အာဏာသိမ်းစစ်ကောင်စီက အသက် ၂၄ နှစ်အရွယ် Pu Rual Cung ကို တစ်လနီးပါး ဖမ်းဆီးထိန်းသိမ်းခဲ့ပြီးနောက် သေဆုံးသွားပြီဟု မိသားစုဝင်များထံ အကြောင်းကြားကာ အလောင်းလည်းပြန်မပေးတော့ကြောင်း သိရသည်။ ဟားခါးမြို့မှ ၃ မိုင်ခန့်အကွာ နှီယာန်လောန်ထာရ်ရွာတွင်နေထိုင်သော Pu Rual Cung သည် ပြီးခဲ့သည့် အောက်တို ဘာလ ၁၂ ရက်နေ့က စစ်ကောင်စီ၏ ဖမ်းဆီးခြင်းခံရသည့်နောက်ပိုင်း မိသားစုနှင့်လည်းအဆက်အသွယ်မရတော့ပဲ တစ်လနီးပါး အကြာ နိုဝင်ဘာလ ၉ ရက်နေ့တွင် သေဆုံးသွားပြီဟု စစ်ကောင်စီက မိသားစုထံအကြောင်းကြားခဲ့ခြင်း ဖြစ်သည်ဟု ဟားခါးမြို့မှ ၎င်းတို့နှင့်နီးစပ်သူတစ်ဦးကပြောသည်။ “သူတို့ရွာဘက်မှာ ပြီးခဲ့တဲ့လက CDF နဲ့ စစ်ကောင်စီတပ်တွေ ပစ်ခတ်တာရှိတယ် အဲဒီပစ်ခတ်မှုဖြစ်ပြီးနောက်မှာ ရွာသားတွေအဖမ်းခံရတော့ သူလည်းပါသွားတယ်၊ သူ့အဖေဆီမှာ စစ်ကောင်စီတွေက ဖုန်းလှမ်းဆက်တော့ နင့်သား သေပြီ အလောင်းလည်းပြန်မရနိုင်ဘူးဆိုပြီးအကြောင်းကြာလာတာ” ဟု ၎င်းတို့နှင့် နီးစပ်သူတစ်ဦးကပြောသည်။ ကလေး ၃ ယောက်ဖခင်ဖြစ်သည့် Pu Rual Cung သည် တောင်ယာခြံစိုက်ခင်းကိုသွားရာမှ စစ်ကောင်စီတပ်ဖွဲ့များ၏ ဖမ်းဆီးခြင်းခံရခြင်းဖြစ်သည်ဟုသိရပြီး ဖမ်းဆီးချုပ်နှောင်ချိန်ကာလတွင်လည်း မိသားစုဝင်များနှင့် တွေ့ဆုံဆက်သွယ်ခွင့်မရရှိခဲ့ပေ။ Pu Rual Cung ၏ အသုဘအစီစဉ်ကို ယမန်နေ့ညက အလောင်းမပါပဲ ဆုတောင်းခြင်းနှင့်ပြုလုပ်ခဲ့ကြသည်ဟု သိရသည်။ ပြီးခဲ့သည့် မေလတုန်းကလည်း စစ်ကောင်စီတပ်ဖွဲ့ဝင်များက ဟားခါးမြို့မှ ဦးတလဲရ်လိန်းနှင့် ဦးခမ်းဘွေတို့နှစ်ဦးကို ဖမ်းဆီးကာ စစ်ဆေးရိုက်နှက်ခံရမှုကြောင့် သေဆုံးသွားခဲ့ကြပြီး ကိုဗစ်-၁၉ ရောဂါကြောင့် သေဆုံးကာ မီးသဂြိုလ်လိုက်သည်ဟု မိသားစုများထံ အကြောင်းကြားခဲ့သည်။

အဆိုပါသတင်းအမှားကို ဝေဖြိုးနိုင် ဆိုတဲ့ Account ကနေစတင်ဖြန့်‌‌‌ဝေခဲ့တာဖြစ်ပြီး “စစ်ကိုင်းတိုင်းဒေသကြီး၊ ကလေးခရိုင်တပ်ဖွဲ့မှူးက ရဲပြေး ဒုကြပ် ဒုန်နှဲမ်လာလ်သည် နိုဝင်ဘာ (၃) ရက်နေ့မှာ CDM ပြုလုပ်သွားရာမှ (၃) ရက်အတွင်းပျောက်ဆုံးနေကြောင်း သိရသည်” လို့ရေးသားဖော်ပြထားတာဖြစ်ပါသည်။ ဒါအပြင် CDF အဖွဲ့အတွင်း လူမျိုးကြီးချင်းမျိုးနွယ်များနှင့် မင်းတပ်အရှိုချင်း ဂန့်ဂေါအဖွဲ့တို့က ပြဿနာလွဲချနေကြပြီး CDM ရဲမေ ဒုန်နှဲမ်လာလ်ကို လက်ခံထားသူအဖွဲ့ကို မေးမရမြန်းမရဖြစ်နေပြီး မည်သည့် CDF အဖွဲ့မှတာဝန်မယူသေးကြောင်းသိရသည်လို့ Facebook စာမျက်နှာမှာရေးသားဖော်ပြထားတာဖြစ်ပါတယ်။ နောက် Thami Lay Account တစ်ခုကလည်း “ဒီသတင်း အရင်ရက်ကလည်းတွေတယ်၊ အပုပ်ချသတင်းလားမသိဆိုပြီး နေလိုက်တာ၊ ဒီနေ့သတင်းထပ်တွ့သလို ချင်းဂျင်းမီးဒီယာ Zalan ကမဟုတ်ဘူးလို့ ထငြင်းတော့ ဟုတ်ဖို့များတယ်လို့သေချာသွားတယ် သူရှင်းထားတာက အဲ့ဒီရဲမေက မိသားစုဆီသွားနေနေတာတဲ့ CDF ထဲရောက်သွားသူတွေ အိမ်ပြန်တယ်လို့ မရှိပါ၊ တကယ်ပြန်အုံးတော့ သက်သေပုံလောက်တော့ ပြနိုင်ရမှာပေါ့၊ အခုတော့စာနဲပဲ ရှင်းထားတော့ သတင်းကမှန်ဖို့များတယ်။ နိုဝင်ဘာ (၃) ရက်မှ CDM ဆိုတော့ တကယ် သူ့စိတ်ရင်းနဲ့ လုပ်တာမဟုတ်လောက်၊ ဖမ်းဆီးအနိုင်ကျင့်ပြီးမှ CDM လုပ်ပါတယ်ဆိုပြီး သတင်းလွင့်တာြဖစ်မယ်“ မူရင်းသတင်းအမှားကို ကိုးကားပြီး ပြန်လည်ဖြည့်စွက်ရေးသားဖော်ပြထားတာတွေ့ရသည်။ CDM ရဲမေ ချင်းမလေး ဒုန်နှဲမ်လာလ်နဲ့ ပတ်သက်သည့် ထွက်ပေါ်နေတဲ့သတင်းအပေါ် သူ့မိတ်ဆွေတစ်ဦးကိုဆက်သွယ်မေးမြန်းခဲ့ရာ “အဲ့သတင်းကအမှားပါ။ ရဲမေးလေနဲ့ ကျမ အဆက်သွယ်ရပါတယ်။ အေးအေးဆေးဆေးပဲရှိပါတယ်။ မိသားစုများနဲ့အဆက်သွယ်မလုပ်နိုင်ဘူးဆိုရင်တောင် အေးအေးဆေးဆေး အဆင်ပြေတဲ့နေရာမှာရှိပါတယ်။” ဟု ပြောပါသည်။ ဒါကြောင့် CDM ရဲမေ ချင်းမလေး…

နိုင်ငံ (၉) နိုင်ငံပါဝင်သည့် အကြမ်းဖက်တိုက်ဖျက်ရေး ဥပဒေအရ People Defense Force (PDF) အဖွဲ့ကို အကြမ်းဖက်အဖြစ် လက်မှတ်ရေးထိုး သဘောတူပြီဆိုတဲ့ သတင်းအမှားတစ်ခုဟာ Facebook စာမျက်မှာပျံ့နှံ့နေပါသည်။ ဒီသတင်းအမှားကို အမျိုးဘာသာချစ်မြတ်နိုးသူများဆုံမှတ် Group မှာတင်ထားတာဖြစ်ပြီး “အာဆီယံ အကြမ်းဖက် ဥပဒေနဲ့ပါထပ်မံငြိစွန်းခဲ့သည့်အတွက် PDF အကြမ်းဖက်အဖွဲ့များကို ရှာဖွေဖမ်းဆီးရန် ဝရမ်းအမိန့်ကို မြန်မာနိုင်ငံ နိုင်ငံတော်ဝန်ကြီးချုပ်လက်မှတ်ရေးထိုးပြီးပေးပို့ခဲ့ပြီး PDF အဖွဲ့များကို ရှာဖွေရှင်းလင်းဖို့ စစ်ဆင်ရေးစီမံကိန်းရေးဆွဲ အကောင်ထည်ဖော်နိုင်တော့မည်လို့“ ရေးသားဖော်ပြထားတာဖြစ်ပါသည်။ အမျိုးဘာသာချစ်မြတ်နိုးသူများဆုံမှတ် Group မှာတင်ထားတဲ့ အကြောင်းအရာကို စိတ်ချယုံကြည်နိုင်တဲ့ သတင်းဌာနကြီးတွေမှာ ရေးသားဖော်ပြထားတာမရှိသလို ၎င်းနဲ့ပတ်သက်တဲ့ အချက်တချို့ကိုလည်း ထုတ်ပြန်ထားခြင်းမရှိပါဘူး။ အာဏာသိမ်းမှုကို လက်မခံသည့် ပြည်သူများစွာဟာ ဒေသပြည်သူကာကြယ္ေရးတပ္ (PDF) ကိုဖွဲ့စည်းပြီး ရရာလက်နက်များဆွဲကိုင်ကာ စစ်ကောင်စီကို တွန်းလှန်နေကြတာဖြစ်ပါသည်။ ယခုကဲ့သို့ သတင်းအမှားများကြောင့် ပြည်သူလူထုကို ယုံမှားသံသပိုတိုးစေပါသည်။ ဒါကြောင့် ပြည်သူများအနေနဲ့ လူမှုကွန်ယက်စာမျက်နှာပေါ်က သတင်းဟူသမျှကို မယုံကြည်ပဲ ယုံကြည်စိတ်ချထိုက်တဲ့ သတင်းဌာနက သတင်းများကိုသာ ဖတ်ရှုသင့်ပါသည်။ ၎င်းသတင်းကို Like & React ပြုလုပ်သူ (455) ယောက်ရှိပြီး ပြန်လည်မျှဝေသူ (177) ယောက်ထိရှိနေတဲ့ သတင်းအမှားတစ်ပုဒ်သာဖြစ်ပါသည်။

“ဒီအိမ်ကို ၂၀၀၂ မှာ ဘုရားကပေးတယ်။ ၂၀၂၁ မှာ ဘုရားက ပြန်ယူတယ်။ နှစ် ၂၀ တိုင် အိမ်ပိုင်ဆိုင်ခွင့်ပေးတဲ့ ဘုရားကို ကျေးဇူးတင်တယ်” အထက်ပါစာသားသည် Hniar Te အမည်ဖြင့် လူမှုကွန်ရက်သုံးစွဲသူတစ်ဦးက သူ၏နေအိမ် မီးလောင်ဆုံးရှုံးပြီးနောက် လူမှုကွန်ရက်ပေါ်၌ ရေးသားခဲ့သည့် စာသားဖြစ်သည်။ ချင်းဘာသာဖြင့် ရေးသားထားသည့် ထိုစာသား မြန်မာဘာသာပြန်ဆိုထားမှုနှင့်အတူ မီးလောင်သွားခဲ့သည့် သူ၏ သုံးထပ်တိုက် နေအိမ်ဓာတ်ပုံကိုလည်း ယှဉ်တွဲဖော်ပြထားပြီး လူမှုကွန်ရက်သုံးစွဲသူများအကြား ပျံ့နှံံ့သွားခဲ့သည်။ အဆိုပါဓာတ်ပုံမှာ ချင်းပြည်နယ် ထန်တလန်မြို့ပေါ်တွင် အောက်တိုဘာ ၂၉ ရက်က ဖြစ်ပွားခဲ့သည့် နေအိမ်ပေါင်း ရာနှင့်ချီ မီးလောင်ဆုံးရှုံးမှုဖြစ်ပွားခဲ့သည့်ဖြစ်စဉ်များထဲမှ အိမ်ရှင်တစ်ဦး၏ ဓာတ်ပုံဖြစ်သည်။ လွတ်လပ်ရေးနှင့်အတူပါလာသည့် ပြည်တွင်းစစ်ကြောင့် မြန်မာနိုင်ငံတွင် လူနေအိမ်များ၊ ကျေးရွာများ မီးရှို့ခံရသည့်ဖြစ်စဉ်များမှာ အထူးအဆန်းမဟုတ်သော်လည်း မြို့ပေါ်ရပ်ကွက်များပေါ်တွင် နေအိမ်ရာနှင့်ချီ မီးရှို့ခံရမှုမှာတော့ ပထမဆုံးဖြစ်သည်။ မီးလောင်ရသည့်အကြောင်းမှာ စစ်ကောင်စီဘက်က လူနေအိမ်များကို လက်နက်ကြီးများဖြင့် ပစ်ခတ်ရာမှ လောင်ကျွမ်းသည်ဟု ဒေသခံတို့က တူညီစွာ ပြောဆိုကြသော်လည်း စစ်ကောင်စီဘက်က ဒေသခံ ကာကွယ်ရေးတပ်ဖွဲ့များကြောင့်ဟု ၎င်းတို့ထိန်းချုပ်ထားသည့် မီဒီယာများမှတဆင့် ပြောဆိုထားသည်။ နံနက် (၁၁) နာရီခန့်မှစတင်၍ လောင်ကျွမ်းခဲ့သည့်မီးသည် ငြှိမ်းသတ်မည့်သူမရှိဘဲ ဆက်လက်လောင်ကျွမ်းခဲ့ရာ နောက်တစ်နေ့ နံနက်ပိုင်းအထိ မီးညွန့်ကျိုးသော်လည်း အရှိန်မသေသေးကြောင်း သိရသည်။ မိုးမရွာသဖြင့်လည်း မီးလောင်မှု ပိုဆိုးဝါးခဲ့ရသည်ဟု ဒေသခံတို့က ဆိုသည်။ CDF-ထန်တလန်က ထုတ်ပြန်သည့် စာရင်းများအရ လူနေအိမ်အလုံးပေါင်း ၁၆၀ ကျော် ဆုံးရှုံးခဲ့သည်။ မီးလောင်ပြာကျသွားသည့် အဆောက်အဦများထဲတွင် Church on…

ချင်းပြည်နယ်၊ ထန်တလန်မြို့ပေါ်တွင် နိုဝင်ဘာလ ၆ ရက် ယနေ့မနက် ၅ နာရီခွဲအချိန်က စစ်ကောင်စီတပ်ဖွဲ့ဝင်များ၏ ထပ်မံမီးရှို့မှုကြောင့် မိဘမဲ့ဂေဟာ အပါအဝင် လူနေအိမ် ၇ အိမ် မီးလောင်ကျွမ်း ပျက်ဆီးသွားသည်ဟု သိရသည်။ “ဒီမနက် ၅ နာရီခွဲကနေပြီး စလောင်တာ အမှတ် ၃ ရပ်ကွက်ထဲမှာမှ နေရာက ၂ နေရာမှာပါ။ တနေရာက မိဘမဲ့ဂေဟာရှိနေရာ PCH လို့ခေါ်တယ် အဲ့မှာ အိမ်သုံးလုံး၊ လမ်းမကြီးဘေးနား စို်က်ပျိုးရေးရပ်ကွက်မှာ ၄ အိမ် အခုချိန်ထိအတည်ပြုလို့ရတာ” ဟု ထန်တလန်မြို့ခံတစ်ဦးက ပြော သည်။ လူနေအိမ်များမှာ စစ်ကောင်စီတပ်ဖွဲ့ဝင်များ၏ ရှို့မီးနှင့် လက်နက်ကြီး၊ တမင်တကာ ပစ်ခတ်မှုကြောင့် မီးစတင်လောင်ကျွမ်းခြင်းဖြစ်သည်ဟု သိရသည်။ စစ်ကောင်စီတပ်ဖွဲ့ဝင်များက ထန်တလန်မြို့ကို မီးရှို့ဖျက်ဆီးသည်မှာ ယခုအကြိမ်နှင့် ၃ ကြိမ်ရှိလာပြီး စက်တင်ဘာလ ၁၈ ရက်နေ့က ၂ဝ အိမ်၊ အောက်တိုဘာလ ၂၉ ရက်က ၁၆၄ အိမ်၊ ယနေ့ နိုဝင်ဘာလ ၆ ရက်အထိ အိမ်ခြေ ၁၉၀ ကျော် လောင်ကျွမ်းပျက်ဆီးသွားပြီဖြစ်ကြောင်းလည်းသိရသည်။ လက်ရှိ မီးလောင်မှုအခြေအနေမှာ မီးညွန့်ကျိုးသွားပြီဟုသိရပြီး မီးခိုးများ ထွက်ရှိနေသေးကြောင်း သိရသည်။ နိုဝင်ဘာလ ၅ ရက်နေ့က ချင်းကာကွယ်ရေးပူးပေါင်းတပ်ဖွဲ့နှင့် စစ်ကောင်စီတပ်တို့သည် ထန်တလန်မြို့တနေရာတွင် တိုက်ပွဲဖြစ်ပွားခဲ့ကြောင်းလည်း သိရသည်။

ချင်းပြည်နယ်တွင် နိုဝင်ဘာလ ၅ ရက်နေ့တစ်ရက်ထဲ မြို့နယ် ၃ နေရာတွင် စစ်ကောင်စီတပ်ဖွဲ့ ဝင်များနှင့် ချင်းပြည်သူ့ ကာကွယ်ရေး ပူးပေါင်းတပ်ဖွဲ့တပ်ဖွဲ့တို့အကြား တိုက်ပွဲဖြစ်ပွားပြီး စစ်ကောင်စီ တပ်သား ၆ ယောက်သေဆုံးပြီး သေနတ် ၃ လက် သိိမ်းဆည်းရမိသည်ဟု ချင်းအမျိူးသားတပ်မတော် CNA ပြောခွင့်ရသူ ဆလိုင်း ထက်နီ ကပြောသည်။ “ရေဇွာတပ်စခန်းကို ကွျွန်တော်တို့ CNA နဲ့ CDF- Zotung ပူးပေါင်းတပ်ဖွဲ့ကပစ်တယ်။ အဲ့ဒီမှာ စစ် ကောင်စီဖက်က ၄ ယောက်သေပြီးမှ သေနတ် ၁လက်ရတယ်။ နောက်ကနေဒီတောင်မှာ ပူးပေါင်း တပ်ဖွဲ့တို့ တိုက်ပွဲဖြစ်တယ်၊ အထိခိုက်တော့ သေချာ မသိဘူး ။ ဒီနေ့ထဲမှာပဲ ထန်တလန်မြို့မှာ တိုက်ပွဲဖြစ်တယ်။ ကျွန်တော်တို့ပူးပေါင်းတပ်ဖွဲ့ ဖက်က ဒဏ်ရာ ၂ ယောက်ရတယ် ဒါပေမယ့်ဒဏ်ရာ အကြီးအကျယ်ရရှိတာတော့ မဟုတ်ဘူး။” ဟု CNA ပြောခွင့်ရသူ ဆလိုင်းထက်နီ ကပြောသည်။ ချင်းပြည်နယ်၊ မတူပီခရိုင်၊ ရေဇွာမြို့ရှိ စစ်ကောင်စီတပ်စခန်းတစ်ခုကို CDF-Zotung နှင့် CNA ပူးပေါင်းတပ်ဖွဲ့ဝင်များက နိုင်ဝင်ဘာလ ၅ ရက်နေ့ မနက် ၉နာရီခွဲခန့်က ဝင်ရောက်တိုက်ခိုက်ကာ မိနစ် ၃၀ ခန့် အပြန်အလှန်ပစ်ခတ်ကြပြီး စကစ တပ်သား ၄ ဦးသေဆုံးခဲ့သည်။ တီးတိန်မြို့နယ်၊ အာလွယ်ရွာနှင့် ဆိုဇံရွာကြားရှိ ကနေဒီတောင်ခြေနားတွင်းလည်း နိုဝင်ဘာလ ၅ ရက်နေ့ ယနေ့မွန်း လွဲပိုင်းက ကလေး- ဂန့်ဂေါ-CDF (KKG)၊ (CDM…

မင်းတပ်-မတူပီလမ်း မိုင်တိုင် ၆ မိုင် အကျော်တွင် နိုဝင်ဘာ ၄ ရက်​နေ ့မနက် ၈ နာရီခွဲကစ၍ စစ်ကြောင်းထိုး လာသော စစ်ကောင်စီတပ်နှင့် CDF-MINDAT တိုက်ပွဲဖြစ်ပြီး၊ CDF-MINDAT ထောင်ထားသော ပဒေသာမိုင်းကြောင့် စကစ ၅ ဦး ခန့်သေဆုံးပြီး ဒဏ်ရာရသူများရှိသည်။ ယင်းပဒေသာမိုင်းခွဲချိန်တွင် မှိုင်းတိုက်သွား၍ ကောင်းကောင်း မမြင်ရဘဲမှန်းပြီးခွဲလိုက်ရာတွင် အနည်းငယ်စောသွားသည့် စကစများ အထိနည်းခဲ့သည်ဟု သိရသည်။ ထို့နောက် မင်းတပ်-မတူပီ မိုင်တိုင် ၄၃ တွင် သံချပ်ကာကားပါ စကစ ယဉ်တန်းရှည်ကို CDF-MINDAT က ရှေ့နောက်ညှပ်တိုက်ရာ စကစ ၂၀ ဦးခန့်ကျဆုံးပြီး ဒဏ်ရာရသူ အများအပြားရှိခဲ့သည်။ အနောက်‌ဘက်မှတိုက်သူများက စကစယဉ်တန်း၏ နောက်ဆုံးကားကို တိုက်ခိုက်နေချိန်တွင် ယဉ်မောင်းက ‌ကားကိုမောင်းပြေးသဖြင့် ကားအောက်ဝင်ပုန်းနေသော စကစများ အကာအကွယ်မဲ့ပြီး အကျအဆုံးများခြင်းဖြစ်သည်။ ယဉ်မောင်းက ကားမောင်းပြေးသဖြင့် ကားအောက်တွင်ဝပ်နေရာယူသော စကစတပ်သားများ ကား‌နောက်အမှီ ပြန်‌ပြေး လိုက်နေချိန်တွင် CDF-MINDAT ၏ ဝိုင်းဝန်း ပစ်ခတ်မှုကြောင့် အကျဆုံး များခြင်းဖြစ်သည်ဟု CDF-MINDAT ကထုတ်ပြန်သည်။

ကလေးမြို့နယ်တောင်ပိုင်း၊ ကလေး-ဂန့်ဂေါ ကားလမ်းမပေါ်ရှိ မှန်တောကျေးရွာအတွင်းမှ လူနေအိမ်များကို စစ်ကောင်စီတပ်ဖွဲ့ဝင်များက ဖောက်ထွင်းပြီး အဖိုးတန်ပစ္စည်းများကို ခိုးယူသယ် ဆောင်သွားသည်ဟု PDF-Kalay သတင်းထုတ်ပြန်ချက်အရ သိရသည်။ နိုဝင်ဘာလ ၄ ရက်နေ့က ကလေးမြို့ဘက်မှ တောင်ပိုင်းကို ထွက်ခွာလာသော စစ်ကောင်စီကား ၃၀ ကျော်ပါဝင်သော စစ်ယာဉ်တန်းမှာ ညနေ ၆ နာရီဝန်းကျင်တွင် မှန်တောကျေးရွာအတွင်း ဝင်ရောက်ပစ်ခတ်သည့်အပြင် ရွာအတွင်းရှိ လူနေအိမ် ၁၁ အိမ်အတွင်းမှ ရွှေ၊ ငွေ၊ ဆိုင်ကယ်၊ အိမ်သုံးဆောင် အဖိုးတန်ပစ္စည်းများကို ယူဆောင်ပြီး ခန့်မှန်းချေတန်ဖိုးမှာ သိန်း ၂၀၀ ခန့်ရှိသည်ဟု ဖော်ပြထားသည်။ ၎င်းအပြင် မှန်တောကျေးရွာမှ နာတာရှည်ရောဂါဝေဒနာခံစားနေရသော ဦးနိုင်နိုင်နေအိမ်မှ အောက်ဆီဂျင်စက် အကြီးတစ်လုံး ယူဆောင်သွားသည့်အပြင် တောင်သူဦးဒုတ်ထောင်းထံမှ နွားရောင်းချငွေ ၂၁ သိန်းကိုလည်း စစ်ကောင်စီတပ်ဖွဲ့ဝင်များက ခြိမ်းခြောက်လုယူသွားကြောင်းလည်း ယင်းထုတ်ပြန်ချက်တွင် ပါရှိသည်။ နိုဝင်ဘာလ ၅ ရက်နေ့ မနက် ၈ နာရီခွဲက ကလေးမြို့ဘက်မှ တောင်ပိုင်းကို ဦးတည်လာသော စစ်ယာဉ်တန်း ၃ စီးကို သာယာကုန်းရွာနှင့် ထောက်ကြံရွာကြားတွင် ကလေး-PDF တပ်ဖွဲ့ဝင်များက မိုင်းဆွဲတိုက်ခိုက်ခဲ့ခြင်းကြောင့် စစ်ကားကြီး ၁ စီး ထိမှန်ကာ စစ်ကောင်စီတပ်ဖွဲ့ ၂ ဦးသေဆုံးခဲ့ပြီး ဒဏ်ရာရသူအများအပြားရှိသည်ဟု သိရသည်။

ချင်းပြည်နယ် ကန်ပက်လက်မြို့နယ် ကျင်​ဒွေးမြို ့အနီးတွင် CDF-Kanpetlet နဲ့ စစ်ကောင်စီတပ်ဖွဲ့တို့ ယနေ့ နိုဝင်ဘာလ (၄) ရက် မနက် ၈ နာရီမှ ၁၁ နာရီခန့်အထိ သုံးနာရီကြာ တိုက်ပွဲဖြစ်ပွားကာ စကစဘက်မှ ၅ ဦးသေဆုံးကာ အများအပြားဒဏ်ရာရရှိပြီးနောက် ပြန်လည်ဆုတ်ခွါသွားကြသည်ဟု CDF-Kanpetlet ထံမှ သိရသည်။ “ကျင်းဒွေးမြို့မှာ တပ်စွဲထားတဲ့တပ်တွေပေါ့၊ သူတို့ကတပ်စွဲထားတာကြာပြီ။ သူတို့က မြို့ထဲမှာနေတယ်။ ကျွန် တော်တို့လည်း မြို့ရဲ့မလှမ်းမကမ်း CDF ရဲ့ထိန်းချုပ်ဧရိယာပေါ့ သူတို့ကျင်းဒွေးမြို့ကနေ ဒီနေ့ ၈နာရီ မှာ ထွက်လာတာ ဖုံတွီးကျင်းဖက်ကိုကျော်လာကြပြီး အဲ့ဒီမှာ ကင်းကျတဲ့ CDF တွေနဲ့ ထိပ်တိုက်ပစ်ခတ်ခဲ့ကြတာ” ဟု Kanpetlet-CDF တပ်မမှုးက ပြောသည်။ ကျင်းဒွေးမြို့၊ ဖုံတွီးကျင်းရပ်ကွက်အထက်ပိုင်းတွင် စစ်ကောင်စီတပ်ဖွဲ့များက Kanpetlet-CDF ထိန်း ချုပ်နယ်မြေအတွင်း မော်တော်ဆိုင်ကယ် ၁၀ စီးဖြင့် တပ်သား အယောက် ၃၀ ခန့် ဝင်လာရာမှ နှစ်ဖက်ထိတွေ့မှုရှိပြီး သုံးနာရီအကြာတိုက်ပွဲဖြစ်ပွားခဲ့ခြင်းဖြစ်သည်။ အဆိုပါ တို်က်ပွဲတွင် စစ်ကောင်စီတပ်ဖွဲ့ဝင်မှ သေဆုံးသူများနှင့် ဒဏ်ရာရသူအများအပြားဖြင့် ပြန်လ ည်ဆုတ်ခွာသွားကြပြီး Kanpetlet-CDF မှ ထိခိုက်ကျဆုံးမှုမရှိကြောင်းလည်း သိရသည်။ ကျင်းဒွေးသည် ယခင်အစိုးရလက်ထက်တွင် မြို့ရရှိခဲ့ခြင်းဖြစ်ပြီး ကန်ပက်လက်မြို့နှင့် ၂၅ မိုင်ခန့်ကွာဝေးသည်ဟု သိရသည်။ ချင်းပြည်နယ်၊ ကန်ပက်လက်မြို့နယ်တွင် စစ်ကောင်စီတပ်ဖွဲ့များ အနေဖြင့် နယ်နိမိတ်ကျူးကျော်ဝင်ရောက်လာခြင်းနှင့် စစ်ကြောင်းထွက်လာမည်ဆိုပါက နှစ်ဖက်ကြား တိုက်ပွဲဖြစ်ပွားလာနိုင်ချေနှင့် တိုက်ပွဲပြင်းထန်မှုများရှိလာနိုင်ကြောင်းလည်း သိရသည်။