ချင်းပြည်နယ်၊ မတူပီမြို့တွင် အာဏာသိမ်းစစ်ကောင်စီတပ်ဖွဲ့က ဖမ်းဆီးခဲ့သော လူငယ်(၅) ဦးကို ယနေ့ ၁ နာရီိတွင် ရုံးထုတ်ခဲ့ပြီး လာမည့် ဇူလိုင် ၂၆ ရက်နေ့တွင် ရုံးပြန်ချိန်းကာ မိသားစုဝင်များက ပြည်နယ် စစ်ကောင်စီထံအသနားခံစာ တင်ရန်စီစဉ်နေကြောင်း သိရသည်။ “ဒီနေ့တော့ ၁ နာရီ ရုံးထုတ်ဖြစ်တယ်၊ မိဘတွေနဲ့ ပေးတွေ့ရပေမယ့် နီးနီးကပ်ကပ် မနေရဘူး.. ခပ်ခပ်ခွာခွာ စကားပြောဆိုရတယ်၊ သူတို့တော့ ကျန်းမာရေးတော့ ကောင်းကြပါတယ်၊ တရားရုံးမှာ အရင်ကဆိုရင် အထဲ မှာ မိသားစုဝင်တွေက ဝင်နားထောင်လို့ရတယ်၊ အခုတော့ မဝင်ခိုင်းတော့ဘူးဆိုတော့ ဘာပြောလဲဆို တာလည်း မသိရတော့ဘူး၊ ကိုဗစ်ကြောင့် ပေးမဝင်တော့ဘူးဆိုတော့၊ အခု သူတို့က ကလေး (၅) ဦးကို အသနားခံစာတင်ခိုင်းတယ်၊ ပြည်နယ်မှာ ဟားခါးကို တင်ခိုင်းတယ်၊ သူတို့ပြန်လွတ်ပေးဖို့ပေါ့လေ” ဟု အမည်မဖော်လိုသည့် ဆွေးမျိုးတော်စပ်သူတစ်ဦးက ပြောသည်။ ၎င်းတို့ (၅) ဦးကို ဧပြီလ ၇ ရက် ၈ ရက်နေ့တွင် ရဲနှင့်စစ်တပ်က စစ်အာဏာရှင်ဆန့်ကျင်ရေးလှုပ်ရှားမှုနှင့် CDM လှုပ်ရှားမှုတို့တွင် ပါဝင်ကြသည်ဟု သံသယရှိသောကြောင့် ဖမ်းဆီးခဲ့ခြင်းဖြစ်သည်။ မတူပီမြို့တွင် အဖမ်းခံရသူ (၅) ဦးမှာ တက္ကသိုလ်ကျောင်းသား Salai Timothy, Salai Titus, Salai Jahn, Salai Naung Naung နှင့် (Joshep Oxygen) ပရဟိတအသင်းဥက္ကဌ ဦးထွန်းလင်းဦးတို့ဖြစ်ကြပြီး ၎င်းတို့ကို ပုဒ်မ ၅၀၅ (က) ဖြင့် အမှုဖွင့်ကာ…
Author: Editor
ချင်းပြည်နယ်တောင်ပိုင်း ပလက်ဝမြို့ပေါ်ရှိ နိုဘလ်ဘော်ဒါကျောင်းဆောင်တွင် ကိုဗစ်ပိုးရှိမရှိယနေ့စစ်ဆေးရာ ကျောင်း သား ကျောင်းသူ ၁၉ ယောက်ထံ ကိုဗစ်ပိုးတွေ့ရှိသည်ဟုသိရသည်။ နိုဘလ်ဘော်ဒါဆောင်တွင် ညအိပ်နှင့်အပြင်မှလာရောက်တက်ရောက်သည့် ၁၀ တန်းကျောင်းသူကျောင်းသား အယောက် ၃၀ ခန့်ရှိသည့်နက် ၁၉ ယောက်ထံကိုဗစ်ပိုးတွေ့ရှိခြင်းဖြစ်ပြီး မကြာသေးခင်ရက်ပိုင်းက ပုသိမ်ဘက်မှကျောင်းလာအပ် သည့်တစ်ယောက်ထံမှ စတင်ကူးစက်လာခြင်းဖြစ်နိုင်သည်ဟု နိုဘလ်ဘော်ဒါဆောင်ပိုင်ရှင် ဆရာကျော်ထိုက်ကေ ပြာသည်။ “ပုသိမ်ဘက်ကနေ ကျောင်းလာအပ်တဲ့တစ်ယောက် ပုသိမ်-စစ်တွေ-ကျောက်တော်ရယ်ဖြတ်ပြီးတော့ ပီချောင်းဘက်ကေ နလာတာပေါ့ ကျန်းမာရေးဌာနက သူနာပြုဆရာမတစ်ဦးရဲ့အမျိူးပဲ ကျနော်တို့လည်း ကျောင်းဖွင့်တာမကြာသေးဘူးလေ ကျောင်းလာအပ်တော့ တစ်ညလောက်တော့အိပ်တယ် နေမကောင်းဘူးဆိုပြီး သူ့အမျိူးအိ်မ်ပြန်သွားတယ်၊ ကျနော်တို့ လည်းသတိမထားမိဘူး ဒီမနက်ကျမှဘဲ အဲဒီသူနာပြုဆရာမတို့မိသားစုတစ်စုလုံးက ကိုဗစ်ပိုးတွေ့နေတယ်ဆေးရုံမှာ ဝင်နေရတယ်ဆိုပြီးမှ ကျနော်တို့လည်းစိတ်မချတော့ စစ်ဆေးတာ ကိုဗစ်ပိုးတွေ့တာပေါ့’’ ဟု ဆရာကျော်ထိုက်ကေ ပြာသည်။ နိုဘလ်ဘောဒါဆောင်မှ ပိုးတွေ့လူနာများကို ပလက်ဝမြို့ အ.ထ.က ကျောင်းဆောင်တွင် သီးသန့်ထားရှိရန်စီစဉ်ထားကြ သည်ဟု သိရပြီး ကိုဗစ်ပိုးမတွေ့သည့် ကျန်ကျောင်းသူကျောင်းသားများကိုလည်း ကွာရန်တင်းထားရှိသွားမည်ဟု ၎င်းက ဆက်ပြောသည်။ ယခုလက်ရှိ ပလက်ဝမြို့တွင် နိုဘလ်ဘော်ဒါဆောင်မှ ကျောင်းသူကျောင်းသား ၁၉ ဦးနှင့် အဆိုပါ ကျန်းမာရေးဝန်ထမ်း သူနာပြုဆရာမ မိသားစု ၆ ဦး စုစုပေါင်း ၂၅ ဦးကိုဗစ်ပိုးကူးစက်ခံနေရခြင်းဖြစ်သည်။ နိုဘလ်ဘော်ဒါဆောင်သည် ၁၀ တန်းကျောင်းသူကျောင်းသားများအား သင်ကြားပေးနေသည့် ဘော်ဒါကျောင်း ဆောင်ဖြစ်ပြီး ဇူလိုင်လ ၂ ရက်နေ့ကစ၍ ပြန်လည်ဖွင့်လှစ်ခဲ့ခြင်းဖြစ်သည်ဟုသိရသည်။ ပလက်ဝမြို့တွင် ပြီးခဲ့သည့်ဇွန်လဆန်းပိုင်းက ကိုဗစ် ၁၉ ရောဂါကူးစက်ခံရသူ ၇ ဦးတွေ့ရှိပြီး ကျန်းမာရေးပြန်လည်ကော င်းမွန်သည့်အတွက် ဆေးရုံမှအသီးသီးဆင်းသွားကြပြီဖြစ်သည်။ မြန်မာနိုင်ငံတွင်…
ချင်းပြည်နယ်တောင်ပိုင်း၊ မတူပီမြို့တွင် ဇူလိုင်လ ၁၁ ရက်နေ့အထိ ကိုဗစ်-၁၉ ရောဂါပိုးတွေ့လူနာ ၂၀ ဦး တွေ့ရှိခဲ့ပြီး လက်ရှိ ၁၉ ဦး ဆေးကုသမှုခံယူနေကြောင်းသိရသည်။ “ကိုဗစ်ပိုးတွေ့က အယောက် ၂၀ တော့ရှိတယ်၊ အရင်ဆုံးပိုးတွေ့တော့ ကျန်းမာသွားလို့ ဆင်းခွင့်ပြု လိုက်ပြီဆိုတော့ အခု ၁၉ ယောက်ဖြစ်မှာ၊ အများအားဖြင့် အောက်ပြည် ရန်ကုန်ကနေ လာတဲ့သူတွေ စီမှာ တွေ့တာ၊ စစ်ဖြစ်မှာစိုးရိမ်လို့ နေရာအသီးသီးကို ထွက်ပြေး၊ ရှောင်တဲ့သူတွေရှိတယ်၊ အခု သူ တို့ပြန်လာတဲ့သူမှာတွေ့တာ၊ မြို့တွင်းမှာ တွေ့တဲ့သူမရှိဘူး ခရီးဝေးကနေ လာတဲ့သူစီမှာပေါ့၊ အခုပိုး တွေ့တဲ့သူအားလုံးက ဆေးရုံမှာပဲ၊ ကျန်းမာရေးအကုန်ကောင်းကြတယ်၊” ဟု မတူပီမြို့ခံတစ်ဦး ကပြောသည်။ မတူပီမြို့က ကိုဗစ်ပိုးတွေ့လူနာများနှင့် ထိစပ်မှုရှိသောကြောင့် ကွာရန်တင်းဝင်နေရသူ လူဦးရေ ၅၀ ဝန်းကျင်ခန့်ရှိပြီး န.တ.လ ကျောင်း နှင့် အိမ်တွင်းမှု အသက်မွေးကျောင်းတို့တွင် အသွားအလာကန့် သတ်ထားရှိကြောင်းလည်းသိရသည်။ ချင်းပြည်နယ်တွင် ကိုဗစ်-၁၉ ရောဂါကူးစက်မှုမြင့်တက်နေခြင်းကြောင့် မတူမြို့နယ်၊ လိုင်လင်းပီမြို့ အဝင် အထွက်များကို ဇူလိုင်လ ၁၀ ရက်နေ့ကစပြီး ၃၁ ရက်နေ့အထိ ယာယီပိတ်ထားကြောင်းကို လည်း သိရသည်။ မြန်မာနိုင်ငံတွင် စစ်တပ်က အာဏာမသိမ်း ယခင် ကိုဗစ် ၁၉ ပထမ နှင့် ဒုတိယလှိုင်းကာလတွင် Covid -19 ရောဂါ ကာကွယ်ထိန်းချုပ်တားဆီးရေးနှင့် ကုသရေးအပိုင်းများတွင် အစိုးရနှင့် အရပ်ဖက်အဖွဲ့အ စည်းများ ပူးပေါင်းပြီး ထိရောက်စွာ ဆောင်ရွက်နိုင်ခဲ့သော်လည်း စစ်အာသိမ်းပြီးနောက် စစ်ကောင်စီက…
စစ်ကိုင်းတိုင်းဒေသကြီး၊ တမူးခရိုင်၊ ထုံကတင်အုပ်စု၊ နောင်ကက်ရွာသစ်က ဆယ်ကျော်သက်အရွယ် ချင်းလူငယ် (၄) ဦးကို ဇူလိုင်လ ၁၀ ရက်နေ့ညက စစ်ကောင်စီတပ်ဖွဲ့က ပစ်သတ်ကာ အလောင်းဖျောက်ထားသည်ဟု သိရသည်။ ဖြစ်စဉ်မှာ နောင်ကက်ရွာသစ် (Zalenphai) ကျေးရွာမှ လူငယ် ၆ ဦးသည် ဇူလိုင်လ ၁၀ နေ့ည ၁၀ နာရီခန့်က ရွာသို့ပြန်လာစဉ် ကျွန်းပင်သာနှင့် မင်းသာကျေးရွာတံတားတွင် စစ်ကောင်စီတပ်ဖွဲ့ဝင်များက သေနတ်ဖြင့်ပစ်ခတ်မှုကြောင့် လူငယ် ၂ ဦး ပွဲချင်းပြီးသေဆုံးကာ ဒဏ်ရာရရှိသည့် ၃ ယောက်ကို ဖမ်းဆီးခေါ်ဆောင်သွားပြီး တစ်ယောက်မှာ ထွက်ပြေးလွတ်မြောက်ခဲ့သည်ဟု နောင်ကက်ရွာသစ်ဒေသခံများထံမှ သိရသည်။ အဖမ်းခံရသည့် ၃ ယောက်ကို မင်းသာအခြေစိုက်တပ်စခန်းသို့ ခေါ်ဆောင်ပြီး ဇူလိုင်လ ၁၂ ရက်နေ့တွင် တစ်ယောက်သာပြန်လွှတ်ပေးခဲ့ပြီး ကျန် ၂ ဦးမှာ သေဆုံးပြီး မြေမြုပ်လိုက်ကြောင်း မိသားစုထံ စစ်ကောင်စီက ပြောဆိုခဲ့သည်ဟု နောင်ကက်ရွာသစ်ဒေသခံတစ်ဦးက ပြောသည်။ “အခင်းဖြစ်တဲ့နေရာမှာ တယောက်က လွတ်သွားတယ်၊ သူလဲ ခြေသလုံးမှာဒဏ်ရာနဲ့ ဒီနေ့သွားတော့ ဆိုင်ကယ် ၂ စီးနဲ့ လူတယောက်ကို ပြန်လွတ်ပေးခဲ့တယ်၊ ဆိုင်ကယ်တွေလည်း လေလုံးတွေလည်း ပစ်ဖောက်ကြတယ်၊ ၄ ယောက်က သေသွားတယ်တဲ့၊ အလောင်းကို ပြန်တောင်းတော့ ပြန်မတောင်းနဲ့ မနေ့ကမြုပ်လိုက်ပြီလို့ ပြောတယ်၊ မြုပ်တဲ့နေရာလည်း မသိရသေးဘူး၊ တခြားဘာမှလည်းမပြောဘူး” ဟု နောင်ကက်ရွာသစ်ဒေသခံက ပြောသည်။ စစ်ကောင်စီပစ်ခတ်မှုကြောင့် သေဆုံးသူ ၄ ဦးမှာ ငမ်ကျင်ပေါင်၊ မာန်ဂိုး၊ ဒိုခိုလက်၊ ပေါင်ဂင်းမာန်တို့ဖြစ်ပြီး အသက်ရှင်လွတ်မြောက်လာသူ…
အာဏာသိမ်းစစ်ကောင်စီက ဖမ်းဆီးပြီး ပုဒ်မ ၅၀၅ (က) ဖြင့် အမှုဖွင့်ခံထားရသည့် ချင်းလူငယ် ၅ ဦးကို ရခိုင်ပြည်နယ်၊ စစ်တွေမြို့တွင် တစ်လနီးပါးခန့် ထိန်းသိမ်းထားပြီးနောက် ယမန်နေ့ ဇူလိုင်လ ၁၁ ရက်နေ့က ချင်းပြည်နယ်၊ ပလက်ဝမြို့သို့ ပြန်ပို့ခဲ့သည်ဟု သိရသည်။ “မနေ့က ၂ နာရီလောက်က ရောက်လာကြတယ်၊ ကျမတို့ လမ်းဘေးနားကစောင့်ပြီး စကားတော့ ပြောလို့မရဘူးပေါ့၊ လက်ပြနှုတ်ဆက်တာတို့တော့ရတယ်၊ ကျန်းမာရေးတော့ ကောင်းကြတယ်၊ သူတို့ရောက်လာတော့ ကိုဗစ်လည်း စစ်ကြတယ်၊ ပိုးမတွေ့ဘူး၊ အခု သူတို့ကို ပလက်ဝရဲစခန်းမှာ ထားတယ်” ဟု အမည်မဖော်လိုသည့်နီးစပ်သည့်ဆွေမျိူးတစ်ဦးက ပြောသည်။ ၎င်းတို့ ၅ ဦးကို ယနေ့ ဇူလိုင်လ ၁၂ ရက်နေ့ နံနက်ပိုင်း ၁၁ နာရီခန့်က ပလက်ဝမြို့တရားရုံးတွင် ရုံးထုတ်ခဲ့သော်လည်း အမှုစစ်ဆေးမှု တစ်စုံတစ်ရာမရှိဘဲ ဇူလိုင်လ ၂၀ ရက်နေ့ကို ရုံးပြန်ချိန်းသည်ဟု သိရသည်။ “ဒီမနက်တော့ ၁၁ နာရီ ရုံးထုတ်တယ်၊ မနေ့ကရောက်တယ်ဆိုတော့ ဒီနေ့ကတော့ စွဲချက်တင်တာပဲရှိသေးတယ်။ လာမယ့် ၂၀ ရက်ကို ရုံးပြန်ချိန်းတယ်၊ ဒီနေ့တော့ မိသားစုဝင်တွေအကုန်လုံးပဲ တရားရုံးမှာစောင့်ပြီးတော့ ခနလေး မိနစ်ပိုင်းလေးတော့ တွေ့ခွင့်ရပါတယ်” ဟု ဖမ်းဆီးခံထားရသော မိသားစုဝင်တစ်ဦးက ပြောသည်။ ပလက်ဝမြို့တွင် မေလ ၂၈ ရက်နေ့က ဗုံးနှစ်ကြိမ်ပေါက်ကွဲမှု ဖြစ်ပွားခဲ့သည့်နောက်ပိုင်း အာဏာသိမ်းစစ်ကောင်စီသည် မြို့ပေါ်ရှိ အရပ်ဘက်အဖွဲ့အစည်းများတွင် အလုပ်လုပ်ကိုင်နေသူများအပါအဝင် လူငယ် ၁၈ ဦးကို ဖမ်းဆီးခဲ့ပြီး ၁၃ ဦးကို…
စစ်ကိုင်းတိုင်းဒေသကြီး၊ တမူးခရိုင်၊ မြို့သစ်မြို့နယ်ခွဲ မင်းသာကျေးရွာအုပ်စု ကျွန်းပင်သာကျေးရွာမှ ချင်းလူငယ် ၄ ဦးကို ဇူလိုင်လ ၉ ရက်နေ့ ည ၁၀ နာရီအချိန်တွင် စစ်ကောင်စီက ဖမ်းဆီးခေါ်ဆောင်သွားပြီး လက်ရှိအချိန်ထိ မိသားစုဝင်များနှင့် တွေ့ခွင့်မရရှိသေးကြောင်း သိရသည်။ “၉ ရက်နေ့ဖမ်းတာ၊ ဘာကြောင့်ဖမ်းလဲတော့ မသိဘူး၊ ၂ ယောက်က ရွာထဲမှာဖမ်းတာ၊ ၂ယောက်ကတော့ လယ်တောမှာ အိပ်တဲ့သူတွေပါ၊ ဖမ်းတဲ့ထဲက လူငယ် ၂ ယောက်လည်းပါတယ်၊ အခု သူတို့ကို တမူးတပ်စခန်းမှာထားတယ်၊ အရင်တုန်းကဆို ရဲစခန်းကိုလွဲတယ်၊ အခုက လွှဲပါ့မလားမသိဘူး၊ သူတို့နဲ့လည်း ဘယ်သူနဲ့မှ မတွေ့ခိုင်းဘူး၊ မနေ့က သူတို့မိသားစုဝင်တွေသွားတော့လည်း တွေ့လို့မရဘူး၊ သူတို့ကိုဖမ်းတဲ့အချိန်က ညဆိုတော့ ဘာမှလဲမတွေ့တော့ ဖမ်းတဲ့အချိန် ရိုက်နှက်လား ဆိုတာလည်း မသိရဘူး၊ အကျိုးအကြောင်းက သူတို့နဲ့တွေ့ရမှပဲ သိရမှာ၊ သူတို့က လယ်တောလုပ်တဲ့သူတွေပါ၊ ရဲကားလာတာနဲ့ သက်ဆိုင်သွားလို့ ဖမ်းဆီးခေါ်ဆောင်ခံရတာ” ဟု ဒေသခံတစ်ဦးက ပြောသည်။ အဆိုပါဖမ်းဆီးခံရသူ (၄) ဦးမှာ ကိုဟင်လင်းမာန်၊ ဦးရမ်လင်မုံ၊ ကိုဆွန်မင်ထန်၊ ကို Lal lin san၊ တို့ဖြစ်ကြပြီး လက်ရှိတွင် ၎င်းတို့ကို တမူးမြို့ တပ်စခန်းတွင်ထားရှိသည်ဟု သိရသည်။ ကျွန်းပင်သာကျေးရွာသည် တမူးမြို့မှ ၁၉ မိုင်ခန့်ကွာဝေးပြီး ကူကီးချင်းမျိုးနွယ်စု အများဆုံးနေထိုင်ကြကြောင်း သိရသည်။
စစ်ကိုင်းတိုင်းဒေသကြီး၊ တမူးခရိုင်၊ ထုံကတင်အုပ်စု၊ နောင်ကက်ရွာသစ်က ချင်းလူငယ် ၂ ဦးကို ဇူလိုင် ၁၀ ရက်နေ့ညက အာဏာသိမ်းစစ်ကောင်စီတပ်ဖွဲ့က ပစ်သတ်ပြီး အလောင်းလာယူရန် ယင်းနေ့ညနေပိုင်းတွင် မိသားစုဝင်ထံ အကြောင်းကြားလာသည်ဟု သိရသည်။ “သေတာ ၂ ဦးပါ၊ သူ့တို့ အလောင်းကို တမူးရင်ခွဲရုံကနေ ဖုန်းဆက်လာတယ်၊ လာယူဖို့ ညနေပိုင်းမှာ အကြောင်းကြားလာတယ်။ အခုချိန်ဆို ရင် သွားသယ်လောက်ပြီထင်တယ်၊ သေတာ ၂ ဦး၊ ဒဏ်ရာရတာက ၁ ယောက်၊ ထွက်ပြေးတဲ့သူတွေလည်းရှိတယ်လို့ သိရတယ်၊ လူငယ်တွေဆိုတော့ နာမည်တွေတော့ မသိဘူး” ဟု ဒေသခံတစ်ဦးက ပြောသည်။ ဖြစ်စဉ်မှာ ဇူလိုင်လ ၁ဝ ရက်နေ့ ည ၁၀ နာရီဝန်းကျင်တွင် စစ်ကောင်စီတပ်ဖွဲ့များက ကျွန်းပင်သာကျေးရွာတွင် သေနတ်များပစ်ဖောက်သည့်အပြင် မင်းသာတံတားအနီးတွင် ကူကီချင်းလူငယ် ၆ ဦးတို့နှင့်တွေ့ဆုံခဲ့ပြီး ပစ်ခတ်ခဲ့သောကြောင့် ၂ ဦးသေဆုံးခဲ့ပြီး တံတားပေါ်မှ ခုန်ဆင်းသော (၁) ဦးကိုလည်း စစ်ကောင်စီမှ တရစပ်ပစ်ခတ်ခဲ့တာတွေရှိသည့်အပြင် ထွက်ပြေးလွတ်မြောက်သူလည်းရှိသည်ဟု ဒေသခံတစ်ဦးထံက သိရသည်။ ၎င်းတို့ (၆) ဦးမှာ ဆယ်ကျော်သက်လူငယ်များဖြစ်ကြပြီး နောင်ကက်ရွာသစ်တွင် နေထိုင်ကြကြောင်း သိရသည်။ နောင်ကက်ရွာသစ်သည် တမူးမြို့နှင့် မိုင် ၂၀ ခန့်ဝေးပြီး ကူကီးချင်းလူမျိုး အများစုနေထိုင်သည်ဟုလည်း သိရသည်။
(ဆလိုင်းရောဘတ်) မြန်မာနိုင်ငံမှာ ဖေဖော်ဝါရီလ ၁ ရက်နေ့က စစ်အာဏာသိမ်းပြီးနောက်ပိုင်းမှာ ကိုဗစ်-၁၉ တတိယလှိုင်းဟာ မေလကုန်ပိုင်းကစပြီး တကျော့ပြန်ဖြစ်ပွားခဲ့ကာ အထူးသဖြင့် ချင်းပြည်နယ်နဲ့ ချင်းလူမျိူးအများစုနေထိုင်ကြတဲ့ ကလေးမြို့မှာ ကိုဗစ်-၁၉ ကူးစက်မှုနှုန်း အဆမတန်မြင့်မားနေပြီး ကိုဗစ်ကြောင့် သေဆုံးမှုတွေလည်း စံချိန်တင်မြင့်မားနေပါတယ်။ ကလေးမြို့ ခရစ်ယာန်သချိုင်းမှာ ပြီးခဲ့တဲ့ ဇွန်လ ၁ ရက်နေ့ကနေ ၃၀ ရက်နေအထိ တစ်လအတွင်း အမျိုးသား (၁၆၈) ဦး၊ အမျိုးသမီး (၁၀၂) ဦး စုစုပေါင်း ၂၇၀ ဦး သဂြိုလ်ခဲ့ရပြီး အဲဒီထဲမှာ သိက္ခာတော်ရဆရာတော် (၁၉) ဦး၊ ကက်သလစ်ဘုန်းတော်ကြီး Father (၃) ဦးနဲ့ အသက် ၄၀ အောက် လူလတ်ပိုင်း (၂၈) ဦး ပါဝင်တယ်လို့ ကလေးမြို့ ခရစ်ယာန်သချိုင်းကော်မတီမှ စာရင်းအရ သိရပါတယ်။ ကလေးမြို့ပေါ်မှာ ကိုးကွယ်ရာဘာသာအလိုက် သချိူင်းကိုယ်စီရှိကြပြီး အဲဒီသေဆုံးမှုစာရင်းဟာ ကလေးမြို့ပေါ်က ခရစ်ယာန်ဘာသာဝင်တွေရဲ့စာရင်းသာဖြစ်ကာ တခြားဘာသာဝင်တွေသေဆုံးမှုနဲ့ ကျေးရွာဘက်က သေဆုံးမှုစာရင်းတွေကိုပါ ထည့်ပေါင်းမယ်ဆိုရင် တစ်လအတွင်း သေဆုံးမှုဟာ အယောက် ၅၀၀ နီးပါးလောက်ရှိမယ်ဆိုပြီး ခန့်မှန်းကြပါတယ်။ ဇွန်လကုန်လို့ ဇူလိုင်လထဲရောက်ရှိလာပေမယ့် ကလေးမြိုရဲ့ ကိုဗစ်ကူးစက်မှုနဲ့ သေဆုံးမှုနှုန်းကတော့ လျှော့ကျမသွားဘဲ ဆက်လက်မြင့်တက်နေဆဲဖြစ်ပါတယ်။ ဇူလိုင်လ ၁ ရက်နေ့ကနေ ဇူလိုင်လ ၈ ရက်နေ့အထိ ကလေးမြို့မှာ ကိုဗစ်ရောဂါ အတည်ပြုလူနာနဲ့ သံသယလူနာသေဆုံးမှု စုစုပေါင်း ၂၂၉ ဦးရှိခဲ့ပြီး ၈ ရက်အတွင်းမှာ လူပေါင်း ၂၂၉ ဦး သေဆုံးတဲ့အတွက်ကြောင့်…
ချင်းပြည်နယ်တောင်ပိုင်း မင်းတပ်မြို့နယ်တွင် CDF-Mindat နှင့် အာဏာသိမ်းစစ်ကောင်စီတို့ကြား အပစ်ခတ်ရပ်စဲမှု ယာယီထပ်မံတိုးမြှင့်ထားပြီး တရားဝင်ရက်သတ်မှတ်ရန် နှစ်ဖက်ဆွေးနွေးမှုများလည်း ရှိလာနိုင်သည်ဟု သိရသည်။ “အချိန်သက်တမ်းတိုးထားတယ်၊ လောလောဆယ် အနည်းဆုံးတစ်ပတ် (၁၀) ရက်ထိ ကျနော်တို့ ရက်စွဲဘာနဲ့တော့ မလုပ်ထားဘူး၊ ကျနော်တို့ သက်တမ်းတိုးတယ်ဆိုတာ (၄) ရက်နေ့ကပြည့်သွားလို့ (၄) ရက်နေ့နောက်ပိုင်း ကျနော်တို့ပြန်မတွေ့ကြသေးဘူး၊ ဒါပေမဲ့ ဒီရက်ပိုင်းတွင်းမှာ ဒီတစ်ပတ် (၁၀) ရက်အတွင်းတော့ ပစ်ခတ်မှုမဖြစ်မှာ တော့သေချာတယ်၊ ကျနော်တို့ (၄) ရက်နေ့နောက်ပိုင်း ပြန်တွေ့ရအုံးမယ်” ဟု မင်းတပ် CDF မှ တာဝန်ရှိသူတစ်ဦးက ပြောသည်။ မင်းတပ်မြို့မိ/မြို့ဖများ၏ ကြားဝင်စေ့စပ်ညှိနှိုင်းပေးမှုဖြင့် CDF-Mindat နှင့် စစ်ကောင်စီတို့သည် ဇွန်လ ၂၀ ရက်နေ့ကစ၍ ၁၄ ရက်ကြာ ယာယီအပစ်အခတ်ရပ်စဲမှုသည့် ဇူလိုင် ၄ ရက်နေ့က ပြည့်သွားပြီး မည်သည့်အချိန်ထိ အပစ်အခတ် ဆက်လက်ရပ်စဲကြမည်ကို နှစ်ဖက်တွေ့ဆုံကာ ဆွေးနွေးကြမည်ဖြစ်သည်။ CDF-Mindat နှင့် စစ်ကောင်စီတို့အကြား အချက် ၅ ချက်ပါသော သဘောတူညီချက်ကိုလည်း ဇွန်လ ၂၃ ရက်နေ့က ထုတ်ပြန်ခဲ့ကြပြီး ယင်းသဘောတူညီချက်တို့မှာ မင်းတပ်မြို့နယ်အတွင်း ဆက်သွယ်ရေးလမ်းကြောင်းနှင့် မြို့ပေါ်တွင် လက်နက်ဖြင့် ကိုင်ဆောင်စောင့်ကြပ်စစ်ဆေး ပစ်ခတ်ခြင်း မပြုလုပ်ရန်၊ အစိုးရဌာဆိုင်ရာ လုပ်ငန်းဆောင်ရွက်ရာတွင် နှောင်ယှက်ခြင်း၊ ဖိအားပေးခြင်း၊ ခြိမ်းခြောက်ခြင်း တာဆီးခြင်း မပြုလုပ်ရန်နှင့် CDM ဝန်ထမ်းများ အတင်းအကြပ်ဖိအားပေး လုပ်ငန်းခွင်ပြန်လည်ဝင်ရောက်စေခြင်း မပြုလုပ်ရန် စသည်တို့ပါရှိသည်။ ထို့အပြင် ကျောက်ထု-မင်းတပ်-မတူပီလမ်းကြောင်းတွင် ဆိုင်ကယ်/လူ သွားလာသူများ နှောင့်ယှက်ခြင်းတားဆီးခြင်း…
ချင်းပြည်နယ် ပလက်ဝမြို့က အဖမ်းခံရတဲ့ ချင်းလူငယ် ၅ ဦးကို အာဏာသိမ်းစစ်ကောင်စီက ပုမ်မ ၅၀၅ (က) နဲ့ အမှုဖွင့်ပြီး ရခိုင်ပြည်နယ် စစ်တွေမြို့ကို ဇွန်လ ၁၈ ရက်နေ့က ပို့ဆောင်ခဲ့ပေမယ့် မိသားစုတွေနဲ့ယနေ့ချိန်ထိ အဆက်အသွယ်မရသေး တာကြောင့် မိသားစုဝင်တွေကစိတ်ပူနေကြပါတယ်။ ပလက်ဝမြို့မှာ မေလ ၂၈ ရက်နေ့က ဗုံးနှစ်ကြိမ်ပေါက်ကွဲမှုဖြစ်ပွားခဲ့တဲ့နောက်ပိုင်း အာဏာသိမ်း စစ်ကောင်စီဟာ မြို့ပေါ်ရှိ အရပ်ဘက်အဖွဲ့အစည်းမှာအလုပ်လုပ်ကိုင်နေသူတွေအပါအဝင် လူငယ် ၁၈ ဦးကို ဖမ်းဆီးခဲ့ပြီး ၁၃ ဦးကို ပြန်လွှတ်ပေးလိုက်ပြီဖြစ်ပေမယ့် ၅ ဦးကို ဇွန်လ ၁၇ ရက်နေ့က ပုဒ်မ ၅၀၅(က)နဲ့ အမှုဖွင့်ခဲ့ပါတယ်။ အဲဒီအမှုဖွင့်ခံရတဲ့ ချင်းလူငယ် (၅) ဦးကတော့ ကိုအိုက်မင်း (အဆိုတော်)၊ အိုက်ထွန်းမင်း (ကုမ္ပဏီ)၊ အိုက်ထွန်းမင်း (သစ်တော)၊ ကိုအောင်ထွန်းစိုး (ခ) အာလူးနဲ့ အဂ္ဂပေလူမှုဖွံ့ဖြိုးရေးဖောင်ဒေးရှင်းမှ ဒါရိုက်တာ ဦးရာကျော်တို့ဖြစ်ကြပြီး ၎င်းတို့ ၅ ဦးကို ပလက်မြို့ရဲစခန်းကနေ ဇွန်လ ၁၇ ရက်နေ့က ခလရ (၂၈၉) တပ်ရင်းသို့ ခေါ်ဆောင်ပြီး ဇွန်လ ၁၈ ရက်နေ့မှာတော့ ရခိုင်ပြည်နယ် စစ်တွေမြို့ကို ပို့ဆောင်ခဲ့တာဖြစ်ပါတယ်။ ပြီးခဲ့တဲ့ ဇွန်လ ၃၀ ရက်နေ့ဟာ သူတို့ရဲ့ အမှုရုံးချိန်းရက်ဖြစ်ပေမယ့် သက်ဆိုင်ရာအာဏာပိုင်တွေက ရုံးထုတ်တာမျိူးမရှိဘဲ စစ်တပ်လက်ထဲမှာသာရှိနေကြသေးပြီး ဇူလိုင် ၁၄ ရက်နေ့ကို ရုံးပြန်ချိန်းတယ်လို့လည်း ပလက်ဝကလာတဲ့ သတင်းတွေအရ သိရပါတယ်။ အဲဒီလူငယ် ၅ ဦးဟာ မင်းတပ်မြို့နယ်ရှိ စစ်ဘေးရှောင်ပြည်သူတွေ…