(004SS) လူသားချင်းစာနာထောက်ထားမှုဆိုင်ရာ အမေရိကန်အကူအညီများ ဖြတ်တောက်မှုများကြောင့် ချင်းပြည်နယ်အတွင်း မရှိမဖြစ်လိုအပ်သော ကျန်းမာရေးစောင့်ရှောက်မှု ဝန်ဆောင်မှုများ ဆုံးရှုံးခဲ့ရသည်ဟု ချင်းလူ့အခွင့်အရေးအဖွဲ့ CHRO က ပြောသည်။ ရန်ပုံငွေပြတ်တောက်မှုကြောင့် CHRO မိုဘိုင်းဆေးအဖွဲ့များ၏ အရေးကြီး ကျန်းမာရေးစောင့်ရှောက်မှု လုပ်ငန်းလည်ပတ်မှုများ ရပ်တန့်စေခဲ့သလို ဆေးဝါးထောက်ပံ့မှု၊ ဆေးဘက်ဆိုင်ရာဝန်ထမ်းများ ပံ့ပိုးပေးနိုင်မှုနှင့် သယ်ယူပို့ဆောင်ရေးတို့မှာလည်း အပြင်းအထန် ထိခိုက်စေကြောင်း သိရသည်။ “ရန်ပုံငွေဖြတ်တောက်ခံရခြင်းရဲ့ အကျိုးဆက်ကတော့ ကျန်းမာရေးစောင့်ရှောက်မှုတွေကို လိုအပ်သလို response မပေးနိုင်တော့တဲ့ အခက်အခဲရှိပါတယ်။ ကျန်တော်တို့ တခြား funding တွေ ရှာကြည့်တယ်။ ဒါပေမဲ့ သိတဲ့အတိုင်း နေ့ချင်းညချင်း ရတဲ့အရာမဟုတ်တဲ့အခါကျတော့ ကြားထဲမှာ ကျွန်တော်တို့လုပ်ငန်းတွေ ရပ်တန့်သွားသလို ဖြစ်ရတာပေါ့နော်။ ဟိုတလောက မတူပီ case ဆိုလို့ရှိရင် ဝန်ထမ်းတွေ မသွားရောက်နိုင်တော့ဘူး၊ ဒါပေမဲ့ တတ်နိုင်သမျှတော့ ကျွန်တော်တို့ နီးစပ်ရာ ဆေးရုံကနေ မတူပီမှာရှိတဲ့ ဆရာတွေကို ဆေးတွေ ပို့ပေးနိုင်ခဲ့တယ်။ အဲတုန်းက ဒီ outbreak ဖြစ်တဲ့အချိန်၊ funding ရပ်တန့်တဲ့အချိန်နဲ့ တိုက်တဲ့အခါကျတော့ ချက်ချင်း မတုန့်ပြန်နိုင်တော့ဘူးပေါ့နော်” ဟု ချင်းလူ့အခွင့်အရေးအဖွဲ့၏ ကျန်းမာရေးတာဝန်ခံ Dr. Jay က ပြောသည်။ CHRO ကျန်းမာရေးအဖွဲ့အနေဖြင့် မြေပြင်တွင် ကိုယ်တိုင်ပါဝင်နိုင်ရန် ခက်ခဲခြင်းကြောင့် အခြားသော အရပ်ဖက် ကျန်းမာရေးအဖွဲ့အစည်းများနှင့် ပူးပေါင်းကာ အချက်အလက်များမျှဝေခြင်း၊ အချင်းချင်း အသိပေးဆောင်ရွက်ခြင်းလုပ်ငန်းများကို တတ်နိုင်သမျှ လုပ်ဆောင်နေကြောင်း Dr. Jay က ဆက်ပြောသည်။ လက်ရှိ၊ ချင်းပြည်နယ် တောင်ပိုင်းရှိ မြို့နယ်များတွင်…
Author: Editor
(002MG) စစ်ကိုင်းတိုင်း၊ ကလေးမြို့နယ်တောင်ပိုင်းဒေသတွင် ဖြစ်ပွားနေသော တိုက်ပွဲအတွင်း စစ်ကောင်စီကနေ့စဉ်ရက်ဆက် ဗုံးကြဲတိုက်ခိုက်မှုကြောင့် ကလေး -ဂန့်ဂေါကြားက ၆၆ ကေဗွီလျှပ်စစ်ဓာတ်အားလိုင်းထိခိုက်ပျက်စီးသွားပြီး ကလေး မြို့တွင် လျှပ်စစ်မီးပြတ်တောက်နေသည်မှာ ၅ ရက် ရှိသွားပြီဟု သိရသည်။ ကလေးမြို့ခံတဦးက ” မီးပျက်တာကြာပြီလေ တောင်ပိုင်းရွာတွေကို ဗုံးကြဲတော့ တာဝါတိုင်ထိတာလား၊ မီးကြိုး တွေပျက်တာလား သူတို့မပြင်နိုင်ဘူးလေ၊ ပြင်လို့လည်းမရဘူး။ ဗုံးကြဲနေတာ၊ အမြောက်တွေထု စစ် တွေဖြစ် နေတာဆိုတော့ လေယာဉ်နဲ့ ဗုံးကြဲပြီးထိလို့ အဲ့လိုမျိုးပျက်သွားတာလို့ကြားတယ် အနည်းဆုံး ၄၊၅ ရက်ရှိ ပြီ။ ကလေးမြို့ပဲမဟုတ်ဘူး၊ ကလေးဝလည်းမရဘူး” ဟု ပြောသည်။ ကလေးတောင်ပိုင်းဒေသ ကလေး-ဂန့်ဂေါကြားကားလမ်းမပေါ်မှာ ဖေဖော်ဝါရီလ ၁၁ ရက်နေ့ကစ၍ စစ်ကောင်စီ၊ ပျူစောထီး နှင့် တော်လှန်ရေးပူးပေါင်းတပ်ဖွဲ့များအကြား တိုက်ပွဲအပြင်းအထန်ဖြစ်ပွားခဲ့ပြီး စစ်ကောင်စီက လေကြောင်းဖြင့် အပြင်းအထန်ဗုံးကြဲတိုက်ခိုက်ခဲ့သည်။ ထိုကဲ့သို့ ဗုံးကြဲတိုက်ခိုက်မှုကြောင့် ကလေး-ဂန့်ဂေါကြားရှိ ၆၆ ကေဗွီလျှပ်စစ်ဓာတ်အားလိုင်းသည် ဖေဖော်ဝါရီလ (၁၄) ရက်နေ့က စတင်ပြတ်တောက်သွားပြီး လျှပ်စစ်မီးပြန်လည်ရရှိနိုင်မည့်အခြေအနေမှာမသေချာကြောင်း ကလေးမြို့ လျှပ်စစ်ရုံးတာဝန်ရှိသူက ၎င်း၏ လူမူကွန်ရက်တွင် အသိပေး ဖော်ပြထားသည်။ “၆၆ ကေဗွီ Line Fault က ကလေး-ဂန့်ဂေါကြားဖြစ်နေတာပါ၊ ဖြစ်တဲ့နေရာအတိကျတောင် သေချာမသိရသေးပါဘူး၊ ဖြစ်တဲ့နေရာသေချာသိမှ ပြင်ဆင်မှုအပိုင်းက လုပ်ရာမှာပါ ရှေ့ဆက်ကြာဦးမယ့်သဘောပါပဲ” ဟု လျှပ်စစ်ရုံးတာရှိက လူမှုကွန်ယက်တွင်အသိပေးထားသည်။ ယခု ၂၀၂၅ နှစ်သစ်မှစတင်ကာ ကလေးမြို့ပေါ်တွင် လျှပ်စစ်မီးကို ပုံမှန်အားဖြင့် ည (၈) နာရီမှ မနက်ပိုင်း (၅) နာရီ…
(006SV) စစ်ကိုင်းတိုင်း၊ ကလေးမြို့နယ်တောင်ပိုင်း၊ ကလေး – ဂန့်ဂေါကားလမ်းပေါ်ရှိ စစ်ကောင်စီအထိုင်ချစခန်း ၄ ခုကို CDF အပါအဝင် ဒေသကာကွယ်ရေးပူးပေါင်းတပ်များက သိမ်းပိုက်ရရှိထားသည်ဟု သိရသည်။ ကလေး- ဂန့်ဂေါကာလမ်းပေါ်က စစ်ကောင်စီနှင့် ပျူစောထီးတပ်ဖွဲ့များ အထိုင်ချထားသည့် ကမ်းပါးနီ (ကဗ္ဗနီ)၊ အောင်သာယာရွာ၊ မှန်တောရွာနှင့် နဂါးမောက်ခြံတို့က စစ်စခန်းများကို ၅ ရက်တာ ထိုးစစ်အတွင်း သိမ်းနိုင်ခဲ့ခြင်းဖြစ်သည်ဟု CDF – KKG မှ ပြောရေးဆိုခွင့်ရှိသူတဦးက ပြောသည်။ “စခန်းတွေအနေနဲ့က ၄ ခုလောက်ပါပဲ။ အကြီးဆုံးကတော့ ကမ်းပါးနီနဲ့ မှန်တောပေါ့။ ကျန်တာတွေက မှန်တောနဲ့ ကဗ္ဗနီကြားကို ကာကင်းအနေနဲ့ ထောင်ထားတဲ့စခန်းငယ်လေတွေပေါ့။ သူတို့က ဒီ့အတိုင်း အထိုင်ချထားတဲ့ စခန်းတွေကို ကျနော်တို့က သွားသိမ်းလိုက်တဲ့ အနေအထားပါပဲ။ အကုန်လုံးသိမ်းနိုင်ပြီဆိုတော့ သူတို့က ကြံသာ၊ မြောက်ခရမ်း၊ ဟံသာဝတီဘက်ကနေတော့ ခံစစ်ပြင်ထားတယ်လို့ ကြားထားတယ်” ဟု CDF – KKG မှ ပြောရေးဆိုခွင့်ရှိသူ တဦးက ပြောသည်။ ဖေဖော်ဝါရီလ ၁၁ ရက်မှ စတင်၍ စစ်ကောင်စီပူးပေါင်းတပ်ဖွဲ့များ တပ်စွဲထားသည့် စစ်စခန်းများကို တော်လှန်ရေးပူးပေါင်းတပ် များက ထိုးစစ်ဆင်တိုက်ခိုက်ခဲ့ရာ ၁၂ ရက်မှာ ကမ်းပါးနီစခန်းကို ရရှိခဲ့ပြီး ကျန်စခန်း ၃ ခုကို ငါးရက်တာ တိုက်ပွဲအတွင်း ရရှိခဲ့သည်ဟု သိရသည်။ ကလေး- ဂန့်ဂေါကားလမ်းပေါ်က စစ်ကောင်စီအထိုင်ချထားသော ယင်းကျေးရွာများသည် ပျူစောထီး အားကောင်းသော ဒေသများဖြစ်ပြီး စစ်ကောင်စီသည် စခန်းများ မကျရေးအတွက် လေကြောင်းဖြင့်…
(006SV) မတူပီမြို့နယ်တွင် မရာလဲန်းကာကွယ်ရေးတပ်ဖွဲ့ (MDF) နှင့် CDF – Lautu တို့ကြားက လက်ရှိဖြစ်ပွားနေသည့် အပြန်အလှန် ပစ်ခတ်မှုများမှာ ချင်းပြည်ကောင်စီအနေဖြင့် ပူးပေါင်းပါဝင်ခြင်းမရှိကြောင်း သိရသည်။ MDF နှင့် CDF – Lautu တို့ကြားက နယ်မြေအငြင်းပွားမှုကြောင့် အပြန်အလှန်ပစ်ခတ်မှုများတွင် CDF – Lautu ဘက်မှ ချင်းပြည်ကောင်စီ လက်အောက်ခံ ပူးပေါင်းတပ်ဖွဲ့များ ပါဝင်နေသည်ဟု သတင်းများထွက်ပေါ်လာချိန်တွင် ချင်းပြည်ကောင်စီက ဖေဖော်ဝါရီလ ၁၇ ရက်မှာ အသိပေးထုတ်ပြန်လာခြင်းဖြစ်သည်။ လက်ရှိ ချင်းပြည်အတွင်း ဖြစ်ပွားနေသော MDF နှင့် CDF – Lautu ကြားက တိုက်ခိုက်မှုသည် နှစ်ဖက်အဖွဲ့အစည်းကြားက ပြသနာဖြစ်သည်ဟု ချင်းပြည်ကောင်စီက ဆိုသည်။ ချင်းလူမျိုးအချင်းချင်းကြား တိုက်ခိုက်သတ်ဖြတ်မှုများကို လက်မခံသည့်အပြင် စစ်ရေးဖော်ဆောင်မှုများ၊ တိုက်ခိုက်မှုများတွင် ပူးပေါင်းပါဝင်ခြင်း မရှိခဲ့ပါဟု ထုတ်ပြန်အသိပေးသည်။ ချင်းအမျိုးသား စည်းလုံးညီညွတ်ရေးကို အဓိကထားလျက် ချင်းညီရင်းအစ်ကိုကြား ဖြစ်ပွားသော ပြသနာများကို စစ်ရေးတိုက်ခိုက်မှု၊ အချင်းချင်းသွေးထွက်သံယိုမှုဖြင့် ဖြေရှင်းခြင်းမှ ရပ်တန့်ရှောင်ရှားကာ ငြိမ်းချမ်းရေးလမ်းစဉ်၊ ပေါင်းစပ်ညှိနှိုင်းရေးလမ်းစဉ်ဖြင့်သာ ဖြေရှင်းဆောင်ရွက်ပေးကြပါရန် တိုက်တွန်းထားသည်။ ချင်းပြည်အတွင်း လတ်တလော ကြုံတွေ့နေရသော ချင်းလူမျိုးအကြား သဘောထား ကွဲလွဲမှုများကို အဆုံးသတ်နိုင်ရေးအတွက် ချင်းပြည်ကောင်စီအနေဖြင့် ပေါင်းစပ်ညှိနှိုင်းရေးကို အလေးထားဆောင်ရွက်နေသော ကာလဖြစ်သည်ဟု သိရသည်။ တော်လှန်ရေးကာလအတွင်း မြို့နယ်နှင့် ဒေသအကြား၊ ချင်းမျိုးနွယ်စု အချင်းချင်းကြား အင်အားဖြင့် နိုင်ထက်ပြုခြင်း၊ နယ်မြေချဲ့ထွင်ခြင်းများ မပြုလုပ်သင့်ပါဟု ချင်းပြည်ကောင်စီက ထုတ်ပြန်သည်။ ဖေဖော်ဝါရီလ ၁၃ ရက်က MDF…
(006SV) မလေးရှားနိုင်ငံ၊ ကွာလာလမ်ပူမြို့၊ ပဒူဥူး (Pudu Hulu) ရပ်ကွက်မှာ နေထိုင်သည့် ချင်းအမျိုးသမီးတဦးကို သတ်ဖြတ်မှုကျူးလွန်သူကို ယမန်နေ့က ဖမ်းဆီးရမိကြောင်း သိရသည်။ မလေးရှားနိုင်ငံတွင် ချင်းအမျိုးသမီး ၁ ဦး သတ်ဖြတ်ခံရမှုနှင့် ပတ်သက်၍ ၃ ရက်အကြာမှာ မလေးအစိုးရအာဏာပိုင်များနှင့် Dai Community in Malaysia မှ ရုံးဝန်ထမ်းများ ပူးပေါင်းကာ ကျူးလွန်သူ မြန်မာနိုင်ငံသား တရားခံကို ဖမ်းဆီးနိုင်ခဲ့ခြင်းဖြစ်သည်။ “မနေ့က ဖမ်းကြတာပါ။ သူဟာ သူ ဝန်ခံပြီးတော့မှ သူ့နေအိမ်ကို ရဲနဲ့အတူသွားပြီးတော့မှ ဖမ်းတာပါ။ ကျူးလွန်တဲ့လူက မြန်မာပါပဲ။ ဒီအမှုကတော့ လူသတ်မှုဖြစ်တဲ့အတွက် နောက်ထပ်တရားရုံးတွေတင်ပြီးမှ ဆုံးဖြတ်ရမှာပါ” ဟု Dai Community in Malaysia ရုံး၏ မူခင်းတာဝန်ခံ ကိုဟုန်းနိုင်က ပြောသည်။ ချင်းပြည်နယ်၊ မင်းတပ်မြို့နယ်၊ အရှေ့ပြင်ရပ်ကွက်မှှာနေထိုင်သော ဒိုင်ချင်းလူမျိုး အသက် ၃၆ နှစ်ဝန်းကျင်အရွယ် ဒေါ်ယွမ်းဂေသည် ဖေဖော်ဝါရီလ ၁၄ ရက်က မလေးရှားနိုင်ငံတွင် သတ်ဖြတ်ခံလိုက်ရခြင်းဖြစ်သည်။ ဒေါ်ယွမ်းဂေသည် ခေါင်ရည် ရောင်းချသူဖြစ်ပြီး ခေါင်ရည်သောက်ရင်းမှ လူသေဆုံးမှုအထိ ဖြစ်ပွားခဲ့ခြင်းဖြစ်ကာ သေဆုံးမှုနှင့်ပတ်သက်၍ အသေးစိတ်ကို မသိရှိရသေးကြောင်း လိုက်ပါကူညီနေသူများက ပြောသည်။ လူသေဆုံးမှုတွင် သံသယနှင့် ဖမ်းဆီးခံထားရသူ ၆ ဦးကို ပြန်လည်လွတ်မြောက်နိုင်ရေးအတွက် မလေးရှားအာဏာပိုင်များဖြင့် ချိတ်ဆက်ပြီး ဆောင်ရွက်နေသည်ဟု သိရသည်။ သေဆုံးသူတွင် အမျိုးသားနှင့် အသက် ၉ နှစ်အရွယ် သားတဦးတို့ ကျန်ရှိပြီး သားဖြစ်သူမှာ မလေးရှား RC…
(006SV) မလေးရှားနိုင်ငံ၊ ကွာလာလမ်ပူမြို့၊ ပဒူဥူး (Pudu Hulu) ရပ်ကွက်မှာ နေထိုင်သည့် ချင်းအမျိုးသမီးတဦး ဓါးဖြင့် အသတ်ခံရပြီး သေဆုံးသွားသည်ဟု မလေးရှားနိုင်ငံရောက် ဒိုင်လူမှု့အဖွဲ့အစည်းမှ သိရသည်။ ယနေ့ ဖေဖော်ဝါရီလ ၁၄ ရက် နံနက် ၁၀ နာရီခန့်တွင် ၎င်း၏ အမျိုးသားနှင့် အတူနေသူများသည် Seremban မြို့မှ ပြန်လည် ရောက်ရှိချိန်တွင် ဓါးဒဏ်ရာအများအပြားဖြင့် သေဆုံံးနေမှုကို တွေ့ရှိရခြင်းဖြစ်သည်ဟု မလေးရှား နိုင်ငံရောက် ဒိုင်လူမှု့အဖွဲ့အစည်းမှ တာဝန်ရှိသူတဦးက ပြောသည်။ “မနေ့ညက သူ့ရဲ့ အမျိုးသားနဲ့ တအိမ်ထဲနေတဲ့ လူတွေ၊ တရွာသားတွေက ဆလမ်ပန်းမှာ လူမှုရေးကိစ္စတခုရှိလို့ သွားကြတယ်။ ဒီမနက် ၁၀ နာရီဝန်းကျင် သူတို့ အိမ်ပြန်လာချိန်မှာ သူ့အမျိုးသမီးဟာ သွေးတွေနဲ့ သံမန်တလင်းပေါ်မှာ ရက်ရက်စက်စက် အသတ်ခံရတယ်” ဟု ယင်းအဖွဲ့အစည်းမှ တာဝန်ရှိသူ တဦးက ပြောသည်။ သေဆုံးသူမှာ ချင်းပြည်နယ်၊ မင်းတပ်မြို့နယ်၊ အရှေ့ပြင်ရပ်ကွက်မျာ နေထိုင်သော ဒိုင်ချင်းလူမျိုး အသက် ၃၆ နှစ်ဝန်းကျင် အရွယ် ဒေါ်ယွမ်းဂေဖြစ်သည်ဟု သိရသည်။ လူသတ်မှုနှင့် ပတ်သက်၍ မလေးရှားအာဏာသိမ်းများက အတူနေသူများအပါအဝင် လူတချို့ကို ခေါ်ယူ စစ်ဆေးမေးမြန်းနေသည်ဟု သိရသည်။ မလေးရှားရဲတပ်ဖွဲ့၊ လူဝင်မှုကြီးကြပ်ရေး၊ ထောက်လှမ်းရေးအပါအဝင် ဌာနစုံမှ အရာရှိများ ၄၀ ခန့်က အခင်းဖြစ်ရာ အိမ်အပါအဝင် အနီးဝန်းကျင်တခုလုံးကို စစ်ဆေးမေးမြန်းနေသည်ဟုသိရသည်။ သေဆုံးသူတွင် အမျိုးသားနှင့် အသက် ၉ နှစ်အရွယ်သား တဦးတို့ ကျန်ရှိပြီး သားဖြစ်သူမှာ…
(002MG) စစ်ကိုင်းတိုင်း၊ ကလေးမြိုနယ်တောင်ပိုင်း နတ်ချောင်းကျေးရွာရှိ တိုက်နယ်ဆေးရုံ နှင့် ချင်းပြည်နယ် ဖလမ်းမြို့နယ် ဝေဘူလမြို့တို့ကို စစ်ကောင်စီက ယနေ့ ဖေဖော်ဝါရီလ (၁၄) ရက်မနက်ပိုင်းတွင် လေကြောင်းဖြင့် ဗုံးကြဲ တိုက်ခိုက်ခဲ့သည်ဟု သိရသည်။ ကလေး-ဂန့်ဂေါ ကားလမ်းမပေါ်က စစ်ကောင်စီ၏ ကမ်းပါးနီတပ်စခန်းကို တော်လှန်ရေးပူးပေါင်းတပ်ဖွဲ့များက ဖေဖော်ဝါရီလ ၁၂ ရက်နေ့ညက သိမ်း ပိုက်ခဲ့ပြီးနောက် အနီးနားဝတ်ဝန်းကျင်ကျေးရွာများကို စစ်ကောင်စီက လေကြောင်းတိုက်ခိုက်မှုဆက်လက်ပြုလုပ်ခဲ့ခြင်းဖြစ်သည်။ “ဒီမနက် ၁၀ နာရီလောက်ကနေ နတ်ချောင်းဆေးရုံကို ကြဲတာ၊ ဆေးရုံနားက အိမ်တွေလည်း ပျက် စီးတယ်။ ပျက်စီးမှုအတိအကျကတော့ မသိနိုင်သေးဘူး။ အခုက လေကြောင်းကရှိနေသေးတယ်။ ပြည်သူတွေ ကတော့ တောက် လျှောက်စစ်ဘေးရှောင်နေကြရတယ်။ ဝေဘူလ လဲကြဲတယ် လော လောဆယ် ချက်ချင်း ကြီးဆိုတော့ ထိခိုက်တာမသိရသေးဘူး။ ရွာမှာကတိုက်ပွဲမရှိဘူး ဒီအတိုင်းကိုလာကြဲသွားတာ။” ဟု နတ်ချောင်းဒေသခံက ပြောသည်။လေကြောင်းဗုံးကြဲတိုက်ခိုက်မှုကြောင့် နတ်ချောင်းတိုက်နယ်ဆေးရုံအဆောက်အဦးပျက်စီးသွားသည့်အပြင် အနီးနားက ပြည်သူတချို့ အနည်းငယ် ထိခိုက်ဒဏ်ရာရရှိပြီး နေအိမ်တချို့လည်း ထိခိုက်ပျက်စီးမှုရှိခဲ့သည်ဟု သိရသည်။ တော်လှန်ရေးတပ်ဖွဲ့များထိန်းချုပ်ထားသည့် ဖလမ်းမြို့နယ် ဝေဘူလမြို့ ရှိ ရဲစခန်းနှင့် ထွေအုပ်ရုံးကိုလည်း ယနေ့မနက်ပိုင်းတွင် တိုက်လေ ယာဉ်ဖြင့် သုံးကြိမ် တိုက်ခိုက်ခဲ့ကြောင်း သိရပြီး ထိခိုက်ပျက်စီးမှုအခြေအနေ အသေးစိတ်ကိုမူ မသိရသေးပေ။“ဒီနေ့မနက် (၄) နာရီကျော်ကတည်းက လေယာဉ် Y-12 ဗုံးကြဲနေတာ။ လေကြောင်းတိုက်ခိုက်မှုက အမြဲတမ်းပဲ အခုရောပဲ ကလေးမြို့လေယာဉ်ကွင်းမှာတော့ ဆင်းလိုက် ဆီဖြည့်လိုက်၊ လက်နက်ခဲယမ်းတွေဖြည့် ပြန်တက် လိုက်နဲ့ လုပ်နေတာ” ဟု ကလေးမြို့က…
(004SS) ချင်းပြည်နယ် တောင်ပိုင်း၊ မတူပီမြို့နယ် ဧရိယာ (၃)၊ ပြည်သူ့အုပ်ချုပ်ရေး (လူထု) ညီလာခံသို့ တက်ရောက်လာသည့် တာဝန်ရှိပုဂ္ဂိုလ်များနှင့် လူငယ်များကို CDF – Matupi တပ်မဟာ – ၁ က လမ်းတွင် ဖြတ်သန်းသွားလာခွင့်မပြုဘဲ ပိတ်ပင်ခဲ့သည်ဟု ဧရိယာ (၃) ပြည်သူ့အုပ်ချုပ်ရေးအဖွဲ့၊ မတူပီမြို့နယ်နှင့် CDF – မတူပီ တပ်ရင်း – ၃ က ယနေ့တွင် ပူးတွဲထုတ်ပြန်သည်။ ဖေဖော်ဝါရီလ ၁၃ ရက်နေ့တွင် ကျင်းပမည့် (၅) ကြိမ်မြောက် ဧရိယာ (၃) ပြည်သူ့အုပ်ချုပ်ရေး (လူထု) ညီလာခံသို့လာသော တာဝန်ရှိသူများကို တပ်မဟာ ၁ မှ ဖြတ်သန်းခွင့်မပြုဘဲ ပိတ်ပင်ခဲ့ခြင်းကြောင့် အဆိုပါညီလာခံအား ပျက်ပြားစေကြောင်း၊ ၎င်းလုပ်ရပ်အား ရှုတ်ချကြောင်း ထုတ်ပြန်ချက်တွင် ဖော်ပြထားသည်။ ချင်းလဲန်းကာကွယ်ရေးတပ်ဖွဲ့၊ မတူပီ – တပ်မဟာ ၁ သည် မတူပီမြို့နယ်၊ ဧရိယာ (၃) ပြည်သူ့အုပ်ချုပ်ရေးအဖွဲ့၏ ထိန်းချုပ်နယ်မြေအတွင်းရှိ ပြည်သူများမှ အသစ်ဖောက်လုပ်ထားသော လမ်းတွင် ဂိတ်ချကာ ဖြစ်သန်းသွားလာခွင့် ပိတ်ပင်ထားခြင်းဟု သိရသည်။ ထိုသို့ ပြည်သူများ၏ ဖြတ်သန်းသွားလာခွင့်ကို ဆက်လက်ပိတ်ပင်ပါက နောက်နောင် ဖြစ်လာမည့် မျိုးနွယ်စုပြဿနာနှင့် တစ်စုံတစ်ခုသော ပြဿနာများကို ချင်းလဲန်းကာကွယ်ရေးတပ်ဖွဲ့၊ မတူပီ – တပ်မဟာ ၁ ၏ အမိန့်ပေးတာဝန်ရှိသူများက တာဝန်ယူ၊ တာဝန်ခံရမည်ဟုလည်း ပူးတွဲထုတ်ပြန်ချက်တွင် ပါရှိသည်။ မတူပီမြို့နယ်၊ ဧရိယာ (၃)၊ CDF…
(002MG) စစ်ကိုင်းတိုင်း၊ ကလေးမြို့နယ်တောင်ပိုင်း၊ ကလေး-ဂန့်ဂေါ ကားလမ်းပေါ်တွင်ရှိသည့် ကမ်းပါးနီ စစ်ကောင်စီတပ်စခန်းကို တော်လှန်ရေးပူးပေါင်းတပ်ဖွဲ့က ယမန်နေ့ ညနေပိုင်းက သိမ်းပိုက်လိုက်ပြီး စစ်ကောင်စီဖက်က အကျအဆုံးများခဲ့ကြောင်း သိရသည်။ “မနေ့က Y-12 နှစ်စီးတနေကုန် ပတ်ပြီးတော့ ကြဲတယ်။ ဂျက်ဖိုက်တာနဲ့ ရှစ်ခေါက်လာတယ်။ ပေါင် (၅၀၀) နဲ့လည်း ကြဲတယ်။ ကျွန်တော်တို့ ကာကွယ်ရေးဖက်က ကဗ္ဗနီနေရာ သိမ်းလိုက်ပြီ။ စစ်ကောင်စီဖက်ကတော့ (၃၀) လောက်ကျ တယ်လို့ပြောတယ်။ မြေပြင်သတင်းမှာက လက်နက်ခဲယမ်း (၂၀) ရတယ်” ဟု တော်လှန်ရေးအင်အားစုနှင့် နီးစပ်သူတစ်ဦးက ပြောသည်။ စစ်ကောင်စီနဲ့ ပျူစောထီးများ တပ်စွဲထားသော ကလေး-ဂန့်ဂေါကားလမ်းမပေါ်က ကမ်းပါးနီစခန်းကို ဖေဖော်ဝါရီလ ၁၁ ရက်နေ့ကစ၍ တော်လှန်ရေးပူးပေါင်းတပ်ဖွဲ့များက ဝင်ရောက်တိုက်ခိုက်ခဲ့ပြီး စစ်ကောင်စီတပ်ဖွဲ့၏ အပြင်းအထန် လေကြောင်းတိုက်ခိုက်မှုများကြားမှ စခန်းကို သိမ်းပိုက်နိုင်ခဲ့ကြခြင်းဖြစ်သည်။ ယမန်နေ့ ဖေဖော်ဝါရီလ (၁၂) ရက်က စစ်ကောင်စီ၏ လေကြောင်း ဗုံးကြဲတိုက်ခိုက်မှုကြောင့် ကလေးတောင်ပိုင်းက တင်သားကျေးရွာ အမှတ် (၅) ရပ်ကွက်ရှိ ပြည်သူနေအိမ် (၁၇) လုံးခန့် အနည်းငယ် ထိခိုက်ပျက်စီးခဲ့ကာ နေအိမ် (၆) လုံးမှာ တစစီ လွင့်စင်ပျက်စီးသွားကြောင်း ဒေသခံတစ်ဦးကပြောသည်။ ယနေ့ ဖေဖော်ဝါရီလ (၁၃) ရက် မနက်ပိုင်းတွင်လည်း စစ်ကောင်စီသည် Y-12 ဗုံးကြဲလေယာဉ်ဖြင့် ဆည်တောကျေးရွာ၊ ဟားခါးလေးကျေးရွာတို့အား ထပ်မံ ဗုံးကြဲတိုက်ခိုက်ခဲ့ပြီး ကလေးမြို့နယ်တောင်ပိုင်းတွင် စစ်ကောင်စီ၏ လေကြောင်းတိုက်ခိုက်မှုကြောင့် ကျေးရွာ (၁၀) ထက်မနည်းက ပြည်သူ တစ်သောင်းကျော်တို့သည် စစ်ဘေးတိမ်းရှောင်ကြရသည်။
လက်နက်ခဲယမ်းတချို့နှင့် စစ်အသုံးအဆောင်ပစ္စည်းများ ဆုံးရှုံးဟု PDA ဆို (006SV) ချင်းပြည်နယ်၊ တီးတိန်မြို့နယ် ဖိုင်ဇာရွာနှင့် နယူးထားလ်မွလ်ရွာကြားက ချင်းပြည်ကောင်စီအဖွဲ့ဝင် PDA – တီးတိန် တပ်ဖွဲ့၏ ကာကင်းစခန်းတခုကို Zomi Revolutionary Army (Eastern Command) က စီးနင်းတိုက်ခိုက်ပြီး သိမ်းလိုက်သည်ဟု သိရသည်။ ဖေဖော်ဝါရီလ ၁၂ ရက် ညနေ ၅ နာရီခွဲဝန်းကျင်တွင် PDA -တီးတိန်၏ အင်အားအနည်းငယ်သာ ရှိသည့် ကာကင်း စခန်းတခုကို ZRA-EC က အင်အားအများအပြားဖြင့် တိုက်ခိုက်ခြင်းဖြစ်သည်ဟု သိရသည်။ “ကျနော်တို့ ကင်းသမားလည်း အဲဒီအချိန်မှာ သတိမထားမိတဲ့အချိန်ပေါ့နော်။ ဒီတိုက်ပွဲက နှစ်ဦးနှစ်ဖက်ထိခိုက်မှုတော့ မရှိဘူး။ သူတို့ဘက်ကတော့ မသိရဘူး။ ကျနော်တို့ဘက်တော့ ထိခိုက်ကျဆုံးမှုက မရှိပါဘူး။ သူတို့ ဘယ်လိုကြောင့် လာရောက်တိုက်ခိုက်သွားသလဲဆိုတာက မသိရဘူး။ အဲဒီမှာ ကိစ္စတခုနဲ့ လူအင်အား နည်းနေတဲ့အချိန် ဖြစ်သွားတယ်” ဟု PDA – တီးတိန်၏ ဥက္ကဌက ပြောသည်။ ယင်းစခန်းကုန်းကို လာရောက်တိုက်ခိုက်ချိန်တွင် PDA -တီးတိန်က အင်အား ၃ ဦးဝန်းကျင်သာ ရှိပြီး ZRA-EC က အင်အား ၅၀ မှ ၈၀ ကြားဖြင့် တိုက်ခိုက်ခဲ့သည်ဟု သိရသည်။ တိုက်ခိုက်ခံရမှုနှင့်ပတ်သက်၍ စစ်ရေးအရ လိုအပ်လျှင် လိုအပ်သလို ပြုလုပ်သွားရန် ရှိပြီး လတ်တလောမှာ စစ်ရေးကိစ္စများကို မပြောလိုကြောင်း PDA – တီးတိန်၏ ဥက္ကဌက ပြောသည်။…