CDF-Mindat နှင့် စစ်ကောင်စီတပ်ဖွဲ့တို့ တိုက်ပွဲပြန်ဖြစ်

0

ချင်းပြည်နယ်တောင်ပိုင်း မင်းတပ်မြို့နယ်တွင် CDF-Mindat နှင့် စစ်ကောင်စီတပ်ဖွဲ့တို့အကြား တကျော့ပြန်တိုက်ပွဲ ယနေ့နံနက်ပိုင်းက ဖြစ်ပွားခဲ့သည်။

စစ်ကောင်စီတပ်ဖွဲ့ဝင်များသည် ယမန်နေ့ကတည်းက ချင်းပြည်နယ်နှင့် မကွေးတိုင်းနယ်စပ် ရွှေတွင်းတူးရွာဘက်သို့ စစ်ကြောင်းချီတက်လာခဲ့ပြီးနောက် ယနေ့နံနက်ပိုင်း ၆ နာရီ ၄၅ မိနစ်ခန့်တွင် CDF-Mindat တပ်ဖွဲ့နှင့် ထိတွေ့မှုဖြစ်ပွားခဲ့ပြီး လက်ရှိအချိန်ထိ တိုက်ပွဲဖြစ်ပွားနေဆဲဟု CDF-Mindat က ထုတ်ပြန်ထားသည်။

ထို့အပြင် မတူပီမြို့ဘက်မှ စစ်ကောင်စီတပ်ဖွဲ့ စစ်ကြောင်းတစ်ကြောင်းသည်လည်း ဇူလိုင်လ ၁၉ ရက်နေ့ကတည်းက မင်းတပ်မြို့ဘက်သို့ ဦးတည်ထွက်ခွါလာပြီး လက်ရှိအချိန်တွင် မင်းတပ်-မတူပီကြား မိုင် ၇၀ ဝန်းကျင်တွင် ရောက်ရှိပြီဖြစ်ကာ CDF-Mindat နှင့် ထိတွေ့မှုမရှိသေးကြောင်း သိရသည်။

ယခုလက်ရှိတွင် မင်းတပ်မြို့နယ်အတွင်း နယ်မြေခံတပ်ရင်း (၂၇၄) အပါအဝင် တပ်ရင်း (၆) ရင်း လှုပ်ရှားလျက်ရှိပြီး တပ်ရင်း (၄) ရင်းသည် လူမြင်ကွင်းတွင် လှုပ်ရှားမှုရှိသော်လည်း ကျန်တပ်ရင်း (၂) ရင်းမှာမူ တပ်ဖျောက်ထားကြောင်း CDF-Mindat က ထုတ်ပြန်ထားသည်။

CDF-Mindat နှင့် စစ်ကောင်စီအကြား အပစ်ခတ်ရပ်စဲရေးဆွေးနွေးမှုအား ဇူလိုင်လ ၁၆ ရက်နေ့ကစ၍ ပျက်ပြယ်ခဲ့ပြီးနောက် နှစ်ဖက်တင်းမာမှုနှင့် တိုက်ပွဲများ ပြန်လည်ဖြစ်ပွားလာခဲ့ခြင်းဖြစ်သည်။

Share.

About Author

Leave A Reply