Close Menu
  • Home
  • Featured
  • English
  • Headline
  • About Us
Facebook X (Twitter) Instagram
Khonumthung Media Group
Khonumthung Ad
  • Home
  • Featured
  • English
  • Headline
  • About Us
Khonumthung Media Group
You are at:Home»Headline»ကလေးမြို့နယ်တောင်ပိုင်း ၃ ရက်တာတိုက်ပွဲတွင် စစ်ကောင်စီတပ်ဖွဲ့ အယောက် ၅၀ နီးပါး သေဆုံး

ကလေးမြို့နယ်တောင်ပိုင်း ၃ ရက်တာတိုက်ပွဲတွင် စစ်ကောင်စီတပ်ဖွဲ့ အယောက် ၅၀ နီးပါး သေဆုံး

0
By Editor on July 14, 2022 Headline

စစ်ကိုင်းတိုင်း၊ ကလေးမြို့နယ်တောင်ပိုင်းဒေသတွင် စစ်ကောင်စီတပ်ဖွဲ့နှင့် ပြည်သူ့ကာကွယ်ရေး ပူးပေါင်းတပ်ဖွဲ့တို့အကြား တိုက်ပွဲအပြင်းအထန်ဖြစ်ပွားခဲ့ကြပြီး ဇူလိုင် ၁၁ ရက်မှ ၁၃ ရက်နေ့အထိ ၃ ရက်တာတိုက်ပွဲအတွင်းမှာ စစ်ကောင်စီတပ်ဖွဲ့ဘက်က အယောက် ၅၀ နီးပါး သေဆုံးသည်ဟု PDF-Kalay တပ်ဖွဲ့က ထုတ်ပြန်သည်။

ကလေးမြို့နယ်တောင်ပိုင်း ရန်ကြီးအောင်ကျေးရွာတွင် တပ်စွဲထားသော စစ်ကောင်စီတပ်ဖွဲ့အင်အား ၂၀၀ ခန့်သည် ဇူလိုင်လ ၁၁ ရက်နေ့က ကလေး-နတ်ချောင်း-ဖလမ်း ကားလမ်းမပေါ်ရှိ ဟားခါးလေးကျေးရွာဘက်သို့ ဝင်ရောက်လာစဉ် ပြည်သူ့ကာကွယ်ရေးပူးပေါင်းတပ်ဖွဲ့တို့နှင့် တိုက်ပွဲစတင်ဖြစ်ပွားခဲ့ကြသည်။

ယင်းတိုက်ပွဲတွင် စစ်ကောင်စီဘက်က ၃ ဦးခန့် သေဆုံးခဲ့သည်။

ထို့နောက် ဇူလိုင် ၁၂ ရက်နေ့တွင် စစ်ကောင်စီတပ်ဖွဲ့သည် ဟားခါးလေးကျေးရွာမှ မြောက်ဘက်သို့ရွေ့လျားလာခဲ့ရာ အင်းစိန်ရွာသစ်နှင့် စည်သာရွာအကြားတွင် ပူးပေါင်းကာကွယ်ရေးတပ်ဖွဲ့က ကြားဖြတ်တိုက်ခိုက်ရာတွင် စစ်ကောင်စီတပ်ဖွဲ့ဘက်က ၅ ဦးခန့် ထပ်မံသေဆုံးခဲ့ကြောင်း PDF-Kalay က ထုတ်ပြန်သည်။

အင်းစိန်ရွာသစ် အနီးတိုက်ပွဲတွင် စစ်ကောင်စီဘက်မှ လက်နက်ကြီးပစ်ခတ်မှုကြောင့် လယ်တောထဲတွင်နေထိုင်သည့် ကလေးငယ်တစ်ဦးလည်း လက်နက်ကြီးဗုံးဆံထိမှန် ဒဏ်ရာရရှိခဲ့သည်ဟု ဆိုသည်။

စစ်ကောင်စီတပ်ဖွဲ့သည် ဇူလိုင် ၁၂ ရက်ညက စည်သာကျေးရွာတွင် ညအိပ်ခဲ့ကြပြီးနောက် ဇူလိုင် ၁၃ ရက်နေ့တွင် စည်သာရွာမှ မြောက်ဘက်သို့ ဦးတည်လာရာ သာယာကုန်းကျေးရွာအနီးတွင် ပူးပေါင်းတပ်ဖွဲ့များက ထပ်မံ ကြားဖြတ်တိုက်ခိုက်ခဲ့ရာ စစ်ကောင်စီတပ်ဖွဲ့ဘက်က အများအပြားကျဆုံးခဲ့သည်ဟု PDF-Kalay တပ်ဖွဲ့ကဆိုသည်။

PDF-Kalay တာဝန်ရှိသူတစ်ဦးက “စစ်ကောင်စီဖက်က မနေ့က တရက်ထဲကို (၄၂) ယောက်ကျတယ်။ ပထမရက်တိုက်ပွဲမှာ ၂/၃ ယောက်၊ ဒုတိယနေ့မှာလည် ၃ ယောက်လောက်ကျတယ် မနေ့က တိုက်ပွဲကတော်တော်ကျတယ်။ သူတို့ ကလေးမြို့ထဲကို ဝင်တာတောင်မှ လူနာတင်ယာဉ်နဲ့ အခေါက်ခေါက်အခါခါ ကြိုရတယ်” ဟု ပြောသည်။

စစ်ကောင်စီတပ်ဖွဲ့သည် ဇူလိုင် ၁၃ ရက်နေ့ညနေပိုင်းတွင် သာယာကုန်းကျေးရွာမှ ကလေးနည်းပညာတက္ကသိုလ်ဝင်းထဲသို့ ဝင်ရောက်သွားကြပြီးနောက် ကလေးမြို့မှ နာရေးကူညီမှုအသင်း ကား ၂ စီး ရောက်ရှိလာကာ စစ်ကောင်စီတပ်သားများ၏ အလောင်းသယ်ဆောင်ကာ ကံပုလဲကျေးရွာသုသာန်သို့ ၈ ကြိမ်ခန့် ပို့ဆောင်ခဲ့ကြသည်ဟု PDF-Kalay ၏ ထုတ်ပြန်ချက်တွင် ဖော်ပြထားသည်။

ကလေးတောင်ပိုင်းဒေသတွင် ၃ ရက်တာဖြစ်ပွားသည့် တိုက်ပွဲတွင် PDF-Kalay တပ်ရင်း ၁၊ ၂၊ ၅၊ ၆၊ ၇၊ CNDF-Vakok၊ CNDF-NA၊ CDF-KKG၊ RKDF နှင့် ပ.က.ဖ စသည့် ပူးပေါင်းမဟာမိတ်တပ်ဖွဲ့များ ပါဝင်ခဲ့ကြသည်ပြီး PDF-Kalay ရဲဘော်တစ်ဦးနှင့် CNDF-Vakok တပ်ဖွဲ့ ရဲဘော်တစ်ဦးတို့ ကျဆုံးခဲ့ကြသည်ဟု သိရသည်။

Share. Facebook Twitter Pinterest LinkedIn Tumblr Email
Editor
  • Website

Related Posts

စစ်ရေးနှင့် နိုင်ငံရေးကို မဟာမိတ်အင်အားစုများနှင့် လက်တွဲ၍ အရှိန်အဟုန်ဖြင့် ဆောင်ရွက်မည်ဟု CPU/ CPA ဆို

ချင်း-မကွေး အစပ်ဒေသမှာ စစ်တပ်က ဖြတ်လေးဖြတ်ဗျူဟာကျင့်သုံး၊ ထောင်နှင့်ချီသော စစ်ဘေးရှောင်များ အခက်အခဲကြုံနေရဟု AAPP ပြော

ချင်းပြည်အစိုးရအဖွဲ့ အစည်းအဝေးမှာ လမ်းတံတားပြုပြင်ရေး၊ စစ်ဘေးရှောင်အရေးအပါအဝင် အချက် ၁၄ ချက်ကို ဆုံးဖြတ်ခဲ့ဟု ဆို

Leave A Reply Cancel Reply


The reCAPTCHA verification period has expired. Please reload the page.

  • Featured Article
November 4, 2026

“ကျူးလွန်ခံရတဲ့ လူတိုင်းက တရားမျှတမှုကို လိုလားပြီး တောင်းတနေကြတယ်”

September 17, 2026

Palangvum (သို့) ပလက်ဝတွင် ဘာတွေဖြစ်နေလဲ

September 4, 2026

ကလေးမြို့က သားသည်မိခင်တို့၏ ညစဉ်ခြောက်လှန့်အိပ်မက်နှင့် ပေါ်တာဆွဲမှု အရေခြုံစစ်မှုထမ်းဥပဒေ

August 26, 2026

“ဒဏ်ရာများထက် ပိုမိုတောက်ပသော အနာဂတ်အတွက် ပေးဆပ်မှု”

Ads
Leaderboard Ad
Archives
Leaderboard Ad
–
Leaderboard Ad
  • Featured Article
November 16, 2026

စစ်ရေးနှင့် နိုင်ငံရေးကို မဟာမိတ်အင်အားစုများနှင့် လက်တွဲ၍ အရှိန်အဟုန်ဖြင့် ဆောင်ရွက်မည်ဟု CPU/ CPA ဆို

November 16, 2026

ချင်းမြောက်တီးတိန် ပို့မည့် ကျပ် ၂ ဘီလီယံကျော်တန် ဘိန်းဖြူများနှင့် လူ ၇ ဦးကို ကလေးမြို့အနီး ဖမ်းမိ

November 16, 2026

ချင်း-မကွေး အစပ်ဒေသမှာ စစ်တပ်က ဖြတ်လေးဖြတ်ဗျူဟာကျင့်သုံး၊ ထောင်နှင့်ချီသော စစ်ဘေးရှောင်များ အခက်အခဲကြုံနေရဟု AAPP ပြော

November 13, 2026

ချင်းပြည်အစိုးရအဖွဲ့ အစည်းအဝေးမှာ လမ်းတံတားပြုပြင်ရေး၊ စစ်ဘေးရှောင်အရေးအပါအဝင် အချက် ၁၄ ချက်ကို ဆုံးဖြတ်ခဲ့ဟု ဆို

Copyright © 2015 Khonumthung News Group. Design & Developed by ExL.

Copyright © 2015 Khonumthung News Group. Design & Developed by ExL.

Type above and press Enter to search. Press Esc to cancel.