Close Menu
  • Home
  • Featured
  • English
  • Headline
  • About Us
Facebook X (Twitter) Instagram
Khonumthung Media Group
Khonumthung Ad
  • Home
  • Featured
  • English
  • Headline
  • About Us
Khonumthung Media Group
You are at:Home»Khonumthung»ချင်းမြောက်တီးတိန် ပို့မည့် ကျပ် ၂ ဘီလီယံကျော်တန် ဘိန်းဖြူများနှင့် လူ ၇ ဦးကို ကလေးမြို့အနီး ဖမ်းမိ

ချင်းမြောက်တီးတိန် ပို့မည့် ကျပ် ၂ ဘီလီယံကျော်တန် ဘိန်းဖြူများနှင့် လူ ၇ ဦးကို ကလေးမြို့အနီး ဖမ်းမိ

0
By Editor on November 16, 2026 Khonumthung

(006SV)

ချင်းပြည်နယ်မြောက်ပိုင်း၊ တီးတိန်မြို့သို့ သယ်ဆောင်ရောင်းဝယ်မည့် ကျပ် ၂ ဘီလီယံကျော် တန်ဖိုးရှိ မူးယစ်ဆေးဝါးများကို ကလေးမြို့အနီးတွင် ဖမ်းဆီးရမိကြောင်း အာဏာသိမ်း စစ်အစိုးရ၏ မူးယစ်ဆေးဝါး တားဆီးနှိမ်နှင်းရေးဗဟိုကော်မတီ (CCDAC)ထံမှ သိရသည်။

ချင်း-စစ်ကိုင်းအစပ်၊ ကလေးမြို့နယ်၊ ကျီကုန်းရွာအနီးတွင် စိုင်းကိုကိုနှင့် လွင်ဖြိုးအောင်တို့ မောင်းနှင်လာသော NISSAN CONDOR အမျိုးအစားယာဉ်ပေါ်မှ ဘိန်းဖြူ ၂၇. ၇၂ ကီလိုကို နိုဝင်ဘာလ ၃ ရက်က စစ်တပ်အစိုးရ၏ မူးယစ်ဆေးဝါး တားဆီးနှိမ်နှင်းရေးရဲတပ်ဖွဲ့က ဖမ်းဆီးရမိကြောင်း CCDAC က နိုဝင်ဘာလ ၁၄ ရက်မှာ ထုတ်ပြန်သည်။

အဆိုပါဘိန်းဖြူများ သယ်ဆောင်ရာတွင် ပူးပေါင်းပါဝင်သော ခုပ်လမ့်ထွန်း(ခ) မောင်လှိုင်ကို ကလေးမြို့၊ ပင်လုံရပ်ကွက်တွင်ပင် နိုဝင်ဘာလ ၅ ရက်မှာ ဆက်လက်ဖမ်းဆီးရမိခဲ့ကြောင်း သိရသည်။

နိုဝင်ဘာလ ၅ ရက်မှာလည်း ကလေးမြို့နယ်၊ ကျီကုန်းရွာအနီးတွင် ဇာနည်မိုး (ခ) မိုးအောင် မောင်းနှင်ပြီး အောင်နိုင်မင်း (ခ) မင်းမင်း လိုက်ပါလာသော Dong Feng အမျိုးအစားယာဉ်ပေါ်မှလည်း ဘိန်းဖြူ ၁၁.၆၆ ကီလိုကို သတင်းကွင်းဆက်အရ ထပ်မံ ဖမ်းဆီးရမိသည်ဟု သိရသည်။

ယင်းနေ့မှာပင် ဘိန်းဖြူများ သယ်ဆောင်ရာတွင် ပူးပေါင်းပါဝင်သူ မောင်လှ(ခ) သော့ပြောင်းကိုလည်းကောင်း၊ နိုဝင်ဘာလ ၆ ရက်မှာ ဘိန်းဖြူများ သယ်ဆောင်ခိုင်းသူ ဇော်ဝင်းမောင် (ခ) မောင်ပိန်ကိုလည်းကောင်း အသီးသီး ထပ်မံ ဖမ်းဆီးရမိသည်ဟု သိရသည်။

နိုဝင်ဘာလ ပထမပတ်အတွင်းမှာပင် ကလေးမြို့နယ်တွင် ငွေကျပ် ၂. ၈၁၈ ဘီလီယံတန်ဖိုးရှိသော ဘိန်းဖြူ ၃၉.၃၈ ကီလိုနှင့် ပါဝင်ပတ်သက်သူ ၇ ဦးတို့ကို ဖမ်းဆီးရမိခြင်းဖြစ်သည်ဟု ဆိုသည်။

အဆိုပါမူးယစ်းဆေးဝါးများသည် အိန္ဒိယနိုင်ငံ၊ မီဇိုရမ်မှတစ်ဆင့် အိန္ဒိယနိုင်ငံအတွင်းသို့ ပို့ဆောင်ရောင်းဝယ်ရန် ဆောင်ရွက်စဉ် ဖမ်းဆီးရမိခြင်းဖြစ်နိုင်ကြောင်း ချင်းပြည်အခြေအနေနှင့် စစ်ရေးလေ့လာစောင့်ကြည်သူ CDM ဗိုလ်ကြီးဇင်ယော်က သုံးသပ်သည်။

ကျနော်သိသလောက်က အဲဒီမူးယစ်ဆေးဝါးတွေက မီဇိုရမ်ပေါ့နော်။ အိန္ဒိယပြည်နယ်ထဲကို ပို့မယ့် ပစ္စည်းတွေပေါ့နော်။ ဟိုအရင်တုန်းကလည်း ဖမ်းမိတာတွေ ရှိတယ်။ ဒါတွေက အိန္ဒိယနိုင်ငံထဲ ရောက်ခါမှ ဖမ်းမိတာတွေလည်း ရှိတယ်။ အခု ဒါက အိန္ဒိယနိုင်ငံထဲ မရောက်ခင် မြန်မာနိုင်ငံထဲမှာကို ဖမ်းလာရတဲ့ အနေအထားမျိုးပေါ့နော်။ ဒါက အိန္ဒိယနိုင်ငံထဲကို သွားမယ့် မူးယစ်ဆေးဝါးတွေဆိုတာကတော့ သေချာတယ်လို့ ပြောလို့ ရပါတယ်” ဟု CDM ဗိုလ်ကြီးဇင်ယော်က ပြောသည်။

အဆိုပါ ဘိန်းဖြူများသည် ရှမ်းပြည်နယ်မြောက်ပိုင်း၊ ကွတ်ခိုင်မြို့နယ်မှ စစ်ကိုင်းတိုင်း၊ ကလေးမြို့သို့ သယ်ဆောင်လာပြီး ယင်းမှတဆင့် ချင်းပြည်နယ်၊ တီးတိန်မြို့သို့ သယ်ဆောင်ရောင်းဝယ်သွားမည်ဟု စစ်ဆေးဖော်ထုတ်ချက်များအရ သိရကြောင်း CCDAC ၏ ထုတ်ပြန်ချက်အရ သိရသည်။

ဘိန်းဖြူများ၏ ပိုင်ရှင်ဖြစ်သူမှာ ရှမ်းပြည်နယ်၊ ကွတ်ခိုင်မြို့နယ်မှ အားပီး(ခ) အပိ ဖြစ်ပြီး ၎င်းကို ဖမ်းဆီးရန် ကျန်ရှိနေသေးကြောင်း၊ နေလင်းထိုက် (ခ) ငပိကောင်နှင့် ဟိန်းမိုးအောင်တို့ကိုလည်း ဖမ်းဆီးရန် ကျန်ရှိသေးကြောင်း သိရသည်။

၎င်းတို့ကို မူးယစ်ဆေးဝါးနှင့် စိတ်ကို ပြောင်းလဲစေသော ဆေးဝါးများဆိုင်ရာ ဥပဒေအရ အရေးယူထားပြီး ကွင်းဆက်ကျူးလွန်သူများကိုလည်း ဆက်လက် စစ်ဆေးဖော်ထုတ်လျက်ရှိကြောင်း သိရသည်။

မူးယစ်ဆေးဝါး သယ်ဆောင်ရောင်းဝယ်ရာမှ ရရှိသော ငွေကြေးအကျိုးအမြတ်များနှင့် ပိုင်ဆိုင်မှုများကို ပြည်သူ့ဘဏ္ဍာအဖြစ် သိမ်းဆည်းနိုင်ရေးအတွက် ငွေကြေးခဝါချမှု တိုက်ဖျက်ရေးဥပဒေဖြင့်လည်း ဆက်လက်အရေးယူသွားမည်ဟု သိရသည်။

#Chin #Myanmar #News #KMG #Khonumthung #AWindowForChinPeople

Share. Facebook Twitter Pinterest LinkedIn Tumblr Email
Editor
  • Website

Related Posts

ZCDF- Zo Army ကော်မတီကို အသစ်ပြန်လည်ဖွဲ့စည်း

အမဲလိုက်ရာမှ သားကောင်ဟု အထင်မှားပစ်ခတ်မိ၍ ချင်းအမျိုးသားတစ်ဦး သေဆုံး

စိတ်ဝေဒနာ ခံစားရမှုကြောင့် ဆယ်စုနှစ်တစ်ခုကျော်ကြာ အိမ်အောက်တွင် သီးခြားနေထိုင်ခိုင်းသည့် ချင်းလူငယ်တစ်ဦး အသိစိတ်ပြန်ဝင်လာပြီး စကားစပြောလာ

Leave A Reply Cancel Reply


The reCAPTCHA verification period has expired. Please reload the page.

  • Featured Article
November 4, 2026

“ကျူးလွန်ခံရတဲ့ လူတိုင်းက တရားမျှတမှုကို လိုလားပြီး တောင်းတနေကြတယ်”

September 17, 2026

Palangvum (သို့) ပလက်ဝတွင် ဘာတွေဖြစ်နေလဲ

September 4, 2026

ကလေးမြို့က သားသည်မိခင်တို့၏ ညစဉ်ခြောက်လှန့်အိပ်မက်နှင့် ပေါ်တာဆွဲမှု အရေခြုံစစ်မှုထမ်းဥပဒေ

August 26, 2026

“ဒဏ်ရာများထက် ပိုမိုတောက်ပသော အနာဂတ်အတွက် ပေးဆပ်မှု”

Ads
Leaderboard Ad
Archives
Leaderboard Ad
–
Leaderboard Ad
  • Featured Article
November 16, 2026

စစ်ရေးနှင့် နိုင်ငံရေးကို မဟာမိတ်အင်အားစုများနှင့် လက်တွဲ၍ အရှိန်အဟုန်ဖြင့် ဆောင်ရွက်မည်ဟု CPU/ CPA ဆို

November 16, 2026

ချင်းမြောက်တီးတိန် ပို့မည့် ကျပ် ၂ ဘီလီယံကျော်တန် ဘိန်းဖြူများနှင့် လူ ၇ ဦးကို ကလေးမြို့အနီး ဖမ်းမိ

November 16, 2026

ချင်း-မကွေး အစပ်ဒေသမှာ စစ်တပ်က ဖြတ်လေးဖြတ်ဗျူဟာကျင့်သုံး၊ ထောင်နှင့်ချီသော စစ်ဘေးရှောင်များ အခက်အခဲကြုံနေရဟု AAPP ပြော

November 13, 2026

ချင်းပြည်အစိုးရအဖွဲ့ အစည်းအဝေးမှာ လမ်းတံတားပြုပြင်ရေး၊ စစ်ဘေးရှောင်အရေးအပါအဝင် အချက် ၁၄ ချက်ကို ဆုံးဖြတ်ခဲ့ဟု ဆို

Copyright © 2015 Khonumthung News Group. Design & Developed by ExL.

Copyright © 2015 Khonumthung News Group. Design & Developed by ExL.

Type above and press Enter to search. Press Esc to cancel.