• Home
  • Featured
  • English
  • Headline
Facebook X (Twitter) Instagram
Khonumthung Media Group
Khonumthung Ad
  • Home
  • Featured
  • English
  • Headline
Khonumthung Media Group
You are at:Home»Headline»၂ နှစ်အတွင်း CDF-Mindat နှင့် စစ်ကောင်စီတပ်ဖွဲ့တို့ တိုက်ပွဲပေါင်း ၂၀ဝ ကျော်ဖြစ်ပွားခဲ့ပြီး စစ်ကောင်စီတပ်သား ၅၀ဝ နီးပါး ရှင်းလင်းနိုင်ခဲ့

၂ နှစ်အတွင်း CDF-Mindat နှင့် စစ်ကောင်စီတပ်ဖွဲ့တို့ တိုက်ပွဲပေါင်း ၂၀ဝ ကျော်ဖြစ်ပွားခဲ့ပြီး စစ်ကောင်စီတပ်သား ၅၀ဝ နီးပါး ရှင်းလင်းနိုင်ခဲ့

0
By Editor on April 25, 2023 Headline

ချင်းပြည်နယ်တောင်ပိုင်း၊ မင်းတပ်မြို့က ချင်းကာကွယ်ရေးတပ်ဖွဲ့ (မင်းတပ်) နှင့် စစ်ကောင်စီတပ်ဖွဲ့တို့သည် ၂ နှစ်အတွင်း တိုက်ပွဲပေါင်း ၂၁၈ ကြိမ် ဖြစ်ပွားခဲ့ကြပြီး စစ်ကောင်စီတပ်သား ၄၅၄ ဦးတို့ကို သုတ်လင်းရှင်းလင်းခဲ့ကာ ချင်းကာကွယ်ရေးတပ်ဖွဲ့ (မင်းတပ်) တပ်ဖွဲ့ဝင် ၅၅ ဦး တိုင်းပြည်နှင့် လူမျိုးအတွက် အသက်ပေးဆပ်ခဲ့ကြရသည်ဟု တော်လှန်ရေး (၂) နှစ်ပြည့်နေ့ ယမန်နေ့တွင် ချင်းကာကွယ်ရေးတပ်ဖွဲ့ (မင်းတပ်) က ထုတ်ပြန်ထားသည်။

ချင်းကာကွယ်ရေးတပ်ဖွဲ့ (မင်းတပ်) သည် ပြီးခဲ့သည့် ၂၀၂၁ ခုနှစ် ဖေဖော်ရီလ (၂) ရက်ညမှ စတင်ပြီး အကြမ်းမဖက်သည့်နည်းဖြင့် စစ်အာဏာရှင်အား မထောက်ခံကြောင်း လမ်းမကြီးများပေါ်တွင် Spray Compaign စတင်ကာ မင်းတပ်မြို့ပေါ်တွင် ငြိမ်းချမ်းစွာဆန္ဒဖော်ထုတ်ခဲ့ကြပြီး စစ်ကောင်စီတပ်ဖွဲ့အနေဖြင့် သပိတ်ဖြိုခွင်းခြင်း၊ ပြည်သူများအား ဖမ်းဆီးခြင်းများ ပြုလုပ်လာပါက ချင်းရိုးရာဓလေ့ထုံးတမ်းများဖြင့် ပြန်လည်ခုခံတုံပြန်သွားမည်ဖြစ်ကြောင်း သပိတ်မိန့်ခွန်းများတွင် အကြိမ်ကြိမ် ထည့်သွင်းပြောကြားခဲ့သည်ဟု ထုတ်ပြန်ချက်တွင် ပါရှိသည်။

မင်းတပ်မြို့၊ ဗိုလ်ချုပ်ကြေးရုပ်ရှေ့တွင် လူမဲ့သပိတ် “NUG” ဟူသော စာတမ်းရေးသားနေသည့် အရပ်သား ပြည်သူ (၇) ဦးကို စစ်ကောင်စီ က ဖမ်းဆီးခေါ်ဆောင်ခဲ့သည့် ဧပြီလ ၂၄ ရက်နေ့ ညမှစကာ မင်းတပ်မြို့နယ်အတွင်းရှိ ပြည်သူတစ်ရပ်လုံးက စစ်ကောင်စီအား ရရာ လက်နက်ဖြင့် ပြန်လည်ခုံခံတော်လှန်ခဲ့ခြင်းဖြစ်သည်။

ချင်းပြည်နယ်၊ မင်းတပ်မြို့နယ်တွင် ချင်းကာကွယ်ရေးတပ်ဖွဲ့ (မင်းတပ်) နှင့် စစ်ကောင်စီတို့သည် ၂၀၂၁ ခုနှစ် ဧပြီလ ၂၄ ရက်မှ ၂၀၂၃ ခုနှစ် ဧပြီလ ၂၄ ရက်နေ့ =အထိ တိုက်ပွဲဖြစ်ပွားခဲ့ပြီ စစ်ကောင်စီတပ်သား (၄၅၄) ဦးသေဆုံးကာ ရဲကား (၁) စီး၊ စစ်ကား (၆) စီး၊ JCB ၁ စီး၊ ကား(၂) စီး ပျက်ဆီးခဲ့သည့်အပြင် မကွီးအိမ်နူးရဲစခန်း သိမ်းပိုက်နိုင်ခဲ့ကာ သေနတ် ၂ လက် သိမ်းဆည်းနိုင်ခဲ့သည်ဟု သိရသည်။

၎င်းအပြင် ချင်းကာကွယ်ရေးတပ်ဖွဲ့ (မင်းတပ်) မှ အသက်ပေးလှူခဲ့ကြသော ချင်းကာကွယ်ရေးတပ်ဖွဲ့ (မင်းတပ်) ရဲဘော်ရဲဘက် (၅၅) ဦးကို ဂုဏ်ပြုသတိရရရင်း စစ်ကောင်စီတပ်အား ပြန်လည်ခုခံတော်လှန်နေသည့် တော်လှန်ရေးမဟာမိတ်အင်အားစုများနှင့် လက်တွဲပူးပေါင်းကာ မိမိတို့၏ အန္တိမပန်းတိုင်ဖြစ်သော ဖယ်ဒရယ်ဒီမိုကရေစီရရှိသည့်အထိ မဆုတ်မနစ်သော ဇွဲလုံးလဖြင့် ရွပ်ရွပ်ချွံချွံ ခုခံတော်လှန်တိုက်ပွဲဝင်သွားမည်ဟု ထုတ်ပြန်ချက် ဖော်ပြထားသည်။

Share. Facebook Twitter Pinterest LinkedIn Tumblr Email
Editor
  • Website

Related Posts

စခန်းသိမ်းတိုက်ပွဲထိ စစ်ရှိန်မြှင့်မည့် မတူပီမှာ မြို့အဝင်က စစ်စခန်းကို စတင်စီးနင်းတိုက်ခိုက်၊ ဗိုလ်ကြီးအပါအဝင် ၇ ဦး သေဆုံး

ရေဇွာမြို့သိမ်းတိုက်ပွဲတွင် စစ်ကောင်စီ၏ ဗုံးကြဲတိုက်ခိုက်မှုကြောင့် ဆေးရုံ၊ ကျောင်း၊ ဘာသာရေးအဆောက်အအုံအပါအ၀င် နေအိမ် ၆၀ ကျော် ထိခိုက်ပျက်စီး

“ZZLMS စစ်ဆင်ရေး”အမည်နှင့် ရေဇွာမြို့ကို ချင်းပူးပေါင်းတပ် သိမ်းပိုက်၊ လက်နက်နှင့်စစ်ကောင်စီတပ်သားများ အရှင်ဖမ်းဆီးရမိ

Leave A Reply Cancel Reply


The reCAPTCHA verification period has expired. Please reload the page.

  • Featured Article
November 29, 2023

အနာဂတ်ချင်းပြည်ထောင်တည်ဆောက်ရေး ကနဦးခြေလှမ်းအစ (သို့) ရိခေါဒါရ်မြို့

November 29, 2023

မီဇိုရမ်ပြည်နယ်က မြန်မာစစ်ဘေးရှောင်များ၏ သောက

November 24, 2023

“ရိခေါဒါရ်မြို့မှာ ပြည်သူ့အုပ်ချုပ်ရေး တည်တည်ငြိမ်ငြိမ်နဲ့ စတင်အကောင်အထည်ဖော်ဖို့ ဒေသခံအဖွဲ့အစည်းတွေနဲ့ ဆွေးနွေးမှုတွေပြုနေပါပြီ”

November 3, 2023

ချင်းရဲဘော်တွေနဲ့ တော်လှန်ဂီတ 

Ads
Leaderboard Ad
Archives
–
Leaderboard Ad
Copyright © 2015 Khonumthung News Group. Design & Developed by ExL.

Type above and press Enter to search. Press Esc to cancel.