(004SS)
စစ်ကိုင်းတိုင်း ကလေးမြို့မှ ရန်ကုန်သို့ ပျံသန်းသည့် လေယာဉ်စီးနှင်းခစေ◌ျးနှုန်း ကျပ် ၁၅၀၀၀ အထိ ထပ်မံမြင့်တက် သွားရာ ကျပ်ငွေ ၃ သိန်း ၆ သောင်းကျော်အထိ ဖြစ်လာပြီဟု လေယာဉ်လက်မှတ်အရောင်းဌာနထံမှ သိရသည်။
ကလေး-ရန်ကုန် လေယာဉ်လက်မှတ်စေ◌ျးနှုန်းမှာ ဇန်နဝါရီလ ၂၈ ရက်နေ့မှစတင်ကာ ဈေးမြင့်တက်သွားခြင်းဖြစ်ပြီး ယခင်က လေယာဉ်စီးနှင်းခ တစ်ဦးမှာ ကျပ် ၃၅၀,၀၀၀ ရှိရာမှ ယခုအခါ ကျပ် ၃၆၅,၀၀၀ ဖြစ်သွားပြီဟု ကလေးမြို့က လေယာဉ်လက်မှတ်အရောင်းကိုယ်စားလှယ်တစ်ဦးကပြောသည်။
“ဈေးတော့ ထပ်တက်သွားပြီ၊ ဘာကြောင့်တက်တယ်ဆိုတာတော့ မသိရဘူးပေါ့နော်၊ ရုံးဘက်က ချပေးတဲ့ဈေးနဲ့ပဲ ရောင်းနေရတာဆိုတော့ ကိုယ်က ဈေးလျှော့ပေးပါပြောလို့လည်း မရဘူး၊ တစ်ချို့ အပြင်က cancel လုပ်တဲ့ဟာတွေဆို ၄၀၀,၀၀၀ ၊ ၄၅၀,၀၀၀ နဲ့ ပြန်ဝယ်နေရတဲ့သူတွေေတာင်ရှိတယ်” ဟု ၎င်းက ပြောသည်။
ယခုလက်ရှိ ကလေးမြို့လေဆိပ်မှ အပါတ်တိုင်း တနလ်ာ၊ အဂါ၊ ဗုဒ္ဒဟူး နှင့် ကြာသပတေးနေ့များတွင်၊ တစ်ရက်လျှင် တစ်ကြိမ်မှ နှစ်ကြိမ်အထိ မြန်မာ့လေကြောင်းလိုင်း MNA တစ်ခုတည်းသာ ပျံသန်းနေကြောင်း သိရသည်။
ယခုကဲ့သို့ လေယာဉ်လက်မှတ်ဈေးမြှင့်တက်နေသော်လည်း ကုန်းလမ်းဆက်သွယ်ရေး အဆင်မပြေမှုများကြောင့် လေယာဉ်စီးသူ များပြားနေဆဲဖြစ်ကြောင်းသိရသည်။
တချိန်တည်းမှာပဲ ကလေးမြို့မှ ရန်ကုန်သို့ ကုန်းလမ်းဖြင့်လည်း အချို့ ကားဂိတ်များပြေးဆွဲလျက်ရှိေနေကြာင်း သိရသည်။
ယခုတွင်မူ မဟာမြိုင်လမ်းမကြီးအား အသုံးပြုကာ ကလေးမြို့မှ ပြည်မဘက်သွားရာတွင် မော်တော်ယဉ်စီးခ တစ်ဦးလျှင် ကျပ်တစ်သိန်းခွဲပေးဆောင်ကြရသည်ဟု သိရသည်။
ယခင်က ကလေးမြို့မှ ပြည်မဘက်သွားရာ အဝေးပြေးလမ်းမကြီးများမှာ မိုးတွင်းကာလ လမ်းပျက်စီးခြင်း၊ တိုက်ပွဲများဖြစ်ပွားမှုကြောင့် သွားလာ၍မရခဲ့ဘဲ ကလေး – ဟားခါးမှတစ်ဆင့် ပြည်မသို့ ကွေ့ပါတ်သွားရခြင်းကြောင့် မော်တော်ယဉ်စီးနှင်းခ တစ်ဦးလျင် ကျပ် ၂၀၀,၀၀၀ ကျော်ပေးဆောင်ခဲ့ကြရသည်။
