FiftyTwoNews စစ်ကောင်စီဝါဒဖြန့် Facebook Account ကနေ“မနေ့က (ဇူလိုင် ၂၅) နေ့ လယ် ၂ နာရီခန့်တွင် ချင်းပြည်နယ် မတူပီမြို့နယ်အတွင်း နယ်မြေရှင်း လင်းရေးဆောင်ရွက်နေသော လုံခြုံရေးပူးပေါင်းအဖွဲ့များသည် မတူပီမြို့နယ်၊ ဖနိုင်ကျေးရွာ အနီးတွင် အကြမ်းဖက် CDF များနှင့်ထိတွေ့တိုက်ပွဲဖြစ်ပွားခဲ့ပြီး အကြမ်းဖက် CDF များထံမှ ပဒတ်ကင် ၁ ကင်၊ လက်လုပ်တစ်တောင့်ထိုးသေနတ် ၁ လက်၊ တစ်တောင့်ထိုးကျည် ၈ တောင့်တို့အား သိမ်းဆည်ရမိခဲ့ကြောင်း သိရှိရသည်။” လို့ရေးသာဖော်ပြထားတာဖြစ်ပါတယ်။
ဒီကိစ္စနဲ့ပတ်သက်ပြီး CDF-Matupi ပြန်ကြားရေးတာဝန်ခံတစ်ဦးမှ “အဲ့ဒါ ၂၅ ရက်နေ့က တိုက်ပွဲဖြစ်တာ.. တိုက်ပွဲမှာတော့ စစ်ကောင်စီဘက်က (၅) ယောက်သေပြီး (၄) ယောက်ဒဏ်ရာရတာ..ကျနော်တို့ CDF-Matupi ဘက်ကတော့ အထိခိုက်မရှိပြန်ဆုတ်ခွာနိုင်တာ သူတို့ဘက်ကတော့ ဘာလက်နက်မှ သိမ်းဆည်းရမိတယ်ဆိုတာမရှိဘူး…အဲ့ဒါသတင်းအမှားပါ” လို့ပြောကြားခဲ့ပါတယ်။
တပင်ရွှေထီး အကောင့်မှလည်း“ ချင်းပြည်နယ် မတူပီမြို့နယ် လေမျိုချောင်း တံတားနားမှာ စစ်ကောင်စီနှင့် PDF များတိုက်ပွဲဖြစ်ပွားခဲ့ပါတယ်။ တိုက်ပွဲအတွင်း စစ်ကောင်စီတပ်သား (၂) မစိုးရိမ်ရဒဏ်ရာရရှိခဲ့ပြီး PDF များဘက်မှ PDF အလောင်း (၁) လောင်းနှင့် သေနတ် (၁) လက်တို့အား စစ်ကောင်စီတပ်သားများမှ သိမ်းဆည်းမိသွားကြောင်းသိရပါတယ်။” လို့ရေးသားဖော်ပြထားပါတယ်။
ဒီဖြစ်စဉ်နဲ့ပတ်သက်ပြီး Chinland Defense Force – Matupi မှ “၂၀၂၂ခုနှစ်၊ ဇူလိုင် ၂၅ ရက်၊ ၁၁ နာရီခန့်တွင် CDF-Matupi တပ်ဖွဲ့ဝင်များနှင့် အကြမ်းဖက်စစ် ကောင်စီတပ်ဖွဲ့ဝင်များအကြား လေမျိုချောင်းတံတား အနီးတစ်ဝိုက် ထိတွေ့ပစ်ခတ်မှုဖြစ်ပွားခဲ့ရာ အကြမ်းဖက်စစ်ကောင်စီတပ်ဖွဲ့ဝင် ( ၅) ဉီးကျဆုံးပြီး ( ၄) ဦးခန့် ဒဏ်ရာရရှိကြောင်း။ ၄င်းထိတွေ့ပစ်ခတ်မှုဖြစ်စဉ်မှ CDF-Matupi တပ်ဖွဲ့ဝင်များ အထိအခိုက်မရှိပြန် လည်ဆုတ်ခွါနိုင်ကြောင်း နှင့် CDF-Matupi လှုပ်ရှားရာဒေသအတွင်း ထိတွေ့ပစ်ခတ်မှုများ ဆက်လက်ဖြစ်ပွားနိုင်ကြောင်း သတင်းထုတ်ပြန်ထားသည်။
Chinland Defense Force – Matupi Link>>> https://bit.ly/3oxMYLV
CDF-မတူပီ ရဲ့ ပြန်ကြားရေးတာဝန်ခံဆလိုင်းချင်းက “အဲဒီစစ် (…) တွေက ၂ ယောက်လောက်ပဲ ကျန်တော့တာဗျ။ ကျနော်တို့တပ်ဖွဲ့တွေနဲ့ တိုက်ပွဲဖြစ်တဲ့ အသံကြားတော့ စစ်တပ်ဘက်က လက်နက်ကြီးတွေနဲ့ ဆက်တိုက်ပစ်ခတ်ပြီး တပ်ကူလိုက်လာလို့ လက်နက်ခဲယမ်းတွေကိုတော့ မသိမ်းနိုင်ခဲ့ဘူး။ ကျနော်တို့ဘက်က ရဲဘော်တွေတော့ အထိခိုက်အကျဆုံးမရှိဘဲ ဆုတ်ခွာနိုင်ခဲ့ကြတယ်။” လို့ DVB သတင်းဌာနရဲ့ မေးမြန်းချက်မှာဖြေဆိုထားပါတယ်။
DVB Link>>https://bit.ly/3vevzvq
စာဖတ်ပြည်သူများအနေနဲ့ မှန်တဲ့သတင်းဌာနမှာဖော်ပြထားတဲ့ သတင်းတွေကိုသာဖတ်ရှဖို့ တိုက်တွန်းလိုက်ပါတယ်။
