အိန္ဒိယနိုင်ငံသည် ကမ်ဘာ့အကြီးဆုံး ဒီမိုကရေစီနိုင်ငံဖြစ်သောကြောင့် အိမ်နီးချင်းနိုင်ငံမှ ဒီမိုကရေစီလိုလားသောပြည်သူများကို ကူညီထောက်ပံ့ပေးခြင်းသည် အိန္ဒိယအစိုးရ၏ တာဝန်တစ်ရပ်ဖြစ်သည်ဟု မီဇိုရမ်ပြည်နယ် အထက်လွတ်တော်အမတ် (Rajya Sabha MP) Pu K.Vanlalvena က ပြောသည်။
မြန်မာ့နိုင်ငံရေးအလြေနေကြောင့် အိနိ္ဒယနိုင်ငံဘက်သို့ ထွက်ပြေးခိုလုံနေကြသည့်မြန်မာစစ်ဘေးရှောင်အရေးနှင့်ပတ်သက်ပြီး နှုတ်ဆိတ်နေသောအိန္ဒိယဗဟိုအစိုးရကို ဒီဇင်ဘာ ၁၄ ရက်နေ့က အိန္ဒိယနိုင်ငံ ပါလီမန်အစည်းအဝေးတွင် Pu K.Vanlalvena က ထိုကဲ့သို့ ပြောဆိုခဲ့ခြင်းဖြစ်ကြောင်း ဒေသထုတ် Zonet သတင်းတွင် ဖော်ပြသည်။
“မီဇိုရမ်ပြည်နယ်မှာ မြန်မာစစ်ဘေးရှောင် ၁၅၀၀၀ ခန့်ရှိတယ်။ အဲဒီစစ်ဘေးရှောင်တွေကို အိန္ဒိယဗဟိုအစိုးရရဲ့ ကူညီထောက်ပံ့မှုမပါဘဲ မီဇိုရမ်အစိုးရ၊ နိုင်ငံရေးပါတီ၊ NGO အဖွဲ့အစည်းတွေနဲ့ မီဇိုးပြည်သူတွေက (၁၁) လနီးပါး အတတ်နိုင်ဆုံး ကူညီဆောင်ရွက်ခဲ့ကြတယ်။ စစ်ဘေးရှောင်ကလေးများ ပညာသင်ကြားနိင်သည့်အထိ ဆောင်ရွက်နေပြီဖြစ်တယ်” ဟု Pu K.Vanlalvena က ပြောသည်။
ထို့ကြောင့် ဒီမိုကရေစီလိုလားသော အိမ်နီးချင်း မြန်မာပြည်သူများအား ကူညီပံ့ပိုးခြင်းသည် ကမ်ဘာ့အကြီးဆုံး ဒီမိုကရေစီနိုင်ငံဖြစ်သည့် အိန္ဒိယဗဟိုအစိုးရမှမဖြစ်မနေဆောင်ရွက်ရမည့်တာဝန်တရပ်ဖြစ်သည်ဟု Pu K.Vanlalven ကပြောသည်။
မီဇိုရမ်ရောက် စစ်ဘေးရှောင်ပြည်သူများတချို့မှာ ဆွေမျိုးမိသားစုအိမ်မှာ နေထိုင်ကြပြီး တချို ့မွာ မီဇိုရမ်အစိုးရနှင့် NGO အဖွဲ့အစည်းပူးပေါင်းကာ မီဇိုရမ်ပြည်နယ်အသီးသီးရှိ ရွာပေါင်း (၁၅) ရွာမှာ တည်ဆောက်ထားတဲ့ စစ်ဘေးရှောင်စခန်းများတွင် နေထိုင်ကြသည်။
