ဇိုးတုန်နယ်တွင် တိုက်ပွဲဖြစ်ပွား စစ်ကောင်စီတပ်သား ၁၀ ဦးသေဆုံး

ချင်းပြည်နယ်၊ ဇိုတုန်နယ် တိန်ဆီးရွာနှင့် ထော်လန်ရွာကြားတွင် ယနေ့ ဖေဖော်ဝါရီ ၄ ရက်နေ့တွင် စစ်ကောင်စီတပ်ဖွဲ့နှင့် CDF-Zotung တပ်ဖွဲ့ တို့တိုက်ပွဲဖြစ်ပွားပြီး စစ်ကောင်စီဘက်က ၁၀ ဦး သေဆုံးကာ ၅ ဦး ဒဏ်ရာရရှိခဲ့သည်ဟု CDF-Zotung က သတင်းထုတ်ပြန်သည်။

ယင်းတိုက်ပွဲတွင် CDF- ZOTUNG ဘက်က အထိခိုက်မရှိဘဲ ပြန်လည်ဆုတ်ခွာနိုင်ခဲ့ကြောင်း သိရသည်။

စစ်ကောင်စီတပ်ဖွဲ့သည် ပြည်သူ ၁၀ ဦးကိုလည်း လူသားဒိုင်းကာအဖြစ် ခေါ်ယူအသုံးလျှက်ရှိသည်ဟု CDF-Zotung က ထုတ်ပြန်သည်။