ချင်းပြည်နယ် ဟားခါးမြို့က အမျိုးသမီးတစ်ဦးအပါအ၀င် အရပ်သားပြည်သူ ၂ ဦးကို အကြမ်းဖက်မှုတိုက်ဖျက်ရေး ဉပဒေ ပုဒ်မများဖြင့် အလုပ်ကြမ်းနှင့် ထောင်ဒဏ် ၇ မှ တစ်သက်အထိကျခံရန် စက်တင်ဘာလ ၂၉ ရက်နေ့က စစ်ကောင်စီတပ်ဖွဲ့၏ စစ်ခုံရုံးက ပြစ်ဒဏ်ချမှတ်ခဲ့သည်ဟု သိရသည်။
ဟားခါးမြို့တွင်နေထိုင်သူ ဒေါ်ဗျက်မွှေဆုန်ကို CDF တပ်ဖွဲ့များအား ငွေကြေးများထောက်ပံ့ပေးအပ်ခဲ့သည်ဆိုသည့် စွပ်စွဲချက်ဖြင့် အကြမ်းဖက်မှုတိုက်ဖျက်ရေးဉပဒေပုဒ်မ ၅၀(ည) အရ ထောင်ဒဏ်တစ်သက်ကျခံစေရန် စစ်ခုံရုံးက ပြစ်ဒဏ်ချမှတ်ခဲ့ခြင်းဖြစ်သည်ဟု စစ်ကောင်စီ၀◌ါဒဖြန့် Fifty Two News က ဓာတ်ပုံနှင့်တကွ ယနေ့ဖော်ပြလာခဲ့သည်။
အလားတူ ဟားခါးမြို့နေ ဗန်ဗျက်ကျဲအိုကိုလည်း PDF တပ်ဖွဲ့များအား ၎င်းနေအိမ်တွင်တည်းခိုစေပြီး လက်နက် ခဲယမ်းများ ၀◌ယ်ယူရန် အိန္ဒိယနိုင်ငံ မီဇိုရမ်ပြည်နယ် ရှာဟာမြိုသို့ လမ်းပြနှင့် စကားပြန်ပြုလုပ်ပေးခဲ့ခြင်းကြောင့်ဟုဆိုကာ အကြမ်း ဖက်မှုတိုက်ဖျက်ရေးဉပဒေပုဒ်မ ၅၂(က) အရ အလုပ်ကြမ်းနှင့် ထောင်ဒဏ် ၇ နှစ်ချမှတ်ခဲ့သည်ဟုဆိုသည်။
ထို့အပြင် ဟားခါးမြို့နေ မောင်ငယ် ကိုလည်း ဟားခါးတက္ကသိုလ်၀◌န်းအတွင်းရှိ ဉပဒေဌာန စာသင်ဆောင်နှင့် ရူပဗေဒပညာဌာန စာသင်ကျောင်းတို့အတွင်း ကျောင်းပိုင်ပစ္စည်းများ အကြိမ်ကြိမ်၀င်ရောက်ခိုးယူမှုကြောင့်ဟုဆိုကာ ၁၉၄၇ ခုနှစ် ပြည်သူပိုင်ပစ္စည်းကာကွယ်ရေးအက်ဉပဒေပုဒ်မ ၆(၁) ပါ ပြဌာန်းချက်အရ အလုပ်ကြမ်းနှင့် ထောင်ဒဏ် ၇ နှစ်ကျခံစေရန် အမိန့်ချမှတ်ခဲ့သည်ဟု စစ်ကောင်စီ၀◌ါဒဖြန့် Fifty Two News မှာ ဖော်ပြထားသည်။
