(005MK)
မီဇိုရမ်ပြည်နယ် Lengpui လေဆိပ်တွင် မြန်မာနိုင်ငံသားတစ်ဦးထံမှ ရူပီးသိန်း ၃ ထောင်ကျော်တန်ဖိုးရှိသော Crystal Meth စိတ်ကြွမူးယစ်ဆေးတစ်မျိုးကို ရဲတပ်ဖွဲ့က အောက်တိုဘာ ၃ ရက်နေ့က ဖမ်းဆီးရမိခဲ့သည်ဟု သိရသည်။
အလေးချိန် ၁၀ ကီလိုကျော်ရှိသော အဆိုပါစိတ်ကြွမူးယစ်ဆေးများကို မြန်မာနိုင်ငံမှသယ်လာပြီး မီဇိုရမ်ပြည်နယ်မှတဆင့် အိန္ဒိယနိုင်ငံ နယူးဒေလီမြို့သို့ ပို့ဆောင်မည့် ခရီးဆောင်အိတ် (suitcase) ထဲတွင် လေဆိပ် ရဲတပ်ဖွဲ့များက ဖမ်းဆီးခဲ့ခြင်း ဖြစ်သည်ဟု Mizoram Police က ယနေ့ထုတ်ပြန်သည်။
အဆိုပါ စိတ်ကြွမူးယစ်ဆေး၀◌ါးနှင့်အတူ မြန်မာနိုင်ငံသား အသက် ၃၈ နှစ်အရွယ် အမျိုးသမီး Lalremthangi ကိုလည်း ရဲတပ်ဖွဲ့က ဖမ်းဆီးခဲ့ပြီး ၎င်းကို မူးယစ်ဆေး၀◌ါးရောင်း၀◌ယ်ဖောက်ကားမှုနှင့် နိုင်ငံခြားသားမှုတို့ဖြင့် အမှုဖွင့်အရေးယူ ထားသည်ဟု ရဲတပ်ဖွဲ့ကဆိုသည်။
သူမသည် မကြာသေးခင်က မြန်မာနိုင်ငံသို့ပြန်သွားပြီး အဆိုပါစိတ်ကြွမူးယစ်ဆေး၀◌ါးများကို သယ်ယူလာခဲ့ခြင်းဖြစ်သည် ဟု ရဲတပ်ဖွဲ့ကဆိုသည်။ ယခုဖမ်းဆီးသည့် ပမာဏသည် ယခုရက်ပိုင်းအတွင်းဖမ်းဆီးရမိသည့်အနက် တစ်ကြိမ်တည်းနှင့် အများဆုံးဖမ်းမိခြင်းဖြစ်သည်ဟု သိရသည်။
ယခုဖမ်းဆီးရမိသော Crystal Meth စိတ်ကြွမူးယစ်ဆေးသည် နိုင်ငံတကာပေါက်စေ◌ျးအရ ရူပီးငွေ သိန်း ၃၁၀၀ ခန့် ရှိသည်ဟု မီဇိုရမ်ရဲတပ်ဖွဲ့ကဖော်ပြသည်။
