(002MG)
စစ်ကိုင်းတိုင်း ကလေးမြို့ မွန်းလိုင် (Hmunlai) ရပ်ကွက်တွင် စစ်ကောင်စီတပ်မှပစ်ခတ်လိုက်သော လက်နက်ကြီးကျည် ကျရောက်ပေါက်ကွဲမှုကြောင့် အရပ်သားပြည်သူ ၃ ဦးသေဆုံးခဲ့ရသည်ဟု သိရသည်။
ယနေ့ ဖေဖော်၀ါရီလ ၂၁ ရက်မနက်ပိုင်းကစ၍ ကလေးမြို့ပေါ်နှင့် ကလေးမြို့အနီး ကံကြီးကျေးရွာဘက်တွင် ပြည်သူ့ကာကွယ်ရေးပူးပေါင်းတပ်ဖွဲ့နှင့် စစ်ကောင်စီတပ်တို့ တိုက်ပွဲဖြစ်ပွားရာမှာ စစ်ကောင်စီတပ်က လက်နက်ကြီးများ တနေကုန်နီးပါး ပစ်ခတ်ခဲ့သည်ဟု သိရသည်။
ညပိုင်း ၇ နာရီခွဲ၀န်းကျင်ခန့်တွင် စစ်ကောင်စီတပ်ဖွဲ့မှ ပစ်ခတ်လိုက်သော လက်နက်ကြီးကျည် မွန်းလိုင်ရပ်ကွက်က နေအိမ်တစ်လုံးပေါ်ကျရောက်ပေါက်ကွဲကာ အိမ်ထဲနေထိုင်သူ ၂ ဦးနှင့် ဘေးအိမ်ကတစ်ဦး စုစုပေါင်း ၃ ဦး ထိမှန်သေဆုံးသွားခြင်းဖြစ်သည်ဟု ဒေသခံများထံမှ သိရသည်။
လက်နက်ကြီးကြောင့် သေဆုံးသူများမှာ အသက် ၅၀ အရွယ် Pu Lalnunthar၊ အသက် ၆၅ နှစ်အရွယ် Pi Than Cuai နှင့် အသက် ၁၆ နှစ်အရွယ် မ Monica Lalnunmawi တို့ဖြစ်ကြသည်ဟု သိရသည်။
ထိခိုက်ဒဏ်ရာရရှိသူ ၃ ဦးရှိသည်ဟုသိရပြီး အသက် ၈ နှစ်အရွယ်ကလေးငယ်တစ်ဦးလည်း ပါ၀င်သည်ဟု သိရသည်။
ယနေ့တရက်တည်းတွင် စစ်ကောင်စီတပ်ဖွဲ့၏ လက်နက်ကြီးပစ်ခတ်မှုကြောင့် ကလေးမြို့မြောက်ပိုင်း လက်ပံချောင်းနှင့် ပြည်တော်သာကျေးရွာက အရပ်သားပြည်သူ ၅ ဦးခန့် ထိခိုက်ဒဏ်ရာရရှိခဲ့ကြကြောင်း သိရသည်။
