(004SS)
စစ်ကောင်စီက အာဏာသိမ်းပြီး ၄ နှစ်အတွင်း ချင်းပြည်နယ်တွင် လေကြောင်းတိုက်ခိုက်မှုပေါင်း ၈၀၀ ကျော်ပြုလုပ်ခဲ့ပြီး အရပ်သားပြည်သူ ၁၁၆ ဦး သေဆုံးကာ၊ ၂၄၂ ဦးဒဏ်ရာရရှိခဲ့သည်ဟု ချင်းလူ့အခွင့်အရေးအဖွဲ့ CHRO ၏ ဇန်နဝါရီလ ၃ ရက်နေ့ ထုတ်ပြန်ချက်အရ သိရသည်။
စစ်အာဏာသိမ်းသည့် ၂၀၂၁ ခုနှစ်မှ ၂၀၂၄ နှစ်ကုန်ပိုင်းအထိ ချင်းပြည်နယ်တွင် လေကြောင်းတိုက်ခိုက်မှု ၈၆၅ ကြိမ်ပြု လုပ်ခဲ့ပြီး ဘာသာရေးအဆောက်အဦး ၂၅ ခု ၊ စာသင်ကျောင်း ၂၂ ခု၊ ကျန်မာရေးအဆောက်အဦး ၈ ခု နှင့် ဘုန်းကြီး ကျောင်း ၇ ကျောင်းအပါအ၀င် ပြည်သူ့အဆောက်အဦးပေါင်း ၄၁၂ ခုလည်း ထိခိုက်ပျက်စီးခဲ့ရသည်ဟု CHRO ကဖော်ပြသည်။
၂၀၂၁ ခုနှစ်တွင် ချင်းပြည်နယ်အတွင်း လေကြောင်းတိုက်ခိုက်မှုမရှိသော်လည်း၊ ၂၀၂၂ ခုနှစ်တွင် လေကြောင်းတိုက်ခိုက် မှုပေါင်း ၂၂ ကြိမ်၊ ၂၀၂၃ ခုနှစ်တွင် ၂၆၁ ကြိမ် နှင့် ၂၀၂၄ ခုနှစ်တွင် ၅၈၂ ကြိမ်ပြုလုပ်ခဲ့သည်ဟု CHRO ထုတ်ပြန်ချက်အရ သိရသည်။
ပြီးခဲ့သော ၂၀၂၄ ခုနှစ် ဒီဇင်ဘာလ ၁၀ ရက်နေ့တွင် စစ်ကောင်စီက ဟားခါးမြို့နယ်၊ ချွန်ကျုံးရွာကို ဂျက်ဖိုက်တာဖြင့် ၂ ကြိမ်တိုင်တိုင် ဗုံးကြဲတိုက်ခိုက်ခဲ့သောကြောင့် မိသားစုဝင် ၄ ဦး သေဆုံးကာ ၁၀ ဦး ထက်မနည်း ထိခိုက်ဒဏ်ရာရရှိခဲ့ပြီး နေအိမ် ၁၅ လုံးထိခိုက်ပျက်စီးခဲ့သည်။
အလားတူ ၂၀၂၄ ခုနှစ်၊ နို၀င်ဘာ ၂၆ ရက်နေ့တွင်လည်း ဖလမ်းမြို့နယ်၊ လုမ်သဲရ်ရွာကို စစ်ကောင်စီတပ်က လေကြောင်းဖြင့် ဗုံးကြဲတိုက်ခိုက်ခဲ့သောကြောင့် ကျန်းမာရေး၀န်ထမ်း၂ ဦးနှင့် အမျိုးသား ၅ ဦး သေဆုံးခဲ့သည်။
