အိန္ဒိယ-မြန်မာနယ်စပ်မှာ သေနတ် ၈ လက်နဲ့ စစ်သုံးပစ္စည်းတွေ ဖမ်းမိ

(005MK)

အိန္ဒိယ-မြန်မာနယ်စပ် မီဇိုရမ်ပြည်နယ် ကျန်ဖိုင်းခရိုင် Saikhumphai ကျေးရွာမှာ အိန္ဒိယနယ်ခြားစောင့်တပ်ဖွဲ့ အာသံရိုင်ဖယ်တပ်ဖွဲ့က သေနတ် ၈ လက်နက် နဲ့ စစ်သုံးပစ္စည်းတချို့ဖမ်းဆီးရမိခဲ့သည်။

အာသံရိုင်ဖယ်တပ်ဖွဲ့သည် သတင်းရရှိချက်အရ Saihumphai ကျေးရွာက နေအိမ်တစ်အိမ်ကို ဩဂုတ်လ ၂၉ ရက်နေ့ က ဝင်ရောက်ရှာဖွေရာမှာ 12 Bore ရိုင်ဖယ်တစ်လက်၊ ပစ္စတိုတစ်လက်နဲ့ ကျည်ဆံတချို့ကို အိမ်ပိုင်ရှင်နှင့်အတူ ဖမ်း ဆီးခဲ့သည်။

ထို့နောက် အာသံရိုင်ဖယ်တပ်ဖွဲ့က ဆက်လက်စုံစမ်းစစ်ဆေးရာမှာ တောထဲမှာဝှက်ထားသော သေနတ် နှင့် စစ်သုံး ပစ္စည်းများကို ထပ်မံဖမ်းဆီးခဲ့သည်ဟု မီဇိုရမ်ဒေသတွင်းသတင်းမှာ ဖော်ပြထားသည်။

အဆိုပါထပ်မံဖမ်းဆီးရမိသည့် သေနတ်များမှာ Heckler & Koch G3 Assault Rifle တစ်လက်၊ Springfield Sniper Rifle နှစ်လက်၊ Shotgun နှစ်လက်၊ MA Assault Rifle တစ်လက် ၊ လက်ပစ်ဗုံး ၂ လုံး၊ ကျည်ကာ၊ မှန်ပြောင်း၊ စနိုက်ပါကျည် ၇၅ တောင့်၊ .303 ထရစ်ဇာကျည် ၉၂ တောင့်၊ 5.56mm ကျည် ၉၁ တောင့်နှင့် တခြားခဲယမ်းအမျိုးမျိုး ပါဝင်သည်။

ဖမ်းဆီးရမိသော လက်နက်ခဲယမ်းများ နှင့် ပိုင်ရှင်ဟုယူဆရသော အိမ်ပိုင်ရှင်ကို Dungtlang ရဲစခန်းထံ လွဲပြောင်း အပ်နှံခဲ့သည်ဟု သိရသည်။

Saikhumphai ကျေးရွာသည် အိန္ဒိယ-မြန်မာ နယ်စပ်မှာတည်ရှိပြီး ချင်းပြည် နယ် ဖလမ်းမြို့နယ် Leilet ကျေးရွာအနီးမှာတည်ရှိသည်။