(006SV)
ချင်းပြည်နယ်တောင်ပိုင်း၊ ပလက်ဝမြို့နယ်တွင် ဖမ်းဆီးရမိသော စစ်ကော်မရှင်တပ်မှ စစ်သုံ့ပန်းအပါအဝင် အရပ်ဖက်အကျဉ်းသား ၃၀ ကို အာရက္ခတပ်တော် ULA/AA က လွတ်ငြိမ်းခွင့် ပေးလိုက်ကြောင်း သိရသည်။
ယနေ့ မတ်လ ၄ ရက် က ပလက်ဝမြို့နယ်အတွင်း ULA/ AA ဖမ်းဆီးရမိထားသော စစ်ကော်မရှင်တပ်မှ စစ်သုံ့ပန်း ၁၆ ဦး၊ ရဲသုံ့ပန်း ၁ ဦး၊ ၎င်းတို့၏ မိသားစုဝင် ၅ ဦးနှင့် အရပ်ဖက်ပြည်သူ ၈ ဦးတို့ကို လွတ်ငြိမ်းခွင့် ပေးလိုက်ခြင်းဖြစ်သည်ဟု ရခိုင်အခြေစိုက်သတင်းဌာနတွေက ရေးသားထားသည်။
စစ်သုံ့ပန်းနှင့် အရပ်ဖက်အကျဉ်းသားများကို လူသားချင် စာနာထောက်ထားပြီး ပြန်လည်လွှတ်ပေးခြင်းဖြစ်ကြောင်း သိရသည်။
အာရက္ခတပ်တော် ULA/ AA သည် ပလက်ဝမြို့နယ်တွင် စစ်သုံ့ပန်းနှင့် အကျဉ်းသားများကို လွတ်ငြိမ်းခွင့် ၁၀ ကြိမ်ခန့် ပေးထားပြီးဖြစ်ကြောင်း၊ ပလက်ဝမြို့နယ်အပါအဝင် ရခိုင်ပြည်နယ်မှာ ဖမ်းဆီးရမိသော စစ်သုံ့ပန်းများနှင့် အကျဉ်းသားများကို လွတ်ငြိမ်းခွင့် ပေးခြင်းသည် လူဦရေး ၂၀၀၀ နီးပါး ရှိကြောင်း သိရသည်။
ဓါတ်ပုံ – We love Paletwa
