Close Menu
  • Home
  • Featured
  • English
  • Headline
  • About Us
Facebook X (Twitter) Instagram
Khonumthung Media Group
Khonumthung Ad
  • Home
  • Featured
  • English
  • Headline
  • About Us
Khonumthung Media Group
You are at:Home»Khonumthung»တီးတိန်နှင့် တွန်းဇံမြို့နယ်အတွင်းရှိ လူငယ်တိုင်း အနည်းဆုံး ၃ နှစ် တော်လှန်တာဝန်ထမ်းဆောင်ရန် PDF-Zoland တိုက်တွန်းနှိုးဆော်

တီးတိန်နှင့် တွန်းဇံမြို့နယ်အတွင်းရှိ လူငယ်တိုင်း အနည်းဆုံး ၃ နှစ် တော်လှန်တာဝန်ထမ်းဆောင်ရန် PDF-Zoland တိုက်တွန်းနှိုးဆော်

0
By Editor on March 24, 2026 Khonumthung

(004SS)

နွေဦးတော်လှန်ရေး ၅ နှစ်ပြည့်လာချိန်တွင် အာဏာရှင်စနစ်အပြီးတိုင်ချုပ်ငြိမ်းရေးအတွက် တီးတိန်နှင့် တွန်းဇံမြို့နယ်မှ အမျိုးသား၊ အမျိုးသမီး မခွဲခြားဘဲ အရွယ်ရောက်ပြီးသူတိုင်း အနည်းဆုံး ၃ နှစ် တော်လှန်ရေး တာဝန်ထမ်းဆောင်ကြရန် PDF-Zoland က တိုက်တွန်းနှိုးဆော်ကြောင်း ယနေ့တွင် ထုတ်ပြန်သည်။

အဆိုပါ ထုတ်ပြန်ချက်အရ တီးတိန်နှင့် တွန်ဇံမြို့နယ် (ဇိုဂမ်)ဒေသအတွင်း နေထိုင်သော အရွယ်ရောက်ပြီးသူတိုင်းသည် တိုင်းပြည်နှင့် လူမျိုးလွတ်မြောက်ရေးအတွက် တာဝန်ထမ်းဆောင်ရန် တာဝန်ရှိပြီး၊ ဒေသတွင်းရှိသူများသာမက ပြည်ပ ရောက် ဇိုမီးများအနေဖြင့်လည်း နည်းလမ်းမျိုးစုံဖြင့် ပါဝင်ကြရန် အလေးအနက် တောင်းဆိုထားသည်။

“အခုလို ထုတ်ပြန်ရတာဟာ အာဏာရှင်စနစ်အောက်က လွတ်မြောက်ဖို့ နိုင်ငံသားတိုင်းမှာ မဖြစ်မနေလုပ်ရမယ့် တာဝန် ရှိတယ်ဆိုတာ ခေတ်ရေစီးကြောင်းအရ လိုအပ်လာလို့ ဖြစ်ပါတယ်။ ပြည်တွင်းလူငယ်တွေအနေနဲ့ အရွယ်ရောက်သူတိုင်း တော်လှန်ရေးမှာ ပါဝင်ရမယ်။ အချိန်ပြည့်မဟုတ်တောင် အချိန်ပိုင်းဖြစ်စေ၊ ငွေကြေး/ထောက်ပို့စသည်ဖြင့် ကျရာကဏ္ဍ ကနေ ပါဝင်ပေးကြဖို့နဲ့ ပြည်ပရောက်လူငယ်တွေကတော့ အဓိက ငွေရေးကြေးရေးအရ ပံ့ပိုးပေးကြဖို့ တောင်းဆိုချင်ပါ တယ်။” ဟု PDF- Zoland မှ တာဝန်ရှိသူကပြောသည်။

ပြည်တွင်း ပြည်ပရှိ ဇိုမီးလူငယ်များအနေဖြင့် အချိန်ပြည့် တာဝန်မထမ်းဆောင်နိုင်ပါကလည်း မိမိတို့ ကျွမ်းကျင်ရာ ကဏ္ဍ အသီးသီးမှ အချိန်ပိုင်းအဖြစ် ပါဝင်ကူညီနိုင်ကြောင်း ဆိုသည်။

နိုင်ငံတစ်ဝှမ်းဆင်နွှဲလျက်ရှိနေသော နွေဦးတော်လှန်ရေးသည် ချင်းတစ်မျိုးသားလုံးနှင့် တစ်နိုင်ငံလုံး၏ လက်ရှိမျိုးဆက် သာမက နောင်လာနောက်သားများ၏ ရေရှည်ဖွံ့ဖြိုးတိုးတက်ရေးနှင့် ငြိမ်းချမ်းရေးအတွက် ဖြစ်သောကြောင့် တတ်နိုင်သည့် ဘက်မှ အတူတကွပူးပေါင်းပါဝင်ပါကာ မိမိလိုလားသော ပန်းတိုင်သို့ အရောက်လှမ်းနိုင်မည်ဟု PDF-Zoland က ဆိုသည်။

“ကျွန်တော်တို့ဒေသမှာ အခုလို စစ်ကောင်စီကို တကယ်တော်လှန်တာဟာ ဒီနွေဦးတော်လှန်ရေးက ပထမဦးဆုံးဖြစ်သလို၊ အခုလို စစ်မှုမထမ်းမနေရ ထုတ်ပြန်ရတာဟာလည်း ပထမဦးဆုံး အတွေ့အကြုံဖြစ်ပါတယ်။ ပြည်သူတွေအနေနဲ့ လက်ခံဖို့ ခက်ခဲနိုင်ပေမဲ့ ဒါဟာ တစ်ဦးတစ်ယောက်အတွက် မဟုတ်ဘဲ ပြည်သူ့အတွက်ဖြစ်လို့ ဒီအခက်အခဲကို ကျော်လွှားရမှာပါ။ ကျွန်တော်တို့ လိုလားတဲ့ လွတ်လပ်ရေးက လက်ကမ်းကြိုနေပြီဖြစ်လို့ မလွဲမသွေ အောင်နိုင်မှာပါ” ဟု PDF-Zoland ၏ တာဝန်ရှိသူက ပြောသည်။

လက်ရှိတွင် တော်လှန်ရေးကာလ ၅ နှစ်အတွင်း ဒေသတွင်းဖွံ့ဖြိုးတိုးတက်မှုနှင့် တရားမျှတမှုအတွက် အရှိန်အဟုန်မြှင့် ဆောင်ရွက်နေပြီး PDF-Zoland အနေဖြင့် တီးတိန်မြို့သိမ်းတိုက်ပွဲအတွက် ပြင်ဆင်လျက်ရှိနေကြောင်း သိရသည်။

Share. Facebook Twitter Pinterest LinkedIn Tumblr Email
Editor
  • Website

Related Posts

ZCDF- Zo Army ကော်မတီကို အသစ်ပြန်လည်ဖွဲ့စည်း

အမဲလိုက်ရာမှ သားကောင်ဟု အထင်မှားပစ်ခတ်မိ၍ ချင်းအမျိုးသားတစ်ဦး သေဆုံး

စိတ်ဝေဒနာ ခံစားရမှုကြောင့် ဆယ်စုနှစ်တစ်ခုကျော်ကြာ အိမ်အောက်တွင် သီးခြားနေထိုင်ခိုင်းသည့် ချင်းလူငယ်တစ်ဦး အသိစိတ်ပြန်ဝင်လာပြီး စကားစပြောလာ

Leave A Reply Cancel Reply


The reCAPTCHA verification period has expired. Please reload the page.

  • Featured Article
November 4, 2026

“ကျူးလွန်ခံရတဲ့ လူတိုင်းက တရားမျှတမှုကို လိုလားပြီး တောင်းတနေကြတယ်”

September 17, 2026

Palangvum (သို့) ပလက်ဝတွင် ဘာတွေဖြစ်နေလဲ

September 4, 2026

ကလေးမြို့က သားသည်မိခင်တို့၏ ညစဉ်ခြောက်လှန့်အိပ်မက်နှင့် ပေါ်တာဆွဲမှု အရေခြုံစစ်မှုထမ်းဥပဒေ

August 26, 2026

“ဒဏ်ရာများထက် ပိုမိုတောက်ပသော အနာဂတ်အတွက် ပေးဆပ်မှု”

Ads
Leaderboard Ad
Archives
Leaderboard Ad
–
Leaderboard Ad
  • Featured Article
November 13, 2026

ချင်းပြည်အစိုးရအဖွဲ့ အစည်းအဝေးမှာ လမ်းတံတားပြုပြင်ရေး၊ စစ်ဘေးရှောင်အရေးအပါအဝင် အချက် ၁၄ ချက်ကို ဆုံးဖြတ်ခဲ့ဟု ဆို

November 13, 2026

မင်းတပ်မြို့အနောက်ခြမ်းရှိ ကျေးရွာနှင့် နေရာတချို့ ဗုံးကြဲခံရ၊ ပြည်သူ ၂ ဦး သေဆုံး၊ ကလေးငယ်များ အပါအဝင် ၃ ဦး ဒဏ်ရာရ

November 13, 2026

ZCDF- Zo Army ကော်မတီကို အသစ်ပြန်လည်ဖွဲ့စည်း

November 12, 2026

၃ နှစ်ကျော်စစ်ရှောင်သော စက္ကန့်ကျေးရွာပြည်သူတချို့နေရပ်ပြန်၊ နေအိမ်အများစုမီးလောင်ပြာကျသည့်အတွက် ယာယီတဲထိုးကာ နေထိုင်ကြရ

Copyright © 2015 Khonumthung News Group. Design & Developed by ExL.

Copyright © 2015 Khonumthung News Group. Design & Developed by ExL.

Type above and press Enter to search. Press Esc to cancel.