ခရစ်ယာန် တီဗီရုပ်သံလိုင်းထုတ်လွှင့်နိုင်ရေး ပြန်ကြားရေးဝန်ကြီးနှင့် ချင်းခရစ်ယာန် သဟာယအဖွဲ့ ဆွေးနွေး

0

By လားနွန် – ခရစ်ယာန်တီဗီရုပ်သံလိုင်း ထုတ်လွှင့်နိုင်ရေးကိစ္စနှင့်ပတ်သက်၍ ချင်းခရစ်ယာန်သဟာယအဖွဲ့ Chin Christian Alliance (CCA) ၏ ခရစ်ယာန်တီဗီရုပ်သံလိုင်း ဖြစ်မြောက်ရေးကော်မတီ ဥက္ကဌ ဒေါက်တာစောထွန်းအောင်မြင့်ဦးဆောင်သောအဖွဲ့သည် ပြန်ကြားရေးဝန်ကြီးဌာန ပြည်ထောင်စုဝန်ကြီး ဒေါက်တာဖေမြင့်နှင့် သြဂုတ်လ (၂၆) ရက်နေ့က တွေ့ဆုံဆွေးနွေးခဲ့ကြသည်ဟု သိရသည်။

ယင်းကိစ္စနှင့် ပတ်သက်၍ ချင်းခရစ်ယာန် သဟာယအဖွဲ့မှ အတွင်းရေးမှူးဒေါက်တာချယ်ရတီထူးက “Christian TV Channel ပေါ့နော်၊ လုပ်ပိုင်ခွင့်ပေးဖို့ ခွင့်တောင်းတာပါ၊ Christian TV
နိုင်ငံပေါင်းနှစ်ရာကျော်မှာရှိနေပြီ Christian TV က မြန်မာပြည်မှာ
အစိုးရခွင့်ပြုချက် တရားဝင်ခွင့်ပြုချက် တစ်ရွက်လေးပဲပေးပါ၊ သူတို့က
အကုန်လုံးနည်းပညာရော ငွေအင်အားနဲ့ရောစောင့်နေတာ သုံးနှစ်ရှိပြီ အစ်မကဒီကြားထဲမှာ ကြိုးစားနေတာပေါ့ ဒါပေမဲ့ သာသနာရေးဝန်ကြီးက ခနစောင့်ပါအုံးအခြေအနေမကောင်းသေးဘူးဆိုပြီးစောင့်ခိုင်းတာ တစ်နှစ်ကျော်သွားပြီပေါ့အဲလိုနဲ့ အခုကျတော့ အလားအလာ သဘာဝအခြေအနေပွင့်လာတဲ့အချိန်ကြတော့ ကျမတို့က ဒီပြန်ကြားရေးဝန်ကြီးကိုတွေ့ဆုံခွင့် သုံးခါတောင်းပြီ သုံးကြိမ်မြောက်မှာလက်ခံလိုက်တယ် ဆိုတော့ ၀န်ကြီးနဲ့မတွေ့ခင် ကျမတို့ပထမဆုံးတွေ့ခွင်တောင်းတုန်း အဲဒီတုန်းကတော့ God TV အဖွဲ့လာတယ်အိန္ဒိယကနေလာတယ် အမေရိကန်ဘက်ကလည်းပါတယ် ပြီးတော့ ဟောင်ကောင်ကနေလည်းပါတယ်ဆိုတော့ အဲဒီဧည့်သည် (၁၂) ယောက်လောက်နှင့်သွားကြတယ် အဲဒီတုန်းကတော့ ၀န်ကြီးက မအားတဲ့အတွက် ဒုတိယအမြဲတမ်းအတွင်းဝန်ကိုတွေ့ခွင့်ပေးတယ်
အသေးစိတ်ဆွေးနွေးထားပြီးသား လွန်ခဲ့တဲ့သုံးပတ်ကတည်းက အခုတော့ ၀န်ကြီးနှင့်တွေ့ခွင့်ပေးတော့ ၀န်ကြီးက လိုတိုရှင်းနဲ့ပြောပြတယ် မိတ်သဟာယဖွဲ့ကြတယ်ပေါ့နော်” ဟု ခိုနူမ်းသုန်ကို ပြောသည်။

နေပြည်တော် ပြန်ကြားရေးဝန်ကြီး၏ ဧည့်ခန်းမ၌ပြုလုပ်သော ထို့တွေ့ဆုံပွဲတွင် ခရစ်ယာန် တီဗီရုပ်သံလိုင်းထုတ်လွှင့်ခြင်းနှင့် ပတ်သက်၍ ၀န်ကြီး ဒေါက်တာဖေမြင့်က ရုပ်မြင်သံကြားနှင့် အသံထုတ်လွှင့်ခြင်းဆိုင်ရာ နည်းဥပဒေထွက်ရှိကာ ရုပ်မြင်သံကြားနှင့် အသံလွှင့်ကောင်စီပေါ်ပေါက်လာသည့်အချိန်ရောက်မှသာ
ကောင်စီက သတ်မှတ်ထားသော လုပ်ထုံးလုပ်နည်းနှင့် စည်းကမ်းသတ်မှတ်ချက်များအတိုင်း ဆောင်ရွက်နိုင်မည့်အခြေအနေများကို ရှင်းလင်းခဲ့သည်ဟု ယနေ့ထုတ်မြန်မာ့အလင်းသတင်းစာတွင်ဖော်ပြထားသည်။ ချင်းခရစ်ယာန် သဟာယအဖွဲ့သည် ၂၀၁၉ ဇန်န၀ါရီလ ၃၀ ရက်နေ့က စတင်တည်ထောင်ခဲ့ပြီး လက်ရှိတွင် အသင်းတော်နှင့် ဂိုဏ်းကဏအဖွဲ့အစည်း (၂၈) ပါဝင်သည်ဟု သိရသည်။ (ဓာတ်ပုံ – MOI)

Share.

About Author

Leave A Reply

*

code